ДИКЛОСЕЙФ® Эмульсиялық гель гель 1%

1 г гельдің құрамында белсенді зат - 11,6 мг диклофенак диэтиламині (10 мг натрий диклофенагына баламалы), қосымша заттар: пропиленгликоль, изопропил спирті, карбомер (карбопол 980), диэтиламин, кокоил каприлокапрат (Колликрим 3C), олеил спирті (Колликрим ОА), полиоксил-20-цетостеарил эфирі (Коллифор CS20), жеңіл сұйық парафин, бутилгидрокситолуол, тазартылған су. Сыртқы түрінің, иісінің, дәмінің сипаттамасы Ақтан ақшыл түске дейінгі жұмсақ, біртекті гель.

Ауыру, қабыну және ісінуді жергілікті емдеу: - тері жабындарының бүтіндігі бұзылуынсыз сіңірлердің, байламдардың, бұлшықеттер мен буындардың жарақаттық (соның ішінде спортпен айналысқандағы) зақымдануларында (соғылу, созылу, шығып кету), арқаның ауыруында - ревматизмнің жергілікті түрлерінде: тендинитте, қолдың альгодистрофиялық синдромында, бурситтерде, периартриттерде - шеткері буындардың (мысалы, тізе немесе саусақтардың) остеоартриттерінде.

Фармакодинамикалық әсері ДИКЛОСЕЙФ Эмульсиялық гель қабынуға қарсы, ауыруды басатын әсер көрсетеді. Әсер ету механизмі циклооксигеназа ферментінің белсенділігін бәсеңдетуге негізделген, соның нәтижесінде арахидондық каскад реакциялары бөгеледі және қабыну, ауыру және қызба патогенезінде басты рөл атқаратын ПГE2, ПГF2б простагландиндердің, тромбоксан A2, простациклиннің, лейкотриендердің синтезі және лизосомалық ферменттердің лықсып шығуы бұзылады. Эмульсия түріндегі препарат тері арқылы өтіп, тиімді концентрацияға жетеді. Сулы-спиртті негізіне байланысты гель тыныштандыратын және салқындататын әсер де береді. Клиникалық тиімділігі және қауіпсіздігі Деректер жоқ.

Дозалау режимі Ересектерге: ауырсыну аймағының мөлшеріне байланысты 2-4 г гель жағылады және күніне 3-4 рет теріге сылап-жағылады. Препаратты жаққаннан кейін (саусақты емдеуді қоспағанда) қолды жуу керек. Емнің ұзақтығы аурудың ауырлығына және зақымдану сипатына байланысты. Дәрігердің кеңесінсіз гельді жұмсақ тіндердің зақымдануы кезінде 2 аптадан артық немесе артритке байланысты ауырсыну кезінде 3 аптадан артық қолдануға болмайды. 12 жастан асқан балаларда қолдану қажет болған жағдайда және 7 күннен артық қолдану қажет болса, дәрігермен кеңесу қажет. Гель ультрадыбысты өткізеді, сондықтан ультрадыбыстық еммен бірге қолдануға болады. Пациенттердің ерекше топтары 12 жасқа дейінгі балалар ДИКЛОСЕЙФ® Эмульсиялық гельдің 12 жасқа дейінгі балалардағы қауіпсіздігі мен тиімділігі қазіргі уақытта анықталмаған. 65 жастан асқан пациенттер Ересектер үшін әдеттегі тәуліктік дозаны қолдануға болады. Енгізу әдісі және жолы Сыртқа қолдануға арналған.

- диклофенакқа немесе қосымша заттарының кез келгеніне аса жоғары сезімталдық - созылмалы демікпесі бар/жоқ, олар үшін демікпе ұстамалары, аллергиялық бөртпе немесе жедел ринит ацетилсалицил қышқылынан (аспирин) немесе басқа қабынуға қарсы стероидты емес препараттардан (ҚҚСП) туындауы мүмкін пациенттер - жүктіліктің үшінші триместрі - 12 жасқа дейінгі балалар мен жасөспірімдер.

