Дифлюкан® раствор 2 мг/мл

100 мл препараттың құрамында белсенді зат – флуконазол, 0,2 г, қосымша заттар: натрий хлориді, инъекцияға арналған су. Сыртқы түрінің, иісінің, дәмінің сипаттамасы Парентеральді препараттарға арналған стандарттарға сәйкес келетін, көзге көрінетін бөлшектері жоқ, мөлдір түссіз ерітінді, бейтарап шыныдан жасалған мөлдір құтыда.

Дифлюкан® келесі зеңдік инфекцияларда қолданылады. Ересектерде емдеу: - криптококтық менингит - кокцидиоидомикоз - инвазиялық кандидоз - шырышты қабықтардың кандидозы, соның ішінде орофарингеальді кандидоз, өңеш кандидозы, кандидурия мен тері- шырышты қабықтың созылмалы кандидозы - ауыз қуысының созылмалы атрофиялық кандидозы (тіс протездерін қолданумен байланысты), ауыз қуысының гигиенасын сақтау немесе жергілікті емдеу жеткіліксіз болғанда Ересектердегі профилактика: - қайталанулар қаупі жоғары пациенттердегі криптококтық менингиттің қайталануларында - АИТВ инфекциясы бар, қайталанулар қаупі жоғары пациенттердегі орофарингеальді кандидоз бен өңеш кандидозының қайталануларында - ұзаққа созылған нейтропениясы бар пациенттердегі (мысалы, гематологиялық қатерлі жаңа өспелері бар, химиялық ем қабылдап жүрген пациенттер, немесе, гемопоэздік дің жасушаларының трансплантациясы жүргізіліп жатқан пациенттер) кандидоздық инфекциялардың профилактикасы Мерзіміне жетіп туған нәрестелерді, сәбилерді және мектепке дейінгі және мектеп жасындағы балаларды, сондай-ақ 0-ден 17 жасқа дейінгі жасөспірімдерді емдеу: - шырышты қабықтардың кандидозы (орофарингеальді кандидоз және өңеш кандидозы) - инвазиялық кандидоз - криптококтық менингит - иммунитеті әлсіреген пациенттердегі кандидозды инфекциялар профилактикасы • қайталану қаупі жоғары балаларда криптококктық менингит қайталануларын болдырмау мақсатындағы демеуші ем. Ем өсірінділік және басқа зертханалық зерттеулердің нәтижелері алынғанға дейін басталуы мүмкін, бірақ осы нәтижелер алынғаннан кейін зеңге қарсы ем тиісті түрде түзетілуі керек. Зеңге қарсы дәрілерді дұрыс пайдалану туралы ресми нұсқаулықтарды ескеру қажет.

Әсер ету механизмі Флуконазол - зеңге қарсы триазол тобындағы дәрі. Оның негізгі әсер ету механизмі зеңдік Р - 450 цитохромы негіз болған зеңдердегі эргостерол биосинтезінің негізгі заты болып табылатын 14 - альфа - ланостеролдың деметилдену реакциясын бәсеңдетуге негізделеді. 14-альфа-метилстеролдардың жинақталуы зеңдердің жасуша жарғақшасы құрамына кіретін эргостерол деңгейінің төмендеуін туындатады; бұл процесс флуконазолдың зеңге қарсы әсеріне негіз болады. Флуконазол сүтқоректілердің P-450 цитохромы жүйесінің әртүрлі изоферменттеріне қарағанда зеңдердің Р450 цитохромы жүйесінің изоферменттеріне қатысты селективті екендігі анықталды. 50 мг флуконазолды 28 күнге дейінгі уақыт бойы күн сайын қабылдау ерлерде плазмадағы тестостерон мөлшеріне немесе бала туатын жастағы әйелдерде стероидтар мөлшеріне әсер етпейтіні көрсетілген. Ер жынысты дені сау еріктілерде флуконазолды 200–400 мг дозада күн сайын қолдану эндогендік стероидтардың деңгейіне және АКТГ стимуляциялаған реакцияға клиникалық маңызды әсер еткен жоқ. Антипиринмен өзара әрекеттесуге жүргізілген зерттеулер көрсеткендей, флуконазолды 50 мг дозада бір рет қабылдау да, бірнеше рет қабылдау да оның метаболизміне әсер етпейді. In vitro сезімталдығы In vitro зерттеулерде флуконазол клиникалық тәжірибеде таралған Candida (C. albicans, C. parapsilosis, C. tropicalis қоса) зең түрлеріне қатысты зеңге қарсы белсенділік танытады. C. glabrata флуконазолға төмен сезімталдықты көрсетеді, ал C. krusei және C. auris флуконазолға төзімді болып келеді. Флуконазолдың ең аз тежеуші концентрациясы (ЕТК) және эпидемиологиялық кесу мәні (ECOFF) C. albicans-қа қарағанда C. guilliermondii үшін жоғары. Сонымен қатар флуконазол in vitro Cryptococcus neoformans және Cryptococcus gattii-ге қатысты, сондай-ақ эндемиялық Blastomyces dermatiditis, Coccidioides immitis, Histoplasma capsulatum және Paracoccidioides brasiliensis зеңдеріне қарсы белсенділік танытты. Фармакокинетикалық-фармакодинамикалық