Дисоль раствор

1 л препараттың құрамында белсенді заттар: натрий хлориді, 6,0 г, натрий ацетаты тригидраты (3-сулы сіркеқышқылды натрий), 2,0 г; қосымша зат – инъекцияға арналған су. Сыртқы түрінің, иісінің, дәмінің сипаттамасы Түссіз мөлдір сұйықтық.

- регидратация - гиперкалиемия - сусызданудан болған уыттануда (тырысқақ, жедел дизентерия, тағамдық уытты инфекциялар) Препарат ересектер мен балаларда қолдануға арналған.

Әсер ету механизмі Регидратация және уытсыздандыруға арналған біріктірілген тұзды ерітінді. Организм сусызданған кезде су-электролит теңгерімін және қышқылдық-негіздік жай-күйді қалпына келтіреді. Фармакодинамикалық әсерлері Плазма алмастыратын, уытсыздандыратын, регидратациялайтын әсер етеді. Метаболизмдік ацидоздың дамуына кедергі келтіреді, диурезді арттырады.

Дозалау режимі Ерітіндіні нәжіспен, құсық массасымен, несеппен, термен шыққан сұйықтық көлемін қалпына келтіру үшін қажетті мөлшерде енгізеді. Енгізілген сұйықтық пен диурездің арақатынасын әрбір 6 сағат сайын анықтап отырады. Ерітіндіні 1 сағат бойына науқастың 7-10 дене салмағына сәйкес мөлшерде енгізеді; одан кейін сорғалатып енгізуді жылдамдығы минутына 40-120 тамшыдан 24-48 сағат бойына тамшылатып енгізуге ауыстырады. Аурулардың (гиповолемиялық инфекциялық-уытты шокта, декомпенсацияланған метаболизмдік ацидозда, анурияда) ауыр түрлерінде препаратты басында сорғалатып, кейіннен тамшылатып енгізуге көше отырып, қолданады. Аурудың едәуір жеңіл түрлерінде (организмнің уыттануы және сусыздануы, метаболизмдік ацидоз, олигурия) препаратты тамшылатып қана енгізуге болады. Енгізу әдісі және жолы Зертханалық көрсеткіштерді бақылай отырып вена ішіне (сорғалатып және тамшылатып) енгізеді. Енгізер алдында ерітіндіні 36-38 С-ге дейін жылытады. Гиперкалиемияны жойғаннан кейін одан кейінгі су-тұз емі «Трисоль», «Ацесоль» немесе «Хлосоль» ерітінділерімен жүргізіледі. Емдеу ұзақтығы Емдеу курсын емдеуші дәрігер жеке тағайындайды. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Препаратты дәрігердің тағайындауы бойынша қолданады.

- белсенді заттарға аса жоғары сезімталдық - бүйрек және созылмалы жүрек жеткіліксіздігі

Жағымсыз реакцияларды бағалау пайда болу жиілігі туралы мынадай деректерге негізделген: өте жиі (≥1/10), жиі (≥1/100 <1/10 дейін), жиі емес (≥1/1000 <1/100 дейін), сирек (≥1/10000 <1/1000 дейін), өте сирек (<1/10000), белгісіз (қолда бар деректер негізінде кездесу жиілігін бағалау мүмкін емес) Белгісіз • ісінулер • тахикардия • кейбір жағдайларда дене қалтырауы орын алуы мүмкін • аллергиялық реакциялар Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: гипокалиемия, гипернатриемия. Емі: электролитті бұзылыстарды түзету; қандағы электролиттер деңгейін бақылау.

Препаратты бүйректің бөлініс функциясының бұзылуы бар пациенттерге, гипокалиемия кезінде сақтықпен қолданған жөн. Арнайы ескертулер Емдеуді гематокритті және қан электролиттері концентрациясын бақылай отырып жүргізеді.

Ана үшін күтілетін пайдасы шаранаға және нәрестеге төнетін ықтимал қауіптен асып түсетін жағдайда ғана препаратты жүктілік және лактация кезеңінде қолдануға болады (талапқа сай және қатаң бақыланатын зерттеулер жүргізілген жоқ). Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Препараттың тек стационарда қолданылуына байланысты деректер жоқ.

Анықталмаған.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары 25 С-ден аспайтын температурада сақтау керек. Бөтелкенің герметикалығы сақталған жағдайда препаратты мұздатып қатыру оны қолдануға қарсы көрсетілім болып табылмайды. Бөтелкенің ішкі беткейінің су өткізбейтіндігі препаратты қолдануға қарсы көрсетілім болып табылмайды. Балалардың қолы жетпейтін жерде сақтау керек!