Диосперидин таблетки 450/50 мг

Бір таблетканың құрамында белсенді заттар: диосмин 450 мг, гесперидин 50 мг. қосымша заттар: микрокристалды целлюлоза, желатин, натрий крахмалы гликоляты А типі, тальк, магний стеараты. қабық құрамы: араның ақ балауызы, глицерол, гипромеллоза 2910, макрогол 6000, натрий лаурилсульфаты, темірдің сары тотығы (Е172), темірдің қызыл тотығы (Е172), титанның қостотығы (Е171), магний стеараты. Сыртқы түрінің, иісінің, дәмінің сипаттамасы Сопақша пішінді, екі беті дөңес және сызығы бар, қызғылт-сарғыш түсті қабықпен қапталған таблеткалар.

- веналық-лимфа жеткіліксіздігін симптоматикалық емдеу (аяқтардағы ауырлық, ауырсыну, ісіну және түнгі құрысулар) - геморройдың жедел ұстамаларымен байланысты функционалдық симптомдар.

Вазопротекторлар. Капиллярларды тұрақтандыратын заттар. Биофлавоноидтар. Диосмин, біріктірілімдер. АТХ коды С05СА53 Фармакодинамикалық әсерлері • Фармакологияда: Диосперидин тамырдың айналым жүйесіне әсер етеді: - веналық деңгейде ол венаның созылуын және веналық іркілісті азайтады; - микроциркуляторлық деңгейде ол капиллярлардың өткізгіштігін қалыпқа келтіреді және олардың төзімділігін арттырады. Клиникалық тиімділігі және қауіпсіздігі • Клиникалық фармакологияда: Препараттардың веналық гемодинамикаға әсерін бағалау мақсатында жүргізілген бақыланатын салыстырмалы жасырын зерттеулер диосмин мен гесперидиннің фармакологиялық қасиеттерін растады. - дозаға тәуелді әсері: Препараттың дозасы мен емдік әсері арасындағы статистикалық маңызды байланыс веналық плетизмографияның көрсеткіштері негізінде көрсетілген: веналық арнаның сыйымдылығы, веналық дилатативтілік және веналық тамырларды босату уақыты. Оңтайлы емдік әсерге күніне 2 таблетка дозада қол жеткізіледі. - веналық тамырлардың тонусына әсері: препарат веналық тонусты арттырады. Веналық окклюзиялық плетизмография тамырларды босату уақытының қысқарғанын көрсетті. - микроциркуляцияға әсері: Салыстырмалы жасырын бақыланатын зерттеулер диосмин/гесперидин мен плацебо арасындағы статистикалық маңызды айырмашылықты көрсетті. Сынғыштық және капиллярлық белгілері бар пациенттерде диосмин/гесперидин емі ангиостеррометриямен өлшенетін капиллярлардың беріктігін арттырды. • Клиникалық тәжірибеде: Салыстырмалы жасырын плацебо-бақыланатын зерттеулер аяқтардың созылмалы функционалдық және органикалық веналық жеткіліксіздігін емдеуде препараттың флебологиядағы емдік тиімділігін көрсетті. Сондай-ақ, геморрой симптоматикасын азайтады.

Дозалау режимі Веналық-лимфа жеткіліксіздігінде ұсынылатын доза: күніне 2 таблетка (күннің ортасында 1 таблетка және тамақтану кезінде кешке 1 таблетка). Симптомдар қайта пайда болған жағдайда, дәрігердің ұсынысы бойынша емдеу курсы қайталануы мүмкін. Геморройдың жедел ұстамасында: алғашқы 4 күнде күніне 6 таблетка (күніне 3 рет 2 таблетка), содан кейін келесі 3 күнде 4 таблетка (күніне 2 рет 2 таблетка). Емдеу курсының ұзақтығын емдеуші дәрігер анықтайды. Созылмалы геморрой кезінде ұсынылатын доза - күніне 2 таблетка. Енгізу әдісі мен жолы Пероральді қабылдау. Таблеткаларды тамақтану кезінде тұтастай қабылдап, сумен ішу керек. Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша ұсынымдар Қажет болған жағдайда кеңес алу үшін медицина қызметкеріне жүгінуге болады.

- әсер етуші затқа (заттарға) немесе қосымша заттардың кез келгеніне аса жоғары сезімталдық - бала емізу кезеңі

Жиі • диарея, диспепсия, жүрек айнуы, құсу Жиі емес • колит Сирек - бас айналу, бас ауыру, жалпы дімкәстік - бөртпе, қышыну, есекжем Белгісіз - іштің ауыруы - беттің, еріннің, қабақтың оқшауланған ісінуі Ерекше жағдайларда - ангионевроздық ісіну Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет (жағымсыз реакциялар бойынша ақпараттық деректер базасын көрсету керек) Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлердің күшеюі. Емі: симптоматикалық.

Геморройдың жедел ұстамалары кезінде Диосперидин препаратын қолдану аноректальді аймақтың басқа ауруларын спецификалық емдеуді алмастырмайды. Препарат қысқа курспен тағайындалады. Жүргізілген емнің тиімсіздігі кезінде қосымша тексеру және емдеуді түзету керек. Препаратты веналық қан айналымы бұзылған пациенттерге тағайындаған кезде оларды күннің астында ұзақ жүруден, ұзақ түрегеп тұрудан қорғану керектігі, дене салмағын төмендету, жаяу серуендеу және қан айналымын жақсартатын арнайы шұлық кию қажеттілігі туралы хабардар ету керек. Егер емдеу барысында жағдай нашарласа немесе жақсару болмаса, дереу дәрігерге бару ұсынылады. Препарат құрамында 1 ммольден аз натрий бар, яғни іс жүзінде натрий жоқ. Арнайы ескертулер Жүктілік Жүкті әйелдерде қолдану туралы деректер шектеулі немесе жоқ. Сақтық мақсатында жүктілік кезінде Диосперидин қабылдау қажет емес. Емшекпен емізу Белсенді зат немесе оның метаболиттері емшек сүтіне енетіні, енбейтіні белгісіз. Жаңа туған нәрестелер мен сәбилер үшін қауіпті жоққа шығаруға болмайды. Емшекпен емізуді тоқтату немесе Диосперидин препаратымен емді тоқтату/бастамау туралы шешімді бала үшін емшекпен емізудің пайдасы мен әйел үшін емнің пайдасы негізінде қабылдаған жөн. Препарат құрамында 1 ммольден аз натрий бар, яғни іс жүзінде натрий жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Нұсқаулықта көрсетілмеген.

Қазіргі уақытта тіркеуден кейінгі кезеңде клиникалық маңызды дәрілік өзара әрекеттесулер туралы хабарланған жоқ.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25ºС-ден аспайтын температурада сақтау керек. Балалардың қолы жетпейтін жерде сақтау керек!