Диклоберл N75 раствор 75 мг/3 мл

Бір ампуланың ішінде белсенді зат - натрий диклофенагы, 75 мг қосымша заттар: пропиленгликоль, бензил спирті, ацетилцистеин, маннитол, 1 М натрий гидроксиді ерітіндісі (натрий гидроксидін еріту арқылы), инъекцияға арналған су, азот Сыртқы түрінің, иісінің, дәмінің сипаттамасы Көзге көрінетін бөлшектері жоқ мөлдір, түссіз немесе түссіз дерлік ерітінді.

Бұлшықет ішіне енгізу: - жедел ауырсыну, соның ішінде бүйрек шаншуы кезінде - остеоартрит пен ревматоидты артриттің өршуі кезінде - арқаның жедел ауыруы - подаграның жедел ұстамасы - жедел жарақаттар мен сынулар кезінде - операциядан кейінгі ауырсынулар кезінде Вена ішіне инфузия: - операциядан кейінгі ауырсынуды стационар жағдайында емдеу немесе профилактикасы

ATХ коды: M01AB05 Әсер ету механизмі Диклоберл N75 препаратында диклофенак натрий тұзы бар – ревматизмге қарсы, қабынуға қарсы, ауырсынуды басатын және қызуды түсіретін айқын қасиеттері бар стероидты емес әсер етуші зат. Эксперименттік түрде дәлелденген простагландин биосинтезінің тежелуі әсер ету механизмі тұрғысынан маңызды болып саналады. Простагландиндер қабынудың, ауырсынудың және дене температурасының жоғарылауында маңызды рөл атқарады. Адам организмінде қол жеткізілгенге сәйкес концентрацияларда Диклоберл N75 препараты in vitro шеміршектегі протеогликандардың биосинтезін тежемейді. Клиникалық тиімділігі Ревматизмдік ауруларды емдеу кезінде препараттың қабынуға қарсы және ауырсынуды басатын қасиеттері тыныштықта ауыру, қозғалыс кезінде ауыру, таңертеңгі қозғала алмау, буындардың ісінуі сияқты симптомдардың қарқындылығының айтарлықтай төмендеуіне ықпал етеді, сонымен қатар күнделікті белсенділіктің жоғарылауына әкеледі. Жарақаттан кейінгі және операциядан кейінгі қабыну кезінде Диклоберл N75 препараты өздігінен және қозғалыстан туындаған ауырсынуды тез жеңілдетеді, сонымен қатар қабынбалы ісіну мен жара аймағында ісінуді азайтады. Операциядан кейінгі ауырсынуды жеңілдету үшін апиындармен бір мезгілде қолданғанда, Диклоберл N75 препараты апиындарға деген қажеттілікті айтарлықтай төмендетеді. Сондай-ақ, Диклоберл N75 препаратының орташа және күшті қарқындылықтағы ревматизмдік емес ауырсыну кезінде айқын ауырсынуды басатын әсер көрсететіні анықталды; бұл әсер 15-30 минут ішінде басталады. Диклоберл N75 препараты әсіресе қабыну және дегенеративті ревматизмдік ауруларды, сондай-ақ ревматизмдік емес қабынудан туындаған ауырсындыратын жағдайларды емдегенде қолдануға болады.

Әдетте, дозаны жеке таңдау ұсынылады. Жағымсыз реакцияларды жағдайды жақсарту үшін қажетті ең аз қолдану ұзақтығымен ең төменгі тиімді дозаны таңдау арқылы азайтуға болады («Арнайы сақтандырулар» бөлімін қараңыз). Дозалау режимі Әдеттегі доза Бұлшықет ішіне инъекция Инъекция орнындағы жүйкеге немесе басқа тіндерге зақым келтірмеу үшін төменде берілген бұлшықет ішіне енгізу жэөніндегі нұсқауларды қатаң сақтау қажет (бұл бұлшықет әлсіздігіне, бұлшықеттің салдануына, гипестезияға және терінің дәрілік эмболиясына [Николау синдромына] әкелуі мүмкін). Әдеттегі дозалау режимі тәулігіне бір ампуланы (75 мг) құрайды, оның ішіндегісін санның жоғарғы сыртқы квадрантына бұлшықет ішіне терең инъекция арқылы асептикалық жағдайда енгізеді. Ауыр жағдайларда (мысалы, шаншу кезінде), ерекше жағдайларда, тәулігіне 75 мг екі ампуланың ішіндегісін солжаққа және оңжаққа бірнеше сағат аралықпен бір бірден инъекция жасау арқылы енгізуге болады. Сонымен қатар, бір ампуланың (75 мг) ішіндегісін Диклоберл препаратының басқа дәрілік түрлерімен (мысалы, босап шығуы ұзаққа созылатын капсулаларда) жалпы максималды тәуліктік дозасы 150 мг-ға дейін үйлестіруге болады. Вена ішіне инфузия Диклоберл® N75 препараты вена ішіне болюсті инъекция түрінде енгізуге арналмаған. Вена ішіне инфузия алдында препарат Диклоберл N75 препаратының ампуласының ішіндегісін 100-500 мл натрий хлориді ерітіндісінде (0,9%-дық) немесе глюкоза ерітіндісінде (5%-дық) сұйылту керек. Екі ерітінді де натрий гидрокарбонатының ерітіндісімен буферленуі керек (0,5 мл 8,4%-дық ерітінді немесе 1 мл 4,2%-дық ерітінді). Тек мөлдір ерітінділерді қолдану керек. Препаратты сұйылту үшін инфузияға арналған натрий хлориді (0,9%) ерітінділерін немесе натрий бикарбонаты ерітіндісінсіз глюкозаны (5%) қолдану кристаллдардың немесе тұнбаның пайда болуымен бірге жүруі мүмкін қаныққан ерітіндінің түзілу қаупімен байланысты. Ұсынылғаннан басқа инфузияға арналған өзге ерітінділерді қолдануға болмайды. Диклоберл® N75 препаратын енгізудің екі балама сызбасы ұсынылады. Операциядан кейінгі орташа және ауыр қарқындылықтағы ауырсынуды емдеу үшін 30 минуттан 2 сағатқа дейінгі уақыт аралығында 75 мг үздіксіз инфузия жүргізу керек. Қажет болса, препаратты 24 сағат ішінде 150 мг дозадан асырмай, 4-6 сағаттан кейін қайталауға болады. Операциядан кейінгі ауырсынудың профилактикасы үшін операциядан кейін препаратты 15 минуттан 1 сағатқа дейінгі уақыт аралығында 25-50 мг қанықтыру дозасында енгізу керек, содан кейін үздіксіз инфузияны сағатына