Дукресса® капли 5 мг/мл + 1 мг/мл

1 мл препараттың құрамында белсенді заттар: 5,12 мг левофлоксацин гемигидраты 5,0 мг левофлоксацинге баламалы және 1,32 мг дексаметазон натрий фосфаты 1 мг дексаметазонға баламалы. қосымша заттар: 0,10 мг бензалконий хлориді, натрий дигидрофосфаты моногидраты, натрий гидрофосфаты додекагидраты, натрий цитраты, натрий гидроксиді 1 М немесе хлорсутек қышқылы рН жеткізу үшін, инъекцияға арналған су 1 мл дейін. Сыртқы түрінің, иісінің, дәмінің сипаттамасы Бөлшектерсіз жасылдау-сары түсті мөлдір ерітінді.

- қабынудың профилактикасы және емдеу үшін, сондай-ақ ересектерде катарактаны алып тастау операциясымен байланысты инфекцияның профилактикасы үшін көрсетілген. Бактерияға қарсы дәрілерді тиісінше пайдалану туралы ресми ұсынымдарды ескеру қажет. Қолдану басталғанға дейін танысу қажет мәліметтер тізбесі

ATХ коды: S01CA01 Дукресса дегеніміз екі белсенді зат левофлоксацин мен дексаметазонның бекітілген дозадағы біріктірілімі. Левофлоксацин: Әсер ету механизмі Офлоксациннің белсенді L-изомері болып табылатын фторхинолондар класының бактерияға қарсы препараты ретінде левофлоксацин ДНҚ гиразасын және IV топоизомеразаны бөгейді. Левофлоксацин негізінен грам-теріс микроорганизмдердегі ДНҚ гиразасына және грам-оңдарда IV топоизомеразаға әсер етеді. Көз инфекцияларының қоздырғыштарына әсер ету ауқымы аэробты грам-оң микроорганизмдерді (мысалы, S. aureus MSSA, S. pyogenes, S. pneumoniae, Streptococcus viridans тобы), аэробты грам-теріс микроорганизмдерді (мысалы, E. coli, H. influenzae, M. catarrhalis, P. aeruginosa) жергілікті штаммдар) және басқа микроорганизмдерді (мысалы, Chlamydia trachomatis) қамтиды. Резистенттілікті қалыптастыру механизмдері Левофлоксацинге бактериялық резистенттілік негізінен екі негізгі механизмнің арқасында дамуы мүмкін: препараттың бактерияішілік концентрациясының төмендеуі немесе мақсатты ферменттердің өзгеруі. Нысана-бөліктердің өзгеруі гираза (gyrA және gyrB) және топоизомераза IV (рarС және parE; Staphylococcus aureus grlA және grlB) ДНҚ кодтайтын хромосомалық гендердегі мутациялар нәтижесінде пайда болады. Төмен интрабактериялық концентрациядан туындаған резистенттілік фторхинолондардың грамтеріс бактерияларға енуінің төмендеуіне әкелетін сыртқы жарғақша пориндерінің (OmpF) өзгеруі нәтижесінде немесе эффлюкс сорғыларына байланысты пайда болады. Эффлюкске байланысты резистенттілік пневмококктарда (PmrA), стафилококктарда (NorA), анаэробтарда және грамтеріс бактерияларда байқалды. Сонымен, плазмидалапмен байланысты хинолондарға резистенттілік (qnr генімен анықталады) Klebsiella pneumaniae және E. coli-де байқалды. Айқаспалы резистенттілік Фторхинолон класындағы препараттар арасында айқаспалы резистенттілік байқалуы мүмкін. Дегенмен, бірлі-жарым мутациялар клиникалық резистенттілікке әкелмеуі де мүмкін, бірақ бірнеше мутация әдетте фторхинолон класындағы барлық препараттарға клиникалық резистенттілікті тудырады. Сыртқы жарғақша пориндерінің және эффлюкс сорғы жүйесінің өзгеруі бактерияға қарсы препараттардың бірнеше класына бағытталған және мультирезистенттілікке әкелетін кең субстратты ерекшелігін иеленуі мүмкін. Сезімталдықты анықтау