ДЕПАКИН® ХРОНО таблетки 300 мг

Бір таблетканың құрамында белсенді заттар: натрий вальпроаты 199,8 мг, вальпрой қышқылы 87,0 мг (бұл 300 мг натрий вальпроатына сәйкес) қосымша заттар: гипромеллоза 4000, этилцеллюлоза, натрий сахарині, гидратталған коллоидты кремнийдің қостотығы. қабықтың құрамы: гипромеллоза, макрогол 6000, тальк, титанның қостотығы (Е171), полиакрилатты дисперсия 30%. Сыртқы түрінің, иісінің, дәмінің сипаттамасы Ақ дерлік түсті үлбірлі қабықпен қапталған, бөлу сызығы бар ұзынша таблеткалар.

• эпилепсияны емдеу негізінен бастапқы эпилепсияның жалпыланған түрлерінде монотерапия ретінде (шағын құрысулар/абсанстар, ауқымды екі жақты миоклонустық ұстамалар; миоклонуспен немесе онсыз тонус-клонустық ұстамалар, фотосенситивті түрлері) монотерапия ретінде • эпилепсияны емдеуде монотерапия ретінде немесе эпилепсияға қарсы басқа дәрілермен біріктіріп келесі көрсетілімдерде: • салдарлы жалпыланған эпилепсия, атап айтқанда, Вест синдромы және Леннокс – Гасто синдромы, • қарапайым немесе кешенді парциальді ұстамалар (психомоторлық және психосенсорлық түрлері), • салдарлы жалпыланған эпилепсия, • аралас түрлер (жалпыланған және парциальді), • биполярлық бұзылыстармен байланысты маниакальді көріністерді емдеу, қарсы көрсетілімдер немесе литий жақпаушылығы жағдайында, маниакальді көріністерін вальпроатпен емдеу мүмкін болған биполярлық бұзылыстары бар ересек пациенттерде қайталануларының профилактикасы.

Нұсқаулықта көрсетілмеген.

Қыз балалар, ұрпақ өрбіту потенциалы бар әйелдер және жүкті әйелдер Вальпроатпен емдеуді эпилепсияны немесе биполярлық бұзылыстарды емдеу тәжірибесі бар маманның қадағалауымен бастау керек. Вальпроатты, басқа емдеу әдістері тиімсіз немесе басқа емдеудің баламалы әдістерінің жақпаушылығы болған жағдайларды қоспағанда, қыз балалар мен ұрпақ өрбіту потенциалы бар әйелдерге тағайындауға болмайды. Егер ешбір басқа ем жасау мүмкін болмаса, Жүктіліктің алдын алу бойынша бағдарламаға сәйкес ем жүргізу керек. Әрбір қарап тексергенде емдеуді жүйелі бақылаудың бір бөлігі ретінде вальпроатпен емдеудің пайда және қауіп арақатынасын қайтадан мұқият бағалау керек. Ерекше жағдайларда, вальпроат жүктілік кезінде эпилепсиямен ауыратын әйелдерге арналған жалғыз терапиялық дәрі болған кезде, вальпроатты монотерапия ретінде минималды тиімді дозада тағайындаған жөн және қан плазмасындағы концентрацияның жоғары шыңдарын болдырмау үшін баяу босап шығатын дәрілік түрлерді қолданған жөн. Босап шығуы баяу емес препараттардың тәуліктік дозасын кемінде бір реттік екі дозаға бөлу керек . Құрамында эстроген бар препараттар Вальпроат гормональді контрацептивтер тиімділігін төмендетпейді. Алайда, құрамында эстроген бар гормональді контрацептивтерді қоса, құрамында эстроген бар препараттар вальпроат клиренсін арттыруы мүмкін, бұл қан сарысынуда вальпроат концентрациясының төмендеуіне және емдік әсердің потенциалды төмендеуіне әкелуі мүмкін. Құрамында эстроген бар препараттарды қабылдауды бастау немесе тоқтату кезіндегі клиникалық жауапты (ұстамаларды немесе көңіл-күйді бақылау) емдеуші дәрігер қадағалап отыруы тиіс. Қан сарысуындағы вальпроат деңгейін бақылау қажет. Дозалау режимі • Эпилепсияда Стандартты доза Тәуліктік доза жасына және дене салмағына сәйкес анықталады, алайда препаратқа сезімталдықтың жоғары ауытқушылығын ескеру қажет. Оңтайлы доза емге алынған клиникалық жауапқа сәйкес анықталады. Ұстамаларды қанағаттанарлықсыз бақылау немесе жағымсыз реакциялардың даму мүмкіндігіне күдік туындаған жағдайда, клиникалық бақылаудан басқа, дәрілік заттың қан плазмасындағы концентрациясын анықтау қажет болуы мүмкін. Бірінші желідегі пероральді монотерапия Баяу босап шығатын ДЕПАКИН® ХРОНО препаратын қолдану препаратты бір реттік тәуліктік доза ретінде қолдануға мүмкіндік береді. Тамақтанудың басында қабылдау дұрыс болатын орташа тәуліктік дозасы көбінесе мынадай: • Жаңа туған нәрестелер мен балалар үшін дене салмағының 25 мг/кг; • Жасөспірімдер үшін дене салмағының 20-25 мг/кг; • Ересектер үшін дене салмағының 20 мг/кг; • Егде жастағы пациенттер үшін дене салмағының 15-20 мг/кг. Мүмкіндігінше, ДЕПАКИН® ХРОНО препаратымен емдеуді дене салмағының 10-15 мг/кг тәуліктік дозасынан бастап біртіндеп бастау керек, содан кейін оны 2-3 күн сайын жоғарылатады, осылайша оңтайлы дозаға шамамен бір апта ішінде қол жеткізіледі. Егер монотерапия жағдайында келесі дозаларға қол жеткізілсе, бақылау кезеңін бастауға болады: егде жастағы пациенттер үшін тәулігіне 15 мг/кг, ересектер мен жасөспірімдер үшін тәулігіне 20 мг/кг және балалар мен нәрестелер үшін тәулігіне 25 мг/кг. Клиникалық тиімділікке қол жеткізгеннен кейін бұл дозаны одан әрі сақтау керек. Сирек жағдайларда, әсіресе монотерапияда, егде жастағы пациенттер үшін дене салмағының 25 мг/кг-нан астам, ересектер мен жасөспірімдер үшін дене салмағының 30 мг/кг-нан астам және балалар мен нәрестелер үшін дене салмағының 35 мг/кг-нан астам тәуліктік дозаларын қолдану қажет. Дегенмен де, егер осындай дозалар аралығында эпилепсия ұстамалары бақыланбайтын болса, дозаны арттыруға болады. Дене салмағының 50 мг/кг-нан асатын тәуліктік дозаларын тәулік ішінде 3 дозаға бөлген жөн. Бұл ретте қосымша клиникалық бақылау және зертханалық көрсеткіштерді бақылау қажет. ДЕПАКИН® ХРОНО препаратын басқа эпилепсияға қарсы препараттармен біріктіріп қолдану Егер пациент эпилепсияға қарсы басқа да препараттарды қабылдап жүрсе, ДЕПАКИН® ХРОНО препаратымен емдеуді біртіндеп, бірінші желідегі монотерапия ретінде бастаған жөн. Алынуы тиіс тағайындалған орташа тәуліктік доза әдетте монотерапия кезіндегідей. Алайда, белгілі бір жағдайларда дозаны монотерапиямен салыстырғанда дене салмағының 5-тен 10 мг/кг-ға дейін арттыру қажет болуы мүмкін. Сондай-ақ ДЕПАКИН® ХРОНО препаратының басқа эпилепсияға қарсы препараттарға әсерін ескеру қажет. Басқа эпилепсияға қарсы дәріні ДЕПАКИН® ХРОНО препаратына алмастыру Басқа эпилепсияға қарсы препараттармен емдеуден монотерапия ретіндегі ДЕПАКИН® ХРОНО препаратына ауысуды бірінші желілік монотерапияға арналған нұсқауларға сәйкес бастау керек. Бұрын тағайындалған кейбір эпилепсияға қарсы препараттардың, негізінен барбитураттардың дозасын ДЕПАКИН® ХРОНО препаратымен емдеуді бастау кезеңінде төмендету керек, содан кейін толық тоқтатылғанға дейін біртіндеп төмендету керек. Тоқтату кезеңі 2-ден 8 аптаға дейін созылады. • Биполярлық бұзылыстармен байланысты маниакальді көріністер кезінде Ұсынылатын бастапқы доза тәулігіне дене салмағына 20 мг/кг. Көзделген клиникалық әсер алуға мүмкіндік беретін ең төмен тиімді емдік дозасына жету үшін осы дозаны мүмкіндігінше тезірек арттыру керек. Вальпроаттың қан плазмасындағы 45-125 мкг/мг тең болатын деңгейі, әдетте, қалаған емдік әсеріне жетуге мүмкіндік береді. Биполярлық бұзылыстарды емдеу үшін қолдануға ұсынылған демеуші дозасы тәулігіне 1000 мг-ден 2000 мг дейін өзгеріп отырады. Өте сирек жағдайларда тәуліктік дозасын ең көбі 3000 мг дейін арттыруға болады. Дозалары жеке клиникалық жауапқа сәйкес түзетілуі тиіс. • Биполярлық бұзылыстармен байланысты маниакальді көріністердің қайталану профилактикасы үшін Қайталануының профилактикасында қабылданатын дозасы пациенттегі жедел маниакальді симптомның тиісті бақылануына жетуге жеткілікті боларлық тым аз болуы тиіс. Ең жоғары 3000 мг тәуліктік дозасы одан асырылмауы тиіс. Пациенттердің ерекше топтары Балалар мен жасөспірімдер ДЕПАКИН® ХРОНО препаратының биполярлық бұзылыстармен байланысты маниакальді көріністерді емдеуге тиімділігі 18 жасқа толмаған пациенттерде анықталған жоқ (балалардағы қауіпсіздік туралы ақпаратты «ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар» бөл. қараңыз). Бүйрек жеткіліксіздігі бар пациенттер Бүйрек жеткіліксіздігі бар пациенттерде қандағы бос вальпрой қышқылының жоғары концентрациясын ескеріп, тиісінше дозаны азайту керек. Енгізу жолы және тәсілі Ішке қабылдау үшін. Бөлінетін ДЕПАКИН® ХРОНО таблеткаларын жарты стақан сумен, сүтпен немесе басқа алкогольсіз сусынмен ішу арқылы қабылдау керек. Баяулаған босап шығу үдерісін және қосымша заттардың табиғатын ескерсек, инертті матрикс ас қорыту жолынан сіңбейді; ол әсер етуші заты толық босап шыққаннан кейін нәжіспен шығарылады.