шамамен 5 мг жылдамдықпен 150 мг максималды тәуліктік дозаға дейін жалғастыру керек. Терапияның ұзақтығы Ересектер Диклоберл® N75 препаратын б/і немесе в/і енгізудің ұзақтығы екі күннен аспауы тиіс. Одан әрі емдеу үшін пероральді немесе ректальді енгізуге арналған дәрілік түрлер қолданылады. Бұл жағдайда жиынтық доза инъекция күні де 150 мг-дан аспауы керек. Дозалау жөніндегі айрықша нұсқаулар Анықталған жүрек-қантамыр аурулары және жүрек-қантамыр ауруларының маңызды қауіп факторлары Диклоберл® N75 препаратымен емдеу әдетте анықталған жүрек-қантамыр аурулары немесе бақыланбайтын артериялық гипертензиясы бар пациенттерге ұсынылмайды. Қажет болса, жүрек-қантамыр аурулары, бақыланбайтын артериялық гипертензиясы немесе жүрек-қантамыр ауруларының маңызды қауіп факторлары бар пациенттерге Диклоберл N75 препаратын жағдайды мұқият бағалағаннан кейін ғана тағайындау керек; 4 аптадан артық қолданған кезде тәуліктік доза 100 мг-дан аспауы керек (Арнайы сақтандырулар бөлімін қараңыз). Бауыр функциясы бұзылған пациенттер Бауыр функциясының жеткіліксіздігі бар пациенттерге диклофенак препаратын қолдануға болмайды (Қолдануға болмайтын жағдайлар бөлімін қараңыз). Бауыр функциясы бұзылған пациенттерге арнайы зерттеулер жүргізілген жоқ, сондықтан дозаны түзету бойынша нақты ұсынымдар беру мүмкін емес. Бауыр функциясы жеңіл немесе орташа ауырлық дәрежесінде бұзылған пациенттерге диклофенак препаратын тағайындаған кезде сақ болу керек (Арнайы сақтандырулар бөлімін қараңыз). Бүйрек функциясының жеткіліксіздігі бар пациенттер Диклофенак препаратын бүйрек функциясының жеткіліксіздігі бар (ШСЖ <15 мл/мин/1,73 м2) пациенттерге қолдануға болмайды (Қолдануға болмайтын жағдайлар бөлімін қараңыз). Бүйрек функциясының жеткіліксіздігі бар пациенттерге арнайы зерттеулер жүргізілген жоқ, сондықтан дозаны түзету бойынша нақты ұсынымдар беру мүмкін емес. Бүйрек функциясы жеңіл немесе орташа ауырлық дәрежесінде бұзылған пациенттерге диклофенак препаратын тағайындаған кезде сақ болу керек (Арнайы сақтандырулар бөлімін қараңыз). Егде жастағы пациенттер Әдетте, егде жастағы пациенттерге бастапқы дозаны түзету қажет емес. Алайда, жалпы медициналық себептерге байланысты егде жастағы пациенттерді емдеу кезінде сақ болу керек. Бұл әсіресе әлсіреген егде жастағы пациенттерге немесе салмағы төмен пациенттерге қатысты (Арнайы сақтандырулар бөлімін қараңыз). Балалар мен жасөспірімдер Диклоберл® N 75 балалар мен 18 жасқа дейінгі жасөспірімдерді емдеуге жарамайды. Қолдану жөніндегі нұсқаулар Келесі нұсқауларға сәйкес сұйылтқаннан кейін асептикалық енгізу техникасын қолдана отырып, санның жоғарғы сыртқы квадрантына бұлшықет ішіне терең инъекция арқылы немесе вена ішіне баяу инфузия арқылы енгізіңіз: Бір ампула бір рет қолдануға арналған. Ашқаннан кейін ерітіндіні дереу қолдану керек. Ерітіндінің қалдықтарын утилизациялау керек. Диклоберл® N75 препаратын байқаусызда тері астына енгізуді болдырмау үшін инъекцияның тиісті техникасын сақтау және тиісті ұзындықтағы инені (пациенттің санының май тінінің қалыңдығын ескере отырып) қолдану керек. Препаратты қарсылық сезілетін жерге енгізуге болмайды. Қоршаған тіндердің зақымдануын азайту үшін инъекцияны баяу жүргізу керек. Ескертпе: Семіздікке шалдыққан пациенттер енгізген кезде препараттың тері астындағы май талшығына түсуінен аулақ болу керек. 1. Сүйектің қыры; 2. Қауіпсіз қоюға болатын аумақ; 3. Бөксе бұлшықеті Инфузияның болжамды ұзақтығына байланысты жаңа ғана ашылған қаптамадан алынған 100-ден 500 мл-ге дейін изотониялық физиологиялық ерітіндімен (0,9%-дық натрий хлориді ерітіндісі) немесе инъекцияға арналған натрий бикарбонаты ерітіндісімен алдын ала буферленген 5%-дық глюкоза ерітіндісімен (0,5 мл 8,4%-дық немесе 1 мл 4,2%-дық ерітінді немесе басқа концентрациялы ерітіндінің тиісті көлемі) араластырады; бұл ерітіндіге Диклоберл N75 препаратының бір ампуласының ішіндегісін қосады. Ерітіндіні мөлдір болған жағдайда ғана қолдануға болады. Егер ерітіндіде кристаллдар немесе тұнба көрінсе, оны қолдануға болмайды. Сызықты сындыру нүктесі бар ампулаларды пайдалану (ОРС): Ампуланы кескілеудің қажеті жоқ! Ампуланы түрлі-түсті нүктесін жоғары қаратып ұстаңыз. Ампуланың ұшындағы ерітіндіні ампуланы шерту немесе шайқау арқылы түбіне қарай ағызыңыз. Төмен қарай қозғалта отырып ампуланың ұшын сындырыңыз. Препаратты ампуланы алғаш ашқаннан кейін бірден қолдану керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Бұл препарат өздігінен қолдануға арналмаған. Диклоберл® N 75 препараты бұлшықет ішіне терең инъекция арқылы енгізіледі, оны медициналық қызметкер жүргізуі тиіс. Анафилаксиялық реакциялардың (шокқа дейін) даму қаупіне байланысты пациент Диклоберл® N 75 препараты енгізілгеннен кейін кемінде бір сағат дәрігердің бақылауында болуы тиіс; бұл ретте шұғыл көмек көрсету үшін қажетті және жарамды медициналық құралдар дайын болуы тиіс. Б/і және в/і енгізуге арналған ампулаларды жоғарыда көрсетілгендерден басқа инъекцияға арналған басқа ерітінділермен араластыруға болмайды.

