Дротаверин-Дарница раствор 40 мг/2мл

Бір ампуланың ішінде: белсенді зат - дротаверин гидрохлориді 40.0 мг; қосымша заттар: этанол (96 %), натрий метабисульфиті (Е 223), инъекцияға арналған су. Сыртқы түрінің, иісінің, дәмінің сипаттамасы Жасыл-сары немесе сары түсті мөлдір ерітінді.

- холецистолитиаз, холангиолитиаз, холецистит, перихолецистит, холангит, папиллит сияқты билиарлық жолдың ауруларымен байланысты тегіс бұлшықет түйілуінде - несеп жолы аурулары кезіндегі тегіс бұлшықеттердің түйілуінде: нефролитиаз, уретролитиаз, пиелит, цистит, қуық тенезмдері Қосымша емдеу ретінде (дәрілік заттарды таблетка түрінде қолдану мүмкін болмаған кезде): - асқазан-ішек жолының тегіс бұлшықеттерінің түйілуінде: асқазан және он екі елі ішектің ойық жарасында, гастритте, кардио және /немесе пилороспазмда, энтеритте, колитте; - гинекологиялық ауруларда (дисменореяда).

Асқазан-ішектің функционалдық бұзылыстарын емдеуге арналған препараттар. Ішектің функционалдық бұзылыстарын емдеуге арналған препараттар. Папаверин және оның туындылары. Дротаверин АТХ коды А03А D02. Әсер ету механизмі Дротаверин-изохинолин туындысы, фосфодиэстераза ІV (ФДЭ ІV) ферментінің әсерін бәсеңдету жолымен тегіс бұлшықетке түйілуді басатын әсер береді, бұл цАМФ концентрациясының ұлғаюына әкеледі және миозин киназасының жеңіл тізбегінің (MLCK) инактивациясы арқасында тегіс бұлшықеттердің босаңсуына алып келеді. Фармакодинамикалық әсерлері In vitro дротаверин ФДЭ ІV ферментінің әсерін бәсеңдетеді және изоферменттерді фосфодиэстераза ІІІ (ФДЭ ІІІ) және фосфодиэстераза V (ФДЭ V) тежейді. FDE IV тегіс бұлшықеттердің жиырылу белсенділігін төмендету үшін үлкен функционалды мәнге ие, сондықтан осы ферменттің селективті тежегіштері гиперпозициямен бірге жүретін ауруларды, сондай-ақ асқазан-ішек түйілуі пайда болатын түрлі ауруларды емдеуде пайдалы болуы мүмкін. Миокард пен тамырлардың тегіс бұлшықеттерінің жасушаларында цАМФ көбінесе ФДЭ ІІІ изоферментімен гидролизденеді, сондықтан дротаверин жүрек-қантамыр жүйесі тарапынан елеулі жағымсыз әсерлері және осы жүйеге күшті емдік әсері жоқ тиімді спазмолитикалық дәрілік зат болып табылады. Дротаверин жүйке жүйесінен де, бұлшықеттен де туындаған тегіс бұлшықеттердің түйілуінде тиімді. Дротаверин автономды иннервация типіне қарамастан асқазан-ішек, билиарлы, несеп-жыныс және тамырлы жүйелердің тегіс бұлшықеттеріне әсер етеді. Дәрілік зат қан тамырларын кеңейту қабілетіне байланысты тіндердегі қан айналымын арттырады. Дротавериннің әсері папавериннің әсерінен гөрі тиімді, сіңуі тезірек және толық, ол қан плазмасының ақуыздарымен аз байланысады. Дротавериннің папавериннен айырмашылығы, оның парентеральді енгізілуінен кейін тыныс алуды ынталандыру сияқты жағымсыз әсері байқалмайды.

Дозалау режимі Препаратты ересектерге 40-240 мг тәуліктік дозада 1-3 рет қабылдауда бұлшықет ішіне қолдану керек. Қатты шаншулар кезінде препаратты ересектерге вена ішіне баяу 40-80 мг дозада қолдану керек. Енгізу әдісі мен жолы Препарат бұлшықет ішіне, вена ішіне тағайындалады. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Препаратты әрдайым қосымша параққа немесе емдеуші дәрігердің ұсыныстарына сәйкес қабылдаңыз.