Эпилепсияны емдеуде: • жүктілік, қолайлы баламалы емдеу әдістері болмаған жағдайларды қоспағанда және вальпрой қышқылын қабылдаумен байланысты қауіптер туралы пациенттерді толық хабардар еткеннен кейін ғана; • қыздарда және ұрпақ өрбіту потенциалы бар әйелдерде қолдану, жүктілікке жол бермеу жөніндегі Бағдарлама шарттары орындалатын жағдайларды қоспағанда. Биполярлық бұзылыстарды емдеуде және профилактикасында: • жүктілік; • ұрпақ өрбіту потенциалы бар әйелдерде қолдану, жүктілікке жол бермеу жөніндегі Бағдарлама шарттары орындалатын жағдайларды қоспағанда. Жалпы қолдануға болмайтын жағдайлар: • жедел немесе созылмалы гепатит; • пациенттің жеке немесе отбасылық анамнезінде, атап айтқанда, дәрілік препараттар тудырған ауыр гепатит жағдайлары; • панкреатит; • натрий вальпроатына немесе препараттың қосымша заттарының кез келгеніне белгілі аса жоғары сезімталдық; • бауыр порфириясы; • митохондриялық γ-полимераза ферментін кодтайтын ядролық гендегі мутациялар туғызған бұрыннан митохондриялық бұзылулары бар пациенттер (POLG, яғни, Альперс - Гуттенлохер синдромы) және POLG-мен байланысты бұзылудың болуы күдік тудыратын 2 жасқа дейінгі балалар; • диагнозы анықталған мочевина түзілу циклы бұзылған пациенттер; • түзетілмеген гипокарнитинемиясы бар бастапқы жүйелік карнитин тапшылығы бар пациенттер.

Өте жиі • жүрек айнуы; • тремор. Жиі • анемия, тромбоцитопения. Вальпроат тағайындау тромбоциттер санының уақытша және жиі дозаға тәуелді төмендеуіне әкелуі мүмкін. • естімей қалу (кейде қайтымсыз); • құсу; • қызыл иек тарапынан бұзылулар (негізінен қызыл иек гиперплазиясы), стоматит • эпигастрий аумағының ауыруы, диарея, әдетте, ол емдеуді тоқтатусыз бірнеше күн өткен соң басылады (аталған жағымсыз реакциялар жиілігі ДЕПАКИН® ХРОНО препаратын өте біртіндеп қолданғанда және препаратты ас ішудің басында қабылдағанда едәуір төмендеуі мүмкін; ондай пациенттерде симптоматикалық ем жүргізу қажет). • дене салмағының артуы (пациенттердің 5-10%), атап айтқанда, жасөспірімдер мен жас әйелдерде. Дене салмағының артуы поликистозды аналық бездер синдромының клиникалық симптомдарын нашарлатуы мүмкін болғандықтан, пациенттің дене салмағы мұқият бақылануы тиіс; • гипонатриемия; • экстрапирамидалық бұзылыстар (кейде қайтымсыз), мелшею, ұйқышылдық, құрысулар, есте сақтау қабілетінің бұзылуы, бас ауруы, нистагм, бас айналу (венаішілік инъекция жағдайында бас айналу әдетте препаратты енгізгеннен кейін бірнеше минуттан кейін пайда болады және негізінен бірнеше минуттан кейін өздігінен басылады); • сананың шатасуы, елестеулер, озбырлық*, ажитация*, зейін қоюдың бұзылуы*; • еріксіз несеп шығару; • етеккір оралымының бұзылуы; • аса жоғары сезімталдық; • шаштың уақытша және/немесе дозаға байланысты түсуі; • тырнақ және тырнақ орны тарапынан болатын бұзылыстар; • қан құйылу. Жиі емес • панцитопения, лейкопения; • антидиурездік гормонның талапқа сай емес секреция синдромы (АГТЕСС), әйелдердегі гиперандрогения (гирсутизм, вирилизм, акне, андрогендік алопеция және/немесе андрогендер деңгейінің артуы); • кейде өліммен аяқталатын панкреатит; • шеткері ісінудің ауыр емес түрі, гипотермия; • сүйектің минералдық тығыздығының төмендеуі, остеопения, остеопороз және патологиялық сынулар (вальпрой қышқылымен ұзақ уақыт емделу кезінде). Вальпрой қышқылының сүйек метаболизміне әсер ету механизмі әлі белгісіз; • кома, энцефалопатия, летаргия, қайтымды Паркинсон синдромы, атаксия, парестезия, құрысудың нашарлауы; • бүйрек жеткіліксіздігі; • аменорея; • плевралық жалқық; • ангионевроздық ісіну, тері бөртпесі; • васкулит. Сирек • эритробластопенияны қоса, сүйек кемігінің жеткіліксіздігі, агранулоцитоз, макроциттік анемия, макроцитоз; • гипотиреоз; • коагуляциялық факторлар санының төмендеуі, коагуляция тестісінің аномальді нәтижелері (мысалы, протромбин уақытының, ішінара белсендірілген тромбопластин уақытының, тромбин уақытының ұзаруы, ХҚҚ ұлғаюы). әдебиеттерде Виллебранд ауруының I типіне сәйкес келетін қан ұюының бұзылуы туралы хабарланды ; • биотин/биотинидаза тапшылығы; • гипераммонемия, семіздік; Бауырдың функционалдық сынамаларының елеулі өзгерістерінсіз оқшауланған және орташа гипераммониемия жағдайлары туралы хабарланды. Егер клиникалық симптомдар болмаса, бұл емдеуді тоқтатуға себеп болмауы керек. Алайда, егер гипераммониемия жүйке-психикалық симптомдармен бірге жүрсе, қосымша зерттеулер қажет. • жүйелі қызыл жегі, рабдомиолиз; • миелодиспластикалық синдром; • ми атрофиясымен қайтымды деменция, когнитивті бұзылулар; • аса жоғары белсенділік, ашушаңдық (емдеудің басында аса жоғары белсенділік пен ашушаңдықтың бірнеше жағдайлары туралы негізінен балаларда хабарланды); • әдетте оңай қайтымды, обнубиляцияға ұқсас неврологиялық әсерлер натрий вальпроатын қабылдау біртіндеп басталмай, басқа эпилепсияға қарсы препараттармен, әсіресе фенобарбиталмен біріктірілген пациенттерде ерекше жағдайларда байқалды; • ступор, кейде өтпелі комаға/энцефалопатияға әкелетін летаргия (әдетте, жағдайлар оқшауланған немесе ем кезінде ұстамалардың қайталануымен байланысты, емдеуді тоқтатқанда немесе дозаны төмендеткеннен кейін үдеген). Мұндай жағдайлар көбінесе біріктірілген ем кезінде (әсіресе фенобарбиталмен және топираматпен бірге) немесе натрий вальпроаты дозасын кенеттен жоғарылауынан кейін пайда болады; • мінез-құлық бұзылуы*, психомоторлық аса жоғары белсенділік*, оқып-үйренуге қабілетсіздік*; -тубулоинтерстициальді нефрит, энурез, Фанкони синдромы, оның патофизиологиялық механизмі әлі анық емес; • уытты эпидермалық некролиз (Лайелл синдромы), Стивенс-Джонсон синдромы, мультиформалы эритема, дәріге аса жоғары сезімталдық, немесе DRESS (эозинофилиямен және жүйелі симптомдармен қатар жүретін дәрілік реакция); • шаштың өсуі мен құрылымының бұзылуы (шаштың қалыптан тыс құрылымы, шаш түсінің өзгеруі, шаштың қалыптан тыс өсуі). Белгісіз (қолда бар деректер негізінде бағалау мүмкін емес) • құлақтағы шу; • жыныстық гормондар деңгейінің ауытқуы (тестостерон, фолликулды стимуляциялайтын гормон (ФСГ), лютеиндеуші гормон (ЛГ) және пролактин); • гипокарнитинемия; • диплопия; • ерлердегі бедеулік, спермограммадағы ауытқулар, аналық бездер поликистозы; • жүре пайда болған Пельгер – Хьюэт аномалиясы (әсіресе, миелодисплазиялық синдром аясында байқалады, бірақ онда ғана емес); • гиперпигментация. Вальпроатпен нақты байланыс орната алмаған аталық без көлемінің төмендеу жағдайлары туралы хабарланды. * Бұл жағымсыз реакциялар негізінен балаларда байқалды. Бауыр мен өт шығару жолдары тарапынан бұзылулар Кейде өліммен аяқталатын, бауырдың ауыр зақымдану жағдайлары вальпроат қабылдаған пациенттерде тіркелді. Туа біткен, отбасылық және генетикалық бұзылыстар Туа біткен даму ауытқулары, жүйке-психикалық дамудың бұзылуы. Жүктілік, босанғаннан кейінгі кезең және перинатальді аурулар Вальпроаттың жатырішілік әсеріне байланысты когнитивті бұзылулар. Балалар Педиатриялық популяциядағы вальпроаттың қауіпсіздік бейінін ересектермен салыстыруға болады, бірақ кейбір жағымсыз реакциялар анағұрлым ауыр немесе негізінен педиатриялық популяцияда байқалады. Нәрестелер мен жас балаларда, әсіресе 3 жасқа дейінгі балаларда бауырдың күрделі зақымдануының ерекше қаупі бар. Кіші жастағы балаларда да панкреатит дамуының ерекше қаупі бар. Бұл қауіптер өскен сайын азаяды. Озбырлық, қозу, зейіннің бұзылуы, қалыптан тыс мінез-құлық, психомоторлық гиперактивтілік және оқу қабілетінің бұзылуы сияқты психиатриялық бұзылулар негізінен педиатриялық популяцияда байқалады. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Жедел ауқымды артық дозалану белгілеріне тереңдігі үлкен немесе шағын, бұлшықет гипотониясымен болатын кома, гипорефлексия, миоз, тыныс алу функциясының бұзылуы, метаболизмдік ацидоз, гипотензия және коллапс/қан айналымдық шок кіреді. Ауқымды артық дозалану кезінде өліммен аяқталған бірнеше оқиға тіркелген. Әдетте, осындай улануға жасалатын болжам, жалпы алғанда, жағымды. Соған қарамастан, артық дозалану симптомдары өзгеріп отыруы мүмкін, сондай-ақ вальпрой қышқылының өте жоғары плазмалық концентрацияларында құрысу ұстамаларының дамуы хабарланды. Ми ісінуі салдарынан туындайтын бассүйекішілік гипертензия жағдайлары сипатталған. Артық дозалану жағдайында, ДЕПАКИН® ХРОНО препаратының құрамындағы натрий мөлшері гипернатриемияны тудыруы мүмкін. Емі Стационар жағдайындағы шұғыл көмек препаратты қабылдағаннан кейін 10-12 сағат ішінде асқазанды шаюды, жүрек-қантамыр және тыныс алу жүйелерінің жағдайын бақылауды қамтуы тиіс. Гипераммонемияға әкелетін вальпроаттың артық дозалануы жағдайында карнитинді вена ішіне енгізу (аммиак концентрациясын қалыпқа келтіру үшін) көрсетілген. Жекелеген жағдайларда Налоксон сәтті қолданылды. Ауқымды артық дозаланғанда гемодиализ және гемоперфузия тиімді болды.

