Ерадиком капсулы 150 мг

Бір капсуланың құрамында белсенді зат - 150.0 мг флуконазол қосымша заттар: лактоза моногидраты, крахмал, тазартылған тальк. Капсула қабығының құрамы: титанның қостотығы (Е 171), желатин. Сыртқы түрінің, иісінің, дәмінің сипаттамасы Қақпақшасы мен корпусы ақ немесе сұр-ақ түсті қатты желатинді капсулалар. Капсулалардың ішіндегісі - ақ немесе ақ дерлік түсті ұнтақ.

Ерадиком келесі зеңдік инфекцияларда қолданылады. Ерадиком ересектердегі келесі ауруларды емдеуге қолданылады: • криптококктық менингит • кокцидиоидомикоз • инвазиялық кандидоз • шырышты қабықтардың кандидозы, соның ішінде орофарингеальді кандидоз, өңеш кандидозы, кандидурия мен тері-шырышты қабықтың созылмалы кандидозы • ауыз қуысының созылмалы атрофиялық кандидозы (тіс протездерін қолданумен байланысты), ауыз қуысының гигиенасын сақтау немесе жергілікті емдеу жеткіліксіз болғанда • қынаптық кандидоз, жедел немесе қайталанған (жергілікті ем қолданылмайтын кезде) • кандидоздық баланит (жергілікті ем қолданылмайтын кезде) • дерматомикоздар, соның ішінде табан дерматофитиясы, дене дерматофитиясы, шап дерматофитиясы, түрлі-түсті теміреткі мен терінің кандидоздық инфекциялары (жүйелі емдеу көрсетілсе) • тырнақтардың дерматофитиясында (онихомикозда) (басқа препараттармен емдеу қолайлы болмаса) Ерадиком ересектердегі келесі аурулардың профилактикасы үшін қолданылады: • қайталанулар қаупі жоғары пациенттердегі криптококтық менингиттің қайталануларында • АИТВ инфекциясы бар, қайталанулар қаупі жоғары пациенттердегі орофарингеальді кандидоз бен өңеш кандидозының қайталануларында • қынаптық кандидоздың қайталануларының жиілігін (жылына 4 немесе одан көп көрінісі) азайту үшін • ұзаққа созылған нейтропениясы бар пациенттердегі (мысалы, гематологиялық қатерлі жаңа түзілімдері бар, химиялық ем қабылдап жүрген пациенттерде, немесе, гемопоэздік дің жасушаларының трансплантациясы жүргізіліп жатқан пациенттер) кандидоздық инфекциялардың профилактикасы. 12-ден 18 жасқа дейінгі балалар мен жасөспірімдерді емдеу • шырышты қабықтардың кандидозы (орофарингеальді кандидоз және өңеш кандидозы) • инвазиялық кандидоз • криптококктық менингит • иммунитеті әлсіреген пациенттерде кандидоздық инфекциялардың профилактикасы • қайталанулардың жоғары қаупі бар балаларда криптококтық менингиттің қайталануларын болдырмау үшін демеуші ем Ем сеппенің және басқа зертханалық зерттеулердің нәтижелері алынғанға дейін басталуы мүмкін, бірақ осы нәтижелер алынғаннан кейін зеңге қарсы ем тиісті түрде түзетілуі керек. Зеңге қарсы дәрілерді дұрыс пайдалану туралы ресми нұсқаулықтарды ескеру қажет.

Әсер ету механизмі Флуконазол - зеңге қарсы триазол тобындағы дәрі. Оның негізгі әсер ету механизмі зеңдік Р - 450 цитохромы негіз болған зеңдердегі эргостерол биосинтезінің негізгі кезеңі болып табылатын 14 - альфа - ланостеролдың деметилдену реакциясын бәсеңдетуге негізделеді. 14 - альфа - метилстеролдардың жинақталуы зеңдердің жасуша жарғақшасы құрамына кіретін эргостеролдың келесі жойылуымен өзара байланысты; бұл процесс флуконазолдың зеңге қарсы әсерінің негізінде жатыр. Флуконазол препаратының Р - 450 цитохромына тәуелді зең ферменттеріне қатысты спецификалылығы жоғары. Флуконазол түрлі сүтқоректілердің P - 450 цитохромы жүйесінің әртүрлі изоферменттеріне қатысты алғандағыға қарағанда, зеңдердің Р - 450 цитохромы жүйесінің изоферменттеріне қатысты едәуір іріктелгендігі анықталды. Тәулігіне 50 мг флуконазолмен 28 тәулікке дейінгі уақыт бойы емдеу ерлердің плазмасындағы тестостерон концентрациясына немесе бала тууға қабілетті жастағы әйелдерде стероидтар концентрациясына әсер еткен жоқ. Флуконазол тәулігіне 200 - 400 мг дозада эндогендік стероидтардың деңгейіне және дені сау ер жынысты адамдардағы АКТГ стимуляциялаған реакцияға клиникалық маңызды әсер етпейді. Антипиринмен өзара әрекеттесу зерттеулері көрсеткендей, флуконазолды 50 мг дозада бір рет қабылдау да, бірнеше рет қабылдау да оның метаболизміне әсер етпейді. In vitro сезімталдығы In vitro зерттеулерде флуконазол клиникалық тәжірибеде анағұрлым көп таралған Candida зең түрлеріне қатысты (C. albicans, C. parapsilosis, C. tropicalis қоса) зеңге қарсы белсенділік танытады. C. glabrata флуконазолға төмен сезімталдықты көрсетеді, ал C. krusei және C. auris флуконазолға төзімді болып келеді. Флуконазолдың ең төмен тежеуші концентрациясы (ЕТТК) және эпидемиологиялық кесу мәні (ECOFF) C. albicans-қа қарағанда C. guilliermondii үшін жоғары. Сонымен қатар флуконазол Cryptococcus neoformans және Cryptococcus. gattii-ге қатысты, сондай-ақ эндемиялық Blastomyces dermatiditis, Coccidioides immitis, Histoplasma capsulatum және Paracoccidioides brasiliensis зеңдеріне қарсы in vitro белсенділік танытты. Фармакокинетикалық-фармакодинамикалық тәуелділігі Жануарлардағы зерттеулерде ЕТТК мәндері мен Candida тектес зеңдерден туындаған эксперименттік микоздарға қатысты тиімділік мәндерінің арасында тәуелділік анықталды. Клиникалық зерттеулерде флуконазолдың AUC және дозасы арасында іс жүзінде дозаға тәуелді 1 : 1 қатынасы орын алды. AUC көрсеткішінің немесе дозаның және ауыз қуысы кандидозы мен азырақ дәрежеде кандидемияның емге сәтті клиникалық жауабының арасында тікелей, бірақ толық емес өзара байланыс бар. Ұқсас емдеу әдісі флуконазолдың жоғары ЕТТК штаммдарынан туындаған инфекцияларды емдеу үшін аз дәрежеде қолайлы. Резистенттілігінің даму механизмі Candida тектес зеңдерден азолдар тобының микозға қарсы дәрілерінің әсеріне қарсы