Доктор Тайсс Эхинацея настойка

100 г тұндырманың құрамында белсенді зат – эхинацея тұндырмасы 33.30 г, қосымша заттар: этанол 96 %, тазартылған су. Сыртқы түрінің, иісінің, дәмінің сипаттамасы Хош иісті және өзіне тән күйдіретін дәмі бар, мөлдір, сары-жасыл түсті сұйықтық.

Организмнің қорғаныш күшін белсендіру және инфекциялық аурулардың профилактикасы үшін қолданады.

АТX коды L03АХ Иммунитет стимуляциялайтын және қабынуға қарсы әсер көрсететін өсімдік текті препарат. Лейкоциттер санын ұлғайта және гранулоциттердің фагоцитоздық белсенділігін арттыра отырып, көбіне жасушалық иммунитетті белсендіреді.

Дозалау режимі Ересектер: Профилактика үшін 20-30 тамшыдан күніне 3 рет. Жедел инфекция жағдайында бір рет 50 тамшы, содан соң 10-20 тамшыдан сағат сайын қабылдайды. Енгізу әдісі мен жолы Емдеуді суықтың алғашқы белгісінен бастауға болады. Пайдаланар алдында дәрілік препаратты сілку керек. Ішке. Тамшыларды жұтпай, ауызда бірнеше секунд ұстау керек. Егер симптомдар дәрілік затты қолдану аясында 10 күннен ұзақ сақталатын болса, дәрігерге қаралу керек.

- белсенді затқа немесе Compositae күрделі гүлділер тұқымдасына жататын өсімдіктерге және препараттың қосымша заттарына аса жоғары сезімталдық - 18 жасқа дейінгі балалар мен жасөспірімдер - эпилепсиямен зардап шегетін адамдар - жүктілік және лактация кезеңі - бауыр аурулары бар пациенттер - алкоголизммен зардап шегетін адамдар

• аллергиялық реакциялар: беттің гиперемиясы, беттің ісінуі, ентігу • бас айналуы • артериялық қысымның төмендеуі Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты қалай қолдану керектігін түсіндіру үшін медициналық маманнан кеңес алу ұсыныстары

Қатысты емес. Арнайы ескертулер Бұлыңғырлануы және шөгуі препараттың сапасы мен тиімділігіне әсер етпейді. Тұндырманы қолданар алдында шайқау керек. Прогрессивті жүйелік бұзылулар, аутоиммундық аурулар, иммун тапшылығы, иммуносупрессия және лейкоцитарлық жүйенің аурулары болған кезде қолдану ұсынылмайды. Дәрілік затты қолдану кезінде симптомдар нашарласа немесе жоғары температура көтерілсе, дәрігермен немесе білікті фармацевтпен кеңесу керек. Сезімтал адамдарда аллергиялық реакциялардың пайда болу қаупі бар. Мұндай пациенттер эхинацеяны қолданар алдында дәрігерден кеңес алу керек. Атопиясы бар пациенттерде анафилаксиялық реакциялар пайда болуы мүмкін. Атопиялық пациенттер эхинацеяны қолданар алдында өз дәрігеріңізден кеңес алу керек. Бұл дәрілік препарат құрамында әр мл-де 395 мг спирт бар (этанол), бұл 422 мг/г-ға тең. Дәрілік препараттың 50 тамшысында спирт мөлшері 23 мл сыра мен 9 мл шарапқа тең. Осы препарат құрамындағы спиртің мөлшері ересектер мен жасөспірімдерге әсер етуі екіталай, ал оның балаларға тигізетін әсері екіталай. Препарат кішкентай балаларда кейбір әсерлерді тудыруы мүмкін, мысалы, ұйқышылдық сезімі. Дәрілік препараттағы спирт басқа дәрілік препараттардың әсер етуін өзгерте алады. Егер сіз басқа дәрілік препараттарды қабылдайтын болсаңыз, дәрігермен немесе фармацевтпен кеңесуіңіз керек. Бұл дәрілік препаратты қабылдауға дейін сіз жүкті болсаңыз немесе бала емізетін болсаңыз, дәрігеріңізбен немесе фармацевтіңізбен кеңесуіңіз керек. Егер алкогольге тәуелді болсаңыз, осы препаратты қабылдауға дейін дәрігеріңізбен немесе фармацевтіңізбен кеңесуіңіз керек. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттардың автокөлікті басқару және механизмдермен жұмыс істеу қабілетіне әсер етуіне зерттеу жүргізілген. Препарат автокөлікті басқару және механизмдермен жұмыс істеу қабілетіне елеусіз ғана әсер етеді.

Әйелдерге жүктілік уақытында және лактация кезеңінде тағайындау ұсынылмайды, өйткені бұл жағдайлардағы препарат қауіпсіздігі зерттелмеген.

Дәрілермен өзара әрекеттесуіне зерттеулер жүргізілмеген.

Сақтау мерзімі 3 жыл Қаптама алғаш ашылғаннан кейін - 6 аптадан аспауы керек. Жарамдылық мерзімі өткеннен кейін қолдануға болмайды. Сақтау шарттары 250С-ден аспайтын температурада сақтау керек. Балалардың қолы жетпейтін жерде сақтау керек!