тәуелділік Жануарларға жүргізілген зерттеулерде Candida тектес зеңдерден туындаған эксперименттік микоздарға қатысты ЕТК мәндері мен тиімділік арасындағы байланыс анықталды. Клиникалық зерттеулерде флуконазолдың AUC мен дозасы арасында 1:1 дозаға тәуелді қатынас орын алды. AUC көрсеткіші немесе дозасы мен ауыз қуысының кандидозының сәтті клиникалық жауабы және терапияға аз дәрежеде кандидемия арасында тікелей, бірақ толық емес байланыс бар. Ұқсас емдеу әдісі флуконазолдың жоғары ЕТК штаммдарынан туындаған инфекцияларды емдеу үшін аз дәрежеде қолайлы. Резистенттіліктің даму механизмі Candida тұқымдасының өкілдерінде Азол тобының антимикотиктерінің әсеріне қарсы бірқатар қорғаныс механизмдері анықтылған. Мұндай резистенттілік механизмдерінің біреуін немесе бірнешеуін өндіретін зеңдік штаммдар үшін флуконазолдың ЕТК артқан, бұл in vivo зерттеулерде және клиникалық жағдайларда препараттың тиімділігіне теріс әсер етеді. Әдетте флуконазолға сезімтал Сandida түрлерінде резистенттілік қалыптасуының ең жиі кездесетін механизмі эргостеролдың биосинтезіне жауап беретін азолды қосылыстарға әсер ететін мақсатты ферменттер болып табылады. Резистенттілік мутация, ферменттің жоғары өндірілуі, дәрілік заттың эффлюкс механизмдері немесе метаболизмдік жолдардың қалыптасуы нәтижесінде дамуы мүмкін. C. albicans-тен басқа Candida түрлерімен суперинфекция туралы хабарламалар болды, олар көбінесе бастапқыда флуконазолға төмен сезімталдыққа ие (C. glabrata) немесе төзімді (мысалы, C. krusei, C. auris) болды. Мұндай инфекциялар зеңге қарсы баламалы емді талап етуі мүмкін. C. krusei сияқты флуконазолға табиғи резистенттілігі бар немесе C. auris сияқты жақында пайда болған Candida-ның кейбір түрлері үшін резистенттілік механизмдері толығымен айқын емес. EUCAST сезімталдығының шекаралық мәндері Фармакокинетикалық /фармакодинамикалық (ФК/ФД) деректерді талдау, in vitro сезімталдық және клиникалық жауап негізінде, EUCASTAFST (Микроорганизмдердің бактерияға қарсы дәрілерге сезімталдығын анықтау жөніндегі еуропалық комитет – зеңдердің зеңге қарсы препараттарға сезімталдығын анықтау жөніндегі қосалқы комитет) Candidaтектес түрлер үшін флуконазолға сезімталдықтың шегін анықтады («EUCAST Fluconazole rational document құжаты (2020 ж.)» – редакция 3); Микроорганизмдердің бактерияға қарсы дәрілерге сезімталдығын анықтау жөніндегі еуропалық комитет, зеңге қарсы препараттар, ЕТК түсіндіру үшін шекаралық мәні бар кестелер, 10.0 редакция, 04.02.2020 ж. бастап жарамды). Шектік мәндер түрлерге қатысы жоқтар, олар көбінесе ФК/ФД деректері негізінде анықталды және нақты түрлер үшін ЕТК таралуына тәуелді емес және адамдарда инфекцияларды неғұрлым жиі тудыратын түрлермен байланыстылар деп бөлінді. Бұл шектік мәндер төменде кесте түрінде ұсынылған. Зеңге қарсы препараттар — Қоздырғыштың түріне байланысты болатын сезімталдық шектері (С</Р>) мг/л — Түрге байланысты емес сезімталдық шектері А Ч</Р> мг/л Candida albicans — Candidadubliniensis — Candida glabrata — Candida krusei — Candida parapsilosis — Candida tropicalis Флуконазол — 2/4 — 2/4 — 0,001*/16 — — — 2/4 — 2/4 — 2/4 С — сезімтал; Р — резистентті. А — қоздырғыштың түріне байланысты емес сезімталдық шектері, көбінесе ФК/ФД деректері негізінде анықталды және нақты түрлер үшін ЕТК таралуына тәуелді емес. Олар спецификалық шектік мәні жоқ организмге ғана қолдануға арналған. Сызық – сезімталдығына сынақ жүргізу ұсынылмайды, өйткені бұл түрі аталған дәрілік препаратпен емге көне бермейді. * — C. glabrata барлық штамдары «П» санатына жатады. C. glabrata қарсы 16 мг/л-ден астам ЕТК мәндерін резистенттілік мәндері ретінде түсіндіру керек. Сезімталдық санаты (≤0,001 мг/л) «П» штаммдарын «С» штаммдарына қате жатқызуды болдырмау үшін ғана ұсынылған. «П» — сезімтал, жоғары әсер: микроорганизм емдеудің сәтті болу ықтималдығы жоғары болған кезде « сезімтал, жоғары әсер» ретінде жіктеледі, өйткені заттың әсері оның дозалау режимін немесе оның инфекция орнындағы концентрациясын түзету нәтижесінде жоғарылайды.

