ДОПРОКИН таблетки 10 мг

Бір таблетканың құрамында белсенді зат - домперидон (домперидон малеаты түрінде) 10 мг. қосымша заттар: жүгері крахмалы, микрокристалды целлюлоза (Avicel PH 101), сусыз коллоидты кремнийдің қостотығы (Aerosil 200), повидон К25, натрий лаурилсульфаты, магний стеараты, тальк. Сыртқы түрінің, иісінің, дәмінің сипаттамасы Дөңгелек, екі жақ беті дөңес ақ таблеткалар.

• жүрек айнуы мен құсу симптомдарын жеңілдету.

АТХ бойынша коды: A03FA03. Домперидон құсуға қарсы әсері бар дофаминдік рецепторлардың антагонисі болып табылады. Дәрілік зат гематоэнцефалдық бөгеттен елеусіз дәрежеде өтеді. Домперидонды өте сирек жағдайларда, әсіресе ересектерде қолданғанда, экстрапирамидалық бұзылыстар пайда болады, бірақ дәрілік зат гипофизден пролактиннің босап шығуын стимуляциялайды. Домперидонның құсуға қарсы әсері area postrema аумағында орналасқан және гематоэнцефалдық бөгет жоқ хеморецепторлық триггер аумағының дофаминдік рецепторларына қатысты шеткері (гастрокинетикалық) әсерлер мен антагонизмнің үйлесуіне байланысты болуы мүмкін. Жануарларға жүргізілген зерттеулердің нәтижелері, сондай-ақ мидағы дәрілік заттың төмен концентрациясы домперидонның әсері оның дофаминдік рецепторларға шеткері әсерімен байланысты екенін көрсетеді. Адамға жүргізілген зерттеулерде пероральді қабылдаған кезде домперидон төменгі өңеш сфинктерінің тонусын жоғарылататыны, антродуоденальды моториканы жақсартатыны және асқазанның босатылуын тездететіні анықталды. Дәрілік зат асқазан секрециясына әсер етпейді. Домперидонның (тәулігіне 4 рет 10 мг немесе 20 мг, ең жоғары тәуліктік доза 80 мг) QT аралығының ұзақтығына әсері плацебо, белсенді салыстыру препараты және оң бақылауды пайдалану арқылы ICH-E1 нұсқаулығының (аритмияға қарсы дәрілерге жатпайтын дәрілік заттардың QT/QTc аралығының ұзаруын және аритмогендік әлеуетін клиникалық бағалау) талаптарына сәйкес жүргізілген, дені сау еріктілер қатысқан клиникалық зерттеуде бағаланды. Зерттеудің 4-ші күніндегі QTc аралықтарының арасындағы ең көп айырмашылық (мәндердің бастапқы деңгейден ауытқуын бағалау үшін ең кіші квадраттар әдісі пайдаланылды) домперидон (тәулігіне 4 рет 20 мг) және плацебо 3,4 мс (1,0-5,9 мс) құрады, екі жақты 90% сенімді аралығы 10 мс аспады. Бұл зерттеуде домперидонның QTc аралығының ұзақтығына клиникалық маңызды әсері 80 мг-ға дейін (ең жоғары ұсынылған дозадан 2 еседен артық) тәуліктік дозада қолданылған кезде анықталған жоқ. Дегенмен, домперидонмен (тәулігіне 4 рет 10 мг) жүргізілетін монотерапия кезінде дәрілік өзара әрекеттесулерге қатысты алдыңғы екі клиникалық зерттеуде QTc аралығының ұзаруы байқалды. Домперидон мен плацебо пайдаланылғанда QTcF аралықтары арасындағы ең жоғары орташа айырмашылық 5,4 мс (95% сенімді аралық: -1,7-12,4) және сәйкесінше 7,5 мс (95% сенімді аралық: 0,6-14,4) болды. 12 жастағы және одан кіші балаларда домперидонды қолданудың клиникалық зерттеулері Домперидонды қолдану қауіпсіздігі мен тиімділігі 6 айдан 12 жасқа дейінгі жедел гастроэнтеритпен ауыратын 292 балада (орташа жасы 7 жас) қатарлас топтармен көп орталықты рандомизацияланған салыстырмалы жасырын плацебо-бақыланатын проспективті клиникалық зерттеуде бағаланды. Пациенттер пероральді регидратациялық емге (ПРЕ) қосымша түрде, 7 күннен аспайтын мерзімде тәулігіне 3 рет домперидон суспензиясын (0,25 мг/кг, ең жоғары тәуліктік доза 30 мг) немесе плацебо қабылдады. Зерттеу нәтижелері дәрілік зат пен ПРЕ тиімділігі плацебо мен ПРЕ тиімділігінен аспағаны туралы куәландырады (емдеу басталғаннан кейінгі алғашқы 48 сағат ішінде құсу көріністері байқалмаған пациенттер санының пайыздық көрсеткішін бағалау кезінде (4.2 бөлімін қараңыз)).

