Дюрофлам Актив бал және лимон леденцы

Сыртқы түрінің, иісінің, дәмінің сипаттамасы Дөңгелек пішінді, жалпақ, сары түсті, бөлу сызығы бар мұз кәмпиттер

Дәрілік препарат (ДП) ересектерде қолдануға арналған: - ауыз-қуысының және тамақтың жеңіл инфекциялары мен ауырсынуын симптоматикалық жеңілдету үшін; - тонзиллит және фарингит сияқты тамақ инфекциялары кезінде ауырсынуды және жайсыздықты жеңілдету үшін. Қолдану басталғанға дейін танысу қажет мәліметтер тізбесі

Әсер ету механизмі Лидокаин амид типті жергілікті анестетик болып табылады. Ауыздың және тамақтың жергілікті ауыруы кезінде қолданылады. 2,4-Дихлорбензил спирті дезинфекциялық және антисептикалық қасиеттерге ие. Бензидамин гидрохлориді қабынуға қарсы стероидты емес ем дәрісі болып табылады. Ауыз бен тамақтың қабыну жағдайын жеңілдету үшін 0,15% концентрацияларында жергілікті қолданылады. Мұз кәмпитті сору жайсыздық тудырған аймақта белсенді заттардың әсер етуіне мүмкіндік береді. Сондай-ақ, ауырсыну аймағын ылғалдандыруға және тыныштандыруға көмектеседі. Ауыздың және тамақтың инфекцияларында ауырсынуды және жайсыздықты жеңілдетуге көмектеседі. Лидокаин мен бензидаминді мұз кәмпиттердің құрамына қосу тамақ ауруы мен тонзиллит салдарынан пайда болған тамақтың қабынуын жеңілдету үшін қолданылуы мүмкін.

Дозалану режимі Мұз кәмпиттерді шайнауға болмайды. Олар ауызда баяу еруі керек. Бір мұз кәмпитті әрбір 2-3 сағат сайын баяу сору керек, бірақ күніне 8 мұз кәмпиттен артық қолдануға болмайды. Үздіксіз емдеу жеті күннен аспауы керек. Ересектер үшін: әр 2-3 сағат сайын бір мұз кәмпиттен. Тәуліктік доза 8 мұз кәмпиттен аспауы керек. Қолдану тәсілі мен жолы Пероральды қолдануға арналған. Мұз кәмпитті ауыз қуысында баяу еріту керек. Ауыз қуысының шырышты қабығын тітіркендірмеу үшін, сорған кезде мұз кәмпитті аузыңызда жылжытыңыз.

• әсер етуші заттарға немесе кез-келген қосымша заттарға аса жоғары сезімталдық • 18 жасқа дейінгі балалар мен жасөспірімдерге • тұқым қуалайтын фруктоза төзбеушілігі бар адамдар Қолдану кезіндегі қажетті сақтандыру шаралары- Лидокаинді гиповолемиясы, жүрек блокадасы немесе өткізгіштігінің басқа бұзылулары бар пациенттерге тағайындамау керек, сондай-ақ оны іркілісті жүрек жеткіліксіздігі, брадикардиясы немесе тыныс алуының тежелуі бар пациенттерде сақтықпен қолдану керек. - Лидокаин бауырда метаболизденеді және оны бауыр қызметі бұзылған пациенттерге сақтықпен тағайындау керек. Лидокаиннің плазмадан жартылай шығарылу кезеңі жүрек жеткіліксіздігі және қан айналымының жеткіліксіздігі сияқты бауыр қан ағымын төмендететін жағдайларда ұзартылуы мүмкін. - Лидокаин метаболиттері бүйрек жеткіліксіздігі бар пациенттерде жинақталуы мүмкін. - Лидокаин порфириямен ауыратын науқастар үшін қауіпті деп саналады. - Бұл препаратта бензидаминнің болуына байланысты оны бүйрек жеткіліксіздігінен зардап шегетін науқастарға қолдануға болмайды.

Бензидамин: Жиі (≥1/100, <1/10) • ауыз және тілдің шырышты қабығының ұюы мен шаншуы Жиі емес (≥1/1000, <1/100) • жарыққа сезімталдық • бронх түйілуі • есекжем Лидокаин: Жиі (≥1/100, <1/10) • дерматит • ашытып күйдіру • қышу, шаншу, ауырсыну • бөртпе • есекжем • ісіну Жиі емес (≥1/1000, <1/100) • жарыққа сезімталдық • бронх түйілуі • мазасыздық • қозу • ашушаңдық • бас айналуы • құлақтағы шу • көрудің бұлыңғырлануы • жүректің айнуы • құсу Сирек (≥1/10 000, <1/1000) • метгемоглобинемия • респираторлық дистресс • цианоз • гипотония • брадикардия. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Лидокаинмен уланудың ең ауыр салдары орталық жүйке жүйкесіне (ОЖЖ) және жүрек-қан тамырлары жүйесінде байқалады, ал артық дозалануы ауыр гипотонияға, асистолияға, брадикардияға, апноэге, құрысуға, комаға, жүректің тоқтауына және тыныс алудың тоқтауына әкелуі мүмкін. Жергілікті қолдануға арналған ерітінділерді қабылдағаннан кейін және ауызда тұтқыр препараттарды қолданғаннан кейін ОЖЖ-ға әсер ету және балалар мен ересектерде құрысудың пайда болуы туралы хабарланды. Препаратпен кездейсоқ артық дозаланғанда демеуші және симптоматикалық ем қолдану керек.

Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері Жағымсыз әсерлер анықталған жоқ.

Жүктілік және емшекпен емізу кезінде мұз кәмпиттерді пайдалану қауіпсіздігі анықталған жоқ. Осылайша, бұл мұз кәмпиттер жүктілік немесе емшекпен емізу кезінде тек дәрігердің ұсынысы бойынша ғана қолданылуы керек.

- Лидокаин клиренсі пропранолол мен циметидинмен азайтылуы мүмкін. - Фенитоин немесе барбитураттар сияқты дәрілерді ұзақ пайдалану препаратты метаболиздейтін микросомалдық ферменттердің индуциялануына байланысты лидокаин дозасына қойылатын талаптарды арттыруы мүмкін. - Фенитоин сондай-ақ плазмадағы қышқыл гликопротеиннің а-1 концентрациясын арттыруы және сол арқылы плазмадағы лидокаиннің бос фракциясын төмендетуі мүмкін. - Лидокаин концентрациясының плазмадағы айтарлықтай артуы пропранолололмен және басқа бета-адреноблокаторлармен плазмадан лидокаин клиренсінің төмендеуі салдарынан болды.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25ºС-ден төмен температурада сақтау керек. Балалардың қолы жетпейтін жерде сақтау керек!