Диклофенак раствор 25 мг/мл

Бір ампуланың ішінде: белсенді зат – натрий диклофенагы - 75 мг; қосымша заттар: пропиленгликоль, маннит (маннитол) Е421, бензил спирті, натрий метабисульфиті Е223, натрий гидроксиді ерітіндісі 1 М, инъекцияға арналған су. Сыртқы түрінің, иісінің, дәмінің сипаттамасы Бензил спиртінің әлсіз иісі бар сәл боялған мөлдір сұйықтық.

Диклофенак «қабынуға қарсы стероидты емес препараттар (ҚҚСП)» тобына жататын ауыруды басатын препарат болып табылады. Мыналарды емдеу үшін қолданылады: - ревматизмнің қабынған немесе дегенеративті түрлерінің өршуі: ревматоидты артрит, Бехтерев ауруы, остеоартроз, спондилоартроз, ауыртатын вертебралды синдромдар, буыннан тыс ревматизм; - подаграның жедел ұстамалары; - бүйрек және бауыр шаншулары; - жарақат пен операциядан кейінгі қабыну, ауырсыну және ісіну; - бас сақинасының ауыр ұстамалары.

Диклофенак – ревматизмге қарсы, қабынуға қарсы, ауыруды басатын және қызу түсіретін айқын қасиеттері бар стероидты емес қосылыс. Әсер ету механизмі Тәжірибелерде көріністелген простагландиндер биосинтезінің бәсеңдеуі Диклофенактың негізгі әсер ету механизмі болып саналады. Простагландиндер қабыну, ауыру және қызбаны туындатуда маңызды рөл атқарады. Іn vitro диклофенак пациенттерді емдегенде қол жеткізілгеніне баламалы концентрацияларда шеміршек тіні протеогликандарының биосинтезін бәсеңдетпейді. Клиникалық тиімділігі және қауіпсіздігі Ревматизмдік аурулар кезінде Диклофенактың қабынуға қарсы және ауыруды басатын қасиеттері ауру белгілері мен симптомдарының едәуір төмендеуімен сипатталатын клиникалық жауаппен жүзеге асады: тыныштық күйіндегі және қозғалыс кезіндегі ауыру, буындардың таңертеңгі сіресуі мен ісінуі, сондай-ақ буындар функциясының елеулі жақсаруы. Диклофенак шығу тегі ревматизмдік емес орташа және ауыр ауырсынулар кезінде айқын ауыруды басатын әсерін көрсетеді, ауыруды басатын әсері қолданудан кейін 15-30 минут өткен соң көрініс бере бастайды. Препарат бас сақинасы ұстамалары кезіндегі айтарлықтай ықпалын да көріністеді. Жарақаттанудан кейінгі және операциядан кейінгі жай-күйлер кезінде қабыну болғанда Диклофенак өздігінен ауыру мен қозғалыс кезіндегі ауырсынуды тез жеңілдетеді және қабыну мен жаралардан болатын ісінуді азайтады. Егер препарат операциядан кейінгі ауыруды басу үшін апиындық ауыруды басатын дәрілермен бір мезгілде қолданылса, Диклофенак оларды қажетсінуді елеулі азайтады. Диклофенак қабындыратын және дегенеративтік ревматизмдік ауруларды, шығу тегі ревматизмдік емес қабыну салдарынан ауыру синдромын емдеуді бастау үшін ерекше қажет.