бірқатар қорғаныс механизмдері анықталды. Мұндай резистенттілік механизмдерінің біреуін немесе бірнешеуін өндіретін зеңдік штаммдар үшін флуконазолдың ЕТТК артқан, бұл in vivo зерттеулерде және клиникалық жағдайларда препараттың тиімділігіне теріс әсер етеді. Әдетте флуконазолға сезімтал Сandida түрлерінде резистенттілік қалыптасуының ең жиі кездесетін механизмі эргостеролдың биосинтезіне жауап беретін азолды қосылыстарға әсер ететін мақсатты ферменттер болып табылады. Резистенттілік мутация, ферменттің жоғары өндірілуі, дәрілік заттың эффлюкс механизмдері немесе метаболизмдік жолдардың қалыптасуы нәтижесінде дамуы мүмкін. C. albicans-тен ерекшеленетін Candida түрлерімен суперинфекциялар туралы хабарламалар болды, оларда көбінесе бастапқыда төмен сезімталдық (C. glabrata) немесе флуконазолға төзімді (мысалы, C. krusei, C. auris) болады. Мұндай инфекциялар зеңге қарсы баламалы емді талап етуі мүмкін. C. krusei сияқты флуконазолға табиғи резистенттілігі бар немесе C. auris сияқты жақында пайда болған Candida-ның кейбір түрлері үшін резистенттілік механизмдері толығымен айқын емес. EUCAST сезімталдығының шекаралық мәндері Фармакокинетикалық /фармакодинамикалық (ФК/ФД) деректерді талдау, in vitro сезімталдық және клиникалық жауап негізінде, EUCAST‑AFST (Микроорганизмдердің бактерияға қарсы дәрілерге сезімталдығын анықтау жөніндегі еуропалық комитет – зеңдердің зеңге қарсы препараттарға сезімталдығын анықтау жөніндегі қосалқы комитет) Candida тектес түрлер үшін флуконазолға сезімталдықтың шегін анықтады («EUCAST Fluconazole rational document құжаты (2020)» – редакция 3; Микроорганизмдердің бактерияға қарсы дәрілерге сезімталдығын анықтау жөніндегі еуропалық комитет, зеңге қарсы препараттар, ЕТТК түсіндіру үшін шекаралық мәні бар кестелер, 10.0 редакция, 04.02.2020 ж. бастап жарамды). Шектік мәндер түрлерге қатысы жоқтар, олар көбінесе ФК/ФД деректері негізінде анықталды және нақты түрлер үшін ЕТТК таралуына тәуелді емес, және түрлермен байланыстылар деп бөлінді, олар адамдарда инфекцияларды неғұрлым жиі туындатады. Бұл шектік мәндер төменде кесте түрінде ұсынылған. Зеңге қарсы препараттар — Қоздырғыштың түріне байланысты болатын сезімталдық шектері (С</Р>) мг/л — Түрге байланысты емес сезімталдық шектері А С</Р> мг/л Candida albicans — Candidadubliniensis — Candida glabrata — Candida krusei — Candida parapsilosis — Candida tropicalis Флуконазол — 2/4 — 2/4 — 0,001*/16 — — — 2/4 — 2/4 — 2/4 С — сезімтал; Р — резистентті. А — қоздырғыштың түріне байланысты емес сезімталдық шектері, көбінесе ФК/ФД деректері негізінде анықталды және нақты түрлер үшін ЕТТК таралуына тәуелді емес. Олар спецификалық шектік мәні жоқ организмге ғана қолдануға арналған. Сызық – сезімталдығына сынақ жүргізу ұсынылмайды, өйткені бұл түрі аталған дәрілік препаратпен емге көне бермейді. * — C. glabrata барлық штамдары «Ж» санатына жатады. C. glabrata үшін 16 мг/л-ден астам ЕТТК мәндерін резистенттілік мәндері ретінде түсіндіру керек. Сезімталдық санаты (≤0,001 мг/л) «П» штаммдарын «С» штаммдарына қате жатқызуды болдырмау үшін ғана ұсынылған. «Ж» — сезімтал, жоғары әсер: микроорганизм емдеудің сәтті болу ықтималдығы жоғары болған кезде «сезімтал, жоғары әсер» ретінде жіктеледі, өйткені заттың әсері оның дозалау режимін немесе инфекция орнындағы концентрациясын түзету нәтижесінде жоғарылады.

Дозалау режимі Дозасын таңдау зең инфекциясының типі мен ауырлығына байланысты жүзеге асырылады. Бірнеше реттік дозаларын қолдануды қажет ететін инфекциялардың түрлерін емдеуді, клиникалық көрсеткіштері немесе зертханалық тестілер белсенді зеңдік инфекцияның толық жойылғанын көрсеткенше жалғастыру керек. Емдеу курсының жеткіліксіздігі белсенді инфекцияның қайталануына алып келуі мүмкін. Ересектерде қолдану Криптококкоз: 1.Криптококтық менингитті емдеу: қанықтыратын дозасы алғашқы күні 400 мг, келесі дозасы – 6-дан 8 аптаға дейін тәулігіне бір рет 200 - 400 мг құрайды. Өмірге қауіп төндіретін инфекцияларды емдеген жағдайда тәуліктік дозасын 800 мг дейін арттыруға болады. 2. Қайталанулар қаупі жоғары пациенттердегі криптококтық менингиттің қайталануларын болдырмауға арналған демеуші ем: емдеуші дәрігер белгілеп берген уақыт бойына тәулігіне бір рет 200 мг. Кокцидиоидомикоз: пациенттің жағдайына байланысты 11 - 24 ай немесе одан да ұзағырақ уақыт бойы тәулігіне бір рет 200 - 400 мг. Кейбір, әсіресе ми қабықтарының зақымдануымен жүретін инфекциялар үшін тәулігіне 800 мг дозасы қарастырылуы мүмкін. Инвазиялық кандидоз: қанықтыратын дозасы алғашқы күні 800 мг, келесі дозасы – тәулігіне бір рет 400 мг құрайды. Кандидемияны емдеу ұзақтығына байланысты жалпы нұсқау - пациент қанында кандидемияның бар екендігіне алғашқы теріс нәтиже алынғаннан және кандидемия белгілері мен симптомдары толық жойылғаннан кейін 2 апта. Шырышты қабықтың кандидозын емдеу: 1. Орофарингеальді кандидоз: қанықтыратын дозасы алғашқы күні 200–400 мг, келесі дозасы - 7 – 21 күн бойы (орофарингеальді кандидоздың ремиссиясына жеткенше) тәулігіне бір рет 100 - 200 мг құрайды. Иммундық жүйе функциясының ауыр бұзылуы бар пациенттерде ұзағырақ емдеу кезеңін қолдануға болады. 2. Өңеш кандидозы: қанықтыратын дозасы алғашқы күні 200–400 мг, келесі дозасы - 14 - 30 күн бойы (өңеш кандидозының ремиссиясына жеткенше) тәулігіне бір рет 100 - 200 мг құрады. Иммундық жүйе функциясының ауыр бұзылуы бар пациенттерде ұзағырақ емдеу кезеңін қолдануға болады. 