нәтижелерін түсіндіру критерийлері Түсіндіру критерийлері жоқ. Дексаметазон: Әсер ету механизмі. Дексаметазон сияқты кортикостероидтар қантамырлар эндотелий жасушалары молекулаларының, циклооксигеназа I немесе II және цитокиндер экспрессиясының адгезиясын тежейді. Бұл әсері қабынуға қарсы медиаторлар экспрессиясының төмендеуіне және қан тамырлары эндотелийінде айналымдағы лейкоциттер адгезиясын басуға әкеледі, осылайша олардың көздің қабынған тініне көшуіне жол бермейді. Дексаметазон кейбір басқа стероидтармен салыстырғанда минералды-кортикоидты белсенділігі төмен айқын қабынуға қарсы әсерге ие және ең күшті қабынуға қарсы дәрілердің бірі болып табылады. Клиникалық тиімділігі: Ересектердегі катаракта операциясынан кейін қабынудың алдын алу мен емдеуге және инфекцияның дамуына қатысты Дукресса препаратының тиімділігі тобрамицин (0,3 %) және дексаметазон (0,1%) көзге тамызатын дәрілер сияқты басқа коммерциялық препараттармен салыстырғанда бақыланатын клиникалық зерттеуде мұқият зерделенген. Зерттеу параметрлерін бағалауға жауапты зерттеуші емдеу топтарындағы иесіздендірілген деректермен жұмыс істеді. Катарактаға асқынусыз хирургиялық операция жасалған пациенттерге Дукресса көзге тамызатын дәрісі 7 күн бойы күніне 4 рет 1 тамшыдан, содан кейін келесі дексаметазон 0,1% көзге тамызатын дәрісі 7 күн бойы күніне 4 рет 1 тамшыдан немесе тобрамицин + дексаметазон көзге тамызатын дәрісі 14 күн бойы күніне 4 рет 1 тамшыдан тағайындалды. Тиімділік деректері Дукресса дәрілік препаратымен емделген 395 пациентте және катаракта хирургиялық операциясынан кейін салыстыратын дәрілік препаратпен емделген 393 пациентте зерттелді. 14 күндік емдеуден кейін тобрамицин+дексаметазон тобымен салыстырғанда Дукресса дәрілік препаратының тобында қабыну белгілері жоқ пациенттердің үлесі (зерттеудің негізгі анықталатын параметрі) тиісінше 94,91% қарсы 95,19% құраған. Бұл екеуінің арасындағы айырмашылық 0,028 (СА 95%: [-0,0275; 0,0331]) болды, бұл салыстырылатын препаратқа қарағанда зерттелетін дәрілік препарат тиімділігінің де аз еместігін көрсетті. Зерттеу барысында эндофтальмиттің бірде-бір жағдайы топтардың ешқайсысында тіркелген жоқ. Дукресса дәрілік препаратымен емделген пациенттер тобында 4-ші күні 73,16 пациентте және операциядан кейінгі 8-ші күні 85,57%-ында көздің алдыңғы камерасының қабыну белгілері байқалмады. Тобрамицин+дексаметазонмен емделген пациенттер тобында 4-ші күні 76,84%-ында және операциядан кейінгі 8-ші күні 86,77%-ында алдыңғы камераның қабыну белгілері болмаған. Конъюнктивалық гиперемия белгілері тобрамицин+дексаметазон қабылдаған пациенттердің 82,19%-мен салыстырғанда Дукресса препаратымен емделген пациенттердің 85,75%-нда 4-ші күні болмаған. Қауіпсіздік бейіні екі топта да бірдей болды. Балалар Дәрілік заттардың айналымын бақылау жөніндегі Еуропалық агенттік Дукресса дәрілік препаратын зерттеу нәтижелерін ұсыну жөніндегі міндеттемелерден бас тартты, ол катарактаны алу хирургиялық операциясынан кейін балалар жасындағы пациенттердің барлық шағын топтарындағы қабыну профилактикасы мен емдеу және инфекциялар профилактикасы (балалар жасындағы пациенттерде қолдану туралы ақпаратты 4.2-бөлімнен қараңыз).