Дозалау режимі Препаратты әрдайым емдеуші дәрігердің ұсынымдарына толық сәйкес қолданыңыз. Сіздің дәрігеріңіз препараттың қажетті дозасын, енгізу жиілігін және емдеу ұзақтығын анықтайды. Егер қандай да бір күмән туындаса, емдеуші дәрігермен кеңесіңіз. Симптомдарды жою үшін препаратты ең төмен тиімді дозада және мүмкін болатын ең қысқа емдеу кезеңінде қолдану керек. Дозалану режимі Ұсынылатын доза тәулігіне 75 мг (3 мл) құрайды. Ауыр жағдайларда (мысалы, шаншуларда) тәуліктік дозаны бірнеше сағат аралықты сақтай отырып, 75 мг-ден екі инъекцияға дейін арттыруға болады (әрбір бөксеге бір инъекциядан). Балама ретінде 1 ампула (75 мг) диклофенактың басқа дәрілік түрлерімен (мысалы, таблеткалармен немесе суппозиторийлермен) біріктірілуі мүмкін, жалпы тәуліктік максималды доза 150 мг аспауы тиіс. Бас сақинасының ұстамаларында клиникалық тәжірибе мынадай қолданумен шектелген: емді мүмкіндігінше ерте 75 мг бір ампула тағайындаумен бастайды, қажет болған жағдайда сол күні емді суппозиторийлермен тәулігіне 75 мг дейінгі дозада жалғастыруға болады. Бірінші күнгі жалпы доза 150 мг аспауы тиіс. Бас сақинасы кезінде диклофенакты 1 тәуліктен артық қолдану жөнінде деректер жоқ. Келесі күндері емді жалғастыру қажет болса, тәуліктік дозасы бірнеше рет қабылдауға бөлінген, 150 мг дейінгі суппозиторийлерді қолданумен шектеу керек. Жүрек, бүйрек және/немесе бауыр жеткіліксіздігі бар пациенттерде препаратты сақтықпен қолданады. Егер препараттың әсері Сізге тым әлсіз немесе тым күшті болып көрінсе, емдеуші дәрігерге жүгініңіз. Емдеу ұзақтығы Диклофенак препаратын екі күннен артық қолдануға болмайды.Егер Диклофенак препаратымен одан әрі емдеу қажет болса, оны мысалы, таблеткалар, капсулалар немесе суппозиторийлер түрінде тағайындауға болады. Енгізу тәсілі және жолы Диклофенак препаратын үлкен бөксе бұлшықетінің жоғарғы сыртқы квадрантына асептика ережелерін сақтай отырып, терең бұлшықет ішіне енгізеді.Бұлшықет ішіне инъекция жасалған жерде жүйке немесе басқа тіндердің зақымдануын (бұл бұлшықет әлсіздігіне, бұлшықет салдануына, гипестезияға және тері тамырларының медикаментоздық эмболиясына (Николау синдромы) әкелуі мүмкін) болдырмау үшін келесі ережелерді сақтау қажет. Инъекция жүргізу техникасын сақтау және кездейсоқ тері астына енгізудің алдын алу үшін (пациенттің бөксе май қабатының қалыңдығын ескере отырып) тиісті ұзындықтағы инені қолдану қажет. Әр ампула тек бір реттік қолдануға арналған. Ампуланы ашқаннан кейін ерітіндіні бірден пайдалану керек. Қалған пайдаланылмаған ерітінді жойылуы тиіс. Дәрілік препараттың бір немесе бірнеше дозасын өткізіп алу кезіндегі қажетті шаралар Егер препаратты қолдануды өткізіп алсаңыз, есіңізге түскен бойда инъекция жасауыңыз керек. Егер келесі дозаны енгізу уақыты жақындап қалса, инъекцияны әдеттегі уақытта жасаңыз. Өткізіп алған инъекцияның орнын толтыру үшін препараттың қос дозасын қолдануға болмайды.

- әсер етуші затқа немесе қосымша заттардың кез келгеніне аса жоғары сезімталдық; - ацетилсалицил қышқылын немесе басқа ҚҚСП препараттарын қабылдау бронх демікпесі ұстамасына, ангионевроздық ісінуге, есекжемге немесе жедел ринитке түрткі болады; - асқазанның немесе ішектің белсенді ойық жарасы, қан кету немесе тесілу; - ішектің қабыну аурулары (Крон ауруы, спецификалық емес ойық жаралы колит); - бауыр жеткіліксіздігі; - бүйрек жеткіліксіздігі; - анықталған іркілісті жүрек жеткіліксіздігі, жүректің ишемиялық ауруы, шеткері артериялар аурулары немесе цереброваскулярлық аурулар; - операциядан кейінгі қан кетудің, антикоагуляцияның, толық емес гемостаздың, гемопоэздің бұзылуының немесе цереброваскулярлық қан кетудің даму қаупі жоғары пациенттер; - аортокоронарлық шунттаудан кейін операциядан кейінгі ауырсыну (немесе жасанды қан айналу аппаратын пайдаланумен); - жүктіліктің III триместрі; Диклофенак препараты 18 жасқа дейінгі балаларда қолдануға болмайды.

