ДИКЛОСЕЙФ® Форте Эмульсиялық гель гель 2%

1 г гельдің құрамында белсенді зат - 23,2 мг диклофенак диэтиламині (20 мг натрий диклофенагына баламалы), қосымша заттар: пропиленгликоль, изопропил спирті, карбомер (карбопол 980), диэтиламин, кокоил каприлокапрат (Колликрим 3C), олеил спирті (Колликрим ОА), полиоксил-20-цетостеарил эфирі (Коллифор CS20), жеңіл сұйық парафин, бутилгидрокситолуол, тазартылған су. Сыртқы түрінің, иісінің, дәмінің сипаттамасы Ақ түстен ақшыл түске дейінгі жұмсақ, біркелкі гель.

Келесі жағдайларда ауырсынуды, қабынуды және ісінуді жергілікті емдеу: - тері жабындарының бүтіндігі бұзылмай сіңірлердің, байламдардың, бұлшықеттер мен буындардың жарақаттық (оның ішінде спорттық) зақымдануларында (соғылулар, созылулар, шығып кетулер), арқа ауырсынуында - ревматизмнің орныққан түрлерінде: тендинитте, қолдың альгодистрофиялық синдромында, бурситте, периартритте - шеткері буындардың остеоартритінде (мысалы, тізе немесе саусақтардың).

Фармакодинамикалық әсерлері Диклофенак ауыруды айқын бәсеңдететін, қабынуға қарсы және ыстық түсіретін әсері бар қабынуға қарсы стероидты емес препарат (ҚҚСП) болып табылады. ДИКЛОСЕЙФ Форте Эмульсиялық гель қабынуға қарсы және ауыруды бәсеңдететін сыртқа қолдануға арналған препарат болып табылады. Простагландин биосинтезінің диклофенакпен расталған тежелуі оның әсер ету механизмінің маңызды құрамдас бөлігі болып саналады. Қабынудың тегі жарақаттық болған жағдайда ДИКЛОСЕЙФ Форте Эмульсиялық гель ауырсынуды жеңілдетеді және ісінудің пайда болуын азайтады. Препараттың эмульсиялық түрі теріге еніп, тиімді концентрацияға жетеді. Су-спирт негізіне байланысты гельдің тыныштандыратын және салқындататын әсері бар. Клиникалық тиімділігі және қауіпсіздігі Деректер жоқ.

Дозалау режимі Ересектер мен 14 жастағы және одан үлкен балалар: гельді теріге мұқият жағу керек. Зақымданған аймақтың өлшеміне байланысты 2-4 г гель (диаметрі шамамен 2,0–2,5 см дөңгелек масса) күніне 2 рет жағылуы керек (дұрысы таңертең және кешке). Ең жоғары тәуліктік дозасы - 8 г. Осылайша, апталық ең жоғары дозасы 56 г құрайды. Препаратты жаққаннан кейін қолды жуу ұсынылады (саусақтарды емдеу керек болмаса). Егер препаратты қолдану басталғаннан кейін 7 күн ішінде жағдайдың жақсаруы байқалмаса немесе жағдайы нашарласа, дәрігермен кеңесу керек. Емдеу ұзақтығы емнің көрсетілімдері мен тиімділігіне байланысты. Препаратты 14 күннен артық қолдануға болмайды Пациенттердің ерекше топтары 14 жасқа дейінгі балалар ДИКЛОСЕЙФ® Форте эмульсиялық гельдің 14 жасқа дейінгі балалардағы қауіпсіздігі және тиімділігі қазіргі уақытта анықталмаған. 65 жастан асқан пациенттер Ересектер үшін әдеттегі тәуліктік дозасын қолдануға болады. Енгізу әдісі мен жолы Сыртқа қолдануға арналған.

- диклофенакқа немесе қосымша заттардың кез келгеніне аса жоғары сезімталдық - демікпе ұстамалары, аллергиялық бөртпесі немесе жедел риниті ацетилсалицил қышқылымен (аспирин) немесе басқа да қабынуға қарсы стероидты емес препараттармен (ҚҚСП) қозуы мүмкін созылмалы демікпесі бар/онсыз пациенттер - жүктіліктің үшінші триместрі - 14 жасқа дейінгі балалар мен жасөспірімдер

