ДуоТрав* капли

Бір мл тамшының құрамында белсенді заттар: травопрост 0.04 мг, тимолол малеаты 6.8 мг (5 мг тимололға баламалы) қосымша заттар: майсана майының гидрогенделген полиоксиэтилені 40 (НСО - 40), пропиленгликоль, бор қышқылы, маннитол, натрий хлориді, поликватерниум-1 ерітінді (поликватерниумге-1 баламалы), натрий гидроксиді және/немесе хлорсутек қышқылы, тазартылған су. Сыртқы түрінің, иісінің, дәмінің сипаттамасы Түссізден ашық-сары түске дейінгі мөлдір ерітінді.

ДуоТрав* дәрілік препараты бета-блокаторлардың немесе простагландин аналогтарының жергілікті әсеріне жеткіліксіз жауап байқалатын глаукоманың ашық бұрышты формасы немесе көзішілік гипертензиясы бар пациенттерде көзішілік қысымды төмендету үшін ересектерде қолданылады.

Әсер ету механизмі ДуоТрав құрамында екі белсенді зат бар: травопрост және тимолол малеаты. Бұл екі компонент бірін-бірі толықтыратын әсер ету механизмі есебінен КІҚ төмендетеді, бұл ретте олардың кешенді әсері әр компоненттің жеке-жеке әсерімен салыстырғанда КІҚ төмендеу әсерін күшейтеді. Простагландин F2a аналогы Травопрост – толық жоғары селективті агонист және простагландин FP рецепторларымен жоғары ұқсастығы бар; ол трабекулярлық желі және увеосклеральді жолдар арқылы сулы ылғалдың шығуын арттыру арқылы КІҚ төмендетеді. Адамда КІҚ төмендеуі препаратты қолданғаннан кейін шамамен 2 сағаттан соң басталады, ал ең жоғары әсеріне 12 сағаттан соң жетеді. Көзішілік қысымның айтарлықтай төмендеуі препаратты бір рет қолданғаннан кейін 24 сағаттан асатын кезеңдер ішінде сақталуы мүмкін. Тимолол ішкі симпатомиметикалық белсенділігі жоқ селективті емес адреноблокатор болып табылады, миокардқа тікелей депрессиялық әсер етпейді, жарғақша тұрақтандыратын белсенділігі жоқ. Адамдардың қатысуымен тонографиялық және флюорофотометриялық зерттеулер тимололдың негізгі белсенділігі сулы ылғалдың түзілу деңгейінің төмендеуімен және ағып кетудің аздап жоғарылауымен байланысты деп болжайды. Екінші дәрежедегі фармакодинамикалық әсерлері Травопрост жергілікті офтальмологиялық емнің 7 күнінен кейін (күніне бір рет 1,4 мкг) үй қояндарындағы көру жүйкесінің басындағы қан ағысын едәуір арттырады. Фармакодинамикалық әсерлері Клиникалық тиімділігі және қауіпсіздігі Он екі айлық бақыланатын клиникалық зерттеуде ашық бұрышты глаукомасы немесе офтальмогипертензиясы бар және бастапқы орташа КІҚ 25-тен 27 мм с.б. дейінгі пациенттерде КІҚ төмендеуінің орташа әсері ДуоТрав препаратын күніне бір рет таңертең қабылдағанда 8-ден 10 мм с.б. дейін болды. Зерттеу шеңберінде барлық тексерістер барысында барлық уақыт нүктелерінде КІҚ орташа төмендеуін бағалау кезінде 50 мкг/мл латанопростпен+5 мг/мл тимолмен салыстырғанда ДуоТрав препаратының кем емес тиімділігі көрсетілді. Үш айлық бақыланатын клиникалық зерттеуде ашық бұрышты глаукома немесе офтальмогипертензиясы бар және бастапқы орташа КІҚ 27-ден 30 мм с.б. дейінгі пациенттерде КІҚ төмендеуінің орташа әсері ДуоТрав препаратын күніне бір рет таңертең қабылдағанда 9-дан 12 мм с.б. дейін болды, бұл травопростты күніне бір рет кешке 40 мкг/мл дозада қабылдағанға қарағанда шамамен 2 мм с.б. жоғары және тимололды күніне екі рет 5 мг/мл дозада қабылдағанға қарағанда 2-3 мм с.