Доларен гель

1 грамм гельдің құрамында белсенді заттар: диэтиламин диклофенагы (натрий диклофенагына баламалы) 10 мг, ментол 50 мг, метилсалицилат 100 мг қосымша заттар: зығыр майы, бензил спирті, карбопол-940, диэтиламин, пропиленгликоль, динатрий эдетаты, натрий метилпарагидроксибензоаты, натрий бисульфиті, бутилгидрокситолуол, бутилгидроксианизол, гидроксипропилметилцеллюлоза К-15, тазартылған су. Сыртқы түрінің иісінің, дәмінің сипаттамасы Ақ түстен сарғыш-ақ түске дейін жұмсақ гель

- миозитте, фиброзитте - бұлшықеттер мен сіңірлердің созылуында, тірек-қимыл аппаратының жарақаттарында - ауыр дене жүктемелері кезінде бұлшықеттер мен буындардың ауыруында - жұмсақ тіндердің ревматизмдік зақымдануларында (бурсит, артрит, тендосиновит, тендинит).

Жергілікті қолданылғанда Доларен гелі ауыруды басатын, қабынуға қарсы және ісінуге қарсы әсер береді. Буындардың ауыруы мен қабынуын басады, таңертеңгі сіресуді және буындардың ісіңкілігін азайтады, буындардағы қимыл-қозғалыс көлемінің артуына ықпал етеді. Диклофенак ҚҚСП (қабынуға қарсы стероидты емес препараттар) тобына жатады, циклооксигеназаны тежейді, қызба, қабыну мен ауыру генезінде маңызды рөл атқаратын эндогендік заттар - простагландиндер биосинтезін бәсеңдетеді. Диклофенак ауыруды басады, қабынуды жояды. Ментол суықты сезіну рецепторларын тітіркендіреді. Бұл оны жаққан жердегі капиллярлардың тарылуымен және өткізгіштігінің азаюымен, салқындау сезімімен қатар жүреді. Жергілікті алаңдатқыш және ауыруды басатын айқындығы орташа әсер береді, ментолдың сіңірілуі елеусіз. Ментол бауырда метаболизденеді және глюконидтер түрінде бүйрекпен және өтпен шығарылады. Метилсалицилат салицил қышқылының туындысы болып табылады және жергілікті тітіркендіргіш әсерге ие. Тері рецепторларының тітіркенуін туғыза отырып, метилсалицилат ауырсыну сезімдерінің азаюына алып келеді. Бұдан өзге, метилсалицилат простагландидер синтезін тежейді, бұл қабынған тіндердің ісінуі мен инфильтрациясын азайтады.

Дозалау режимі Гель зақымдалған аймақтың терісіне тәулігіне 3-4 рет 2-4 г жұқа қабатпен жағылады және толық сіңгенше аздап ысқыланады. Орташа тәуліктік доза 10 г құрайды. Негізгі клиникалық симптомдардың айқындылығының төмендеуі немесе жоғалуы әдетте ем басталғаннан бастап алғашқы күндері байқалады. Емдеу ұзақтығы Емдеу курсы дәрігердің кеңесінсіз 10 күннен аспауы тиіс. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Препаратты қолданар алдында қосымша-парақты мұқият оқып шығыңыз. Егер сізде қосымша сұрақтар туындаған жағдайда өзіңіздің емдеуші дәрігеріңізге хабарласыңыз.

- белсенді заттардың біріне немесе қосымша заттардың кез келгеніне аса жоғары сезімталдық - ацетилсалицил қышқылын немесе басқа да стероидты емес қабынуға қарсы препараттарды қолданған кезде бронх демікпесі ұстамаларының, есекжемнің немесе жедел риниттердің туындауына бейімділік - асқазанның және/немесе он екі елі ішектің өршу сатысындағы пептидтік ойық жарасы - эпидермис зақымдануы, қолданылатын аумақтағы ашық жаралар - жүктілік және бала емізу кезеңі - 12 жасқа дейінгі балаларға

Жиі - бөртпе, экзема, эритема, дерматит (жанаспалы дерматитті қоса) Сирек - буллезді дерматит Өте сирек - пустулезді бөртпе - аса жоғары сезімталдық, ангионевроздық ісіну - демікпе - фотосенсибилизация (фотосенсибилизация туындау жиілігін төмендету үшін пациенттерді күн сәулесінің шамадан тыс әсерінен қорғау керек) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты жергілікті қолданған кезде артық дозалану ықтималдығы аз.

Бұрын қабынуға қарсы стероидты емес препараттарға жоғары сезімталдық байқалған, анамнезде асқазан мен он екі елі ішектің ойық жарасы, қан айналымының бұзылуы, бауыр немесе бүйрек функциясының бұзылуы бар пациенттерге Доларенді тағайындағанда сақ болу керек. Препарат құрамында терінің тітіркенуін тудыруы мүмкін пропиленгликоль бар. Препарат құрамында метилпарагидроксибензоат бар, ол аллергиялық реакцияларды тудыруы мүмкін (мүмкін кейінге қалдырылған). Арнайы ескертулер Гель тек сыртқы қолдануға арналған, препаратты зақымдалған теріге жағуға болмайды. Гельді ашық жараларға, мұрын мен көздің шырышты қабаттарына тигізбеу керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді

Нұсқаулықта көрсетілмеген.

Доларенді натрий диклофенагы таблеткаларын пероральді қабылдаумен бір мезгілде қолдануға болады. Ұзақ уақыт қолданғанда және/немесе ауқымды бөлікте препарат антикоагулянттардың, кортикостероидтардың, литий препараттарының әсерін күшейтуі, қандағы дигоксин концентрациясын арттыруы мүмкін. Доларен фуросемид пен тиазидті диуретиктердің әсерін әлсіретеді, сондай-ақ басқа қабынуға қарсы стероидты емес препараттардың көтерімділігін төмендетеді, олардың асқазан-ішек жолдарының шырышты қабығына зиянды әсерін күшейтеді.

Сақтау мерзімі 3 жыл Жарамдылық мерзімі өткеннен кейін қолдануға болмайды Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!