Жиі - дерматит (жанаспалы дерматитті қоса), бөртпе, эритема, экзема, терінің қышынуы Сирек - буллезді дерматит Өте сирек - пустулезді бөртпе - аса жоғары сезімталдық (есекжемді қоса), ангионевроздық ісіну - демікпе - фотосенсибилизация реакциялары Белгісіз - қабыршақтану, тері түсінің өзгеруі Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жергілікті қолдануға арналған диклофенактың жүйелік қол жетімділігінің төмендігіне байланысты артық дозалану ықтималдығы өте аз. ДИКЛОСЕЙФ® Эмульсиялық гель препаратын кездейсоқ жұтып қою нәтижесінде диклофенак таблеткаларының артық дозалануынан туындайтынға ұқсас жағымсыз әсерлер пайда болуы мүмкін. Егер (мысалы, балаларда) дұрыс пайдаланбау немесе кездейсоқ артық дозалану нәтижесінде елеулі жүйелі жағымсыз әсерлер пайда болса, онда улануды емдеу үшін әдеттегі іс-шаралар жүргізіледі.

Егер сыртқа қолдануға арналған диклофенак ұсынылғаннан жоғарырақ дозада немесе ұзағырақ уақыт пайдаланылса, жүйелік жағымсыз реакциялардың (диклофенактың жүйелік түрлерін пайдалануға байланысты) туындау мүмкіндігін ескеру керек. Жүйелік ҚҚСП бір мезгілде қолданған кезде сақ болу керек, өйткені жағымсыз әсерлердің, әсіресе жүйелік жағымсыз әсерлердің жиілігі артуының мүмкіндігін жоққа шығаруға болмайды. ДИКЛОСЕЙФ® Эмульсиялық гельді терінің тек қана сау, зақымданбаған аймақтарына жағу керек, ешқашанда соғылған немесе ашық жараларға емес. Көзге немесе шырышты қабықтарға жанасуына жол берілмейді және ішке қабылдауға болмайды. Егер препаратты жаққаннан кейін тері бөртпесі күшейіп кетсе, емдеуді тоқтату керек. ДИКЛОСЕЙФ® Эмульсиялық гель окклюзиялық емес таңғыштармен қолданылады, окклюзиялық таңғыштарды қолдануға болмайды. Егер осы препарат терінің үлкен аймақтарында және ұзақ уақыт бойы пайдаланылса, ДИКЛОСЕЙФ® Эмульсиялық гельді пайдаланудан жағымсыз әсерлердің туындау мүмкіндігін толық жоққа шығаруға болмайды. Арнайы сақтандырулар ДИКЛОСЕЙФ® Эмульсиялық гельдің құрамында пропиленгликоль бар, ол кейбір пациенттерде терінің әлсіз жергілікті тітіркенуін тудыруы мүмкін, бутилгидрокситолуол жанаспалы дерматит немесе көз бен шырышты қабықтың тітіркенуі сияқты жергілікті тері реакцияларын тудыруы мүмкін.

Егер сіз жүкті болсаңыз немесе бала емізіп жүрсеңіз, жүкті болуым мүмкін деп ойласаңыз немесе балалы болуды жоспарласаңыз, бұл дәріні қабылдамас бұрын өз дәрігеріңізбен немесе фармацевтпен кеңесіңіз. Егер сіз жүктіліктің соңғы 3 айында болсаңыз, ДИКЛОСЕЙФ® Эмульсиялық гельді қолданбаңыз. Жүктіліктің алғашқы 6 айында ДИКЛОСЕЙФ® Эмульсиялық гелі препаратын нақты қажеттілік пен дәрігеріңіздің ұсыныстарынсыз қолдануға болмайды. Егер сізді осы кезеңде емдеу қажет болса, ең төменгі дозаны мүмкіндігінше қысқа уақыт ішінде қолдану керек. Диклофенактың пероральді түрлері (мысалы, таблеткалар) сіздің іштегі балаңызда жағымсыз әсерлер тудыруы мүмкін. Диклофенакты теріге/ауызға қолданған кезде де осындай қауіп бар-жоғы белгісіз. Лактация кезінде диклофенакты қолданбаған жөн, өйткені оның ең аз мөлшері емшек сүтіне бөлінеді. Гельді емдеуші дәрігердің нұсқауы бойынша ғана қолдану керек, бұл жағдайда гельді сүт безіне, сондай-ақ дененің үлкен бөліктеріне жағуға және ұзақ уақыт қолдануға болмайды. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Көлік құралын немесе басқа да қауіптілігі зор механизмдерді басқару қабілетіне әсер етпейді.

Препаратты жергілікті қолдану кезінде диклофенактың жүйелі сіңірілуі өте төмен болғандықтан, өзара әрекеттесуінің туындау ықтималдығы аз.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары 25ºС-ден аспайтын температурада сақтау керек. Балалардың қолы жетпейтін жерде сақтау керек! Мұздатып қатыруға болмайды!