Ескертулер Жүктіліктің алдын алу бағдарламасы Вальпроат жоғары тератогендік потенциалға ие, ал құрсақ ішінде вальпроат әсеріне ұшыраған балаларда туа біткен ақаулар дамуы мен жүйке-психикалық дамудың бұзылуы қаупі жоғары. ДЕПАКИН® ХРОНО препараты келесі жағдайларда қарсы көрсетілімде: Эпилепсияны емдеуде: жүктілік, қолайлы баламалы емдеу әдістері болмаған жағдайларды қоспағанда және вальпрой қышқылын қабылдаумен байланысты қауіптер туралы пациенттерді толық хабардар еткеннен кейін ғана; қыздарда және ұрпақ өрбіту потенциалы бар әйелдерде қолдану, жүктілікке жол бермеу жөніндегі Бағдарлама шарттары орындалатын жағдайларды қоспағанда. Биполярлық бұзылыстарды емдеуде және профилактикасында: жүктілік; ұрпақ өрбіту потенциалы бар әйелдерде қолдану, жүктілікке жол бермеу жөніндегі Бағдарлама шарттары орындалатын жағдайларды қоспағанда. Жүктіліктің алдын алу бойынша бағдарламаның шарттары Емдеуші дәрігер мыналарға көз жеткізуі тиіс: әр жағдайда пациент-әйелмен ақылдасу арқылы жеке жағдайларда жай-жапсар дара бағаланды, оны үйретуге кепілдікпен, ем нұсқаларын талқылаумен және пациент әйелдің қауіпті ұғынуы мен осы қауіпті ең аз етуге қажетті шараларды қамтамасыз ету; барлық пациент-әйелдер үшін жүктілік ықтималдығы бағаланады; пациент-әйел құрсақ ішінде вальпрой қышқылының әсеріне ұшыраған балаларда бұл қауіптің шамасын қоса, туа біткен ақаулар дамуы мен неврологиялық дамудың бұзылуы қаупі болатынын түсінеді және растайды; пациент-әйел қажет болғанда ем бастар алдында және ем кезінде жүктілікті анықтайтын тест өту қажеттігін түсінеді; пациент контрацепция бойынша кеңес алады және пациент вальпроатпен барлық емдеу барысында үзіліссіз тиімді контрацепцияны (толық ақпарат алу үшін осы ескертудің «Контрацепция» бөл. қара) сақтауға қабілетті; пациент-әйел эпилепсияны немесе биполярлық бұзылыстарды емдеуде тәжірибесі бар маманның ұдайы қайта қарауы қажеттігін (ең азы жыл сайын) түсінеді; пациент-әйел жүктілікті жоспарлағаннан кейін дереу ұрықтануға дейін және контрацепция пайдалануды тоқтатқанға дейін баламалы ем нұсқасын ақылдасу және мезгілінде ауысуды қамтамасыз ету үшін өзінің дәрігерімен кеңесу қажеттігін түсінеді; пациент-әйел жүкті болған жағдайда жедел түрде дәрігерге қаралу керегін түсінеді; пациент-әйел пациентке арналған нұсқау алды; пациент-әйел өзінің вальпроат қолдануға байланысты (Қауіптермен жыл сайын танысу түрі) қауіпті және қажетті сақтық шараларын түсінгенін растайды. Осы шарттар қазіргі уақытта, препаратты тағайындаған дәрігер жүктілік қаупінің жоқ екенін растауға дәлелді себептер бар деп есептейтін жағдайларды қоспағанда, жыныстық қатынасқа түспейтін әйелдерге де қатысты. Емдеуші дәрігер мынаған көз жеткізуі тиіс: пациенттің картасы вальпроаттың әр тағайындалуымен және пациенттің оның мазмұнын түсінетіндігімен қамтамасыз етіледі; пациенттерге өз қалауы бойынша вальпроатпен емдеуді тоқтатпауға және жоспарлы немесе күдікті жүктілік жағдайында дереу маманға жүгінуге кеңес беріледі. Қыздар Емдеуші дәрігер мынаған көз жеткізуі тиіс: қыздың ата-анасы/қамқоршысы вальпроат қабылдайтын қызда менархе басталғаннан кейін дереу маманға қаралу керегін түсінеді. менархе басталған қыздың ата-анасы/қамқоршысы құрсақ ішінде вальпроат әсеріне ұшыраған балаларда бұл қауіптің шамасын қоса, туа біткен ақаулар дамуы мен неврологиялық дамудың бұзылуы қаупі болатыны туралы толық ақпарат алған; менархе басталған пациент қыздарда вальпроатпен ем қажеттігі жыл сайын қайта бағаланады және баламалы ем нұсқалары қаралады. Егер вальпроат емнің жалғыз дұрыс нұсқасы болса тиімді контрацепция және Жүктілікті алдын алу бойынша бағдарламаның барлық басқа шарттарын пайдалану қажеттігін ақылдасу керек. Емдеуші дәрігер қыздарды кәмелетке жеткенге дейін альтернвтивті емге ауыстыру үшін барлық мүмкіндігін пайдалануы тиіс. Жүктілікті анықтайтын тест Вальпроатпен емдеуді бастар алдында жүктілікті анықтап алу керек. Жүктілік кезінде алдын ала көздеусіз қолдануға жол бермес үшін, ұрпақ өрбіту потенциалы бар әйелдерде денсаулық сақтау саласының маманы жүктілікті тексеру тестісінің (жүктілікті анықтау үшін плазма пайдаланылатын тест) теріс нәтижесін растамаса, вальпроатпен емдеуді бастауға болмайды. Контрацепция Вальпроат тағайындалатын бала туу потенциалы бар әйелдер вальпроатпен емнің барлық кезеңі бойына үздіксіз тиімді контрацепция пайдалануы тиіс. Бұл пациент әйелдерге жүктілікті болдырмау бойынша толық ақпарат берілуі тиіс және оларды егер олар тиімді контрацепция пайдаланбаса контрацепция мәселесі бойынша кеңес алуға жіберу керек. Контрацепцияның ең кемі бір тиімді әдісін (дұрысы автономды формасын, жатырішілік спираль немесе имплантат сияқты) немесе бөгегіш әдісін қоса, екі бір-бірін толықтыратын әдісін пайдалану керек. Контрацепцияның әдісін таңдағанда әр жағдайда жеке-дара істің мән-жайы пациент әйелмен талқылау арқылы бағалануы тиіс, бұл оның қатысуына және таңдалған шараның сақталғанына кепілдік береді. Тіпті аменореяда пациент әйелдер контрацепцияның тиімділігі бойынша барлық кеңесті орындауы тиіс. Дәрігердің емді жыл сайын қайта қарауы Емдеуші дәрігер вальпроаттың пациент әйелге ең қолайлы ем болып табылатынын кемінде жылына бір рет қайта қарауы тиіс. Емдеуші дәрігер жыл сайынғы қауіптермен танысу формасын жыл сайын қайта қараудың басында және барысында талқылауы тиіс және пациент әйелдің оның ішіндегісін түсінгеніне көз жеткізуі тиіс. Жүктілікті жоспарлау Эпилепсия кезінде, егер әйел жүктілікті жоспарлап жүрсе, эпилепсияны емдеу тәжірибесі бар маман вальпроатпен емдеуге қайта бағалау жүргізуі және емдеудің баламалы нұсқаларын қарастыруы тиіс. Барлық мүмкіндікті тиісінше баламалы емге ұрықтануға дейін және контрацепция пайдалануды тоқтатқанға дейін ауысу үшін пайдалануға тырысу керек. Егер ауысу мүмкін болмаса, әйел отбасын жоспарлауына қатысты негізді шешім қабылдауды қамтамасыз ету үшін вальпроаттың болашақ сәби (туа біткен ақаулардың қаупін және олардың баланың физикалық және психикалық дамуына әсерін қоса) үшін қауіптеріне қатысты қосымша кеңес алуы тиіс. Биполярлық бұзылыстар кезінде, егер пациент әйел жүктілікті жоспарлап жүрсе, биполярлық бұзылыстарды емдеу тәжірибесі бар маманмен кеңесу қажет және вальпроатпен емделуді тоқтатып, қажет болса, ұрықтануға дейін және контрацепцияны тоқтатқанға дейін баламалы емге (дәрі-дәрмектік немесе дәрі-дәрмектік емес) ауысу керек. Жүктілік кезінде Егер вальпроат қабылдап жүрген әйел жүкті болып қалса, оны вальпроатпен емдеуді қайта қарастыру және баламалы нұсқаларын қарастыру үшін дереу маманға жолдау қажет. Вальпроат қолданып жүрген жүкті пациент әйелдер мен олардың жұптарын вальпроат әсеріне ұшырайтын жүктілікке қатысты бағалау және кеңес алу үшін, тератологияда тәжірибесі бар маманға жолдау керек. Білім беру материалдары Денсаулық сақтау саласының мамандарына және пациент әйелдерге жүктілік кезінде вальпроат әсерінен сақтануға көмектесу мақсатында, вальпроаттың тератогенділігі мен фетоуыттылығы туралы сақтандыру шараларын күшейту үшін тіркеу куәлігінің ұстаушысы білім беру материалдарын ұсынады және вальпроатты ұрпақ өрбіту потенциалы бар әйелдерде қолдануға қатысты нұсқаулар және Жүктіліктің алдын алу бағдарламасы жөнінде толық мәліметтер береді. Пациентке арналған нұсқау және пациент картасын бала туу потенциалы бар вальпроат қолданатын барлық әйелдерге беру керек. Жыл сайын қауіптермен танысу нысанын пайдалану керек, ол егер әйел жүктілікті жоспарлап жүрсе немесе жүкті болса және вальпроатпен емнің әрбір жыл сайынғы қайта қаралуы барысында, емдеу басталған уақытта тиісті түрде толтырылуы және қол қойылуы тиіс. ДЕПАКИН® ХРОНО препаратының құрсақішілік әсер етуі кезінде туындайтын ауыр туа біткен даму ақаулары және жүйке-психикалық дамудың бұзылулары Деректер, вальпроатты қолданудың ауыр туа біткен даму ақауларының жоғары қаупімен (вальпроаттың құрсақішілік әсеріне ұшыраған балаларда жиілігі 11% жуық) байланысты екенін көрсетеді. Бұдан бөлек, вальпроатпен монотерапия кезінде құрсақішілік вальпроаттың әсеріне ұшыраған балаларда жүйке-психикалық даму бұзылуының пайда болу қаупі жоғары (жиілігі 30-40%). Ұрпақ өрбіту потенциалы бар еркектерде вальпроаттарды қолдану Ретроспективті бақылау