Дорзасопт капли

1 мл препараттың құрамында белсенді заттар: 22.25 мг дорзоламид гидрохлориді (20.00 мг дорзоламидке баламалы), тимолол малеаты 6.83 мг (5.00 мг тимололға баламалы); қосымша заттар: гидроксиэтилцеллюлоза, лимон қышқылы моногидраты, натрий гидроксиді, маннитол, бензалконий хлориді, 1М хлорсутек қышқылы, натрий гидроксидінің 1М ерітіндісі, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз немесе түссіз дерлік, шамалы тұтқыр ерітінді.

Жергілікті бета-блокатормен монотерапия жеткіліксіз болғанда ашық бұрышты глаукомасы немесе жалған эксфолиативті глаукомасы бар пациенттерде көзішілік жоғары қысымды емдеуде.

Дорзасопт препараты екі компоненттен тұрады: дорзоламид гидрохлориді және тимолол малеаты. Олардың әрқайсысы көздің сулы ылғалын азайту арқылы, бірақ әртүрлі әсер ету механизмдері жолымен көзішілік қысымның жоғарылауын төмендетеді. Дорзоламид гидрохлориді адамдағы II карбоангидразаның күшті тежегіші болып табылады. Көздің цилиарлы процестеріндегі карбоангидразаның тежелуі сулы ылғалдың секрециясын төмендетеді, негізінен натрий мен сұйықтықтың тасымалдануын азайта отырып, бикарбонат иондарының түзілуін баяулатады. Тимолол малеаты селективті емес бета-адренергиялық блокатор болып табылады. Тимолол малеатының көзішілік қысымды төмендетудегі нақты әсер ету механизмі қазіргі уақытта анықталған жоқ, бірақ флуоресцеинді және тонографиялық зерттеуді қолдану арқылы жүргізілген зерттеу нәтижелері заттың әсері негізінен көздің сулы ылғалының түзілуін азайтуға негізделетінін көрсетеді. Кейбір зерттеулерде сулы ылғалдың ағып кетуінің шамалы артуы байқалды. Екі заттың жиынтық әсері қандай да бір компоненттердің монотерапиясымен салыстырғанда көзішілік қысымның қосымша төмендеуін қамтамасыз етеді. Жергілікті қолданғаннан кейін препарат глаукомаға байланысты немесе байланысты емес жоғары көзішілік қысымды төмендетеді. Көзішілік қысымның жоғарылауы көру жүйкесінің зақымдануының патогенезінде және глаукома кезінде көру өрісінің жоғалуында жетекші қауіп факторы болып табылады. Препарат миотиктердің түнгі соқырлық, аккомодацияның түйілуі және қарашықтың тарылуы сияқты жағымсыз әсерлерін тудырмай, көзішілік қысымды төмендетеді. Фармакодинамикалық әсерлер Клиникалық әсерлер 15 айға дейін созылатын клиникалық зерттеулер глаукома немесе көзішілік гипертензиясы бар біріктірілген ем жарайтын пациенттерде тәулігіне 2 рет (таңертең және ұйықтар алдында) 0,5% тимолол мен 2,0% дорзоламидті бір мезгілде және бөлек қолданумен қолданғанда КІҚ төмендеуіне көзге тамызатын дәрі түріндегі дорзоламид 2,0% + тимолол 0,5% біріктірілімінің әсерін салыстыру үшін жүргізілді. Зерттеуге бұрын емделмеген пациенттер де, тимолол монотерапиясы қысымды бақылауды қамтамасыз етпейтін пациенттер де кірді. Зерттеуге енгізілгенге дейін пациенттердің көпшілігі жергілікті бета-блокаторлармен монотерапияны қолданды. Біріктірілген зерттеулерді талдау кезінде дорзоламид 2,0% + тимолол 0,5% көзге тамызатын дәрі түрінде тәулігіне 2 рет біріктірілімін пайдаланған кезде КІҚ төмендеуінің әсері тәулігіне 3 рет 2,0% дорзоламидпен немесе тәулігіне 2 рет 0,5% тимололмен монотерапияның осындай әсеріне қарағанда айқынырақ болды. Тәулігіне 2 рет көзге