3. Кандидурия: 7 - 21 күн бойы тәулігіне бір рет 200–400 мг. Иммундық жүйе функциясының ауыр бұзылуы бар пациенттерде ұзағырақ емдеу кезеңін қолдануға болады. 4.Созылмалы атрофиялық кандидоз: 14 күн бойы тәулігіне бір рет 50 мг. 5.Тері - шырышты қабықтың созылмалы кандидозы: 28 күнге дейін тәулігіне бір рет 50–100 мг. Инфекцияның ауырлық дәрежесіне немесе иммундық функция бұзылуы мен инфекцияның қатарлас болуына байланысты ұзағырақ емдеу кезеңін пайдалануға болады. Қайталанулар қаупі жоғары, АИТВ инфекциясын жұқтырған пациенттерде шырышты қабық кандидозы қайталануларының профилактикасы Орофарингеальді кандидоз: созылмалы иммуносупрессиясы бар пациенттерде емдеуші дәрігер белгілеп берген уақыт бойына тәулігіне бір рет 100 –200 мг немесе аптасына 3 рет 200 мг. Өңеш кандидозы: созылмалы иммуносупрессиясы бар пациенттерде емдеуші дәрігер белгілеп берген уақыт бойына тәулігіне бір рет 100 –200 мг немесе аптасына 3 рет 200 мг. Гениталий кандидозы 1. Жедел қынаптық кандидоз: бір рет 150 мг. 2.Кандидоздық баланит: бір рет 150 мг. 3.Қынап кандидозының қайталануларын (жылына 4 немесе одан да көп көрініс беретін) емдеу және профилактикасы: әр үш күн сайын 150 мг - 3 дозасының жиынтығы (1 - ші, 4 - ші және 7 - ші күндері), содан соң демеуші дозасы 6 ай бойы аптасына бір рет 150 мг. Дерматомикоз 1.Табан дерматофитиясы, дене дерматофитиясы, шап дерматофитиясы, кандидоздар: аптасына бір рет 150 мг немесе 2–4 апта бойы күніне бір рет 50 мг, бірақ табан дерматофитиясын емдеу үшін 6 аптаға дейін созылатын ем қажет болуы мүмкін. 2.Түрлі-түсті теміреткі: 1-ден 3 аптаға дейін созылатын аптасына бір рет 300 – 400 мг немесе 2 - 4 апта бойына күніне бір рет 50 мг. 3.Тырнақтардың дерматофитиясы (онихомикоз): аптасына бір рет 150 мг. Емдеуді инфекциясы бар тырнақ жаңарғанша (инфекциясыз тырнақ өсіп шыққанша) жалғастыру керек. Қол мен аяқтың тырнақтарын қалпына келтіру үшін әдетте 3-тен 6 айға дейін және сәйкесінше 6-дан 12 айға дейін уақыт қажет болуы мүмкін. Дегенмен, өсу жылдамдығы жас шамасына байланысты және әртүрлі адамдарда айтарлықтай өзгешеліктері болуы мүмкін. Кей жағдайларда тырнақтың ұзаққа созылған созылмалы инфекциясын емдеу сәтті аяқталғаннан кейін тырнақтар деформацияланған күйі қалып қояды. Ұзаққа созылған нейтропениясы бар пациенттердегі кандидоздық инфекциялардың профилактикасы: 200–400 мг тәулігіне бір рет Емдеуді нейтропенияның туындауы күтілген күнге дейін бірнеше күн бұрын бастау және, нейтрофилдер саны 1000 мм3 жасушадан асқаннан кейін 7 күн бойы жалғастыру керек. Пациенттердің ерекше топтары Егде жастағы пациенттер Дозасын бүйрек функциясының жағдайына қарай түзету керек («Бүйрек функциясы бұзылған пациенттер» қосалқы бөлімін қараңыз). Бүйрек функциясы бұзылған пациенттер Флуконазол өзгермеген әсер етуші зат түрінде негізінен несеппен бірге шығады. Бір рет қабылдағанда дозасын өзгерту қажет емес. Бүйрек функциясының бұзылуы бар пациенттерге препаратты бірнеше рет қолданғанда 50 мг-ден 400 мг дейінгі бастапқы дозасын (көрсетіліміне сәйкес, ұсынылған тәуліктік дозасының негізінде) енгізу керек, содан кейін бастапқы жүктеме дозасынан соң қабылданатын тәуліктік дозасын (көрсетіліміне байланысты) келесі кестеге сәйкес белгілейді: Креатинин клиренсі (мл/мин) — Ұсынылатын дозасының пайызы >50 — 100 % ≤50 (гемодиализсіз) — 50 % Гемодиализ — Әрбір гемодиализден кейін 100% Гемодиализде жүрген пациенттер әр гемодиализден соң ұсынылған дозасының 100 %-ын қабылдауға тиіс; диализ жоқ күндері пациенттер өздерінің креатинин клиренсіне сәйкес азайтылған дозасын қабылдауға тиіс. Бауыр функциясы бұзылған пациенттер Флуконазолды бауыр функциясының бұзылуы бар пациенттерде қолдану жөніндегі деректер шектеулі, сондықтан ондай пациенттерде бұл препаратты сақтықпен қолдану керек. 12-ден 18 жасқа дейінгі балалар мен жасөспірімдер Баланың салмағы мен пубертаттық дамуына байланысты, препаратты тағайындайтын дәрігер қандай дозасы анағұрлым қолайлы болатындығын бағалауы тиіс болады. Балаларға арналған ең жоғарғы дозасы күніне 400 мг аспауы тиіс. Ересектердегі осыған ұқсас инфекциялар кезіндегідей, ересектерде емдеу ұзақтығы клиникалық және микологиялық жауапқа тәуелді. Ерадиком тәулігіне бір рет тағайындалады. 1. Бүйрек функциясы бұзылған балалар дозасын «Бүйрек функциясы бұзылған пациенттер» бөлімінен қараңыз. Клиникалық деректер балаларда флуконазолдың клиренсі ересектердегіге қарағанда жоғарырақ екенін көрсетіп отыр. Салыстырымды жүйелі экспозициясын алу үшін, ересектердегі 100, 200 және 400 мг дозасы балалардағы 3, 6 және 12 мг/кг дозасына сәйкес келеді. 2. Гениталий кандидозы Балаларда гениталий кандидозы кезіндегі қауіпсіздігі мен тиімділігі анықталмаған. Егер жасөспірімдерде (12-ден 18 жасқа дейінгі) гениталий кандидозын емдеу міндетті болса, дозасы ересектердегідей болуы тиіс. 3. Балалар үшін басқа көрсетілімдері Басқа педиатриялық көрсетілімдер үшін қауіпсіздігі жөніндегі ағымдағы қолжетімді деректер Жағымсыз реакциялар бөлімінде сипатталған Енгізу әдісі мен жолы Ішке қабылдауға арналған. Капсулаларды бір стақан сумен ішіп, бүтіндей жұту қажет. Капсулаларды тамақтануға қарамастан, күн сайын бір уақытта қабылдаған дұрыс. Емдеу ұзақтығы Жекелей, зеңдік инфекцияның сипаты мен ауырлығына байланысты. Дәрілік препараттың бір немесе бірнеше дозасын өткізіп алу кезіндегі қажетті шаралар Деректер жоқ. Тоқтату синдромы қаупінің болуына көрсетілім Деректер жоқ. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Дәрілік препаратты қолданар алдында дәрігердің немесе фармацевттің кеңесіне жүгініңіз.

