Дельтиба® таблетки 50 мг

Бір таблетканың құрамында белсенді зат: деламанид, 50 мг; қосымша заттар: таблетка ядросы: гипромеллоза фталаты (220824 тип), повидон (К-25), альфа-токоферол, микрокристалды целлюлоза, натрий крахмал гликоляты (А типі), кальций кармеллозасы, коллоидты кремнийдің қостотығы, магний стеараты, лактоза моногидраты; үлбірлі қабық: гипромеллоза, макрогол 8000, титанның қостотығы, тальк, темірдің сары тотығы бояғышы (Е172). Сыртқы түрінің, иісінің, дәмінің сипаттамасы Дөңгелек пішінді, сәл дөңес, ойығы мен бір жағында «DLM» және «50» деген жазуы бар сары түсті үлбірлі қабықпен қапталған таблеткалар.

Дельтиба® препараты қоздырғыш төзімділігі немесе препарат жақпаушылығы себебінен тиімді емдеу сызбасын басқаша құрастыру мүмкін болмайтын көп түрлі дәрілік төзімділігімен (КДТ-ТА) Mycobacterium tuberculosis штаммдары тудырған өкпе туберкулезінің біріктірілген емі құрамында ересектер, жасөспірімдер мен балаларда дене салмағы 30 кг-ден бастап қолдануға көрсетілген.

Әсер ету механизмі Деламанидтің әсер ету механизмі микобактериялардың жасушалық жақтау компоненттерінің - метоксимикол және кетомикол қышқылының синтезін тежеумен байланысты. Деламанидтің анықталған метаболиттері микобактерияға қарсы әсерін көрсетпейді. Фармакодинамикалық әсерлері Белгілі бір қоздырғыштарға қатысты белсенділігі Деламанид in vitro жағдайларында, микобактерияларды қоспағанда, бактериялардың қандай да бір басқа түрлеріне әсерін көрсетпейді. Төзімділігі Микобактериялардың деламанидке төзімділігін қалыптастыратын механизм негізінде F420 коферменті 5 генінің біріндегі мутация жатыр деп саналады. Іn vitro зерттеулерінде микобактериялардың деламанидке өздігінен болатын төзімділігінің даму жиілігі изониазидтегі осынысымен салыстырмалы болды, ал рифампицинге төзімділігінің даму жиілігінен жоғары. Деламанидке төзімділігінің емдеу кезінде туындағаны анықталды (4.4 бөлімін қараңыз). Претоманидті қоспағанда, деламанидке және қазіргі уақытта қолданылып жүрген туберкулезге қарсы басқа дәрілік препараттарға айқаспалы төзімділігі анықталмады. Іn vitro зерттеулерінде претоманидке айқаспалы төзімділігі көрсетілді. Оның деламанид пен претоманидтің бір ғана жолмен белсенділенуіне байланысты болуы ықтимал. Дәрілік сезімталдықты анықтау кезіндегі шектес мәндер Егер сезімталдыққа тест өткізу үшін 7H11 агар ортасы пайдаланылса, ұсынылатын эпидемиологиялық шек (ECOFF) және деламанид үшін сезімталдық сынақтарын түсіндіру критерийлері мыналарды қамтиды: ECOFF: 0,016 мг/л Төзімділігін жіктеу шекарасы: S ≤ 0,016 мг/л; R > 0,016 мг/л S = сезімталдық; R = төзімділік. Клиникалық тиімділігі және қауіпсіздігі Клиникалық зерттеулер деректері КДТ-ТА емдеуіне арналған деламанидті бағалау салыстырмалы жасырын плацебо бақыланатын 2 зерттеуде жүзеге асырылды. Қақырық өсіріндісінің конверсиясын (ҚӨК) бағалау тағайындалған емдеуге сәйкес қалыптасқан модификацияланған қауымда жүргізілді, онда қосылу сатысында КДТ-ТА критерийлеріне жауап беретін сеппенің оң нәтижесі болған пациенттер қамтылды. Бірінші зерттеуде (204 зерттеу) тәулігіне екі рет 100 мг деламанидпен + оңтайландырылған базалық режимде емдеу тобына бөлінген 64/141 (45,4%) пациентте және плацебо + оңтайландырылған базалық режимде емдеу тобына бөлінген 37/125 (29,6%) пациентте 2 ай өткен соң ҚӨК басталды. Тәулігіне екі рет 100 мг деламанидпен ем қабылдаған топта ҚӨК басталуына дейінгі уақыт кезеңі плацебо алған топта қысқа болды. Екінші