тамызатын дәрі түрінде дорзоламид 2,0% + тимолол 0,5% біріктірілімін пайдаланған кезде КІҚ төмендеуі дорзоламидпен тәулігіне 2 рет және тимололмен тәулігіне 2 рет біріктірілген ем кезінде төмендеуге тең болды. Тәулік бойы әртүрлі уақыт кезеңдерінде өлшенгенде тәулігіне 2 рет көзге тамызатын дәрі түрінде дорзоламид 2,0% + тимолол 0,5% біріктірілімін қолданған кезде КІҚ төмендеуінің әсері көрсетілді және бұл әсер ұзақ уақыт қолданғанда сақталды. Балалар 6 жасқа дейінгі балаларда дорзоламид гидрохлоридінің офтальмологиялық 2,0% ерітіндісінің қауіпсіздігін құжаттау мақсатында бірінші кезектегі мақсатпен үш айлық бақыланатын зерттеу жүргізілді. Бұл зерттеуде дорзоламид немесе тимолол монотерапиясымен КІҚ төмендеуіне қол жеткізе алмаған 2-ден 6 жасқа дейінгі 30 пациентке ашық зерттеу кезеңінде көзге тамызатын дәрі түрінде дорзоламид 2,0% + тимолол 0,5% біріктірілімі берілді. Бұл пациенттерде тиімділігі анықталған жоқ. Пациенттердің осы шағын тобында тәулігіне 2 рет көзге тамызатын дәрі түрінде дорзоламид 2,0% + тимолол 0,5% біріктірілімі әдетте жақсы жағымды болды, 19 пациент емдеуді аяқтады, 11 пациент хирургиялық араласу, емнің өзгеруі немесе басқа себептер бойынша емдеуді тоқтатты.

Дозалау режимі Дорзасоптты зақымданған көздің конъюнктивалық қалтасына тәулігіне 2 рет 1 тамшыдан тағайындайды. Басқа жергілікті офтальмологиялық дәрілерді бір мезгілде пайдаланған кезде инстилляциялар арасындағы аралық 10 минуттан кем болмауы тиіс. Балалар Балалардағы тиімділік анықталмаған. 2-ден 6 жасқа дейінгі балаларды емдеу кезіндегі қауіпсіздік туралы қолда бар ақпарат сипатталған. 2 жасқа дейінгі балаларда қауіпсіздігі анықталған жоқ. Енгізу әдісі мен жолы Офтальмологияда тек жергілікті қолдануға арналған. Қолданар алдында қолды жуу керек. Құтының ішіндегісінің микробтық ластануына жол бермеу үшін тамызғыш ұшын қандай да бір беткейге тигізбеу керек. Пациенттерге дұрыс пайдаланбаған жағдайда көз ерітінділері бактериялармен контаминациялануы және көздің елеулі инфекциялық зақымдануына, әрі қарай көру қабілетінің төмендеуіне және көрмей қалуына себеп болуы мүмкін екенін ескерту қажет. Контейнердің көзге немесе оның айналасындағы тіндерге тиюіне жол беруге болмайды, себебі бұл көздің жарақатына әкелуі мүмкін. Дәрілік заттың жүйелі сіңірілуін шектеу үшін мұрын-көз жасы өзекшесінің окклюзиясы немесе қабақты 2 минутқа жабу ұсынылады. Нәтижесінде жүйелік жағымсыз реакциялардың даму қаупі төмендейді және жергілікті белсенділік артады.

- бір немесе екі белсенді затқа немесе қосымша заттардың кез келгеніне аса жоғары сезімталдық; - бүйректің ауыр жеткіліксіздігі (креатинин клиренсі (КК) <30 мл/мин кем); - гиперхлоремиялық ацидоз; - синустық брадикардия; - синустық түйіннің әлсіздігі синдромы; - синоатриальды блокада; - кардиостимулятормен бақыланбайтын, II және III дәрежелі атриовентрикулярлық блокада; - айқын жүрек жеткіліксіздігі; - кардиогенді шок; - бронх демікпесін қоса алғанда, тыныс алу жолдарының реактивті аурулары (оның ішінде анамнезінде); - өкпенің ауыр созылмалы обструкциялық ауруы; - 8 жасқа дейінгі балалар. Жоғарыда аталған әсерлер препараттың компоненттеріне байланысты және біріктірілім үшін спецификалық болып табылмайды.

