Диакарб таблетки 250 мг

Бір таблетканың құрамында белсенді зат: ацетазоламид 250 мг • қосымша заттар: микрокристалды целлюлоза (101, 102 типті); повидон (К-25); сусыз коллоидты кремнийдің қостотығы; натрий кроскармеллозасы; магний стеараты. Сыртқы түрінің, иісінің, дәмінің сипаттамасы Дөңгелек, екі беті дөңес, ақ түсті таблеткалар.

Ацетазоламид карбоангидраза ферментінің арнайы тежегіштері болып табылады. Емдеуде қосымша дәрі ретінде пайдаланылады: • Глаукома: Диакарб таблеткалары глаукоманы (созылмалы қарапайым (ашық бұрышты) глаукома, салдарлы глаукома және жедел жабық бұрышты глаукоманың операция алдындағы кезеңінде көзішілік қысымды төмендету қажеттілігіне байланысты операцияны кейінге қалдыру кезінде) емдеуде қолданылады, өйткені ол сулы секреция мөлшерін азайта отырып, сұйықтық ағынына әсер етеді. • Сұйықтықтың патологиялық іркілуі: Диакарб таблеткалары диуретик болып табылады, оның әсері көміртегі қостотығы гидратациясының қайтымды реакциясына және бүйректегі көмір қышқылының дегидратациясына ықпал етеді. Нәтижесінде натрий, су және калийдің шығарылуына әкелетін HCО3- иондарының бүйректік жоғалуы болады. Диакарб таблеткаларын, егер мақсат сұйықтықтың іркілуі бар жағдайларды емдеуде нефронның әртүрлі сегменттеріне әсер ету болса, басқа диуретиктермен бірге қолдануға болады. • Эпилепсия: Басқа құрысуға қарсы препараттармен бірге ең жақсы нәтижелер ацетазоламидті абсанс типі бойынша құрысу ұстамалары бар балаларда қолдану кезінде атап өтілді. Сондай-ақ ересек пациенттерде және басқа типті ұстамалары бар балаларда да жақсы нәтижелер байқалды - жайылған құрысу талмалары, ұстамалардың аралас түрлері, миоклониялар және т. б.

ATХ коды: S01EC01 Ацетазоламид карбоангидразаның тежегіші болып табылады. Бүйрек түтікшелерінде осы фермент катализдейтін реакцияны тежеу арқылы ацетазоламид бикарбонат пен катиондардың, негізінен натрий мен калийдің экскрециясын арттырады және осылайша сілтілі диурезге ықпал етеді. Ацетазоламидпен ұзақ мерзімді ем метаболизмдік ацидозбен және соның салдарынан диурездік белсенділіктің жоғалуымен байланысты. Осылайша, ұзақ уақыт қолданғанда ацетазоламидтің диурездік әсері төмендейді. Көздің карбоангидразаны тежеу есебінен ацетазоламид көзішілік қысымды төмендетеді және глаукоманы емдеуде пайдалануға болады.