Дозалау режимі Доза зеңдік инфекцияның сипаты мен ауырлығына негізделуі керек. Бірнеше реттік дозаларын қолдануды қажет ететін инфекциялардың түрлерін емдеуді, клиникалық көрсеткіштері немесе зертханалық көрсеткіштері, белсенді зең инфекциясының толық емделгенін көрсеткенше жалғастыру керек. Емдеу кезеңінің жеткіліксіздігі белсенді инфекцияның қайталануына алып келуі мүмкін. Ересектерде қолдану Криптококкоз: • Криптококтық менингитті емдеу: қанықтырғыш дозасы алғашқы күні 400 мг, келесі дозасы – 6-дан 8 аптаға дейін тәулігіне бір рет 200 - 400 мг құрайды. Өмірге қауіп төндіретін инфекцияларды емдеген жағдайда тәуліктік дозасын 800 мг дейін арттыруға болады. • Қайталанулар қаупі жоғары пациенттердегі криптококтық менингиттің қайталануларын болдырмауға арналған демеуші ем: емдеуші дәрігер белгілеп берген уақыт бойына тәулігіне бір рет 200 мг. Кокцидиоидомикоз: пациенттің жеке ерекшеліктеріне байланысты 11 - 24 ай немесе одан да ұзағырақ уақыт бойы тәулігіне бір рет 200 - 400 мг. Кейбір, әсіресе ми қабықтарының зақымдануымен жүретін инфекциялар үшін тәулігіне 800 мг доза қарастырылуы мүмкін. Инвазиялық кандидоз: қанықтырғыш дозасы алғашқы күні 800 мг, келесі дозасы – тәулігіне бір рет 400 мг құрайды. Кандидемияны емдеу ұзақтығына байланысты жалпы ұсыным - пациент қанында кандидемияның бар екендігіне алғашқы теріс нәтиже алынғаннан және кандидемия белгілері мен симптомдары толық жойылғаннан кейін 2 апта. Шырышты қабықтың кандидозын емдеу: • Орофарингеальді кандидоз: қанықтырғыш дозасы алғашқы күні 200 - 400 мг, келесі дозасы - 7 – 21 күн бойы тәулігіне бір рет 100 - 200 мг (орофарингеальді кандидоздың ремиссиясына жеткенше) . Иммундық жүйе функциясының ауыр бұзылуы бар пациенттерде ұзағырақ емдеу кезеңін қолдануға болады. • Өңеш кандидозы: қанықтырғыш дозасы алғашқы күні 200 – 400 мг, келесі дозасы - 14 - 30 күн бойы тәулігіне бір рет 100 - 200 мг (өңеш кандидозының ремиссиясына жеткенше). Иммундық жүйе функциясының ауыр бұзылуы бар пациенттерде ұзағырақ емдеу кезеңін қолдануға болады. • Кандидурия: 7 - 21 күн бойы тәулігіне бір рет 200 - 400 мг. Иммундық жүйе функциясының ауыр бұзылуы бар пациенттерде ұзағырақ емдеу кезеңін қолдануға болады. • Созылмалы атрофиялық кандидоз: 14 күн бойы тәулігіне бір рет 50 мг. • Тері - шырышты қабықтың созылмалы кандидозы: 28 күнге дейін тәулігіне бір рет 50-ден 100 мг дейін. Инфекцияның ауырлық дәрежесіне немесе иммундық функцияның қатарлас бұзылуы мен инфекцияның болуына байланысты емдеу кезеңі ұзағырақ болуы мүмкін. Қайталану қаупі жоғары, АИТВ инфекциясы бар пациенттерде шырышты қабық кандидозы қайталануларының профилактикасы • Орофарингеальді кандидоз: созылмалы иммуносупрессиясы бар пациенттерде емдеуші дәрігер белгілеп берген уақыт бойына тәулігіне бір рет 100 - 200 мг немесе аптасына 3 рет 200 мг. • Өңеш кандидозы: созылмалы иммуносупрессиясы бар пациенттерде емдеуші дәрігер белгілеп берген уақыт бойына тәулігіне бір рет 100 - 200 мг немесе аптасына 3 рет 200 мг. Нейтропениясы бар пациенттердегі кандидоздық инфекциялардың профилактикасы: тәулігіне бір рет 200 - 400 мг. Емдеуді нейтропенияның туындауы күтілген күнге дейін бірнеше күн бұрын бастау және нейтрофилдер саны 1000 мм3 жасушадан асқаннан кейін 7 күн бойы жалғастыру керек. Пациенттердің ерекше топтары Балалар Балалардағы ең жоғары доза тәулігіне 400 мг аспауы тиіс. Ересектердегі осындай инфекциялар кезіндегі сияқты, емдеу ұзақтығы клиникалық және микологиялық жауапқа негізделуі тиіс. Дифлюкан® балаларға бір реттік тәуліктік доза түрінде тағайындалады. Бүйрек функциясының бұзылуы бар балалар жасындағы пациенттерге арналған дозалары ересектердікіне сай келеді және төменде «Бүйрек функциясының бұзылуы бар пациенттерде қолданылуы» бөлімінде көрсетілген. Бүйрек функциясының бұзылуы бар балаларда флуконазолдың фармакокинетикасы зерттелмеген (көбінесе бүйректің жетілмегендігі жиі анықталатын «мерзімі жетіп туған нәрестелер» туралы ақпаратты төменде қараңыз). 