зерттеуінің деректері ламотриджинмен немесе леветирацетаммен ем қабылдаған ер адамдардан туған балалармен салыстырғанда, ұрықтануға дейін және/немесе кезінде вальпроаттармен ем қабылдаған ерлерден туған балаларда жүйке-психикалық дамудың бұзылу қаупінің жоғарылауын көрсетеді. Ұрықтанудан үш айдан көп вальпроат қабылдауды тоқтатқан ер адамдардан туған балалар үшін қауіп (вальпроат әсерінсіз толық сперматогенезді қамтамасыз ету үшін) белгісіз. Зерттеудің шектеулеріне қарамастан, сақтық шарасы ретінде препаратты тағайындайтын дәрігер ер пациенттерге осы потенциалды жоғары қауіп пен қажетті профилактика шаралары туралы хабарлауы тиіс. Сондай-ақ, пациентпен контрацепцияның тиімді әдістерін, соның ішінде серіктес үшін, вальпроаттармен емдеу кезінде және емдеуді тоқтатқаннан кейін үш ай ішінде қолдану қажеттілігі талқылануы керек. Еркек пациенттерге мыналар туралы хабарлау керек: • емдеу кезінде және вальпроаттармен емдеуді тоқтатқаннан кейін 3 ай ішінде сперма доноры болмауы керек; • егер еркек ұрықтандыруды жоспарласа, контрацепцияны тоқтатқанға дейін емдеудің альтернативті нұсқаларын талқылау үшін дәрігермен кеңесу керек; • еркек пен оның серіктесі жүктілік кезінде әкесінің вальпроатпен емделуі аясында немесе оны тоқтатқаннан кейін үш ай ішінде бағалау және кеңес беру үшін дереу емдеуші дәрігермен кеңесу керек. Еркек пациенттерге эпилепсияны немесе биполярлық бұзылысты емдеу тәжірибесі бар (емді бағалау үшін) маманға үнемі (жылына кемінде бір рет) бару қажеттілігі туралы хабарлау керек. Жылына кемінде бір рет емдеуші дәрігер вальпроаттар таңдау терапиясы болып табылатындығын бағалауы керек. Бұл келу кезінде маман пациенттің қауіптерді білетініне және вальпроаттарды қабылдау кезінде қажетті сақтық шараларын түсінетініне көз жеткізуі тиіс. Вальпроаттарды қабылдайтын ұрпақ өрбіту потенциалы бар барлық еркектерге пациентке арналған нұсқаудың өзекті нұсқасы ұсынылуы тиіс. Пациентке арналған нұсқауды алуды растауды қамтитын қауіптермен танысудың жыл сайынғы нысанына емделу басталған сәтте және дәрігердің жыл сайынғы қайта бағалауы кезінде пациент қол қоюы тиіс. Медицина қызметкерлері мен еркек пациенттер үшін білім беру материалдары қолжетімді. Пациенттің картасы вальпроат тағайындалған сайын беріледі. Жүйелі қызыл жегі бар пациенттер Натрий вальпроаты иммунологиялық бұзылуларды өте сирек тудыратынына қарамастан, жүйелі қызыл жегі бар пациенттерде вальпроаттарды қабылдау басталғанға дейін «пайда-қауіп» арақатынасын бағалау керек. Бауыр функциясының ауыр бұзылулары Даму шарттары Вальпроат қабылдаған пациенттерде, кейде өліммен аяқталатын бауырдың ауыр зақымдану жағдайлары байқалды. Жоғары қауіп тобы –эпилепсияның ауыр түрі бар нәрестелер мен 3 жастан кіші балалар, атап айтқанда мидың зақымдануымен, бастапқы жүйелік карнитин тапшылығы, мочевина түзілу циклінің бұзылуы, POLG мутациясы сияқты митохондриялық бұзылуларды қоса, ақыл-ой кемістігімен және/немесе шығу тегі генетикалық дегенеративті немесе метаболизмдік аурулармен байланысты. Атап айтқанда, құрамында каннабидиол бар эпилепсияға қарсы препараттардың біріктірілімі тағайындалған жағдайда қауіп жоғары. 3 жастан асқан пациенттерде бұл жағымсыз реакциялардың пайда болу жиілігі елеулі төмендейді және жасына қарай біртіндеп төмендейді. Көп жағдайда бауыр функциясының бұзылуы емдеудің алғашқы 6 айында, әдетте 2 және 12 апта аралығында байқалады. Назар аудару керек белгілер Ерте диагностика, ең алдымен, клиникалық және зертханалық мониторингке негізделген. Сондай-ақ, манифестацияның екі типін ескеру керек, әдетте кенеттен басталады, олар сарғаюдан бұрын болуы мүмкін, әсіресе қауіп тобындағы пациенттерде: • Жалпы спецификалық емес белгілер: • ұйқышылдық, шаршау, немқұрайлылық, сананың бұзылуы және шатасуы, қозу, атипті қозғалыстар, физикалық дімкәстік, астения; • анорексия, жүрек айнуы, кейде көп реттік құсумен және іштің ауыруымен қатар жүретін, қызба; • гематомалар, мұрыннан қан кету; • шоғырланған немесе жайылған ісіну. • Басқа белгілер: • эпилепсиялық құрысулардың қайталануы, жиілеуі немесе ауырлығының күшеюі. Пациентке (немесе пациент бала болса, оның туыстарына) мұндай симптомдар пайда болған жағдайда дереу медициналық көмекке жүгіну қажеттілігі туралы хабарлау керек. Пациентті дереу тексеру керек, оның ішінде клиникалық тексеру және бауыр функциясына зертханалық зерттеулер жүргізу керек. Клиникалық симптомдар пайда болғаннан кейін көп ұзамай бауыр функциясының қалыпты көрсеткіштерінде өлімге әкелетін жағдайлар туралы хабарланды. Осылайша, қалыпты мәндер шегінде зертханалық зерттеулердің нәтижелері бауыр функциясы бұзылуының клиникалық симптомдары бар пациентте бауырдың зақымдануын жоққа шығармайды. Вальпроатпен емдеуді бастағанға дейін пациенттің және оның отбасы мүшелерінің анамнезін зат алмасудың бұзылулары, бауыр, ұйқы безі аурулары және қан ұюының бұзылуы жағдайларына мұқият зерделеу қажет. Бауыр функциясын зерттеу емді бастағанға дейін, содан кейін емдеудің алғашқы 6 айында, әсіресе қауіп тобындағы пациенттерде жүйелі түрде жүргізілуі керек. Айта кету керек, трансаминазалар белсенділігінің оқшауланған және өтпелі жоғарылауы клиникалық белгілерсіз, әсіресе емнің басында жиі байқалады. Бұл жағдайда неғұрлым толық зертханалық тексеруден өту ұсынылады (төменде қараңыз), дозаны қайта қарастыру және анықталған көрсеткіштердің өзгеруіне байланысты зертханалық талдауларды қайталау мүмкін. Кәдімгі зерттеулерден басқа, едәуір ақпараттық организмдегі ақуыз синтезін, атап айтқанда протромбин уақытын көрсететін зерттеулер болып табылады. Протромбиннің патологиялық төмен концентрациясы расталған жағдайда, әсіресе басқа патологиялық көрсеткіштерге байланысты (фибриноген деңгейінің және коагуляция факторларының елеулі төмендеуі, билирубин мен трансаминазалар деңгейінің жоғарылауы) ДЕПАКИН® ХРОНО препаратымен емдеуді дереу тоқтату қажет. Каннабидиолды бір мезгілде қолдану Вальпроат пен каннабидиолды бір мезгілде қабылдайтын пациенттер сарысулық трансаминазалар белсенділігі мен жалпы билирубин деңгейіне біріктірілген ем басталғаннан кейін 2 аптадан, 1 айдан, 2 айдан, 3 айдан және 6 айдан кейін, сондай-ақ 6 айдан кейін немесе клиникалық көрсетілімдер болған кезде талдау жүргізуі тиіс. Панкреатит Балаларда да, ересектерде де, кейде өліммен аяқталатын ауыр панкреатиттің жекелеген жағдайлары байқалды. Бұл қауіп әсіресе жас балаларда жоғары және пациенттің жасы ұлғайған сайын төмендейді. Ауыр эпилепсиясы, жүйке-психикалық бұзылулары бар пациенттер немесе эпилепсияға қарсы препараттармен біріктірілген емді қабылдайтын адамдар қауіп тобында болуы мүмкін. Панкреатит жағдайлары туралы емдеуді бастағаннан кейін көп ұзамай, сонымен қатар бірнеше жыл вальпроатпен емдеуден кейін хабарланды. Егер панкреатит бауыр жеткіліксіздігі аясында дамыса, онда өліммен аяқталу жағдайларының пайда болу қаупі елеулі артады. Пациентке (немесе пациент бала болса, оның туыстарына) іштің қатты ауыруы және басқа да спецификалық емес симптомдар (жүрек айну, тәбеттің болмауы, анорексия және/немесе құсу) пайда болған жағдайда дереу медициналық көмекке жүгіну қажеттілігі туралы хабарлау керек. Ұйқы безінің ферменттерінің белсенділігін өлшеуді және тиісті қосымша тесттерді қамтитын жедел медициналық тексеру қажет. Панкреатит дамыған жағдайда вальпроатты қабылдауды дереу тоқтату және клиникалық көрініске сәйкес негізгі ауруды емдеуді бастау керек. Терінің ауыр жағымсыз реакциялары (SCAR) және ангионевроздық ісіну Стивенс – Джонсон синдромы (SJS), уытты эпидермалық некролиз (TEN), эозинофилиямен және жүйелі симптомдармен дәрілік реакция (DRESS), мультиформалы эритема, сондай-ақ вальпроаттарды қолданумен байланысты өлімге әкелуі мүмкін ангионевроздық ісіну сияқты ауыр тері жағымсыз реакцияларының (SCAR) жағдайлары туралы хабарланды. Пациенттерге ауыр тері реакцияларының белгілері мен симптомдары туралы хабарлау керек және кез келген ауыр тері реакцияларын мұқият бақылау керек. Қызба немесе лимфаденопатия сияқты аса жоғары сезімталдықтың алғашқы белгілері терінің өзгеруі болмаған кезде пайда болуы мүмкін екенін ескеру маңызды. SCAR немесе ангионевроздық ісіну белгілері пайда болған жағдайда, SCAR немесе ангионевроздық