-әсер етуші затқа немесе препараттың құрамына кіретін қосымша заттардың кез келгеніне аса жоғары сезімталдық -анамнезінде бронх түйілуі, демікпе, ангионевроздық ісіну, жедел ринит, есекжем, мұрын полиптері немесе ацетилсалицил қышқылын немесе стероидты емес қабынуға қарсы басқа препараттарды (ҚҚСП) қабылдағаннан кейінгі аллергияға ұқсайтын симптомдардың болуы -жүктіліктің үшінші триместрі (4.6-бөлімді қараңыз) -асқазанның және/немесе он екі елі ішектің өршу сатысындағы ойықжарасы, асқазан-ішектен қан кету немесе перфорация. -ішектің қабыну аурулары (мысалы, Крон ауруы немесе ойықжаралы колит) -бауыр функциясының жеткіліксіздігі (Чайлд-Пью бойынша С класы) (бауыр циррозы және асцит) -бүйрек функциясының жеткіліксіздігі (ШСЖ <15 мл/мин/1,73 м 2) -жүрек функциясының ауыр дәрежедегі жеткіліксіздігі (NYHA бойынша III-IV функциональдық класс) -антикоагулянттарды қабылдаумен операциядан кейінгі қан кету, аяқталмаған гемостазы, гемопоэз бұзылыстары немесе цереброваскулярлық қан құйылу қаупі жоғары пациенттер -коронарлық шунттаудан кейін (немесе жасанды қанайналым аппаратын қолданғаннан кейін) операциядан кейінгі ауырсынуды емдеу • 18 жасқа дейінгі балалар.

Төменде берілген жанама әсерлерге қысқа мерзімді немесе ұзақ мерзімді емдеу кезінде Диклоберл® N 75 препаратын және/немесе диклофенактың басқа дәрілік түрлерін қолдану кезінде хабарланған реакциялар жатады. Жанама әсерлерді бағалау кезінде келесі жиілік санаттары қолданылады: өте жиі: ≥1/10, жиі: ≥1/100-ден <1/10-ға дейін, жиі емес: ≥1/1000-нан <1/100-ге дейін, сирек: ≥1/10 000-нан <1/1000-ға дейін, өте сирек: <1/10 000, белгісіз: (қолда бар деректер бойынша бағалау мүмкін емес). Жиі - тері бөртпесі сияқты аса жоғары сезімталдық реакциялары - бас ауыруы, мәңгіру жағдайы - вертиго (бас айналу) - жүрек айнуы, құсу және диарея, диспепсиялық құбылыстар, метеоризм, іш аймағының ауыруы, анорексия - артериялық гипертензия - сұйықтықтың іркілуі, ісінулер - трансаминазалар деңгейінің жоғарылауы - инъекция орнындағы реакциялар, инъекция орнындағы ауырсыну, инъекция орнындағы тығыздану Жиі емес - жүрек қағуын сезіну, кеуденің ауыруы, жүрек функциясының жеткіліксіздігі, миокард инфаркті* Сирек - аса жоғары сезімталдық реакциялары, анафилаксиялық және анафилактоидты реакциялар (артериялық гипотензия мен шокты қоса) - ұйқышылдық - демікпе (оның ішінде ентігумен) - гастрит, асқазан-ішектен қан кету, қанды құсық, қара май тәрізді нәжіс (мелена) немесе геморрагиялық диарея, асқазан-ішек жолының ойықжаралары (қан кетумен немесе онсыз, перитонитке әкелуі мүмкін асқазан-ішек жолының стенозы немесе перфорациясы) - гепатит, сарғаю, бауыр функциясының бұзылуы - бензил спиртіне жоғары сезімталдық реакциялары - есекжем - инъекция орнының ісінуі, некроз Өте сирек - инъекция орнындағы абсцесс - лейкопения, тромбоцитопения, агранулоцитоз, анемия (оның ішінде гемолиздік және аплазиялық анемия) - ангионевроздық ісіну (беттің ісінуін қоса); - бағдарсыздық, ашуланшақтық, психоздық бұзылулар, депрессия, ұйқысыздық, қорқынышты түс көру - парестезия, есте сақтау қабілетінің бұзылуы, құрысулар, дәм сезудің бұзылуы, үрей сезімі, асептикалық менингит, тремор, ми қанайналымының бұзылуы - көру бұзылыстары, амблиопия, диплопия - құлақ шулау, есту қабілетінің бұзылуы - васкулит - пневмонит - стоматит, глоссит, өңештің патологиясы, құрсақ қуысының төменгі бөлігі ағзалары тарапынан бұзылулар, мысалы колит (геморрагиялық колитті немесе ойықжаралы колиттің/Крон ауруының өршуін қоса), іш қатуы, панкреатит, ішектің диафрагма тәрізді стриктуралары - бауыр некрозы, бауыр функциясының жеткіліксіздігі, фульминантты (шұғыл дамитын) гепатит - буллезді дерматит, экзема, эритема, мультиформалы эритема, Стивенс-Джонсон синдромы, Лайелл синдромы (уытты эпидермалық некролиз), эксфолиативті дерматит, алопеция, фотосезімталдық, пурпура, Шёнлейн – Генох пурпурасы, қышыну - бүйректің жедел зақымдануы (бүйрек функциясының жедел жеткіліксіздігі), гематурия, протеинурия, тубулоинтерстициялық нефрит, нефроз синдромы, папиллярлық некроз Белгісіз: - Коунис синдромы - эозинофилиямен және жүйелі симптомдармен дәрілік бөртпе (DRESS- синдром). - орныққан дәрілік бөртпе - жайылған буллезді тұрақты дәрілік бөртпе - тері қантамырларының дәрілік эмболиясы (Николау синдромы), некроздайтын фасциит. * Жиілік препаратты жоғары дозада (тәулігіне 150 мг) пайдалана отырып, ұзақ емдеу барысында алынған деректерді көрсетеді. Жекелеген жағымсыз реакциялардың сипаттамасы Көру қабілетіне әсері Көру қабілетінің нашарлауы, көру өрісінің бұлыңғырлануы және диплопия сияқты көру бұзылыстары ҚҚСП-ның жалпы жанама әсері және емдеуді тоқтатқаннан кейін басылады. Көру бұзылыстарының пайда болуының ықтимал механизмі простагландиндер мен басқа да ұқсас заттардың синтезінің тежелуі болып табылады, бұл көзішілік қысымның реттелуін бұзуы және көру қабілетінің ықтимал өзгеруіне әкелуі мүмкін. Егер диклофенакпен емдеу кезінде осындай симптомдар пайда болса, басқа себептерді жоққа шығару үшін офтальмологиялық тексеру жүргізуді қарастырған жөн. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: диклофенакпен артық дозаланудың өзіне тән клиникалық көрінісі жоқ. Артық дозалану бас ауыруы, бас айналу, жүрек айнуы, құсу, эпигастрийдегі ауырсыну, диарея, бағдарсыздық, қозу, кома, ұйқышылдық, құлақ шулау, талма немесе құрысулар сияқты симптомдармен бірге жүруі мүмкін. Бұдан өзге, асқазан-ішектен қан кету, сондай-ақ, бауыр және бүйрек функциясының бұзылуылары болуы мүмкін. Сондай-ақ, диклофенак артық дозаланған кезде артериялық гипотония, тыныстың тарылуы және цианоз байқалуы мүмкін. Емі симптоматикалық: арнайы антидот жоқ. Диклофенакты қоса, ҚҚСП жедел уыттану кезіндегі ем, демеуші және симптоматикалық емнен тұрады. Ықтимал уытты дозаны қабылдағаннан кейін бір сағат ішінде белсендірілген көмірді қабылдау мүмкіндігін қарастыру қажет. Сонымен қатар, ересектерге ықтимал улы дозаны қабылдағаннан кейін бір сағат ішінде асқазанды шаю мүмкіндігін қарастырған жөн. Жиі немесе ұзақ құрысуларды диазепамды вена ішіне енгізу арқылы тоқтату керек. Демеуші және симптоматикалық ем гипотония, бүйрек функциясының жеткіліксіздігі, асқазан-ішек жолы тарапынан бұзылулар және тыныстың тарылуы сияқты асқынулар жағдайында тағайындалады. Пациенттің клиникалық жағдайына байланысты басқа шаралар көрсетілуі мүмкін. Күшейтілген диурез, диализ немесе гемоперфузия сияқты арнайы емдеу әдістері, шамасы, ҚҚСП, соның ішінде диклофенактың да ақуыздармен байланысу дәрежесінің жоғарылығына және метаболизмінің белсенділігіне байланысты, олардың шығарылуына әсер етпейді.

Қабынуға қарсы жүйелі стероидты емес препараттарды қолдану жөнінде жалпы нұсқаулар Қабынуға қарсы стероидты емес препараттармен (ҚҚСП) емдеу кезінде, олар ЦОГ-2-ге қатысты селективті ме, жоқ па, оған қарамастан, кез келген уақытта асқазан-ішек жолының ойықжаралары, қан кетулер немесе перфорациялардың дамуы мүмкін, тіпті ізашар симптомдар немесе анамнезінде тиісті аурулар болмаса да. Бұл қауіпті азайту үшін препаратты ең төменгі тиімді дозада мүмкіндігінше қысқа уақыт ішінде қолдану керек. Плацебо бақыланатын зерттеулерде бірқатар ЦОГ-2-селективті тежегіштерін қолданғанда тромбоздық жүрек-қантамыр және цереброваскулярлық асқынулардың даму қаупінің жоғарылауы көрсетілді. Қазіргі уақытта бұл қауіп ЦОГ-1/ЦОГ-2-ге қатысты жеке ҚҚСП селективтілігімен тікелей байланысты ма, жоқ па белгісіз. Қазіргі уақытта диклофенак бойынша клиникалық зерттеулердің салыстырмалы деректері ұзақ мерзімді терапия кезінде максималды дозада болмағандықтан, ұқсас жоғары қауіптің болу мүмкіндігін жоққа шығаруға болмайды. Клиникалық расталған жүректің ишемиялық ауруы, цереброваскулярлық аурулар, шеткері артериялардың облитерациялайтын аурулары кезінде немесе маңызды қауіп факторлары бар пациенттерде (мысалы, артериялық гипертензия, гиперлипидемия, қант диабеті, шылым шегу) тиісті деректер алынғанға дейін диклофенакты пайда мен қауіптің арақатынасын мұқият бағалағаннан кейін ғана қолдану керек. Осы қауіпке байланысты емдеудің ең төменгі курсы кезінде ең төменгі тиімді дозаны қолдану керек. ҚҚСП-ның бүйрекке әсері ісінулердің және/немесе артериялық гипертензияның дамуымен сұйықтықтың кідіруін қамтиды. Сондықтан диклофенакты жүрек функциясы бұзылған және сұйықтықтың кідіруіне бейім басқа жағдайлары бар пациенттерде сақтықпен ғана қолдану керек. Диуретиктерді немесе АӨФ тежегіштерін бір мезгілде қабылдайтын пациенттерді, сондай-ақ гиповолемияның даму қаупі жоғары пациенттерді емдеуде де сақ болу ұсынылады. Егде жастағы адамдарда оның салдары неғұрлым ауыр болады. Диклоберл N 75 препаратымен ем алатын пациенттерде асқазан-ішектен қан кету немесе ойықжара туындаған жағдайда осы дәрілік затты қолдануды тоқтату керек. Арнайы сақтандырулар Тері реакциялары Кейде өлімге әкелетін терінің ауыр реакцияларының сирек жағдайлары, соның ішінде эксфолиативті дерматит, Стивенс-Джонсон синдромы, уытты эпидермалық некролиз (Лайелл синдромы), эозинофилиямен және жүйелі симптомдармен дәрілік реакция (DRESS-синдром) және диклофенакты қабылдаудан туындаған жайылған буллезді бөртпе туралы хабарланды (Жағымсыз реакциялардың сипаттамасы қараңыз). Ондай реакциялардың қаупі емдеудің басында анағұрлым жоғары; сипатталған құбылыстардың көпшілігі емдеудің алғашқы айларында байқалған. Тері бөртпесінің, шырышты қабықтың зақымдануының алғашқы белгілері немесе аса жоғары сезімталдықтың басқа симптомдары пайда болған кезде Диклоберл® N75 препаратын қабылдауды тоқтату керек. Аллергиялық реакциялар Басқа ҚҚСП сияқты, диклофенакты қолданған кезде, тіпті бұл препараттың алдыңғы әсері болмаса да сирек жағдайларда аллергиялық реакциялар, соның ішінде анафилаксиялық/анафилактоидты реакциялардың туындауы мүмкін. ҚҚСП қабылдаған пациенттерде Коунис синдромы жағдайлары туралы хабарланды. Коунис синдромы аллергиялық реакцияға немесе аса жоғары сезімталдық реакциясына қатысты салдарлық болып табылатын жүрек-қантамыр симптомдарының жиынтығы ретінде анықталады; симптомдар миокард инфарктісіне әкелуі мүмкін коронарлық артериялардың тарылуымен байланыста болады. Инфекция белгілерін жасыру Басқа ҚҚСП сияқты, диклофенак, оның фармакодинамикалық қасиеттеріне байланысты инфекциялардың белгілері мен симптомдарын «жасыра» алады. Емдеу кезінде ауырсыну немесе жалпы жағдайдың нашарлауы немесе температураның жоғарылауы сияқты қабынудың басқа белгілері сақталса немесе күшейсе, пациенттерге дереу дәрігерге қаралуға кеңес беру керек. Сақтандыру шаралары Жалпы Диклоберл N75 препаратын және циклооксигеназа-2 селективті тежегіштері сияқты жүйелі ҚҚСП-ларды бір мезгілде қолданудан аулақ болу керек, өйткені жанама әсерлердің күшею қаупі бар (Басқа дәрілік препараттармен өзара әрекеттесуі бөлімін қараңыз). Жалпы медициналық себептерге байланысты егде жастағы пациенттерді емдеу кезінде сақ болу керек. Атап айтқанда, әлсіреген егде жастағы немесе дене салмағы төмен пациенттерге препаратты ең аз тиімді дозада тағайындау ұсынылады. Тыныс алу жүйесі тарапынан жанама әсерлер (бұрын болған бронх демікпесі) Демікпенің өршуі