ДЕТОПРОФ таблетки 60 мг

Бір таблетканың құрамында белсенді зат – 60 мг эторикоксиб, қосымша заттар: натрий кроскармеллозасы, микрокристалды целлюлоза, магний стеараты; Қабық құрамы: гидроксипропилметилцеллюлоза, титанның қостотығы (Е171), глицерин триацетаты, тазартылған тальк, индигокармин лагы, темірдің сары тотығы (Е172), тазартылған су. Сыртқы түрінің, иісінің, дәмінің сипаттамасы Дөңгелек пішінді, екі беті дөңес, күңгірт-жасыл түсті үлбірлі қабықпен қапталған таблеткалар

- остеоартрит - ревматоидты артрит - шорбуынданатын спондилит - жедел подагралық артритпен байланысты ауырсыну және қабыну симптомдарын симптоматикалық емдеу - стоматологиялық операция жасаумен байланысты орташа ауырсынуды қысқа мерзімді емдеу ЦОГ-2 селективті тежегішін тағайындау шешімі пациент үшін барлық жеке қауіптердің бағалануына негізделуі тиіс.

Әсер ету механизмі. Эторикоксиб – пероральді қолдануға арналған препарат, клиникалық дозалар диапазоны шегінде қолдану кезіндегі ЦОГ-2 селективті тежегіші болып табылады. Препарат тәулігіне 150 мг дейінгі дозаларда қолданылғанда ЦОГ-1 тежелісінсіз ЦОГ-2-ні дозаға тәуелді тежемейтіні анықталды. Эторикоксиб асқазанның простагландиндер синтезін тежемейді және тромбоциттер функциясына ықпал етпейді. Циклооксигеназа простагландиндердің түзілуіне жауап береді. Екі изотүрі – ЦОГ-1 және ЦОГ-2 анықталды. ЦОГ-2 қабынуға қарсы импульстермен индукцияланатын ферменттің изотүрі болып табылады және ауырсыну, қабыну және қызбаның простаноидтық медиаторларының синтезіне жауап беретін негізгі фактор ретінде қарастырылады. ЦОГ-2 овуляция, имплантация және артериялық ағыс жолының жабылу, бүйрек және орталық жүйке жүйесі функциясының реттелу үдерістеріне де (қызба индукциясы, ауырсынуды сезіну, когнитивтік функция) атсалысады, сондай-ақ ойық жаралардың жазылу үдерісіне қатысуы мүмкін. ЦОГ-2 адамда асқазанның ойық жарасының айналасындағы тіндерден анықталды, бірақ ойық жараның жазылуындағы маңызы анықталмады.

Дозалау режимі Препарат ас ішуге байланыссыз ішке қабылданады. Егер препарат ас ішу алдында қабылданса, әсерінің басталуы тезірек болады, симптомдарды жылдам бәсеңсіту қажет болғанда оны ескеру керек. Эторикоксибті қолдану кезінде жүрек-қантамыр асқынуларының туындау қаупі дозаны және қолдану ұзақтығын арттырғанда жоғарылауы мүмкін екендіктен, барынша қысқа уақыт кезеңі бойына ең төмен тиімді дозаларын пайдалану керек. Мезгіл-мезгіл, әсіресе, остеоартрит бар пациенттерде симптомдарды жеңілдету қажеттілігіне және жүргізілген емге берілген жауапты қайта бағалау керек. Қабылдау уақытының көрсетілуімен қолдану жиілігі Остеоартрит. Кейбір пациенттерде 30 мг дозаның әсері жеткілікті болмаса, дозаны тәулігіне бір рет 60 мг дейін арттыру мәселесін қарастыру керек. Әсері болмаса, мүмкін болатын басқа емдеу әдістері туралы мәселені қарастыру керек. Ревматоидты артрит. Ұсынылатын доза - тәулігіне бір рет 60 мг. Ең төмен тиімді тәуліктік дозасы күніне бір рет 60 мг құрайды. Шорбуынданған спондилит. Ұсынылатын доза - тәулігіне бір рет 60 