зерттеуде (213 зерттеуі) деламанид тәулігіне екі рет 100 мг + оңтайландырылған базалық режим 2 айға ішке тағайындалып, 4 ай бойы тәулігіне бір рет 200 мг қабылдауға ұласты. Деламанид қабылдаған топта ҚӨК дейінгі уақыт медианасы, плацебо алған топтағы 57 күнмен салыстырғанда, 51 күнге созылды. Деламанид қабылдаған топтағы пациенттердің 87,6%-да (198/226), плацебо + оңтайландырылған базалық режим алған топтағы пациенттердің 86,1%-мен (87/101) салыстырғанда, 6 ай емделуден соң ҚӨК мәніне қол жеткізілді. ҚӨК сәтіне дейін болмайтын барлық сеппелер бастапқы талдауда оң нәтижелі болып саналды. Екі сезімталдық талдауы жасалды: соңғы қадағалау деректерін алға ауыстырумен жасалатын талдау (LOCF) және «bookending» әдісін қолданумен жасалатын талдау (теріс нәтижесін анықтау үшін сеппенің алдыңғысының да, кейінгісінің де теріс болуы талап етілді, керісінше жағдайда нәтижесі оң болып саналды). Екі талдау да деламанид + оңтайландырылған базалық режим алған топта ҚӨК дейінгі уақыт медианасының 13 күнге аз болғанын көрсетті (LOCF әдісі үшін p = 0,0281 және «bookending» әдісі үшін p = 0,0052). Деламанидке төзімділігі (ең төмен тежегіш концентрациясы (ЕТК) ≥ 0,2 мкг/мл ретінде) анықталды және зерттеуге қосылу сатысында 204 зерттеудегі 316 пациенттің 2-де және 213 зерттеудегі 511 пациенттің 2-де (827 пациенттен 4 (0,48%)) болды. 213 зерттеуінде деламанидке төзімділігі 6 айда деламанид тобындағы 341 пациенттің 4-де (1,2%) байқалды. Осы 4 пациент деламанидке қосымша басқа екі дәрілік препаратты ғана қабылдады. Балалар Базалық ем режимімен біріктірілімде деламанидтің фармакокинетикасы, қауіпсіздігі және тиімділігі 242-12-232 зерттеуінде (10-күндік фармакокинетикасы) бағаланып, кейін салыстырмалы емес сипатта болған -233 зерттеумен (фармакокинетикасы, тиімділігі және қауіпсіздігі) және 25-і (67,6%) монғолдар және 19-ы (51,4%) әйел жынысынан болған 4,55 жас медианасымен (0,78-ден 17,60 дейінгі диапазонда) 37 пациент қатысқан ашық зерттеулермен жалғасты. Балалар жасындағы пациенттер төрт топқа бөлінді: 1 топ: 12-ден 17 жасқа дейін (7 пациент), 2 топ: 6-дан 11 жасқа дейін (6 пациент), 3 топ: 3-тен 5 жасқа дейін (12 пациент) және 4 топ: 0-ден 2 жасқа дейін (12 пациент). Жалпы орташа бастапқы дене салмағы 19,5 кг болып, 1, 2, 3 және 4 топтарда орташа дене салмағы, тиісінше, 38,4, 25,1, 14,8 және 10,3 кг құрады. Пациенттерде расталған КДТ-ТА инфекциясы болды, әрі олар деламанидпен + оңтайландырылған базалық режимде 26-апталық емдеу курсынан өтуі тиіс, ал одан кейін ДДҰ нұсқауларына сәйкес, оңтайландырылған базалық режимде емделуді жалғастырады. 1 және 2 топтардағы пациенттер үлбірлі қабықпен қапталған таблеткаларды қабылдады. Деламанид дозасы 1 топта тәулігіне екі рет 100 мг және 2 топта тәулігіне екі рет 50 мг құрады. Енгізілген дозалар балалардағы дене салмағы негізінде қазіргі уақытта ұсынылған дозаларынан жоғары болды. ФК қауымдық талдауы балалар жасындағы пациенттерде дозаларын белгілеу үшін 2 педиатриялық зерттеу деректеріне жүргізілді, онда деламанид экспозициясының КДТ-ТА бар ересек пациенттердегісімен салыстырмалы болғаны туралы ақпарат мазмұндалған. Дәрілік препарат шартты мақұлдау рәсімі бойынша тіркелген. Бұл осы дәрілік препарат туралы қосымша деректер күтілетінін білдіреді. Еуропалық дәрілік заттар агенттігі аталған дәрілік препаратқа қатысты жаңа ақпаратты, кем дегенде, жыл сайын бағалайтын болады, ал осы ДПЖС, қажеттілігіне қарай, жаңартылатын болады.