28 күндіктен 11 жасқа дейінгі сәбилер мен балалар - Шырышты қабықтардың кандидозы: бастапқы дозасы 6 мг/кг, келесі дозалары тәулігіне бір рет 3 мг/кг-ден. Препараттың тепе-теңдік концентрациясына жылдамырақ жету үшін алғашқы күні бастапқы дозасын қолдануға болады. - Инвазиялық кандидоз және криптококктық менингит: тәулігіне бір рет 6-дан 12 мг/кг дейінгі доза. Ұзақтығы аурудың ауырлық дәрежесіне байланысты. - Қайталану қаупі жоғары балалардағы криптококктық менингиттің қайталануларының алдын алу мақсатындағы демеуші ем: тәулігіне бір рет 6 мг/кг доза. Ұзақтығы аурудың ауырлық дәрежесіне байланысты. - Иммунитеті әлсіз пациенттердегі Candida тектес зеңдерден туындаған инфекциялардың профилактикасы: тәулігіне бір рет 3-тен 12 мг/кг дейінгі доза. Ұзақтығы индукцияланған нейтропенияның дәрежесі мен айқындығына байланысты (ересек пациенттерге арналған дозалануын қараңыз). Жасөспірімдер (12-ден 17 жасқа дейін) Пациенттің дене салмағы мен жыныстық жетілуіне байланысты, дәрігер қандай дозалау режимі (ересектер немесе балалар үшін) қолайлырақ болып табылатындығын бағалауы керек. Клиникалық деректер балаларда флуконазолдың клиренсі ересектердікіне қарағанда жоғарырақ екенін көрсетеді. Ересектердегі 100, 200 және 400 мг дозалары салыстырмалы жүйелі экспозициясы алынған балалардағы 3, 6 және 12 мг/кг дозаларына сәйкес келеді. Мерзімі жетіп туған нәрестелер (0 күннен 27 күнге дейінгі) Жаңа туған нәрестелерде флуконазол баяу шығарылады. Мерзімі жетіп туған нәрестелерге арналған дозалар бойынша фармакокинетикалық деректер өте аз. - Мерзімі жетіп туған нәрестелер (0 күннен 14 күнге дейінгі): әр 72 сағат сайын сәбилер үшін де, мектепке дейінгі жастағы және мектеп жасындағы балалар үшін де мг/кг бірдей доза қолданылады. Әр 72 сағат сайын 12 мг/кг құрайтын ең жоғары дозасынан асырмау керек. - Мерзімі жетіп туған нәрестелер (15 күннен 27 күнге дейінгі): әр 48 сағат сайын сәбилер үшін де, мектепке дейінгі жастағы және мектеп жасындағы балалар үшін де мг/кг бірдей доза қолданылады. Әр 48 сағат сайын 12 мг/кг құрайтын ең жоғары дозасынан асырмау керек. Егде жастағы пациенттер Дозасын бүйрек функциясының жағдайына қарай түзету керек («Бүйрек функциясы бұзылған пациенттер» бөлімін қараңыз) Бүйрек функциясы бұзылған пациенттер Дифлюкан® өзгермеген әсер етуші зат түрінде негізінен несеппен бірге шығады. Бір рет қабылдағанда дозасын өзгерту қажет емес. Бүйрек функциясының бұзылуы бар пациенттерге (балаларды қоса) препаратты бірнеше рет қолданғанда осы көрсетілім үшін ұсынылған тәуліктік дозаға байланысты 50 мг-ден 400 мг дейінгі бастапқы дозасын енгізу керек, содан кейін бастапқы жүктемелік дозасынан соң қабылданатын тәуліктік дозасын (көрсетіліміне байланысты) келесі кестеге сәйкес белгілейді: Креатинин клиренсі (мл/мин) — Ұсынылатын дозаның пайызы >50 ≤50 (гемодиализсіз) Гемодиализ — 100 % 50 % Әрбір гемодиализден кейін 100% Гемодиализде жүрген пациенттер әр гемодиализден соң ұсынылған дозасының 100 %-ын қабылдауы керек; диализ жоқ күндері пациенттер өздерінің креатинин клиренсіне сәйкес азайтылған дозаны қабылдауы тиіс. Бауыр функциясы бұзылған пациенттер Дифлюкан® препаратын бауыр функциясы бұзылған пациенттерде қолдану жөніндегі деректер шектеулі, сондықтан мұндай пациенттерде бұл препаратты сақтықпен қолдану керек. Қолдану тәсілі Дифлюкан® вена ішіне инфузия (инфузияға арналған ерітінді) жолымен енгізуге арналған. Вена ішіне енгізуден пероральді тәсілмен қабылдауға ауысқан кезде немесе керісінше болса, тәуліктік дозаны өзгертудің қажеті жоқ. Дәрігер жасқа, дене салмағына және дозаға сәйкес ең лайықты дәрілік түрді және дозаны тағайындауы тиіс. Препараттың венаішілік инфузиясын енгізу жылдамдығы 10 мл/мин аспауы тиіс. Дифлюкан® препараты инфузияға арналған ерітінді түрінде шығарылады, онда әсер етуші зат натрий хлоридінің 9 мг/мл (0,9 %) ерітіндісінде ерітілген; 200 мг препараты бар әр құтыда (көлемі 100 мл) 15 ммольден Na+ және C1- иондары бар. Дифлюкан® препараты сұйылтылған тұзды ерітінді түрінде қолжетімді болғандықтан, натрий немесе сұйықтық тұтынылуын шектеу қажет пациенттер үшін сұйықтықты енгізу жылдамдығын есепке алу қажет. Дәрілік препаратты енгізгенге дейін қалпына келтіру жөніндегі нұсқаулық қосымша парақтың соңында медицина қызметкерлері үшін тиісті бөлімде берілген.

• әсер етуші затқа, флуконазолға құрылымы ұқсас азол заттарына немесе «Дәрілік препараттың құрамы» бөлімінде атап көрсетілген қосымша заттардың кез келгеніне аса жоғары сезімталдық • Дифлюкан® тәулігіне 400 мг және одан жоғары тәуліктік дозада бірнеше рет қолдану кезінде бір мезгілде терфенадинді қабылдау, препаратты бірнеше рет қолдану кезіндегі дәрілер арасындағы өзара әрекеттесуді зерттеу нәтижелеріне сәйкес • QT аралығын ұзартатын және Р - 450 CYP3A4 цитохромы арқылы метаболизденетін цизаприд, астемизол, эритромицин, пимозид, хинидин сияқты дәрілік препараттарды бір мезгілде қабылдау

Қауіпсіздік бейінінің түйіндемесі Флуконазолмен емдеуге байланысты эозинофилиямен және жүйелі симптомдармен (DRESS-синдром) дәрілік реакция жағдайлары туралы хабарланды («Қолдану кезінде қажетті сақтандыру шаралары» бөлімін қараңыз). Тіркелген жағымсыз реакциялардың ішіндегі ең жиілеріне (≥1/100 <1/10 дейін) бас ауыруы, іштің ауыруы, диарея, жүрек айну, құсу, аланинаминотрансфераза (АЛТ) белсенділігінің жоғарылауы, аспартатаминотрансфераза (АСТ) белсенділігінің жоғарылауы, қандағы сілтілі фосфатаза белсенділігінің жоғарылауы және бөртпе жатады. Жиі - бас ауыруы - іштің ауыруы, құсу, диарея, жүректің айнуы • АЛТ белсенділігінің жоғарылауы, AСT белсенділігінің жоғарылауы, қандағы сілтілі фосфатаза белсенділігінің жоғарылауы • бөртпе Жиі емес - анемия - тәбеттің төмендеуі • ұйқышылдық, ұйқысыздық • құрысулар, парестезия (ұю, шаншу сезімдері, «шымырлау» сияқты терінің сезімталдығының бұзылуы) бас айналу, дәм сезудің өзгеруі • бас айналу • іш қату, диспепсия, метеоризм, ауыздың құрғауы • холестаз, сарғаю, билирубин деңгейінің жоғарылауы • дәрілік бөртпе*, есекжем, қышыну, қатты терлеу • миалгия • қатты қажу, дімкәстану, астения, қызба Сирек • агранулоцитоз, лейкопения, тромбоцитопения, нейтропения • анафилаксия • гиперхолестеринемия, гипертриглицеридемия, гипокалиемия • тремор • «пируэт» типті полиморфты қарыншалық тахикардия (torsades de pointes), QT аралығының ұзаруы • бауыр функциясының жеткіліксіздігі, гепатоцеллюлярлық некроз, гепатит, гепатоцеллюлярлық зақымдану • уытты эпидермалық некролиз, Стивенс - Джонсон синдромы, жедел жайылған экзантематозды пустулез, эксфолиативті дерматит, ангионевроздық ісіну, беттің ісінуі, алопеция (шаштың түсуі) Белгісіз - эозинофилиямен және жүйелі симптомдармен дәрілік реакция (DRESS) * Тұрақты дәрілік эритеманы қоса Бала жасындағы пациенттер Бала жасындағы пациенттерде клиникалық зерттеулер кезінде анықталған жағымсыз реакциялардың сипаты мен жиілігі, сондай-ақ зертханалық көрсеткіштердің қалыптан ауытқулары ересек пациенттердегі осындайлармен салыстырмалы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Бастың шашты бөлігінің дерматофитиясы Флуконазолдың балалардағы бастың шашты бөлігінің дерматофитиясын емдеуде қолданылуын зерттеулерде, оның тиімділігі жағынан гризеофульвиннен асып түспейтіндігін көрсетті: емдеудің жалпы сәттілігі 20 %-дан азды құрады. Сондықтан да Дифлюкан® препаратын бастың шашты бөлігінің дерматофитиясын емдеу үшін қолдануға болмайды. Криптококкоз Дифлюкан® препаратының басқа аумақтардағы криптококкозды (мысалы, өкпе және тері криптококкозын) емдеудегі тиімділігі туралы расталған деректер жеткіліксіз, сондықтан препаратты дозалау жөніндегі нұсқаулар беру мүмкін емес. Терең эндемиялық микоздар Дифлюкан® препаратының паракокцидиоидомикоз, тері-лимфа споротрихозы және гистоплазмоз сияқты эндемиялық микоздардың басқа түрлерін емдеудегі тиімділігі туралы дәлелденген деректер шектеулі, сондықтан препаратты дозалау жөнінде нұсқаулар беруге мүмкіндік жоқ. Бүйрек функциясының бұзылуы Дифлюкан® препаратын бүйрек функциясының бұзылуы бар пациенттерге сақтықпен қолдану керек. Бүйрекүстібезі функциясының жеткіліксіздігі Кетоконазолдың бүйрекүстібезі функциясының жеткіліксіздігін туындататыны белгілі және бұл сирек жағдайларда флуконазолды қолданған кезде байқалуы мүмкін. Преднизонмен бір мезгілде емдеген кездегі бүйрекүстібезі қыртысының жеткіліксіздігіне қатысты ақпаратты «Басқа дәрілік препараттармен өзара әрекеттесуі» бөлімінен қараңыз. Бауыр және өт шығару жолдары функциясының бұзылуы Дифлюкан® препаратын бауыр функциясының бұзылуы бар пациенттерде сақтықпен қолдану керек. Сирек жағдайларда флуконазолды қолдану күрделі негізгі аурулары бар пациенттерде ауыр, соның ішінде өлімге соқтыратын гепатоуыттылықпен қатар жүреді. Флуконазолмен байланысты гепатоуыттылық жағдайларында жалпы тәуліктік дозасымен, емдеу ұзақтығымен, пациенттердің жынысымен немесе жас шамасымен қандай-да бір айқын өзара байланысы байқалған жоқ. Флуконазолдың гепатоуыттылығы әдетте қайтымды сипатта болды және емдеуді тоқтатқаннан кейін басылып отырды. Бауыр функциясының зертханалық көрсеткіштерінің ауытқулары бар пациенттер флуконазолмен емдеу кезінде бауырдың аса ауыр зақымданулары дамуының алдын алу мақсатында тұрақты қадағалауда болуы тиіс. Емдеуші дәрігер пациенттерді бауыр үшін ауыр салдарлардың симптомдары (астения, анорексия, тұрақты түрде жүрек айну, құсу және сарғаю) туралы хабардар етуі тиіс. Флуконазолды қабылдауды дереу тоқтату, ал пациент дәрігерге қаралуы керек. Жүрек-қантамыр жүйесі Кейбір азолдарды, соның ішінде флуконазолды қолданғанда, электрокардиограммада QT аралығының ұзаруы орын алған. Флуконазол иондар ағымын түзеткіш калий өзекшелері (Ikr) арқылы тежеу жолымен QT аралығын ұзартады. Басқа дәрілік препараттардан (амиодарон сияқты) туындайтын QT аралығының ұзаруы, P-450 CYP3A4 цитохромы тежелуінен күшеюі мүмкін. Тіркеуден кейінгі бақылау барысында Дифлюкан® қабылдаған пациенттерде QT аралығының ұзаруы мен полиморфты қарыншалық тахикардияның (torsades de pointes) өте сирек жағдайлары тіркелген. Аталған жағдайлардың ішінен, осы жағдайға әсер етуі мүмкін жүректің құрылымдық аурулары, электролиттік бұзылулар және қатарлас препараттар сияқты көптеген қатарлас қауіп факторлары бар ауыр ауруға шалдыққан пациенттер туралы хабарламалар болды. Гипокалиемиясы және жүрек функциясының ауыр жеткіліксіздігі бар пациенттерде өмірге қауіп төндіретін қарыншалық аритмиялар мен полиморфты қарыншалық тахикардияның (torsades de pointes) туындау қаупі жоғары. Дифлюкан® препаратын осындай ықтимал проаритмиялық жағдайы бар пациенттерге сақтықпен тағайындау керек. QT аралығын ұзартатыны және P - 450 CYP3A4 цитохромының көмегімен метаболизденетіні белгілі басқа дәрілік препараттарды бір мезгілде қолдануға болмайды. Галофантрин Галофантрин ұсынылған емдік дозасында QTс аралығын ұзартады және CYP3A4 субстраты болып табылады. Сондықтан флуконазол мен галофантринді бір мезгілде қолдану ұсынылмайды. Тері реакциялары Сирек жағдайларда флуконазолмен емдеу кезінде пациенттерде Стивенс -Джонсон синдромы және уытты эпидермалық некролиз сияқты терінің эксфолиативті реакциялары дамыды. Эозинофилиямен және жүйелі симптомдармен (DRESS-синдром) дәрілік реакция жағдайлары туралы хабарланды. ЖИТС-ке шалдыққан пациенттер көптеген дәрілік препараттарға терінің ауыр реакцияларының дамуына бейімірек келеді. Егер беткейлік зең инфекциясынан емделіп жүрген пациентте флуконазолдың әсеріне жатқызуға болатындай бөртпе пайда болса, аталған дәрілік препаратпен емдеуді тоқтату керек. Инвазиялық /жүйелі зең инфекциялары бар пациенттерде бөртпе туындаса, оларды мұқият қадағалау және буллездік зақымданулар немесе көп формалы эритема дамыған жағдайда, флуконазолды тоқтату керек. Аса жоғары сезімталдық Анафилаксиялық реакцияның сирек жағдайлары тіркелді. P-450 цитохромы Флуконазол CYP2C9 изоферментінің және CYP3A4 изоферментінің орташа тежегіші, сондай-ақ CYP2C19 изоферментінің күшті тежегіші болып табылады. Дифлюкан® препаратын емдік ауқымы тар, CYP2C9, CYP2C19 және CYP3A4 изоферменттері арқылы метаболизденетін дәрілік препараттармен бір мезгілде қабылдап жүрген пациенттерге қадағалау жүргізу керек. Терфенадин Тәулігіне 400 мг-ден аз дозадағы флуконазолды және терфенадинді бір мезгілде қолдану емдеуші дәрігердің мұқият қадағалауымен жүргізілуі тиіс. Кандидоз Зерттеулер C. albicans-тен басқа Candida түрлері туындатқан инфекциялардың таралуының көбейіп жатқанын көрсетті. Олар көбінесе табиғаты бойынша тұрақты (мысалы, C. krusei және C. auris) немесе флуконазолға төмен сезімталдықты көрсетеді (C. glabrata). Ондай инфекциялар емдеудің тиімсіздігіне байланысты зеңге қарсы баламалы емді талап етуі мүмкін. Сондықтан дәрігерлерге Сandida әртүрлі түрлерінің флуконазолға төзімділігінің таралуын ескеру ұсынылады. Қосымша заттар Бұл дәрілік препарат құрамында 25 мл-ге шаққанда 88,5 мг натрий бар, ол ересек адам үшін ДДҰ ұсынған ең жоғары тәуліктік 2 г натрий дозасының 4,4%-ына баламалы. Бұл препараттың ең жоғары тәуліктік дозасы ДДҰ ұсынған натрийдің ең жоғары тәуліктік дозасының 71%-ына баламалы. Дифлюкан® 2 мг/мл инфузияға арналған ерітіндіде натрий мөлшері жоғары. Ол тұз мөлшері аз диетаны ұстанатын пациенттерге тағайындалған кезде осыны ескерген жөн. Арнайы сақтандырулар Педиатрияда қолдану Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Пациенттерге Дифлюкан® қабылдаған кезде бас айналу немесе құрысулар болуы мүмкін екендігі туралы ескерту керек және осы симптомдардың кез келгені пайда болған кезде көлік жүргізбеуге немесе механизмдермен жұмыс жасамауға кеңес беру керек.

• Егер Сіз жүкті болсаңыз немесе бала емізіп жүрсеңіз, жүкті болуым мүмкін деп ойласаңыз, немесе жүктілікті жоспарлап жүрсеңіз, бұл дәрілік препаратты қолданар алдында өзіңіздің емдеуші дәрігеріңізбен немесе фармацевтпен кеңесіңіз. • Егер Сіз жүкті болуды жоспарласаңыз, флуконазолды бір рет қабылдаған күннен бастап жүктілік басталғанға дейін бір апта күту ұсынылады. • Флуконазолмен ұзағырақ емдеу курстары кезінде дәрігермен емдеу кезінде және соңғы дозаны қабылдағаннан кейін бір апта бойы контрацепцияның қолайлы әдістерін қолдану қажеттілігі туралы кеңесу керек. • Егер Сіз жүкті болсаңыз, өзіңізді жүктімін деп ойласаңыз немесе дәрігер тағайындаған жағдайларды қоспағанда, жүктілікті жоспарласаңыз, Дифлюкан® препаратын қабылдауға болмайды. Егер Сіз осы препаратты қолдану кезінде немесе оның соңғы дозасын қабылдағаннан кейін 1 апта ішінде жүкті болып қалсаңыз, дәрігерге қаралыңыз. • Жүктіліктің бірінші немесе екінші триместрінде қабылданатын флуконазол түсік тастау қаупін арттыруы мүмкін. Бірінші триместрде қабылданатын флуконазол жүректі, сүйекті және/немесе бұлшықетті зақымдайтын даму ақаулары бар баланың туылу қаупін арттыруы мүмкін. • Кокцидиоидомикозды емдеу үшін үш ай және одан көп ай бойы флуконазолды жоғары дозаларда (тәулігіне 400-800 мг) қабылдаған әйелдерде балалардың бассүйек, құлақ, ортанжілік және шынтақжіліктің туа біткен даму ақауларымен туылғандығы туралы хабарланды. Флуконазол қабылдау мен осы жағдайлардың арасындағы байланыс белгісіз. • Дифлюкан® препаратының 150 мг бір дозасын қабылдағаннан кейін бала емізуді жалғастыруға болады. • Дифлюкан® препаратының бірнеше дозасын қабылдаған кезде бала емізбеу керек. • Дифлюкан® препаратының құрамында натрий (тұз) бар • Дифлюкан® препаратының құрамында 25 мл-ге шаққанда 88,5 мг натрий (ас тұзының негізгі компоненті) бар. Бұл ересек адам үшін натрийді тамақпен қабылдаудың ұсынылатын ең жоғары тәуліктік мөлшерінің 4,4%-ына баламалы. Егер Сізге Дифлюкан® препаратын күн сайын ұзақ уақыт бойы қабылдау қажет болса, әсіресе Сізге тұз мөлшері аз диетаны ұстану ұсынылса, фармацевтіңізбен немесе дәрігеріңізбен кеңесіңіз.

