Натрий диклофенагы мазь 10 мг/г

Бір сықпаның (30 г жақпамай) құрамында: белсенді зат – натрий диклофенагы 0,3 г; қосымша заттар: диметилсульфоксид, пропиленгликоль, макрогол (1500 типі), макрогол (400 типі). Сыртқы түрінің, иісінің, дәмінің сипаттамасы Өзіне тән әлсіз иісі бар, ақ немесе ақ дерлік түсті жақпамай.

Ересектердегі, жасөспірімдердегі және 14 жастан асқан балалардағы ауырсынуды, қабынуды және ісінуді жергілікті емдеу: - сіңірлердің, байламдардың, бұлшықеттер мен буындардың жарақаттық (оның ішінде спорттық) зақымдануы (соғылу, созылу, шығып кетулер), арқаның ауыруы; - ревматизмнің оқшауланған түрлері: тендинит («теннистік шынтақ» деп аталатын), қолдың альгодистрофиялық синдромы («иық-қол» синдромы), бурситтер, периартриттер; - шеткері буындардың остеоартрозы (мысалы, тізе немесе саусақтар).

Қабынуға қарсы стероидты емес дәрілер, фенилсірке қышқылының туындылары, қабынуға қарсы және ауыруды басатын әсер көрсетеді. Циклооксигеназа 1 және циклооксигеназа 2 іріктеп бәсеңдетіп, арахидон қышқылының метаболизмін бұзады, оның ішінде қабыну ошағында простагландиндер мөлшерін азайтады.

Дозалау режимі 2-4 г жақпамайдан (ол көлемі бойынша шие немесе грек жаңғағы өлшеміне сәйкес және 400-800 см2 дене беткейін өңдеуге жеткілікті) жұқа қабатпен қабыну ошағының бетіне аздап ысқылай отырып жағады. Енгізу әдісі мен жолы Тек сыртқа қолдану керек. Қабылдау уақыты көрсетілген қолдану жиілігі Натрий диклофенагы препаратын тәулігіне 2-3 рет жағу керек. Егер ол емдеу аумағы болмаса (саусақтардың артрозы кезінде) препаратты жаққаннан кейін қолды жуу керек. Ең жоғарғы тәуліктік доза – 8 г. Емдеу ұзақтығы Емдеу ұзақтығы көрсетілімдеріне және байқалған әсеріне (әсерін күшейту үшін жақпамайды диклофенактың басқа дәрілік түрлерімен бірге қолдануға болады) байланысты. Дәрілік препаратпен емдеу тиімсіз болған кезде (оны 2 апта пайдаланғаннан кейін), сондай-ақ жағымсыз реакциялар байқалған немесе үдеген кезде дәрігермен кеңесу қажет. 14 жас және одан асқан балаларда ауыруды жеңілдету үшін бұл препаратты 7 күннен артық қолдану қажет болса немесе пациентте симптомдар нашарласа, жасөспірімдер ата-аналарына дәрігермен кеңесу ұсынылады.

- әсер етуші затқа, ацетилсалицил қышқылына, басқа қабынуға қарсы стероидты емес препараттарға немесе қосымша заттардың кез келгеніне аса жоғары сезімталдық; – «аспирин» демікпесі; – жүктілік (III триместр) және лактация кезеңі; – 14 жасқа дейінгі балалар; – тері жабындары бүтіндігінің бұзылуы.

Жиі - бөртпе, экзема, эритема, дерматит (оның ішінде жанаспалы), қышыну. Сирек - буллезді дерматит. Өте сирек - іріңді бөртпе; - Квинке ісінуі; - аса жоғары сезімталдық реакциялары (есекжемді қоса); - демікпе; - фотосезімталдық реакциялары. Ішке қабылдауға арналған диклофенак препараттарымен салыстырғанда жүйелі жағымсыз реакциялардың туындау ықтималдығы өте төмен. Егер Натрий диклофенагы препаратын дененің үлкен бөлігіне және ұзақ уақыт бойы қолданылса, онда жүйелік жағымсыз реакциялардың көрінісін жоққа шығаруға болмайды. Мұндай жағдайларда диклофенактың пероральді түрі туралы ақпаратты ескеру қажет. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жақпамайды сыртқа қолданған кезде жүйелік сіңуінің төмендігіне байланысты артық дозалану ықтималдығы аз. Натрий диклофенагы препаратын (30 г бір сықпа құрамында 0,3 г натрий диклофенагы бар) кездейсоқ жұтып қою нәтижесінде диклофенак таблеткаларының артық дозалануынан туындайтын жағымсыз реакциялар туындауы мүмкін. Егер (мысалы, балаларда) дұрыс пайдаланбау немесе кездейсоқ артық дозалану нәтижесінде елеулі жүйелік жағымсыз реакциялар пайда болса, онда улануды емдеу үшін әдеттегі шаралар қолданылады.