Төменде көрсетілген ауыр жағымсыз әсерлердің кез келгенін байқасаңыз Диклофенак препаратын қолдануды тоқтатыңыз және дереу дәрігерге жүгініңіз – сізге шұғыл медициналық көмек қажет болуы мүмкін: - теріде ауыр аллергиялық реакция, оған үлкен қызыл және/немесе қара түсті дақтар, терінің ісінуі, күлдіреуіктер мен қышыну кіруі мүмкін (дәрілік препараттан туындаған жайылған буллезді бөртпе). Жиі: - бас ауыру, бас айналу; - вертиго; - жүрек айну, құсу, диарея, диспепсия, іштің ауыруы, метеоризм, тәбет төмендеуі; - трансаминазалар деңгейінің жоғарылауы; - бөрту; - сұйықтық іркілісі, ісінулер; - инъекция орнындағы реакция, ауырсыну, қатаю. Жиі емес: - *миокард инфарктісі, жүрек жеткіліксіздігі, жүректің жиі соғуы, кеуденің ауыруы. Сирек: - ұйқышылдық; - демікпе (диспноэні қоса); - аса жоғары сезімталдық, анафилаксиялық және жалған анафилаксиялық реакциялар (артериялық гипотензия мен шокты қоса); - гастрит, гастроинтестинальді қан кету, қан аралас құсу, геморрагиялық диарея, мелена, асқазан немесе ішек ойық жарасы (қан кетумен қатар жүретін немесе қатар жүрмейтін, АІЖ стенозымен немесе перитонитке әкелуі мүмкін тесілуімен); - гепатит, сарғаю, бауыр функциясының бұзылуы; - есекжем; - инъекция орнындағы ісіну, некроз. Өте сирек: - инъекция орнындағы абсцесс; - тромбоцитопения, лейкопения, анемия (гемолиздік және аплазиялық анемияны қоса), агранулоцитоз; - ангионевроздық ісіну (бет ісінуін қоса); - бағдардан жаңылу, депрессия, ұйқысыздық, түнгі қорқынышты түстер, ашушаңдық, психоздық бұзылыстар; - парестезия, жадының нашарлауы, құрысулар, үрейлену, тремор, асептикалық менингит, дәм сезудің бұзылуы, ми қан айналымының бұзылуы; - көру бұзылысы, бұлыңғыр көру, диплопия; - құлақтың шыңылдауы, естудің нашарлауы; - артериялық гипертензия, васкулит; - пневмонит; - колит (геморрагиялық колит, ишемиялық колит және ойық жаралы колиттің немесе Крон ауруының өршуін қоса), іш қату, стоматит, глоссит, эзофагеальді бұзылулар, диафрагма тәрізді ішек стриктуралары, панкреатит; - шұғыл дамитын гепатит, гепатонекроз, бауыр жеткіліксіздігі; - буллезді дерматит, экзема, эритема, мультиформалы эритема, Стивенс-Джонсон синдромы, уытты эпидермалық некролиз (Лайелл синдромы), эксфолиативті дерматит, алопеция, фотосезімталдық реакциясы, пурпура, Шенлейн-Генох пурпурасы, қышыну; - бүйректің жедел зақымдануы (бүйректің жедел жеткіліксіздігі), гематурия, протеинурия, нефроздық синдром, тубулоинтерстициялық нефрит, бүйректің папиллярлы некроз. Белгісіз (қолда бар деректер негізінде бағалау мүмкін емес): - Коунис синдромы; - эозинофилиямен және жүйелік симптомдарымен дәрілік бөртпе (DRESS-синдромы) - дөңгелек немесе сопақ пішінді терінің қызаруы мен ісінуін, күлдіреуіктердің пайда болуын және қышынуды (тұрақты дәрілік бөртпе) қамтуы мүмкін терінің аллергиялық реакциясы. Сондай-ақ, зақымданған жерлерде терінің қараюы байқалуы мүмкін, ол жазылғаннан кейін де сақталуы мүмкін. Дәрілік тұрақты орныққан бөртпе, егер препарат қайтадан қолданылса, әдетте сол жерде (жерлерде) қайталанады. Тіркеуден кейінгі жағымсыз