Жағымсыз реакциялар жиілігінің параметрлері былайша анықталады: өте жиі (≥ 1/10); жиі (≥1/100, < 1/10 дейін); жиі емес (≥1/1000, < 1/100 дейін); сирек (≥ 1/10000, < 1/1000 дейін); өте сирек (< 1/10000); жиілігі белгісіз** (қолда бар деректер негізінде бағалау мүмкін емес). Дорзоламид + тимолол біріктірілімінің келесі ықтимал жағымсыз реакциялары белгілі: Иммундық жүйенің тарапынан: сирек - жүйелі аллергиялық реакциялар, соның ішінде ангионевроздық ісіну, есекжем, қышыну, бөртпе, анафилаксия. Көру мүшесі тарапынан: өте жиі - көздің ашуы және түйілуі; жиі - конъюнктивалық инъекция, көру айқындығының бұзылуы, мөлдір қабықтың эрозиясы, көздің қышуы, көзден жас ағу. Тыныс алу жолдары, кеуде қуысы ағзалары жəне көкірек ортасы тарапынан: жиі - синусит; сирек - ентігу, тыныс алу жеткіліксіздігі, ринит, бронх түйілуі. Асқазан-ішек жолы тарапынан: өте жиі - дисгевзия. Тері және тері асты тіндері тарапынан: сирек - жанаспалы дерматит, Стивенс-Джонсон синдромы, уытты эпидермалық некролиз. Бүйрек және несеп шығару жолдары жағынан: жиі емес - несеп-тас ауруы. Препарат компоненттерінің келесі ықтимал жағымсыз реакциялары белгілі: - дорзоламид гидрохлориді: Жүйке жүйесі тарапынан: жиі - бас ауыруы*; сирек - бас айналуы*, парестезия*. Көру мүшесі тарапынан: жиі - қабақтың қабынуы*, қабақтың тітіркенуі*; жиі емес - иридоциклит*; сирек - тітіркенулер, оның ішінде қызару*, ауырсыну* және қабақтың қабыршақтануы*, транзиторлы миопия (препаратты тоқтатқаннан кейін өтетін), мөлдір қабықтың ісінуі*, көздің гипотониясы*, көздің хориоидальді қабығының ажырауы (хирургиялық араласымдардан кейін)*; жиілігі белгісіз - көздегі бөгде затты сезіну. Жүрек тарапынан: жиілігі белгісіз – пальпитация, тахикардия. Қантамырлары тарапынан: жиілігі белгісіз – гипертензия. Тыныс алу жолдары, кеуде қуысы ағзалары жəне көкірек ортасы тарапынан: сирек - мұрыннан қан кету*; жиілігі белгісіз - диспноэ. Асқазан-ішек жолы тарапынан: жиі - жүрек айнуы*; сирек-жұтқыншақтың тітіркенуі, ауыздың құрғауы*. Тері және тері асты тіндері тарапынан: сирек - бөртпе*. Жалпы бұзылулар және енгізу орнындағы бұзылулар: жиі - астения/шаршау. - тимолол малеаты: Иммундық жүйе тарапынан: сирек - аллергиялық реакциялар, оның ішінде ангионевроздық ісіну, есекжем, орныққан және жайылған бөртпе, анафилаксиялық реакциялар; жиілігі белгісіз - қышыну. Зат алмасу және тамақтану жағынан: жиілігі белгісіз-гипогликемия. Психикалық бұзылулар: жиі емес - депрессия*; сирек - ұйқысыздық*, қорқынышты түстер*, жадыны жоғалту; жиілігі белгісіз - елестеулер. Жүйке жүйесі тарапынан: жиі - бас ауыруы*; жиі емес - бас айналуы*, естен тану*; сирек-парестезиялар*, миастения гравис симптомдарының артуы, либидоның төмендеуі*, ми қан айналымының бұзылуы*, церебральді ишемия. Көру мүшесі тарапынан: жиі - блефаритті*, кератитті* қоса алғанда, көздің шырышты қабығы тітіркенуінің клиникалық көріністері мен симптомдары, мөлдір қабықтың сезімталдығының төмендеуі