• әсер етуші затқа, тектес азолдық қосылыстарға немесе қосымша заттардың кез келгеніне аса жоғары сезімталдық, • флуконазолды тәулігіне 400 мг және одан жоғары дозада бірнеше рет қолданған кезде бір мезгілде терфенадинді қабылдау, препаратты бірнеше рет қолданған кездегі дәрілер арасындағы өзара әрекеттесуді зерттеу нәтижелеріне сәйкес • QT аралығын ұзартатын және Р - 450 CYP3A4 цитохромы арқылы метаболизденетін цизаприд, астемизол, пимозид, хинидин және эритромицин сияқты дәрілік препараттарды бір мезгілде қабылдау • тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға • 12 жасқа дейінгі балаларға

Жиі • бас ауыру • іштің ауыруы, диарея, жүрек айну, құсу • аланинаминотрансфераза (АлТ) деңгейінің жоғарылауы, • аспартатаминотрансфераза (АсТ) деңгейінің жоғарылауы, сілтілі фосфатаза (СФ) деңгейінің жоғарылауы • бөртпе Жиі емес • анемия • тәбеттің төмендеуі • ұйқышылдық, ұйқысыздық • құрысулар, парестезия, бас айналу, дәм сезудің бұрмалануы • вертиго • іш қату, диспепсия, метеоризм, ауыздың құрғауы • холестаз, сарғаю, билирубин деңгейінің жоғарылауы • дәрілік бөртпе*, есекжем, қышыну, қатты терлеу • миалгия (бұлшықеттердің ауыруы) • қатты қажу, дімкәстану, астения, қызба Сирек • агранулоцитоз, лейкопения, тромбоцитопения, нейтропения • анафилаксия • гиперхолестеринемия, гипертриглицеридемия, гипокалиемия • тремор • «пируэт» типті полиморфты қарыншалық тахикардия (torsades de pointes), QT аралығының ұзаруы • бауыр жеткіліксіздігі, гепатоцеллюлярлық некроз, гепатит, гепатоцеллюлярлық зақымдану • уытты эпидермалық некролиз, Стивенс - Джонсон синдромы, жедел жайылған экзантематозды пустулез, эксфолиативті дерматит, ангионевроздық ісіну, беттің ісінуі, алопеция (шаштың түсуі) Белгісіз • эозинофилиямен және жүйелік симптомдармен байқалатын (DRESS) дәрілік реакция Егер қандай да бір келесі симптомдар пайда болса, пациент Ерадиком препаратын қолдануды тоқтатуы және дереу дәрігерге қаралуы керек: кең таралған бөртпе, дененің жоғары температурасы және үлкейген лимфатүйіндер (бұлар DRESS синдромының немесе дәрілік препараттарға аса жоғары сезімталдық синдромының симптомдары) ________________________________________________________________ * Орныққан дәрілік эритеманы қоса Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Флуконазолмен артық дозалану жағдайлары тіркелген. Симптомдары: елестеулер және параноидальді мінез-құлық. Емі - симптоматикалық (соның ішінде, қажет болғанда, демеуші шаралар және асқазанды шаю). Флуконазол негізінен несеппен шығарылады, сондықтан қарқындатылған көлемді диурез препараттың шығарылу жылдамдығын жеделдетуі мүмкін. 3 сағатқа созылатын гемодиализ сеансы флуконазолдың плазмадағы деңгейін шамамен 50 %-ға төмендетеді.

Бастың шашты бөлігінің дерматофитиясы Балалардағы бастың шашты бөлігінің дерматофитиясын емдеуде флуконазолды қолдану бойынша зерттеулер оның тиімділігі жағынан гризеофульвиннен жоғары емес екенін көрсетті: емдеудің жалпы табыстылығы 20%-дан азды құрады. Осылайша, флуконазолды бастың шашты бөлігінің дерматофитиясын (tinea capitis) емдеу үшін пайдаланбау керек. Криптококкоз Флуконазолдың басқа аумақтардағы криптококкозды (мысалы, өкпе және тері криптококкозын) емдеудегі тиімділігі туралы дәлелденген деректер жеткіліксіз, сондықтан препаратты дозалау жөніндегі нұсқаулар беру мүмкін емес. Терең эндемиялық микоздар Флуконазолдың паракокцидиоидомикоз, тері-лимфа споротрихозы және гистоплазмоз сияқты эндемиялық микоздардың басқа түрлерін емдеудегі тиімділігі туралы дәлелденген деректер шектеулі, сондықтан дозалауға қатысты қандай да бір нұсқаулар беруге мүмкіндік жоқ. Бүйрек функциясының бұзылуы Флуконазолды бүйрек функциясының бұзылуы бар пациенттерге сақтықпен қолдану керек. Бүйрекүсті безі функциясының жеткіліксіздігі Кетоконазолдың бүйрекүсті безі функциясының жеткіліксіздігін туындататыны белгілі және бұл сирек жағдайларда флуконазолды қолданған кезде де байқалуы мүмкін. Преднизонмен бір мезгілде емдеген кездегі бүйрекүсті безі қыртысының жеткіліксіздігіне қатысты ақпаратты Дәрілік өзара әрекеттесулер бөліміндегі «Флуконазолдың басқа дәрілік препараттарға әсері» қосалқы бөлімінен қараңыз. Бауыр және өт шығару жолдары функциясының бұзылуы Ерадиком препаратын бауыр функциясының бұзылуы бар пациенттерге сақтықпен тағайындау керек. Сирек жағдайларда флуконазолды қолдану, негізінен ауыр қатарлас аурулары бар пациенттерде ауыр, соның ішінде өлімге соқтыратын гепатоуыттылықпен қатар жүреді. Флуконазолмен байланысты гепатоуыттылық жағдайларында жалпы тәуліктік дозасымен, емдеу ұзақтығымен, пациенттердің жынысымен немесе жас шамасымен қандай да бір өзара байланысы байқалған жоқ. Флуконазолдың гепатоуыттылығы әдетте, бірақ әрқашан емес, қайтымды сипатта болды және емдеуді тоқтатқаннан кейін басылды. Бауыр функциясының зертханалық көрсеткіштерінің ауытқулары бар пациенттер флуконазолмен емдеген кезде бауырдың анағұрлым ауыр зақымданулары дамуының алдын алу мақсатында тұрақты қадағалауда болуы тиіс. Емдеуші дәрігер пациенттерді бауыр үшін ауыр салдарлардың өзіне тән симптомдары (астения, анорексия, тұрақты түрде жүрек айну, құсу және сарғаю) туралы хабардар етуі тиіс. Флуконазолды қабылдауды дереу тоқтату, ал пациент дәрігерге қаралуы керек. Жүрек-қантамыр жүйесі Кейбір азолдарды, соның ішінде флуконазолды қолданғанда электрокардиограммада QT аралығы ұзарған жағдайлары орын алған. Флуконазол иондар ағымын түзеткіш калий өзекшелері (Ikr) арқылы тежеу жолымен QT аралығын ұзартады. Басқа дәрілік препараттар (амиодарон сияқты) туындататын QT аралығының ұзаруы, P-450 CYP3A4 цитохромы тежелуінен күшеюі мүмкін. Тіркеуден кейінгі бақылау барысында флуконазол қабылдаған пациенттерде QT аралығының ұзаруы мен полиморфты қарыншалық тахикардияның (torsades de pointes) өте сирек жағдайлары тіркелген. Аталған