мг. Науқастың жай-күйі тұрақтанған соң дозаны тәулігіне 60 мг дейін азайту жеткілікті болады. Әсері болмаса, мүмкін болатын басқа емдеу әдістері туралы мәселені қарастыру керек. Қатты ауырсыну күйлері. Эторикоксиб тек жедел ауырсыну синдромы кезеңінде қолданылу керек. Жедел подагралық артрит. Ұсынылатын доза тәулігіне бір рет 120 мг құрайды. • Хирургиялық стоматологияда операциялардан кейінгі ауырсыну. • Қажет болса, кейбір пациенттер үшін ДЕТОПРОФ емін толықтыру үшін операциядан кейінгі ауыруды басатын басқа әдістерді қарастыруға болады. • Әр көрсетілім үшін ұсынылғанынан асып кететін дозалардың не қосымша тиімділігі болмады немесе зерттелмеді. • Сондықтан: - ОА тұсында доза тәулігіне 60 мг-ден аспауы тиіс - жедел подагра кезіндегі доза тәулігіне 120 мг-ден аспауы, ал емдеу көп дегенде 8 күн бойы жүргізілуі тиіс. • Егде жастағы пациенттер. Егде жастағы пациенттер үшін дозаны түзету қажет емес. Басқа препараттарды қолдану кезіндегідей, егде жастағы пациенттерде сақтық шарасын қадағалау керек. Бауыр функциясының бұзылуы. Ауырлығы жеңіл дәрежедегі бауыр функциясының бұзылулары бар (Чайлд-Пью бойынша 5-6 балл) пациенттерде тәулігіне бір рет 60 мг дозадан асырмау керек. • Препаратты, атап айтқанда, бауыр функциясының ауырлығы орташа бұзылулары бар пациенттерде қолданудың клиникалық тәжірибесі шектеулі. Препаратты бауыр функциясының ауыр бұзылулары бар (Чайлд-Пью шкаласы бойынша ≥10 балл) пациенттерде қолданудың клиникалық тәжірибесі жоқ, сондықтан препаратты осындай пациенттерде қолдану қарсы көрсетілімді. • Бүйрек функциясының бұзылуы. Креатинин клиренсі ≥30 мл/минут пациенттерде препарат дозасын түзету қажет емес. Креатинин клиренсі <30 мл/мин пациенттерде эторикоксиб қолдану қарсы көрсетілімді. • Балалар. Эторикоксиб балалар мен 18 жасқа толмаған жасөспірімдерге қарсы көрсетілімді.

• препараттың әсер етуші затына немесе оның құрамына кіретін кез келген басқа компонентке аса жоғары сезімталдық • өршу сатысындағы пептидтік ойық жара немесе асқазан-ішектен жедел қан кету • анамнезінде бронх демікпесі, жедел ринит, мұрын полиптері, ангионевроздық ісіну, есекжем немесе ацетилсалицил қышқылын немесе циклооксигеназа-2 (ЦОГ-2) тежегіштерін қоса, ҚҚСП қолданудан кейінгі басқа аллергиялық реакциялар дамыған пациенттер • жүктілік және лактация кезеңі • бауыр функциясының ауыр бұзылулары (қан сарысуындағы альбумин <25 г/л немесе Чайлд-Пью шкаласы бойынша ≥10 балл) • бауыр функциясының ауырлығы орташа дәрежедегі бұзылулары (Чайлд-Пью бойынша 7-9 балл) бар пациенттер • анықталған бүйректік креатинин клиренсі <30 мл/минут • балалар және 18 жасқа дейінгі жасөспірімдер • ішектің қабыну аурулары • жүректің созылмалы жеткіліксіздігі (NYHA II-IV) • орныққан, бақыланбайтын 140/90 мм сын. бағ. жоғары артериялық гипертензия • анықталған жүректің ишемиялық ауруы, шеткері артериялар аурулары және/немесе цереброваскулярлық ауру

