Джинтропин® лиофилизированный 10 МЕ

Бір құтының ішінде белсенді зат - соматропин (адамның рекомбинантты өсу гормоны) 1.33 (4.0 ХБ), 3.33 (10.0 ХБ) қосымша заттар: глицин, сахароза, метионин, твин-80, натрий гидрофосфаты, натрий дигидрофосфат моногидраты Сыртқы түрінің, иісінің, дәмінің сипаттамасы Ақ немесе ақ дерлік түсті лиофилизацияланған ұнтақ.

Өсу гормонының жеткіліксіз секрециясынан болған бой өсуі тежелген балаларды ұзақ емдеу Хромосомалық талдаумен расталған Тернер синдромымен байланысты бой өсуі тежелген балаларды ұзақ емдеу.

Соматропин – бұл липидтердің, көмірсулар мен ақуыздардың алмасуында маңызды рөл атқаратын күшті метаболизмдік гормон. Эндогендік өсу гормонының тапшылығы бар балаларда соматропин дозаға тәуелді өсуді стимуляциялайды және өсу жылдамдығын арттырады. Ересектерде, балаларда да, соматропин азотты сақтау және қаңқа бұлшықеттерінің өсуін стимуляциялау, сондай-ақ организмдегі майлы тіндерді мобилизациялау есебінен дененің қалыпты композициялық құрамын сақтайды. Висцералық майлы тін соматотропин әсеріне ерекше сезімтал. Липолизді жеделдетуден басқа, соматропин май депосына триглицеридтердің түсуін азайтады. Қан сарысуындағы IGF-I және IGFBP-3 концентрациясы (инсулин тәрізді өсу факторын байланыстыратын ақуыз-3) соматропиннің әсерінен жоғарылайды. Бұдан бөлек, келесі әсерлер көрсетілді: - Липидтер алмасуы: Соматропин тығыздығы төмен липопротеин рецепторларының өндірілуін индукциялайды және қан сарысуындағы липидтер мен липопротеиндердің мөлшеріне әсер етеді. Жалпы, өсу гормонының тапшылығы бар пациенттердің соматропинді қабылдауы ТТЛП және аполипопротеин В деңгейінің төмендеуіне әкеледі. Бұдан бөлек, қан сарысуындағы жалпы холестерин деңгейінің төмендеуі байқалуы мүмкін. • Көмірсулар алмасуы: Соматропин инсулин деңгейін жоғарылатады, бірақ қандағы глюкоза деңгейі әдетте өзгермейді. Гипофиз гипофункциясы бар балаларда ашқарынға гипогликемия байқалуы мүмкін. Бұл патологиялық жағдай соматропиннің көмегімен жойылады. • Су-минерал алмасуы: Өсу гормонының тапшылығы плазма мен жасуша сыртындағы сұйықтық көлемінің азаюымен байланысты Екі көрсеткіш те соматропинмен емдеуден кейін тез артады. Соматропин натрий, калий және фосфордың іркілуін туындатады. • Сүйек тінінің метаболизмі: Соматропин сүйек тінінің қайта модельденуін стимуляциялайды. Өсу гормонының тапшылығы және остеопениясы бар пациенттерде соматропинді ұзақ уақыт қолдану сүйек тініндегі минералдар мөлшерінің және жүктеме орындарындағы оның тығыздығының артуына әкеледі. • Физикалық қабілет: соматропинмен ұзақ емдегеннен кейін бұлшықет күші мен дене жаттығуларына қабілет артады. Соматропин жүректің лықсытуын да арттырады, бірақ механизм әлі нақтыланбаған. Тамырлардың жалпы шеткері кедергісінің төмендеуі бұл әсерге ықпал етуі мүмкін. Клиникалық зерттеулерде бойы өспей қалған, гестациялық жас шамасы үшін салмағы аз туылған балаларда бойдың қалыпты өсуіне жеткенге дейін емдеу үшін дене салмағының әр кг шаққанда күніне 0,033 және 0,067 мг дозалары қолданылды. Үздіксіз ем қабылдаған және бойдың қалыпты өсуіне (дерлік) жеткен 56 пациентте емнің басындағы өсудің орташа өзгерісі +1,90 өсудің стандартты ауытқуын (дене салмағының әр кг шаққанда күніне 0,033 мг) және +2,19 өсудің стандартты ауытқуын (дене салмағының әр кг шаққанда күніне 0,067 мг) құрады. Гестациялық жас шамасы үшін салмағы аз болып туылған балаларға қатысты әдеби дереккөздердегі деректер өсудің ерте кездейсоқ өзгеруі болмаған кезде бой өсудің 0,5 стандартты ауытқуының мүмкін болатын тежелуін көрсетеді.