жағдайлардың ішінен, осы жағдайға әсер етуі мүмкін жүректің құрылымдық аурулары, электролиттік бұзылулар және қатарлас препараттар сияқты көптеген қатарлас қауіп факторлары бар ауыр науқастанған пациенттер туралы хабарламалар болды. Гипокалиемиясы және жүректің ауыр жеткіліксіздігі бар пациенттерде өмірге қауіп төндіретін қарыншалық аритмиялар мен полиморфты қарыншалық тахикардияның (torsades de pointes) туындау қаупі жоғары. Флуконазолды ықтимал проаритмиялық жағдайы бар пациенттерге сақтықпен тағайындау керек. QT аралығын ұзартатыны және P - 450 CYP3A4 цитохромының көмегімен метаболизденетіні белгілі басқа дәрілік препараттарды бір мезгілде қолдануға болмайды. Галофантрин Галофантрин ұсынылған емдік дозасында QTс аралығын ұзартады және CYP3A4 субстраты болып табылады. Сондықтан флуконазол мен галофантринді бір мезгілде қолдану ұсынылмайды. Дерматологиялық реакциялар Сирек жағдайларда флуконазолмен емдегенде пациенттерде Стивенс -Джонсон синдромы және уытты эпидермалық некролиз сияқты терінің эксфолиативті реакциялары дамиды. Қатар жүретін ауыр аурулары бар пациенттерде өлім жағдайлары туралы хабарланды. Сондай-ақ эозинофилиямен және жүйелі симптомдармен (DRESS-синдром) көрінетін дәрілік реакция жағдайлары туралы хабарламалар да бар. ЖИТС-ке шалдыққан пациенттер көптеген дәрілік препараттарға терінің ауыр реакцияларының дамуына бейімірек келеді. Егер беткейлік зеңдік инфекциядан емделіп жүрген пациентте флуконазолдың әсеріне жатқызуға болатындай бөртпе пайда болса, аталған дәрілік препаратпен емдеуді тоқтату керек. Инвазиялық /жүйелі зеңдік инфекциялары бар пациенттерде бөртпе туындаса, оларды мұқият қадағалау және буллездік зақымданулар немесе көп формалы эритема дамыған жағдайда, флуконазолды тоқтату керек. Аса жоғары сезімталдық Анафилаксиялық реакцияның сирек жағдайлары анықталды. P - 450 цитохромы Флуконазол CYP2C9 изоферментінің және CYP3A4 изоферментінің орташа тежегіші, сондай-ақ CYP2C19 изоферментінің күшті тежегіші болып табылады. Флуконазолды емдік ауқымы тар, CYP2C9, CYP2C19 және CYP3A4 изоферменттері арқылы метаболизденетін дәрілік препараттармен бір мезгілде қабылдап жүрген пациенттерге қадағалау жүргізу керек. Терфенадин Тәулігіне 400 мг-ден аз дозалардағы флуконазол мен терфенадинді бір мезгілде қолдануды емдеуші дәрігердің мұқият қадағалауымен жүргізу керек. Кандидоз Зерттеулер C. albicans-тан басқа Candida түрлері туындатқан инфекциялардың көбейгенін көрсетті. Олар көбінесе табиғаты бойынша тұрақты (мысалы, C. krusei және C. auris) немесе флуконазолға төмен сезімталдықты көрсетеді (C. glabrata). Ондай инфекциялар емдеудің тиімсіздігіне байланысты зеңге қарсы баламалы емді талап етуі мүмкін. Сондықтан дәрігерлерге Сandida әр алуан түрлерінің флуконазолға төзімділігінің таралуын ескеру ұсынылады. Арнайы сақтандырулар Қосымша заттар Ерадиком капсулаларының құрамында лактоза бар, сондықтан тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға оны қолдануға болмайды. Педиатрияда қолданылуы Капсулалар түріндегі бұл дәрілік түрі балалардың қабылдауына арналмағандығына байланысты, Ерадиком капсулалар препаратын сәбилер мен 12 жасқа дейінгі балаларда қолдануға болмайды. 0-ден 12 жасқа дейінгі балаларға флуконазолдың сұйық пероральді түрлерін ұсынуға болады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Флуконазолдың көлік құралын немесе қауіптілігі зор механизмдерді басқару қабілетіне әсер етуіне зерттеу жүргізілмеген. Пациенттерге Ерадиком препаратын флуконазолды қабылдаған кезде бас айналу немесе құрысулар болуы мүмкін екендігі туралы ескерту керек және осы симптомдардың кез келгені пайда болған кезде автокөлік жүргізбеуге немесе механизмдермен жұмыс істемеуге кеңес беру керек.

Егер Сіз жүкті болсаңыз немесе бала емізіп жүрсеңіз, жүкті болуым мүмкін деп есептесеңіз немесе бала тууды жоспарлап жүрсеңіз, бұл дәріні қабылдамас бұрын өзі дәрігеріңізбен немесе фармацевтпен кеңесіңіз. Егер Сіз жүкті болуды жоспарлап жүрсеңіз, бала көтермес бұрын флуконазолды бір рет қабылдағаннан кейін бір апта күте тұру ұсынылады. Флуконазолмен ұзағырақ емдеу курстарын жүргізгенде емдеу кезінде тиісінше контрацепцияның қажеттілігі туралы өзіңіздің дәрігеріңізбен кеңесіңіз, ол соңғы дозасын қабылдағаннан кейін бір апта бойына жалғасуы тиіс. Егер Сіз жүкті болсаңыз, жүкті болуым мүмкін деп күдіктенсеңіз, жүкті болуға тырысып жүрсеңіз, егер тек ол туралы Сіздің дәрігеріңіз айтпаса, Сіз флуконазолды қабылдамағаныңыз дұрыс. Егер Сіз Ерадикомды қабылдау кезінде немесе соңғы дозасын қабылдағаннан кейінгі 1 апта ішінде жүкті боп қалсаңыз, дәрігерге жүгініңіз. Жүктіліктің бірінші және/немесе екінші триместрі кезінде қабылданған флуконазол түсік түсу қаупін арттыруы мүмкін. Бірінші триместр кезінде қабылданған флуконазол жүректің, сүйектердің және/немесе бұлшықеттердің туа біткен даму ақаулары бар баланың дүниеге келу қаупін арттыруы мүмкін. Кокцидиоидомикозды емдеу үшін флуконазолдың жоғары (күнделікті 400-800 мг) дозаларын үш немесе одан көп ай бойы қабылдаған әйелдерден туа біткен даму ақаулары бар: бассүйек пішіні өзгерген, еңбек өлшемі аса үлкен, құлақ қалқаны деформацияланған, ортанжілігі қисайған және шынтақ сүйегі тұтасып кеткен балалардың туғаны туралы хабарламалар бар. Флуконазол мен аталған жағдайлар арасындағы байланыс белгісіз. Флуконазол емшек сүтіне енеді және қан плазмасындағыға қарағанда төменірек концентрациясына жетеді. • Ерадикомның 150 мг бір дозасын қабылдағаннан кейін бала емізуді жалғастыруға болады. • Егер Сіз Ерадикомның бірнеше дозасын қабылдайтын болсаңыз, бала емізбеген дұрыс. Баланың дамуы мен денсаулығы үшін емшек емудің пайдасын, сондай-ақ, препараттың анасына клиникалық қажеттілігін және емшектегі бала үшін препараттың немесе анасының негізгі ауруының кез келген ықтимал жағымсыз реакцияларын бағалау керек.