Дозалау режимі Ересектер Ересектер үшін ұсынылатын доза 24 апта бойы тәулігіне екі рет 100 мг құрайды. Жасөспірімдер және балалар Балалар жасындағы пациенттерге дене салмағы: • ≥ 30-дан < 50 кг дейін: ұсынылатын доза 24 апта бойы тәулігіне екі рет 50 мг құрайды; • ≥ 50 кг: ұсынылатын доза 24 апта бойы тәулігіне екі рет 100 мг құрайды. Енгізу әдісі және жолы Дельтиба® препараты ішке қабылдауға арналған. Таблетканы жеткілікті су мөлшерімен іше отырып, тұтастай жұту қажет. Таблетканы ас ішу кезінде немесе одан кейін бірден қабылдау керек. Емдеу ұзақтығы Деламанидпен жалпы емдеу ұзақтығы 24 аптаға созылады. Дәрілік препаратты 24 аптадан артық қолдану деректері тым шектеулі, алайда, емдеуші дәрігер дәрі-дәрмекпен емдеуге ең үздік жауапқа жету мақсатында ұзағырақ емдеу шешімін қабылдай алады. Дәрілік препараттың бір немесе бірнеше дозасын өткізіп алу кезіндегі қажетті шаралар Егер Сіз дозаны өткізіп алсаңыз, бұл жөнінде еске түсірген бойда, препаратты бірден қабылдаңыз. Алайда, егер Сіз дәрілік препарат туралы келесі дозаны қабылдау керек дерлік уақытта еске түсірсеңіз, өткізіп алған дозаны қабылдамаңыз. Өткізіп алған таблеткалар орнын толтыру мақсатында екі есе дозасын қабылдамаңыз. Осы дәрілік препаратты қабылдамас бұрын емдеуші дәрігерге қаралыңыз. Препаратты үнемі емдеуші дәрігер нұсқауларымен толық сәйкестікте қабылдаңыз. Күмән пайда болса, емдеуші дәрігермен кеңесіңіз.

- Деламанидке немесе қосымша заттардың кез келгеніне аса жоғары сезімталдық. - Қан сарысуы альбуминінің < 2,8 г/дл концентрациясы. - CYP3A4 (P450 3A4 цитохромы) қуатты индукторлары болып табылатын дәрілік препараттарды (мысалы, карбамазепин) бір мезгілде қолдану.

Жағымсыз реакциялар MedDRA жүйе-ағза кластарына сәйкес ұсынылды. Әр класс шегінде жағымсыз реакциялар кездесу жиілігінің санаттары бойынша бөлінген: өте жиі (≥ 1/10), жиі (≥ 1/100, бірақ <1/10), жиі емес (≥ 1/1000, бірақ < 1/100), сирек (≥ 1/10000, бірақ < 1/1000), өте сирек (<1/10000), жиілігі белгісіз (қолда бар деректер негізінде бағалау мүмкін емес). Әр жиілік санатында жағымсыз реакциялар күрделілігінің кему ретімен ұсынылған. Кесте: Деламанидке жағымсыз дәрілік реакциялар. Жүйе-ағза класы — Жиілік класы Өте жиі — Жиі — Жиі емес — Белгісіз Эндокриндік бұзылулар — - — Гипотиреоидизм1 — - — - Метаболизм және тамақтану бұзылулары — Тәбет төмендеуі — - — - — - Психикалық бұзылулар — Ұйқы бұзылыстары және бұзылулары2 — Психоздық бұзылыс3Үрей сезімі4 Депрессия5 Елестеулер6 — - — - Жүйке жүйесі тарапынан бұзылулар — Бас айналу Бас ауыру7 — Гипестезия Тремор — Летаргия — - Жүрек тарапынан бұзылулар — - — 1 дәрежедегі атриовентрикулярлық бөгеліс Қарыншалық экстрасистолалар Жүрек қағу — - — - Тыныс алу, кеуде қуысы және көкірек ортасы ағзалары тарапынан бұзылулар — - — Тамақтың тітіркенуі — - — - Асқазан-ішек бұзылулары — Жүрек айну Құсу Гастрит8 — Диспепсия — - — - Бұлшықет, қаңқа және дәнекер тін тарапынан бұзылулар — - — Бұлшықет әлсіздігі Бұлшықеттердің түйілуі — - — - Жалпы бұзылулар және енгізген жердегі реакциялар — - — Кеуде қуысының ауыруы — - — Парадокстық реакциялар