Джинтропин® препаратымен емдеу өсу гормоны тапшылығы бар пациенттерді жүргізу тәжірибесі бар білікті дәрігердің бақылауымен жүргізілуі тиіс Дозалау режимі Джинтропин® препаратын енгізу дозасын және режимін әрбір пациент үшін жеке таңдаған жөн. Балалар: Қолданылуы — Тәуліктік дозасы дене салмағының әр кг шаққанда тәулігіне мг — дене беткейінің әр м2 шаққанда тәулігіне мг — Ескертпе Өсу гормонының жеткіліксіз секрециясы — 0,025 –0,035 — 0,7 – 1,0 — Емдеуді мүмкіндігінше ертерек жаста бастайды және жыныстық жетілуге дейін және/немесе сүйектердің өсу аймағы жабылғанға дейін жалғастырады. Қалаған нәтижеге қол жеткізгенде емдеу тоқтатылуы мүмкін Шерешевский-Тернер синдромы — 0,045 – 0,050 — 1,4 — − Бүйректің созылмалы жеткіліксіздігі салдарынан препубертаттық жастағы балаларда бойдың өспей қалуы — 0,035 — 1,0 — Егер емдеудің алғашқы жылынан кейін бойдың өсуі 1 см-ден аспаса, емдеу тоқтатылуы тиіс. Сондай-ақ егер қосымша өсу жылына 2 см-ден аспаса және сүйек жасы қыздар үшін > 14 жаста немесе ұлдар үшін > 16 жаста білінсе, немесе өсу аймағының жабылғаны байқалса, емдеу тоқтатылуы тиіс Ересектер: Емдеуді тәулігіне – 0,15 – 0,3 мг (0,45 – 0,90 ХБ) төмен дозадан бастап, әрі қарай қан сарысуындағы ИӨФ-I концентрациясына байланысты оны біртіндеп арттыру ұсынылады. Бастапқы ИӨФ-I концентрациясы қалыпты пациенттерде препараттың дозасы ИӨФ-I мәні ортаңғыдан 2 стандартты ауытқудан шықпай, жоғарғы қалып шегінде болатындай таңдап алынуы тиіс. Демеуші доза жекелей таңдап алынады және сирек тәулігіне 1,33 мг-ден (4 ХБ) асады. Әйелдерге, еркектерге қарағанда, өте жоғары доза қажет болуы мүмкін, өйткені еркектерде уақыт өте келе ИӨФ-I-ге сезімталдықтың жоғарылағаны байқалады. Осыған байланысты әсіресе эстрогендермен пероральді орнын басу емін қабылдап жүрген әйелдерде соматропинмен емді жеткіліксіз дозада қабылдау қаупі бар, ал сол кезде еркектер соматропинмен шамадан тыс дозада ем қабылдауы мүмкін. Соматропиннің оңтайлы дозалары әрбір 6 ай сайын бақылануы тиіс. 60 жастан асқан пациенттерге емдеуді тәулігіне 0,1-0,2 мг дозадан бастап, жекелей қажетті дозаға біртіндеп арттырған жөн. Ең аз тиімді дозаны қолдану керек. Енгізу әдісі мен жолы Джинтропин® тері астына тәулігіне 1 рет (әдетте түнге қарай) баяу енгізіледі. Липоатрофияның дамуының профилактикасы үшін инъекция жасалатын жерді алмастырған жөн. Құтының ішіндегісін еріткіштің (инъекцияға арналған су) 1 мл-де еріту ұсынылады. Ол үшін шприцпен еріткішті құйып алады және оны ішінде лиофилизаты бар құтыға тығын арқылы енгізеді. Құтының ішіндегісі толық ерігенше абайлап шайқайды. СІЛКІЛЕМЕУ КЕРЕК. Алынған ерітінді мөлдір болуы және ішінде жүзінді бөлшектер болмауы тиіс. Егер ерітінді лайлы немесе құрамында жүзінді бөлшектер бар болса, оны енгізбеу керек. Дайындалған ерітінді құтыда 2º С-ден 8º С-ге дейінгі температурада екі аптадан асырмай сақталады. Дозалау режимін дәрігер өсу гормоны тапшылығының айқындылығын, пациенттің салмағын немесе дене беткейінің ауданын есепке ала отырып анықтайды, сондай-ақ емдеу процесінде тиімділігіне байланысты түзетіледі. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Джинтропин® препаратын қолданар алдында емдеуші дәрігермен кеңесіңіз. Емдеуші дәрігерге не қабылдайтыңызды, жақында не қабылдағаныңызды немесе басқа дәрілік препараттарды қабылдауды бастауыңыз мүмкін екенін айтыңыз.