Жиі • абдоминальді ауыру • астения/әлсіздік, тұмау тәрізді симптомдар • бас айналу, бас ауыру • бронх түйілуі • жүректің жиі соғуы, аритмия • артериялық гипертензия • ісіну/сұйықтық іркілісі • іш қату, метеоризм, гастрит, қыжылдау/қыжыл рефлюксі, диарея, диспепсия, эпигастрий аумағында жайсыздық сезіну, жүрек айну, құсу, эзофагит, ауыз қуысындағы ойық жара • альвеолярлы остеит • АЛТ деңгейінің жоғарылауы, АСТ деңгейінің жоғарылауы • экхимоз • Жиі емес • дәм сезудің бұрмалануы, ұйқысыздық, парестезия/гипестезия, ұйқышылдық • үрейлену, өз күшіне күмәнданумен байланысты депрессия, ақыл-ой айқындығының төмендеуі; елестеулер, анық көрмеу, конъюнктивит • құлақтың шыңылдауы, вертиго • жүрекшелер фибрилляциясы, тахикардия, жүректің іркілісті жеткіліксіздігі, ЭКГ-дағы спецификалық емес өзгерістер, стенокардия, миокард инфарктісі • гиперемия, ми қан айналымының жедел бұзылуы, транзиторлы церебральді ишемиялық ұстама, гипертензиялық криз, васкулит • кеуденің ауырсынуы • жөтел, диспноэ, мұрыннан қан кету • гастроэнтерит, жоғарғы тыныс жолдарының инфекциялары, несеп шығару жолдарының инфекциясы • іштің желденуі, ішектің перистальтика сипатының өзгеруі, ауыз кеберсуі, гастродуоденальді ойық жаралар, пептидтік ойық жаралар, гастроинтестинальді перфорацияны қоса және қан кету, ішектің тітіркену синдромы, панкреатит • тәбеттің артуы немесе төмендеуі, дене салмағының артуы • протеинурия, сарысулық креатинин деңгейінің жоғарылауы, бүйрек функциясының бұзылуы, бүйрек жеткіліксіздігін қоса • бұлшықеттердің түйілуі/бұлшықеттердің құрысуы, қаңқа-бұлшықет ауырсынуы/қимыл шектелісі, аса жоғары сезімталдық • беттің ісінуі, қышыну, бөртпе, эритема, есекжем • анемия (көбінесе асқазан-ішектен қан кету нәтижесінде), лейкопения, тромбоцитопения • қандағы мочевина азоты деңгейінің жоғарылауы, креатинфосфокиназа деңгейінің жоғарылауы, гиперкалиемия, несеп қышқылы деңгейінің артуы Сирек • сананың шатасуы, мазасыздық • гепатит, бауыр жеткіліксіздігі, сарғаю • ангиоэдема/анафилаксиялық/анафилактоидтық реакциялар, шокты қоса, – Стивенс-Джонсон синдромы, уытты эпидермалық некролиз, орныққан дәрілік эритема • қанда натрий деңгейінің төмендеуі ҚҚСП қолдану аясында мынадай елеулі жағымсыз әсерлер туралы хабарланды және эторикоксибке қатысты жоққа шығаруға болмайды: интерстициялық нефрит пен нефроздық синдромды қоса алғанда, нефроуыттылық. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ДЕТОПРОФ препаратын 21 күн бойы 500 мг дейінгі бір реттік дозаларда қолдану немесе тәулігіне 150 мг дейін көп реттік қабылдау елеулі уытты әсерлерін тудырмады. Жағдайлардың көпшілігінде жағымсыз реакциялар жөнінде мәлімделмесе де, эторикоксибпен жедел артық дозалану туралы хабарланды. Ең көп жиі байқалатын жағымсыз реакциялар эторикоксиб қауіпсіздігінің бейінімен сәйкес болды (мысалы, АІЖ тарапынан реакциялар, реноваскулярлық реакциялар). Емі: Артық дозалану жағдайында АІЖ жолынан сіңірілмеген препаратты шығару, клиникалық бақылауға алу және, қажет болса, демеуші ем жүргізу сияқты әдеттегі демеу шараларын қолдану мақсатқа сай. Эторикоксиб гемодиализ кезінде шығарылмайды; перитонеальді диализбен шығарылуы белгісіз.

