ATХ коды: N06BХ
Әсер ету механизмі және фармакодинамикалық әсерлері
Біріктірілген препарат:
Мидың спецификалық S-100 ақуызына антиденелер антиоксидантты, антигипоксантты, нейропротекторлы, анксиолитикалық әсер етеді. Мида ақпараттық және метаболизмдік үдерістердің түйісуі іске асатын S-100 ақуыз функциясының белсенділігін модификациялайды. Амплитуданың төмендеуін және әрекет потенциалының генерациясын бәсеңдетуін туындата отырып, жарғақша тропты әсерге иеленген; мидың лимбиялық құрылымында, гиппокампта, ретикулярлық формацияда синапстык иілгіштігін модуляциялайды; ОЖЖ-да ГАМҚ тежегіштік әсерінің күшеюіне ықпал етеді. In vitro сигма 1 рецептор агонисінің қасиетін байқатады.
Липидтердің асқын тотығу үдерісін тежейді.
Мидың интегративті қызметін қалпына келтіретін әсер көрсетеді, ол кең ауқымда теңдестірілген психофармакологиялық: депрессияға қарсы, анксиолитикалық, нейропротекторлы, астенияға қарсы, амнезияға қарсы әсерлермен байқалады.
Эндотелиальді NO синтазаға антиденелер эндотелиальді NO синтаза ферменті белсенділігін жоғарылатады, эндотелийдің азот тотығын (NO) өндіруін қалпына келтіреді, эндотелийдің дисфункциясын жояды, эндотелиопротекторлық әрекет етеді, NO-тәуелді вазодилатацияға әсер етеді.
Мидың ишемиялық зақымдану ошағында репарациялық үдеріске Дивазаның стимуляциялайтын әсері іс-тәжірибеде көрсетілді.
Препарат компоненттерін біріктіріп пайдалану S-100 ақуызына антиденелердің нейропротекторлық белсенділігінің күшеюімен, вегето-тұрақтандырғыш әсерінің күшеюімен, вегетативті статустың қалпына келуімен, нейроналды иілгіштігіне екі компоненттің де синергиялық әсерімен және соның салдары ретінде уыттың әсеріне ми төзімділігінің жоғарылуымен қатар жүреді; интегративті қызметін жақсартады және мидың жарты шарларының арасындағы байланысты қалпына келтіреді, когнитивті бұзылудың жойылуына ықпал етеді, репарациялық үдерістерді көтермелейді және ОЖЖ функциясының қалпына келуін жылдамдатады, оймен жұмыс жасау қабілетін көтермелейді, оқу және жады үдерісін орнына келтіреді, соматовегативті көріністерді қалпына келтіреді, ми қан айналымын арттырады.
Диваза, және сондай-ақ оның құрамындағы компоненттер тыныштандыратын және миорелаксантты әсер етпейді, құмарлықты және дағдылануды туындатпайды.
Клиникалық тиімділігі және қауіпсіздігі
Клиникалық зерттеулерді жүргізу кезінде Диваза препаратының тиімділігі мен қауіпсіздігі созылмалы цереброваскулярлық аурудың бастапқы көріністеріне тән жалпы неврологиялық бұзылулардың барлық спектрін емдеуде, әртүрлі жастағы топтардағы, соның ішінде егде жастағы адамдар үшін зерттелді.
Диваза созылмалы ми ишемиясы бар пациенттерде астеноневроздық және когнитивтік бұзылыстарды емдеуге арналған тиімді және қауіпсіз препарат екені анықталды.
Зерттеулерде Диваза емнің алғашқы 4 аптасында барынша көріністелетін және емдеудің келесі 2 айында тұрақты түрде сақталатын, астено-невроздық, вегетативтік, цефалгиялық, вестибулярлық, сомнологиялық және когнитивтік бұзылуларға қатысты орташа емдік әсерге ие болды. Диваза препаратын қабылдау пациенттердің 74%-да астенияны бағалаудың субъективті шкаласы (MFI-20) бойынша астениялық көріністердің айтарлықтай төмендеуіне әкелді, визуалды-аналогтық шкала (ВАШ) деректері бойынша - 66% - да бас айналу мен цефалгияның ауырлығы 15% және тиісінше 37,5% - ға төмендеді.
Бірқатар астеноневроздық және когнитивтік құраушылардың (жад, зейін, санау, қабылдау, бағдарлау, сөйлеу, лексика-графикалық дағдылар, ұйқы, көңіл – күй) айтарлықтай жақсаруы байқалды - егде және кәрілік жастағы пациенттерде 12 апталық емнен кейінгі интегралдық көрсеткіштің (MFI-20 тест баллдарының қосындысы, ұйқының субъективті сипаттамалары, MMSE, сағатты суреттеу, вербалды ассоциациялар түрінде) орта есеппен 12,2% - ға және сәйкесінше 10,9% - ға төмендеуі.
Зерттеулерде Диваза препаратының цереброваскулярлық аурудың клиникалық көріністеулеріне оң әсері пациенттердің өмір сүру сапасының жоғарылауымен біріктіріледі – оның психологиялық және физикалық компоненттері.
Денсаулықтың психологиялық көрсеткішінің жақсаруы салыстырмалы түрде тез байқалады (емнің алғашқы 4 аптасында) және емнің келесі 8 апта бойы қол жеткізілген деңгейде сақталады. Физикалық көрсеткіштің өзгеруі емдеудің барлық 12 аптасы бойына, бұл ретте көбінесе ≥ 75 жастағы адамдарда біртіндеп орын алды.
Диваза препаратын қолдану церебральды атеросклерозы бар пациенттерде антиоксидантты потенциалдың елеулі өсуіне әкеледі, бұл липопротеиндердің (ЛП) липидтердің асқын тотығуына (ЛАТ) резистенттілігінің айқын жоғарылауынан тұрады. ЛП резистенттіліктің орташа мәнінің өзгеруі ЛАТ бастапқы жағдаймен салыстырғанда 12 апталық емдеуден кейін Диваза препаратының (Плацебо тобындағы 6,4±16,9 секундқа қарсы; р=0,007) тобында 14,8±14,7 секундты құрады. Церебральды атеросклерозы бар пациенттерде оксидантты стресс көрсеткіштерінің бастапқы сипаттамаларын талдау оның цереброваскулярлық аурулардың созылмалы түрлерінің патогенезіне қатысуын растады және ми ишемиясы кезінде жасушалық зақымданудағы бос радикалдардың рөлін сандық бағалауға мүмкіндік берді. 12 апта ішінде когнитивті бұзылулары бар пациенттерде Диваза препаратының церебральды атеросклероз кезінде оксидантты және антиоксидантты потенциалға әсері ЛАТ өнімдерге ЛП резистенттілігін арттырады және когнитивті функцияны жақсартады, бұл церебральды атеросклероз кезінде емдік мақсаттарға қол жеткізуге ықпал етеді.
Диваза тыныштандыратын және миорелаксантты әсер етпейді, құмарлықты және дағдылануды туындатпайды.