- соматропинге немесе препараттың басқа компоненттеріне аса жоғары сезімталдық - түтікше сүйектер эпифиздерінің өсу аймағы жабық балаларда өсуін стимуляциялау - ісік процесінің кез келген белгілері, қатерлі жаңа түзілімдер - жүктілік және лактация кезеңі Ашық кардиохирургиялық, абдоминалдық араласулардан, көптеген жарақаттардан кейінгі асқынулары бар, тыныс алудың жедел жеткіліксіздігі және осыған ұқсас басқа да қиын жағдайдағы пациенттер - бүйрек трансплантациясы - белсенді пролиферациялы немесе ауыр пролиферациялы емес диабеттік ретинопатия - Прадер-Вилли генетикалық синдромы расталған балаларда бой өсудің тежелуі

Балалардағы жағымсыз реакциялар Жиі (≥1/100 <1/10 дейін) - шеткері ісінулер, тері бөртпесі, гиперемия, инъекция орнының қышуы - глюкозаға толеранттылықтың бұзылуы - артралгия, миалгия Кейде (≥1\1000 <1\100 дейін ) - бұлшықет атрофиясы, сүйектердің ауыруы, карпальді өзек синдромы, аяқ-қолдың қимыл шектелісі Сирек (≥1\10000 <1\1000 дейін) - гипертензия, ұйқысыздық - парестезия Өте сирек (<1/10000) - лейкемия (бірақ оның жиілігі өсу гормонының тапшылығы жоқ балаларда білінгендегіге ұқсас) Ересектердегі жағымсыз реакциялар Өте сирек (≥1\10) - бас ауыру - шеткері ісінулер, парестезия, артралгия, миалгия - жеңіл гипергликемия Жиі (≥1/100 <1/10 дейін) - бас ауыру, гипертензия, ұйқысыздық - гипотиреоз - өсу гормонына антиденелердің түзілуі (осы антиденелердің байланыстыру қабілеті үлкен емес және клиникалық маңызы жоқ) - аяқ-қолдың қимыл шектелісі Кейде (≥1\1000 <1\100 дейін ) - ұйқышылдық, нистагм - гематурия, полиурия, кіші дәретке жиі шығу, несеп шығудың бұзылуы - анемия - тахикардия, қатерсіз бассүйекішілік гипертензия - вертиго - көру жүйкесі дискісінің ісінуі, көзге қос көріну - абдоминальді ауыру, іштің кебуі, жүректің айнуы, құсу Сирек (≥1/10000 <1/1000 дейін) - диарея - екінші типтегі қан диабеті Өте сирек (<1/10000) - гинекомастия Өсу гормонын тері астына енгізу кейде инъекция жасаған жерде майлы тіндердің азаюына немесе артуына әкелуі мүмкін. Клиникалық зерттеу деректері бойынша, балалар жасындағы пациенттердің 2%-да өсу гормонына антиденелердің түзілгені байқалды. Клиникалық зерттеулер барысында өсу гормонының өте жоғары дозаларын тағайындағанда Тернер синдромы бар пациенттердің шамамен 8%-да антиденелердің түзілгені байқалды. Осы антиденелердің байланыстырғыш қабілеті төмен болды, және өсу қарқынына теріс ықпалы байқалған жоқ. Соматропинмен емдеуге жауап бермейтін әрбір пациентте өсу гормонына антиденелердің бар-жоғына тест жүргізу қажет. Өсу гормонымен ем жүргізілген балалардың біразында лейкемия дамыған. Алайда алдын ала бейімдік факторлары жоқ, өсу гормонымен ем алған пациенттерде лейкемияның даму жиілігінің артқанына дәлел жоқ. Ортан жілік басы эпифизінің жылжуы эндокриндік бұзылуымен байланысты, және Легг-Кальве-Пертес синдромы бар балаларда жиі туындаған. Алайда, бұл аурулар соматропинді қабылдаумен байланысты ма, әлде байланысты емес пе екені белгісіз. Ортан жілікте және тізеде жайсыздық немесе ауырулар болуы мүмкін, бұл нұсқалар қарастырылған. Басқа да жағымсыз әсерлер, гипергликемия сияқты инсулинге сезімталдық төмендеуі салдарынан, еркін тироксиннің бұзылуы, қатерсіз бассүйекішілік гипертензия дамуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жедел артық дозалану алдымен гипогликемияға, ал содан кейін гипергликемияға әкеп соғуы мүмкін. Ұзақ артық дозалану адамның өсу гормонының шамадан тыс болуының белгілі салдарына сәйкес белгілерге және симптомдарға әкеп соғуы мүмкін. Емі: спецификалық антидоты жоқ. Симптоматикалық ем.

