Диклофенак-Тева пластырь 140 мг

1 бұласырдың құрамында белсенді зат – натрий диклофенагы 140 мг, қосымша заттар: макрогол лаурил күрделі эфирі, диизопропиладипат, концентрацияланған глицерин, пропиленгликоль, кристалды сұйық сорбитол, натрий полиакрилаты, натрий кармеллозасы, бутилденген метакрилаттың негізгі кополимері, сусыз коллоидты кремний, ашық түсті табиғи каолин, сусыз натрий сульфиті, ЭДТА динатрий тұзы, дибутилгидрокситолуол, алюминийдің құрғақ калий сульфаты, шарап қышқылы, l-ментол, тазартылған су, төсеме заттар: полиэстерден жасалған тоқылмаған қатты мата (EL-8100S), полипропиленді қорғаныш үлбір. Сыртқы түрінің, иісінің, дәмінің сипаттамасы Өрілмеген матаға біркелкі қабатпен жағылған және алынып-салынатын қорғаныш үлбірмен жабылған ақ немесе ашық-қоңыр пастасы бар бұласыр

- аяқ-қол аймағындағы созылу, шығу және жабық жарақаттар (спорттық жарақат) салдарынан болған соғылу кезіндегі ауыру.

Нұсқаулықта көрсетілмеген.

Дозалау режимі Ересектерде күніне 2 рет, таңертең және кешке. Емдеу ұзақтығы Бұласырды мүмкіндігінше қысқа мерзімде пайдалану керек. Емдеу ұзақтығы 7 күннен аспауы керек. Пациенттердің ерекше топтары Егде адамдар: дозаны түзету қажет емес. Балалар: 18 жастан кіші балаларды емдеу үшін ұсынылмайды, өйткені осы жас тобы үшін жеткілікті тәжірибе жоқ. Енгізу жолы және тәсілі Теріге қолдану үшін. Тек сыртқа қолдану үшін! Ішке қабылдауға болмайды! Диклофенак-Тева бұласырын тек бүлінбеген және сау теріге қолдану керек. Жуыну немесе душ қабылдау кезінде қолданбаңыз. Бұласырлы пакетті таңбалау бойымен кесіңіз. Бұласырды суырып алыңыз және бекіту жүйесін басу арқылы пакетті мұқият жабыңыз. Қорғаныш үлбірді бұласырдың жабысқақ беткейінен алып тастаңыз. Бұласырды ауырып тұрған жерге жабыстырыңыз. Қажет болса, оны созылғыш торлы таңғышпен бекітуге болады. Бұласырды окклюзиялық таңғышпен қолдануға рұқсат етілмейді. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік затты қолдану бойынша сұрақтар туындаған жағдайда дәрігермен кеңесу қажет.

• диклофенакқа немесе дәрілік препарат компоненттерінің біріне (пропиленгликольге немесе бутилгидрокситолуолға) аса жоғары сезімталдық • емдеуге ацетилсалицил қышқылы немесе басқа да қабынуға қарсы стероидты емес дәрілер (ҚҚСД) қолданылған демікпе ұстамаларын, ангионевроздық ісінуді, есекжемді немесе жедел ринитті өткерген пациенттер • белсенді сатыдағы ойық жара ауруы • зақымдану түріне қарамастан зақымдалған тері: экссудативті дерматит, экзема, жұқтырған зақымдану, күйіктер немесе жаралар • жүктіліктің үшінші триместрі • 18 жасқа дейінгі балалар және жасөспірімдер

Жиі - қолдану орнындағы реакциялар - бөртпе - экзема - эритема - дерматит (оның ішінде аллергиялық және жанаспалы дерматит) - тері қышынуы Сирек - буллезді дерматит (мысалы, буллезді эритема), жағу орнында ашып-куйдіру сезімі, құрғақ тері Өте сирек - бронх демікпесі - аса жоғары сезімталдық реакциялары (бөртпені қоса), ангионевроздық ісіну, анафилаксиялық типті реакциялар - фотосезімталдық - пустулярлы бөртпе Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану туралы хабарланды, бірақ ішке қабылданатын ҚҚСП-н артық дозаланғаннан кейін пайда болуы мүмкін жүйелі жағымсыз реакциялар (мысалы, құсу, диарея, бас айналу, құлақтың шуылдауы, асқазан-ішектен қан кету, құрысулар) хабарланбаған. Егер сіз жергілікті қолдануға арналған диклофенакты кездейсоқ қабылдасаңыз, диклофенак таблеткаларының артық дозалануындағы сияқты жағымсыз әсерлерді күтуге болады (10 бұласурлардан тұратын 1 қаптамада 1400 мг диклофенак натрийі бар). Егер дұрыс қолданбау немесе кездейсоқ артық дозалану нәтижесінде жүйелік жағымсыз әсерлер пайда болса (мысалы, балаларда), әдеттегі ҚҚСП-мен улануды емдеуге арналған жалпы емдік шараларды қолдану керек. Симптомдары: препаратты жергілікті қолданғанда артық дозалану екіталай. Кездейсоқ ішке қабылдағанда гипотензия, бүйрек жеткіліксіздігі, құрысулар, асқазан-ішек жолдарының тітіркенуі және тыныс алудың бәсеңдеуі сияқты асқынулар байқалуы мүмкін. Емі: асқазанды шаю, белсендірілген көмір қабылдау, симптоматикалық ем.

Диклофенак-Тева бұласырын зақымданған (сызаттар, кесілген жаралар, күйіктер, экзема) немесе инфекция жұқтырған теріге, сондай-ақ окклюзиялық таңғышпен қолдануға рұқсат етілмейді. Көзге және шырышты қабаттарға тигізбеу керек. Жанама әсерлердің қаупін азайту үшін емдеуде диклофенак натрийдің ең аз тиімді дозасын мүмкіндігінше қысқа мерзімде қолдану қажет. Демікпесі, созылмалы обструктивті өкпе ауруы, аллергиялық риниті немесе басқа пациенттерге қарағанда жиі, мұрын шырышты қабығының қабынуы (мұрын полиптері) бар емделушілер ҚҚСП-ға демікпе ұстамалары, терінің немесе шырышты қабықтың жергілікті қабынуы (Квинке ісінуі) немесе есекжем сияқты жауап береді. Қолдану әдісіне байланысты жүйелі әсер ету қаупі төмен, дегенмен бұласырды әлі де бүйрек, жүрек немесе бауыр қызметі бұзылған, анамнезінде ойық жарасы немесе ішектің қабыну аурулары немесе геморрагиялық диатезі бар пациенттерде сақтықпен қолдану керек. Препаратты құрамында диклофенак бар басқа дәрілік заттармен бірге қолдану ауыр тері реакцияларына әкелуі мүмкін (Стивенс-Джонсон синдромы, Лайелл синдромы). Фотосезімталдық қаупін азайту үшін бұласыр алынғаннан кейін бір сағат ішінде өңделетін аймаққа тікелей күн сәулесінің немесе солярийдің әсерін болдырмау керек. Бұласыр құрамында полипропилен және бутилгидрокситолуол бар. Полипропилен терінің тітіркенуін тудыруы мүмкін. Бутилгидрокситолуол жергілікті тері реакцияларын (мысалы, жанаспалы дерматит), көздің және шырышты қабықтың тітіркенуін тудыруы мүмкін. Бұл ретте құрамында диклофенак бар басқа препараттарды немесе ҚҚСП-ды жергілікті де, жүйелі түрде де қолдануға болмайды. Арнайы ескертулер Егде жастағы пациенттер ҚҚСП-ды егде жастағы пациенттерде өте сақтықпен қолдану керек, өйткені олар жанама әсерлердің пайда болуына бейім. Педиатрияда қолдану 18 жастан кіші балаларды емдеу үшін ұсынылмайды, өйткені осы жас тобы үшін жеткілікті тәжірибе жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Диклофенак-Тева бұласыры көлік құралдарын және қауіптілігі зор механизмдерді басқару қабілетіне әсер етпейді.

Жүктілік Диклофенак-Теваны пайдасы мен қаупін мұқият салыстырғаннан кейін жүктіліктің бірінші және екінші триместрінде ғана пайдалануға болады. Лактация кезеңі Басқа ҚҚСП сияқты, диклофенак емшек сүтіне аз мөлшерде өтеді. Дегенмен, диклофенак бар бұласырдың емдік дозаларында балаға әсері жоқ. Бала емізетін әйелдерде бақыланатын зерттеулердің болмауына байланысты препаратты сақтық шарасы ретінде емшек емізу кезінде қолдануға болмайды.

ҚҚСП-тар қан қысымын төмендететін дәрілермен өзара әрекеттесуі және антикоагулянттардың әсерін күшейтуі мүмкін, дегенмен бұл жергілікті препараттарды қолданғанда орын алуы екіталай. Аспиринмен немесе басқа ҚҚСП-мен бір мезгілде емдеу жағымсыз реакциялар жиілігінің жоғарылауына әкелуі мүмкін. Диклофенак-Тева трансдермальды бұласырын дұрыс қолданғанда диклофенактың жүйелі абсорциясы пероральді қабылдаумен салыстырғанда өте төмен, сондықтан басқа препараттармен өзара әрекеттесу ықтималдығы аз.

Сақтау мерзімі Ашылмаған қаптамада 2 жыл. Қаптаманы ашқаннан кейін 4 ай. Жарамдылық мерзімі өткеннен кейін қолдануға болмайды! Сақтау шарттары 25˚С-ден аспайтын температурада сақтау керек. Балалардың қолы жетпейтін жерде сақтау керек!