Дозалау режимі • Глаукома (қарапайым жедел іркілісті және салдарлы): Ересектер: 24 сағат ішінде 250-1000 мг (1-4 таблетка), әдетте тәуліктік дозасы 250 мг асатын бірнеше қабылдауға бөлінеді. • Сұйықтықтың патологиялық іркілуі: іркілісті жүрек жеткіліксіздігі, дәрілік препараттарды қабылдаумен байланысты ісінулер: Ересектер: Диуретик ретінде пайдаланған кезде бастапқы доза таңертең бір рет 250 мг (1 таблетка) құрайды. Егер бастапқы жауаптан кейін пациенттің ісінуі сақталса, онда дозаны арттыруға болмайды және бүйректің қалпына келуіне мүмкіндік беру үшін бір күндік қабылдауды өткізу қажет. Ең жақсы нәтижелер көбінесе екі күн бойы күнделікті 250 мг (1 таблетка) қабылдау, содан кейін бір күндік үзіліс жасау және қайта қабылдау немесе Диакарб таблеткаларын күнара қабылдау режимінде байқалады. Диакарб таблеткаларын қолдану қосымша емдеудің қажеттілігін, мысалы, дигиталис қабылдау, төсек режимі және іркілісті жүрек жеткіліксіздігі кезінде тұзды тұтынуды шектеу, сондай-ақ дәрілік препараттар туындатқан ісінулер кезінде калий сияқты микроэлементтерді талапқа сай қабылдауды жоққа шығармайды. Етеккір алдындағы синдроммен байланысты сұйықтықтың іркілуі кезінде 250 мг (1 таблетка) бір реттік тәуліктік дозада қолдану көрсетілген. • Эпилепсия: Ересектер: тәулігіне 250-1000 мг (1-4 таблетка), доза бірнеше қабылдауға бөлінеді. Балалар: доза бірнеше қабылдауға бөлініп және тәуліктік 3 таблетка (750 мг) дозадан асырмай тәулігіне 8-30 мг/кг. Басқа препараттан ауысу сатылап жүзеге асырылуы керек. Егде жастағы пациенттер: Диакарбты егде жастағы немесе несеп шығару жолдарының обструкциясы немесе олардың электролиттік теңгерімі бұзылуына немесе бауыр функциясының бұзылуына әкелетін бұзылулары бар пациенттерде өте сақтықпен пайдалану керек. Енгізу әдісі мен жолы Препаратты ішке қабылдайды. Дәрілік препараттың бір немесе бірнеше дозасын өткізіп алған кезде қажетті шаралар Препараттың кезекті дозасын өткізіп алған кезде оны мүмкіндігінше тезірек қабылдау керек. Егер келесі дозаны қабылдауға аз уақыт қалса, оны жоспарланған уақытта қабылдаған жөн. Өткізіп алған препараттың орнын толтыру үшін препараттың екі еселенген дозасын қабылдауға болмайды.

• әсер етуші затқа немесе қосымша заттардың кез келгеніне аса жоғары сезімталдық • сульфаниламидтерге аллергия • қандағы натрий және/немесе калий концентрациясы төмендеген жағдайлар, бүйрек пен бауырдың ауыр аурулары немесе олардың жеткіліксіздігі, бүйрек үсті безінің жеткіліксіздігі және гиперхлоремиялық ацидоз. Диакарбты бауыр циррозы бар пациенттерде қолдануға болмайды, себебі бұл бауыр энцефалопатиясы қаупін арттырады. • созылмалы іркілмеген жабық бұрышты глаукомасы бар пациенттерге ұзақ мерзімді қолдануға қарсы көрсетілген, өйткені бұл бұрыштың анатомиялық жабылуына әкелуі мүмкін, ал сол кезде глаукоманың үдеуі көзішілік қысымның төмендеуімен бүркемеленеді

Жиілігі белгісіз (қолжетімді мәліметтер негізінде анықтау мүмкін емес) ‒тромбоцитопения, лейкопения, апластикалық анемия, миелосупрессия, панцитопения, агранулоцитоз**** • метаболизмдік ацидоз, электролиттік бұзылулар*, шөлдеу ** • депрессия, ашушаңдық, либидоның төмендеуі, сананың шатасуы • парестезия, атап айтқанда, аяқ-қолдың «шаншуын» сезіну, бас айналу, бас ауыруы, ұйқышылдық, құрысулар, шеткері парез • өтпелі миопия***, хориоидеалық эффузия /ажырау, есту қабілетінің бұзылуы және құлақтың шыңылдауы • мелена, дәм сезудің бұзылуы, жүрек айну, құсу, диарея • бауырдың фульминантты некрозы****, гепатит немесе холестаздық сарғаю • есекжем, бөртпе (көп формалы эритема, Стивенс-Джонсон синдромы, уытты эпидермалық некролизді қоса)****, тромбоциттік пурпура, фотосенсибилизация, жедел жайылған экзантематозды пустулез (ЖЖЭП) • гематурия, кристаллурия****, бүйрек және несепағар шаншуы****, бүйректің зақымдануы, бүйрек жеткіліксіздігі, бүйректе конкременттер түзілуі****, глюкозурия, полиурия • қызба****, шаршау, анафилаксия****, ысыну • бауыр функциясының бұзылуы. * Ұзақ мерзімді ем кезінде кейде метаболизмдік ацидоз және электролиттік бұзылулар пайда болуы мүмкін. Әдетте, оларды бикарбонатты енгізу арқылы басуға болады. ** Қысқа мерзімді ем кезіндегі жағымсыз реакциялар әдетте ауыр емес. *** Дозаны төмендету немесе препаратты тоқтату кезінде мұндай бұзылыстар өзгеріссіз басылады. **** Ацетазоламид сульфаниламидтің туындысы болып табылады, сондықтан кейде сульфаниламидтер тудыратын кейбір жағымсыз реакциялар туралы хабарланған. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Арнайы антидоты жоқ. Электролиттер мен сұйықтықтың теңгерімін түзететін демеуші ем ұсынылады. Сұйықтықты көбірек ішу керек.

Суицидтік ойлар мен мінез-құлық белгілі бір жағдайларда құрысуға қарсы емделген пациенттерде байқалды. Құрысуға қарсы препараттардың рандомизацияланған, плацебо-бақыланатын зерттеулерінің мета-талдауы суицидтік ойлар мен мінез-құлық қаупінің аздап жоғарылағанын көрсеткен. Бұл қауіп механизмі белгісіз және қолда бар деректер ацетазоламид есебінен қауіптің жоғарылау мүмкіндігін жоққа шығармайды. Осылайша, пациенттер суицидтік ойлар мен мінез-құлық белгілерін, қажет болған жағдайда тиісті емдеуді қолдана отырып, байқалуы тиіс. Пациенттерге (сондай-ақ оларға күтім жасайтын адамдарға) суицидтік ойлар немесе мінез-құлық көрінген кезде дәрігермен кеңесу қажеттілігі туралы хабарлау керек. Дозаның жоғарылауы диурездің жоғарылауына әкелмейді және ұйқышылдықты және/немесе парестезияны күшейтуі мүмкін. Дозаның жоғарылауы көбінесе диурездің төмендеуіне әкеледі. Алайда, белгілі бір жағдайларда, толық рефрактерлік жеткіліксіздік жағдайында диурезді қамтамасыз ету үшін басқа диуретиктермен бірге өте жоғары дозалар қолданылуы мүмкін. Ацетазоламидпен ұзақ емдеу кезінде ерекше сақтық шаралары көрсетілген. Пациентке тері өзгерістерінің барлық жағдайлары жайында хабарлау қажет екендігі туралы ескерткен жөн. Қан үлгісін мерзімді зерттеу және электролиттер деңгейін анықтау ұсынылады. Сульфонамидтерге ауыр реакция болған жағдайда сирек кездесетін өлім жағдайлары байқалған. Қанның формалық элементтері деңгейінің кенеттен төмендеуі немесе терінің уытты өзгерістерінің пайда болуы ацетазоламидпен емдеуді дереу тоқтатудың белгісі болуы тиіс. Альвеолярлық желдетуді төмендетуге болатын төменгі тыныс жолдарының бітелуі/обструкциясы/обструкциялық жағдайы немесе өкпе эмфиземасы бар пациенттерде ацетазоламид ацидозды жоғарылатуы мүмкін, сондықтан оны сақтықпен қолданған жөн. Анамнезінде несеп-тас ауруы бар пациентерде препаратты қолданудың пайдасын бүйректе тастардың одан әрі түзілу қаупіне қатысты бағалау керек. Пустулалардың пайда болуымен және қызбамен қатар жүретін дәрілік препаратты қабылдау аясында жайылған эритеманың дамуы жедел жайылған экзантематозды пустулез (ЖЖЭП) симптомы болуы мүмкін. ЖЖЭП диагнозын қою кезінде ацетазоламидпен емді тоқтату керек, одан кейін кез келген ацетазоламид тағайындалуының болмауы тиіс. Ацетазоламидті қолданғаннан кейін хориоидеалық эффузия/ажырау жағдайлары туралы хабарланды. Симптомдарға көру өткірлігінің немесе көздің ауыруының күрт басталуы жатады және ацетазоламидпен емдеуді бастағаннан кейін бірнеше сағат ішінде білінуі мүмкін. Егер хориоидеа эффузиясы/ажырауына күдік болса, ацетазоламид қолдануды мүмкіндігінше тезірек тоқтату керек. Арнайы ескертулер Натрий Препараттың құрамында таблеткада 1 ммольден (23 мг) аз натрий бар, сондықтан ол натрийсіз препарат болып саналады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дозаны көбейту диурездің жоғарылауына әкелмейді, бірақ ұйқышылдықтың және/немесе парестезияның даму ықтималдығын арттыруы мүмкін. Шаршау, бас айналу және атаксия туралы аз хабарланған. Бауыр циррозына байланысты ісінуі бар аздаған пациентте бағдарсыздық байқалды. Мұндай жағдайлар мұқият бақылауды қажет етеді. Сондай-ақ өтпелі миопия туралы хабарлар болды. Бұл жағдайлар дозаны төмендету немесе препаратты тоқтату кезінде толығымен жойылған.