Асқазан-ішек жолына әсері. Эторикоксиб қолданған пациенттерде кейде өліммен аяқталатын асқазан-ішек жолы тарапынан болатын асқынулар (тесілулер, ойық жаралар немесе қан кетулер) хабарланды. ҚҚСП қолдану кезінде АІЖ тарапынан асқынулардың даму қаупі жоғары пациенттерді емдеуде, атап айтқанда, бір мезгілде басқа ҚҚСП, оның ішінде ацетилсалицил қышқылын қолданатын егде жастағы пациенттерде, сондай-ақ анамнезінде ойық жара немесе асқазан-ішектен қан кету сияқты АІЖ аурулары бар пациенттерде сақтық шарасын қадағалауға кеңес беріледі. Эторикоксиб және ацетилсалицил қышқылын (тіпті төмен дозаларда) бір мезгілде қолданғанда АІЖ тарапынан жағымсыз реакциялардың (асқазан-ішек ойық жаралары немесе АІЖ тарапынан басқа асқынулар) қосымша туындау қаупі бар. Ұзақ мерзімдік клиникалық зерттеулерде ЦОГ-2 селективті тежегіші + ацетилсалицил қышқылын және ҚҚСП + ацетилсалицил қышқылын қолдану кезінде АІЖ үшін қауіпсіздігіне қатысты айқын өзгешелігі байқалмады. Жүрек-қантамыр жүйесіне әсері. Деректер ЦОГ-2 селективті тежегіштерін қолданудың, кейбір ҚҚСП және плацебомен салыстырғанда, тромбоздық асқынулардың туындау (әсіресе, миокард инфарктісі және инсульт) қаупімен байланысты болуы мүмкін екенін көрсетеді. Эторикоксиб дозасын және қолдану ұзақтығын арттырғанда жүрек-қантамырлық асқынулар қаупінің артуы мүмкін екендіктен, препаратты барынша қысқа уақыт кезеңі бойына ең төмен тиімді дозаларда қолдану керек. Ауырсынуды симптоматикалық жеңілдету қажеттілігін және, әсіресе, остеоартрит бар пациенттердің жүргізілген емдеуге жауабын мезгіл-мезгіл қайта қарау керек. Жүрек-қантамырлық асқынуларды дамытуы айқын білінетін қауіп факторлары (артериялық гипертензия, гиперлипидемия, қант диабеті, шылым шегу сияқты) бар пациенттерге эторикоксибпен емдеу осындай мүмкіндікті мұқият қарастырудан кейін ғана жүргізілу керек. ЦОГ-2 селективті тежегіштері, тромбоциттерге әсерін көрсетпейтіндіктен, жүрек-қантамыр ауруларының профилактикасында аспириннің алмастырушылары болып табылмайды. Сондықтан антиагреганттық препараттар қолдануды тоқтатпау керек. Бүйрекке әсері. Бүйректік простагландиндер бүйрек перфузиясын демеуде компенсаторлық рөл атқаруы мүмкін. Сондықтан бүйрек перфузиясы әлсірегенде эторикоксиб қабылдау простагландиндер түзілуінің азаюын және, соның салдарынан – бүйректік қан ағымының төмендеуін және бүйрек функциясының әлсіреуін туындатуы мүмкін. Осындай реакция қаупі бүйрек функциясының едәуір әлсіреуі, компенсацияланбаған жүрек жеткіліксіздігі немесе цирроз бұрыннан бар пациенттерде өте көп жоғары. Осындай пациенттерде бүйрек функциясын бақылау мүмкіндігін қарастыру керек. Сұйықтық іркілісі, ісінулер және артериялық гипертензия. Простагландиндер синтезін тежейтін басқа препараттарды қолдану кезіндегідей, эторикоксиб қабылдап жүрген кейбір пациенттерде сұйықтық іркілісі, ісінулер және артериялық гипертензия байқалды. Эторикоксибті қоса, барлық ҚҚСП жүректің іркілісті жеткіліксіздігінің туындауына немесе қайталануына әкелуі мүмкін. Эторикоксиб әсерінің дозаға тәуелділігі туралы ақпарат «Фармакодинамикасы» бөлімінде берілген. Препарат анамнезінде жүрек жеткіліксіздігі, сол жақ қарынша функциясының бұзылуы немесе артериялық гипертензиясы бар пациенттерге, сондай-ақ кез келген басқа себептен туындаған ісінулері бар пациенттерге сақтықпен тағайындалады. Осындай пациенттердің жай-күйінің клиникалық нашарлау белгілерінде, эторикоксиб тоқтатылуын қоса, тиісті шаралар қолдану керек. Эторикоксибті, әсіресе, жоғары дозаларда қолдану, кейбір басқа ҚҚСП және ЦОГ-2 селективті тежегіштерін қолдануға қарағанда, жиірек және ауыр артериялық гипертензиямен қатар жүруі мүмкін. Сондықтан эторикоксибпен емдеуді бастар алдында гипертензия бақылауда болуы тиіс, сондай-ақ эторикоксибпен емделу кезінде артериялық қысымды бақылауға ерекше көңіл бөлу керек. Қысым едәуір көтерілгенде баламалы ем тағайындау керек. Артериялық қысымды (АҚ) емдеу басталған соң 2 апта бойы, ал артынан мезгіл-мезгіл бақылап отыру керек. Егер АҚ едәуір көтерілсе, баламалы емдеу мүмкіндігін қарастыру керек. Бауырға әсері. Ұзақтығы бір жылға дейін эторикоксибпен тәулігіне 30 мг, 60 мг және 90 мг дозаларда ем қабылдаған пациенттердің шамамен 1%-да аланинаминотрансфераза (АЛТ) және/немесе аспартатаминотрансфераза (ACT) белсенділігінің (қалыптың жоғарғы шегімен салыстырғанда шамамен үш және одан көп есе) жоғарылауы байқалды. Бауыр функциясының бұзылу симптомдары және/немесе белгілері бар барлық пациенттердің, сондай-ақ бауыр функциясының патологиялық көрсеткіштері бар пациенттердің жай-күйін қадағалау керек. Бауыр функциясының бұзылу белгілерінде немесе бауыр функциясы көрсеткіштерінің орныққан патологиялық өзгерістерінде (қалыптың жоғарғы шегінен үш есе жоғары) эторикоксиб тоқтатылу керек. Жалпы нұсқаулар. Егер емдеу кезінде пациентте жоғарыда көрсетілген ағзалардың қандай да бір жүйесі функциясының нашарлауы байқалса, тиісті шараларды қолдану және эторикоксибті тоқтату мәселесін қарастыру керек. Эторикоксиб егде жастағы пациенттерде және бүйрек, бауыр немесе жүрек функциясының бұзылуы бар пациенттерде қолданылғанда тиісті медициналық қадағалау жүргізген жөн. Дегидратациясы бар пациенттерге эторикоксибпен емдеуді абайлап бастау керек. Эторикоксиб қолдануды бастар алдында регидратация жасау ұсынылады. ҚҚСП және ЦОГ-2 кейбір селективті тежегіштерін қолдану кезінде күрделі тері реакцияларының, кейбір жағдайларда өліммен аяқталатын, оның ішінде эксфолиативті дерматит, Стивенс-Джонсон синдромы және уытты эпидермалық некролиздің туындауы өте сирек хабарланды. Осындай реакциялардың ең жоғары туындау қаупі емнің басында, ал көріністерінің басталуы көптеген жағдайларда емдеудің алғашқы айының ішінде болады. Эторикоксиб қолданып жүрген пациенттерде күрделі аса жоғары сезімталдық реакциялары (анафилаксия және ангионевроздық ісіну сияқты) мәлімделді. ЦОГ-2 кейбір селективті тежегіштері анамнезінде қандай да бір препаратқа аллергиялық реакциясы бар пациенттерде тері реакцияларының туындау қаупін арттыруы мүмкін. Эторикоксиб тері бөртпесінің, шырышты қабықтың зақымдануының алғашқы көріністерінде немесе аса жоғары сезімталдықтың басқа белгілерінде тоқтатылу керек. Эторикоксиб қызба көріністерін немесе инфекцияның басқа белгілерін бәсеңдетуі мүмкін. Эторикоксиб және варфарин немесе басқа пероральді антикоагулянттар бір мезгілде абайлап тағайындалады. Эторикоксибті қолдану, ЦОГ және простагландиндер синтезін тежейтін басқа препараттар сияқты, жүкті болуды жоспарлап жүрген әйелдерге ұсынылмайды. Арнайы сақтандырулар Жүктілік Адамда жүктілік үшін ықтималды қаупі белгісіз. ДЕТОПРОФ қолдану, простагландиндер синтезін тежейтін басқа препараттар сияқты жүктіліктің кешірек мерзімдерінде ұсынылмайды, өйткені бұл артерия ағыс жолының мерзімінен бұрын жабылып қалуына әкелуі және жатырдың жиырылу қабілетінен айрылуын туғызуы мүмкін. ДЕТОПРОФ жүктілік кезінде қарсы көрсетілімді. Жүктілік диагностикаланған жағдайда препаратпен емдеуді тоқтату керек. Лактация Эторикоксибтің емшек сүтіне бөлінуі белгісіз. Бала емізетін әйелдерге емдеу кезеңінде емшекпен қоректендіруді тоқтату керек Қосымша заттар туралы ақпарат ДЕТОПРОФ препаратының бір дозасының құрамында 1 ммоль-ден аз натрий (23 мг) бар, яғни, құрамында натрий жоқ дерлік. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері ДЕТОПРОФ қабылдаған уақытта бас айналу, вертиго немесе ұйқышылдық көріністері бар пациенттердің автокөлік жүргізуіне және механизмдерді басқаруына жол беруге болмайды.