реакциялар: - тері тамырларының дәрі-дәрмектік эмболиясы (Николау синдромы); - көрудің нашарлауы, анық көрмеу және көзге қос көріну. * Жиілігі жоғары дозасын (тәулігіне 150 мг) қолданумен ұзаққа созылатын емнің деректерін көріністейді. Бақыланатын клиникалық зерттеулердің мета-талдауы және фармакологиялық-эпидемиологиялық деректер диклофенакты, әсіресе, жоғары дозаларда (тәулігіне 150 мг) қолданудың және ұзақ уақыт қолдану кезінде артериялық тромбоэмболия оқиғаларының (мысалы, миокард инфарктісі немесе инсульт) жоғары қаупімен байланысты болуы мүмкін екенін көрсетеді. Жекелеген жағымсыз реакциялар сипаттамасы Көрудің бұзылулары Көрудің нашарлауы, анық көрмеу және көзге қос көріну – ҚҚСП класы үшін сипатты жағымсыз реакциялар, әдетте, олар емдеуді тоқтатқаннан кейін қайтымды. Туындауына себеп болуы мүмкін механизмі болжамды көру бұзылуларын тудырып, торқабық қан ағымының реттелісін бұзатын простагландиндер мен басқа қосылыстардың синтезін тежеу болып табылады. Егер осындай бұзылулар диклофенакпен емдеу кезінде туындаса, олардың басқа болжамды туындау себептерін жоққа шығару үшін офтальмологиялық тексеру өткізу қажет. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Диклофенактың артық дозалануының типтік клиникалық көрінісі жоқ. Артық дозалану құсу, гастроинтестинальді қан кету, диарея, бас айналу, құлақтың шыңылдауы немесе құрысулар сияқты симптомдарды тудыруы мүмкін. Ауыр улану жағдайында бүйрек функциясының жедел жеткіліксіздігі және бауырдың зақымдануы мүмкін. Емі ҚҚСП жедел улануын емдеу, ең алдымен, қолдау шаралары мен симптоматикалық емдеуден тұрады. Гипотензия, бүйрек жеткіліксіздігі, құрысулар, гастроинтестинальді бұзылулар және тыныс алудың бәсеңдеуі сияқты асқынуларды жою үшін қолдау шаралары мен симптоматикалық емдеу қажет. Қарқынды диурез, диализ немесе гемоперфузия сияқты арнайы шаралар олардың қан плазмасы ақуыздарымен жоғары байланысуы және қарқынды метаболизмі салдарынан ҚҚСП шығарылуына кепілдік бере алмайды.

Диклофенак препаратын қолданар алдында емдеуші дәрігермен кеңесіңіз: - егер Сізде бұрын-соңды диклофенакты немесе басқа ауырсынуды басатын препараттарды пайдаланғаннан кейін қатты тері бөртпесі немесе терінің қабыршақтануы, күлдіреуіктер және/немесе ауызда жаралардың пайда болуы байқалса; - жүрек-қантамыр аурулары анықталған болса немесе жоғары артериялық қысым, қандағы липидтер деңгейінің жоғары болуы (холестерин, триглицеридтер), диабет немесе шылым шегу сияқты маңызды қауіп факторлары болса. Егер Сіздің емдеуші дәрігеріңіз Сізге Диклофенак препаратын тағайындаса, тәулігіне 100 мг дозасынан асыруға және емдеуді 4 аптадан артық жалғастыруға болмайды. Жағымсыз жүрек-қантамырлық реакцияларды барынша азайту үшін мүмкін болатын қысқа уақыт ішінде ауыруды басатын және/немесе ісінуді басатын Диклофенак препаратының ең аз дозасын қолдану маңызды. Диклофенак препаратын ацетилсалицил қышқылы, кортикостероидтар, тромбозға қарсы препараттар немесе серотонинді кері қармайтын селективті тежегіштерді қоса, қабынуға қарсы басқа дәрілік препараттармен бір мезгілде