Ацетазоламид егеуқұйрықтарда, тышқандарда, атжалмандарда және үй қояндарында тератогендік және эмбриуыттылық әсерін оральді немесе парентеральді түрде адамға ұсынылған дозадан он есе жоғары дозада енгізгеннен кейін көрсеткені хабарланған. Адамда мұндай әсерін дәлелдейтін фактілер болмауына қарамастан, жүкті әйелдерде талапқа сай және жақсы бақыланатын зерттеулер жүргізілмеген. Осыған байланысты таблеткадағы ацетазоламидті жүктілік кезінде, әсіресе бірінші триместрде қолдануға болмайды. Ацетазоламид таблеткаларын қабылдаған емізетін әйелдердің сүтінде ацетазоламид аз мөлшерде анықталған. Нәресте үшін зиянды салдардың даму ықтималдығы аз болғанымен, бала емізетін әйелдер таблетка түріндегі ацетазоламидті қолданғанда өте сақ болу керек.

Ацетазоламид сульфонамид туындысы болып табылады. Сульфаниламидтер фолий қышқылы антагонистерінің әсерін күшейтуі мүмкін. Сондай-ақ, гипогликемиялық препараттар мен оральді антикоагулянттардың әсерін күшейтуі ықтимал. Ацетазоламид пен ацетилсалицил қышқылын бір мезгілде қолдану ауыр ацидоздың дамуына әкелуі және салицилаттардың жоғары дозалары жүйке жүйесіне уытты әсерін күшейтуі мүмкін. Диакарб препаратын жүрек гликозидтерімен және гипертензияға қарсы препараттармен бір мезгілде тағайындау кезінде дозаны түзету қажет болуы мүмкін. Бір мезгілде қабылдаған кезде ацетазоламид фенитоиннің метаболизмін өзгертеді, бұл оның қан сарысуындағы концентрациясының жоғарылауына әкеледі. Ацетазоламидті басқа құрысуға қарсы препараттармен бірге қабылдаған бірнеше пациенттерде ауыр остеомаляция байқалған. Примидон сарысу концентрациясының төмендеуі және ацетазоламидпен бір мезгілде қабылдаған кезде карбамазепин сарысу концентрациясының жоғарылауы туралы жеке хабарламалар келіп түскен. Ықтимал аддитивті әсерге байланысты басқа карбоангидраза тежегіштерімен бір мезгілде қолдану ұсынылмайды. Бүйрек түтікшелерінде несептің рН деңгейін жоғарылату арқылы ацетазоламид амфетамин мен хинидиннің бүйрек арқылы шығарылуын төмендетеді, осылайша амфетаминнің әсерін күшейтіп, ұзартады және хинидиннің әсерін күшейтеді. Циклоспорин: ацетазоламид циклоспорин концентрациясының жоғарылауына әкелуі мүмкін. Метенамин: ацетазоламид метенаминнің несеп шығару жолындағы антисептикалық әсерін тежеуі ықтимал. Литий: ацетазоламид литийдің шығарылуын күшейтеді және оның қандағы деңгейін төмендетеді. Натрий бикарбонаты: ацетазоламид пен натрий бикарбонатын бір мезгілде қабылдағанда бүйректе тас түзілу қаупі артады.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғау үшін түпнұсқалық қаптамада, 25°С-ден аспайтын температурада сақтау керек. Балалардың қолы жетпейтін жерде сақтау керек!