ісіну диагнозы расталса, дереу дәрігермен кеңесіп, вальпроатпен емдеуді тоқтату керек. Балаларда қолдану Үш жасқа дейінгі балаларда вальпроатты тек монотерапия түрінде қолдану ұсынылады. Осы жас тобындағы пациенттер емді бауырдың зақымдануының немесе панкреатиттің дамуының клиникалық пайдасы мен қаупін салыстырғаннан кейін ғана бастауы керек. Сақтық шарасы ретінде, гепатоуыттылықтың жоғары даму қаупіне орай, барлық балаларда салицилаттарды бір мезгілде тағайындамау керек. Интеркуррентті ауру кезінде ашығу вальпроат қабылдайтын балаларда бауырдың зақымдану қаупін арттырады. Бүйрек жеткіліксіздігі Бүйрек жеткіліксіздігі бар пациенттерде қандағы бос вальпрой қышқылының жоғары концентрацияларын ескеріп, тиісінше дозаны азайту керек. Зертханалық талдаулар Препаратты тағайындағанға дейін, емдеу басталғаннан кейін 3 және 6 айдан соң, кез келген хирургиялық араласуды жүргізер алдында, әсіресе егер препараттың тәуліктік дозасы дене салмағы 30 мг/кг-ден жоғары болса, сондай-ақ гематома немесе өздігінен қан кету пайда болған жағдайда қан талдауын (тромбоциттер құрамын анықтаумен, қан кету уақытын, фибриноген концентрациясын, ішінара белсендірілген тромбопластин уақытын (ІБТУ), VIII қан ұю факторының концентрациясын және онымен байланысты факторларды бағалаумен жалпы қан талдауы) жүргізу ұсынылады. Мочевина түзілу циклының бұзылулары және гипераммониемия қаупі Мочевина циклі ферментінің тапшылығына күдік болған жағдайда, вальпроат қабылдаған кезде гипераммонемияның даму қаупіне байланысты емдеуді бастағанға дейін метаболизмдік зерттеулер жүргізу керек. Дене салмағының жоғарылауы Емдеуді бастар алдында пациентке дене салмағының жоғарылау қаупі туралы хабарлау керек. Бұл әсерді азайту үшін тиісті шаралар қабылдау қажет. Гипокарнитинемияның даму қаупі Вальпроаттар қандағы және тіндердегі карнитин концентрациясын төмендетуі мүмкін, бұл май қышқылдарының бета-тотығу үдерісі және мочевинаның митохондриялық циклін қоса, митохондриялық метаболизмнің бұзылуына әкеледі. Вальпроатты қолдану гипокарнитинемияның пайда болуын бастауы немесе нашарлатуы мүмкін, бұл гипераммонемияның дамуына және нәтижесінде гипераммонемиялық энцефалопатияға әкелуі мүмкін. Гепатоуыттылық, гипокетоздық гипогликемия, миопатия, кардиомиопатия, рабдомиолиз және/немесе Фанкони синдромы сияқты басқа симптомдар негізінен гипокарнитинемияның және/немесе бұрыннан бар гипокарнитинемияның даму қаупі бар пациенттерде байқалды. Вальпроатпен емдеу кезінде төмендегі жағдайларда симптоматикалық гипокарнитинемияның даму қаупі жоғарылайды: • метаболизмдік бұзылулар, оған қоса карнитинмен байланысты митохондриялық бұзылулар; • тамақпен карнитин келіп түсуінің бұзылуы; • 10 жасқа толмаған; • пивалатпен конъюгацияланған препараттарды немесе басқа эпилепсияға қарсы препараттарды бір мезгілде қолдану. Пациенттерге әрі қарай тексеру жүргізу үшін атаксия, сананың бұзылуы, құсу, бас ауыруы, тремор/астериксис сияқты гипераммонемияның кез келген симптомдары туралы дереу дәрігерге хабарлау қажеттілігі туралы ескерту керек. Гипокарнитинемия симптомдары пайда болған кезде карнитинді қосымша тағайындау туралы ойлану керек. Мұндай жағдайларда қандағы карнитин деңгейі міндетті түрде төмендемейді. Бұл жағдайларда гипокарнитинемияны анықтау үшін қосымша тексеру қажет болуы мүмкін. Карнитиннің бастапқы жүйелі тапшылығы және түзетілген гипокарнитинемиясы бар пациенттерде вальпроатты қолдану вальпроатпен емдеудің пайдасы осы пациенттер үшін қауіптен асып кеткен және альтернативті ем болмаған жағдайда ғана мүмкін болады. Салдарлы жүйелі гипокарнитинемиясы бар пациенттерде вальпроатты қолдану гипокарнитинемияны түзеткеннен кейін барынша сақтықпен мүмкін болады. Бұл пациенттерде гипокарнитинемияның қайталануын мұқият бақылау керек. Бұрыннан бар ІІ типті карнитин пальмитоилтрансфераза (КПТ) жеткіліксіздігі бар пациенттерге вальпроат қабылдаған кезде рабдомиолиздің даму қаупі едәуір жоғары екендігі туралы ескертілуі тиіс. Мұндай пациенттерде карнитинді қосымша тағайындау туралы мәселені қарастыру керек. Құрамында эстроген бар препараттар Вальпроат гормональді контрацептивтер тиімділігін төмендетпейді. Алайда, құрамында эстроген бар препараттар, атап айтқанда құрамында эстроген бар гормоналды контрацептивтер вальпроат клиренсін жоғарылатуы мүмкін, бұл қан сарысуындағы вальпроат концентрациясының төмендеуіне және оның тиімділігінің төмендеуіне әкелуі мүмкін. Препаратты тағайындайтын дәрігерлер құрамында эстроген бар препараттарды қабылдаудың басында немесе тоқтатқан жағдайда клиникалық жауап (құрысуды және көңіл-күйді бақылау) бақылануы тиіс. Қандағы вальпроат деңгейін бақылау қажет. Суицидтік ойлар мен мінез-құлық Суицидтік ойлар және мінез-құлық бірнеше көрсетілім бойынша эпилепсияға қарсы дәрілер қабылдаған пациенттер арасында байқалды. Эпилепсияға қарсы дәрілердің рандомизацияланған плацебо-бақыланатын зерттеулер барысында алынған деректердің мета-талдауы суицидтік ойлар мен мінез-құлық пайда болу қаупінің елеусіз жоғарылағанын көрсетті. Бұл әсердің механизмі белгісіз. Осыған байланысты суицидтік ойлар мен мінез-құлықтарды уақтылы анықтау және тиісті емді тағайындау үшін пациенттердің жай-күйін бақылау керек. Пациенттерге (және оларға күтім жасайтын адамдарға) суицидтік ойлар немесе мінез-құлық белгілері пайда болған кезде дереу медициналық көмекке жүгіну керектігін ескерту керек. Ұзақ мерзімді емдеудің сүйек тіні метаболизміне әсері Остеопения немесе остеопороздың болуы туралы куәландыруы мүмкін, сүйек тінінің минералды тығыздығының төмендеу жағдайлары туралы хабарланды. Мұндай жағдайларда вальпрой қышқылымен ұзақ емделетін пациенттерде патологиялық сынулар пайда болуы мүмкін. Вальпрой қышқылының сүйек метаболизміне әсер ету механизмі белгісіз. Карбапенемдер ДЕПАКИН® ХРОНО мен карбапенемдерді бірге қабылдау ұсынылмайды. Белгілі немесе болжамды митохондриялық аурулары бар пациенттер Вальпроат митохондриялық ДНҚ, сондай-ақ, митохондриялық гамма полимераза ферментін (POLG) кодтайтын ядролық ген мутацияларынан болатын негізгі митохондриялық аурулардың клиникалық белгілерін өршітуі немесе нашарлатуы мүмкін. Атап айтқанда, POLG геніндегі мутациялардан туындаған тұқым қуалайтын нейрометаболизм синдромдары, мысалы, Альперс-Гуттенлохер синдромы бар пациенттерде вальпроат индукциялаған бауырдың жедел жеткіліксіздігі мен бауыр ауруларынан болатын өлім жағдайлары жиірек тіркелген. POLG байланысты бұзылулар отбасылық анамнезінде осындай бұзылулардың жағдайлары немесе осындай бұзылулардың бар екендігін көрсететін симптомдары бар пациенттерде күдіктену керек, оның ішінде (бірақ төмендегілермен шектелмейді): шығу тегі анықталмаған энцефалопатия, рефрактерлі эпилепсия (ошақты, миоклонустық), эпилепсиялық статус, дамуда артта қалу, психомоторлы функциялардың регрессиясы, аксональді сенсомоторлы нейропатия, миопатия, мишық атаксиясы, офтальмоплегия немесе желке аурасымен асқынған бас сақинасы. Митохондриялық аурулармен байланысты мутациялардың, соның ішінде POLG геніндегі мутациялардың болуын зерттеу осындай бұзылуларды диагностикалық бағалаудың ағымдағы клиникалық тәжірибесіне сәйкес жүргізілуі керек. Құрысудың нашарлауы Эпилепсияға қарсы басқа препараттарды қолдану кезіндегідей, вальпроатты қабылдау жай-күйді жақсарту орнына құрысу ұстамалары (эпилепсиялық статус дамуын қоса) жиілігі мен ауырлығының қайтымды артуына немесе құрысулардың жаңа түрлерінің пайда болуына әкелуі мүмкін. Ұстамалар күшейген жағдайда пациенттер дереу емдеуші дәрігермен кеңесу керек. Алкоголь ДЕПАКИН® Хроно препаратымен емдеудің барлық кезеңі ішінде алкоголь қабылдауға болмайды. Натрий Бұл дәрілік препараттың құрамында 300 мг таблеткаға 28,3 мг натрий бар. Бұл ДДҰ ұсынған ересектер үшін натрий тұтынудың ең жоғары күндік мөлшері болып табылатын 2 г-ның 1,4%-ына баламалы. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ДЕПАКИН® ХРОНО препараты ықтимал жағымсыз реакцияларға байланысты көлік құралдарын және қауіптілігі зор механизмдерді басқару қабілетіне әсер етеді. Пациентке, әсіресе, біріктірілген құрысуға қарсы ем немесе бензодиазепиндермен біріктіріп емдеу жағдайында ұйқышылдықтың пайда болу қауіптілігі туралы ескерту керек.