б. жоғары. КІҚ таңертеңгі орташа мәнінің статистикалық тұрғыдан маңызды төмендеуі (08: 00, ДуоТравтың соңғы дозасын қабылдағаннан кейін 24 сағаттан соң) тек травопростты қабылдаумен салыстырғанда зерттеу шеңберінде барлық тексерісте байқалды. Ашық бұрышты глаукомасы немесе офтальмогипертензиясы бар және КІҚ бастапқы орташа мәні 23-тен 26 мм с.б. дейінгі пациенттердің қатысуымен үш айлық екі бақыланатын клиникалық зерттеу барысында КІҚ төмендеуінің орташа әсері ДуоТрав препаратын күніне бір рет таңертең қабылдағанда 7-ден 9 мм с.б. дейін болды. КІҚ төмендеуінің орташа көрсеткіштері күніне бір рет кешке 40 мкг/мл дозада травопростты және күніне бір рет таңертең 5 мг/мл дозада тимололды қолдана отырып, қатарлас ем барысында алынған көрсеткіштерге қарағанда, сандық көріністе төмен болғанмен, одан нашар болған жоқ. Ашық бұрышты глаукомасы немесе офтальмогипертензиясы бар және КІҚ базалық орташа мәні 24-тен 26 мм с.б. дейінгі пациенттердің қатысуымен 6 апталық бақыланатын клиникалық зерттеу барысында КІҚ төмендеуінің орташа әсері ДуоТрав препаратын (құрамында поликватерниум-1 консерванты бар) күніне бір рет таңертең қабылдау кезінде 8 мм с.б. құрады және ДуоТрав препаратын (құрамында бензалконий хлориді бар) қабылдағандағы осындайға баламалы болды. Кірістіру критерийлері КІҚ көрсеткіштеріне қатысты кірістіру критерийлерін және КІҚ төмендету үшін алдыңғы емге реакцияны қоспағанда, барлық зерттеулерде ұқсас болды. ДуоТрав препаратының клиникалық сынақтары бұрын препаратты қабылдамаған пациенттердің де, препаратпен емделіп жатқан пациенттердің де қатысуымен жүргізілді. Монотерапияны жеткілікті қабылдай алмау зерттеуге қосу үшін критерий емес. Қолда бар деректер препаратты кешкі уақытта қабылдаудың КІҚ төмендеуінің орташа деңгейіне қатысты кейбір басымдықтары бар деп болжауға мүмкіндік береді. Препаратты таңертең немесе кешке қабылдау тағайындалғанда пациент үшін қолайлылық және оның препаратты қабылдау режимін сақтау мүмкіндігі сияқты аспектілерді ескеру керек.

Дозалау режимі Ересек және егде пациенттер үшін Ұсынылған доза тәулігіне бір рет таңертең немесе кешке зақымданған көздің (көздердің) конъюнктивалық қабына ДуоТрав* препаратының бір тамшысын құрайды. Енгізу жолы және тәсілі Офтальмологиялық қолдану үшін. Алғаш қолданар алдында қорғағыш қақпақты алып тастау қажет. Құты пипеткасының ұшының және ерітіндінің ластануын болдырмау үшін пипетканың ұшын қабақтарға, қоршаған тіндерге немесе басқа беткейлерге тигізбеңіз. Мұрын-жас ағысының өтімділігі бұзылғанда немесе қабақтар 2 минутқа жабылғанда, жүйелі абсорбция деңгейі төмендейді. Бұл жүйелік жағымсыз әсерлердің төмендеуіне және жергілікті белсенділіктің жоғарылауына әкелуі мүмкін. Егер бірден артық жергілікті офтальмологиялық дәрілік препарат пайдаланылса, оларды қолдану арасында кемінде 5 минут аралықты сақтау керек. ДуоТрав* препаратымен басқа офтальмологиялық глаукомаға қарсы дәрілік препаратты алмастырғанда басқа препаратты қолдануды тоқтату керек, ал ДуоТрав* препаратын қабылдауды келесі күннен бастау керек. ДуоТрав* препаратын қолданар алдында жұмсақ жанаспалы линзаларды шешу қажет, содан кейін жанаспалы линзаларды қайтадан тағар алдында 15 минут күту керек. Қабылдау уақыты көрсетілген қолдану жиілігі Препаратты белгілі бір уақытта қолдану керек. Дәрілік препараттың бір немесе бірнеше дозасын жіберіп алғанда қажетті шаралар Дозаны өткізіп алған жағдайда емдеу келесі жоспарланған дозадан жалғастырылуы тиіс. Препараттың дозасын (күн сайын зақымданған көзге (көздерге) бір тамшы) арттырмау керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолданар алдында емдеуші дәрігерден кеңес алыңыз

- әсер етуші заттарға немесе қосымша заттардың кез келгеніне аса жоғары сезімталдық; - басқа бета-блокаторларға аса жоғары сезімталдық; - бронх демікпесін қоса, тыныс алу жолдарының реактивті ауруы немесе анамнездегі бронх демікпесі; ауыр дәрежедегі өкпенің созылмалы обструктивті ауруы; - синустық брадикардия, кардиостимулятормен бақыланбайтын екінші немесе үшінші дәрежедегі атриовентрикулярлық блокаданы, синоатриальді блокаданы қоса, синустық түйіннің әлсіздік синдромы; - айқын жүрек жеткіліксіздігі - кардиогенді шок - ауыр дәрежедегі аллергиялық ринит - мөлдір қабық дистрофиясы

Өте жиі - көз гиперемиясы Жиі - нүктелік кератит - көздің ауыруы - көрудің бұзылуы - бұлыңғыр көру - көздің құрғауы - көздің қышуы - көздегі жайсыздық - көздің тітіркенуі Жиі емес - аса жоғары сезімталдық - бас айналуы, бас ауыруы - кератит, ирит, конъюнктивит, алдыңғы камерадағы қабыну құбылыстары, блефарит, көздің қарығуы, көру өткірлігінің төмендеуі, астенопия, көздің ісінуі, көп жас ағу, қабақтың эритемасы, кірпік өсуінің күшеюі, көз тарапынан аллергиялық реакциялар, конъюнктиваның ісінуі, қабақтың ісінуі - брадикардия - гипертензия, гипотензия - ентігу, постназальді синдром - жанаспалы дерматит, гипертрихоз, тері гиперпигментациясы (периокулярлы аумақта) Сирек - күйгелектік - мөлдір қабық эрозиясы, мейбомианит, субконъюнктивальді қан құйылу, қабақ шетінде қабыша түзілуі, трихиаз, дистихиаз - аритмия, жүрек жиырылуының жүйелі емес жиілігі - дисфония, бронх түйілуі, жөтел, тамақтың тітіркенуі, жұтқыншақ-көмей ауруы, мұрындағы жайсыздық - аспартатааминотрансфераза, аланинаминотрансфераза деңгейінің жоғарылауы - есекжем, терінің түссізденуі, алопеция - қол-аяқтың ауыруы - хроматурия - шөлдеу, қажу Белгісіз - елестеулер* - депрессия - ми қан айналымының бұзылуы, естен тану (синкопе), парестезия - макулярлық ісіну, қабақ птозы, қабақ қатпарының тереңдеуі, нұрлы қабық гиперпигментациясы, мөлдір қабық тарапынан бұзылу - жүрек жеткіліксіздігі, тахикардия, кеуденің ауыруы, жүрек қағуын сезіну - шеткері ісіну - бронх демікпесі - дисгевзия - бөртпе * Тимололмен терапия кезінде байқалған жағымсыз реакциялар. Белсенді заттардың бірімен емдеу барысында байқалған және ДуоТрав препаратымен емдеу барысында байқалуы мүмкін қосымша жағымсыз реакциялар. Травопрост - маусымдық аллергия - мазасыздық, ұйқысыздық - увеит, конъюнктива фолликулезі, көзден шығатын бөлінді, периорбитальді ісіну, қабақтың қышуы, көз қабығының айналуы, катаракта, иридоциклит, офтальмогерпес, көздің қабынуы, фотопсия, көз қабығының экземасы, гало-эффект, көз гипестезиясы, көздің алдыңғы камерасының пигментациясы, мидриаз, кірпік гиперпигментациясы, кірпіктің қалыңдауы, көру өрісінің ақауы - вертиго, тиннитус - диастолалық қан қысымының төмендеуі, систолалық қан қысымының жоғарылауы - ауыр демікпе, аллергиялық ринит, мұрыннан қан кету, тыныс алу ағзалары функциясының бұзылуы, мұрынның бітелуі, мұрынның құрғауы - ойық жара ауруының жаңғыруы, АІЖ ағзалары функциясының бұзылуы, диарея, іш қату, ауыздың құрғауы, іш ауыруы, жүрек айнуы, құсу - терінің қабыршақтануы, шаш текстурасының бұзылуы, аллергиялық дерматит, шаш түсінің өзгеруі, мадароз, қышу, шаштың қалыптан тыс өсуі, эритема - сүйек-бұлшықет ауыруы, артралгия - дизурия, несепті ұстай алмау - астения - простаталық спецификалық антигеннің жоғары деңгейі Тимолол - ангиоэдеманы, есекжемді, жергілікті және жайылған бөртпені, қышынуды, анафилаксияны қоса, жүйелі аллергиялық реакциялар - гипогликемия - елестеулер, ұйқысыздық, қорқынышты түс көру, есті жоғалту - церебральді ишемия, миастения белгілері мен симптомдарының ұлғаюы - көздің тітіркену белгілері мен симптомдары (мысалы, шымылдату/шаншу сезімі, қышыну, көз жасының ағуы, қызару), фильтрация операциясынан кейінгі хориоидтық ажырау, мөлдір қабық сезімталдығының төмендеуі, диплопия - ісіну, іркілісті жүрек жеткіліксіздігі, атриовентрикулярлық блокада, жүрек тоқтауы - Рейно феномені, қол-аяқтың мұздауы - жүрек айнуы, диспепсия, диарея, ауыздың құрғауы, іштің ауыруы, құсу - псориазды бөртпе немесе псориаздың өршуі - бұлшықет ауыруы - сексуалдық дисфункция, либидоның төмендеуі - астения Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жергілікті қолданғанда ДуоТрав* препаратымен, әсіресе уыттылықпен байланысты артық дозалану ықтималдығы екіталай. Кездейсоқ жұту кезінде бета-блокаторлардың жүйелі әсер етуі нәтижесінде артық дозалану симптомдары брадикардияны, гипотензияны, бронх түйілуін және жүрек жеткіліксіздігін қамтуы мүмкін. ДуоТрав* препаратымен артық дозаланған жағдайда емдеу симптоматикалық және демеуші болуы тиіс. Тимолол жылдам диализденбейді.

- ДуоТрав* препаратының құрамында пропиленгликоль бар, ол терінің тітіркенуін туындатуы мүмкін. - ДуоТрав* препаратының құрамында гидрогенделген полиоксиэтилен майсана майы 40 бар, ол тері реакцияларын туындатуы мүмкін. Пациенттерге ДуоТрав* препаратын қолданар алдында жанаспалы линзаларды шешу қажеттігі туралы хабарлау керек, содан кейін жанаспалы линзаларды қайтадан тағар алдында 15 минут күту керек. Арнайы ескертулер Жүйелі әсері Жергілікті қолданылатын басқа офтальмиялық дәрілер сияқты, травопрост және тимолол жүйелі түрде сіңіріледі. Бета-адренергиялық компонент – тимололдың болуына байланысты бета-адренергиялық рецепторлардың жүйелі блокаторларын пайдалану кезінде байқалатын жүрек-қантамыр, өкпе және басқа да жағымсыз реакциялардың бірдей типтері туындауы мүмкін. Жергілікті офтальмологиялық қолданудан кейін жүйелік жағымсыз реакциялардың көрініс табуы жүйелі қолдануға қарағанда сирек. Жүрек тарапынан бұзылу Жүрек-қантамыр аурулары (мысалы, жүректің ишемиялық ауруы, Принцметал стенокардиясы және жүрек жеткіліксіздігі) және гипотониясы бар пациенттерде бета-блокаторлармен емді мұқият бағалау және басқа белсенді заттармен емді қарау керек. Жүрек-қантамыр аурулары бар пациенттерді осы аурулардың нашарлау белгілері мен жағымсыз реакциялардың болуына қатысты бақылау қажет. Жүргізу уақытына теріс әсер ететіндіктен, бета-блокаторларды бірінші дәрежедегі жүрек блокадасы бар пациенттерге тағайындағанда сақ болу қажет. Қантамыр тарапынан бұзылу Шеткері қан айналымының ауыр бұзылыстары/бұзылуы (мысалы, Рейно ауруының ауыр формалары немесе Рейно синдромы) бар пациенттерді сақтықпен емдеу керек. Тыныс алу жүйесі тарапынан бұзылу Демікпесі бар пациенттерге кейбір офтальмологиялық бета-блокаторларды қолданғаннан кейін респираторлық реакциялар, оның ішінде бронх түйілуі салдарынан өлім оқиғасы туралы хабарланды. ДуоТрав* препаратын ауырлығы жеңіл/орташа дәрежедегі өкпенің созылмалы обструктивті ауруы (ӨСОА) бар пациенттерде және сақтықпен, потенциалды пайдасы потенциалды қаупінен басым болған жағдайда ғана қолдану керек. Гипогликемия/қант диабеті Бета-блокаторларды спонтанды гипогликемияға бейім пациенттерге немесе лабильді қант диабеті бар пациенттерге сақтықпен енгізу керек, өйткені бета-блокаторлар жедел гипогликемияның белгілері мен симптомдарын бүркемелеуі мүмкін. Бұлшықет әлсіздігі Бета-адренергиялық рецепторлардың блокаторлары белгілі бір миастениялық симптомдарға (мысалы, диплопия, птоз және жалпы әлсіздік) сәйкес келетін бұлшықет әлсіздігін күшейтеді деп хабарланды. Мөлдір қабық аурулары Офтальмологиялық бета-блокаторлар көздің құрғауын тудыруы мүмкін. Мөлдір қабық аурулары бар пациенттерді сақтықпен емдеу керек. Хориоидтық ажырау Филтрация емшарасынан кейін сулы супрессиялық емді (мысалы, тимолол, ацетазоламид) қолданғанда хориоидтық ажырауы туралы хабарланды. Басқа бета-блокаторлар Тимолол жүйелік бета-блокатор қабылдап жүрген пациенттерге тағайындалса, көзішілік қысымға (КІҚ) әсері немесе жүйелік бета-блокаданың белгілі әсерлері күшеюі мүмкін. Мұндай пациенттердің реакциясын мұқият бақылау керек. Бір мезгілде екі жергілікті бета-адреноблокаторды пайдалану ұсынылмайды. Хирургиялық анестезия Бета-бөгегіш офтальмологиялық препараттар жүйелік бета-агонистік әсерлерді, мысалы, адреналинді бөгей алады. Анестезиологқа пациенттің тимололды қабылдауы туралы хабарлау керек. Гипертиреоз Бета-блокаторлар гипертиреоз белгілерін жасыруы мүмкін. Теріге жанасу Простагландиндер және олардың аналогтары тері арқылы сіңірілуі мүмкін биологиялық белсенді заттар болып табылады. Жүкті немесе жүктілікті жоспарлаған әйелдер құтының ішіндегісін тигізіп алмау үшін тиісті сақтық шараларын сақтау керек. Егер бәрібір де құты ішіндегісінің едәуір мөлшерімен жанасу болса, дереу терінің зақымдалған аймағын мұқият шайыңыз. Анафилаксиялық реакциялар Бета-блокаторларды қабылдай отырып, анамнезінде атопиясы немесе анамнезінде көптеген аллергендерге ауыр анафилаксиялық реакциясы бар пациенттер мұндай аллергендерді қайта енгізуге реактивті болуы және анафилаксиялық реакцияларды емдеу үшін пайдаланылатын адреналиннің әдеттегі дозасына жауап бермеуі мүмкін. Қатар емдеу Тимолол басқа дәрілік препараттармен өзара әрекеттесуі мүмкін. Жергілікті әсер ететін екі простагландинді бір мезгілде қолдану ұсынылмайды. Офтальмологиялық әсерлер Травопрост меланоциттердегі меланосомалардың (пигментті түйіршіктердің) мөлшерін көбейту арқылы көздің түсінің біртіндеп өзгеруіне әкелуі мүмкін. Паценттерді емдеуді бастар алдында көз түсінің перманентті өзгеру мүмкіндігі туралы ескерту керек. Бір жақты емдеу перманентті гетерохромияға әкелуі мүмкін. Меланоциттерге ұзақ әсер етудің ықпалы және оның салдары қазіргі уақытта белгісіз. Көздің нұрлы қарашығы түсінің өзгеруі баяу жүреді және бірнеше ай немесе жылдар бойы байқалмауы мүмкін. Көз түсінің өзгеруі негізінен нұрлы қабығының түсі аралас, яғни көгілдір-қоңыр, сұр-қоңыр, сары-қоңыр және жасыл-қоңыр пациенттерде байқалды; дегенмен, бұл үдеріс көзі қоңыр пациенттерде де байқалды. Әдетте зақымданған көздің қарашығының айналасындағы қоңыр пигментация шеткері аймақтарға концентрлік түрде таралады, бірақ нұрлы қабықтың немесе оның бөліктерінің түсі анағұрлым қаныққан қоңыр болуы мүмкін. Емдеуді тоқтатқаннан кейін пигментацияның одан әрі артуы байқалған жоқ. Бақыланатын клиникалық сынақтарда травопростты пайдалануына байланысты периорбитальді тері жабындарының және / немесе қабақтың қараюы байқалды. Периорбитальді аумақтың және қабақ қатпарының тереңдеуін қоса, қабақ терісінің өзгеруі простагландин аналогтарын қолданғанда байқалды. Травопрост емдеу жүргізілетін көздегі (көздердегі) кірпіктердің біртіндеп өзгеруіне әкелуі мүмкін; мұндай өзгерістер клиникалық сынақтар барысында пациенттердің шамамен жартысында байқалды және мыналарды қамтиды: кірпіктердің ұзаруы, олардың қалыңдауы, пигментациясы және/немесе кірпік санының ұлғаюы. Кірпіктің өзгеру механизмі және мұндай өзгерістердің ұзақ мерзімді салдары қазіргі уақытта белгісіз. Маймылдарға жасалған зерттеулерде травопрост көз саңылауының аздап ұлғаюын туындатты. Алайда клиникалық сынақтар барысында бұл әсер байқалған жоқ, осыған байланысты түрге тән болып саналады. Қазіргі уақытта ДуоТрав* препаратын көздің қабыну үдерістерінде, сондай-ақ неоваскулярлық, жабық бұрышты, тар бұрышты немесе туа біткен глаукомада қолдану тәжірибесі жоқ. ДуоТрав* препаратын Грейвс офтальмопатиясында, ашық бұрышты глаукомада, артифакиясы бар пациенттерде және пигментті немесе псевдоэксфолиативті глаукомада қолданудың шектеулі тәжірибесі ғана бар. Простагландин F2α аналогтарын қолданумен емдеу кезінде торлы қабықтың макулярлы ісінуі жағдайлары хабарланды. ДуоТрав* препаратын афакиясы, көз бұршағы капсуласының артқы бөлігінің жарылуымен жүретін артифакиясы бар, алдыңғы камералы линзасы бар пациенттерге, сондай-ақ кистоидты макулярлы ісінудің даму қаупі тобындағы пациенттерге сақтықпен тағайындау ұсынылады. ДуоТрав* препаратын ирит/увеит дамуына түрткі болатын белгілі қауіп факторлары бар пациенттерде сақтықпен пайдалану керек. Педиатрияда қолдану ДуоТрав* препаратын 18 жасқа дейінгі балалар мен жасөспірімдерде қолданудың қауіпсіздігі мен тиімділігі анықталмаған. Деректер жоқ. Бауыр немесе бүйрек жеткіліксіздігі бар пациенттер Бауыр немесе бүйрек функциясы бұзылған пациенттерге ДуоТрав* препаратын немесе көзге тамызатын дәрі түрінде тимолол 5 мг/мл қолданумен зерттеулер жүргізілген жоқ. Бауыр функциясы бұзылған (жеңілден ауырға дейін) пациенттерде және бүйрек функциясы бұзылған пациенттерде (жеңілден ауырға дейін; креатинин клиренсі 14 мл/мин) травопростты қолдануға зерттеу жүргізілді. Мұндай пациенттер үшін дозаны түзету қажет емес. Бауыр немесе бүйрек функциясы бұзылған пациенттерге ДуоТрав* препаратының дозасын түзету қажет болуы екіталай. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ДуоТрав* препараты автокөлікті басқару және қауіптілігі зор механизмдермен жұмыс істеу қабілетіне елеусіз әсер етеді. Кез-келген басқа көзге тамызатын дәрілерді қолданғандағыдай, уақытша бұлыңғыр көру немесе көруге қатысты басқа да бұзылыстар туындауы мүмкін. Егер препаратты қолданғанда анық көрмеу пайда болса, пациент автокөлік жүргізуге немесе механизмдермен жұмыс істеуге кіріспес бұрын көру қалпына келгенге дейін күтуі қажет. ДуоТрав* сонымен қатар елестеулер, бас айналу, күйгелектік және / немесе шаршағыштықты тудыруы мүмкін, бұл көлік құралын басқару және механизмдерді басқару қабілетіне әсер етуі мүмкін. Осы симптомдар пайда болған кезде пациенттерге көлік құралдарымен және механизмдермен жұмыс істеу ұсынылмайды.

Травопрост жүктілік ағымына және/немесе шарананың/жаңа туған баланың денсаулығына зиянды фармакологиялық әсер етеді. ДуоТрав* препаратын немесе оның жекелеген компоненттерін жүкті әйелдерде қолдану жөніндегі деректер шектеулі немесе жоқ. Егер бұған айқын қажеттілік болмаса, тимололды жүктілік кезінде қолданбаған жөн. Эпидемиологиялық зерттеулер мальформативті әсерлерді анықтаған жоқ, бірақ бета-блокаторларды пероральді жолмен енгізгенде құрсақішілік өсудің тежелу қаупін көрсетті. Одан өзге, егер босанғанға дейін бета-блокаторлар енгізілсе, нәрестелерде бета-блокаданың белгілері мен симптомдары (мысалы, брадикардия, гипотония, респираторлық дистресс және гипогликемия) байқалды. Егер босанғанға дейін ДуоТрав* препараты қолданылса, нәрестені өмірінің алғашқы күндерінде мұқият бақылау қажет. Егер бұған айқын қажеттілік болмаса, жүктілік кезінде ДуоТрав* препаратын қолданбаған жөн. Жүйелі абсорбцияны төмендету тәсілдері туралы ақпаратты «Қолдану тәсілі» бөлімінен қараңыз. Көзге тамызатын дәрінің құрамындағы травопрост адамның емшек сүтіне бөлінуі белгісіз. Жануарларға жүргізілген зерттеулер травопрост пен оның метаболиттерінің емшек сүтіне бөлінуін көрсетті. Тимолол емшек сүтіне бөлініп шығады және нәрестеде емшек сүтімен емізу кезінде елеулі жағымсыз реакциялар туғызуы ықтимал. Алайда, тимололдың емдік дозаларын көзге тамызатын дәрі түрінде қолданғанда емшек сүтінде нәрестеде бета-блокаданың клиникалық симптомдарын тудыру үшін жеткілікті мөлшерде болуы екіталай. Жүйелі абсорбцияны төмендету тәсілдері туралы ақпаратты «Қолдану тәсілі» бөлімінен қараңыз. ДуоТрав* препаратын әйелдерге бала емізу кезеңінде қолдану ұсынылмайды. Бала туу жасындағы әйелдер / әйелдерге арналған контрацепция ДуоТрав * препаратын контрацепцияның тиімді құралдарын пайдалану жағдайларын қоспағанда, бала туу жасындағы әйелдерге пайдалануға болмайды.

Травопросттың немесе тимололдың басқа дәрілік заттармен өзара әрекеттесуіне қандай да бір нақты зерттеулер жүргізілген жоқ. Бета-блокатордың офтальмологиялық ерітіндісін кальций өзекшелерінің оральді блокаторларымен, бета-адренергиялық рецепторлардың блокаторларымен, аритмияға қарсы дәрілермен (амиодаронды қоса), дигиталис гликозидімен, парасимпатомиметиктермен немесе гуанитидинмен бір мезгілде қолданғанда, гипотензияға және/немесе айқын брадикардияға әкелетін аддитивті әсерлердің потенциалы бар. Бета-блокаторларды қабылдаған кезде клонидин күрт тоқтатылған жағдайда гипертензиялық реакцияның даму ықтималдығы бар. CYP2D6 тежегіштерін (мысалы, хинидин, флуокситин, пароксетин) және тимололды қолданумен біріктірілген емдеуде жүйелі бета-блокаданың (мысалы, жүрек жиырылу жиілігінің төмендеуі, депрессия) даму қаупінің артуы туралы хабарламалар алынды. Офтальмологиялық бета-адреналиндер мен адреналинді (эпинефрин) бір мезгілде қолданудан туындаған мидриаз туралы хабарланды. Бета-блокаторлар диабетке қарсы дәрілік препараттардың гипогликемиялық әсерін арттыруы мүмкін. Бета-блокаторлар гипогликемияның белгілері мен симптомдарын бүркемелеуі мүмкін.

Сақтау мерзімі 24 ай Құтыны алғаш ашқаннан кейінгі қолданылу кезеңі - 4 апта. Жарамдылық мерзімі өткеннен кейін қолдануға болмайды! Сақтау шарттары 30ºС-ден аспайтын температурада сақтау керек. Балалардың қолы жетпейтін жерде сақтау керек!