қолдану. Диклофенак препаратымен емделу кезінде асқазан-ішек жолының жоғарғы бөлімдері шырышты қабығының ойық жаралары, сирек — қан кету немесе, бірлі-жарым жағдайларда, тесілу (асқазанның немесе ішектің тесілуі) туындауы мүмкін. Бұл асқынулар емдеу барысында кез келген уақытта, ешқандай ескерту белгілерінсіз пайда болуы мүмкін. Осы қауіптің алдын алу үшін дәрігеріңіз мүмкіндігінше қысқа емдеу ұзақтығы ішінде ең төмен тиімді дозаны тағайындайды. Дәрігерге қаралыңыз: - егер Сіздің ішіңіз ауырса және оны препаратты қолданумен байланысты деп күдіктенсеңіз; - демікпе немесе пішен қызбасы (маусымдық аллергиялық ринит) болса; - асқазан ойық жарасы, нәжістегі қан немесе нәжістің қараюы сияқты асқазан-ішек жолының аурулары немесе бұрын қабынуға қарсы дәрілік препараттарды қабылдаудан кейін асқазанның жайсыздануы немесе қыжылдау симптомдары болса; - жуан ішектің қабынуы болған жағдайда (ойық жаралы колит немесе Kpoн aуруы); - бауыр немесе бүйрек аурулары болса; - сусыздану жағдайында (мысалы, ауыру, диарея кезінде, хирургиялық араласуға дейін немесе одан кейін); - табан ісінуінде; - порфирия сияқты бауырдың сирек ауруын қоса, қан кету немесе қанның басқа аурулары болса; - асқазан-ішек жолына жақында жасалған немесе жоспарланған хирургиялық операция болған жағдайда. Егер Диклофенак препаратын қолданудың кез келген кезеңінде жоғарыда көрсетілген белгілердің кез келгені пайда болса, бұл туралы емдеуші дәрігеріңізге хабарлаңыз. Егер Диклофенак препаратын қолдану барысында кеуде қуысының ауыруы, тыныс алудың қиындауы, әлсіздік немесе сөйлеудің анық еместігі сияқты жүрек-қантамыр аурулары пайда болса, дереу емдеуші дәрігеріңізбен байланысыңыз. Өте сирек жағдайларда, қабынуға қарсы басқа дәрілік препараттар сияқты, Диклофенак препаратын қолданып жүрген пациенттерде терінің ауыр аллергиялық реакциялары (мысалы, бөртпе) болуы мүмкін. Диклофенак препаратын бұлшықет ішіне енгізгеннен кейін инъекция орнында жағымсыз реакциялар тіркелген, олардың ішінде инъекция орнындағы ауырсыну, қызару, ісіну/қабыну, іріңдеу, кейде көгерулер немесе ірің пайда болуы, терінің немесе теріасты тінінің зақымдануы (әсіресе препаратты бұлшықетке дұрыс енгізбеген жағдайда) бар. Бұл құбылыс медикаментоздық тамыр эмболиясы ретінде белгілі. Егер Сіз келесі симптомдардың қандай да бірін байқасаңыз, дереу бұл жөнінде емдеуші дәрігерге хабарлаңыз. Инфекциялық аурулар Диклофенак препаратын қолдану жоғары дене температурасы мен ауырсыну сияқты инфекциялық ауру симптомдарын бүркемелеуі мүмкін, бұл инфекциялық ауру кезінде тиісті емдеудің басталу кідірісіне әкелуі мүмкін, өз кезегінде, бұл асқынулардың жоғары даму қаупіне әкелуі мүмкін. Егер Сіз өзіңізді нашар сезінсеңіз және дәрігерге қаралмақ болсаңыз, Сіз оған Диклофенак препаратын қолданып жүргеніңіз жөнінде мәлімдеуді ұмытпаңыз. Арнайы ескертулер Егде жастағы пациенттер (65 жаста және одан асқан) Егде жастағы пациенттер үшін әдетте бастапқы дозаны түзету қажет емес. Сонымен қатар, жалпы қабылданған тәсілдерге сүйене отырып, препаратты тағайындау кезінде, әсіресе әлсіреген