Нұсқаулықта көрсетілмеген.

Фармакодинамикалық өзара әрекеттесулер Пероральді антикоагулянттар. Варфаринді тұрақты қолданумен жай-күйі тұрақтандырылған пациенттерде тәулігіне 120 дозада эторикоксиб қабылдау Халықаралық қалыптасқан қатынастың (ХҚҚ) протромбин уақытының шамамен 13% ұзаруымен қатар жүрді. Пероральді антикоагулянттар қабылдап жүрген пациенттерде, әсіресе, эторикоксиб қабылдаудың алғашқы күндерінде оның дозасын өзгерткенде ХҚҚ протромбин уақытының көрсеткіштерін жиі тексеру керек. Диуретиктер, ангиотензин өзгертуші фермент (АӨФ) тежегіштері және ангиотензин II антагонистері. ҚҚСП диуретиктердің және гипертензияға қарсы басқа препараттардың әсерін әлсіретуі мүмкін. Бүйрек функциясының бұзылуы бар кейбір пациенттерде (мысалы, дегидратациясы бар пациенттерде немесе бүйрек функциясы әлсіреген егде жастағы пациенттерде) АӨФ тежегішін немесе ангиотензин II антагонисін және ЦОГ тежейтін препараттарды бір мезгілде қолдану әдетте қайтымды сипатта болатын бүйректің болжамды жедел жеткіліксіздігін қоса, бүйрек функциясының одан әрі нашарлауына әкелуі мүмкін. Эторикоксибті АӨФ тежегіштерімен немесе ангиотензин II антагонистерімен бір мезгілде қолданатын пациенттерде осындай өзара әрекеттесулер туындауы мүмкін екенін есте сақтау керек. Сондықтан осындай біріктірілім, әсіресе, егде жастағы пациенттерге абайлап тағайындалу керек. Біріктіріп емдеудің басында, сондай-ақ әріқарай белгілі бір мерзімділікпен бүйрек функциясына мониторинг өткізу мәселесін қарастыру және талапқа сай гидратация жасау керек. Ацетилсалицил қышқылы. Тепе-тең күйдегі жағдайларда тәулігіне 1 рет 120 мг дозада эторикоксиб қолдану ацетилсалицил қышқылының (тәулігіне 1 рет 81 мг) антиагреганттық белсенділігіне ықпал етпеді. Эторикоксибті жүрек-қантамырлық асқынулар профилактикасына арналған дозаларда қолданылатын ацетилсалицил қышқылымен (төмен дозалар) бір мезгілде тағайындауға болады. Алайда төмен дозаларда ацетилсалицил қышқылын және эторикоксибті бір мезгілде қолдану, эторикоксиб монотерапиясымен салыстырғанда, АІЖ ойық жараларының немесе басқа асқынулардың туындау жиілігінің артуына әкелуі мүмкін. Эторикоксибті ацетилсалицил қышқылымен жүрек-қантамырлық асқынулар профилактикасы үшін ұсынылғанынан асып кететін дозаларда, сондай-ақ басқа ҚҚСП түрлерімен бір мезгілде қолдану ұсынылмайды. Циклоспорин және такролимус. Эторикоксибтің осы препараттармен өзара әрекеттесуі зерттелмесе де, ҚҚСП циклоспоринмен және такролимуспен бір мезгілде қолданылғанда соңғыларының нефроуытты әсерін күшейіп кетуі мүмкін. Эторикоксибті осы препараттардың кез келгенімен бір мезгілде қолданғанда бүйрек функциясын бақылап отыру керек. Фармакокинетикалық өзара әрекеттесулер Эторикоксибтің басқа препараттар фармакокинетикасына әсері Литий. ҚҚСП литийдің бүйрекпен шығарылуын әлсіретіп, сол арқылы қан плазмасындағы литий деңгейлерін арттырады. Егер қажет болса, қандағы литий деңгейлеріне жиі бақылау жүргізіледі және осы препараттарды бір мезгілде қолдану кезеңінде, сондай-ақ ҚҚСП қолдану тоқтатылғанда литий дозасы түзетіледі. Метотрексат. Ревматоидты артритті емдеу кезінде метотрексатты аптасына 1 рет 7.5 мг-ден 20 мг дейінгі дозада қабылдаған пациенттерде жеті күн бойы тәулігіне бір рет қабылданған 60 мг, 90 мг және 120 мг дозалардағы эторикоксиб әсері зерттелді. Эторикоксиб 60 мг және 90 мг дозада метотрексаттың қан плазмасындағы концентрациясына және бүйректік клиренсіне ықпал етпеді. Бір пациенттерде эторикоксиб 120 мг дозасында метотрексат көрсеткіштеріне ықпал етпеді, ал басқаларында қан плазмасындағы метотрексат концентрациясы 28% жоғарылады, ал метотрексаттың бүйректік клиренсі 13% төмендеді. Эторикоксиб пен метотрексат бір мезгілде қолданылғанда метотрексат уыттылығына қатысты тиісті мониторинг өткізу керек. Пероральді контрацептивтер. Эторикоксиб 21 күн бойы 60 мг дозасында құрамында 35 мкг этинилэстрадиол және 0.5-1 мг норэтиндрон бар пероральді контрацептивтермен бір мезгілде қолданылғанда этинилэстрадиол AUC0-24 37% жоғарылауына әкелді. Эторикоксиб 120 мг дозасында жоғарыда көрсетілген пероральді контрацептивтермен бір мезгілде немесе 12 сағаттық аралықпен қолданылғанда тепе-теңдік күйіндегі этинилэстрадиол AUC0-24. мәнін 50-60% арттырды. Этинилэстрадиол концентрациясының осылай жоғарылауын эторикоксибпен бір мезгілде қолданылатын пероральді контрацептивті таңдау кезінде есте сақтау керек. Этинилэстрадиол экспозициясының ұлғаюы пероральді контрацептивтер қолданумен байланысты жағымсыз реакциялардың (мысалы, қауіп тобындағы әйелдерде вена тромбоэмболиясы) туындау жиілігін арттыруы мүмкін. Гормон алмастыру емі. Конъюгацияланған эстрогендерді (Премарин™ 0.625 мг) қамтитын гормон алмастыратын препараттармен 28 күн бойы 120 мг эторикоксибті қабылдау конъюгацияланбаған эстрон (41%), эквилин (76%) және 17-β-эстрадиолдың (22%) тепе-тең күйдегі. орташа AUC0-24 көрсеткішін арттырады. Ұзақ уақыт қолдануға ұсынылған эторикоксиб (30, 60 және 90 мг) дозаларының әсері зерттелмеді. Эторикоксиб 120 мг дозасында Премарин препаратының эстрогендік компоненттерінің экспозициясын (AUC0-24), Премарин препаратының монотерапиясымен салыстырғанда, жартысынан аз төмендетті; соңғысының дозасын 0.625-тен 1.25 мг дейін арттырды. Осылай жоғарылауының клиникалық мәні белгісіз; ал Премарин препаратының өте жоғары дозалары эторикоксибпен біріктірілімде зерттелмеді. Эстрогендер концентрациясының осылай жоғарылауын эторикоксиб бір мезгілде қолданылғанда менопаузадан кейінгі кезеңде қолдануға арналған гормональді препаратты таңдау кезінде ескеру керек, өйткені эстрогендер экспозициясының ұлғаюы гормон алмастыратын ем кезіндегі жағымсыз реакциялардың туындау қаупін арттыруы мүмкін. Преднизон/преднизолон. Дәрілік өзара әрекеттесулерін зерттеу кезінде эторикоксиб преднизон/преднизолон фармакокинетикасына клиникалық мәнді ықпалын тигізбеген. Дигоксин. Эторикоксиб 120 мг дозасында тәулігіне 1 рет 10 күн бойы қолданылғанда тепе-тең күйдегі AUC0-24 көрсеткішіне, дигоксиннің бүйрекпен шығарылуына әсері байқалмады. Дигоксин Сmax көрсеткішінің (шамамен 33%) артуы байқалды. Осылай жоғарылау, әдеттегідей, пациенттердің көпшілігі үшін маңызды емес. Алайда эторикокcиб пен дигоксин бір мезгілде қолданылғанда дигоксиннің уытты әсеріне қатысты қаупі жоғары пациенттердің жай-күйін қадағалау керек. Эторикоксибтің сульфотрансферазалармен метаболизденетін препараттарға әсері. Эторикоксиб адам сульфотрансферазасының тежегіші, атап айтқанда, SULT1E1 болып табылады, сондай-ақ қан сарысуында этинилэстрадиол концентрациясын арттыруы мүмкін. Қазіргі уақытта әртүрлі сульфотрансферазалардың ықпалы жөнінде деректер аз болғандықтан, ал көптеген препараттарды қолдану үшін клиникалық маңызы әлі зерттелмегендіктен, ең алдымен, адам сульфотрансферазаларымен (мысалы, пероральді сальбутамол және миноксидил) метаболизденетін басқа препараттармен бір мезгілде эторикоксибті сақтықпен тағайындау мақсатқа сай болады. Эторикоксибтің CYP жүйесінің изоферменттерімен метаболизденетін препараттарға әсері. Эторикоксибтің Р450 (CYP) 1А2, 2С9, 2С19, 2D6, 2Е1 және 3А4 цитохромдарын тежеуінің күтілмейтіні анықталды. Эторикоксибті 120 мг дозада күнделікті қолдану бауырдағы CYP3А4 белсенділігіне ықпалын тигізбеді, бұл эритромицинмен тыныс алу тестісінде анықталды. Басқа препараттардың эторикоксиб фармакокинетикасына әсері Эторикоксиб метаболизмінің негізгі жолы CYP жүйесінің ферменттеріне тәуелді. CYP3A4 изоферменті эторикоксибтің in vivo метаболизміне мүмкіндік береді. Деректер сонымен бірге CYP2D6, CYP2C9, CYP1A2 және CYP2C19 метаболизмнің негізгі жолын катализдеуі мүмкін екенін растайды. Кетоконазол. Кетоконазол – CYP3A4 қуатты тежегіші. Кетоконазол 400 мг дозаларда тәулігіне 1 рет 11 күн бойы қолданылғанда эторикоксибтің 60 мг бір реттік дозасының фармакокинетикасына клиникалық мәнді ықпалын тигізбеді (AUC артуы 43%). Вориконазол және миконазол. СYP3A4 изоферментінің күшті тежегіштерін (ішке қабылдауға арналған вориконазол немесе жергілікті қолдануға арналған миконазол) және эторикоксибті бір мезгілде тағайындау эторикоксиб экспозициясының аздап ұлғаюын тудырды, ол жарияланған деректер негізінде клиникалық мәнді болып саналмады. Рифампицин. Эторикоксиб пен рифампицинді (CYP ферменттерінің қуатты индукторы) бір мезгілде қолдану қан плазмасында эторикоксиб концентрациясының 65% төмендеуіне әкелді. Осындай өзара әрекеттесу, егер эторикоксиб рифампицинмен бір мезгілде қолданылса, симптомдар қайталануымен қатар жүруі мүмкін. Сонымен қатар, осы деректердің дозаны арттыру қажеттілігін көрсете алатыны сияқты, эторикоксибті әр көрсетілім үшін ұсынылуынан асып кететін дозаларда қолдануға кеңес берілмейді, өйткені рифампицин мен эторикоксибті осындай дозаларда біріктіріп қолдану зерттелмеді. Антацидтер. Антацидтік препараттар эторикоксиб фармакокинетикасына клиникалық мәнді әсерін көрсетпейді.

Сақтау мерзімі 36 ай. • Жарамдылық мерзімі өткеннен кейін қолдануға болмайды! Сақтау шарттары 25 °C-ден аспайтын температурада сақтау керек. Балалардың қолы жетпейтін жерде сақтау керек!