Келесі дәрілік препараттарды бір мезгілде қолдануға болмайды Цизаприд: флуконазол мен цизапридті бір мезгілде қабылдаған пациенттерде жүрек тарапынан жағымсыз құбылыстар жағдайлары, соның ішінде полиморфты қарыншалық тахикардия (torsades de pointes) жағдайлары тіркелді. Тәулігіне бір рет 200 мг флуконазол мен күніне төрт рет 20 мг цизапридті бір мезгілде қолдану цизапридтің қан плазмасындағы деңгейлерінің елеулі артуына және QTс аралығының ұзаруына алып келеді. Флуконазол мен цизапридті бір мезгілде қолдануға болмайды Терфенадин: зеңге қарсы азолдық препараттарды терфенадинмен бірге қабылдаған пациенттерде QTс аралығының ұзаруы салдарынан пайда болған жүректің ауыр аритмиясы анықталғаннан кейін осы препараттардың өзара әрекеттесуін зерделеу бойынша зерттеулер жүргізілді. Бір зерттеуде флуконазолды тәулігіне 200 мг дозада қолданғанда QTс аралығының ұзарғаны байқалған жоқ. Басқа зерттеуде, флуконазолды тәулігіне 400 мг және одан көп (800 мг) дозаларда қабылдағанда, флуконазолды тәулігіне 400 мг және одан көп дозаларда қабылдау онымен қатар қабылданған терфенадиннің плазмалық деңгейлерінің елеулі артуына алып келетінін көрсетті. 400 мг және одан артық дозалардағы флуконазол мен терфенадинді бір мезгілде қолдануға болмайды. Тәулігіне 400 мг-ден аз дозалардағы флуконазол мен терфенадинді бір мезгілде қолдануды дәрігердің мұқият қадағалауымен жүргізу керек. Астемизол: флуконазол мен астемизолды бір мезгілде қолдану астемизол клиренсінің төмендеуіне алып келуі мүмкін. Астемизолдың плазмалық концентрациясының жоғарылауы QT аралығының ұзаруына және сирек жағдайларда полиморфты қарыншалық тахикардияның (torsades de pointes) туындауына әкелуі мүмкін. Флуконазол мен астемизолды бір мезгілде қолдануға болмайды. Пимозид: in vitro немесе in vivo зерттеулер жүргізілмегеніне қарамастан, флуконазол мен пимозидті бір мезгілде қолдану пимозид метаболизмінің тежелуіне әкелуі мүмкін. Пимозидтің жоғары плазмалық концентрациялары QT аралығының ұзаруына, ал сирек жағдайларда полиморфты қарыншалық тахикардияның туындауына әкелуі мүмкін. Флуконазол мен пимозидті бір мезгілде қолдануға болмайды Хинидин: in vitro немесе in vivo зерттеулер жүргізілмегеніне қарамастан, флуконазол мен хинидинді бір мезгілде қолдану хинидин метаболизмінің тежелуіне әкелуі мүмкін. Хинидин қолданғанда QT аралығының ұзару жағдайлары және полиморфты қарыншалық тахикардияның (torsades de pointes) сирек жағдайлары байқалған. Флуконазол мен хинидинді бір мезгілде қолдануға болмайды Эритромицин: флуконазол мен эритромицинді бір мезгілде қолдану кардиоуыттылықтың (QT аралығының ұзаруы, полиморфты қарыншалық тахикардия (torsades de pointes)) және осының салдарынан кенеттен жүректен болатын өлімнің әлеуетті қаупін арттырады. Флуконазол мен эритромицинді бір мезгілде қолдануға болмайды Келесі дәрілік препараттарды бір мезгілде қолдану ұсынылмайды Галофантрин: флуконазол СҮР3А4 ферментіне тежегіш әсері салдарынан галофантриннің плазмалық концентрациясын арттыруы мүмкін. Флуконазол мен галофантринді бір мезгілде қолдану кардиоуыттылығының әлеуетті қаупін (QT аралығының ұзаруы, полиморфты қарыншалық тахикардия (torsades de pointes)) және соның салдары ретінде, кенеттен жүректен болатын өлім қаупін арттырады. Препараттардың мұндай біріктірілімін болдырмау керек Келесі дәрілік препараттарды бір мезгілде қолдану сақтықты қажет етеді Амиодарон: флуконазол мен амиодаронды бір мезгілде қолдану QT аралығының ұзаруына алып келуі мүмкін. Флуконазол мен амиодаронды бір мезгілде қолдану қажет болған жағдайда, әсіресе, флуконазолды жоғары дозаларында (800 мг) қолданған кезде сақтық таныту керек. Келесі дәрілік препараттарды бір мезгілде қолдану сақтықты және олардың дозасын түзетуді қажет етеді Басқа дәрілік препараттардың флуконазолға әсері Рифампицин: флуконазол мен рифампицинді бір мезгілде қолдану флуконазолдың AUC мәндерінің 25 %-ға төмендеуіне және жартылай шығарылу кезеңінің 20 %-ға қысқаруына алып келеді. Рифампицинді бірге қабылдап жүрген пациенттерге флуконазолдың дозасын арттыру керек. Өзара әрекеттесу зерттеулері көрсеткендей, флуконазолды тамақпен, циметидинмен, антацидтермен немесе сүйек кемігін ауыстырып салғаннан кейінгі организмнің жаппай сәулеленуімен бірге ішу арқылы қабылдау флуконазолдың сіңірілуінің клиникалық тұрғыдан елеулі нашарлауына алып келмейді. Гидрохлоротиазид: фармакокинетикалық өзара әрекеттесулер зерттеуі барысында флуконазол қабылдаған дені сау еріктілерде гидрохлоротиазидтің көп реттік дозаларын бір мезгілде қабылдау флуконазолдың плазмадағы концентрациясының 40 % жоғарылауын туындатты. Сонымен қатар, диуретиктерді бір мезгілде қолданған кезде флуконазолды қабылдау режимін өзгерту қажет емес. Флуконазолдың басқа дәрілік препараттарға әсері Флуконазол Р - 450 цитохромының CYP2C9 және CYP3A4 изоферменттерінің орташа тежегіші болып табылады. Флуконазол сондай-ақ CYP2C19 изоферментінің күшті тежегіші болып табылады. Төменде көрсетілген анықталған/құжатталған өзара әрекеттесумен қатар, CYP2C9, CYP2C19 және CYP3A4 ферменттерімен метаболизденетін және флуконазолмен бір мезгілде қолданылатын басқа құрамдастарының плазмалық концентрациясының арту қаупі бар. Сондықтан бұл препараттарды сақтықпен үйлестіру керек, және пациенттер дәрігердің мұқият қадағалауында болуы тиіс. Флуконазолдың ферменттерге тежегіштік әсері, оның жартылай шығарылу кезеңінің ұзақтығына байланысты, аталған препаратпен емдеуді тоқтатқаннан кейін 4 - 5 күн бойы жалғасады Аброцитиниб: флуконазол ( CYP2C19, 2C9, 3A4 тежегіші) аброцитинибтің әсер ететін затының әсер ету деңгейін 155 %-ға арттырды. Аброцитинибті флуконазолмен бірге қолданған кезде аброцитинибтің дозасын оның медициналық қолдану жөніндегі нұсқаулығында көрсетілгендей түзету керек. Алфентанил: флуконазол (400 мг) мен венаішілік алфентанилді (20 мкг/кг) бір мезгілде қолдану барысында дені сау адамдарда алфентанилдің AUC10 мәні 2 есе артады, бұл CYP3A4 изоферментінің тежелуінен болуы мүмкін. Алфентанилдің дозасын түзету қажеттілігі туындауы мүмкін. Амитриптилин, нортриптилин: флуконазол амитриптилиннің және нортриптилиннің әсерін күшейтеді. 