Диклофенак–AIGP гель

1г гельдің құрамында белсенді зат – 11.6 мг диэтиламмоний диклофенагы (10 мг натрий диклофенагына баламалы) қосымша заттар: карбопол 974, сұйық парафин, изопропил спирті, цетомакрогол 1000, цетиол LC, триэтаноламин, адония эссенциясы, пропиленгликоль, тазартылған су Сыртқы түрінің, иісінің, дәмінің сипаттамасы Ақ, біртекті, мөлдір емес крем тәрізді гель.

Ауыру, қабыну және ісіну симптомдарын жергілікті емдеу кезінде: - тері жабынының бүтіндігі бұзылмаған сіңір, байлам, бұлшықет және буындардың жарақаттық зақымданулары (соғылу, созылу, шығып кету) - жұмсақ тіндер ревматизмінің оқшауланған түрлері - артрит кезіндегі ауыру синдромы

Әсер ету механизмі Диклофенак қабынуға қарсы, ауыруды басатын және ыстық түсіретін әсерге ие. Диклофенак простагландиндер синтезін циклооксигеназа деңгейінде тежейді және осылайша қабыну патогенезіне, ауырсыну мен қызба пайда болуына әсер етеді. Ревматизм ауруларында диклофенактың қабынуға қарсы және ауыруды басатын әсері ауырсыну айқындығын, таңертеңгі сіресулерді, буындардың ісінуін едәуір азайтуға көмектеседі, бұл пациенттің жай-күйін функционалды жақсартады. Жарақат алған кезде ауырсыну сезінуді және қабыну ісінуін азайтады.

Дозалау режимі Жақпамайдың ең жоғары тәуліктік дозасы 16 г аспауы тиіс. Ең жоғары апталық доза 112 г құрайды. Енгізу әдісі және жолы Ауыратын аймақтың ауқымына байланысты 2-4 г (диаметрі 2-2.5 см) теріге тәулігіне 3-4 рет жағады және жеңіл ысқылайды. Препаратты жаққаннан кейін, егер ауырудың орналасқан аймағы қол болып табылмаса, қолды жуу қажет. Емдеу ұзақтығы Артрит кезінде гельді 7 күн бойы жақсаруы басталғанға дейін қолданған жөн. Емдеу ұзақтығы – емдеуші дәрігердің бақылауымен 14 күннен аспайды. Егер 7 күн қолданғаннан кейін емдік әсері байқалмаса немесе жағдайы нашарласа, дәрігерге қаралу қажет. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар Егер сізде осы препаратты қолдану туралы қосымша сұрақтар туындаса, дәрігермен кеңесіңіз.

- әсер етуші затына немесе препараттың қосымша заттарының кез келгеніне аса жоғары сезімталдық - ацетилсалицил қышқылына және басқа да ҚҚСД жоғары сезімталдық - ацетилсалицил қышқылын (аспиринді) немесе басқа ҚҚСП қолданғанда бронх демікпесі ұстамалары, тері бөртулері немесе жедел риниттер туындауына бейімділік - 14 жасқа дейінгі балалар - жүктілік (III триместр)

Жиі - бөртпе, экзема, эритема, дерматит (оның ішінде жанаспалы), қышыну Сирек - буллезді дерматит Өте сирек - іріңді бөртпе - Квинке ісінуі, аса жоғары сезімталдық реакциясы (есекжемді қоса) - демікпе - фотосенсибилизация реакциялары Ішуге арналған диклофенак препараттарымен салыстырғанда жүйелі жағымсыз әсерлердің пайда болу ықтималдығы өте төмен. Егер Диклофенак–AIGP дененің үлкен аумақтары үшін және ұзақ уақыт бойы қолданылса, онда жүйелі жағымсыз әсерлердің байқалуын жоққа шығаруға болмайды. Мұндай жағдайларда диклофенактың пероральді түрі туралы ақпаратты ескеру керек. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлердің күшеюі. Емі: симптоматикалық ем жүргізу.

Препаратты терінің үлкен беткейіне немесе ұзақ кезең бойы қолдану жағдайында жүйелі жағымсыз әсерлерінің туындауы болуы мүмкін. Диклофенак–AIGP препаратын зақымданулар мен ашық жараларға түсуін болдырмай, зақымданбаған сау теріге ғана жаққан жөн. Препараттың көзге немесе шырышты қабыққа түсуіне, сондай-ақ ішке қабылдануына жол бермеу керек. Теріде бөртпе пайда болғанда препарат қолдануды тоқтатқан жөн. Егер олар анамнезде бронх демікпесі бар пациенттерге тағайындалса синтетаза простагландиндерінің белсенділігін тежейтін басқа препараттар сияқты диклофенак және басқа ҚҚСД бронх түйілуін туындатуы мүмкін. Ашық жараларға қолдануға болмайды. Көзге тигізуден абайлау керек. Арнайы сақтандырулар Препарат құрамында пропиленгликоль бар, ол жеңіл жергілікті тері тітіркенуін туындатуы мүмкін. Препаратты жаққаннан кейін бинтпен таңуға болады, алайда ауа өткізбейтін окклюзиялық таңғыштарды таңуға болмайды. Балалар 14 жасқа дейінгі балалар мен жасөспірімдерде диклофенакты қолданудың тиімділігі мен қауіпсіздігі туралы деректер жеткіліксіз. Егде жастағы пациенттер Ересектер үшін стандартты доза қолданылады. Препараттың көлік құралын жүргізу немесе қауіптілігі зор механизмдермен жұмыс істеу қабілетіне әсер ету ерекшеліктері Диклофенак–AIGP көлік құралдарын және қауіптілігі зор механизмдерді басқару қабілетіне әсер етпейді.

Жүктілік Жүктілік кезінде диклофенакты қолдану туралы клиникалық деректер жоқ. Жүйелік әсер пероральді қабылдаумен салыстырғанда төмен болса да, жергілікті қолданғаннан кейін диклофенактың жүйелік әсері эмбрионға/шаранаға зиян тигізетіні белгісіз. Жүктіліктің бірінші және екінші триместрінде диклофенакты нақты қажеттіліксіз қолдануға болмайды. Препаратты қолданған кезде дозаны мүмкіндігінше төмен және емдеу ұзақтығы мүмкіндігінше қысқа болу керек. Жүктіліктің үшінші триместрінде простагландин синтетаза тежегіштерін, соның ішінде диклофенакты жүйелі қолдану шаранада жүрек-өкпе және бүйрек уыттылығын тудыруы мүмкін. Жүктіліктің соңында анада да, балада да ұзақ қан кетуі мүмкін, бұл босанудың кешігуіне әкелуі мүмкін. Осылайша, диклофенакты жүктіліктің соңғы триместрінде қолдануға болмайды. Бала емізу Бала емізу кезеңінде тек емдеуші дәрігердің ұсынымы бойынша ғана қабылдау керек. Диклофенакты сүт бездеріне немесе терінің үлкен беткейіне жақпаған жөн және ұзақ қолдануға болмайды.

Басқа ҚҚСД-мен бір мезгілде қолданған кезде емдік және жағымсыз әсерлердің өзара күшеюі мүмкін.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!