Дозалау режимі Офтальмологиялық операциядан кейін конъюнктивалық қалтаға әр 6 сағат сайын бір тамшыдан. Емдеу ұзақтығы - 7 күн. Емдеу курсын үзуге болмайды. Бір дозаны өткізіп алған кезде емдеуді жоспарланғандай келесі дозадан бастап жалғастыру керек. Дукресса көзге тамызатын дәрісімен емнің бір аптасы аяқталғаннан кейін монотерапия ретінде кортикостероидты көзге тамызатын дәрілер қабылдауды жалғастыру қажеттілігін бағалау үшін пациентке қайта тексеру жүргізу ұсынылады. Бұл емдеудің ұзақтығы пациенттің қауіп факторларына және операцияның нәтижесіне байланысты болуы мүмкін. Емдеу ұзақтығын дәрігер микроскопия деректері негізінде саңылау шамының көмегімен және клиникалық көріністің ауырлығына байланысты анықтауы керек. Стероидты көзге тамызатын дәрілермен одан әрі емдеу әдетте 2 аптадан аспауы тиіс. Дегенмен, емді мерзімінен бұрын тоқтатпау үшін абай болу керек. Пациенттердің ерекше топтары Балаларда қолдану 18 жасқа дейінгі балалар мен жасөспірімдерде Дукресса® препаратының қауіпсіздігі мен тиімділігі анықталмаған. Қолжетімді деректер жоқ. Дукресса® көзге тамызатын дәрісін 18 жасқа дейінгі балалар мен жасөспірімдерде қолдану ұсынылмайды. Егде жастағы пациенттерде қолдану Ұсынылған дозаны түзету қажет емес. Бүйрек, бауыр функциясының бұзылуында қолдану Бүйрек/бауыр жеткіліксіздігі бар пациенттерде зерттеулер жүргізілмеген, сондықтан Дукресса® препаратын мұндай пациенттерде сақтықпен қолдану керек. Енгізу әдісі мен жолы Офтальмологиялық қолдану үшін. Дәрілік препараттың көз жасы жолдарына дренаждалуын болдырмау үшін көздің ішкі бұрышын басып тұрып, көздің сыртқы бұрышына бір тамшыдан тамызады. Пациенттер қолданар алдында қолдарын жуып, құтының ұштығын көзге немесе оның айналасындағы тіндерге тигізіп алмағандары жөн, өйткені бұл көздің жарақатына әкелуі мүмкін. Сондай-ақ, пациенттерге офтальмологиялық ерітінділер дұрыс қолданылмаса, көз инфекциясын тудыруы қабілетті қарапайым бактериялармен ластануы мүмкін екендігі жайында айтылуы керек. Ластанған ерітінділерді қолдану көздің ауыр зақымдалуына және кейіннен көру қабілетінің жоғалуына әкелуі мүмкін. Мұрын-лакримальді окклюзия көз жасы арналары арқылы жүйелік сіңірілуін төмендетуі мүмкін. Көзге тамызатын басқа дәрілерді бір мезгілде қолданған кезде инстилляциялар арасындағы аралық кемінде 15 минуттан кем болмауы тиіс.

• левофлоксацинге немесе басқа хинолондарға, дексаметазонға немесе басқа стероидтарға немесе қосымша заттардың кез келгеніне аса жоғары сезімталдық • герпестік кератит, желшешек және мөлдір қабықтың және конъюнктиваның басқа вирустық аурулары • туберкулез микобактериясы, лепра микобактериясы немесе микобактерий авиум кешені сияқты қышқылға төзімді микобактериялардан туындаған көздің микобактериялық инфекциялары • көздің зең аурулары • көздің емделмеген іріңді инфекциясы.

Препараттың қауіпсіздік бейініне шолу Клиникалық зерттеулерде 438 пациент Дукресса препаратымен емделді. Ешқандай күрделі жағымсыз реакциялар байқалмады. Препаратқа жағымсыз реакциялардың анағұрлым жиі кездесетіні - көздің тітіркенуі, көзішілік қысымның жоғарылауы және бас ауыруы. Катарактаны хирургиялық алып тастаудан кейінгі клиникалық зерттеулер кезінде Дукресса препаратын қолданған пациенттерде келесі жағымсыз реакциялар туралы хабарланды (әр топта жағымсыз реакциялар жиіліктің төмендеу ретімен ұсынылған). Төменде келтірілген ықтимал жағымсыз реакциялардың жиілігі келесі конвенцияға сәйкес жиілік бойынша жіктеледі: өте жиі (≥1/10), жиі (≥1/100 және < 1/10), жиі емес (≥ 1/1 000 және < 1/100), сирек (≥ 1/10 000 және < 1/1 000), өте сирек (<1/10 000, жеке жағдайларды қоса). Дукресса (левофлоксацин/дексаметазон біріктірілімі) Жиі емес • бас ауыруы • дисгевзия • көздің тітіркенуі • көздегі атиптік сезінулер • көзішілік қысымның жоғарылауы • қышыну (*) > 6 мм с.б, көзішілік қысымның елеулі жоғарылауын білдіреді Левофлоксацин: Жиі • көзді күйдіру сезімі • көру қабілетінің нашарлауы және көзден шырышты бөліністер Жиі емес • бас ауыруы • қабақтың күңгірттенуі • хемоз • папиллярлы конъюнктивалық реакция • қабақтың ісінуі • көздегі жайсыздық • көздің қышуы • көздің ауыруы • конъюнктивалық инъекция • конъюнктива фолликулалары • көздің құрғауы • қабақтың қызаруы және көздің қарығуы • ринит Сирек • экстраокулярлық аллергиялық реакциялар, соның ішінде тері бөртпесі Өте сирек • анафилаксия • көмейдің ісінуі Дексаметазон: Өте жиі • көзішілік қысымның жоғарылауы * Жиі • жайсыздық* • тітіркену* • ашыту* • жедел ауырсыну* • қышыну* • бұлыңғыр көру* Жиі емес • аллергиялық реакциялар және аса жоғары сезімталдық реакциялары • жаралар жазылуының кешеуілдеуі • артқы-капсулярлы катаракта* • оппортунистік инфекциялар • глаукома* • беттің ісінуі Өте сирек • конъюнктивит • қарашықтың кеңеюі • птоз • кортикостероидтарды қолданудан туындаған увеит • мөлдір қабықтың кальцификациясы • кристалдық кератопатия • мөлдір қабық қалыңдығының өзгеруі* • мөлдір қабықтың ісінуі • мөлдір қабықтың ойық жаралануы • мөлдір қабықтың тесілуі Жиілігі белгісіз • Кушинг синдромы • адренальді супрессия * «Жекелеген жағымсыз реакциялардың сипаттамасы» бөлімін қараңыз Жекелеген жағымсыз реакциялардың сипаттамасы Көзішілік қысымның жоғарылауы Көзішілік қысымның (КІҚ) жоғарылауы және глаукоманың дамуы мүмкін. Кортикостероидтарды ұзақ қолдану көзішілік қысымның жоғарылауына/глаукомаға әкелуі мүмкін (әсіресе стероидтар туындатқан КІК жоғары пациенттерде және бұрын окулярлық гипертензиясы немесе глаукомасы болған пациенттерде). Балалар мен егде жастағы пациенттер стероидтарды қолданудан туындаған КІҚ жоғарылауын ерекше сезінуі мүмкін. Қант диабетімен ауыратын пациенттер жергілікті стероидтарды ұзақ уақыт қолданудың салдарынан субкапсулярлық катаракта дамуына бейім болады. Операциядан кейінгі жағымсыз реакциялар Жергілікті офтальмологиялық реакциялар (мысалы, мөлдір қабықтың ісінуі, көздің тітіркенуі, көздің қалыптан тыс сезімі, жас ағудың күшеюі, астенопия, мөлдір қабықтың бұзылуы, көздің құрғауы, көздің ауыруы, көздегі жайсыздық, увеит, бұлыңғыр