5-нортриптилиннің және (немесе) S-амитриптилиннің концентрациясын қатарлас емдеуді бастар алдында және одан кейін бір аптадан соң өлшеуге болады. Қажет болған жағдайда, амитриптилиннің немесе нортриптилиннің дозасына түзету керек. Амфотерицин В: флуконазол мен амфотерицин B бір мезгілде қолдану инфекция жұқтырған қалыпты тышқандарда және иммунитеті әлсіреген инфекция жұқтырған тышқандарда келесі нәтижелерді көрсетеді: C. albicans туындатқан жүйелі инфекциялар кезіндегі зеңге қарсы әлсіз аддитивтік әсері, Cryptococcus neoformans туындатқан бассүйекішілік инфекция кезінде өзара әрекеттестігі жоқ, Aspergillus fumigatus туындатқан жүйелі инфекция кезіндегі екі препараттың антагонизмі. Бұл зерттеулер нәтижелерінің клиникалық маңыздылығы белгісіз. Антикоагулянттар: тіркеуден кейінгі қолдану барысында, зеңге қарсы басқа да азолды препараттар жағдайындағы сияқты, флуконазолды варфаринмен бірге қабылдап жүрген пациенттерде протромбиндік уақыттың ұзаруымен қатар жүретін қан кетулер (қанталаулар, мұрыннан қан кету, асқазан-ішектен қан кету, гематурия және мелена) анықталды. Флуконазолмен және варфаринмен қатарлас емдеу кезінде протромбиндік уақыт 2 есе артады, бұл варфарин метаболизмінің CYP2C9 изоферменті арқылы тежелуіне байланысты болуы мүмкін. Кумариндік немесе индандиондық антикоагулянттарды флуконазолмен бірге қабылдап жүрген пациенттерде протромбиндік уақытты бақылау керек. Антикоагулянттың дозасын түзету қажеттілігі туындауы мүмкін. Бензодиазепиндер (әсері қысқа) (мысалы, мидазолам, триазолам): мидазоламды пероральді қабылдағаннан кейін флуконазол мидазолам концентрацияларының елеулі жоғарылауына және психомоторлық әсерлерге алып келеді. 200 мг флуконазолмен 7,5 мг мидазоламды бір мезгілде пероральді қабылдау мидазоламның AUC мәнінің артуына және жартылай шығарылу кезеңінің 3,7 және 2,2 есе ұзаруына алып келеді. 200 мг флуконазолды күн сайын 0,25 мг триазоламмен біріктіріп пероральді қабылдау мидазоламның AUC мәні мен жартылай шығарылу кезеңінің 4,4 және 2,3 есе артуына алып келеді. Флуконазол мен триазоламды бір мезгілде қолданғанда триазоламның әсерінің күшейгені мен ұзарғаны байқалады. Флуконазол қабылдап жүрген пациенттерді бензодиазепинмен қатарлас емдеу қажет болған жағдайда бензодиазепиннің дозасын азайту және пациенттерге тиісінше қадағалау жүргізу керек. Карбамазепин: флуконазол карбамазепиннің метаболизмін тежейді және соңғысының қан сарысуындағы концентрациясын 30 %-ға арттырады. Карбамазепиндік уыттылықтың даму қаупі бар. Карбамазепиннің дозасын концентрациясы көрсеткіштеріне немесе әсеріне байланысты түзету қажет болуы мүмкін. Кальций өзекшелерінің блокаторлары: кальций өзекшелерінің кейбір антагонистері (нифедипин, исрадипин, амлодипин, верапамил және фелодипин) CYP3A4 ферменті арқылы метаболизденеді. Флуконазол кальций өзекшелері антагонистерінің жүйелі әсерін айтарлықтай арттыруы мүмкін. Жағымсыз реакцияларына жиі мониторинг жүргізу ұсынылады. Целекоксиб: флуконазолмен (тәулігіне 200 мг) және целекоксибпен (200 мг) қатарлас емдеу кезінде, целекоксибтің Cmax және AUC сәйкесінше 68 % және 134 %-ға артады. Флуконазолмен үйлесімде целекоксиб дозасының жартысы қажет болуы мүмкін. Циклофосфамид: циклофосфамид пен флуконазолды біріктіріп емдеу қан сарысуындағы билирубин мен креатинин деңгейлерінің артуына алып келеді. Біріктірілімін билирубин мен қан сарысуындағы креатинин мөлшерінің арту қаупі жоғарылайтынын ескере отырып пайдалануға болады. Фентанил: өлімге соқтырған, фентанил мен флуконазолдың өзара әрекеттесуінен туындауы мүмкін бір жағдай тіркелді. Бұдан өзге, дені сау еріктілердегі зерттеуде флуконазол фентанилдің элиминациясын едәуір кідіртетіні көрсетілді. Фентанилдің жоғары концентрациялары тыныс алу жеткіліксіздігіне алып келуі мүмкін. Пациенттерге тыныстың тежелу қаупінің болуы мүмкіндігіне байланысты мұқият қадағалау жүргізу керек. Фентанил дозасын түзету қажет болуы мүмкін. Гидроксиметилглутарил-кофермент A-редуктаза (ГМГ-КоA-редуктаза) тежегіштері: флуконазол аторвастатин және симвастатин сияқты CYP3A4 арқылы, немесе флувастатин сияқты (бауырда статин метаболизмінің төмендеуі) CYP2C9 арқылы метаболизденетін ГМГ - КоA - редуктаза тежегіштерімен бір мезгілде тағайындалғанда, миопатия мен қаңқа бұлшықеттерінің жедел некрозының (рабдомиолиз) (дозасына байланысты) даму қаупі артады. Қатарлас емдеу қажет болған жағдайда, пациент миопатия мен рабдомиолиз симптомдарының пайда болуына қатысты дәрігердің қадағалауында болуға тиіс, сондай-ақ организмдегі креатинкиназа деңгейіне бақылау жүргізілуге тиіс. Егер креатинкиназа деңгейінің елеулі артуы немесе миопатия немесе рабдомиолиз диагнозы қойылса немесе дамуына күдік болса, ГМГ-КоA-редуктаза тежегіштерін қабылдауды тоқтату керек. Статиндерді қолдану жөніндегі нұсқаулыққа сәйкес ГМГ-КоА-редуктаза тежегіштерінің неғұрлым төмен дозалары қажет болуы мүмкін. Ибрутиниб: флуконазол сияқты CYP3A4 орташа тежегіштері ибрутинибтің плазмадағы концентрациясын арттырады және уыттылық қаупін жоғарылатуы мүмкін. Егер препараттарды біріктіріп қолдануға тура келсе, тежегішті қолдану кезеңінде ибрутинибтің дозасын тәулігіне бір рет 280 мг (2 капсулаға) дейін азайту және мұқият клиникалық мониторингті қамтамасыз ету қажет. Ивакафтор (монотерапия ретінде немесе сол емдік кластағы препараттармен біріктірілімде): муковисцидоз кезінде трансжарғақшалық өткізгіштік реттегіші генінің стимуляторы (CFTR) ивакафтормен бір мезгілде қолдану, ивакафтордың әсер ету деңгейін 3 есе, ал гидроксиметил - ивакафтордың (M1) әсер ету деңгейін - 1,9 есе арттырды. Ивакафтор дозасын төмендету (монотерапия ретінде немесе басқа препараттармен біріктірілімде) ивакафторға арналған препаратты қолдану жөніндегі нұсқаулықта көрсетілген