немесе дене салмағы төмен егде жастағы пациенттерде сақтық қажет. Балалар мен жасөспірімдер Диклофенак, бұлшықет ішіне енгізуге арналған ерітінді препаратының дозасы 18 жасқа дейінгі балаларда қолдануға жарамайды. Жүректің іркілісті жеткіліксіздігі (NYHA-I) немесе жүрек-қан тамырлары қаупінің маңызды факторлары бар пациенттер Жүректің іркілісті жеткіліксіздігі (NYHA-I) немесе бақыланбайтын гипертониясы бар пациенттерде Диклофенак препаратымен терапия әдетте ұсынылмайды. Қажет болған жағдайда препарат жүрек-қан тамырлары аурулары бар немесе олардың дамуының елеулі қауіп факторлары бар пациенттерге мұқият бағалаудан кейін ғана тағайындалады, ал Диклофенак препаратымен басталған емдеу таблеткалармен немесе диклофенак суппозиторийлерімен 4 аптадан артық жалғасатын жағдайларда - тәулігіне < 100 мг дозада ғана тағайындалады. Бүйрек функциясы бұзылған пациенттер Диклофенак бүйрек жеткіліксіздігі бар пациенттерге қолдануға болмайды (ШСЖ <15 мл/мин/1,73 м2) («Қолдануға болмайтын жағдайлар» бөлімін қараңыз). Бауыр функциясы бұзылған пациенттерде арнайы зерттеулер жүргізілмегендіктен, дозаны түзету бойынша нақты ұсыныстар беру мүмкін емес. Диклофенакты бүйрек функциясы бұзылған пациенттерге қолданғанда сақ болу ұсынылады. Бауыр функциясының бұзылуы бар пациенттер Диклофенакты бауыр жеткіліксіздігі бар пациенттерге қолдануға болмайды («Қолдануға болмайтын жағдайлар» бөлімін қараңыз). Бауыр функциясы бұзылған пациенттерде арнайы зерттеулер жүргізілмегендіктен, дозаны түзету бойынша нақты ұсыныстар беру мүмкін емес. Диклофенакты бауыр функциясының жеңіл немесе орташа бұзылуы бар пациенттерге қолданғанда сақ болу ұсынылады. Дәрілік препараттың кейбір компоненттері туралы маңызды ақпарат Ампулалар ішіндегі натрий метабисульфиті аса жоғары сезімталдық реакциясын және сирек жағдайларда бронх түйілуін тудыруы мүмкін. Диклофенак препаратының 1 ампуласының (3 мл) ішінде 120 мг бензил спирті бар. Бензил спирті аллергиялық реакциялар тудыруы мүмкін. Жүкті болып қалған жағдайда немесе бала емізу кезеңінде, сондай-ақ бауыр немесе бүйрек аурулары бар пациенттерге дәрігермен қосымша кеңесу қажет, өйткені бензил спирті организмде жиналып, жағымсыз реакциялар («метаболизмдік ацидоз» деп аталатын) тудыруы мүмкін. Диклофенак препаратының 1 ампуласы (3 мл) ішінде 600 мг пропиленгликоль бар. Жүкті болып қалған жағдайда немесе бала емізу кезеңінде диклофенакты қолдану емдеуші дәрігермен келісілуі тиіс. Диклофенак препаратын қолдану кезінде дәрігер қосымша бақылау тағайындауы мүмкін. Диклофенак дәрілік препаратының құрамында бір (3 мл) дозасына 1 ммоль мөлшерінен аз (23 мг) натрий бар, яғни, шын мәнінде құрамында натрий жоқ. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Егер Сіз бас айналуын, көрудің бұзылуын, ұйқышылдық және/немесе орталық жүйке жүйесі тарапынан басқа бұзылуларды сезінсеңіз, көлік құралын немесе қауіпті құрылғыны басқарудан бас тартыңыз, өйткені Диклофенак препараты көлік құралын басқару немесен басқа механизмдермен жұмыс істеу қабілетіне әлсіз немесе орташа ықпалын тигізеді.