көру, шолып көру айқындығы, конъюнктивит) және жүрек айнуы клиникалық зерттеулер кезінде байқалды. Бұл реакциялар әдетте жеңіл көтерімді, тез өтеді және салдары болмайды және катаракта операциясынан кейін операцияның өзіне байланысты деп бағаланады. Мөлдір қабықпен байланысты ықтимал жағымсыз реакциялар Кейбір жағдайларда мөлдір қабықтың жұқаруына әкелетін ауруларда жергілікті стероидтарды қолдану мөлдір қабықтың тесілуіне әкелуі мүмкін. Құрамында фтор бар көзге тамызатын дәріні пайдаланумен байланысты мөлдір қабықтың кальцификация жағдайлары туралы оқта-текте хабарланған, бірақ ол тек мөлдір қабықтың едәуір зақымдануы бар кейбір пациенттерге қатысты. Левофлоксацин және потенциалды белсенді затын ұзақ уақыт қолданғанда байқалған және Дукресса препаратын қолданғанда туындауы мүмкін қосымша жағымсыз реакциялар Жүйелі фторхинолондарды қабылдаған пациенттерде хирургиялық араласуды талап еткен немесе еңбекке қабілеттілігін ұзақ уақытқа жоғалтуға әкеп соққан иық, білезік, Ахилл немесе басқа сіңірлердің үзілуі туралы хабарланды. Маркетингтен кейінгі зерттеулер және жүйелік хинолондарды қолдану тәжірибесі кортикостероидтарды қабылдайтын пациенттерде сіңірлердің үзілу қаупі, әсіресе Ахилл сіңірін қоса, сіңірлері ауыр жүктемеде болатын пациенттерде артуы мүмкін екенін көрсетіп отыр. Жағымсыз дәрілік реакциялар туындағанда медициналық қызметкерге, фармацевтке немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz немесе «Cантен» АҚ Қазақстан Республикасындағы өкілдігі Чаплин көш. 71/66, 050019 Алматы, Қазақстан Телефон нөмірі – 250-39-17 Электронды пошта: santen.kaz@santen.com

Дукресса® препаратындағы левофлоксацин мен дексаметазонның жалпы құрамы кездейсоқ жұтылған жағдайда уытты әсер етуге тым аз болады. Артық дозаланған жағдайда емдеуді тоқтату қажет. Көзді ұзақ уақыт тітіркендірген жағдайда стерильді сумен шаю қажет. Егер препаратты қолдану туралы сұрақтар туындаса, емдеуші дәрігерге хабарласыңыз.

Офтальмологиялық әсерлер Дукресса® препараты тек офтальмологиялық қолдануға арналған және субконъюнктивальді енгізуге арналмаған. Ерітіндіні тікелей көздің алдыңғы камерасына енгізуге болмайды. Препаратты ұзақ уақыт қолдану төзімді микроорганизмдердің, соның ішінде зеңнің шамадан тыс өсуі нәтижесінде антибиотикке төзімділіктің дамуына әкелуі мүмкін. Инфекция дамуы жағдайында препаратты тоқтатып, басқа дәрілік заттармен емдеуді тағайындау керек. Клиникалық көрсетілімдер болған кезде пациентті саңылаулы шамы бар биомикроскопия сияқты қосымша құралдардың көмегімен, ал қажет болған жағдайда флуоресцеинмен бояу арқылы тексеру керек. Жергілікті офтальмологиялық стероидтарды ұзақ уақыт қолдану көзішілік қысымның/глаукоманың жоғарылауына әкелуі мүмкін, бірақ Дукресса препаратын ұсынылған емдеу курсы (7 күн) ішінде қолданғанда ондай ықтималдығы аз. Қалай болғанда да, көзішілік қысымды мезгіл-мезгіл өлшеп отыру керек. Кортикостероидтардан туындаған көзішілік қысымның жоғарылау қаупі тиісті бейімділігі бар пациенттерде (мысалы, диабетпен ауыратын пациенттерде) артады. Жүйелі және жергілікті кортикостероидтарды қолданғанда көрудің бұзылуы туындауы мүмкін. Егер пациентте бұлыңғыр көру немесе көрудің басқа бұзылуы