Эпилепсияны емдеу - Вальпроат жүктілік кезінде, қолайлы баламалы ем болмаған және пациент әйелдерге вальпроат қабылдаумен байланысты қауіптер туралы толық ақпарат беруден кейінгі жағдайларды қоспағанда, эпилепсияны емдеуге қарсы көрсетілімді. Вальпроат қыздарда және ұрпақ өрбіту потенциалы бар әйелдерде қарсы көрсетілген, жүктіліктің алдын алу жөніндегі бағдарлама шарттары орындалатын жағдайларды қоспағанда. Биполярлық бұзылыстарды емдеу - Вальпроат жүктілік кезінде биполярлық бұзылыстарды емдеуде қарсы көрсетілімді. - Вальпроат қыздарда және ұрпақ өрбіту потенциалы бар әйелдерде қолдануға болмайды, жүктіліктің алдын алу жөніндегі бағдарлама шарттары орындалатын жағдайларды қоспағанда Вальпроатпен ем алған аналар мен еркектерден туылған балалардағы тератогендік және жүйке-психикалық дамуға әсері Жүктілік кезінде вальпроатты қолданумен байланысты қауіптер Жүктілік кезінде вальпроаттың әсер ету қаупі бар. Вальпроат жануарлар мен адамдарда плаценталық бөгеттен өтетіні көрсетілген. Вальпроатпен монотерапия да, вальпроатпен біріктірілген ем (басқа эпилепсияға қарсы препараттарды қоса) де әйелдерде жүктіліктің қолайсыз нәтижесімен жиі астасады. Қолжетімді деректер монотерапияда да, біріктірілген емнің құрамында да вальпроатты қабылдау вальпроат қабылдамаған популяциямен салыстырғанда туа біткен ауыр ақаулардың жоғары даму қаупімен байланысты болуы мүмкін екенін көрсетеді. Жануарларда тератогендік әсерлер көрсетілді. Вальпроатпен ем алған еркектерден туылған балалар үшін қауіптер Солтүстік Еуропаның үш елінде жүргізілген электронды медициналық жазбаларды ретроспективті бақылау зерттеуінің нәтижелері ламотриджин немесе леветирацетам қабылдаған әкелерден туған балалармен салыстырғанда, ұрықтануға дейін және/немесе жүктілік кезінде 3 ай бойы вальпроатпен ем қабылдаған ер пациенттерден туған балаларда (0-ден 11 жасқа дейін) жүйке-психикалық даму бұзылуларының жоғары қаупі туралы куәландырады. Негізгі әкелік және аналық қауіп факторларын ескере отырып түзетілген жүйке-психикалық даму бұзылуларының жинақталған қаупі елге байланысты вальпроат қабылдаған әкелер тобында 4,0%-дан 5,6%-ға дейін және ламотриджин немесе леветирацетаммен монотерапиясын қабылдаған әкелер тобында 2,3%-дан 3,2%-ға дейін болды. Барлық қосалқы типтер үшін үш елдегі деректер жиынтығын мета-талдау нәтижелеріне сәйкес жүйке-психикалық даму бұзылулар қауіптерінің жиынтық түзетілген қатынасы (ҚҚ) 1,50 (95% СА: 1,09–2,07) құрады. Зерттеудің шектеулеріне байланысты зерттелген жүйке-психикалық даму бұзылуларының қосалқы типтерінің қайсысы (аутизм спектрінің бұзылуы, ақыл-ой кемістігі, қарым-қатынастың бұзылуы, зейін тапшылығы/аса жоғары белсенділік синдромы, қимылдың бұзылуы) жүйке-психикалық даму бұзылулар қаупінің жалпы жоғарылауына ықпал ететінін анықтау мүмкін емес Емдеуші дәрігер ұрпақ өрбіту потенциалы бар еркек пациенттерге осы ықтимал қауіп пен алдын алу шаралары туралы, атап айтқанда вальпроат қабылдау кезінде және емдеуді тоқтатқаннан кейін 3 ай ішінде тиімді контрацепция қажеттілігі туралы хабарлауы керек. Дәрігер-маман емдеудің басында және әр жыл сайынғы қайта бағалау кезінде баламалы терапия әдістерін талқылауы керек. Вальпроаттың жатырішілік әсерінен кейінгі туа біткен ақаулар Зерттеу-тізілімдер мен когорттық зерттеулер кірген мета-талдаудан алынған деректер жүктілік кезеңінде вальпроатпен монотерапия алған эпилепсиясы бар әйелдерден туылған балалардың шамамен 11% туа біткен даму ақаулары байқалғанын көрсетті. Едәуір жиі даму ақауларының даму қаупі жалпы қауымға қарағанда жоғары, мұнда қауіп шамамен 2-3% құрайды. Вальпроатты қамтитын біріктірілген эпилепсияға қарсы емнің құрсақішілік әсерінен кейінгі балалардағы ауыр туа біткен ақаулардың қаупі вальпроатсыз біріктірілген эпилепсияға қарсы емнің әсеріне қарағанда жоғары. Бұл қауіп вальпроат монотерапиясында да, вальпроатты қамтитын біріктірілген емде де дозаға тәуелді болып табылады. Алайда, қауіп жоқ дозаның шекті мәнін анықтау мүмкін емес. Қолда бар деректер шағын және ауыр даму ақауларының пайда болу жиілігін көрсетеді. Едәуір жиі байқалатын даму ақаулары жүйке түтігінің ақаулары, бет дисморфизмі, еріннің және/немесе таңдайдың туа біткен жырығы, краниостеноз, жүректің даму ақаулары, бүйрек және несеп-жыныс жүйелерінің ақаулары, аяқ-қолдардың даму ақаулары (соның ішінде кәрі жіліктің екі жақты аплазиясы), сондай-ақ организмнің әртүрлі жүйелерімен байланысты көптеген ауытқулар болып табылады. Вальпроаттың құрсақішілік әсері құлақтың және/немесе мұрынның (салдарлы әсер) даму ақауларына және/немесе есту қабілетіне тікелей уытты әсерге байланысты есту қабілетінің бұзылуына/жоғалуына әкелуі мүмкін. Жағдайлар бір жақты және екі жақты кереңдік немесе есту қабілетінің жоғалуын сипаттайды. Сипатталған барлық жағдайларға салдары туралы хабарланған жоқ. Нәтижелерді алу кезінде көптеген жағдайларда өзгерістер байқалмады, сауығу болған жоқ. Отоуыттыық белгілер мен симптомдарды бақылау ұсынылды. Вальпроаттардың құрсақішілік әсері басқа да туа біткен ақаулармен байланысы туралы хабарланған көз ақауларына (колобомалар, микрофтальмдарды қоса) әкелуі мүмкін. Көздің бұл ақаулары көру қабілетіне әсер етуі мүмкін. ДЕПАКИН® ХРОНО препаратының құрсақішілік әсеріне байланысты жүйке-психикалық дамудың бұзылуы Зерттеулер вальпроаттың құрсақішілік әсері балаларда жүйке-психикалық даму бұзылуларының туындау қаупін арттыруы мүмкін екенін көрсетті, нәтижесінде мүгедектікке әкелуі мүмкін. Жүйке-психикалық дамудың бұзылу қаупі (аутизмді қоса) вальпроатпен монотерапия кезінде дозаға тәуелді болуы мүмкін, бірақ қауіп жоқ шекті дозаны қолда бар мәліметтер негізінде анықтау мүмкін емес. Жүктілік кезінде вальпроатты басқа эпилепсияға қарсы дәрілермен біріктірілген емде қолданған кезде, жалпы қауымдағы балалармен немесе емделмеген эпилепсиясы бар аналардан туған балалармен салыстырғанда балалардағы жүйке-психикалық дамудың бұзылу қаупі сондай-ақ елеулі артты. Мұндай әсерлердің пайда болу қаупі бар жүктіліктің нақты кезеңі анықталмаған және жүктіліктің бүкіл кезеңінде қауіп мүмкіндігін жоққа шығаруға болмайды. Вальпроаттың құрсақішілік әсеріне ұшыраған мектеп жасына дейінгі балалардағы зерттеулер осындай балалардың 30-40% дейінгі бөлігінде жүру дағдыларын меңгеру кідірісі және сөйлеу қабілетінің даму тежелісі, сондай-ақ интеллектуалдық және вербальді қабілеттерінің (өзінің сөйлеуі және сөзді түсінуі) төменірек болуы сияқты ерте жастағы даму кідірістері, сонымен қатар есте сақтау кінәраттары болғанын көрсетті. Вальпроаттың құрсақішілік әсер етуі мектеп жасындағы (6 жас) балаларда өлшенген интеллект коэффициенті (IQ) басқа эпилепсияға қарсы дәрілердің әсеріне ұшыраған балаларға қарағанда орта есеппен 7-10 баллға төмен болды. Ұзақ мерзімді әсерлер туралы деректер шектеулі. Вальпроаттың құрсақішілік әсеріне ұшыраған балаларда ем алмаған жалпы популяциямен салыстырғанда даму бұзылуларының жоғары қаупі (аутистік спектрдің бұзылысы, қауіптің шамамен үш есе ұлғаюы) және аутизм (қауіптің шамамен бес есе ұлғаюы) бар екенін растайтын Данияның ұлттық тіркелімінің зерттеуінен алынған деректер бар. Вальпроаттың құрсақішілік әсеріне ұшыраған балаларда зерттеуде ем алмаған жалпы популяциямен салыстырғанда аса жоғары белсенділікпен жүретін зейін қоюдың тапшылығы синдромы симптомдарының даму қаупі жоғары (шамамен 1,5 есе ұлғаю) екенін растайтын Данияның ұлттық тіркелімінің екінші зерттеуінен алынған деректер бар. Құрамында эстроген бар препараттар Вальпроат гормональді контрацептивтер тиімділігін төмендетпейді. Алайда, құрамында эстроген бар препараттар, құрамында эстроген бар гормональді контрацептивтерді қоса, вальпроат клиренсін арттыруы мүмкін, бұл қан сарысуында вальпроат концентрациясының төмендеуіне және ықтималды түрде оның емдік әсерінің төмендеуіне әкелуі мүмкін. Клиникалық жауапты (құрысуларды немесе көңіл-күйді бақылау) құрамында эстроген бар препараттарды қабылдау басталғанда немесе тоқтатылғанда препаратты тағайындайтын дәрігер қадағалап отыруы тиіс. Қан сарысуындағы вальпроат деңгейін бақылау қажет. Егер әйел жүктілікті жоспарласа Эпилепсияны емдеуде, егер әйел жүктілікті жоспарлап жүрсе, эпилепсияны емдеуде тәжірибесі бар маман вальпроатпен емге қайта бағалау жүргізуі және емдеудің баламалы нұсқаларын қарастыруы тиіс. Барлық мүмкіндікті тиісінше баламалы емге ұрықтануға дейін және контрацепция пайдалануды тоқтатқанға дейін аудару үшін пайдалануға тырысу керек. Егер