және көздің құрғауы*; жиі емес - көздің сыну қабілетінің өзгеруін қамтитын көрудің бұзылуы (бірқатар жағдайларда миотиктердің тоқтатылуына байланысты)*; сирек - птоз, диплопия, хирургиялық араласымдардан кейін көздің хориоидальді қабығының ажырауы*; жиілігі белгісіз - қышыну, көзден жас ағу, қызару, көру айқындылығының бұзылуы, мөлдір қабықтың эрозиясы. Есту мүшесі тарапынан және лабиринтті бұзылулар: сирек- құлақтың шуылдауы*. Жүрек тарапынан: жиі емес - брадикардия*; сирек - кеуденің ауыруы*, пальпитация*, ісіну*, аритмия*, іркілісті жүрек жеткіліксіздігі*, жүректің тоқтап қалуы*, жүрек блокадасы*; жиілігі белгісіз - атриовентрикулярлық блокада, жүрек жеткіліксіздігі. Қантамырлар тарапынан: сирек - гипотензия*, мезгіл-мезгіл ақсақтық, Рейно синдромы*, қол мен аяқ температурасының төмендеуі*. Тыныс алу жолдары, кеуде қуысы ағзалары жəне көкірек ортасы тарапынан: жиі емес - диспноэ*; сирек – бронх түйілуі (негізінен алдыңғы бронх түйілуі патологиясы бар пациенттерде)*, тыныс алудың бұзылуы, жөтел*. Асқазан-ішек жолы тарапынан: жиі емес - жүрек айнуы*, диспепсия*; сирек - диарея, ауыздың құрғауы*; жиілігі белгісіз - дисгевзия, іштің ауыруы, құсу. Тері және тері асты тіндері тарапынан: сирек - алопеция*, псориаз тәрізді бөртпе немесе псориаздың өршуі*; жиілігі белгісіз - тері бөртпесі. Қаңқа-бұлшықет және дәнекер тін тарапынан: сирек - жүйелі қызыл жегі; жиілігі белгісіз-миалгия. Жыныс мүшелері мен сүт бездері тарапынан: сирек - Пейрони ауруы*, либидоның төмендеуі; жиілігі белгісіз-жыныстық дисфункция. Жалпы бұзылулар және енгізу орнындағы бұзылулар: жиі емес - астения/шаршау*. * Бұл жағымсыз реакциялар дорзоламид + тимолол біріктірілімінің маркетингтен кейінгі зерттеулерінде байқалды. ** Қосымша жағымсыз реакциялар офтальмологиялық бета-блокаторларды қолдану кезінде байқалды және Дорзасопт препаратын қолдану кезінде туындауы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дорзасоптта кездейсоқ немесе әдейі артық дозалануы бойынша деректер жоқ. Симптомдары Жүйелі қолдануға арналған бета-адреноблокаторлардың артық дозалануының жүйелік әсерінің дамуымен көзге тамызатын дәрі түрінде тимолол малеатының байқаусызда артық дозалануы жағдайлары сипатталған: бас айналу, бас ауыру, ентігу, брадикардия, бронх түйілуі, жүректің тоқтап қалуы. Электролит теңгерімінің бұзылуы, ацидоздың дамуы, орталық жүйке жүйесі тарапынан болуы мүмкін жағымсыз реакциялар дорзоламидтің артық дозалануының күтілетін симптомдары болып табылады. Дорзоламид гидрохлоридін кездейсоқ немесе әдейі жұтқан кезде адамда артық дозалану туралы деректер шектеулі. Ішке қабылдау кезінде ұйқышылдық туралы хабарланды. Жергілікті қолданғаннан кейін келесі симптомдар тіркелді: жүрек айну, бас айналу, бас ауыру, ұйқының бұзылуы, дисфагия. Емдеу Симптоматикалық және демеуші ем жүргізеді. Электролиттердің (ең алдымен калий) және қан плазмасының рН деңгейін бақылау керек. Тимолол диализ кезінде шығарылмайды.