Зертханалық және құралмен тексеру деректері — - — Кортизол деңгейінің жоғарылауы9 Электрокардиограммада QT аралығының ұзаруы — - — - Бір ғана медициналық тұжырымдаманы немесе жай-күйді білдіретін терминдер бірге топтастырылған және бір жағымсыз дәрілік реакция ретінде сипатталған. Салыстырмалы жасырын клиникалық зерттеулерде тіркелген және нақты жағымсыз реакцияға қатысты ұтымды терминдер төменде жақшаларда көрсетілген: • Гипотиреоидизм (гипотиреоидизм, бастапқы гипотиреоз) • Ұйқы бұзылыстары және бұзылулары (ұйықтап кетудің нашарлауы, ұйқысыздық, ұйқы бұзылысы, түнгі қорқынышты түстер) • Психоздық бұзылыс (жедел психоз; психоздық бұзылыс; қайта белсенділенген психоз; заттарды тұтынудан болған психоздық бұзылыс) • Үрей сезімі (үрей сезімі, үрейлі бұзылыс, жайылған үрейлі бұзылыс) • Депрессия (көңіл-күйдің жабырқауымен болатын дағдылану бұзылысы; көңіл-күйдің түсіп кетуі; депрессия; ауқымды депрессия; аралас үрейлі және депрессиялық бұзылыс; орныққан депрессиялық бұзылыс; шизоаффектілі бұзылыс, депрессиялық тип) • Елестеулер (елестеулер; есту арқылы елестеулер; көру арқылы елестеулер; жанасу арқылы елестеулер; аралас елестеулер; гипнопомпалық елестеулер; гипнагогалық елестеулер) • Бас ауыру (бастың жайсыздануы, бас ауыру, бас сақинасы, синустық цефалгия, тензиондық бас ауыру, тамырлы бас ауыру) • Гастрит (созылмалы гастрит, гастрит, эрозиялық гастрит) • Кортизол деңгейінің жоғарылауы (Кушинг синдромы, бастапқы гиперкортицизм, кортизол деңгейінің жоғарылауы) Жекелеген жағымсыз реакциялар сипаттамасы ЭКГ-да QT аралығының ұзаруы 2 және 3 фаза зерттеулерінде күніне 200 мг деламанид қабылдаған пациенттерде, бастапқы мәндермен салыстырғанда, орташа түзетілген QTcF мәнінің, тиісінше, емнің бірінші айынан кейін 4,7-7,6 мс және емнің 2 айынан кейін 5,3-12,1 мс артуы байқалды. QTcF > 500 мс жоғарылау жағдайларының жиілігі тәулігіне 200 мг деламанид қабылдаған пациенттерде 0,6%-дан бастап (0/160)-2,1%(7/341), плацебо+ОБЕС пациенттерінде 0% дейін (0/160)-1,2% (2/170) ауытқыды. Сонымен қатар, QTcF > 60 мс жоғарылау жағдайларының жиілігі тәулігіне 200 мг деламанид қабылдаған пациенттерде 3,1%-дан бастап (5/161)-10,3% (35/341), плацебо қабылдаған пациенттерде 0% дейін (0/160)-7,1% (12/170) ауытқыды. Сонымен қатар, QTcF > 60 мс жоғарылау жағдайларының жиілігі тәулігіне 200 мг деламанид қабылдаған пациенттерде 3,1%-дан бастап (5/161)-10,3% (35/341) плацебо қабылдаған пациенттерде 0% дейін (0/160)-7,1% (12/170) ауытқыды. Жүректің соғуын сезіну 2 және 3 фаза зерттеулерінде деламанид + ОБЕС қабылдап жүрген пациенттерде осы құбылыс жиілігі 7,9% (жиілік санаты – «жиі»), ал плацебо + ОБЕС қабылдаған пациенттерде 6,7% құрады. Балалар Жасы 0-ден 17 жасқа дейінгі балалар жасындағы 37 пациентті зерттеу деректері негізінде балалардағы жағымсыз реакциялардың жиілігі, типі мен ауырлық дәрежесі ересектердегі сияқты болады деп жорамалданады. Тіркеуден кейінгі кезеңде елестеулер жағдайлары көбінесе балаларда байқалды. Клиникалық зерттеулерде елестеулер жағдайлары балаларда да (5,4%), ересектерде де (1%) тіркелді. Тіркеуден кейінгі кезеңде түнгі қорқынышты түстер туындаған жағдайлар көбінесе балаларда байқалды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты тәулігіне 2 рет х 200 мг дозада (яғни, барлығы 400 мг) қабылдаған пациенттерде деламанидтің жалпы қауіпсіздік бейіні препаратты тәулігіне 2 рет х 100 мг ұсынылған дозада қабылдап жүрген пациенттердегі жалпы қауіпсіздік бейінімен салыстырмалы. Сонымен қатар, кейбір жағымсыз реакциялар өте жоғары жиілікте байқалды, ал QT аралығының ұзару жағдайларының жиілігі дозаны арттырғанда жоғарылады. Артық дозалануды емдеу үшін кейінге қалдырмастан деламанидті асқазан-ішек жолынан шығару және демеуші емді пайдалану керек. Жиі ЭКГ бақылауы қажет.

Дельтиба® дәрілік препаратымен емдеуді көп түрлі дәрілік төзімділігімен (КДТ-ТА) Mycobacterium tuberculosis тудырған туберкулезді емдеу тәжірибесі бар дәрігер бастауы немесе бақылап отыруы тиіс. Дельтиба® дәрілік препаратын үнемі КДТ-ТА емдеуінің оңтайлы біріктірілген сызбасының құрамында тағайындау керек. Дүниежүзілік денсаулық сақтау ұйымының (ДДҰ) нұсқаулығына сәйкес, деламанидпен 24-апталық емдеу кезеңі аяқталған соң оңтайлы біріктірілген сызба бойынша ем жалғастырылуы тиіс. Емдеуді тікелей қадағалаумен (ТҚЕ) жүргізуге кеңес беріледі. Арнайы сақтандырулар Деламанидті мыналарды емдеу үшін қолдану жөнінде клиникалық деректер жоқ: - өкпеден тыс туберкулез (мысалы, орталық жүйке жүйесі, сүйектер); - микобактериялардың басқа түрлері тудырған инфекциялар, M. Tuberculosis кешенін қоспағанда; - M. Tuberculosis тудырған жасырын инфекция. Дәріге сезімтал M. tuberculosis штаммдары тудырған туберкулезді емдеудің біріктірілген режимі құрамында деламанидті қолдану жөнінде клиникалық деректер жоқ. Деламанидке төзімділік ДДҰ нұсқауларына сәйкес, деламанидке төзімділік қалыптасуын болдырмау мақсатында деламанид тек қана КДТ-ТА біріктірілген емінің тиісті режимі құрамында қолданылуы тиіс. QT аралығының ұзаруы Деламанид қабылдаған пациенттерде QT аралығының ұзаруы байқалды. QT аралығы емдеудің алғашқы 6-10 аптасы ішінде уақыт өте біртіндеп ұзарады, ал кейіннен тұрақты күйде қалады. QT аралығының ұзаруы DM-6705 негізгі метаболитінің мөлшерімен нақты өзара байланысты болады. Қан плазмасының альбумині мен CYP3A4 изоферменті DM-6705 түзілуі мен метаболизмін реттейді («Айрықша нұсқаулар» қосалқы бөлімін қараңыз). Жалпы нұсқаулар Емдеу басталғанша және деламанидпен бүкіл емдеу курсы бойына ай сайын электрокардиограмманы (ЭКГ) тіркеу ұсынылады. Егер деламанидтің алғашқы дозасын қабылдар алдында немесе емдеу кезінде QTcF > 500 мс байқалса, деламанидпен емдеу басталмайды немесе препарат тоқтатылады. Егер деламанидпен емделу кезінде QTc аралығының ұзақтығы (450 мс ерлерде)/470 мс (әйелдерде) мәндерінен асып кетсе, осындай пациенттерге жиірек ЭКГ мониторингін өткізу қажет. Емдеуді бастар алдында қан сарысуындағы электролиттер, мысалы, калий деңгейлерін анықтау және егер олар бар болса, қалып шегінен ауытқуларын түзету де ұсынылады. Айрықша нұсқаулар Жүрек ауруларын дамытатын қауіп факторлары Егер оны қолданудан болуы мүмкін пайдасы ықтималды қауіптерінен асып кетсе, келесі қауіп факторлары бар пациенттерге деламанидпен емдеу тағайындауға болмайды. Осындай пациенттер деламанидпен емдеудің бүкіл кезеңі бойына өте жиі ЭКГ мониторингтеуін қажет етеді. - QTc аралығы ұзаруының анықталған тұқым қуалайтын синдромы немесе QTc аралығының ұзаруына немесе > 500 мс QTc аралығына алып келуі мүмкін кез келген клиникалық жай-күйлер. - Анамнездегі жүрек ырғағының клиникалық мәнді бұзылулары немесе клиникалық мәнді брадикардия. - Ауыр артериялық гипертензия, сол жақ қарынша гипертрофиясы (оның ішінде гипертрофиялық кардиомиопатия) немесе сол жақ қарыншаның лықсыту фракциясының төмендеуімен іркілісті жүрек жеткіліксіздігі сияқты аритмиялардың дамуына бейімдейтін жүректің кез келген аурулары. - Электролиттер деңгейлерінің ауытқулары, әсіресе, гипокалиемия, гипокальциемия немесе гипомагниемия. - QTc аралығының ұзаруын тудыруға қабілетті дәрілік препараттарды қолдану. Оларға мыналар жатады (атап көрсетілгендермен шектелмей): - Аритмияға қарсы препараттар (мысалы, амиодарон, дизопирамид, дофетилид, ибутилид, прокаинамид, хинидин, гидрохинидин, соталол). - Нейролептиктер (мысалы, фенотиазиндер, сертиндол, сультоприд, хлорпромазин, галоперидол, мезоридазин, пимозид, тиоридазин), антидепрессанттар. - Микробқа қарсы кейбір препараттар, оның ішінде: - макролидтер (мысалы, эритромицин, кларитромицин); - моксифлоксацин, спарфлоксацин; - бедаквилин; - зеңге қарсы препараттар, триазол туындылары; - пентамидин; - саквинавир. - Тыныштандыру әсері жоқ кейбір антигистаминдік препараттар (мысалы, терфенадин, астемизол, мизоластин); - QT аралығының ұзаруын тудыруға қабілетті безгекке қарсы кейбір препараттар (мысалы, галофантрин, хинин, хлорохин, артесунат/амодиахин, дигидроартемизинин/пиперакин) - Цизаприд, дроперидол, домперидон, бепридил, дифеманил, пробукол, левометадил, метадон, қабіршөп алкалоидтары, мышьяк триоксиді. ГипоальбуминемияКлиникалық зерттеуде деламанид қабылдаған пациенттерде гипоальбуминемияның QTc аралығы ұзаруының өте жоғары қаупімен қатар жүретіні анықталды. Деламанид альбумин концентрациясы < 2,8 г/дл пациенттерге қарсы көрсетілімді. Деламанид қабылдауды қан сарысуы альбуминінің < 3,4 г/дл концентрациясында бастаған немесе альбумин концентрациясының жоғарыда көрсетілген емдеу кезіндегі деңгейіне дейін төмендеуі болған пациенттерге деламанид қабылдаудың бүкіл кезеңі бойына өте жиі ЭКГ бақылауы қажет болады. CYP3A4 изоферментінің қуатты тежегіштерімен бір мезгілде қолдану Деламанидті CYP3A4 изоферментінің қуатты тежегішімен (лопинавир/ритонавир) бірге қолдану DM-6705 метаболиті экспозициясының 30% ұлғаюымен қатар жүрді, онымен QTc аралығының ұзаруы қатарласты. Демек, егер деламанидті CYP3A4 изоферментінің қандай да бір қуатты тежегішімен бір мезгілде тағайындау қажет болса, деламанид қабылдаудың бүкіл кезеңі бойына өте жиі ЭКГ мониторингтеу ұсынылады. Деламанидті хинолондармен бір мезгілде қолдану QTcF аралығы 60 мс мәнінен артық ұзару жағдайларының бәрі фторхинолондармен бір мезгілде қабылдау кезінде білінді. Сондықтан, КДТ-ТА емімен бір мезгілде фторхинолондар қолдану қажет болса, деламанидпен емдеудің бүкіл кезеңі бойына өте жиі ЭКГ мониторингтеу ұсынылады. Бауыр функциясының бұзылуы Дельтиба® препаратын бауыр жеткіліксіздігінің ауырлығы орташа және ауыр дәрежедегі пациенттерге тағайындау ұсынылмайды. Бүйрек функциясының бұзылуы Бүйрек функциясының бұзылуы ауыр пациенттерде деламанидті қолдану деректері жоқ, осы жағдайда препаратты қолдану ұсынылмайды. Парадокстық реакциялар Тіркеуден кейінгі кезеңде парадокстық реакциялардың даму жағдайлары (бұрын тиісті микобактерияға қарсы емдеу кезінде ауруды емдеудің оң динамикасы болған пациенттердегі клиникалық немесе рентгенологиялық нашарлау немесе жаңа зақымдану ошақтарының дамуы) хабарланды. Парадокстық реакциялар өтпелі сипатта жиі болады және емдеуге жауаптың болмауы ретінде қате түсіндірілмеуі тиіс. Парадокстық реакцияның дамуына күмән туындағанда тағайындалған біріктірілген емді жалғастыру, ал қажет болса, айқын иммундық реакцияны басу үшін тиісті симптоматикалық емді тағайындау ұсынылады. Қосымша заттар Дельтиба®, 50 мг, үлбірлі қабықпен қапталған табелткалар құрамында лактоза бар. Бұл препаратты сирек кездесетін, тұқым қуалайтын галактоза жақпаушылығы, жалпы лактаза тапшылығы немесе глюкоза-галактоза мальабсорбциясы бар пациенттерге қабылдауға болмайды. Пациенттердің ерекше топтары Егде жастағы (> 65 жас) пациенттер Препаратты егде жастағы пациенттерде қолдану деректері жоқ. Балалар Дене салмағы 30 кг-ден аз педиатриялық пациенттерде Дельтиба®, 50 мг, үлбірлі қабықпен қапталған таблеткалар препаратын қолдану қауіпсіздігі мен тиімділігі туралы деректер шектеулі. Осындай пациенттерді дозалау режимі бойынша ұсынымдар жоқ. Биотрансформациясы және шығарылуы Адамда деламанидтің толық метаболизмдік бейіні әзірге анықталмады. Демек, деламанидті пайдалану кезінде клиникалық тұрғыда мәнді дәрілік өзара әрекеттесудің даму ықтималдығын және QTc аралығына әсерінің толық бағасын қоса, осындай өзара әрекеттесуден болуы мүмкін зардаптарды сенімді жорамалдау мүмкін емес. Препараттың көлік құралын немесе қауіптілігі зор мехнаизмдерді басқару қабілетіне әсер ету ерекшеліктері Дельтиба® препаратының көлік құралдарын басқару және механизмдермен жұмыс істеу қабілетіне орташа әсер етеді деп болжанады. Пациенттерге осы әрекеттерді орындау қабілетіне ықтималды ықпал ететін кез келген жағымсыз реакциялары болғанда (мысалы, бас ауыру мен тремор өте жиі туындайды) механизмдерді жүргізуден және олармен жұмыс істеуден бас тартуға кеңес беру керек.

Жүкті әйелдерде деламанидті қолдану деректерінің көлемі тым шектеулі. Деламанид жүкті әйелдерге немесе бала тууға қабілетті әйелдерге, егер олар сенімді контрацепция әдісін қолданбаса, тағайындауға ұсынылмайды. Аталған дәрілік зат немесе оның метаболиттерінің адамда емшек сүтімен шығарылуы-шығарылмауы белгісіз. Жануарлардағы фармакокинетикасы бойынша қолда бар деректерге сай, деламанид және (немесе) оның метаболиттері емшек сүтіне өтеді. Емшек сүтімен қоректенуде жүрген сәби үшін болжанатын қаупін жоққа шығаруға болмайтындықтан, деламанидпен емдеу кезінде бала емізуге кеңес берілмейді.

CYP3A4 индукторлары Дені сау қатысушыларда дәрілік өзара әрекеттесуге бағалау жүргізілген клиникалық зерттеулерде CYP3A4 изоферментінің қуатты индукторын (тәулігіне 300 мг рифампицин) деламанидпен (тәулігіне 200 мг) бірге 15 күн қабылдаудан кейін деламанид экспозициясының 45% дейін төмендеуі анықталды. Деламанидті тәулігіне екі рет 100 мг дозада 10 күн бойы тәулігіне 600 мг дозадағы әлсіз индуктор - эфавирензбен бірге қабылдағанда оның экспозициясының клиникалық мәнді төмендеуі байқалмады. Ретровирусқа қарсы препараттар Дәрілік өзара әрекеттесуге бағалау жүргізілген клиникалық зерттеулерде дені сау еріктілер деламанидті монотерапия режимінде (тәулігіне екі рет 100 мг) және 14 күн бойы тенофовир дизопроксилімен (тәулігіне 245 мг) немесе лопинавир/ритонавирмен (тәулігіне 400/100 мг) және 10 күн бойы эфавирензбен (тәулігіне 600 мг) біріктірілімде қабылдады. Тенофовир дизопроксилі мен эфавиренз сияқты ретровирусқа қарсы препараттармен бір мезгілде қолдану кезінде деламанид экспозициясы өзгермеді (айырмасы < 25%), бірақ құрамында лопинавир/ритонавир бар ретровирусқа қарсы препаратпен бірге қолданғанда біршама ұлғайды. Деланамидтің басқа дәрілік препараттарға әсері In vitro зерттеулерінде деламанидтің CYP450 изоферменттерін тежемейтіні анықталды. In vitro зерттеулерінің қорытындылары деламанид пен оның метаболиттерінің тепе-теңдік күйінде ең жоғары концентрациясынан (Cmax) шамамен 5-20 есе асып кететін концентрацияларда қандай да бір үлгіде MDR1 (p-гликопротеин), BCRP, OATP1, OATP3, OCT1, OCT2, OATP1B1, OATP1B3 және BSEP тасымалдаушы ақуыздарына ықпал етпейтінін көрсетті. Алайда, ішек саңылауында деламанид концентрациясы жоғарыда көрсетілген көрсеткіштерден едәуір асып кетуі мүмкін екенін ескерсек, деламанидтің аталған тасымалдаушы-ақуыздарға ықпал ету ықтималдығы бар. Туберкулезге қарсы препараттар Дәрілік өзара әрекеттесу бағалауы жүргізілетін клиникалық зерттеулерде дені сау еріктілер деламанидті монотерапия режимінде (тәулігіне 200 мг) және 15 күн бойы рифампицин/изониазид/пиразинамидпен (тәулігіне 300/720/1800 мг) немесе этамбутолмен (тәулігіне 1100 мг) біріктірілімде қабылдады. Туберкулезге қарсы қатарлас препараттар (рифампицин, изониазид, пиразинамид) экспозициясына ықпалы болмады. Деламанидпен бірге қолдану плазмадағы этамбутолдың тепе-тең концентрациясын (шамамен 25%) едәуір арттырды, осы құбылыстың клиникалық мәні белгісіз. Ретровирусқа қарсы препараттар Дәрілік өзара әрекеттесуінің клиникалық зерттеулерінде дені сау еріктілерде деламанид монотерапия режимінде (тәулігіне екі рет 100 мг) және тенофовир дизопроксилімен (тәулігіне бір рет 245 мг), лопинавир/ритонавирмен (тәулігіне бір рет 400/100 мг) 14 күнге және эфавирензбен (тәулігіне бір рет 600 мг) біріктірілімде 10 күнге тағайындалды. Деламанид тенофовир дизопроксилі, лопинавир/ритонавир мен эфавиренз сияқты ретровирусқа қарсы препараттармен біріктіргенде осы дәрілік препараттар экспозициясына ықпал етпеді. QTc аралығын ұзартуға қабілетті дәрілік препараттар QTc аралығын ұзартуға қабілетті препараттарды қабылдап жүрген пациенттерді деламанидпен емдеу кезінде сақ болу керек. КДТ-ТА бар пациенттерде моксифлоксацин мен деламанидті біріктіріп қолдану жөніндегі зерттеулер жүргізілмеген. Деламанид қабылдап жүрген пациенттерге моксифлоксацин тағайындау ұсынылмайды.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары Ылғалдан қорғау үшін түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!