көшіру мүмкін болмаса, әйел отбасын жоспарлау бойынша шешімді қабылдау үшін тиісті ақпаратты қамтамасыз ету үшін болашақ сәбиге вальпроат қауіптеріне (туа біткен ақаулар, физикалық және психикалық дамудың бұзылуы, бұл ауыр мүгедектік салдарына әкелуі мүмкін) қатысты қосымша кеңес алуы тиіс. Биполярлық бұзылыстарды емдеу кезінде, егер әйел жүктілікті жоспарлап жүрсе, биполярлық бұзылыстарды емдеу тәжірибесі бар маман пациент әйелге ақпарат беруі тиіс және вальпроатпен емдеу тоқтатылып, мүмкіндігінше, ұрықтануға дейін және контрацепция пайдалануды тоқтатуға дейін емдеудің баламалы әдістеріне (дәрі-дәрмектік немесе дәрі-дәрмектік емес) ауысуды қарастыруы тиіс. Жүкті әйелдер Вальпроат жүктілік кезінде биполярлық бұзылыстарды емдеуге болмайды. Эпилепсияны емдеуде вальпроат жүктілік кезінде, баламалы ем болмаған жағдайларды қоспағанда және пациенттерге вальпроат қабылдаумен байланысты қауіптер туралы толық хабарлағаннан кейін қарсы болады. Егер вальпроат қабылдайтын әйелде жүктілік басталса, оны емдеудің баламалы нұсқаларын қарастыру үшін дереу маманға жолдау қажет. Жүктілік кезеңінде әйелдерде тонус-клонустық ұстамалар мен гипоксиямен бірге эпилепсия статусы жүкті әйел және шарананың өліп кетуінің аса қаупін төндіруі мүмкін. Егер вальпроатты жүктілік кезінде қолданудың белгілі қауіптеріне қарамастан және баламалы емді мұқият қарастырудан кейін, айрықша жағдайларда жүкті әйел эпилепсияны емдеу үшін вальпроат қабылдауы тиіс болса, вальпроаттың ең төмен тиімді дозасын пайдалану және оларды күні бойы қабылдау үшін тәуліктік дозасын бірнеше дозаларға бөлу ұсынылады. Босап шығуы ұзаққа созылатын дәрілік түрін қолдану қан плазмадағы жоғары шыңдық концентрациясынан аулақ болу үшін басқа кез келген дәрілік түрден басымдық беруі мүмкін. Вальпроат қолданып жүрген барлық жүкті пациент әйелдер мен олардың жұптарын вальпроат әсеріне ұшырайтын жүктілікке қатысты бағалау және кеңес алу үшін, тератологияда тәжірибесі бар маманға жолдау керек. Жүйке түтігі ақауларының немесе басқа даму ақауларының пайда болуы мүмкін екенін анықтау үшін мамандандырылған пренатальді мониторинг жүргізу керек. Жүктілікке дейін фолий қышқылының қоспаларын қабылдау жүктілік кезінде туындауы мүмкін жүйке түтікшесі ақауларының қаупін азайтуы мүмкін. Алайда, фолий қышқылының вальпроат әсерінен туындайтын туа біткен ақаулардың немесе даму ақауларының алдын алатынын жорамалдауға қолда бар деректер жеткіліксіз. Нәрестелердегі қауіп Жүктілік кезеңінде аналары вальпроат/вальпрой қышқылын қабылдаған нәрестелерде геморрагиялық синдромның өте сирек жағдайларының дамуы хабарланды. Бұл геморрагиялық синдром тромбоцитопениямен, гипофибриногенемиямен және/немесе қан ұю факторы мөлшерінің төмендеуімен байланысты болуы мүмкін. Кейде өліммен аяқталған афибриногенемия дамуы да хабарланды. Бұл геморрагиялық синдромды фенобарбитал мен басқа фермент индукторлары тудыратын К дәруменінің тапшылығынан ажырату керек. Сондықтан жаңа туған нәрестелерде қандағы тромбоциттер санын, плазмалық фибриноген концентрациясын, коагуляция факторларын және коагулограмманы міндетті түрде анықтау керек. Аналары жүктіліктің соңғы триместрінде құрамында вальпрой қышқылы бар дәрілік препараттарды қабылдаған жаңа туған нәрестелерде тоқтату синдромы (атап айтқанда, ажитация, ашушаңдық, шектен тыс қозу, гиперкинезия, тонус бұзылуы, тремор, құрысулар, қоректену бұзылыстары) туындауы мүмкін. Аналары жүктіліктің үшінші триместрінде вальпроат қабылдаған нәрестелерде гипогликемия жағдайлары туралы хабарланған. Аналары жүктілік кезінде вальпроат қабылдаған жаңа туған нәрестелерде гипотиреоз туралы хабарланды. Лактация Вальпрой қышқылының емшек сүтіне бөлініп шығуы ананың қан сарысуындағы деңгейінің 1-10% жуығын құрайды. Препарат емшек еметін жаңа туған нәрестелерде фармакологиялық әсер етуі мүмкін. Бала емізуді тоқтату ұсынылады. Фертильділік Вальпроат қабылдаған әйелдерде аменорея жағдайлары, аналық бездер поликистозы және тестостерон деңгейінің жоғарылауы тіркелген. Вальпроат еркектердегі фертильділігіне әсер етуі мүмкін. Хабарланған жағдайларда фертильді дисфункция қайтымды болып табылады және емдеуді тоқтатқаннан кейін кем дегенде 3 айдан соң жоғалады. Жүктілік те байқалды. Шектеулі жағдайларда спермограмма ауытқулары бірнеше айдан кейін қалпына келмеді. Басқа жағдайларда ауытқулардың нәтижесі белгісіз болды.

Вальпрой қышқылының басқа препараттарға әсері Вальпрой қышқылы CYP2C9 және CYP3A изоферменттерінің Р450 цитохромының тежегіші болып табылады. Сондықтан күтуге болатын метаболизмдік әсерлерді тиісті деректерді ескере отырып, қамтамасыз етуге болады. Келесі өзара әрекеттесулер айрықша маңызды болып табылады: Нейролептиктер, моноаминоксидаза тежегіштері, антидепрессанттар және бензодиазепиндер ДЕПАКИН® ХРОНО препараты нейролептиктер, моноаминоксидаза тежегіштері, антидепрессанттар және бензодиазепиндер сияқты басқа нейропсихотроптық препараттардың әсерін күшейтуі мүмкін. Қажеттісі: клиникалық мониторинг өткізу және мүмкіндігінше дозасын түзету. Литий ДЕПАКИН® ХРОНО препараты қан сарысуындағы литий деңгейіне ықпал етпейді, бұл жас дені сау еркек еріктілерге жүргізілген өзара әрекеттесу бойынша фармакокинетикалық зерттеумен расталған. Фенобарбитал ДЕПАКИН® ХРОНО препараты бауыр катаболизмін тежеу әсеріне байланысты қан плазмасындағы фенобарбитал концентрациясын арттырады, әсіресе, бұл балаларда седативті әсерге әкелуі мүмкін. Ұсынылады: ұйқышылдық белгілері білінгенде фенобарбитал дозасын дереу азайта отырып, біріктіріп емдеудің алғашқы 15 күні бойына клникалық қадағалау. Қажет болған жағдайда, қан плазмасында фенобарбитал концентрациясын анықтау ұсынылады. Примидон ДЕПАКИН® ХРОНО препараты қан плазмасында примидон концентрациясын арттырады және оның жағымсыз реакцияларын (седативті әсер сияқты) күшейтеді. Осы өзара әрекеттесуі ұзақ уақыт бойы емдегенде тоқтайды. Ұсынылады: клиникалық мониторинг, әсіресе, біріктірілген емнің басында, сондай-ақ, қажет жағдайда, примидон дозасын түзету. Фенитоин ДЕПАКИН® ХРОНО препараты қан плазмасындағы фенитоиннің жалпы концентрациясын төмендетеді. Атап айтқанда, ол мүмкін болатын артық дозалану белгілерімен фенитоиннің бос фракциясының жоғарылауына алып келеді (вальпрой қышқылы фенитоинді оның плазма ақуыздарымен байланысу бөліктерінен ығыстырады және оның бауырдағы катаболизмін төмендетеді). Ұсынылады: клиникалық қадағалау, қан плазмасындағы фенитоин концентрациясын анықтау кезінде, әсіресе, бос фракциясын ескеру керек. Карбамазепин Натрий вальпроаты/вальпрой қышқылын карбамазепинмен біріктіріп қолданғанда клиникалық уыттылықтың көріністері туралы хабарланды, өйткені натрий вальпроаты/вальпрой қышқылы карбамазепиннің уытты әсерін күшейтуі мүмкін. Ұсынылады: клиникалық қадағалау, әсіресе, біріктірілген емнің басында және қажет болғанда дозасын түзету. Ламотриджин ДЕПАКИН® ХРОНО препараты ламотриджин метаболизмін төмендетеді және оның жартылай шығарылу кезеңін шамамен екі есе арттырады. Бұл өзара әрекеттесу ламотриджин уыттылығының, әсіресе, терінің ауыр реакцияларының дамуына алып келуі мүмкін. Бірлескен емдеудің алғашқы 6 аптасында туындайтын және емдеуді тоқтатудан кейін немесе кейбір жағдайларда тиісті емдеуден кейін ғана ішінара басылатын терінің бірнеше күрделі реакциясы туралы хабарланды. Сондықтан, клиникалық мониторинг өткізу және, қажет болғанда, ламотриджин дозасын азайту ұсынылады. Зидовудин Натрий вальпроаты/вальпрой қышқылын қолдану аясында қан плазмасындағы зидовудин концентрациясы жоғарылауы мүмкін, бұл зидовудиннің уытты әсерінің қаупін арттырады. Фелбамат ДЕПАКИН® ХРОНО препараты фелбаматтың орташа клиренсінің 16% дерлік төмендеуіне әкелуі мүмкін. Оланзапин Вальпрой қышқылы қан плазмасында оланзапин концентрациясын төмендетуі мүмкін. Руфинамид Қан плазмасындағы руфинамид концентрациясының жоғарылауы мүмкін, бұл вальпрой қышқылының концентрациясына байланысты. Сақтық таныту қажет, әсіресе балаларда қолданған кезде, өйткені бұл әсер пациенттердің осы қауымында едәуір айқын болады. Кветиапин Натрий вальпроаты/вальпрой қышқылы және кветиапин біріктірілімі нейтропенияның/лейкопенияның даму қаупін арттыруы мүмкін. Пропофол Вальпрой қышқылы пропофолдың плазмалық концентрациясының жоғарылауына әкелуі мүмкін. Вальпроатпен бір мезгілде қолданғанда пропофол дозасын төмендетудің орындылығын ескеру қажет. Нимодипин Нимодипин вальпрой қышқылымен біріктірілімде плазмалық нимодипиннің концентрациясын 50% арттыруы мүмкін. Басқа препараттардың вальпрой қышқылына әсері Эпилепсияға қарсы препараттар: ферменттерді индукциялау әсері бар эпилепсияға қарсы дәрілерді қолдану аясында (оның ішінде фенитоин, фенобарбитал, примидон, карбамазепин) қан сарысуындағы вальпрой қышқылының концентрациясы төмендейді. Препаратты біріктірілген ем құрамында қолданған жағдайда дозаны клиникалық жауапқа және қандағы препарат деңгейіне сәйкес түзету қажет. Фелбаматты натрий вальпроатымен біріктіріп қабылдағанда вальпрой қышқылы клиренсінің 22-50% төмендеуін байқауға болады, бұл қан сарысуында вальпрой қышқылы концентрациясының дозаға тәуелді артуына әкелуі мүмкін. Ұсынылады: плазмалық концентрацияны мониторингілеу. Фенитоин немесе фенобарбиталды вальпрой қышқылымен біріктіргенде қан сарысуындағы вальпрой қышқылы метаболиттерінің деңгейін арттыруы мүмкін. Сондықтан екі препаратты да қабылдайтын пациенттерде гипераммонемия белгілерін мұқият бақылау қажет. Мефлохин Мефлохинді қолдану аясында вальпрой қышқылының метаболизмі күшейеді, сонымен қатар құрысуларды индукциялайтын әсер байқалады. Осылайша, вальпрой қышқылы мен мефлохинді біріктіріп қабылдаған кезде эпилепсиялық құрысулардың туындау қаупі бар. Ақуыздармен байланысу қабілеті жоғары препараттар: вальпроатты ақуыздармен байланысу қабілеті жоғары препараттармен (мысалы, ацетилсалицил қышқылы) бір мезгілде қолдану қан сарысуында вальпрой қышқылының байланыспаған түрінің концентрациясының артуына әкелуі мүмкін. Циметидин немесе эритромицин Циметидин немесе эритромицинді бір мезгілде қолдану, қан сарысуында вальпрой қышқылы концентрациясының артуына алып келуі мүмкін (бауырда вальпрой қышқылы метаболизмінің төмендеуі салдарынан). Карбапенемдер Вальпрой қышқылын карбапенемдермен (мысалы, панипенем, меропенем, имипенем) бір мезгілде қолданғанда 2 күн бойы кейде ұстамалардың туындауымен біріккен вальпрой қышқылының қандағы концентрациясының 60-100% төмендеуі байқалды. Вальпрой қышқылымен монотерапия кезінде жағдайы тұрақты болған пациенттердегі вальпрой қышқылы мен карбапенемдердің ықтимал өзара әрекеттесуінің салдары бақыланбайтын болып саналады. Бұл әсер карбапенемдерді қабылдау кезінде вальпрой қышқылының деңгейінің тез дамуына және төмендеу дәрежесіне байланысты. Карбапенемдердің вальпрой қышқылымен бір мезгілде қолданудан сақтану керек. Егер антибиотиктермен емделуден бас тарту мүмкін болмаса, қан плазмасында вальпрой қышқылының концентрациясына мұқият мониторинг өткізу керек. Рифампицин Рифампицинді қолдану аясында қандағы вальпрой қышқылының деңгейі төмендеуі мүмкін, бұл жеткіліксіз емдік әсерге әкеледі. Сондықтан рифампицинмен бір мезгілде қолданғанда вальпроат дозасын түзету қажет болуы мүмкін. Протеаза тежегіштері Лопинавир және ритонавир сияқты протеаза тежегіштерімен бір мезгілде қолданғанда қан плазмасындағы вальпроат концентрациясы төмендейді. Холестирамин Холестираминмен бір мезгілде қолдану қан плазмасындағы вальпроат концентрациясының төмендеуіне әкелуі мүмкін. Құрамында эстроген бар препараттар Вальпроат гормональді контрацептивтер тиімділігін төмендетпейді, өйткені бұл әсер етуші заттың энзим-индукциялау әсері жоқ. Алайда, эстрогендер мен құрамында эстроген бар препараттардың UGT ферментінің белсенділігін in vitro және in vivo индукциялауы көрсетілді. UGT1A6, UGT1A9 және UGT2B7 ферменттері вальпрой қышқылының биотрансформациясына 40% жауап береді. Фармакокинетикалық зерттеулер, ғылыми жарияланымдар және маркетингтен кейінгі зерттеулер, құрамында эстроген бар гормональді контрацептивтерді қоса, құрамында эстроген бар препараттардың вальпроат клиренсін арттыруы мүмкін екенін көрсетті, ол қан сарысуында вальпроат концентрациясының төмендеуіне әкелуі және вальпроат тиімділігінің потенциалды төмендеуіне әкелуі мүмкін. Метамизол Метамизол Р450 цитохромының кейбір изоферменттерінің индукторы және вальпроаттың биотрансформациясына қатысатын уридиндифосфат-глюкуронилтрансферазалардың (УГТ) потенциалды индукторы болып табылады. Осылайша, метамизол вальпроат метаболизмін күшейтіп, қан сарысуындағы вальпроат деңгейін төмендетуі мүмкін, бұл вальпроаттың клиникалық тиімділігінің ықтимал төмендеуіне әкелуі ықтимал. Вальпроаттармен және метамизолмен біріктірілген емдеу кезінде дәрігерлер клиникалық реакцияны (құрысуды бақылау немесе маниялық эпизодтарды қадағалау) бақылауы және қажет жағдайда қан сарысуындағы вальпроат деңгейіне тұрақты мониторинг жүргізуі тиіс. Қан сарысуындағы деңгейдің төмендеуі, эпилепсиялық құрысулардың қайталануы немесе маниакальді көріністер жағдайында емдеуді клиникалық жауапқа және сарысудағы деңгейге сәйкес түзету керек. Метотрексат Кейбір жағдайларда метотрексатты қолданғаннан кейін бірнеше сағат ішінде қан сарысуындағы вальпроат концентрациясының елеулі төмендеуі және эпилепсиялық құрысулар сияқты клиникалық симптомдардың пайда болуы сипатталған. Бұл препараттарды бір мезгілде қолданғанда клиникалық жауапты бақылау керек (құрысуды немесе маниакальді эпизодтарды бақылау) және қажет болған жағдайда қан сарысуындағы вальпроат концентрациясын мұқият, тұрақты және тиісті мониторингілеуді бастау керек. Өзара әрекеттесудің басқа түрлері Бауырдың зақымдану қаупі Гепатоуыттылық қаупіне байланысты балаларда салицилаттарды бір мезгілде қолданудан аулақ болу керек. Вальпроат пен кейбір басқа құрысуға қарсы препараттарды бір мезгілде қолдану бауырдың зақымдану қаупін, әсіресе жас балаларда арттырады. Емдеуші дәрігер вальпроатпен және басқа потенциалды гепатоуытты құрысуға қарсы препараттармен біріктірілген емді тағайындау кезінде клиникалық көрініс пен зертханалық зерттеулер негізінде бауыр функциясын бақылауы керек. Зертханалық көрсеткіштерде елеулі өзгерістер анықталған кезде, дозаны азайту немесе вальпроат және/немесе басқа потенциалды гепатоуытты препаратты қабылдауды тоқтату керек. Потенциалды гепатотоуытты дәрілік препарат және алкоголь вальпрой қышқылының бауырдағы уыттылығын арттыруы мүмкін. Каннабидиол Клиникалық зерттеулер кезінде және жарияланымдарда каннабидиолды бір мезгілде дене салмағының 10-нан 25 мг/кг-ге дейін және вальпроат дозаларында қабылдаған барлық жастағы пациенттерде АЛТ және АСТ белсенділігінің референсті мәндерінің жоғарғы шегінен 3 еседен астам артқаны туралы хабарланды. Трансаминазалар белсенділігінің жоғарылау қаупі пациенттің жасына (жас балалар едәуір осал), каннабидиол дозасына және трансаминазалардың бастапқы мәндеріне байланысты. Сонымен қатар, клобазамды бір мезгілде қолдану трансаминазалар белсенділігі жоғарылауының қосымша қауіп факторы болып табылуы мүмкін. Сонымен қатар, вальпроат пен каннабидиолды бір мезгілде қолдану тромбоцитопения, диарея және тәбеттің жоғалуының пайда болу жиілігін арттырады деп сипатталған. Бауыр функциясын және тромбоциттер санын бақылау үшін вальпроат пен каннабидиолмен (әсіресе клобазамды бірлесіп қолданған кезде) біріктірілген емді тағайындау кезінде емдеуші дәрігердің клиникалық және зертханалық бақылауы қажет. Талдау нәтижелерінің айқын өзгерістері анықталған кезде, дозаны азайту немесе вальпроат және/немесе каннабидиолды қабылдауды тоқтату қажет. К дәруменінің антагонистері Вальпрой қышқылының фермент-индукциялау әсері жоқ, ол гормональді контрацепцияны пайдаланатын әйелдерде қан плазмасында эстроген мен прогестеронның жалпы концентрациясын төмендетпейді. Дәл сол себепті, вальпроат қан плазмасында К дәрумені антагонистерінің жалпы концентрациясын төмендетпейді. Алайда ДЕПАКИН® ХРОНО препараты, альбуминмен бәсекелі байланысуына орай, варфариннің бос фракция деңгейін арттыруы мүмкін. Сондықтан К дәрумені антагонистерін қабылдап жүрген пациенттерде протромбин деңгейін мұқият бақылау қажет. Топирамат және ацетазоламид Вальпроатты топираматпен және ацетазоламидпен бір мезгілде қабылдау энцефалопатия және/немесе гипераммониемияның дамуын туындатуы мүмкін. Осы препаратпен ем қабылдап жүрген пациеттерге гипераммониемиялық энцефалопатия симптомдарына мұқият мониторинг өткізу керек. Пивалат-конъюгацияланған дәрілер Карнитин концентрациясын төмендететін вальпроат пен пивалат-конъюгацияланған дәрілік заттарды (цефдиторен пивоксил, адефовир дипивоксил, пивмециллиндер сияқты) бір мезгілде қолдану ұсынылмайды, себебі бұл гипокарнитинемияның дамуына әкелуі мүмкін. Бұл препараттарды бір мезгілде қолданудан аулақ бола алмайтын пациенттер гипокарнитинемия симптомдары мен белгілеріне мұқият бақылануы тиіс.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!