- Дорзасопт препаратын басқа бета-адреноблокаторлармен бірге қолдану ұсынылмайды. - дорзоламид пен карбоангидразаның пероральді тежегіштерін бірге қолдану ұсынылмайды. Арнайы сақтандырулар Жүрек-қантамырлық/респираторлық реакциялар Жергілікті қолдануға арналған басқа офтальмологиялық препараттар сияқты, Дорзасопт жүйелі қан ағымына енуі мүмкін. Жергілікті қолданылатын бета-блокаторлар (тимолол) бета-адреноблокаторларды жүйелі қолдану кезіндегідей, жүрек-қантамыр, тыныс алу және басқа да жүйелер тарапынан жағымсыз реакциялардың дамуын туындатады. Көзге тамызатын дәрілерді қолданғаннан кейін жүйелік жағымсыз реакциялардың даму жиілігі бета-блокаторларды жүйелі қолданғанға қарағанда төмен. Жүректің тарапынан бұзылулар Жүрек-қантамыр аурулары (мысалы, жүректің ишемиялық ауруы, Принцметал стенокардиясы, жүрек жеткіліксіздігі) және гипотониясы бар пациенттерде бета-адреноблокаторлармен емдеуді сыни бағалау және басқа белсенді заттармен ем жүргізу мүмкіндігін қарастыру керек. Жүрек-қантамыр аурулары бар пациенттер осы аурулардың нашарлау белгілерінің пайда болуына және жағымсыз реакциялардың туындауына мұқият бақылауда болуы тиіс. І дәрежелі жүрек блокадасы бар пациенттерге импульсті жүргізу уақытына олардың жағымсыз әсерінің салдарынан бета-адреноблокаторларды сақтықпен тағайындау керек. Қантамырлар тарапынан бұзылулар Препарат шеткері қан айналымының ауыр бұзылулары (Рейно ауруының немесе Рейно синдромының ауыр түрлері) бар пациенттерге сақтықпен тағайындалуы тиіс. Тыныс алу жүйесінің тарапынан бұзылулар Кейбір офтальмологиялық бета-адреноблокаторларды қолдану аясында бронх демікпесі бар пациенттерде өліммен аяқталған бронх түйілуін қоса алғанда, респираторлық реакциялар туралы хабарламалар тіркелген. Жеңіл және ауырлығы орташа дәрежедегі өкпенің созылмалы обструкциялық ауруына шалдыққан пациенттерге Дорзасопт препараты сақтықпен және егер емдеудің болжамды пайдасы әлеуетті қауіптен асқан жағдайда ғана тағайындалуы тиіс. Бауыр функциясының бұзылуы Дорзасопт препаратын бауыр жеткіліксіздігі бар пациенттерде қолдануға зерттеулер жүргізілген жоқ, осыған байланысты мұндай пациенттердегі препарат сақтықпен қолданылуы тиіс. Аллергия және аса жоғары сезімталдық Жергілікті қолдануға арналған басқа офтальмологиялық препараттар сияқты, Дорзасопт жүйелі қан ағымына енуі мүмкін. Дорзоламид, сульфонамидтер сияқты құрамында сульфонамидтер тобы бар. Осылайша, сульфонамидтерді жүйелі қолдану кезінде анықталған жағымсыз реакциялар (Стивенс-Джонсон синдромы және уытты эпидермалық некролиз) препаратты жергілікті қолдану кезінде байқалуы мүмкін. Ауыр жағымсыз реакциялардың немесе аса жоғары сезімталдық реакцияларының белгілері пайда болған кезде препаратты қабылдауды тоқтату керек. Дорзоламид + тимолол біріктірілімін қолданған кезде дорзоламид гидрохлориді бар көзге тамызатын дәріні қолданған кездегі реакцияларға ұқсас көру мүшесінің тарапынан жергілікті жағымсыз реакциялар байқалды. Мұндай реакциялар туындаған жағдайда Дорзасопт препаратын қолдануды тоқтату туралы мәселені қарау керек. Атопиясы немесе әртүрлі аллергендерге ауыр анафилаксиялық реакциясы бар пациенттерде бета-адреноблокаторлармен емдеу кезінде анамнезінде осы аллергендермен қайта байланыста болған кезде жауаптың күшеюі мүмкін. Пациенттердің осы тобында аллергиялық реакцияларды тоқтату үшін қолданылатын стандартты емдік дозада эпинефринді қабылдау тиімсіз болуы мүмкін. Қатарлас жүретін ем Жүйелі бета-адреноблокаторларды қабылдайтын пациенттер тимололды қолданған кезде бета-адреноблокаторлардың белгілі жүйелік әсеріне қатысты да, көзішілік қысымның төмендеуіне қатысты да препараттардың фармакологиялық әсерінің өзара күшеюін ескеру қажет. Мұндай пациенттерде емдеуге жауапты мұқият қадағалау керек. Емдеуді тоқтату Жүйелі бета-адреноблокаторлар жағдайындағыдай, тимололды жергілікті қолдануды тоқтату қажет болған кезде жүректің ишемиялық ауруы бар пациенттерде емдеуді тоқтатуды біртіндеп жүргізген жөн. Бета-адреноблокаторларудың қосымша әсерлері Гипогликемия/қант диабеті Бета-адреноблокаторларды өздігінен болатын гипогликемияға бейім пациенттерге немесе қант диабеті бар пациенттерге (әсіресе құбылмалы ағымды қант диабеті) сақтықпен тағайындау керек, себебі бета-адреноблокаторлар жедел гипогликемияның белгілері мен симптомдарын бүркемелеуі мүмкін. Бета-адреноблокаторлар гипертиреоздың белгілерін бүркемелеуі мүмкін. Бета-адреноблокаторлармен емдеуді күрт тоқтату хал-жағдайдың нашарлауын жылдамдатуы мүмкін. Мөлдір қабықтың тарапынан бұзылулар Офтальмологияда қолданылатын бета-адреноблокаторлар көздің құрғауын туындатуы мүмкін. Мөлдір қабық тарапынан бұзылулары бар пациенттерге препаратты сақтықпен тағайындау керек. Хирургиядағы анестезия Бета-адреноблокаторлық офтальмологиялық препараттар бета-агонистердің, мысалы, адреналиннің жүйелік әсерлерін бөгей алады. Егер пациент Дорзасоптты қолданса, анестезиолог хабардар болуы керек. Бета-адреноблокаторларды қолдану миастения симптомдарын туындатуы мүмкін. Несеп-тас ауруы Жүйелік карбоангидраза тежегіштерін қолдану қышқыл-негіз тепе-теңдігінің бұзылуына әкелуі мүмкін және әсіресе анамнезінде несеп-тас ауруы бар пациенттерде уролитиазбен қатарлас жүруі мүмкін. Дорзоламид + тимолол біріктірілімін қолдану кезінде мұндай бұзылулар байқалмады, уролитиаз туралы хабарламалар сирек болды. Препараттың құрамына карбоангидраза тежегіші кіреді, ол жергілікті қолданғанда сіңіп, жүйелі қан ағымына енуі мүмкін, сондықтан анамнезінде несеп-тас ауруы бар пациенттерде уролитиаздың даму қаупі Дорзасопт препаратымен емдеу кезінде артуы мүмкін. Басқа әсерлер Жедел жабық бұрышты глаукомасы бар пациенттерге көзішілік қысымды төмендететін дәрілерді тағайындаудан бөлек, басқа емдік іс-шараларды жүргізу талап етіледі. Жедел жабық бұрышты глаукомасы бар пациенттерде Дорзасопт препаратының әсеріне зерттеу жүргізілген жоқ. Дорзоламидті қолдану кезінде созылмалы ақаулары бар және/немесе көзішілік операциялық араласымдарға ұшыраған пациенттерде мөлдір қабықтың ісінуі және мөлдір қабық эндотелийінің қайтымсыз декомпенсациясы байқалуы мүмкін. Пациенттердің осы топтарында