Жүктілік Егер Сіз жүкті болсаңыз немесе бала емізіп жүрсеңіз, жүктімін деп ойласаңыз немесе жүктілікті жоспарласаңыз, препаратты қолдануды бастамас бұрын емдеуші дәрігермен кеңесіңіз. Жүктіліктің соңғы үш айында Диклофенакты қолданбаңыз, себебі бұл туылмаған балаға зиян келтіруі немесе босану кезінде қиындықтарды тудыруы мүмкін. Ол болашақ балаңызда бүйрек пен жүрек ауруларын тудыруы мүмкін. Сондай-ақ Сіздің және балаңыздың қан кетуге бейімділігіне әсер етуі, жүктіліктің ұзаққа созылуына (мерзімінен асып кетуіне) немесе ұзаққа созылған (қиын) босануға себеп болуы мүмкін. Жүктіліктің алғашқы 6 айында Диклофенакты қолдану ұсынылмайды, тек аса қажетті жағдайларда және дәрігердің ұсынымы бойынша ғана қолдануға болады. Егер осы кезеңде Диклофенакты қолдану қажет болса немесе жүкті болуды жоспарлап жүрсеңіз, ең төмен дозаны және ең қысқа уақыт аралығын қолдану керек. Жүктіліктің 20-шы аптасынан бастап Диклофенакты бірнеше күннен артық қолдану Сіздің болашақ балаңызда бүйрек ауруларын тудыруы мүмкін, бұл ұрықты қоршап тұрған амниотикалық сұйықтықтың азаюына (қағанақ суының аз болуы) әкелуі ықтимал. Егер Сізге бірнеше күннен асатын емдеу қажет болса, дәрігер қосымша бақылауды ұсынуы мүмкін. Бала емізу Диклофенак препаратын қолдану кезеңінде Сіз бала емізбеуіңіз керек. ФертильділікДиклофенак препараты жүкті болу мүмкіндігін қиындатуы мүмкін. Егер Сіз жүктілікті жоспарлап жүрсеңіз немесе бала көтеруде қиындықтар болса, Диклофенак препаратын аса қажеттілік болмаса қолдануға болмайды.

Сіздің қандай да бір басқа препараттарды қолданып жүргеніңіз, таяуда қолданғаныңыз немесе қолдана бастауыңыз мүмкін екені жөнінде емдеуші дәрігерге мәлімдеңіз. Бұл кез келген өсімдік тектес препараттарға немесе Сіз тағайындаусыз сатып алған препараттарға қатысты болады. Диклофенак кейбір басқа препараттармен өзара әрекеттесуі мүмкін, ал олардың әсері немесе Диклофенак әсері өзгеруі мүмкін. Бұл келесі препараттарға қатысты: - литий немесе серотонинді кері қармайтын селективті тежегіштер (депрессияның кейбір түрлерін емдеу үшін қолданылатын дәрілік препараттар); - дигоксин (жүрек ауруларын емдеу үшін қолданылатын дәрілік препарат); - несеп айдайтын дәрілер (диуретиктер); - АӨФ тежегіштері немесе бета-блокаторлар (жоғары артериялық қысым мен жүрек жеткіліксіздігін емдеу үшін қолданылатын дәрілік препараттар); - ацетилсалицил қышқылы немесе ибупрофен сияқты қабынуға қарсы басқа дәрілік препараттар; - кортикостероидтар (дененің қабынған бөліктеріндегі ауыруды жеңілдету үшін қолданылатын дәрілік препараттар); - тромбозға қарсы препараттар (тромбозды болдырмау үшін қолданылатын дәрілік препараттар); - инсулин орнына диабетті емдеу үшін қолданылатын дәрілік препараттар (метформин сияқты); - метотрексат (қатерлі түзілімдердің кейбір түрлерін немесе артритті емдеу үшін қолданылатын дәрілік препараттар); - циклоспорин, такролимус (ағзалар трансплантациясы жасалған пациенттер үшін қолданылатын дәрілік препараттар); - триметоприм (несеп шығару жолдары инфекцияларының профилактикасы немесе емдеу үшін қолданылатын дәрілік препараттар); - хинолондар (инфекцияларды емдеу үшін қолданылатын бактерияға қарсы дәрілік препараттар); - вориконазол (зеңді инфекцияларды емдеу үшін қолданылатын дәрілік препарат); - фенитоин (эпилепсияны емдеу үшін қолданылатын дәрілік препарат); - рифампицин (бактериялық инфекцияларды емдеу үшін қолданылатын антибиотик).

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғау үшін түпнұсқалық қаптамасында (картон қорапша) 25 С-ден аспайтын температурада сақтау керек. Балалардың қолы жетпейтін жерде сақтау керек!