басқа пациенттерге қарағанда (анальгетиктердің жақпауы/анальгезиялық демікпе деп аталады), ангионевроздық ісіну немесе есекжем сияқты ҚҚСП реакциялары демікпе, маусымдық аллергиялық ринит, мұрынның шырышты қабығының ісінуі (мысалы, мұрын полиптері), өкпенің созылмалы обструктивті ауруы немесе тыныс алу жолдарының созылмалы инфекциясы бар пациенттерде жиі кездеседі (әсіресе егер ол аллергиялық ринитке ұқсас симптомдармен бірге жүрсе). Сондықтан мұндай пациенттерді емдеу кезінде ерекше сақ болу керек (күтпеген жағдайларға дайын болу керек). Бұл басқа заттарға аллергиялық реакциясы бар пациенттерге де қатысты, мысалы, тері бөртпесі, қышыну немесе есекжем. Бронх демікпесімен ауыратын пациенттерге Диклоберл® N75 препаратын парентеральді енгізу кезінде ерекше сақ болу керек, себебі бұл симптомдардың өршуіне әкелуі мүмкін. Асқазан-ішек жолына әсері Диклофенакты қоса алғанда, барлық ҚҚСП жағдайындағы сияқты, Диклоберл® N75 препаратын тағайындау кезінде асқазан-ішек жолы (АІЖ) тарапынан бұзылуларды көрсететін симптомдары бар пациенттерге, сондай-ақ анамнезінде асқазан немесе ішек ойықжарасы, қан кетуі немесе перфорациясы бар пациенттерге мұқият медициналық бақылауды қамтамасыз ету және аса сақ болу қажет (Жағымсыз реакциялардың сипаттамасы бөлімін қараңыз). Асқазан-ішектен қан кету қаупі ҚҚСП-ны жоғары дозада қолданғанда, сондай-ақ анамнезінде асқазанның ойықжара ауруы бар пациенттерге, әсіресе қан кету немесе перфорация сияқты асқынулармен бірге жүрсе және егде жастағы адамдарда артады. Асқазан-ішек жолына қатысты уыттылық қаупін азайту үшін, анамнезінде ойықжара ауруы бар пациенттерде, әсіресе қан кету немесе перфорациямен асқынған жағдайда, сондай-ақ егде жастағы адамдарда емдеуді препаратты минималды тиімді дозада бастау және қолдану керек. Мұндай пациенттер үшін, сондай-ақ ацетилсалицил қышқылын (АСҚ) төмен дозада немесе асқазан-ішек жолы тарапынан бұзылулардың қаупін арттыруы мүмкін басқа да дәрілік заттарды қатар қабылдауды қажет ететін пациенттер үшін протектор-препараттарды (мысалы, протонды сорғы тежегіштері немесе мизопростол) қолдана отырып, біріктірілген терапия мүмкіндігін қарастыру қажет. Анамнезінде асқазан-ішек жолына уытты әсері болған пациенттер, әсіресе егер олар егде жастағы пациенттер болса, құрсақ қуысы ағзалары тарапынан кез келген ерекше симптомдар (ең алдымен асқазан-ішектен қан кету туралы) туралы хабарлауы керек. Жүйелі кортикостероидтар, антикоагулянттар, антиагреганттар немесе серотонинді кері қармайтын селективті тежегіштер сияқты ойықжаралардың немесе қан кетудің қаупін арттыруы мүмкін препараттарды бір уақытта қабылдайтын пациенттерде сақ болу керек (Басқа дәрілік препараттармен өзара әрекеттесуі бөлімін қараңыз). ҚҚСП, соның ішінде диклофенак, асқазан-ішек анастомозының тұрақсыздық қаупінің жоғарылауымен байланысты болуы мүмкін. Диклоберл N75 препаратын асқазан-ішек жолына операция жасағаннан кейін қолданған кезде мұқият дәрігерлік бақылау және сақтық ұсынылады. Бауырға әсері Бауыр функциясы бұзылған пациенттерге Диклоберл N75 препаратын тағайындаған кезде мұқият медициналық бақылау қажет, себебі олардың жағдайы нашарлауы мүмкін (Жағымсыз реакциялардың сипаттамасы бөлімін қараңыз). Басқа ҚҚСП-ны, соның ішінде Диклоберл N75 препаратын қабылдау кезіндегі сияқты, бауырдың бір немесе бірнеше ферменттерінің деңгейінің жоғарылауы мүмкін. Бұл туралы диклофенакты клиникалық сынаулардың барысында жиі хабарланған (пациенттердің шамамен 15%-ында), бірақ бұл құбылыс сирек клиникалық симптомдармен бірге жүреді. Бұл жағдайлардың көпшілігінде жоғарылау шамалы болды. Орташа өсу (қалыптың жоғары шегінен ≥3 – < 8 есе жоғары) жиі байқалды (2,5%-ында), ал айқын жоғарылау жиілігі (қалыптың жоғары шегінен ≥8 есе жоғары) шамамен 1% деңгейінде қалды. Жоғарыда аталған клиникалық сынақтар барысында пациенттердің 0,5%-ында бауыр ферменттері деңгейінің жоғарылауынан басқа бауырдың клиникалық айқын зақымдануы байқалды. Препаратты қабылдауды тоқтатқаннан кейін ферменттер деңгейінің жоғарылауы әдетте қайтымды болды. Диклофенакпен емдеу кезінде ізашар-симптомдарсыз гепатиттің дамуы мүмкін. Диклоберл N75 препаратын гепатиттік порфириямен ауыратын пациенттерге сақтықпен тағайындау керек, себебі ол ұстаманы тудыруы мүмкін. Бүйректерге әсері Простагландиндер бүйрек перфузиясын сақтауда маңызды рөл атқаратынын ескере отырып, ҚҚСП-мен, соның ішінде диклофенакпен жоғары дозада ұзақ уақыт емдеу көбінесе ісінулер мен артериялық гипертензияның дамуына әкеледі (1-10% жағдайда). Жүрек немесе бүйрек функциясы бұзылған пациенттерді, анамнезінде гипертониясы бар пациенттерді, егде жастағы пациенттерді, диуретиктерді немесе бүйрек функциясына айтарлықтай әсер ететін препараттарды бір мезгілде қабылдайтын пациенттерді, сондай-ақ кез келген себептен туындаған, мысалы, хирургиялық ауыр араласымға дейін немесе одан кейін жасушадан тыс кеңістіктегі сұйықтықтың айқын тапшылығы бар пациенттерді емдеуде ерекше сақтық таныту керек (Қолдануға болмайтын жағдайлар бөлімін қараңыз). Ондай жағдайларда, сақтандыру шарасы ретінде Диклоберл N75 препаратын қолданған кезде бүйрек функциясын бақылау ұсынылады. Емдеуді тоқтатқаннан кейін пациенттің жағдайы, әдетте, емдеу басталғанға дейінгіге қайта оралады. Жүрек-қантамыр жүйесіне әсері Қабынуға қарсы стероидты емес препараттармен (ҚҚСП) емдеу, соның ішінде диклофенакпен, жүрек-қантамырдың ауыр тромбоздық оқиғаларының (миокард инфарктісі мен инсультті қоса) даму қаупінің шамалы жоғарылауымен байланысты болуы мүмкін, әсіресе жоғары дозаларда және ұзақ уақыт қолданғанда. Диклоберл N75 препаратымен емдеу әдетте жүрек-қантамыр аурулары (жүрек функциясының жеткіліксіздігі, жүректің ишемиялық ауруы, шеткері артериялардың окклюзиялық ауруы) немесе бақыланбайтын артериялық гипертензиясы бар пациенттерге ұсынылмайды. Қажет болған жағдайда жүрек-қантамыр аурулары, бақыланбайтын артериялық гипертензияcы немесе жүрек-қантамыр ауруларының маңызды қауіп факторлары бар пациенттерге (мысалы, артериялық гипертензия, гиперлипидемия, қант диабеті және шылым шегу) мұқият бағалау жүргізілгенге дейін Диклоберл N75 препаратын тағайындауға болмайды; емдеуді 4 аптадан артық жалғастырған кезде препараттың дозасы тәулігіне 100 мг аспауы керек. Диклофенакты қабылдаумен байланысты жүрек-қантамыр жүйесі тарапынан бұзылыстардың қауіп факторлары дозаға және емдеу ұзақтығына байланысты күшеюі мүмкін болғандықтан, препаратты мүмкіндігінше қысқа уақыт ішінде ең аз тиімді тәуліктік дозада тағайындау керек. Пациентте симптомдардың қарқындылығын төмендету қажеттілігі және оның емдеуге реакциясы мезгіл-мезгіл бағалануы керек, әсіресе емдеу 4 аптадан астам уақытқа созылса. Пациент кенеттен пайда болуы мүмкін ауыр артериялық тромбоэмболиялық құбылыстардың белгілері мен симптомдарына (мысалы, кеуденің ауыруы, ентігу, әлсіздік, түсініксіз сөйлеу) мұқият қарауы керек. Пациенттерге мұндай құбылыстар туындаған жағдайда дереу дәрігерге қаралу қажеттілігі туралы нұсқау беру керек. Инъекция орнындағы реакциялар Диклоберл N75 препаратын бұлшықет ішіне енгізгеннен кейін инъекция орнындағы реакциялар, оған қоса инъекция орнындағы некроз және Николау синдромы деп аталатын тері тамырларының дәрі-дәрмектік эмболиясы (әсіресе байқаусызда тері астына енгізгеннен кейін) туралы хабарланды. Диклоберл N75 препаратын бұлшықет ішіне енгізген кезде инені тиісті таңдау мен енгізу техникасын ұстану керек (Дозалау режиімі бөлімін қараңыз). Қан жүйесіне әсері Диклоберл N75 препаратымен ұзақ уақыт емдегенде, басқа ҚҚСП сияқты, жалпы қан талдауының көрсеткіштерін бақылау ұсынылады. Басқа ҚҚСП сияқты, диклофенак тромбоциттердің агрегациясын уақытша тежей алады. Қан ұюының бұзылыстары бар пациенттер мұқият бақылауды қажет етеді. Қосымша заттар Осы дәрілік препарттың құрамында бір инъекцияға 105 мг бензил спирті бар. Бензил спирті аллергиялық реакцияларды тудыруы мүмкін. Егер сіз жүкті болсаңыз, бала емізсеңіз немесе бауыр не бүйрек аурулары болса, дәрігермен немесе фармацевтпен кеңесіңіз. Себебі бензил спиртінің көп мөлшері организмде жиналып, жанама әсерлерді тудыруы мүмкін («метаболизмдік ацидоз» деп аталады). Бұл дәрілік препараттың құрамында 1 мл-ге 200 мг пропиленгиколь бар, бұл бір инъекцияға 600 мг сәйкес келеді. Бұл дәрілік препарттың құрамында бір инъекцияға 1 ммольден аз натрий (23 мг) бар, яғни онда «іс жүзінде натрий жоқ» деп есептеуге болады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Диклоберл® N75 препаратын қабылдау кезінде шаршауды, көру қабілетінің бұзылуын,мәңгіру жағдайын, бас айналуды, ұйқышылдықты, орталық жүйке жүйесі тарапынан бұзылуларды сезінетін пациенттер автокөлік жүргізуден немесе механизмдермен жұмыс істеуден бас тартуы керек. Аталған құбылыстар препаратты алкогольмен бірге қабылдаған кезде күшейе түседі. Ескертпе: Диклоберл® N 75 препаратының құрамына кіретін пропиленгликоль алкоголь тұтынудан кейін пайда болатын белгілерге ұқсас симптомдар тудыруы мүмкін.