Диагноз қою және Джинтропин® препаратымен емдеу тиісті біліктілігі және қолдануға емдік көрсетілімдері бар пациенттерді диагностикалау мен емдеуде тәжірибесі бар дәрігерлердің бақылауымен басталуы тиіс. Миозит метакрезол консервантымен байланысты болуы мүмкін, өте сирек жағымсыз құбылыс болып табылады. Миалгия немесе инъекция орнындағы пропорциялы емес ауырсыну жағдайында миозит мәселесін қарастыру керек, ал расталған жағдайда метакрезолсыз Джинтропин® препаратын қолдану керек. Ұсынылатын ең жоғарғы тәуліктік дозадан аспауы керек. Инсулинге сезімталдық Соматропин инсулинге сезімталдықты төмендетуі мүмкін. Қант диабеті бар пациенттер үшін инсулин дозасы соматропинмен ем басталғаннан кейін түзетуді талап етуі мүмкін. Қант диабеті, глюкоза жақпаушылығы немесе қант диабетінің даму қаупінің қосымша факторлары бар пациенттер соматропинмен емделгенде мұқият бақылауда болуы тиіс. Қалқанша безінің функциясы Өсу гормоны T4-тің T3-ке экстратиреоидты түрленуін арттырады, бұл қан сарысуындағы T4 деңгейінің төмендеуіне және қан сарысуындағы T3 концентрациясының жоғарылауына әкелуі мүмкін. Қалқанша безінің шеткері гормондарының деңгейі көптеген дені сау адамдарда референтті ауқымда қалғанымен, теориялық тұрғыдан гипотиреоз субклиникалық гипотиреозы бар пациенттерде дамуы мүмкін. Демек, қалқанша безінің функциясына мониторинг барлық пациенттерге жүргізілуі керек. Гипопитуитаризммен ауыратын, стандартты орын басу емін алатын пациенттерде өсу гормонымен жүргізілетін емдеудің қалқанша безінің функциясына ықтимал әсерін мұқият бақылау қажет. Гипоадренализм Соматропинмен емдеудің басталуы 11pHSD-1 тежелуіне және қан сарысуындағы кортизол концентрациясының төмендеуіне әкелуі мүмкін. Соматропин қабылдаған пациенттерде бұрын диагностикаланбаған орталық (салдарлы) гипоадренализм анықталуы мүмкін және глюкокортикоидтармен орын басу емі қажет болуы мүмкін. Бұдан басқа, бұрын гипоадренализм диагностикаланғанда глюкокортикоидтармен орын басу емін қабылдаған пациенттерге демеуші дозаны немесе соматропинмен емдеу басталғаннан кейін стресс дозасын арттыру қажет болуы мүмкін. Құрамында эстроген бар препараттармен пероральді еммен пайдалану Егер соматропин препараттарын қабылдайтын әйел құрамында эстроген бар препараттармен жүргізілетін емді бастаса, тиісті жас үшін қалып шегінде ИӨФ-1 тұрақты концентрациясын ұстап тұру үшін соматропин дозасын арттыру талап етілуі мүмкін. Керісінше, егер соматропин препараттарын қабылдаған әйел құрамында эстроген бар препараттарды қабылдауды тоқтатса, қандағы өсу гормонының артық концентрациясын және (немесе) жағымсыз әсерлерді болдырмау үшін соматропин дозасын төмендету қажет болуы мүмкін. Қатерлі ісіктерді емдегенде екінші қайтара пайда болатын өсу гормонының тапшылығы кезінде ісіктің қайталану белгілеріне назар аудару ұсынылады. Бала кезінде обыры болған, бірінші жаңа түзілімнен кейін соматропинмен емделген пациенттерде қайталанған жаңа түзілімдердің жоғары қаупі туралы хабарланған. Бассүйекішілік ісіктер, атап айтқанда менингиомалар, бірінші жаңа түзілімге байланысты бастың радиациялық емінен өткен пациенттер