Драстоп раствор 100 мг/мл

Бір ампуланың iшiнде белсенді зат - хондроитин натрий сульфаты 200 мг, қосымша заттар: бензил спирті, натрий гидроксиді 1% ерітіндісі немесе 0.1 М хлорсутек қышқылы ерітіндісі, инъекцияға арналған су. Сыртқы түрін, иісін, дәмін сипаттау Мөлдір аздап сарғыштау ерітінді.

Талапқа сай диагностикада тізе, жамбас буынының остеоартриті, омыртқа бағанының остеохондрозы кезінде әсердің біртіндеп дамуы арқылы ауыру симптомдарын жеңілдету (жеңілден орташа ауыруға дейін). Қолдану басталғанға дейін қажетті мәліметтер тізбесі

ATХ коды M01AX25 Гиалин шеміршегіндегі зат алмасу процестеріне әсер ететін препарат. Буындардың шеміршек тінінде дегенеративтік өзгерістерді азайтады, глюкозаминогликандар биосинтезін стимуляциялайды. Препараттың негізгі әсер етуші заттары - хондроитин сульфатының А және С натрий тұздары (орташа молекулалық салмағы 11000 дальтон). Хондроитин сульфаты - жоғары молекулалық салмағы бар мукополисахарид. Коллаген талшықтарымен бірге шеміршек матрицасын құрайтын протеогликандардың негізгі компоненті болып табылады. Препарат қабынуға қарсы және ауыруды басатын әсерге ие. Буын шеміршегінің деградациясын тудыратын энзимдердің белсенділігін басады: металлопротеиназаны, атап айтқанда лейкоциттік эластазаны тежейді. Гиалуронидазаның белсенділігін төмендетеді. Еркін оттегі радикалдарының бөлінуін ішінара бөгейді; хемотаксистің басылуына ықпал етеді. Хондроциттердің протеогликандарды өндірілуін стимуляциялайды. Қабынуға қарсы және ауыруды басатын әсері қабыну мен ауыру медиаторларының синовиальді сұйықтыққа шығарылуының төмендеуіне, сондай-ақ В4 лейкотриен мен Е2 простагландин секрециясының басылуына байланысты қол жеткізіледі. Хондроитин сульфаты шеміршек тіндерінің қысылуына жол бермейді, буын беткейлері үшін амортизатор рөлін атқарады, буын сұйықтығының түзілуін қалпына келтіреді және ауыру қарқындылығын азайтуға ықпал етеді.

Дозалау режимі Ересектер мен егде жастағы пациенттер Препаратты бұлшықет ішіне 1 мл-ден (100 мг хондроитин натрий сульфаты) күнара тағайындайды. Жағымдылығы жақсы болғанда төртінші инъекциядан бастап дозаны 2 мл-ге дейін (200 мг хондроитин натрий сульфаты) арттырады. Емдеу курсы 25-30 инъекцияны құрайды. Қажет болғанда емдеу курсын 6 айдан кейін қайталап жүргізуге болады. Енгізу әдісі және жолы Драстоп препараты бұлшықет ішіне енгізуге арналған. Вена ішіне енгізуге болмайды.

• әсер етуші затқа немесе қосымша заттардың кез келгеніне аса жоғары сезімталдық • қан кетуге бейімділік • тромбофлебиттер • жүктілік және бала емізу кезеңі (емдеу кезінде бала емізуді тоқтату керек) • 18 жасқа дейінгі балалар мен жасөспірімдер (тиімділігі мен қауіпсіздігі анықталмаған) Сақтықпен: қан ұюы бұзылғанда, қант диабетінде, дене салмағы жоғары адамдарда, тұз мөлшері төмен диета ұстанатын пациенттерде, бүйрек функциясы бұзылғанда, жүктілікті жоспарлаған әйелдерде.

Сирек • жүрек айну • құсу Өте сирек • ангионевроздық ісіну Белгісіз (қолда бар деректер негізінде баға беру мүмкін емес) • эритема • есекжем • экзема • қышынумен және/немесе ісінумен қатар жүретін немесе жүрмейтін макулопапулезді бөртпе • инъекция орнындағы геморрагиялар Жағымсыз дәрілік реакциялар пайда болған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) жөніндегі ақпараттық дерекқорға тікелей жүгінуге болады Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттарды және медициналық бұйымдарды сараптау ұлттық орталығы» РМК ШЖҚ http://www.ndda.kz

Препарат айтарлықтай артық дозалану кезінде де уыттылықты көрсетпейді. Симптомдары: аллергиялық реакциялар, инъекция орнында геморрагиялар. Кездейсоқ жедел артық дозаланғанда - симптоматикалық ем. Барлық іс-шаралар Драстоп препаратын тоқтату аясында өткізіледі.

Аллергиялық реакциялар немесе геморрагияда емдеуді тоқтату керек. Арнайы сақтандырулар Тұрақты клиникалық әсерге жету үшін Драстоп дәрілік затының кем дегенде 25 инъекциясы қажет, алайда әсері емдеу курсы аяқталғаннан кейін көптеген айлар бойы ұзақ уақыт сақталады. Препарат құрамында бензил спирті бар, ол емшек еметін және 3 жасқа дейінгі балаларда улану және жалған анафилаксиялық реакциялар тудыруы мүмкін. Педиатрияда қолдану Препарат балаларда қолданылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Драстоп препараты көлік құралдарын басқару және механизмдермен жұмыс істеу қабілетіне әсер етпейді. Қолдану бойынша ұсыныстар

Препаратты жүктілік кезінде және лактация кезінде қабылдауға болмайды.

Қабынуға қарсы стероидты емес дәрілермен үйлестіре қолданғанда Драстоп қабынуға қарсы стероидты емес дәрілер дозасын төмендетуге мүмкіндік береді. Препарат тікелей емес антикоагулянттардың, антиагреганттардың, фибринолитиктердің әсерін күшейтеді, бұл бірге қолданған кезде қан ұю көрсеткіштерін барынша жиі бақылауды қажет етеді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек!