Дулоксента капсулы 30 мг

Бір капсуланың құрамында белсенді зат – дулоксетин гидрохлориді, 33,675 мг немесе 67,350 мг (тиісінше 30 мг немесе 60 мг дулоксетинге баламалы), қосымша заттар - қант түйіршіктері, гипромеллоза 6 сР, сахароза, гипромеллоза фталаты НР-50, тальк, триэтилцитрат капсула қабығының құрамы: 30 мг доза үшін: титанның қостотығы (Е171), индиготин (Е132), баспалы сия (шеллак (Е904), темірдің қара тотығы (Е172)), желатин; 60 мг доза үшін: титанның қостотығы (Е171), индиготин (Е132), темірдің сары тотығы (Е172), баспалы сия (шеллак (Е904), темірдің қара тотығы (Е172)), желатин Сыртқы түрінің, иісінің, дәмінің сипаттамасы Корпусы ақ және қақпағы қою-көк түсті, капсула корпусында қара түсті баспалы сиямен орындалған «30» таңбасы бар, өлшемі №3 қатты желатинді капсулалар. Капсула ішіндегісі – ақ немесе ақ дерлік түсті пеллеттер (30 мг доза үшін). Корпусы сарғыш-жасыл және қақпағы қою-көк түсті, капсула корпусында қара түсті баспалы сиямен орындалған «60» таңбасы бар, өлшемі №1 қатты желатинді капсулалар. Капсула ішіндегісі – ақ немесе ақ дерлік түсті пеллеттер (60 мг доза үшін).

• ауқымды депрессиялық бұзылыстарды емдеу • диабеттік шеткері нейропатияның ауырсынулы формасын емдеу • жайылған үрей бұзылыстарын емдеу Дулоксетин ересектерде қолдану үшін көрсетілген.

ATХ коды N06AХ21 Әсер ету механизмі Дулоксетин біріктірілген әсердің антидепрессанты болып табылады: серотониннің (5-НТ) және норадреналиннің кері қармауын тежейді, гистаминергиялық, дофаминергиялық, холинергиялық және адренергиялық рецепторларға едәуір ұқсастықты иеленбестен дофаминнің кері қармауын баяу басады. Дулоксетин жануарлар миының түрлі аумақтарында серотонин мен норадреналиннің жасушадан тыс деңгейлерін дозаға байланысты ұлғайтады. Фармакодинамикалық әсері Дулоксетин сондай-ақ нейропатиялық және қабыну ауыруларының кейбір эксперименттік модельдерінде ауыруды сезіну шегін қалпына келтіреді және созылмалы ауыру моделінде ауыру сезімдерінің айқындығын төмендетеді. Дулоксетиннің ауыруды басатын әсері орталық жүйке жүйесі шегінде тежеудің баяулауымен негізделуі арқылы болуы ықтимал. Клиникалық тиімділігі және қауіпсіздігі Ауқымды депрессиялық бұзылыс Дулоксетин DSM-IV критерийлеріне сәйкес ауқымды депрессиялық бұзылыстан зардап шегетін 3158 пациент (жыл бойы 1285 пациент) қатысқан клиникалық бағдарламада зерттелді. Ұсынылған тәулігіне бір рет 60 мг дозадағы дулоксетиннің тиімділігі ауыр депрессиялық бұзылыстары бар ересек амбулаториялық пациенттерде белгіленген дозамен үш рандомизацияланған салыстырмалы жасырын плацебо-бақыланатын жедел зерттеудің үшеуінде көрсетілді. Жалпы алғанда, дулоксетиннің тиімділігі ауыр депрессиялық бұзылыстары бар ересек амбулаториялық пациенттерде белгіленген дозамен рандомизацияланған салыстырмалы жасырын плацебо-бақыланатын жеті зерттеудің бесеуінде жалпы алғанда 60-тан 120 мг-ға дейінгі күнделікті дозаларда көрсетілді. Дулоксетин Гамильтон (HAM-D) депрессиясын бағалаудың 17 балдық шкаласы бойынша жалпы баллдың жақсаруымен өлшенген плацебодан статистикалық артықшылықты көрсетті (депрессияның эмоциялық және соматикалық симптомдарын қоса алғанда) көрсетті. Жауабы мен ремиссия жиілігі плацебомен салыстырғанда дулоксетинде статистикалық жағынан жоғары болды. Негізгі клиникалық сынақтарға енгізілген пациенттердің аз ғана бөлігінде ауыр депрессия (бастапқы HAM-D> 25) болды. Қайталану профилактикасы бойынша зерттеулерде тәулігіне бір рет 60 мг дулоксетинмен 12 апталық емге жауап берген пациенттер тәулігіне бір рет 60 мг дулоксетинді қабылдаған топқа және 6 ай ішінде одан кейінгі емдеуге плацебо қабылдаған топқа рандомизацияланған. Тәулігіне бір рет 60 мг дулоксетин нәтиженің бастапқы критерийі бойынша плацебомен (p = 0,004) салыстырғанда, қайталануға дейін уақыт бойынша өлшенген депрессиялық қайталануды алдын алу бойынша статистикалық маңызды артықшылықты көрсетті. 6 айлық салыстырмалы жасырын бақылау кезеңі ішінде қайталану жиілігі дулоксетин мен плацебо үшін тиісінше 17% және 29% құрады. Қайталанатын үлкен депрессиялық бұзылулары бар дулоксетинді қабылдаған пациенттерде плацебо-бақыланатын салыстырмалы жасырын емдеудің 52 апта ішінде плацебо үшін рандомизацияланған пациенттермен салыстырғанда симптомдар болмауының (р <0,001) едәуір ұзақ кезеңі болды. Барлық пациенттерде тәулігіне 60-тан 120 мг дейінгі дозада дулоксетинмен (28-ден 34 аптаға дейін) ашық емдеу кезінде бұрын дулоксетинге клиникалық жауап байқалған. 52 апталық плацебо-бақыланатын салыстырмалы жасырын емдеу кезеңі ішінде дулоксетин қабылдаған пациенттердің 14,4%-да және плацебо алған пациенттердің 33,1%-да депрессия симптомдарының қайтарылуы байқалды (р <0,001) байқалды. Тәулігіне бір рет 60 мг дозадағы дулоксетиннің әсері депрессиясы бар егде пациенттер (65 жастан асқан) зерттеуде жеке зерделенді, оның барысында плацебо алған пациенттермен салыстырғанда дулоксетин алған пациенттерде HAMD17 шкаласы бойынша бағаның төмендеуі арасындағы статистикалық елеулі айырмашылығы анықталды. Егде жастағы пациенттерде тәулігіне бір рет 60 мг дозада дулоксетиннің жағымдылығы жас пациенттерде ұқсас болды. Алайда, ең жоғары доза (тәулігіне 120 мг) әсеріне ұшыраған егде жастағы пациенттер туралы деректер шектеулі, сондықтан халықтың осы тобын емдеу кезінде сақ болу керек. Жайылған үрейлі бұзылыс Дулоксетин бес зерттеудің бесеуінде, оның ішінде төрт рандомизацияланған, салыстырмалы жасырын, плацебо-бақыланатын зерттеулер және жайылған үрейлі бұзылыстары бар ересек науқастарда қайталануды болдырмау бойынша зерттеулерді қоса, плацебодан статистикалық маңызды артықшылығын көрсетті. Дулоксетин Гамильтон (HAM-A) бойынша жалпы баллдың жақсаруымен және Шиханның мүгедектік шкаласы (SDS) бойынша функционалдық бұзушылықтардың ауқымды шкаласымен өлшенген плацебодан статистикалық маңызды артықшылықты көрсетті. Жауап және ремиссия жиілігі плацебомен салыстырғанда дулоксетинде препаратында жоғары болды. Дулоксетин тиімділіктің HAM-A жалпы балын жақсарту тұрғысынан венлафаксинмен салыстырмалы нәтижелерін көрсетті. Қайталанудың профилактикасы жөніндегі зерттеуде дулоксетинмен емге 6 айға жауап берген пациенттер, сондай-ақ дулоксетин қабылдаған топқа және одан кейінгі 6 айда плацебо қабылдаған топқа рандомизацияланған. Тәулігіне бір рет 60 мг-дан 120 мг дейін дулоксетин қайталануға дейінгі уақыт бойынша есептелген қайталану профилактикасында плацебомен (р <0,001) салыстырғанда статистикалық маңызды артықшылықты көрсетеді. 6 айлық салыстырмалы жасырын бақылау кезеңі ішінде қайталану жиілігі Дулоксетин үшін 14% және плацебо үшін 42% құрады. Жайылған үрейлі бұзылысы бар егде жастағы пациенттерде (>65 жас) тәулігіне бір рет 30-120 мг дозадағы дулоксетиннің тиімділігі плацебо алған пациенттермен салыстырғанда, дулоксетин алған пациенттер үшін HAM-А жалпы балының статистикалық маңызды жақсаруын көрсеткен зерттеуде бағаланды. Дулоксетиннің тәулігіне бір рет 30-120 мг дозадағы тиімділігі мен қауіпсіздігі жайылған үрейлі бұзылыстары бар егде жастағы пациенттерде анағұрлым жастау ересек пациенттерді зерттеулерде байқалғанға ұқсас болды. Алайда, ең жоғары доза (тәулігіне 120 мг) әсеріне ұшыраған егде жастағы пациенттер туралы деректер шектеулі, сондықтан бұл дозаны егде жастағы пациенттерде қолданған кезде сақ болу керек. Диабеттік шеткері нейропатиясы кезіндегі ауырсыну синдромы: Диабеттік нейропатия кезіндегі ауырсыну синдромын емдеу ретінде дулоксетиннің тиімділігі диабеттік нейропатия кезінде кем дегенде 6 ай бойы ауырсыну синдромы бар пациенттерде (22-88 жас) дулоксетиннің белгіленген дозаларын қолдану зерттеулерінде анықталған. Бұл зерттеулерден негізгі депрессиялық бұзылыстың диагностикалық критерийлеріне сәйкес келетін пациенттер алынып тасталды. Бастапқы соңғы нүкте пациенттер күнделікті күнделікке 11 балдық Лайкерт шкаласы бойынша енгізген 24 сағаттық ауырсыну қарқындылығының апталық орташа мәні болды. Екі зерттеуде де дулоксетин тәулігіне бір рет 60 мг және тәулігіне екі рет 60 мг дозада плацебомен салыстырғанда ауырсыну қарқындылығын айтарлықтай төмендетті. Ауырсыну қарқындылығының кем дегенде 30%-ға төмендеуі плацебо алған пациенттерде 40%-бен салыстырғанда, дулоксетин алған пациенттердің шамамен 65%-ында байқалды. Ауырсынуды 50%-дан кем болмайтындай азайту үшін тиісті сандар тиісінше 50% және 26% құрады. Клиникалық жауаптың жиілігі (ауырсынудың 50%-ға немесе одан да көп азаюы) пациенттің емдеу кезіндегі ұйқышылдық сезіміне байланысты талданды. Ұйқышылдықты сезінбейтін пациенттер үшін клиникалық жауап дулоксетин қабылдаған пациенттердің 47%-да және плацебо қабылдаған пациенттердің 27%-да байқалды. Ұйқышылдықты сезінетін пациенттерде клиникалық жауап беру жиілігі дулоксетинге 60% және плацебоға 30% құрады. Емдеудің 60 күні ішінде ауырсынудың 30% төмендеуін көрсетпейтін науқастар одан әрі емдеу кезінде бұл деңгейге жетуі екіталай. Ашық ұзақ бақыланбайтын зерттеулерде тәулігіне бір рет 60 мг дулоксетинмен 8 апталық емге жауап беретін пациенттерде ауырсынудың азаюы 6 ай бойы сақталды, бұл BPI шкаласы бойынша 24 сағат ішіндегі ауырсынудың орташа деңгейі мәнінің өзгеруімен есептелді. Балалар Дулоксетинді 7 жасқа дейінгі пациенттерде қолдану бойынша зерттеулер жүргізілмеді. Үлкен депрессиялық бұзылысы бар 7-17 жас аралығындағы 800 баланың қатысуымен екі рандомизацияланған қосарлы жасырын параллель клиникалық зерттеулер жүргізілді (4.2-бөлімді қараңыз). Екі зерттеуге 10 апталық плацебо- және белсенді (флуоксетин) бақыланатын жедел фаза, содан кейін алты айлық белсенді бақыланатын ұзартылған емдеу кезеңі кірді. Дулоксетин (30-120 мг) және белсенді бақылау тобы (флуоксетин 20-40 мг) балалық депрессияны бағалау шкаласы (cdrs-R) бойынша бастапқы деңгейден жалпы көрсеткіштің соңғы нүктесіне өзгеру бойынша плацебодан статистикалық тұрғыдан ерекшеленбеді. Жағымсыз құбылыстарға байланысты емдеуді тоқтату флуоксетин қабылдаған пациенттермен салыстырғанда, негізінен жүрек айнуына байланысты дулоксетин қабылдаған пациенттерде жиі байқалды. 10 апталық жедел емдеу кезеңінде суицидтік мінез-құлық туралы хабарланды (дулоксетин 0/333 [0%], флуоксетин 2/225 [0,9%], плацебо 1/220 [0,5%]). 36 апталық зерттеу курсы барысында бастапқыда дулоксетинді қабылдау үшін рандомизацияланған 333 пациенттің 6-сында және бастапқыда флуоксетинді қабылдау үшін рандомизацияланған 225 пациенттің 3-де суицидтік мінез-құлық байқалды (дулоксетин үшін жылына бір пациентке 0,039 жағдай және флуоксетин үшін 0,026 жағдайдың экспозициясына түзетілген жиілік). Сонымен қатар, плацебодан дулоксетинге ауысқан бір пациент дулоксетинді қабылдау кезінде суицидтік мінез-құлыққа ие болды. Жайылған үрейлі бұзылысы бар 7-17 жас аралығындағы 272 пациенттің қатысуымен рандомизацияланған қосарлы жасырын плацебо-бақыланатын зерттеу жүргізілді. Зерттеуге 10 апталық плацебо-бақыланатын жедел кезең, содан кейін 18 апталық ұзартылған емдеу кезеңі кірді. Бұл зерттеу тәулігіне бір рет 30 мг-ден жоғары дозаларға дейін (тәулігіне бір рет ең көбі 120 мг) баяу көтеруге мүмкіндік беретін икемді дозалау режимін қолданды. Дулоксетинмен емдеу 10 апталық емдеуден кейін GAD симптомдарының статистикалық тұрғыдан айтарлықтай жақсарғанын көрсетті, бұл GAD ауырлық шкаласы бойынша PARS шкаласы бойынша өлшенді (дулоксетин мен плацебо арасындағы орташа айырмашылық 2,7 балл [95% СА 1,3-4,0]). Әсердің сақталуы бағаланбады. Жедел емдеудің 10 апталық кезеңінде дулоксетин мен плацебо топтары арасындағы жағымсыз құбылыстарға байланысты емдеуді тоқтатуда статистикалық маңызды айырмашылық анықталған жоқ. Жедел кезеңнен кейін плацебодан дулоксетинге ауысқан екі пациентте ұзарту кезеңінде дулоксетинді қабылдау кезінде суицидтік мінез-құлық байқалды. Осы жас тобындағы жалпы пайда/қауіп туралы қорытынды жасалмады (4.2 және 4.8 бөлімдерді қараңыз). Ювенальді біріншілік фибромиалгия синдромы (JPFS) бар балаларда бір зерттеу жүргізілді, онда дулоксетин қабылдаған топ тиімділіктің бастапқы көрсеткіші бойынша плацебо қабылдаған топтан ерекшеленбеді. Осылайша, пациенттердің осы педиатриялық популяциясында тиімділік туралы дәлелдер болмады. JPFS бар 13 пен 18 жас аралығындағы (орташа жасы 15,53 жас) 184 жасөспірімнің қатысуымен рандомизацияланған, қосарлы жасырын, плацебо-бақыланатын дулоксетинді параллель зерттеу жүргізілді. Зерттеуге 13 апталық қосарлы жасырын кезең кірді, оның барысында пациенттер күн сайын 30 мг/60 мг немесе плацебо дозасында дулоксетин тобына рандомизацияланды. Дулоксетин ауырсынуды қысқаша жіктеу (BPI) бойынша орташа ауырсыну көрсеткішінің бастапқы соңғы нүктесі арқылы өлшенетін ауырсынуды азайту тиімділігін көрсетпеді, ең кіші квадрат әдісі (LS) BPI-дегі бастапқы деңгейден орташа өзгеріс 13 аптадан кейін ауырсынудың орташа бағасы плацебо тобында -0,97, 30/60 мг дозада (p = 0,052) дулоксетин тобында -1,62 болды. Бұл зерттеудің қауіпсіздік бойынша нәтижелері белгілі дулоксетин қауіпсіздік бейініне сәйкес келді.

Дозалау режимі Ауқымды депрессиялық бұзылыс Ұсынылған бастапқы және демеуші доза тамақтануға қарамастан тәулігіне бір рет 60 мг құрайды. Тәулігіне 60 мг дозадан ең жоғарғы 120 мг дозаға дейін қолданудың қауіпсіздігі мен тиімділігін бағалау бастапқы ұсынылған дозамен емге жауап бермейтін пациенттерде дозаны ұлғайтудың басымдықтарын растамады. Емге жауап әдетте ем басталғаннан кейін 2-4 аптадан соң байқалады. Депрессияға қарсы әсерге қол жеткізгеннен кейін қайталанудың алдын алу мақсатында бірнеше ай ішінде емді жалғастыру ұсынылады. Дулоксетинмен емге оң жауап беретін және анамнезінде ауқымды депрессияның қайталама эпизодтары бар пациенттерде 60-тан 120 мг/тәул дозада препаратпен әрі қарай ұзақ емдеу мүмкіндігін қарастыру қажет. Жайылған үрейлі бұзылыс Жайылған үрейлі бұзылысы бар пациенттердегі ұсынылған бастапқы доза тамақтануға қарамастан тәулігіне бір рет 30 мг құрайды. Емге жауабы жеткіліксіз пациенттерде дозаны пациенттердің көпшілігіндегі әдеттегі демеуші доза 60 мг дейін ұлғайтуға болады. Ауқымды депрессиялық бұзылысы бар пациенттерде бастапқы және демеуші доза тәулігіне бір рет 60 мг құрайды (сондай-ақ жоғарыдан қолдану жөніндегі ұсынымдарды қараңыз). Сондықтан 60 мг дозаға жауабы жеткіліксіз пациенттерде дозаны 90 мг немесе 120 мг дейін ұлғайту мүмкіндігін қарастыруға болады. Дозаны ұлғайту клиникалық жауап және жағымдылық негізінде жүргізілуі керек. Емдік әсеріне қол жеткізгеннен кейін қайталануын болдырмау мақсатында емдеуді бірнеше ай бойы жалғастыру ұсынылады. Шеткері диабеттік нейропатияның ауырсынулы формасы Бастапқы және ұсынылған демеуші доза тамақтануға қарамастан тәулігіне бір рет 60 мг құрайды. Екі тең дозаға бөлінген тәулігіне 60 мг дозадан ең жоғарғы 120 мг дозаға дейін қолдану плазмадағы дулоксетин концентрациясы едәуір жеке түрленгіштікпен сипатталатынын көрсетті. Сондықтан 60 мг/тәул дозаға жауабы жеткіліксіз кейбір пациенттерде жоғарырақ дозаны қолданғанда жақсару байқалуы мүмкін. Емдік әсерін бағалау 2 ай емдегеннен кейін жүргізілуі керек. Бастапқы жауабы жеткіліксіз пациенттерде қосымша реакцияның осы уақыт аралығы өткенде ықтималдығы аз. Емдік әсерін бағалауды тұрақты түрде (үш айда бір реттен сирек емес) жүргізу керек. Пациенттердің ерекше тобы Балалар Дулоксетинді ауқымды депрессиялық бұзылысты емдеу үшін препарат қолданудың қауіпсіздігіне және тиімділігіне қатысты ықтимал проблемаларға байланысты балалар мен 18 жасқа дейінгі жасөспірімдерде қолдану ұсынылмайды. Дулоксетинді диабеттік шеткері нейропатия кезіндегі ауыру синдромы бар балалар мен 18 жасқа дейінгі жасөспірімдерде қолдану қауіпсіздігі мен тиімділігі зерттелмеді. Егде жастағы пациенттер Тек жас шамасы негізінде егде жастағы пациенттер үшін дозаны түзеу талап етілмейді. Алайда, кез келген басқа препараттарды қолданудағыдай, әсіресе Дулоксента препаратын тәулігіне 120 мг дозада қолданғанда, деректері шектеулі клиникалық депрессияда немесе жайылған үрейлі бұзылыстары бар егде жастағы пациенттерді емдегенде сақтық таныту керек. Бауыр жеткіліксіздігі бар пациенттер Дулоксента препаратын бауыр жеткіліксіздігіне әкелетін бауыр аурулары бар пациенттерге қолданбаған жөн. Бүйрек жеткіліксіздігі бар пациенттер Бүйрек дисфункциясы жеңіл және орташа дәрежесі (креатинин клиренсі 30-80 мл/мин) бар пациенттерде дозаны түзету талап етілмейді. Дулоксента препаратын бүйректің ауыр жеткіліксіздігі бар (креатинин клиренсі <30 мл/мин) пациенттерде қолданбаған жөн. Дулоксента препаратымен емдеу тоқтағаннан кейін байқалатын тоқтату синдромы Емді күрт тоқтатудан аулақ болыңыз. Дулоксента препаратымен емдеуді тоқтату кезінде «тоқтату» синдромының даму қаупін азайту үшін дозаны 1-2 апта ішінде біртіндеп төмендеткен жөн. Препарат дозасын төмендеткеннен немесе емді тоқтатқаннан кейін тоқтату синдромы дамыған жағдайда бұрын берілген дозада қабылдауды жаңғыртуға болады. Әрі қарай дәрігер дозаны төмендетуді жалғастыра алады, бірақ баяуырақ қарқынмен жалғастыра алады. Енгізу әдісі және жолы • Дулоксента ішке қабылдауға арналған. Капсуланы сумен ішіп, тұтастай жұту керек. • Дулоксентаны тамақтануға байланыссыз қабылдауға болады. Емдеу ұзақтығы • Сіз қанша уақыт Дулоксента қабылдауға тиіс екендігіңіз туралы өз дәрігеріңізбен кеңесіңіз. Дулоксента қабылдауды тоқтатпаңыз және алдын ала емдеуші дәрігермен кеңеспей дозаны өзгертпеңіз. Ауруды дұрыс емдеу сізге қалыпқа келуге көмектесу үшін маңызды. Егер ем жүргізілмесе, сіздің жағдайыңыз нашарлауы, ауыр және емделуі қиын болуы мүмкін. Дәрілік препараттың бір немесе бірнеше дозасын өткізіп алу кезіндегі қажетті шаралар • Егер сіз дозаны қабылдауды ұмытып кетсеңіз, оны еске түсе сала қабылдаңыз. Алайда, егер кезекті дозаны қабылдау уақыты келсе, өткізіп алған дозаны қабылдамаңыз, әдеттегідей бір дозаны ғана қабылдаңыз. Өткізіп алған дозаның орнын толтыру үшін қосарлы дозаны қабылдамаңыз. Дулоксента препаратының Сізге тағайындалған тәуліктік дозасынан асырмаңыз. Тоқтату синдромы қаупінің болуына көрсетілім Өзіңізді жақсы сезінсеңіз де, емдеуші дәрігермен кеңеспей, капсулалар қабылдауды тоқтатпаңыз. Егер сіздің дәрігеріңіз Дулоксента препаратын одан әрі қабылдаудың қажеті жоқ деп есептесе, ол емдеуді толық тоқтатқанға дейін кем дегенде 2 апта бұрын дозаны төмендетуді сұрайды. Дулоксетинді қабылдауды күрт тоқтатқан кейбір пациенттерде мынадай симптомдар пайда болды: - бас айналуы, аяқ-қолдардағы шаншу және шымылдау сезімі сияқты сезімталдықтың бұзылуы, немесе электр тогының өту сезімі (әсіресе баста), ұйқының бұзылуы (шынайы түс көрулер, қорқынышты түс көру, ұйқысыздық), шаршау, ұйқышылдық, ажитация немесе үрей, мазасыздық, көңіл-күйдің нашарлауы (жүрек айнуы немесе құсу), дірілдеу (тремор), бас ауыруы, бұлшықеттің ауыруы, тітіркену сезімі, диарея, қатты терлеу немесе вертиго. Бұл симптомдар, әдетте, елеулі сипаты жоқ және бірнеше күн ішінде өтеді, бірақ егер сізде қауіпті симптомдар байқалса, сізге дәрігерден кеңес алу керек. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар • Осы препаратты қолдану туралы қосымша сұрақтар туындаған кезде емдеуші дәрігермен немесе фармацевтпен кеңесіңіз. ДЗ стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар Өте жиі -бас ауыруы, ұйқышылдық -жүрек айнуы, ауыздың құрғауы Жиі -тәбеттің төмендеуі -ұйқысыздық, ажитация, либидоның төмендеуі, үрей/мазасыздық, патологиялық оргазм, патологиялық түс көру - бас айналуы, летаргия, тремор, парестезия - көрудің бұлыңғырлануы - тиннит1 - жүректің қатты қағуы - артериялық қысымның жоғарылауы3, бетке қан тебу -есінеу -іш қатуы, диарея, іш ауыруы, құсу, диспепсия, метеоризм -қатты тершеңдік, бөртпе -қаңқа-бұлшықет ауыруы, бұлшықет түйілуі - дизурия, поллакиурия - эректильді дисфункция, эякуляцияның бұзылуы, эякуляцияның іркілуі - естен тану8, қажу - салмақтың төмендеуі Жиі емес • ларингит • гипергликемия (әсіресе қант диабеті бар пациенттерде) • суицидтік ойлар5,7, ұйқының бұзылуы, бруксизм, бағдардан адасу, апатия • миоклонус, акатазия7, күйгелектік, зейін қоюдың бұзылуы, дисгевзия, дискинезия, тынымсыз аяқ синдромы, ұйқы сапасының нашарлауы • мидриаз, көрудің бұзылуы • вертиго, құлақтың ауыруы • тахикардия, суправентрикулярлық аритмия (негізінен жүрекше фибрилляциясы) • естен тану2, гипертензия3,7, ортостаздық гипотензия2, шеткері қан айналымының бұзылуы (қол-аяқтың салқындауы) • тамақтағы қысылу сезімі, мұрыннан қан кету • асқазан-ішектен қан кету7, гастроэнтерит, кекіру, гастрит, дисфагия • гепатит3, бауыр ферменттері (АЛТ, АСТ, сілтілік фосфатаза) деңгейінің жоғарылауы, бауырдың жедел зақымдануы • түнгі терлеу, есекжем, жанаспалы дерматит, суық тер, фотосенсибилизация, қанталау түзілуі үрдісінің жоғарылауы • бұлшықеттің сіресуі, бұлшықеттің құрысуы • несеп шығарудың іркілуі, несеп шығарудың бұзылуы, никтурия, полиурия, несеп ағыны жылдамдығының төмендеуі • гинекологиялық қан кету, етеккір айналымының бұзылуы, сексуалды дисфункция, аталық без ауыруы - кеуденің ауыруы7, патологиялық сезімдер, суық сезіну, шөлдеу, қалтырау, дәмкәстік, ыстық сезіну, жүрістің бұзылуы -салмақ қосу, қандағы креатинфосфокиназа деңгейінің жоғарылауы, қандағы калий деңгейінің жоғарылауы Сирек - анафилаксиялық реакциялар, аса жоғары сезімталдық реакциялары - гипотиреодизм - сусыздану, гипонатриемия, диурезге қарсы гормонның талапқа сай емес сөлініс синдромы (ДҚГТСС6) • суицидтік мінез-құлық 5,7, мания, елестеулер, озбырлық және ашу4 • серотониндік синдром6, құрысулар 1, психомоторлық қозу6, экстрапирамидалық симптомдар6 • глаукома • гипертониялық криз3,6 - интерстициялық өкпе ауруы10, эозинофильді пневмония6 - стоматит, қан аралас нәжіс, ауыздан жағымсыз иіс шығу, микроскопиялық колит9 - бауыр жеткіліксіздігі6, сарғаю6 - Стивенс-Джонсон синдромы6, ангионевроздық ісіну6 - тризм - несептен патологиялық иіс шығуы -менопауза симптомдары, галакторея, гиперпролактинемия, босанғаннан кейін қан кету6 -қандағы холестерин деңгейінің жоғарылауы Өте сирек - терілік васкулит Белгісіз - Күйзеліс кардиомиопатиясы (Такоцубо кардиомиопатиясы) 1Құрысулардың дамуы және құлақтың шыңылдау жағдайлары да емді тоқтатқаннан кейін байқалған. 2Ортостаздық гипотензия мен естен танудың даму жағдайлары әсіресе емнің басында байқалды. 3 «Арнайы сақтандырулар» бөлімін қараңыз 4 Озбырлық пен ашудың даму жағдайлары әсіресе емнің басында немесе емді тоқтатқаннан кейін байқалған. 5Суицидтік ойлардың және суицидтік мінез-құлықтың жағдайлары дулоксетинмен емдеу уақытында немесе емді тоқтатқаннан кейінгі ерте сатыларда байқалған («Арнайы сақтандырулар» бөлімін қараңыз). 6 Постмаркетингтік қадағалаудан алынған жағымсыз реакциялардың есептелген туындау жиілігі; плацебо-бақыланатын клиникалық зерттеулер барысында байқалмады. 7Статистикалық тұрғыдан плацебодан аздап ерекшеленеді. 8Әлсіздік егде жастағы пациенттер (≥ 65 жас) арасында кеңірек таралған. 9 Есептік жиілік барлық клиникалық зерттеулердің деректеріне негізделген. 10 Есептік жиілік плацебо-бақыланатын клиникалық зерттеулердің деректеріне негізделген. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

• препараттың белсенді затына немесе қосымша заттарының кез келгеніне аса жоғары сезімталдық • Дулоксента препаратын селективті емес қайтымсыз моноаминоксидаза (МАО) тежегіштерімен бір мезгілде қабылдау • бауыр жеткіліксіздігіне әкелетін бауыр аурулары • CYP1А2 изоферментінің күшті тежегіштерімен (флувоксамин, ципрофлоксацин, эноксацин сияқты) бір уақытта қолдану, өйткені біріктірілім қан плазмасындағы дулоксетин концентрациясының жоғарылауына әкеледі • бүйректің ауыр жеткіліксіздігі (креатинин клиренсі <30 мл / мин) • гипертониялық криздің потенциалды даму қаупіне әкелетін бақыланбайтын артериялық гипертензия • жүктілік және лактация кезеңі • 18 жасқа дейінгі балалар және жасөспірімдер Препаратты қолдану кезінде қажетті сақтық шаралары Мания және эпилепсиялық ұстамалар Дулоксента препаратын анамнезінде маниакальді эпизодтар, биполярлық бұзылыстар және/немесе эпилепсиялық ұстамалары бар пациенттерде сақтықпен тағайындау керек. Мидриаз Дулоксетинді қабылдағанда мидриаздың дамуы туралы хабарланды, сондықтан Дулоксента препаратын жоғары көзішілік қысымы бар пациенттерге немесе жедел жабық бұрышты глаукоманың даму қаупі тобындағы адамдарға қолданғанда сақтық шараларын қабылдау қажет. Артериялық қысым (АҚ) және жүрек жиырылу жиілігі (ЖЖЖ) Кейбір пациентерде дулоксетин қабылдау артериялық қысымның жоғарылауымен және клиникалық тұрғыдан маңызды артериялық гипертензияның туындауымен байланысты болған. Мұндай дулоксетинде норадренергиялық әсердің болуымен байланысты болуы мүмкін. Гипертониялық криз жағдайлары дулоксетинді қабылдау кезінде, әсіресе анамнезінде артериялық гипертензиясы бар пациенттерде байқалған. Сондықтан, анықталған артериялық гипертензиясы және/немесе басқа жүрек аурулары бар пациенттерде, әсіресе емнің бірінші айында артериялық қысымға мониторинг жүргізу ұсынылады. Дулоксетинді жүрек жиырылуы жиілігінің ұлғаюына немесе артериялық қысымның жоғарылауына байланысты жағдайлары нашарлауы мүмкін пациенттерде сақтықпен қолдану қажет. Сондай-ақ дулоксетинді оның метаболизмін қиындатуы мүмкін дәрілік препараттармен қолданғанда сақтық шараларын сақтау қажет («Басқа дәрілік препараттармен өзара әрекеттесуі» бөлімін қараңыз). Артериялық қысымы тұрақты жоғарылап тұратын пациенттер үшін дулоксетинді қабылдағанда дозаны төмендету немесе препарат қолдануды біртіндеп тоқтату мүмкіндігін қарастыру қажет. Бақыланбайтын артериялық гипертензиясы бар пациенттерде дулоксетин қабылдауды бастамаған жөн. Серотониндік синдром/ Қатерлі нейролептикалық синдром Басқа да серотонинергиялық дәрілік препараттар сияқты, дулоксетин қабылдау, әсіресе басқа серотонинергиялық дәрілік препараттармен (оның ішінде СКҚСТ (серотонинді кері қармаудың селективті тежегіштері), СНКҚСТ (серотонинді-норэпинефринді кері қармаудың селективті тежегіштері), үшциклдық антидепрессанттар немесе триптандар), серотонин метаболизміне кедергі жасайтын дәрілік заттармен (МАО тежегіштері, психозға қарсы препараттар сияқты) немесе серотонинергиялық нейромедиаторлық жүйеге ықпал етуі мүмкін допаминнің басқа антагонистерімен бір уақытта қолданғанда өмірге аса қауіпті жағдай серотониндік синдром немесе қатерлі нейролептикалық синдром (ҚНС) туындатуы мүмкін. Серотониндік синдром симптомдарына психикалық статустың өзгеруі (қозу, елестеулер, кома), вегетативтік тұрақсыздық (тахикардия, артериялық қысымның құбылмалылығы, гипертермия), жүйке-бұлшықет бұзылыстары (гиперрефлексия, қимыл үйлесімінің бұзылуы) және/немесе асқазан-ішек симптомдары (жүрек айнуы, құсу, диарея) кіруі мүмкін. Серотонин синдромы өзінің ең ауыр түрінде гипертермияны, бұлшықеттің қаттылығын, қан сарысуындағы креатинкиназа деңгейінің жоғарылауын, өмірлік маңызды белгілердің тез өзгеруімен және психикалық жағдайдың өзгеруімен вегетативті тұрақсыздықты қамтитын ҚНС-ке ұқсауы мүмкін. Егер дулоксетин мен серотонинергиялық және/немесе дофаминергиялық нейромедиаторлық жүйеге ықпал етуге қабілетті басқа да серотонинергиялық/нейролептикалық дәрілік заттарды бір уақытта қолдану клиникалық тұрғыдан негізделсе, онда пациенттің жай-күйін мұқият қадағалау, әсіресе емнің басында және дозаны ұлғайтқанда ұсынылады. Шайқурай Дулоксента препараты мен құрамында шайқурай бар өсімдік препараттарын (Hypericum perforatum) бір уақытта қолданғанда жағымсыз реакциялар жиі туындауы мүмкін. Суицид Ауқымды депрессиялық бұзылыс және жайылған үрейлі бұзылыс Депрессия пациентте суицидтік ойлардың, өз-өзіне зиян тигізудің және суицид әрекеттің (суицидтік әрекеттер және көріністер) жоғарғы туындау қаупіне байланысты. Бұл қауіп жағдайдың едәуір жақсаруына дейін сақталады. Жақсару емдеудің алғашқы бірнеше аптасында немесе одан ұзақ кезеңде орын алмауы мүмкін болғандықтан пациенттер осындай жақсарудың пайда болуына дейін мұқият қадағалануы тиіс. Клиникалық практикада сауығудың ерте сатыларында суицид қаупінің ұлғаюы кең таралған. Емдеу үшін Дулоксента препараты қолданылатын басқа да психикалық бұзылыстар суицидтік әрекеттердің жоғары қаупімен байланысты болуы мүмкін. Одан басқа, бұл жағдайлар клиникалық депрессиямен қатарласуы мүмкін. Сондықтан басқа психикалық бұзылыстары бар пациенттерді емдегенде, клиникалық депрессиясы бар пациенттерді емдегендегідей сақтық шараларын орындау қажет. Анамнезінде ем басталғанға дейін суицидтік белгілері немесе едәуір дәрежеде байқалатын суицидтік ойлары бар пациенттер суицидтік ойлардың немесе мінез-құлықтың туындауы бойынша үлкен қауіп тобында болады және емделу уақытында мұқият қадағалауда болуы тиіс. Психикалық бұзылыстар кезіндегі антидепрессанттардың плацебо-бақыланатын клиникалық зерттеулерінің метаталдауы плацебомен салыстырғанда антидепрессанттарды қолданған кезде 25 жасқа толмаған пациенттерде суицидтік мінез-құлық қаупінің жоғарылауын анықтады. Суицидтік ойлар мен суицидтік мінез-құлықтың пайда болу жағдайлары туралы дулоксетин қолданғанда немесе емді тоқтатқаннан кейін бірден хабарланды. Пациенттерді, атап айтқанда, жоғарғы қауіп тобындағы пациенттердің дәрілермен емдеу, әсіресе емнің ерте сатыларында және дозаны өзгерткенде мұқият қадағалануы тиіс. Пациенттер (және оларды күтетін адамдар) клиникалық нашарлау симптомдарын, суицидтік ойларды немесе мінез-құлықты, мінез-құлықтың әдеттен тыс өзгеруін қадағалау және олар туындағанда дереу дәрігерге қаралу қажеттілігі туралы хабардар болулары тиіс. Шеткері диабеттік нейропатияның ауырсынулы формасы Фармакологиялық әсері ұқсас басқа дәрілік препараттар (антидепрессанттар) жағдайындағыдай дулоксетинмен емдеу уақытында немесе оны тоқтатқаннан кейін бірден суицидік ойлар және суицидтік мінез-құлық көріністерінің жекелеген жағдайлары туралы хабарланған. Депрессия кезіндегі суицидтік мінез-құлықтың қауіп факторларына қатысты жоғарыда қараңыз. Дәрігерлерге кез келген уақытта кез келген үрейлі ойлар немесе сезімдер туралы хабарлау керектігін пациенттерге екерту қажет. Қан кету Серотонинді кері қармаудың селективті тежегіштерін және серотонинді және норадреналинді кері қармаудың селективті тежегіштерін, оған қоса дулоксетин қолданғанда экхимоздар, пурпура және асқазан-ішектен қан кету сияқты гемостаз бұзылыстары байқалған. Дулоксетин босанғаннан кейінгі қан кету қаупін арттыруы мүмкін. Антикоагулянттар және/немесе тромбоциттер функциясына ықпал ететін дәрілік препараттар (мысалы, қабынуға қарсы стероидты емес препараттар немесе ацетилсалицил қышқылы) қабылдайтын пациенттерді, сондай-ақ қан кетудің туындау үрдісі бар пациенттерді емдеу кезінде сақтық таныту қажет. Гипонатриемия Дулоксетинді қолдану кезінде натрий деңгейінің 110 ммоль/л төмен төмендеу жағдайларын қоса, гипонатриемияның дамуы туралы хабарланды. Гипонатриемия антидиуретикалық гормонның талапқа сай емес секреция синдромына (АДГТЕСС) байланысты туындауы мүмкін. Гипонатриемия дамуының көптеген жағдайлары, әсіресе жуырдағы анамнезінде өзгерген сұйықтық теңгерімімен үйлесімде немесе сұйықтық теңгерімінің өзгеруіне бейімділік жағдайлары болғанда егде жастағы пациенттерде байқалды. Гипонатриемия дамуының жоғары қаупі бар пациенттерге, атап айтқанда егде жастағы пациенттерге, бауыр циррозы немесе дегидратациясы бар немесе диуретиктермен емделіп жүрген пациенттерге препаратты қолданғанда сақтық таныту қажет. Емді тоқтату Емді тоқтату кезіндегі тоқтату синдромы, әсіресе препаратты бірден тоқтатқанда жиі туындайды («Жағымсыз реакциялар сипаттамасы» бөлімін қараңыз). Клиникалық сынақтарда емді бірден тоқтатқанда байқалатын жағымсыз реакциялар дулоксетин қабылдайтын шамамен 45% пациентте және плацебо алатын 23% пациентте белгіленді. Серотонинді кері қармаудың селективті тежегіштерін (СКҚСТ) және серотонинді және норадреналинді кері қармаудың селективті тежегіштерін (СНКҚТ) қолданғанда байқалатын тоқтату синдромының даму қаупі емнің ұзақтығын, дозаны және дозаны төмендету жылдамдығын қоса, бірнеше факторға байланысты болуы мүмкін. Ең кең таралған реакциялар «Жағымсыз реакциялар сипаттамасы» бөлімінде тізбектелген. Әдетте, бұл симптомдардың айқындығы әлсіз немесе орташа, алайда кейбір пациенттерде олар ауыр формада айқын болуы мүмкін. Симптомдар әдетте емді тоқтатқаннан кейін алғашқы бірнеше күн ішінде, бірақ өте сирек жағдайларда мұндай симптомдар пациенттер кезекті препарат қабылдауды өткізіп алғанда алғанда туындайды. Тұтастай алғанда, бұл симптомдар өздігінен реттелетін сипатқа ие және әдетте, 2 апта ішінде өтеді, алайда кейбір пациенттерде олар ұзақ болуы мүмкін (2-3 ай немесе одан да ұзақ). Осыған байланысты, дулоксетинмен емді жалғастыру қажеттілігі болмағанда пациенттің жағдайына сәйкес дозаны біртіндеп төмендету арқылы кемінде 2 апта бойы препаратты тізбекті тоқтату жүргізу ұсынылады («Дозалау режимі» бөлімін қараңыз). Бүйрек функциясының бұзылуы бар пациенттер Бүйрек жеткіліксіздігінің ауыр түрі (креатинин клиренсі <30 мл/мин) бар гемодиализдегі пациенттерде қан плазмасындағы дулоксетин концентрациясының ұлғаюы байқалған. Ауыр бүйрек жеткіліксіздігі бар пациенттерде қолдану туралы ақпарат алу үшін «Қолдануға болмайтын жағдайлар» бөлімін қараңыз. Бүйректің жеңіл және орташа дәрежедегі дисфункциясы бар пациенттерде қолдану туралы ақпарат алу үшін «Дозалау режимі» бөлімін қараңыз. Акатазия/психомоторлық қозу Дулоксетинді қолдану субъективтік тұрғыдан жағымсыз немесе қатты мазасызданумен және тыныш тұру немесе отыру мүмкіндігінің жоқтығымен жиі қатар жүретін қимылдау қажеттілігімен сипатталатын акатазия дамуын туындатқан. Осы симптомдар дамыған пациенттерде дозаны ұлғайту зиян келтіруі мүмкін. Құрамында дулоксетин бар дәрілік препараттар Дулоксетин мына көрсетілімдердің бірқатарында түрлі сауда белгілерімен қолданылады (диабеттік нейропатия кезіндегі ауыру синдромын, клиникалық депрессияны, жайылған үрейлі бұзылыстарын, ширығу кезінде несепті ұстай алмауды емдеу). Осы препараттардың бірінен көбін бір уақытта қолданудан аулақ болу қажет. Гепатит/бауыр ферменттерінің деңгейінің жоғарылауы Дулоксетинді қолданғанда бауыр ферменттері деңгейінің елеулі ұлғаюын (қалып шегінен 10 есе жоғары), гепатит пен сарғаюдың дамуын қоса, бауырдың зақымдану жағдайлары туралы хабарланды. Бұл жағдайлардың көпшілігі емдеудің алғашқы айларында дамыды. Дулоксетинді бауыр зақымдануын туындататын дәрілік препараттармен емделген пациенттерде сақтықпен қолдану қажет. Сексуалдық дисфункция Серотонинді кері қармау селективті тежегіштері (СКҚСТ)/ серотонинді және норадреналинді кері қармау тежегіштері (СНКҚТ) сексуалдық дисфункцияның симптомдарын тудыруы мүмкін («Жағымсыз реакциялардың сипаттамасы» бөлімін қараңыз). СКҚСТ / СНКҚТ тоқтатылуына қарамастан симптомдары жалғасқан ұзақ сексуалдық дисфункция туралы хабарламалар болған.