- дротаверинге немесе дәрілік заттың басқа компоненттеріне (әсіресе натрий метабисульфитіне) жоғары сезімталдық - натрий дисульфитіне жоғары сезімталдық - бауырдың, бүйректің немесе жүректің ауыр жеткіліксіздігі (жүрек лықсуының шағын синдромында) - 18 жасқа дейінгі балалар мен жасөспірімдерге.

Барлық дәрілік препараттар сияқты, препарат жағымсыз реакцияларды тудыруы мүмкін, бірақ олар барлығында бола бермейді. Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес) Сирек - артериялық гипотензия, жүрек соғуының жиілеуі, аритмия, атриовентрикулярлық блокада - бас ауыруы, бас айналу, ұйқысыздық - жүрек айнуы, құсу, іш қату - аса жоғары сезімталдық реакциялары, оның ішінде есекжем, тері бөртпелері, дерматоз, қышыну, гиперемия, қызба, қалтырау, дене температурасының жоғарылауы, әлсіздік, ангионевроздық ісіну, бронх түйілуі, әсіресе метабисульфитке сезімталдығы жоғары пациенттерде - енгізу орнындағы аса жоғары сезімталдық реакциялары Белгісіз - инъекция түрінде ем қабылдаған пациенттерде өлімге әкелетін және өлімге әкелмейтін анафилаксиялық шок тіркелді Препарат құрамына метабисульфит кіреді, ол сезімтал адамдарда, әсіресе анамнезінде бронх демікпесі немесе аллергиялық реакциялары бар адамдарда анафилаксиялық симптомдар және бронх түйілуін қоса, аллергиялық реакциялар тудыруы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: дротавериннің артық дозасы жүрек өткізгіштігінің және жүрек ырғағының бұзылуына әкелуі мүмкін, соның ішінде Гис шоғыры тармақтарының толық блокадасымен және жүректің тоқтауымен өлімге әкелуі мүмкін. Емі: симптоматикалық және демеуші ем. Артық дозаланғанда пациент дәрігердің мұқият бақылауында болуы керек.

Препаратты вена ішіне енгізген кезде коллапс туындау қаупіне байланысты пациент көлденең жатқан күйде болуы тиіс. Препаратты артериялық гипотензия кезінде сақтықпен қолдану керек. Препаратты жүкті әйелдерге парентеральді енгізгенде сақ болу керек. Препарат құрамына метабисульфит кіреді, ол сезімтал адамдарда, әсіресе анамнезінде бронх демікпесі немесе аллергиялық реакциялары бар адамдарда анафилаксиялық симптомдар және бронх түйілуін қоса, аллергиялық реакциялар тудыруы мүмкін. Натрий метабисульфитіне сезімталдығы жоғары дәрілік затты парентеральді енгізуден аулақ болу керек. Арнайы ескертулер Педиатрияда қолдану Дәрілік препараты балаларға қолдануға болмайды Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті басқарудан немесе басқа механизмдермен жұмыс істеуден бас тартқан жөн, бұл дәрілік затты қолдану кезінде (әсіресе вена ішіне) аса назар аударуды талап етеді.

Жануарларға жүргізілген зерттеу нәтижелері көрсеткендей, дәрілік затты пероральді қолдану тератогенділік пен эмбриоуыттылықтың бірде-бір жағдайын туғызбаған. Дәрілік затты жүктілік кезінде сақтықпен қолдану керек. Босану кезінде дротаверинді қолдануға болмайды. Бала емізу кезеңінде тиісті зерттеулер деректерінің болмауына байланысты дәрілік затты қолдану ұсынылмайды.

Дәрілік затты леводопамен бір мезгілде қолданғанда соңғысының паркинсон ауруына қарсы әсерінің төмендеуі мүмкін. Бұл біріктірілімді сақтықпен қолдану керек, өйткені леводопаның паркинсон ауруына қарсы әсері төмендейді, ал сіресу мен тремор күшейеді.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамада, 25 °С-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!