Дипросалик ® мазь

Бір грамм жақпамай құрамында белсенді заттар: бетаметазон 0.5 мг (бетаметазон дипропионаты түрінде), салицил қышқылы 30.0 мг қосымша заттар: сұйық парафин, ақ жұмсақ парафин Сыртқы түрінің, иісінің, дәмінің сипаттамасы Көрінетін механикалық қоспаларсыз ақ дерлік түсті тегіс біртекті жақпамай

Жергілікті қолданылатын глюкокортикостероидтармен емдеуге сезімтал, құрғақ және гиперкератоздық дерматоздар, оның ішінде: • бастың түкті бөлігінің псориазында; • қол мен аяқтың созылмалы түйіндақ тәрізді псориазында (ерекшелік: кең таралған түйіндақ тәрізді псориаз); • кератолитикалық емді қажет ететін басқа дерматоздарда.

Дипросалик препаратының құрамына бетаметазон дипропионаты және салицил қышқылы кіреді. Бетаметазон дипропионаты-синтетикалық фторланған кортикостероид - қабынуға қарсы, қышынуға қарсы және тамыр тарылтатын әсер береді. Кератолитикалық қасиеттері бар салицил қышқылы гиперкератоз және пиллингпен бірге жүретін жағдайларды емдеуде жергілікті қолданылады, кортикостероидтың пенетрациясын жеңілдетеді. Глюкокортикостероидтардың физиологиялық, фармакологиялық және клиникалық әсерлері жақсы белгілі болса да, олардың әр ауруда нақты әсер ету механизмі толық белгісіз.

Дозалау режимі және енгізу жолы Ересектер: 1-2 рет тәулігіне. Көп жағдайда препаратты терінің зақымданған жерлеріне тәулігіне 2 рет жұқа етіп жағу керек. Кейбір пациенттерде препаратты азырақ жиі қолданғанда талапқа сай демеуші емге қол жеткізуге болады. Дипросалик® препаратын 2 апта бойы қолдану ұсынылады, содан кейін емді жалғастыру туралы мәселені қарастыру қажет. Ең жоғары апталық доза 60 г аспауы керек. Балалар: Балаларға арналған емдеу курсы 5 күннен аспайды. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Дипросалик ® препаратын қабылдау бойынша сұрақтар туындаған жағдайда емдеуші дәрігерге хабарласыңыз. Дәрілік препараттарды (ДП) стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар Сыртқы қолдануға арналған Дипросалик® препаратының дәрілік түрлері, әдетте, жақсы жағымды, ал жағымсыз реакциялар сирек кездеседі. Ұзақ уақыт қолданғанда: • жергілікті тері атрофиясы • стрия • телеангиэктазия, әсіресе бетте • дерматит Жергілікті қолдану кезінде: • күйдіріп ашу • қышыну, тітіркену, құрғақтық • фолликулит • гипертрихоз • акне тәрізді бөрту • гипопигментация • периоральді дерматит, аллергиялық жанаспалы дерматит Окклюзиялық таңғыш астында пайдаланған кезде: • тері мацерациясы • салдарлы инфекция • тері атрофиясы, стрия • тербөртпе Жергілікті глюкокортикостероидтарды қолданған кезде жүйелі жағымсыз реакциялар, мысалы, көрудің бұлыңғырлануы туралы да хабарланды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz немесе «АНКОР Персонал Центральная Азия»ЖШС Алматы қ., Достық даңғылы, 38 «Кең Дала» бизнес-орталығы, 3 қабат, 302С кеңсе тел: +7 (727) 291-89-49 эл.пошта: dpoc.kazakhstan@organon.com

• әсер етуші затқа немесе қосымша заттардың кез келгеніне аса жоғары сезімталдық • қызғылт безеулер, қарапайым безеулер • периоральді дерматит • перианальді және генитальді қышыну • тері туберкулезі, терінің вирустық зақымдануы (Herpes simplex, желшешек, Herpes zoster) • жөргектік дерматит • егер бір мезгілде инфекцияға қарсы тиісті емдеу жүргізілмесе, терінің зеңдік немесе бактериялық инфекциясы.

Нұсқаулықта көрсетілмеген.

Симптомдары Үлкен дозаларда жергілікті глюкокортикостероидтарды ұзақ уақыт қолдану бүйрекүсті безі функциясының қайталама жеткіліксіздігіне және Кушинг синдромын қоса алғанда, гиперкортицизм құбылыстарына әкелетін гипофизарлы-бүйрекүсті безі жүйесі функциясының бәсеңдеуін туындатуы мүмкін. Емі Симптоматикалық ем. Гиперкортицизмнің жедел симптомдары әдетте қайтымды. Қажет болған жағдайда электролиттік теңгерімсіздікті түзету керек. Созылмалы уыттылық жағдайында глюкокортикостероидтарды біртіндеп тоқтату ұсынылады. Салицил қышқылы бар препараттардың артық дозалануы кезінде емдеу де симптоматикалық болып табылады. Салицилаттарды организмнен тез арада шығару үшін шаралар қабылдау керек, мысалы, несепті сілтілеу және диурезді мәжбүрлеу үшін натрий бикарбонатын қабылдау. Әр сықпадағы кортикостероидтың мөлшері өте төмен, уытты әсердің даму мүмкіндігі жоқ немесе аз, сондықтан Дипросалик® препаратын ішке кездейсоқ ықтималдылығы аз.

Қатысы жоқ Арнайы сақтандырулар Салицил қышқылы жергілікті қолданғанда кератолитикалық әсерге ие және глюкокортикостероид сіңірілуінің күшеюіне әкелуі мүмкін, сондықтан Дипросалик® препаратын окклюзиялық таңғыштың астына қолдануға болмайды. Жергілікті және жүйелік жағымсыз әсерлер көбінесе зардап шеккен терінің ауқымды аймақтарында, тері қатпарларында немесе полиэтиленжі окклюзиялық таңғышты қолданғанда ұзақ уақыт пайдаланғаннан кейін пайда болады. Дипросалик® препаратын балаларда немесе бетте қолданған кезде курс 5 күннен аспауы керек. Жасына қарамастан барлық пациенттерде ұзақ жүргізілетін үздіксіз емнен аулақ болу керек. Псориазды емдеу кезінде жергілікті қолданылатын глюкокортикостероидтарды қолдану төзімділіктің дамуына және соның салдарынан процестің қайталануына, терінің бөгет функциясының төмендеуіне байланысты жайылған пустулезді псориаздың және жергілікті немесе жүйелік жағымсыз әсерлердің даму қаупін туындатуы мүмкін. Пациенттің жағдайын мұқият бақылау қажет. Дипросалик® препараты офтальмологияда қолдануға арналмаған. Препараттың көзге және шырышты қабыққа түсуіне жол бермеу керек. Бетаметазон дипропионаты мен салицил қышқылының жүйелі сіңірілуі препаратты терінің ауқымды учаскелерінде, тері қатпарларында ұзақ уақыт бойы қолданғанда немесе оның шамадан тыс мөлшерін қолданғанда артуы мүмкін. Мұндай жағдайларда, әсіресе препаратты жаңа туған нәрестелер мен балаларда қолданған кезде тиісті сақтық шараларын сақтау керек. Терінің құрғақтығы, тітіркенуі немесе жоғары сезімталдық пайда болған кезде Дипросалик® препаратын қолдануды тоқтату қажет. Глюкокортикостероидтарды жергілікті қолданғанда, әсіресе жаңа туған нәрестелер мен балаларда жүйелі кортикостероидтарға тән жағымсыз әсерлер, оның ішінде бүйрекүсті безі қыртысы функциясының бәсеңдеуі дамуы мүмкін. Терінің шамадан тыс құрғауы немесе терінің тітіркенуі күшейген жағдайда препаратпен емдеуді тоқтату керек. Жүйелі және жергілікті әсер ететін глюкокортикостероидтарды қолданғанда (интраназальді, ингаляциялық және көзішілік енгізуді қоса) көру бұзылыстары пайда болуы мүмкін. Көрудің бұлыңғырлануы немесе көрудің басқа да бұзылулары сияқты симптомдар пайда болған кезде пациент глюкокортикостероидтарды жүйелі және жергілікті қолдану кезінде бірқатар жағдайларда байқалған катаракта, глаукома немесе орталық серозды хориоретинопатия сияқты сирек ауруды қамтитын көру бұзылуының ықтимал себептерін анықтау үшін офтальмологқа жүгінген жөн. Педиатрияда қолданылуы Ересектерге қарағанда балалар жергілікті глюкокортикостероидтарды қолданған кезде гипоталамус-гипофизарлы-бүйрекүсті безі жүйесінің функциясын бәсеңдету қаупіне көбірек ұшырайды, себебі дене беткейінің ауданы оның массасына қатынасының үлкен шамасына және соның салдарынан препараттың жоғары сіңуіне байланысты. Гипоталамус-гипофизарлы-бүйрекүсті безі жүйесінің бәсеңдеуі, гиперкортицизм синдромы, бой өсуінің баяулауы, дене салмағының жеткіліксіз артуы, жергілікті қолдануға арналған кортикостероидтар алған балаларда бассүйекішілік қысымның жоғарылауы туралы хабарламалар болды. Балаларда гипоталамус-гипофизарлы-бүйрекүсті безі жүйесі функциясының бәсеңдеуі плазмадағы кортизолдың төмен деңгейімен және АКТГ стимуляцияға жауаптың болмауымен анықталады. Бассүйекішілік қысымның жоғарылауы еңбектің шығуымен, бас ауыруымен, көру жүйкесі дискісінің екі жақты ісінуімен көрінеді. Пациенттерден шылым шекпеуін және қатты күйік алу қаупіне байланысты жалынға жақындамауын сұраңыз. Жақпамаймен жанасатын мата (киім, төсек-орын жабдықтары, таңу материалдары және т .б.) анағұрлым жеңіл тұтанумен сипатталады және жанудың үлкен қаупін тудырады. Киім мен төсек-орын жабдықтарын жуу олардың беткейіндегі жақпамай мөлшерін азайтуы мүмкін, бірақ оны толығымен кетірмейді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын немесе күрделі техникалық құрылғыларды басқару қабілетіне әсер ету анықталған жоқ.

Жүктілік және лактация Жүктілік кезінде жергілікті глюкокортикостероидтарды қолдану қауіпсіздігі анықталмауына байланысты, дәрілік заттардың осы класын тағайындау, егер ана үшін әлеуетті пайда шарана үшін әлеуетті қауіптен асып кетсе ғана ақталады. Осы кластағы препараттарды жүктілік кезінде үлкен дозада немесе ұзақ уақыт бойы қолдануға болмайды. Осы уақытқа дейін глюкокортикостероидтардың жүйелік сіңірілу деңгейі олардың емшек сүтінде анықталатын концентрацияларының пайда болуы үшін жеткілікті ме екендігі анықталмағандықтан, емдеу уақытына ана үшін қаншалықты қажет екенін ескере отырып, не бала емізуді, не препаратты қолдануды тоқтату керек.

Дәрілік өзара әрекеттесулер анықталмаған.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!