арасында осы салдарлық жаңа түзілімдердің арасында анағұрлым жиі кездеседі. Өсу гормонының тапшылығын, ортанжілік сынығы кезіндегі эпифиздің ығысуын қоса эндокриндік бұзылулары бар пациенттердің арасында жалпы алғанда популяцияға қарағанда жиі болуы мүмкін. Соматропинмен емдегенде ақсаңдау дамыған балаларға клиникалық тексеру жүргізу қажет. Қатерсіз бассүйекішілік гипертензия Бастың ауыр немесе қайталанатын ауыруы, көру кінараттары, жүрек айнуы және/немесе құсу жағдайында көру жүйкесі дискісінің ісінуіне офтальмоскопия жүргізу ұсынылады. Егер көру жүйкесі дискісінің ісінуі расталса, қатерсіз бассүйекішілік гипертензия диагнозын қоюды қарастыру қажет және, егер орынды болса, өсу гормонының препараттарымен емдеуді тоқтату қажет. Қазіргі уақытта басылған бассүйекішілік гипертензиясы бар пациенттердің өсу гормонының препараттарымен емдеуді жалғастыру туралы нақты нұсқаулар беру үшін жеткілікті дәлелдер алынған жоқ. Өсу гормонының препараттарымен емдеуді қайта бастаған жағдайда пациенттерді бассүйекішілік гипертензия симптомдарының пайда болуына мұқият бақылау қажет. Лейкоз Лейкоз өсу гормонының жеткіліксіздігі болған пациенттердің аз бөлігінде байқалды, олардың кейбіреулері соматропин препараттарымен емделді. Дегенмен, алдын ала бейімдік факторлары жоқ, өсу гормонын қабылдаған пациенттерде лейкозбен аурушаңдықтың көбейетіні туралы ешқандай дәлел жоқ. Антиденелер Құрамында соматропин бар барлық препараттармен жағдайдағыдай, пациенттердің аз бөлігінде Джинтропин® препаратына антиденелер өндірілуі мүмкін. Джинтропин® пациенттердің шамамен 1% - ында антиденелер өндірілуіне әкелді. Бұл антиденелердің байланысу қабілеті төмен және бойдың өсу қарқынына әсер етпейді. Соматропинге антиденелердің бар-жоғын талдауды препаратқа реакциясы түсініксіз жоғалған кез келген пациенттерге жүргізген жөн. Егде жастағы пациенттер Препаратты 80 жастан асқан пациенттер арасында қолдану тәжірибесі шектеулі болып табылады. Егде пациенттер Джинтропин® препаратының әсеріне анағұрлым сезімтал болуы мүмкін және сондықтан жағымсыз реакциялардың дамуына бейімділігі көбірек. Жедел қатер шегіне жеткен ауру Джинтропин® препаратының сауығуға әсері жүрекке жасалатын ашық операциядан, құрсақ қуысы ағзаларына жасалған операциялардан, апатқа байланысты немесе тыныс алудың жедел жеткіліксіздігіне байланысты көптеген жарақаттардан кейін асқынулары пайда болған, қатер шегіне жеткен ауруға шалдыққан 522 ересек пациенттің қатысуымен екі плацебо-бақыланатын сынақ барысында зерттелді. Күніне 5,3 мг немесе 8 мг дозада соматропин қабылдаған пациенттер арасында плацебо қабылдаған пациенттерге қарағанда өлім-жітім жоғары болды (19% - бен салыстырғанда 42%). Бұл ақпарат пациенттердің осы топтары соматропин қабылдамауы керек екенін көрсетеді. Жедел қатер шегіне жеткен аурулары бар пациенттер үшін өсу гормонымен орын басу емінің қауіпсіздігі туралы ақпараттың болмауына байланысты, ықтимал қауіптерге қарсы осы жағдайда одан әрі емдеудің артықшылықтарын таразылау қажет. Басқа немесе осыған ұқсас жедел қатер шегіне жеткен ауру дамитын барлық пациенттерде соматропинмен