Жүктілік Простагландин синтезінің бәсеңдеуі жүктілікке және/немесе эмбрионның/шарананың дамуына жағымсыз әсер етуі мүмкін. Эпидемиологиялық зерттеулердің нәтижелеріне сәйкес, жүктіліктің бастапқы мерзімдерінде простагландин синтезін бәсеңдететін препараттарды қолдану өздігінен болатын аборт, шаранада жүрек ақауының туындауы мен алдыңғы құрсақ қабырғасының бітпеуі қаупін арттыруы мүмкін. Аталған құбылыстардың қаупі препараттың дозасы мен қолдану ұзақтығын арттырған кезде жоғарылайды деп саналады. Жануарларда простагландин синтезінің тежегіштерін қолдану пре- және постимплантациялық ажыраудың, сондай-ақ эмбриофетальді өлім көрсеткіштерінің жоғарылауына әкелді. Сонымен қатар, органогенез кезеңінде простагландин синтезінің тежегіші енгізілген жануарларда ұрық дамуының әртүрлі ақауларының, оның ішінде жүрек-қантамыр жүйесі ақауларының туындау жиілігі өсті. Бірінші және екінші триместрлер Диклофенакты жүктіліктің бірінші және екінші триместрінде, өте қажет жағдайларды қоспағанда, тағайындауға болмайды. Жүктілікті жоспарлаған әйелдерге, не жүктіліктің бірінші және екінші триместріндегі әйелдерге диклофенакты тағайындаған кезде ең аз ықтимал доза және емдеудің ең аз ұзақтығы ұсынылады. Олигогидрамнион/ жаңа туған нәрестелердегі бүйрек функциясының жеткіліксіздігі / артериялық түтіктің тарылуы Жүктіліктің 20-аптасында немесе одан кейін ҚҚСП қолдану шарананың бүйрек функциясының бұзылуына әкелуі мүмкін, бұл олигогидрамнионды (қағанақ суының аздығы) тудыруы мүмкін, ал кейбір жағдайларда жаңа туған нәрестеде бүйрек функциясының бұзылуына әкелуі мүмкін. Бұл жағымсыз реакциялар, әдетте, емдеу басталғаннан бірнеше күн немесе апта өткен соң пайда болады, дегенмен сирек жағдайларда олигогидрамнион ҚҚСП емдеу басталғаннан кейін 48 сағаттан соң байқалды. Олигогидрамнион емдеуді тоқтатқаннан кейін жиі қайтымды болады, бірақ үнемі емес. Ұзақ мерзімді олигогидрамнионның асқынуларына, мысалы, аяқ-қол контрактуралары және өкпенің жетілуінің кешігуі жатады. Бүйрек функциясының жеткіліксіздігі бар жаңа туған нәрестелерді тіркеуден кейінгі бақылаудың кейбір жағдайларында қанды алмастырып құю немесе диализ сияқты инвазивті емшаралар қажет болды. Сонымен қатар, екінші триместрде емдегеннен кейін артериялық түтіктің тарылуы байқалды, ол көп жағдайда емдеуді тоқтатқаннан кейін басылады. Егер Диклоберл N75 препаратымен емдеу 48 сағаттан астам уақытқа созылса, қағанақ суының жағдайын және шарананың жүрегінің соғуын ультрадыбыспен бақылау жүргізуді қарастырған жөн. Егер олигогидрамнион пайда болса немесе артериялық түтіктің тарылуы орын алса, Диклоберл N75 препаратын қабылдауды тоқтату және клиникалық практикаға сәйкес одан әрі бақылау жүргізу керек. Үшінші триместр Диклофенакты жүктіліктің үшінші триместрінде қолдануға болмайды. Простагландин синтезінің барлық тежегіштері: - Шарананы келесі қауіптерге ұшыратады: • жүрек-өкпе жүйесіне қатысты уыттылық (артериялық түтіктің мерзімінен бұрын жабылуы және • өкпе гипертензиясы); • бүйрек дисфункциясы, ол қағанақ суының аздығы дамуымен (олигогидрамнионның) бүйрек функциясының жеткіліксіздігіне дейін өршуі мүмкін; - Ана мен баланы келесі қауіптерге ұшыратуы мүмкін: • қан кету уақытының ықтимал ұзаруына, препаратты тіпті өте төмен дозада қолданған кезде де туындауы мүмкін антиагрегациялық әсерге; • жатырдың жиырылу белсенділігінің бәсеңдеуіне, ол босанудың кідіруіне немесе ұзаққа созуылуына әкелуі мүмкін. Лактация кезеңі Басқа ҚҚСП сияқты, диклофенак аздаған мөлшерлерде емшек сүтіне енеді. Сондықтан, нәрестеге жағымсыз әсер етуін болдырмас үшін, диклофенакты бала емізу кезінде қолдануға болмайды. Егер емдеу қажет болса, нәрестені жасанды тамақтандыруға ауыстыру керек. Фертильділік Диклофенак әйелдердің фертильділігін төмендетуі мүмкін, сондықтан жүктілікті жоспарлаған әйелдерге қолдану ұсынылмайды. Бала көтеруде кінәраттары немесе фертильділікке қатысты тексеруден өтетін әйелдерге қатысты декскетопрофенді тоқтату мүмкіндігін қарастыру керек. Қолда бар мәліметтер негізінде жануарлардың аталықтарында фертильділіктің бұзылуын жоққа шығаруға болмайды. Бұл нәтижелердің адам үшін маңызы түсініксіз.

Төменде Диклоберл N75 препаратын және/немесе диклофенактың басқа дәрілік түрлерін қолдану кезінде байқалған өзара әрекеттесулер берілген. Ескеру керек байқалатын өзара әрекеттесулер Ферменттердің индукторлары CYP2C9 индукторлары Диклофенакты CYP2C9 индукторларымен (мысалы, рифампицинмен) бір мезгілде тағайындағанда абай болу ұсынылады. Диклофенакты қабылдау нәтижесінде оның қан плазмасындағы концентрациясының және жалпы әсерінің айтарлықтай төмендеуі байқалуы мүмкін. Ферменттердің тежегіштері CYP2C9 тежегіштері Диклофенакты CYP2C9 тежегіштерімен (мысалы, вориконазолмен) бір мезгілде тағайындағанда абай болу ұсынылады. Қан плазмасындағы диклофенактың ең жоғары концентрациясының айтарлықтай жоғарылауы және оның жиынтық әсерінің жалпы жоғарылауы байқалуы мүмкін. Диклоберл N75 препаратының басқа дәрілік заттарға әсері Ескеру керек байқалатын өзара әрекеттесулер Литий Бір мезгілде қолданған кезде диклофенак қан плазмасындағы литийдің концентрациясын жоғарылатуы мүмкін. Қан сарысуындағы литий деңгейін бақылау ұсынылады. Дигоксин Бір мезгілде қолданған кезде диклофенак қан плазмасындағы дигоксиннің концентрациясын жоғарылатуы мүмкін. Қан сарысуындағы дигоксиннің деңгейін бақылау ұсынылады. Диуретиктер және гипертензияға қарсы препараттар Басқа ҚҚСП сияқты, диклофенакты диуретиктермен немесе гипертензияға қарсы препараттармен (мысалы, бета-блокаторлар, ангиотензин өзгертетін фермент [AӨФ] тежегіштері) бір мезгілде қабылдау олардың