Жиі - дерматит (жанаспалы дерматитті қоса алғанда), бөртпе, эритема, экзема, терінің қышуы Сирек - буллезді дерматит Өте сирек - пустулезді бөртпе - аса жоғары сезімталдық (есекжемді қоса алғанда), ангионевроздық ісіну - демікпе - фотосенсибилизация реакциясы Белгісіз - қабыршақтану, тері түсінің өзгеруі Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жергілікті қолдануға арналған диклофенактың жүйелік қол жетімділігінің төмендігіне байланысты артық дозалану ықтималдығы өте аз. ДИКЛОСЕЙФ® Форте Эмульсиялық гель препаратын кездейсоқ жұтып қойған жағдайда (50 г 1 сықпа құрамында 1 г диклофенак бар) диклофенак таблеткаларымен артық дозаланудан болған жағдайға ұқсас жағымсыз әсерлердің пайда болуы мүмкін. Егер (мысалы, балаларда) дұрыс пайдаланбау немесе кездейсоқ артық дозалану нәтижесінде елеулі жүйелі жағымсыз әсерлер пайда болса, онда улануды емдеу үшін әдеттегі іс-шаралар жүргізіледі.

Егер сыртқа қолдануға арналған диклофенак ұсынылғаннан жоғары дозада немесе ұзақ уақыт пайдаланылса, жүйелік жағымсыз реакциялардың (диклофенактың жүйелік түрлерін пайдаланумен байланысты) туындау мүмкіндігін ескеру керек. Жүйелік ҚҚСП-ны бір мезгілде қолданған кезде сақ болу керек, өйткені жағымсыз әсерлердің, әсіресе жүйелік жағымсыз әсерлер жиілігінің арту мүмкіндігін жоққа шығаруға болмайды. ДИКЛОСЕЙФ® Форте Эмульсиялық гельді терінің сау, зақымданбаған аймақтарына ғана жағу керек және ешбір жағдайда соғылған және ашық жараларға жақпау керек. Көзге немесе шырышты қабыққа тиіп кетуіне жол бермеу керек және ішке қабылдауға болмайды. Егер препарат жағылғаннан кейін тері бөртпесі күшейсе, емдеуді тоқтату қажет. ДИКЛОСЕЙФ® Форте Эмульсиялық гельді окклюзиялық емес таңғыштармен қолданады, окклюзиялық таңғыштарды қолдануға болмайды. Егер бұл препарат терінің үлкен аймақтарына және ұзақ уақыт бойы пайдаланылса, ДИКЛОСЕЙФ® Форте Эмульсиялық гельді пайдаланудан болатын жағымсыз әсерлердің туындау мүмкіндігін толық жоққа шығаруға болмайды. Арнайы сақтандырулар ДИКЛОСЕЙФ® Форте Эмульсиялық гельдің құрамында пропиленгликоль бар, ол кейбір пациенттерде терінің әлсіз жергілікті тітіркенуін туындатуы мүмкін, бутилгидрокситолуол жанаспалы дерматит немесе көз бен шырышты қабықтардың тітіркенуі сияқты терінің жергілікті реакцияларын туындатуы мүмкін. Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері Көлік құралын немесе басқа да қауіптілігі зор механизмдерді басқару қабілетіне әсер етпейді.

Егер сіз жүкті болсаңыз немесе бала емізіп жүрсеңіз, жүкті болуым мүмкін деп ойласаңыз немесе балалы болуды жоспарласаңыз, бұл дәріні қабылдамас бұрын өз дәрігеріңізбен немесе фармацевтпен кеңесіңіз. Егер сіз жүктіліктің соңғы 3 айында болсаңыз, ДИКЛОСЕЙФ® Форте Эмульсиялық гельді қолданбаңыз. Жүктіліктің алғашқы 6 айында ДИКЛОСЕЙФ® Форте Эмульсиялық гелі препаратын сізге нақты қажеттілік пен дәрігердің ұсыныстарынсыз қолдануға болмайды. Егер сізді осы кезеңде емдеу қажет болса, ең төменгі дозаны мүмкіндігінше қысқа уақыт ішінде қолдану керек. Диклофенактың пероральді түрлері (мысалы, таблеткалары) сіздің іштегі балаңызда жағымсыз әсерлер тудыруы мүмкін. Диклофенакты теріге/ауызға қолданған кезде де осындай қауіп бар-жоғы белгісіз. Лактация кезінде диклофенакты қолданбаған жөн, өйткені оның ең аз мөлшері емшек сүтіне бөлінеді. Гельді емдеуші дәрігердің нұсқауы бойынша ғана қолдану керек, бұл жағдайда гельді сүт безіне, сондай-ақ дененің үлкен аймақтарына жағуға және ұзақ уақыт қолдануға болмайды.

Препаратты жергілікті қолданғанда диклофенактың жүйелі сіңірілуі өте төмен болғандықтан, өзара әрекеттесудің пайда болу ықтималдығы өте аз.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары 25 оС-ден аспайтын температурада сақтау керек. Балалардың қолы жетпейтін жерде сақтау керек! Мұздатып қатыруға болмайды!