Дозалау режимі Ересектер мен дене массасы 35 кг және одан жоғары 12 жастағы және одан асқан жасөспірімдер Допрокинді жүрек айнуы мен құсуды бақылау үшін қажет барынша қысқа уақыт аралығында ең аз тиімді дозада пайдалану керек. Дәрілік препаратты тамақ ішер алдында пероральді қабылдау ұсынылады. Тамақ ішкеннен кейін қабылдау препараттың сіңуін біршама баяулатады. Пациенттер әрбір дозаны белгіленген уақытта қабылдауға тырысуы керек. Жоспарланған дозаны өткізіп алған жағдайда, өткізіп алған дозаны қабылдамай, әдеттегі кесте бойынша қабылдауды қайта бастау керек. Өткізіп алған дозаның орнын толтыру үшін дозаны қосарлап қабылдауға болмайды. Бір 10 мг таблеткадан күніне үш ретке дейін, ең жоғары доза күніне 30 мг Бауыр функциясының бұзылуы Допрокинді бауырдың ауыр жеткіліксіздігі немесе орташа ауырлық дәрежесіндегі бауыр жеткіліксіздігі бар пациенттерге қолдануға болмайды; орташа ауырлық дәрежесіндегі бауыр жеткіліксіздігі бар пациенттерде препарат дозасын түзету қажет емес. Бүйрек функциясының бұзылуы Бүйректің ауыр жеткіліксіздігі бар пациенттерде домперидонның жартылай шығарылу кезеңі ұлғайғандықтан, бүйрек жеткіліксіздігі бар пациенттерде дәрілік затты көп рет пайдаланған кезде оның ауырлық дәрежесіне байланысты қабылдау жиілігі тәулігіне 1-2 реттен аспауы тиіс, сондай-ақ дәрілік заттың дозасын төмендету талап етілуі мүмкін. Енгізу әдісі мен жолы Ішке қабылдауға арналған Емдеу ұзақтығы Әдетте, препаратпен емдеудің барынша ұзақтығы бір аптадан аспауы керек. Дәрілік препараттың бір немесе бірнеше дозасын өткізіп алған кездегі қажетті шаралар Егер препаратты қабылдау өткізіп алынса, өткізіп алған таблетканы қабылдамай, белгіленген қабылдау режимін қалпына келтіру керек. Өткізіп алған қабылдаудың орнын толтыру үшін препараттың өткізіп алған дозасын еселемеу керек.

- белсенді затқа немесе препараттың кез келген компонентіне аса жоғары сезімталдық - асқазан-ішектен қан кету, механикалық бітелу немесе тесілу, бұл кезде асқазан моторикасын стимуляциялау қауіпті болуы мүмкін - гипофиздің пролактин-секрециялайтын ісіктері (пролактинома) - бауыр жеткіліксіздігінің ауыр және орташа дәрежесі - бүйрек жеткіліксіздігі - қазіргі уақытта немесе анамнезінде өткізгіштігі бұзылған пациенттер, атап айтқанда ЭКГ-да QT аралығының ұзаруы - электролиттік теңгерімнің айқын бұзылулары немесе жүректің елеулі аурулары бар пациенттер (мысалы, іркілісті жүрек жеткіліксіздігі) - QT аралығын ұзартатын дәрілік заттармен бірге қолдану - алынған деректер бойынша QT аралығының ұзаруын туындататын күшті әсер ететін CYP3A4 тежегіштерін біріктіріп қолдану - артериялық гипертензияның ауыр көріністерінің даму қаупіне байланысты расталған немесе болжамды феохромоцитома.