емдеудің ықтимал пайдасы потенциалды қаупімен салыстырылуы тиіс. Панкреатит Панкреатит сирек кездесетін ауру болса да, оның туындау қаупін соматропин қабылдаған пациенттер арасында, әсіресе іштің ауыруы туындайтын балаларда ескеру қажет. Бүйректің созылмалы жеткіліксіздігі Бүйректің созылмалы жеткіліксіздігі кезінде бүйрек функциясы емдеу басталар алдында қалыптан 50% кем болуы тиіс. Бой өсудің бұзылуын тексеру үшін емдеуді бастамас бұрын бір жыл ішінде өсуді бақылау керек. Осы кезеңде емдеу кезінде жалғасуы тиіс бүйрек жеткіліксіздігінің (ацидозды, гиперпаратиреозды және алиментарлық статусты бақылауды қоса алғанда) консервативті емін бастау керек. Бүйрек трансплантациясы кезінде емдеу тоқтатылуы қажет. Осы уақытқа дейін соматропин қабылдаған бүйректің созылмалы жеткіліксіздігі бар пациенттердің түпкілікті өсуі туралы деректер алынған жоқ. Арнайы сақтандырулар Жүктілік Джинтропин® препаратының жүктілікке әсері туралы деректер жоқ. Джинтропин® жүкті әйелдерге және контрацепция дәрілерін қолданбайтын ұрпақ өрбіту жасындағы әйелдерге ұсынылмайды. Лактация Бала емізетін әйелдердің құрамында соматропин бар препараттарды қабылдауға клиникалық зерттеулер жүргізілген жоқ. Соматропиннің емшек сүтіне енетіні белгісіз. Алайда, сәбидің асқазан-ішек жолынан ыдыратылмаған гормонды сіңіру ықтималдығы шамалы. Сондықтан емізетін әйелдерге құрамында соматропин бар препараттарды тағайындағанда сақтық таныту керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Джинтропин® көлік құралдарын және машиналарды басқару қабілетіне әсері жоқ немесе елеусіз.

Нұсқаулықта көрсетілмеген.

Глюкокортикоидтармен бір мезгілде емдеу құрамында соматропин бар дәрілік заттардың өсуді стимуляциялау әсерін тежеуі мүмкін. Адренокортикотроптық гормон (АКТГ) жеткіліксіздігі бар пациенттер олардың өсуін тежемеуі үшін глюкокортикоидтармен орын басу емін түзетуден өтуі тиіс. Сондықтан глюкокортикоидтармен емдеудің өсуге ықтимал әсерін бағалау үшін глюкокортикоидтар қабылдайтын пациенттердің өсуін мұқият бақылау қажет. Соматропин кортизонның кортизолға айналуын азайтады және бұрын диагностикаланбаған орталық гипоадренализмді анықтауы немесе төмен дозалы глюкокортикоидты орын басу емін тиімсіз етуі мүмкін. Өсу гормонының тапшылығы бар ересектерде жасалған дәрілік өзара әрекеттесу зерттеуі деректері соматропинді қабылдау P450 цитохромы жүйесінің изоферменттерімен метаболизденетін қосылыстардың организмнен шығарылуын арттыруы мүмкін екенін көрсетеді. P 450 3A4 цитохромы жүйесімен метаболизденетін қосылыстардың организмнен шығарылуы (мысалы, жыныстық стероидты гормондар, кортикостероидтар, құрысуға қарсы дәрілер және циклоспорин) айтарлықтай артуы және қандағы осы қосылыстар концентрациясының төмендеуіне әкелуі мүмкін. Бұл әсердің клиникалық маңызы белгісіз.

Сақтау мерзімі 3 жыл Препаратты жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 2°С-ден 8 ºС-ге дейінгі температурада сақтау керек. Мұздатып қатыруға болмайды. Дайындалған ерітіндіні 72 сағат бойы 2 °С-ден 8 ºС-ге дейінгі температурада сақтау керек. Балалардың қолы жетпейтін жерде сақтау керек.