ДИМЕКСИД Артериум жидкость

1 құтының ішінде белсенді зат: диметилсульфоксид - 50 мл. қосымша заттар: жоқ. Сыртқы түрінің сипаттамасы Түссіз сұйықтық немесе түссіз кристалдар. Гигроскопиялы.

Тірек-қимыл аппараты қабыну ауруларының кешенді емінің құрамында: - ревматоидты артрит, Бехтерев ауруы, деформацияланатын остеоартроз, артропатиялар, байламдардың созылуында - соғылу, жарақаттық инфильтраттар, қабыну ісінулері - іріңді жаралар, абсцестер, жедел және созылмалы остеомиелит - түйіндік эритема, стрептодермия - тері-пластикалық хирургияда, тері гомотрансплантаттарын сақтауға арналған. Қолдану басталғанға дейін қажетті мәліметтер тізбесі

Диметилсульфоксид терінің бөгеттерін қоса, ол қабынуға қарсы, антипиретикалық, анальгетикалық, антисептикалық, орташа фибринолитикалық сияқты өзінің ерекше әсерлерін іске асыратын биологиялық жарғақша арқылы өту қасиеті бар. Препарат дәрілік заттардың зақымданбаған тері мен шырышты қабық арқылы өтуін күшейтеді (тасымалдау қабілеті).

Дозалау режимі Компрестер, тампондар үшін сулы ерітінділер (30-50 % концентрация) түрінде қолдану керек. ДИМЕКСИД Артериум ерітіндісі сіңдірілген дәке майлықтарды зақымданған жерлерге терінің сау жерлерін қоса, тәулігіне 1 рет 20-30 минут бойы қою керек. Майлықтың бетіне полиэтилен үлбір және мақта қағаз немесе зығыр мата қою керек. Диффузиялы стрептодермияларда ДИМЕКСИД Артериум препаратының 40-90 % ерітіндісімен компрестер ұсынылады. Терінің іріңді аурулары үшін 40 % ерітіндіні қолдану керек. Тері-пластикалық хирургияда ауто- және гомотрансплантаттарға тікелей операциялар күні және одан соң трансплантатта препараттың 10-20 % ерітіндісімен таңғыштарды пайдалану керек. Тері гомотрансплантаттарын сақтауға арналған консервациялаушы құрал ретінде Рингер ерітіндісінде препараттың 5 % ерітіндісін қолдану керек. Көрсетілген концентрацияда препараттың сулы ерітіндісін дайындау жөніндегі ұсыныстар: Ерітінді концентрациясы, % — Препараттың мөлшері, көлемді бөліктерде — Судың мөлшері, көлемді бөліктерде 10 20 30 40 50 90 — 1 1 3 2 1 9 — 9 4 7 3 1 1 Енгізу әдісі мен жолы Сыртқа қолдануға арналған. Дәрілік препараттың бір немесе бірнеше дозасын өткізіп алған кездегі қажетті шаралар Бір дозаны қолдануды өткізіп алған кезде белгіленген уақытта келесі дозаны қабылдау қажет, екі еселенген дозаны қолдануға болмайды. Препаратты қолданар алдында дәрілік препаратты қолдану тәсілін түсіндіру үшін медициналық қызметкерден кеңес алуды ұсынамыз.

- әсер етуші затқа аса жоғары сезімталдық - айқын жүрек-қантамыр жеткіліксіздігі, атеросклероз, стенокардия - миокард инфарктісі - бүйрек немесе бауыр функциясының бұзылуы - инсульт, коматозды жай-күй - жүктілік, лактация кезеңі - глаукома, катаракта - 12 жасқа дейінгі балалар.

Белгісіз (қолда бар деректер негізінде бағалау мүмкін емес: • аллергиялық реакциялар • дерматитті қоса • тері бөртпесі • ангионевроздық ісіну • қышыну • ашыту • тері гиперемиясы • эритема • терінің құрғауы • жүрек айнуы • құсу • диарея • бас ауыруы • бас айналу • ұйқысыздық • адинамия • бронх түйілуі. Аллергия симптомдары пайда болған жағдайда препарат қолдануды тоқтату қажет. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты артық дозалау аллергиялық реакциялар (есекжем, ісіну) дамуын туғызуы және жағымсыз әсерлер байқалуын күшейтуі мүмкін. Емі. Препаратты тоқтату. Симптоматикалық ем.

Арнайы ескертулер Зақымданған теріге және аллергия байқалған теріге жағуға болмайды. Беттің терісіне жағуға болмайды. Препаратты қолданар алдында сезімталдыққа сынама жүргізу қажет. Ол үшін ДИМЕКСИД Артериум теріге ДИМЕКСИД Артериум малынған мақта тампонымен жағыңыз. ДИМЕКСИД Артериум жаққаннан кейінгі күрт қызару және тері қышынуы препаратқа жеке жоғары сезімталдықты растайды. Егде жастағы пациенттер препаратты дәрігермен алдын ала кеңескеннен кейін қолдана алады. Препараттың шырышты қабыққа және көзге түсуіне жол бермеу керек. Препарат көзге кездейсоқ түскен жағдайда тез арада ағын сумен шаю керек. 18 °С температурада диметилсульфоксидтің кристалдануы мүмкін, ол препараттың сапасына әсер етпейді. Кристалдарды еріту үшін препараты бар құтыны су моншасында абайлап қыздыру керек (судың температурасы шамамен 60 °С). Дәрілік затты қолдану ережесін бұзбау керек, бұл денсаулыққа зиянын тигізуі мүмкін! Педиатрияда қолдану Препаратты 12 жасқа дейінгі балаларға қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Орталық жүйке жүйесіне әсерін, атап айтқанда бас айналу ықтималдығын ескере отырып, сақтықпен қолдану керек.

Жүктілік Препаратты жүктілік кезінде қолдануға болмайды. Бала емізу Диметилсульфоксидпен емдеу кезінде бала емізуді тоқтату керек.

Диметилсульфоксид этанолдың (алкоголь препараттың шығарылуын тежейді) және инсулиннің, ацетилсалицил қышқылының, бутадионның; дигиталис, хинидин, нитроглицерин препараттарының, антибиотиктердің (стрептомициннің, мономициннің), хлорамфениколдың, рифампицин, гризеофульвиннің әсерін күшейтеді, организмді наркоз заттарын сенсибилизациялайды. Препаратпен ерекше белсенділіктің, сондай-ақ дәрілік зат уыттылығының күшеюін ескеру керек. Деформацияланатын остеоартроз және ревматоидты артритте қабынуға қарсы стероидты емес дәрілермен кешенді терапияда қолдануға болады; жергілікті қолдануға арналған микробқа қарсы заттармен біріктіріп (синтомицин линименті) – стрептодермияны емдеуге арналған.

Сақтау мерзімі 3 жыл. Қаптамада көрсетілген жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 25оС-ден аспайтын температурада сақтау керек. Балалардың қолы жетпейтін жерде сақтау керек!