сияқты симптомдар пайда болса, оны катарактаны алып тастау бойынша хирургиялық операциядан кейінгі асқынулармен, глаукоманың дамуымен немесе жүйелі және жергілікті кортикостероидтарды қолдану кезінде хабарланған орталық серозды хориоретинопатия (ЦСД) сияқты сирек аурулармен байланысты болуы мүмкін себептерді анықтау үшін офтальмологқа жіберу қажет. Жергілікті қолдануға арналған офтальмологиялық кортикостероидтар мөлдір қабықтың сауығу процесін баяулатуы мүмкін. Жергілікті офтальмологиялық ҚҚСП да (қабынуға қарсы стероидты емес дәрілер) мөлдір қабықтың сауығуын баяулатады. Жергілікті офтальмологиялық ҚҚСД және стероидтарды бір мезгілде қолдану жараларды емдеумен байланысты проблемалардың туындау ықтималдығын арттыруы мүмкін. Жергілікті кортикостероидтарды мөлдір қабықтың немесе склераның жұқаруына әкелетін ауруларға қолдану тесілуге әкелуі мүмкін екендігі белгілі. Жүйелік әсерлер Фторхинолондар аллергиялық реакцияларды тіпті бір рет қолданғаннан кейін тудыруы мүмкін. Левофлоксацинге аллергиялық реакция пайда болған кезде емдеуді тоқтату керек. Жүйелі емге арналған фторхинолондар, оның ішінде левофлоксацин, әсіресе кортикостероидтарды бір мезгілде қолданатын егде жастағы пациенттерде сіңірдің қабынуын немесе үзілуін тудыруы мүмкін. Сондықтан сіңір қабынуының алғашқы белгілерінде де сақ болу және Дукресса® қолдануды тоқтату керек. Қарқынды немесе ұзақ үздіксіз ем аясында тиісті бейімділігі бар пациенттерде, соның ішінде балалар мен CYP3A4 тежегіштерін (соның ішінде ритонавир мен кобицистат) қабылдайтын пациенттерде офтальмологиялық қолдану үшін дексаметазонның жүйелі сіңуіне байланысты Кушинг синдромы және/немесе бүйрек үсті безі функциясының тежелуі дамуы мүмкін. Бұл жағдайларда емдеуді біртіндеп тоқтату керек. Иммундық жүйеге әсері Ұзақ уақыт қолдану (әдетте емдеу басталғаннан кейін 2 апта ішінде) иммундық жауаптың бәсеңдеуіне немесе сауығу процесінің баяулауына байланысты көздің қайталама инфекцияларының (бактериялық, вирустық немесе зеңдік) дамуына әкелуі мүмкін. Сонымен қатар, өзекті қолдануға арналған көз кортикостероидтары шартты патогендік микроорганизмдерден туындаған көз инфекцияларының көріністері мен симптомдарын тудыруы, нашарлатуы немесе бүркемелеуі мүмкін. Дукресса® құрамындағы кортикостероидтарды қысқа мерзімде қолданғанда мұндай жағдайлардың пайда болу ықтималдығы аз. Қосымша заттар Бензалконий хлориді Бензалконий хлориді көзді тітіркендіреді және жұмсақ жанаспалы линзалардың түсін кетіреді. Препаратты көздің құрғау синдромы бар пациенттерде және мөлдір қабығының зақымдануы бар пациенттерде сақтықпен қолданған жөн. Ұзақ қолданған жағдайда пациенттерді бақылап отыру керек. Катарактаны алып тастау бойынша хирургиялық операциядан кейін Дукресса® препаратымен емдеудің барлық кезеңі ішінде жанаспалы линзаларды тағуға болмайды. Арнайы ескертулер Жүктілік Жүкті әйелдерде дексаметазон мен левофлоксацинді қолдану туралы деректер жоқ немесе шектеулі. Кортикостероидтар плацента арқылы өтеді. Жүктілік кезінде кортикостероидтарды ұзақ немесе қайталап қолдану жатырішілік дамудың іркілу қаупі жоғарлауымен, босану кезінде дене салмағының төмендеуімен, сондай-ақ ересек жаста гипертензия дамуы қаупінің