Диклофенак-Тева гель 1%

100 г гельдің құрамында белсенді зат - 1,0 г натрий диклофенагы, қосымша заттар: диизопропил адипаты, гидроксипропилцеллюлоза, 90% сүт қышқылы, натрий дисульфиті, изопропил спирті, инъекцияға арналған су Сыртқы түрінің, иісінің, дәмінің сипаттамасы Изопропанолға тән иісі бар мөлдір түссіз гель

Ересектерде, жасөспірімдерде және 12 жастан асқан балаларда ауыруды, қабынуды және ісінуді жергілікті емдеу: - сіңірлердің, байламдардың, бұлшықеттер мен буындардың жарақаттық (оның ішінде спорттық) зақымдануларында (соғылулар, созылулар, шығып кетулер), арқаның ауыруында - ревматизмнің оқшауланған түрлерінде: тендинит («теннистік шынтақ» деп аталатын), қолдың альгодистрофиялық синдромы («иық-қол» синдромы), бурситтер, периартрит - шеткері буындардың остеоартроздарын симптоматикалық емдеуге арналған (мысалы, тізе немесе қол саусақтары)

Нұсқаулықта көрсетілмеген.

Дозалау режимі Сыртқа. Ересектерге, жасөспірімдерге және 12 жастан асқан балаларға дененің ауырған аймақтарына теріге жеңіл ысқылай отырып күніне 3-4 рет. Өңделетін аймақтың көлеміне байланысты 2-4 грамм препаратты жағу керек (гельдің шие немесе жаңғақтай мөлшері терінің 400-800 см2 аймағына жағу үшін жеткілікті), оны жеңіл қозғалыстармен күніне 3-4 рет ысқылап жағыңыз. Препаратты қолданғаннан кейін алдымен қолыңызды құрғақ қағаз сүлгімен сүртіп, содан кейін жуу ұсынылады (саусақтарды емдеуді қоспағанда). Пайдаланылған қағаз сүлгіні тұрмыстық қоқыспен бірге утилизациялау керек. Душ немесе ванна қабылдағанға дейін пациент теріге қолданылатын препараттың кебуін күтуі керек. Егер препаратты қолдану басталғаннан кейін 7 күн ішінде жағдайдың жақсаруы байқалмаса немесе жағдайы нашарласа, ауырсынудың басқа ықтимал себебін болдырмау үшін дәрігермен кеңесу керек. 12 жасқа дейінгі балалар Диклофенак-Тева, 1 % сыртқа қолдануға арналған гельдің қауіпсіздігі мен тиімділігі 12 жасқа дейінгі балаларда қазіргі уақытта анықталмаған. Егде жастағы пациенттер Дозаны түзету талап етілмейді. Бауыр немесе бүйрек жеткіліксіздігі бар пациенттер Жүйелік қолжетімділіктің төмендігіне байланысты дозаны түзету талап етілмейді. Емдеу ұзақтығы Емдеу ұзақтығы емнің көрсетілімдері мен тиімділігіне байланысты. 2 апта қолданғаннан кейін симптомдардың жақсаруы болмаған жағдайда емдеу сызбасын қайта қарау ұсынылады. Препаратты 14 күннен артық қолдануға болмайды.

- диклофенакқа, ацетилсалицил қышқылына және басқа қабынуға қарсы стероидты емес дәрілерге, изопропил спиртіне немесе дәрілік препараттың басқа қосымша заттарына аса жоғары сезімталдық - ацетилсалицил қышқылына (аспирин) немесе қабынуға қарсы стероидты емес дәрілерге туындаған анамнездегі демікпе, есекжем немесе жедел ринит ұстамасы - жүктіліктің үшінші триместрі - 12 жасқа дейінгі балалар мен жасөспірімдер

Жиі - бөртпе, экзема, эритема, дерматит (оның ішінде жанаспалы), қышыну Сирек - буллезді дерматит Өте сирек - іріңді бөртпе - Квинке ісінуі - аса жоғары сезімталдық реакциялары (есекжемді қоса алғанда) - демікпе - фотосенсибилизация реакциялары Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жергілікті қолдануға арналған диклофенактың жүйелік қолжетімділігінің төмендігіне байланысты артық дозалану ықтималдығы өте аз. Диклофенак-Тева кездейсоқ жұтып қоюдың нәтижесінде (100 г 1 сықпаның құрамында 1 г диклофенак бар) диклофенак таблеткаларының артық дозалануынан пайда болатынға ұқсас жағымсыз әсерлер пайда болуы мүмкін. Егер дұрыс пайдаланбау (мысалы, балаларда) немесе кездейсоқ артық дозалану нәтижесінде елеулі жүйелік жағымсыз әсерлер пайда болса, онда улануды емдеуге арналған әдеттегі іс-шаралар жүргізіледі.

Гельді терінің үлкен беткейіне ұзақ қолданған кезде жүйелі жағымсыз әсерлердің болу мүмкіндігін жоққа шығаруға болмайды. Пероральді қабылданатын ҚҚСП және құрамында диклофенак бар басқа препараттарды бір мезгілде пайдаланудан аулақ болу керек, өйткені жағымсыз әсерлердің жиілігі, әсіресе жүйелі жағымсыз әсерлер артуы мүмкін. Гельді тері жарақатына немесе ашық жараға емес, зақымданбаған теріге ғана жағу керек. Көзге немесе шырышты қабыққа тигізуге және ішке қабылдауға болмайды. Тері бөртпесі пайда болған кезде гельді пайдалануды тоқтату керек. Гель окклюзиялық емес таңғыштармен пайдаланылуы мүмкін, бірақ ауа өткізбейтін окклюзиялық таңғышпен пайдаланылмауы тиіс. Кейбір жағдайларда анамнезінде асқазан-ішектен қан кету болған пациенттерде асқазан-ішектен қан кету мүмкін екендігі хабарланған. Арнайы ескертулер Педиатрияда қолдану Қажет болса, 12 жастан асқан балаларда қолдану керек, егер 7 күннен артық қолдану қажет болса, дәрігермен кеңесу керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді

Егер сіз жүкті болсаңыз немесе бала емізетін болсаңыз, жүкті болуыңыз мүмкін деп ойласаңыз немесе бала тууды жоспарлаcаңыз, осы дәріні қабылдамас бұрын дәрігермен немесе фармацевтпен кеңесіңіз. Жүктілік Егер сіз жүктіліктің соңғы 3 айында болсаңыз, Диклофенак-Теваны қолданбаңыз. Диклофенак-Теваны жүктіліктің алғашқы 6 айында, егер анық қажет болмаса және дәрігер ұсынбаса, қолдануға болмайды. Осы кезеңде емдеу қажет болса, ең төмен дозаны мүмкіндігінше қысқа уақыт ішінде қолдану керек. Диклофенак-Теваның пероральды түрлері (мысалы, таблеткалар) туылмаған нәрестеде жағымсыз әсерлерді тудыруы мүмкін. Диклофенак-Теваны <теріге>/<ауызға> қолданғанда бірдей қауіптің бар-жоғы белгісіз.

Жергілікті қолдануға арналған диклофенактың жүйелі сіңуі төмен, және сол себепті өзара әрекеттесу қаупінің мүмкіндігі аз.

Сақтау мерзімі 4 жыл Сықпаны ашқаннан кейін сақтау мерзімі - 12 ай. Жарамдылық мерзімі өткеннен кейін қолдануға болмайды. Сақтау шарттары 25ºС -ден аспайтын температурада сақтау керек. Балалардың қолы жетпейтін жерде сақтау керек!