Тек сыртқа қолдану керек. Бауыр порфириясы болғанда, асқазан-ішек жолдарының эрозиялы-ойық жаралы зақымдануында, бауыр мен бүйректің ауыр бұзылуында, созылмалы жүрек жеткіліксіздігінде, бронх демікпесінде, егде жаста, жүктіліктің I және II триместрінде сақтықпен қолданылады. Дәрілік препарат кеуде тұсына жағылмауы тиіс, онымен кең аумақты беткейлерді өңдеуге және ұзақ уақыт пайдалануға болмайды. Терінің тек зақымданбаған бөлігіне жағуға болады. Жаққаннан кейін окклюзиялық таңғышты қолдануға болмайды. Ұзақ уақыт қолданғанда және/немесе терінің кең аумақты беткейіне жаққанда жүйелі жағымсыз реакциялар қаупі артады, оның ішінде бауыр ферменттерінің белсенділігінің жоғарылауы байқалады. Бауыр тарапынан жағымсыз реакциялардың даму қаупін азайту үшін Натрий диклофенагы перепаратын ең төмен тиімді дозада, ең қысқа уақыт пайдалану керек. Пероральді ҚҚСП бір мезгілде қолданған кезде жағымсыз реакциялардың, әсіресе жүйелі жағымсыз реакциялардың даму қаупі артады. Жақпамайдың көзге, шырышты қабыққа немесе ашық жараларға түсуіне жол бермеу керек. Жақпамайдың құрамындағы пропиленгликоль мен диметилсульфоксид терінің тітіркенуін тудыруы мүмкін. Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Егер Сіз жүкті болсаңыз немесе бала емізіп жүрсеңіз, жүктімін деп ойласаңыз немесе жүктілікті жоспарласаңыз, препаратты қолданар алдында дәрігермен немесе дәріхана қызметкерімен кеңесіңіз. Жүктілік Жүктіліктің соңғы үш айында Натрий диклофенагы препаратын қолданбаңыз. Сізге жүктіліктің алғашқы 6 айында Натрий диклофенагы препаратын, бұл сіздің дәрігеріңіздің тағайындауы бойынша және өте қажет болған жағдайларды қоспағанда қолдануға болмайды. Егер сізге осы кезең аралығында ем қажет болса, ең аз дозаны ең аз қысқа уақыт кезеңінде қолдану қажет. Пероральді қабылдауға арналған Диклофенак (мысалы, таблетка) шаранада/эмбрионда жағымсыз реакциялардың дамуына әкелуі мүмкін. Бұл қауіп Натрий диклофенагы препаратын сыртқа қолданған кезде таралатын-таралмайтыны белгісіз. Бала емізу кезеңінде қолдану Жергілікті қолдану кезінде препараттың емшек сүтіне енуі туралы деректер болмағандықтан, дәрілік препарат әйелдермен лактация кезеңінде қолданылмауы тиіс.

Фотосезімталдықты тудыратын дәрілік препараттардың әсерін күшейтуі мүмкін. Анықталған белгілі гепатоуыттылыққа иеленген басқа дәрілік препараттармен, мысалы, антибиотиктермен, эпилепсияға қарсы дәрілік препараттармен сақтықпен пайдалану керек. Басқа дәрілік препараттармен елеусіз жүйелі сіңуіне байланысты клиникалық маңызды өзара әрекеттесу ықтималдығы аз.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!