жоғарылауымен, қантамырлар бұзылулары және инсулинге резистенттілікпен байланысты болуы мүмкін. Жүктілік кезінде кортикостероидтардың айтарлықтай дозаларын алған аналардан туған нәрестелер бүйрек үсті безі қыртысы функциясының бәсеңдеу белгілерін анықтау үшін мұқият бақылануы тиіс. Жануарларға кортикостероидтармен жүргізілген зерттеулер репродуктивті уыттылық пен тератогендік әсерлерін көрсетті (оның ішінде қатты таңдай жырығы). Препаратты офтальмологиялық енгізгеннен кейінгі кортикостероидтардың жүйелік маңызды әсерін жоққа шығаруға болмайды, жүктілік кезінде, әсіресе алғашқы үш айда Дукресса көзге тамызатын дәрісімен емдеу ұсынылмайды; емдеу қауіп мен пайданы мұқият бағалағаннан кейін ғана жүргізілуі тиіс. Бала емізу Жүйелік кортикостероидтар мен левофлоксацин емшек сүтіне енеді. Адамның емшек сүтіне түсетін дексаметазон мөлшерінің емшектегі балаға клиникалық әсер етуі мүмкін екендігі туралы қолжетімді деректер жоқ. Дегенмен емшек сүтімен ауыратын бала үшін қаупін жоққа шығаруға болмайды. бала үшін емшек сүтімен емізу қаупін және әйел үшін емнің пайдасын ескере отырып, бала емізуді тоқтату немесе Дукресса препаратымен емді тоқтату/тоқтата тұру туралы шешім қабылдау қажет. Фертильділік Жүйелік кортикостероидтар ерлер мен әйелдердің ферильділігін бұзуы мүмкін, бұл гипоталамус пен гипофиздің гормональді секрециясына, сондай-ақ аталық бездер мен аналық бездердегі гаметогенезге әсер етеді. Дексаметазонның офтальмологиялық қолданудан кейін адамның фертильділігіне әсер ететіні белгісіз. Левофлоксацин көзге енгізгеннен кейін адамға әсер етуін едәуір жоғарылататын дозалар кезінде егеуқұйрықтарда фертильділіктің нашарлауына әкелмеді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Басқа көзге тамызатын дәрілерді қолданған кезде көлік құралдарын басқару немесе механизмдермен жұмыс істеу қабілетіне әсер етуі мүмкін уақытша бұлыңғыр көру немесе басқа көру бұзылыстары болуы мүмкін. Егер бұлыңғыр көру пайда болса, көру толығымен айқын болғанша күтіп, содан кейін ғана көлік жүргізу немесе механизмдермен жұмыс істеу қажет.

Нұсқаулықта көрсетілмеген.

Басқа дәрілік препараттармен өзара әрекеттесуіне зерттеулер жүргізілген жоқ. Жергілікті қолданғаннан кейін плазмадағы левофлоксациннің ең жоғары концентрациясы пероральді қабылдағанға қарағанда 1000 есе аз болғандықтан, басқа дәрілік заттармен өзара әрекеттесудің әсері клиникалық тұрғыдан маңызды болу ықтималдығы аз. Пробенецидті, циметидинді немесе циклоспоринді бір мезгілде қолдану левофлоксацин фармакокинетикасына, бірақ аз ғана дәрежеде әсер етеді. Жергілікті офтальмологиялық стероидтарды және жергілікті ҚҚСД бір мезгілде қолдану жаралардың жазылуымен проблемалар тудыруы мүмкін. CYP3A4 тежегіштері (ритонавир мен кобицистатты қоса) дексаметазон клиренсін азайтуы мүмкін, бұл әсердің күшеюіне әкеледі. Мұндай біріктірілімді пайдаланудан аулақ болу керек, бірақ егер күтілетін пайда жүйелік кортикостероидтарды қолданудың жағымсыз әсерлерінің даму қаупінен асып кетсе, онда жүйелік кортикостероидтар әсерінің пайда болуын қадағалау қажет.

Сақтау мерзімі 3 жыл. Құтыны ашқаннан кейін қолдану кезеңі – 28 күн. Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек.