Де-Нол® таблетки 120 мг

Бір таблетканың құрамында белсенді зат: 120 мг Bi2O3 висмут тотығына шаққанда 304.6 мг висмут үшкалий дицитраты, қосымша заттар: жүгері крахмалы, повидон К30, калий полакрилины, макрогол 6000, магний стеараты. Қаптаманың құрамы: опадрай OY-S-7366 (гипромеллоза 5 мПа·с, макрогол 6000), макрогол 6000. Сыртқы түрінің, иісінің, дәмінің сипаттамасы Дөңгелек, екі беті дөңес, бір жағында ойылып жазылған «gbr 152» жазуы және екінші жағында үзік сызықты және бұрыштары дөңгеленген шаршы түріндегі графикалық сурет ойылып салынған крем тәрізді ақ түсті қабықпен қапталған таблеткалар.

- асқазан мен он екі елі ішектің ойық жаралы ауруы - өршу фазасындағы, оның ішінде Helicobacter pylori-мен астасқан созылмалы гастрит пен гастродуоденитте

Әсер ету механизмі Де-Нол - Helicobacter pylori-ге қатысты бактерицидтік белсенділігі бар ойық жараға қарсы дәрі. Сонымен бірге қабынуға қарсы және тұтқыр әсері бар. Асқазанның қышқылды ортасында ерімейтін висмут оксихлориді мен цитраты шөгеді, олар ойық жара мен эрозиялар бетіндегі қорғағыш үлбір түрінде ақуызды субстраты бар хелаттық қосылыстар түзеді. Е простагландиндер синтезін, шырыштың түзілуін және гидрокарбонаттың сөлінісін күшейте отырып, цитопротекторлық механизмдердің белсенділігін көтермелейді, асқазан-ішек жолдарының шырышты қабығының пепсин, тұз қышқылы, ферменттер мен өт қышқылы тұздарының әсеріне төзімділігін жоғарылатады. Зақымдану аймағында эпидермальді өсу факторының жинақталуына алып келеді. Пепсин мен пепсиногеннің белсенділігін төмендетеді.

Дозалау режимі Ересектерге Де-Нол® тәулігіне 4 рет тамақтанудан 30 минут бұрын және түнге қарай 1 таблеткадан немесе тәулігіне 2 рет тамақтанудан 30 минут бұрын 2 таблеткадан тағайындайды. Ең жоғары бір реттік дозасы 240 мг, ең жоғары тәуліктік дозасы 480 мг. Келесі 8 аптаның ішінде құрамында висмут бар препараттарды қабылдамаған жөн. Helicobacter pylori эрадикациясы үшін Де-Нол® препаратын антихеликобактериялық белсенділігі бар бактерияға қарсы басқа да препараттармен және квадротерапия деп аталатын протондық сорғы тежегіштерімен біріктіріп қолданған дұрыс. Енгізу әдісі мен жолы Ішке қабылдау үшін. Таблеткаларды аздаған су мөлшерімен ішу қажет. Емдеу ұзақтығы Емдеу курсының ұзақтығы 4-8 апта. Дәрілік препараттың бір немесе бірнеше дозасын өткізіп алған кезде қажетті шаралар Өткізіп алған дозаның орнын толтыру үшін екі еселенген дозаны қабылдауға болмайды. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Осы дәрілік препаратты қолдану бойынша қосымша сұрақтар туындаған жағдайда дәрігер немесе фармацевт кеңесіне жүгінген жөн.

- әсер етуші затқа немесе қосымша заттардың кез келгеніне аса жоғары сезімталдық - бүйрек функциясының ауыр бұзылуы - жүктілік және лактация кезеңі

Өте жиі (≥ 1/10) - висмут сульфидінің түзілуі салдарынын нәжістің күңгірт түске боялуы, алайда оны меленадан оңай ажыратуға болады Жиі емес (≥1/1000-нан < 1/100-ге дейін) - жүрек айнуы, құсу, іш қату, диарея - аллергиялық реакциялар: орташа аллергиялық тері реакциялары Белгісіз (қолда бар деректер негізінде бағалау мүмкін емес) - анафилаксиялық реакциялар Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: диспепсия, бөртпе, ауыздың шырышты қабығының қабынуы, қызыл иектегі көгілдір сызықтар түріндегі өзіне тән күңгірттенуі, бүйрек функциясының бұзылуы. Емі: препаратты тоқтату, асқазанды шаю, белсендірілген көмір, тұзды іш жүргізетін дәрілерді қабылдау. Бүйрек функциясын, висмуттың қандағы және несептегі концентрациясына бақылау көрсетілген. Одан әрі симптоматикалық ем жүргізіледі. Қан плазмасындағы висмуттың деңгейінің жоғарылауымен қатар жүретін бүйрек функциясының бұзылуында кешен түзгіштер – димеркаптоянтарь және димеркаптопропансульфон қышқылдарын енгізуге болады. Бүйректің ауыр жеткіліксіздігінде гемодиализ көрсетілген.

Қайтымды энцефалопатияның даму жағдайлары болғандықтан, висмут қосылыстарын жоғары дозаларда ұзақ қабылдау ұсынылмайды. Қайтымды энцефалопатия даму қаупі Де-Нол® препаратын ұсынылған дозада қолданғанда аз болып табылады. Препаратты құрамында висмут бар басқа дәрілік заттармен қолдану ұсынылмайды. Де-Нол® препаратын қолданғанда висмут сульфидінің түзілуі салдарынан нәжістің қара түске боялуы мүмкін. Кейде тілдің күңгірттенуі де байқалады. Де-Нол® препаратын қабылдау кезінде алкоголь қабылдау ұсынылмайды. Арнайы ескертулер Педиатрияда қолдану Препаратты 18 жасқа дейінгі балалар мен жасөспірімдерге қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Де-Нол® препараты көлік құралдары мен механизмдерді басқару қабілетіне әсер етпейді.

Де-Нол® препаратын жүктілік кезінде және лактация кезеңінде қолдануға болмайды.

Де-Нол® препаратын ішке қабылдағаннан кейін жарты сағат ішінде басқа дәрілік заттарды, сондай-ақ тамақ пен сұйықтықты, атап айтқанда антацидтерді, сүтті, жеміс пен жеміс шырындарын ішу ұсынылмайды. Бұл, оларды бір мезгілде қабылдаған кезде Де-Нол® препаратының тиімділігіне әсер ету ықтималдығына байланысты. Де-Нол® тетрациклиннің сіңуін төмендетеді.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!