гипертензияға қарсы белсенділігін төмендетуі мүмкін. Сондықтан бұл біріктірілімді сақтықпен тағайындау керек, ал пациенттерде, әсіресе егде жастағы пациенттерде артериялық қысымды үнемі бақылау қажет. Пациенттер сұйықтықты жеткілікті мөлшерде алуы керек; қатарлас терапияны бастағаннан кейін бүйрек функциясын бақылауға, сондай-ақ одан кейін мезгіл-мезгіл, әсіресе диуретиктер мен AӨФ тежегіштерін қолданғанда, нефроуыттылық қаупінің жоғарылауына байланысты, назар аудару қажет (4.4- бөлімді қараңыз). Циклоспорин және такролимус Диклофенак, басқа ҚҚСП сияқты, бүйрек простагландиндеріне әсер етуіне байланысты циклоспорин мен такролимустың нефроуыттылығын күшейтуі мүмкін. Сондықтан оны циклоспоринді немесе такролимусты қабылдамайтын пациенттерге тағайындағаннан аз мөлшерде тағайындау керек. Гиперкалиемияны тудыратыны белгілі дәрілік препараттар Калий сақтағыш диуретиктерді, циклоспоринді, такролимусты немесе триметопримді бір мезгілде қабылдау қан плазмасындағы калий деңгейінің жоғарылауына әкелуі мүмкін, сондықтан оны үнемі бақылау керек (4.4-бөлімді қараңыз). Хинолон қатарындағы антибиотиктер Хинолондарды ҚҚСП-мен бір мезгілде қолданумен байланысты болуы мүмкін құрысулардың пайда болуы жайлы бірен-саран жағдайлар туралы хабарланды. Назарға алу керек болжамды өзара әрекеттесулер Басқа ҚҚСП және кортикостероидтар Диклофенакты басқа жүйелі ҚҚСП немесе кортикостероидтармен бір мезгілде қабылдау асқазан-ішек жолы тарапынан жағымсыз реакциялардың жиілігін арттыруы мүмкін (4.4-бөлімді қараңыз). Антикоагулянттық және антиагрегантты препараттар Сақ болу ұсынылады, өйткені бірге қолданған кезде қан кету қаупі артуы мүмкін (4.4-бөлімді қараңыз). Клиникалық зерттеулер антикоагулянттардың әсеріне диклофенактың ықпал ететіндігін көрсетпесе де, диклофенак пен антикоагулянттарды бір мезгілде қабылдап жүрген пациенттерде қан құйылудың туындау қаупінің жоғарылауын көрсететін хабарламалар бар. Сондықтан мұндай жағдайларда мұқият бақылау қажет. Серотонинді кері қармаудың селективті тежегіштері (СКҚСТ) Жүйелік ҚҚСП-ларды, соның ішінде диклофенакты және СКҚСТ-ны бір мезгілде қабылдау асқазан-ішектен қан кету қаупін арттыруы мүмкін («Арнайы сақтандырулар» қараңыз). Диабетке қарсы препараттар Клиникалық зерттеулерде диклофенакты диабетке қарсы пероральді препараттармен бірге олардың клиникалық әсеріне ықпал етпестен қолдануға болатындығы көрсетілген. Дегенмен, диклофенакпен емдеу кезінде гипогликемиялық және гипергликемиялық әсерлер туралы жекелеген хабарламалар бар, онда диабетке қарсы препараттардың дозасын түзету қажет болды. Осы себепті, біріктірілген терапия кезінде сақтандыру шарасы ретінде қандағы глюкозаның деңгейін бақылау ұсынылады. Сондай-ақ, диклофенак пен метформинді бір мезгілде қабылдаған кезде метаболизмдік ацидоздың дамуы туралы, әсіресе бүйрек функциясы бұзылған пациенттерде, бірлі-жарым хабарламалар болды. Метотрексат Метотрексатпен емдеуге дейін немесе одан кейін 24 сағаттан аз уақыт ішінде ҚҚСП, соның ішінде диклофенакты қолданғанда сақ болу керек, өйткені қандағы метотрексаттың концентрациясы жоғарылауы мүмкін, бұл оның уытты әсерінің жоғарылауына әкеледі. Фенитоин Фенитоин мен диклофенакты бір мезгілде қолданғанда қан плазмасындағы фенитоиннің концентрациясын бақылау ұсынылады, өйткені фенитоиннің әсерінің жоғарылауы мүмкін. Пробенецид Құрамында пробенецид бар дәрілік препараттар диклофенактың организмнен шығарылуын баяулатуы мүмкін. Колестипол және холестирамин Бұл препараттар диклофенактың сіңуінің төмендеуіне немесе баяулауына әкелуі мүмкін. Осы себепті диклофенакты колестипол/ холестирамин қабылдаудан кем дегенде бір сағат бұрын немесе одан кейін 4-6 сағаттан соң тағайындау ұсынылады. Тенофовир ҚҚСП бірге қабылдаған кезде қан плазмасында азот мочевинасының және креатининнің концентрациясы жоғарылауы мүмкін, сондықтан осы дәрілік заттарды бірге қолданудың ықтимал әсерін бағалау үшін бүйрек функциясына бақылау жүргізу қажет. Деферасирокс ҚҚСП-мен бірге қабылдаған кезде асқазан-ішек жолына уытты әсер ету қаупі артуы мүмкін. Осы препаратты деферасирокспен бірге қолданған кезде пациентті мұқият медициналық бақылау қажет. Мифепристон Теориялық тұрғыдан простагландинсинтетаза тежегіштерінің әсерінен мифепристон әсерінің төмендеу ықтималдығын ескере отырып, ҚҚСП-ны мифепристонмен емдегеннен кейін 8-12 күннен соң ғана тағайындау керек. Шектеулі мәліметтер ҚҚСП бір күнде простагландинмен бірге қабылдау мифепристонның немесе простагландиннің жатыр мойнының жетілуіне немесе жатырдың жиырылуына қатысты әсерлеріне жағымсыз әсер етпейді және жүктілікті дәрі-дәрмекпен үзуге арналған дәрілердің клиникалық тиімділігін төмендетпейді деп болжауға мүмкіндік береді. Пеметрексед ҚҚСП бірге қабылдаған кезде пеметрекседтің шығарылуы төмендеуі мүмкін, сондықтан ҚҚСП жоғары дозаларда қолданған кезде сақтық таныту қажет. Бүйрек функциясының ауырлығы жеңіл және орташа дәрежедегі жеткіліксіздігі бар пациенттерде (креатинин клиренсі 45-тен 79 мл/мин-ге дейін) пеметрексед пен ҚҚСП-ны пеметрекседті қабылдағанға дейін екі күн бұрын және қабылдағаннан кейін екі күн ішінде бір мезгілде қабылдаудан аулақ болу керек. Жүрек гликозидтері Пациенттерде жүрек гликозидтері мен ҚҚСП-ларды бір мезгілде қолдану жүрек функциясы жеткіліксіздігін нашарлатуы, шумақшалық сүзілу жылдамдығын (ШСЖ) төмендетуі және плазмадағы гликозидтердің деңгейін жоғарылатуы мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 30 °С-ден аспайтын температурада сақтау керек. Ампулаларды жарықтың әсерінен қорғау үшін сыртқы қаптамада сақтау керек. Балалардың қолы жетпейтін жерде сақтау керек!