Нұсқаулықта көрсетілмеген.

• Егер сіз Дулоксента препаратының тәуліктік дозасын арттырсаңыз, дереу емдеуші дәрігермен немесе фармацевтпен хабарласыңыз. Артық дозалану симптомдары ұйқышылдық, кома, серотониндік синдром (аса бақыттылық сезімін тудыруы мүмкін сирек білінетін реакция, ұйқышылдық, ебедейсіздік, мазасыздық, мастану сезімі, қызба, тершеңдік немесе бұлшықеттердің сіресуі), ұстамалар, құсу және жүрек соғуының жиілеуі.

Арнайы ескертулер Сахароза Дулоксента препаратының құрамында сахароза бар. Препаратты сирек тұқым қуалайтын фруктоза жақпаушылығының проблемалары, глюкоза-галактоза мальабсорбциясы немесе сахараза-изомальтоза жеткіліксіздігі бар пациенттерге қабылдау ұсынылмайды. Дулоксента препаратының құрамында балаларға арналған дәрілік заттардың құрамында қолдануға тыйым салынған индиготин бар. Педиатрияда қолдану Дулексентаны балалар мен 18 жасқа дейінгі жасөспірімдерге қолданбаған жөн. Антидепрессанттар қабылдаған балалар мен жасөспірімдер арасында суицидтік мінез-құлықтар (суицидтік әрекеттер және суицидтік ойлар) және жауығу (көбінесе озбырлық, оппозициялық мінез-құлық және ашу) плацебо алған пациенттермен салыстырғанда жиі байқалды. Егер клиникалық қажеттілік негізінде емдеу үшін шешім қабылданса пациентті суицидтік симптомдардың туындауына қатысты мұқият бақылау қажет. Одан өзге, балалар мен жасөспірімдерде өсуге, жетілуге және саналық және мінез-құлықтық дамуға қатысты қолданудың қауіпсіздігі бойынша ұзақ мерзімді деректер жеткіліксіз. Егде жастағы пациенттер Дулоксетинді клиникалық депрессиясы және жайылған үрейлі бұзылыстар бар егде жастағы пациенттерде 120 мг дозада қолдану бойынша деректер шектеулі. Сондықтан егде жастағы пациенттерге ең жоғарғы дозаларды тағайындағанда сақтық таныту керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері • Дулоксента препараты сізде ұйқышылдық немесе бас айналуын туғызуы мүмкін. Дулоксентанің сізге қалай әсер ететінін білгенге дейін көлік құралын басқармаңыз және қандай да бір құралдармен немесе механизмдермен жұмыс істемеңіз.

Жануарларға жасалған зерттеулер дулоксетиннің жүйелі әсері деңгейлерінде (AUC) ең жоғарғы клиникалық әсерден төмен ұрпақ өрбітуге уыттылықты көрсетті. Екі ірі обсервациялық зерттеулер туа біткен күрделі ақаулардың жалпы қаупінің жоғарылауын көрсетпейді (біреуі АҚШ-та, бірінші триместрдің ішінде дулоксетин қабылдаған 2500 адамды және бірінші триместрдің ішінде дулоксетин қабылдаған 1500 адамды қамтитын ЕО-да). Жүрек ақаулары сияқты нақты даму ақауларын талдау сенімсіз нәтиже көрсетті. ЕО зерттеуінде дулоксетиннің жүктіліктің кеш кезеңінде анасына әсері (жүктіліктің 20 аптасынан бастап босанғанға дейін кез келген уақытта) мерзімінен бұрын босану қаупінің жоғарылауымен байланысты болды (2 еседен аз, бұл жүктіліктің кеш кезеңінде дулоксетин қабылдаған 100 әйелге шамамен 6 қосымша мерзімінен бұрын босануға сәйкес келеді). Көптеген жағдайлар жүктіліктің 35-36 аптасы аралығында болды. Мұндай байланыс АҚШ-та жүргізілген зерттеуде анықталған жоқ. АҚШ-тағы бақылау деректері босанғанға дейін бір ай ішінде дулоксетинді қолданғаннан кейін босанғаннан кейінгі қан кету қаупінің (2 еседен аз) жоғарылағанын көрсетеді. Эпидемиологиялық деректер СКҚСТ жүктілік кезінде қолдану, әсіресе кеш мерзімдерде нәрестелердің персистирлейтін өкпе гипертензиясы (НПӨГ) қаупін ұлғайтуы мүмкін екенін растайды. Нәрестелердің персистирлейтін өкпе гипертензиясы және СКҚСТ қолданудың өзара әрекеттесуін зерттеу бойынша зерттеулердің жоқтығына қарамастан дулоксетиннің әсер ету механизмін (серотонинді кері қармаулы тежеу) ескере отырып потенциалды қауіп жоққа шығарылмауы мүмкін. Басқа серотонинергиялық препараттарды тағайындағандағыдай "тоқтату" синдромы нәрестелерде анасы жүктіліктің кеш мерзімдерінде дулоксетинді қолданған жағдайда байқалуы мүмкін. Дулоксетин қолданғанда байқалатын "тоқтату" симптомдары артериялық гипотензия, тремор, жоғары жүйке-рефлекторлық қозу синдромы, қоректендіру қиындықтары, респираторлық дисстресс-синдром, құрысуларды қамтуы мүмкін. Симптомдардың көпшілігі босану уақытында немесе босанудан кейін алғашқы бірнеше күнде байқалды. Дулоксента препаратын әйел үшін потенциалды пайда шаранаға төнетін потенциалды қауіптен едәуір басым болған жағдайда ғана тағайындау керек. Пациент әйелдер емдеу кезеңінде жүктілік басталуы немесе оны жоспарлаған жағдайда оларға бұл туралы емдеуші дәрігерге хабарлау қажеттігі туралы ескертілуі тиіс. Дулоксетин ана сүтіне елеусіз мөлшерде бөлінеді. Дене салмағының мг/кг есебінен сәбидегі концентрация анасының концентрациясынан шамамен 0,14% құрайды. Дулоксетинді сәбилерде қолдану қауіпсіздігі белгісіз болғандықтан Дулоксента препаратын емшек емізу уақытында қабылдау ұсынылмайды.

Моноаминооксидаза тежегіштері (МАО тежегіштері) Серотониндік синдромның даму қаупіне байланысты дулоксетинді селективті емес қайтымсыз моноаминоксидаза тежегіштерімен немесе МАОТ пайдаланылған емді тоқтатқаннан кейін 14 күн бойы қолдану ұсынылмайды. Дулоксетиннің жартылай ыдырау кезеңі негізінде, Дулоксента препаратын тоқтатқаннан кейін МАОТ қабылдауды бастағанға дейін кемінде 5 күн өтуі тиіс. Дулоксента препаратын моклобемид сияқты селективті қайтымды МАОТ бір уақытта пайдалану ұсынылмайды. Линезолид антибиотигі қайтымды, селективті емес МАОТ болып табылады, сондықтан оны Дулоксента препаратымен емделіп жүрген пациенттерге қолданбаған жөн. CYP1A2 тежегіштері CYP1A2 дулоксетин метаболизміне қатысатындықтан, дулоксетинді CYP1A2 күшті тежегіштерімен бір уақытта қолдану дулоксетин концентрациясының жоғарылауына әкелуі мүмкін. Флувоксамин (100 мг күніне бір рет), CYPIA2 күшті тежегіші, дулоксетиннің көрінетін плазмалық клиренсін шамамен 77% төмендетеді және AUC 6 есе жоғарылатады. Сондықтан, Дулоксента препаратын флувоксамин сияқты CYPIA2 күшті тежегіштерімен біріктіріп қолданбаған жөн. ОЖЖ ықпал ететін дәрілік препараттар Аталған бөлімде сипатталған жағдайларды қоспағанда, Дулоксетинді ОЖЖ ықпал ететін басқа дәрілік заттармен біріктіріп қолданудың қаупін жүйелі бағалау жүргізілмеді. Демек, Дулоксента препаратын ОЖЖ ықпал ететін басқа дәрілік заттармен немесе алкогольді және седативті дәрілік заттарды қоса (мысалы, бензодиазепиндер, морфиномиметиктер, психозға қарсы дәрілер, фенобарбитал, седативті әсері бар антигистаминді препараттар) заттармен біріктіріп қолдану кезінде сақтық шараларын орындау ұсынылады. Серотонинергиялық дәрілік заттар Сирек жағдайларда, серотониндік синдром туралы СКҚСТ/НСКҚТ (мысалы, пароксетин, флуоксетин) серотонинергиялық дәрілік препараттармен бір уақытта пайдаланған пациенттерде хабарланды. Дулоксента препаратын серотонинергиялық дәрілік препараттармен (СКҚСТ, НСКҚТ сияқты), үшциклдық антидепрессанттармен, (кломипрамин немесе амитриптилин сияқты), МАО тежегіштерімен (моклобемид немесе линезолид сияқты), шайқураймен (Hypericum perforatum), триптан туындыларымен, трамадолмен, петидинмен және триптофанмен бір уақытта қолданғанда сақтық шараларын орындау ұсынылады. Дулоксетиннің басқа дәрілік препараттарға көрсететін әсерлері CYP1A2 метаболизденетін дәрілік препараттар Дулоксетинмен бір уақытта қолдану (60 мг тәулігіне 2 рет) теофиллиннің, CYP1A2 субстратының фармакокинетикасына елеулі ықпал етпеді. CYP2D6 метаболизденетін дәрілік препараттар Дулоксетин CYP2D6 орташа тежегіші болып табылады. Дулоксетинді тәулігіне 2 рет 60 мг дозада дезипраминнің, CYP2D6 субстратының бір реттік дозасымен бірге қабылдағанда, дезипрамин AUC 3 есе жоғарылайды. Дулоксетинді (40 мг тәулігіне 2 рет) бір уақытта қабылдау толтеродин AUC тұрақты бөлігін (2 мг күніне 2 рет) 71% жоғарылатады, бірақ оның белсенді 5-гидроксил метаболитінің фармакокинетикасына ықпал етпейді және дозаны түзету талап етпейді. Дулоксента препаратын негізінен CYP2D6 жүйесімен метаболизденетін препараттармен (рисперидон, нортриптилин, амитриптилин және имипрамин сияқты үшциклдық антидепрессанттар) атап айтқанда, егер олардың емдік индексі тар болса (флекаинид, пропафенон және метапролол сияқты) бір уақытта қолданғанда сақтық таныту қажет. Пероральді контрацептивтер және басқа да стероидты дәрілер Іn vitro зерттеулерінің нәтижелері дулоксетиннің CYP3A катализдік белсенділігіне көтермелейтін әсер етпейтінін көрсетті. Препараттардың өзара әрекеттесуі бойынша арнайы in vivo зерттеулер жүргізілмеген. Антикоагулянттар және антиагрегантты дәрілік заттар Фармакодинамикалық әрекеттесумен байланысты, қан кетудің туындау қаупі ықтимал ұлғаюына байланысты дулоксетинді пероральді антикоагулянттармен немесе антиагрегантты дәрілік заттармен бір уақытта қолданғанда сақтық таныту қажет. Одан өзге, дулоксетинді варфарин қабылдаған пациенттерге бір уақытта қолданғанда халықаралық қалыптастырылған қатынасы (ХҚҚ) жоғарылауы тіркелген. Алайда, фармакологияның клиникалық зерттеулері шеңберінде дулоксетинді стационарлық жағдайларда дені сау еріктілерде варфаринмен бір уақытта қолдану, R- немесе S-варфариннің бастапқы мәнінен немесе фармакокинетикасынан ХҚҚ клиникалық тұрғыдан маңызды өзгерістеріне әкелмеді. Басқа дәрілік препараттардың дулоксетинге көрсететін әсерлері Антацидтер және Н2-антагонистер Дулоксетинді құрамында алюминий- және магний бар антацидтермен немесе фамотидинмен бір уақытта қолдану дулоксетинді 40 мг дозада пероральді тағайындағаннан кейін дулоксетиннің сіңірілу дәрежесіне немесе деңгейіне маңызды ықпал етпеді. CYP1A2 индукторлары Популяция фармакокинетикасын талдау шылым шегетін адамдардың қан плазмасындағы дулоксетин концентрациясы шылым шекпейтіндермен салыстырғанда 50% дерлік төмен болатынын көрсеткен.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!