Төменде келтірілген жағымсыз әсерлер келесідей жіктелді: өте жиі (≥10%), жиі (≥1%, бірақ < 10%), жиі емес (≥ 0,1%, бірақ <1%), сирек (≥0,01%, бірақ <0,1%) және өте сирек (<0,01%), жекелеген жағдайларды қоса алғанда. Жағымсыз құбылыстар туралы өздігінен келіп түскен хабарламалардың деректері бойынша Өте жиі Жиі - ауыздың құрғауы Жиі емес - либидоның төмендеуі, үрей, ажитация, күйгелектік - бас айналу, ұйқышылдық, бас ауыруы, экстрапирамидалық бұзылыстар - диарея - тері бөртпесі, қышыну, есекжем - галакторея, сүт бездері аумағының ауыруы, сүт бездерінің жоғары сезімталдығы - астения Жиілігі белгісіз - анафилаксиялық шокты қоса, анафилаксиялық реакциялар - құрысулар, мазасыз аяқ синдромы (Паркинсон ауруы бар пациенттерде мазасыз аяқ синдромының өршуі) - окулогирлік криз - қарыншалық аритмия, QTc аралығының ұзаруы, "пируэт" типті қарыншалық тахикардия, кенеттен жүректен болатын өлім - ангионевроздық ісіну - несептің іркілу - гинекомастия, аменорея - функционалдық бауыр сынамаларының аномальді нәтижелері, қан плазмасындағы пролактин концентрациясының жоғарылауы Жағымсыз реакциялардың туындау жиілігі (ауыздың құрғауын қоспағанда) диабеттік гастропарез сияқты көрсетілімдерде домперидон анағұрлым жоғары дозаларда пайдаланылған 45 ұзақ мерзімді клиникалық зерттеуде айтарлықтай жоғары болды. Әсіресе қан плазмасындағы пролактин деңгейінің жоғарылауымен байланысты фармакологиялық болжамды жағымсыз реакциялардың жиілігі айтарлықтай өсті. Жоғарыда атап көрсетілген жағымсыз реакциялардан басқа: акатизия, сүт безінен бөліністер, сүт безі көлемінің ұлғаюы, сүт безінің ісінуі, депрессия, аса жоғары сезімталдық, лактацияның бұзылуы және жүйесіз етеккір де байқалған. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті "Дәрілік заттар мен медициналық бұйымдарды сараптау ұлттық орталығы" ШЖҚ РМК http://www.ndda.kz

Симптомдары Артық дозалану жағдайлары негізінен жаңа туған нәрестелер мен балаларда байқалды. Артық дозалану симптомдары қозуды, сананың бұзылуын, құрысуды, бағдардан адасуды, ұйқышылдықты және экстрапирамидалық бұзылыстарды қамтуы мүмкін. Емі Спецификалық антидот жоқ. Артық дозаланған жағдайда дереу тиісті симптоматикалық емдеу жүргізілуі керек. QT аралығы ұзақтығының ықтимал ұлғаюына байланысты пациенттерге ЭКГ-мониторингін жүргізу, сондай-ақ мұқият медициналық бақылау және демеуші ем жүргізу ұсынылады. Экстрапирамидалық бұзылыстарды емдеу үшін антихолинергиялық және паркинсон ауруына қарсы препараттарды пайдалану қажет. Препаратпен артық дозалануды емдеу бойынша өзекті ұсынымдар алу үшін өңірлік токсикологиялық орталыққа жүгіну ұсынылады.

Бүйрек жеткіліксіздігі Бүйректің ауыр жеткіліксіздігі бар пациенттерде домперидонның жартылай шығарылу кезеңі (қан сарысуындағы креатинин концентрациясы > 6 мг/100 мл, яғни 0,6 ммоль/л) артады, сондықтан бүйрек жеткіліксіздігі бар пациенттерде, оның ауырлығына байланысты, дәрілік затты көп рет қолданған кездегі қабылдау жиілігі тәулігіне 1-2 реттен аспауы тиіс, бұл ретте дәрілік заттың дозасын төмендету де талап етілуі мүмкін. Жүрек-қантамыр жүйесіне әсері Домперидонды қолданған кезде электрокардиограммада (ЭКГ) QT аралығының ұзақтығы артатыны анықталды. Маркетингтен кейінгі кезеңде домперидон қабылдаған пациенттерде QT аралығының ұзаруы және "пируэт" типті тахикардияның туындау жағдайлары өте сирек байқалды; бұл ретте мұндай пациенттерде қатарлас қауіп факторлары, электролиттік бұзылулар болған немесе олар жоғарыда аталған өзгерістердің дамуына ықпал етуі мүмкін ем алған. Эпидемиологиялық зерттеулерде домперидонмен жүргізілетін ем кезінде ауыр қарыншалық аритмиялардың немесе кенеттен жүректен болатын өлімнің туындау қаупінің жоғарылағаны анықталды. Бұл ретте 60 жастан асқан пациенттерде, домперидонның тәуліктік дозалары 30 мг-ден асатын пациенттерде және QT аралығының ұзақтығын арттыратын дәрілік препараттарды немесе CYP3A4 тежегіштерін бір мезгілде қабылдаған пациенттерде қауіп анағұрлым жоғары болды. Допрокинді ең аз тиімді дозада пайдалану керек. Допрокинді қолдану жүрек өткізгіштігінің бұзылуы, соның ішінде QTc аралығы ұзақтығының ұзаруы, электролиттік теңгерімнің бұзылуы (гипокалиемия, гиперкалиемия, гипомагниемия), брадикардия немесе іркілісті жүрек жеткіліксіздігі сияқты қатарлас жүретін жүрек аурулары бар пациенттерде қарсы көрсетілімді, бұл мұндай пациенттерде қарыншалық аритмиялардың туындау қаупінің жоғарылауына байланысты. Электролиттік теңгерімнің бұзылулары (гипокалиемия, гиперкалиемия, гипомагниемия) немесе брадикардия кезінде аритмиялардың туындау қаупі артатыны белгілі. Жүрек ырғағының бұзылуымен байланысты болуы мүмкін белгілер немесе симптомдар дамыған жағдайда, Допрокин препаратын қолдануды тоқтатып, дәрігермен кеңесу керек. Допрокинмен емдеу кезінде пациенттер дәрігерге жүрек тарапынан кез келген симптомдардың туындауы туралы дереу хабарлауы қажет. Апоморфинмен бір мезгілде қолдану Допрокинді QT аралығының ұзаруын арттыратын препараттармен, соның ішінде апоморфинмен бір мезгілде қолдануға болмайды. Допрокинді апоморфинмен біріктірілімде оларды бірге қолданудың пайдасы ықтимал қауіптерден асатын жағдайларда ғана және тиісті медициналық қолдану жөніндегі нұсқаулықта көрсетілген апоморфинді біріктіріп қолдану үшін ұсынылған сақтандыру шараларын қатаң сақтаған жағдайда ғана қолдануға болады (апоморфинге арналған медициналық қолдану жөніндегі нұсқаулықты қараңыз). Леводопамен бір мезгілде қолдану Леводопа дозасын түзету қажет емес, бірақ домперидон мен леводопаны бір мезгілде қабылдау кезінде қан плазмасындағы леводопа концентрациясының жоғарылауы байқалды (ең көбі 30-40%-ға). Қосымша заттар Допрокиннің құрамында лактоза бар, сондықтан галактоза жақпаушылығымен, лактаза жеткіліксіздігімен немесе глюкоза-галактоза мальабсорбциясымен сипатталатын, сирек тұқым қуалайтын аурулары бар пациенттер бұл препаратты қабылдамауы тиіс. Допрокин құрамында бір таблеткада 1 ммольден аз натрий (23 мг) бар, яғни іс жүзінде "құрамында натрий жоқ". Арнайы сақтандырулар Педиатрияда қолдану 12 жасқа дейінгі балаларда препараттың тиімділігі анықталмаған. Дене массасы 35 кг-нан аз 12 жастағы және одан асқан жасөспірімдерде препараттың тиімділігі анықталмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Домперидонды пайдаланған кезде бас айналу және ұйқышылдық сияқты симптомдар байқалды, сондықтан Допрокин препаратын қабылдайтын пациенттерге дәрілік препараттың оларға қандай әсер ететіні анықталмайынша, көлік құралын немесе механизмдерді басқаруға, сондай-ақ назар аударуды және қозғалыстар үйлесімін талап ететін басқа қызмет түрлерімен айналыспаған жөн.

Маркетингтен кейінгі кезеңде жүкті әйелдерде домперидонды қолдану туралы деректер шектеулі. Емшек сүтімен бөлінетін домперидонның жалпы мөлшері ұсынылатын ең жоғары дозада тәулігіне 7 мкг-ден аз деп бағаланады. Жаңа туған нәрестелер үшін уыттылығы белгісіз. Сондықтан бұл препаратты қабылдап жүрген аналарға бала емізуді тоқтату ұсынылады.

Антацидтерді немесе антисекреторлық препараттарды бір мезгілде Допрокинмен қабылдау ұсынылмайды; біріктірілген ем кезінде оларды тамақ ішер алдында емес, тамақтан кейін қабылдау керек. Леводопамен бір мезгілде қолдану Домперидонмен бірге пайдаланған кезде қан плазмасындағы леводопа концентрациясы жоғарылайды (ең көбі 30-40%-ға), бірақ леводопаның дозасын түзету қажет емес деп саналады. Домперидон метаболизміне негізінен CYP3A4 қатысады. In vitro деректері осы изоферментті айтарлықтай тежейтін препараттармен бір мезгілде қолданғанда қан плазмасындағы домперидон концентрациясы жоғарылауы мүмкін екенін көрсетеді. Фармакодинамикалық және/немесе фармакокинетикалық өзара әрекеттесулерге байланысты Допрокин препаратын басқа препараттармен біріктіріп қолданған кезде QT аралығы ұзақтығының ұлғаю қаупі артады. Домперидонмен бірге пайдалануға болмайтын препараттар QTc аралығын ұзартатын препараттар ("пируэт" типті тахикардияның туындау қаупі): - IA класының аритмияға қарсы препараттары (мысалы, дизопирамид, гидрохинидин, хинидин); - III класының аритмияға қарсы препараттары (мысалы, амиодарон, дофетилид, дронедарон, ибутилид, соталол); - психозға қарсы кейбір дәрілер (мысалы, галоперидол, пимозид, сертиндол); - кейбір антидепрессанттар (мысалы, циталопрам, эсциталопрам); - кейбір антибиотиктер (мысалы, эритромицин, левофлоксацин, моксифлоксацин, спирамицин); - зеңге қарсы кейбір дәрілер (мысалы, пентамидин, флуконазол); - безгекке қарсы кейбір препараттар (атап айтқанда галофантрин, люмефантрин); - ас қорытуға әсер ететін кейбір препараттар (мысалы, цизаприд, доласетрон, прукалоприд); - кейбір антигистаминдік препараттар (мысалы, меквитазин, мизоластин); - ісікке қарсы кейбір препараттар (мысалы, торемифен, вандетаниб, винкамин); - басқа препараттар (мысалы, бепридил, дифеманил, метадон); - апоморфин (домперидонды апоморфинмен біріктірілімде оларды бірге қолдану пайдасы ықтимал қауіптерден асатын жағдайларда ғана және апоморфинді біріктіріп қолдану үшін ұсынылған сақтандыру шаралары сақталған жағдайда ғана қолдануға болады (апоморфинге арналған медициналық қолдану жөніндегі нұсқаулықты қараңыз)) Күшті CYP3A4 тежегіштері (олардың QT аралығының ұзақтығына әсеріне қарамастан): - протеаза тежегіштері (мысалы, ритонавир, саквинавир және телапревир); - азолдар тобының жүйелі қолдануға арналған зеңге қарсы препараттары (мысалы, итраконазол, кетоконазол, позаконазол, вориконазол); - макролидтер тобының кейбір антибиотиктері (эритромицин, кларитромицин, телитромицин). Домперидонды бірге қолдану ұсынылмайтын препараттар Орташа CYP3A4 тежегіштері болып табылатын препараттар (мысалы, дилтиазем, верапамил, макролидтер тобының кейбір антибиотиктері). Домперидонды сақтықпен бірге пайдалану қажет препараттар Брадикардия мен гипокалиемияның дамуын туындататын препараттар, сондай-ақ азитромицин және рокситромицин сияқты QT аралығының ұзақтығын арттыратын макролидтер тобының кейбір антибиотиктері (кларитромицинмен домперидонды қолдануға болмайды, себебі кларитромицин күшті CYP3A4 тежегіші болып табылады). Жоғарыда аталған препараттар тізімі репрезентативті, бірақ толық емес.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!