Дорзасоптты сақтықпен қолдану керек. Сүзу араласымдардан кейін сулы ылғалдың пайда болуына жол бермейтін препараттармен (мысалы, тимолол, ацетазоламид) емдеу кезінде көздің тамыр қабығының ажырауы туралы деректер бар. Глаукоманы емдеуге арналған басқа препараттар сияқты кейбір пациенттерде ұзақ емдеуден кейін офтальмологиялық тимолол малеатына жауаптың төмендеуі байқалды. Жанаспалы линзаларды пайдалану Дорзасопт препаратының құрамына көздің тітіркенуіне себеп болуы мүмкін бензалконий хлориді консерванты кіреді. Препаратты қолданар алдында линзаларды шешіп қойып, препаратты қолданғаннан кейін 15 минуттан кейін қайта кию керек. Бензалконий хлориді жұмсақ жанаспалы линзалардың түсін өзгерте алады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың көлік құралын басқару немесе механизмдермен жұмыс істеу қабілетіне әсері жөнінде қандай да бір зерттеулер жүргізілген жоқ. Көру айқындығының бұзылуы сияқты ықтимал жағымсыз реакциялар кейбір пациенттердің автокөлікті басқару және механизмдермен жұмыс істеу қабілетіне теріс әсер етуі мүмкін.

Дорзасопт препаратын жүктілік кезінде қолдануға болмайды. Дорзоламидтің емшек сүтіне енетіні белгісіз. Дорзасопт препаратын қолдану қажет болған жағдайда бала емізуден бас тарту керек.

Дорзоламид + тимолол біріктірілімінің басқа дәрілік заттармен өзара әрекеттесуіне спецификалық зерттеулер жүргізілген жоқ. Клиникалық зерттеулерде препарат препараттың жағымсыз өзара әрекеттесу белгілерінсіз, жүйелі әсер ететін мынадай дәрілік заттармен бір мезгілде қолданылды: ангиотензин өзгертетін фермент тежегіштері, кальций өзекшелерінің блокаторлары, несеп айдайтын дәрілер (диуретиктер), қабынуға қарсы стероидты емес препараттар, оның ішінде аспирин және гормондар (мысалы, эстроген, инсулин, тироксин). Дегенмен, тимолол малеатының офтальмологиялық ерітіндісін және кальций өзекшелерінің жүйелік блокаторларын, катехоламин-жұқартатын дәрілерді, бета-адреноблокаторларды, аритмияға қарсы дәрілерді (амиодаронды қоса), оймақгүл гликозидтерін, парасимпатомиметиктерді, апиынды анальгетиктерді және моноаминоксидаза (МАО) тежегіштерін бірге қолданған кезде гипотензиялық әсерді және/немесе айқын брадикардияны күшейту мүмкіндігі болады. Тимололды және CYP2D6 изоферментінің тежегіштерін (мысалы, хинидин, флуоксетин, пароксетин) бірге қолданғанда бета-адренорецепторлардың жүйелік блокадасының (мысалы, жүрек жиырылу жиілігінің төмендеуі, депрессия) ықтимал әсері туралы хабарланды. Дорзасопт препаратымен монотерапия кезінде қарашыққа әсері аз немесе жоқ болғанына қарамастан, тимолол малеаты мен адреналинді (эпинефрин) бірге қолданғанда мидриаз дамуының жекелеген сипаттамалары болды. Жүйелік бета-адреноблокаторлар диабетке қарсы препараттардың гипогликемиялық әсерін және клонидинді тоқтату әсері болып табылатын гипертензияны күшейте алады.

Сақтау мерзімі 5 жыл Құтыны ашқаннан кейін препаратты 4 апта ішінде пайдалану керек. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25ºC-ден аспайтын температурада сақтау керек. Балалардың қолы жетпейтін жерде сақтау керек!