• Егер Сіз кез келген басқа препараттарды қабылдап жүрсеңіз, аз уақыт бұрын қабылдаған болсаңыз немесе қабылдауды жоспарлап жүрсеңіз, ол туралы дәрігерге немесе фармацевтке айтыңыз. Егер Сіз астемизол, терфенадин (аллергияны емдеуге арналған антигистаминдік препараттар), цизаприд (асқазан бұзылыстарын емдеуге арналған препарат), пимозид (психикалық ауруларды емдеуге арналған препарат), хинидин (жүрек аритмиясын емдеуге арналған препарат) немесе эритромицин (инфекцияларды емдеуге арналған антибиотик) қабылдап жүрсеңіз, емдеуші дәрігеріңізге дереу хабарлаңыз, өйткені оларды Дифлюкан® препаратымен бірге қолдануға болмайды. Кейбір дәрілік препараттар Дифлюкан® препаратымен өзара әрекеттесуі мүмкін. Сіз келесі дәрілік препаратты қабылдап жүрсеңіз, дәрігеріңіз бұл туралы білетініне көз жеткізіңіз, өйткені дәрі-дәрмектердің әлі де қажетті әсері бар екендігіне көз жеткізу үшін дозаны түзету немесе мониторинг жүргізу қажет болуы мүмкін: • рифампицин немесе рифабутин (инфекцияны емдеуге арналған антибиотиктер) • аброцитиниб (атопиялық экзема ретінде де белгілі атопиялық дерматитті емдеу үшін қолданылады) • альфентанил, фентанил (анестетик ретінде қолданылады) • амитриптилин, нортриптилин (антидепрессант ретінде қолданылады) • амфотерицин В, вориконазол (зеңге қарсы препараттар) • тромбтардың түзілуін болдырмау үшін қанды сұйылтатын дәрілік препараттар (варфарин немесе сол сияқты дәрілік препараттар) • ұйқысыздықты немесе алаңдаушылықты емдеуге арналған бензодиазепиндер (мидазолам, триазолам немесе ұқсас препараттар) • карбамазепин, фенитоин (эпилепсиялық ұстамаларды емдеуге арналған препараттар) • нифедипин, исрадипин, амлодипин, верапамил, фелодипин және лозартан (артериялық гипертензияны – артериялық қысымның жоғарылауын емдеуге арналған препараттар) • олапариб (аналық бездердің обырын емдеуге арналған препарат) • циклоспорин, эверолимус, сиролимус немесе такролимус (трансплантаттың ажырауын болдырмауға арналған препараттар) • қатерлі жаңа түзілімдерді емдеуге қолданылатын циклофосфамид, қабыршөп алкалоидтары (винкристин, винбластин немесе соған ұқсас препараттар) • галофантрин (безгекті емдеуге арналған препарат) • холестериннің жоғары деңгейін төмендетуге қолданылатын статиндер (аторвастатин, симвастатин және флувастатин немесе соған ұқсас препараттар) • метадон (ауырғанды басатын препарат) • целекоксиб, флурбипрофен, напроксен, ибупрофен, лорноксикам, мелоксикам, диклофенак (қабынуға қарсы стероидты емес дәрілер (ҚҚСД)) • пероральді контрацептивтер • преднизолон (стероид) • зидовудин, AZT деп те аталады, саквинавир (АИТВ-инфекцияланған пациенттерді емдеуге арналған препараттар) • хлорпропамид, глибенкламид, глипизид немесе толбутамид сияқты диабетті емдеуге арналған дәрілік препараттар • теофиллин (демікпені бақылауға арналған препарат) • тофацитиниб (ревматоидты артритті емдеуге арналған препарат) • толваптан (гипонатриемияны емдеуге арналған (қандағы натрийдің төмен деңгейі) немесе бүйрек функциясының төмендеуін бәсеңдетуге арналған препарат) • А дәрумені (биологиялық белсенді қоспа) • ивакафтор (муковисцидозды емдеуге арналған монотерапия түрінде немесе басқа препараттармен біріктіріп қолданылатын препарат) • амиодарон («аритмия» деп аталатын жүрек қағысының ырғақсыздығын емдеуге арналған препарат) • гидрохлоротиазид (несеп айдайтын дәрілік зат) • ибрутиниб (қан обырын емдеуге арналған препарат) • луразидон (шизофренияны емдеуге арналған препарат).

Сақтау мерзімі 5 жыл. Жарамдылық мерзімі өткеннен кейін қолдануға болмайды! Қаптаманы ашқаннан кейін препаратты дереу қолдану керек. Препараттың барлық пайдаланылмаған көлемін утилизациялау керек. Микробиологиялық тұрғыдан алғанда, сұйылтқаннан кейін дәрілік препаратты дереу қолдану керек. Егер ол дереу пайдаланылмаған болса, пайдалану сәтіне дейінгі сақталу уақыты мен шарттары үшін пайдаланушы жауап береді, сақтау мерзімі әдетте 2–8 °C температурада 24 сағаттан аспауы тиіс, егер препарат бақыланатын және қажетті талаптарға сәйкес келетін асептикалық жағдайларда сұйытылмаған болса. Сақтау шарттары 30 °С-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек! Дәрілік препаратты сұйылтқаннан кейін сақтау шарттарын «Сақтау мерзімі» бөлімінен қараңыз