ақпаратқа сәйкес (монотерапия ретінде немесе басқа препараттармен біріктірілімде) қажет. Олапариб: CYP3A4 орташа тежегіштері, флуконазол сияқты, олапарибтің қан плазмасындағы концентрациясын жоғарылатады; бір мезгілде қолдану ұсынылмайды. Егер аталған препараттарды біріктіру өте қажет болса, олапарибтің дозасын тәулігіне екі рет 200 мг дейін шектеу керек. Иммунодепрессанттар (циклоспорин, еверолимус, сиролимус және такролимус) Циклоспорин: флуконазол циклоспориннің концентрациясы мен AUC мәнін едәуір арттырады. Флуконазол (тәулігіне 200 мг дозада) мен циклоспоринді (тәулігіне 2,7 мг/кг дозада) бір мезгілде қолданғанда циклоспориннің AUC мәнінің 1,8 есе жоғарылағаны байқалды. Препараттардың бұл біріктірілімін циклоспориннің дозасын концентрациясына байланысты төмендете отырып пайдалануға болады. Эверолимус: in vitro немесе in vivo зерттеулер жүргізілмегеніне қарамастан, CYP3A4 ферментінің тежеуіне байланысты, флуконазол эверолимустың қан сарысуындағы концентрациясын арттыруы мүмкін. Сиролимус: флуконазол сиролимустың плазмалық концентрациясын, шамасы, сиролимус метаболизмін CYP3A4 арқылы және Р – гликопротеинді тежеу арқылы арттырады. Бұл біріктірілімін сиролимустың дозасын әсері мен концентрациясының көрсеткіштеріне байланысты түзеткен кезде пайдалануға болады. Такролимус: флуконазол пероральді қолданғанда такролимустың қан сарысуындағы концентрациясын CYP3A4 ферментінің ішекте тежелуі салдарынан такролимус метаболизмінің тежелуі себепті 5 есеге дейін арттыруы мүмкін. Такролимусты вена ішіне қолданғанда елеулі фармакокинетикалық өзгерістері байқалған жоқ. Такролимус деңгейлерінің жоғарылауы нефроуыттылықтың дамуына алып келді. Пероральді қолданған кезде такролимустың дозасын оның концентрациясына байланысты азайту керек. Лозартан: флуконазол лозартанның өзінің, лозартанмен емдеу кезінде орын алатын ангиотензин II рецепторлары антагонизмінің көп бөлігіне жауап беретін белсенді метаболитіне (Е 3174) метаболизмін тежейді. Пациенттерде артериялық қысымды үнемі бақылап отыру керек. Луразидон: флуконазол сияқты CYP3A4 орташа тежегіштері қан плазмасындағы луразидон концентрациясын жоғарылатуы мүмкін. Егер бір мезгілде қолдануды болдырмау мүмкін болмаса, луразидонға арналған препаратты қолдану жөніндегі нұсқаулықта көрсетілгендей луразидон дозасын азайту керек. Метадон: флуконазол қан сарысуындағы метадон концентрациясын арттыруы мүмкін. Метадонның дозасын түзету қажет болуы мүмкін. Қабынуға қарсы стероидты емес препараттар (ҚҚСП): флурбипрофенмен монотерапиямен салыстырғанда, флурбипрофеннің Cmax және AUC флуконазолмен бір мезгілде тағайындағанда тиісінше 23 % және 81 %-ға артады. Осы сияқты, флуконазол ибупрофеннің рацемиялық қоспасымен (400 мг) бір мезгілде тағайындалғанда, соңғысының монотерапиясымен салыстырғанда, фармакологиялық тұрғыдан белсенді изомерінің (S - (+) - ибупрофен) Cmax және AUC 15 % және 82 %-ға артады. Арнайы зерттеулер жүргізілмесе де, флуконазол CYP2C9 арқылы метаболизденетін басқа ҚҚСП (мысалы, напроксен, лорноксикам, мелоксикам, диклофенак) жүйелі әсерін арттыруы мүмкін. ҚҚСП-мен байланысты жағымсыз әсері мен уыттылығына жиі мониторинг жүргізу ұсынылады. ҚҚСП дозасын түзету қажет болуы мүмкін. Фенитоин: флуконазол фенитоиннің бауырлық метаболизмін тежейді. Флуконазолды 200 мг дозада ішке және фенитоинді 250 мг дозада вена ішіне бір мезгілде бірнеше рет қолдану фенитоиннің AUC24 мәнінің 75 %-ға және Cmin мәнінің 128 %-ға жоғарылауына алып келді. Бір мезгілде қолданғанда фенитоиннің уыттылық көріністерін болдырмау үшін, фенитоин концентрациясының қан сарысуындағы деңгейлері тексерілуі тиіс. Преднизон: бауыр трансплантациясынан кейін преднизонмен ем қабылдаған пациентте, флуконазолмен үш айлық емді тоқтатқаннан кейін бүйрекүсті безі қыртысының жедел жеткіліксіздігі дамыған жағдай анықталды. Флуконазолды тоқтату CYP3A4 ферменті белсенділігінің жоғарылауына алып келді, бұл өз кезегінде преднизон метаболизмінің күшеюін туындатты деп шамаланады. Флуконазолмен және преднизонмен ұзақ уақыт ем қабылдаған пациенттерді флуконазолды тоқтатқаннан кейін бүйрекүсті безі қыртысы жеткіліксіздігінің дамуына қатысты қадағалау керек. Рифабутин: флуконазолмен бір мезгілде қолдану қан сарысуындағы рифабутиннің AUC шамасының 80 %-ға дейін артуына алып келеді. Флуконазол мен рифабутин бір мезгілде тағайындалған пациенттерде увеит дамыған жағдайлар туралы хабарланды. Рифабутин мен флуконазолды бір мезгілде қабылдап жүрген пациенттердің жағдайын, рифабутин уыттылығының біліну симптомдарына қатысты мұқият қадағалау қажет. Саквинавир: CYP3A4 ферментінің қатысуымен саквинавирдің бауырлық метаболизмін тежеуіне, сондай-ақ P-гликопротеинді тежеуіне байланысты, флуконазол саквинавирдің AUC және Cmax мәндерін сәйкесінше шамамен 50 % және 55 %-ға арттырады. Саквинавирмен/ритонавирмен өзара әрекеттесуі зерттелген жоқ және анағұрлым айқын болуы мүмкін. Саквинавирдің дозасын түзету қажеттілігі туындауы мүмкін. Сульфонилмочевина препараттары: дені сау еріктілерде флуконазол сульфонилмочевинаның препараттарын (мысалы, хлорпропамид, глибенкламид, глипизид, толбутамид) бір мезгілде пероральді қабылдағанда қан сарысуынан жартылай шығарылу кезеңін ұзартады. Қандағы глюкозаны жиі бақылау және сульфонилмочевина дозасын тиісінше азайту ұсынылады. Теофиллин: өзара әрекеттесулердің плацебо-бақыланантын зерттеуінде 14 күн бойы 200 мг-ден флуконазол қабылдау теофиллин клиренсінің орташа жылдамдығының 18%-ға төмендеуіне әкеледі. Флуконазол мен теофиллинді жоғары дозаларда қабылдайтын пациенттерді немесе теофиллинмен артық дозалану симптомдарын уақытында анықтау мақсатында теофиллиннің уыттылық әсерінің қаупі жоғары пациенттерді мұқият бақылап отыру қажет; олар пайда болғанда емдеуді тиісінше өзгерту керек. Тофацитиниб: тофацитинибтің экспозициясы CYP3A4 орташа тежелуіне және CYP2C19 күшті тежелуіне әкелетін дәрілік препараттармен (мысалы, флуконазол) бір мезгілде тағайындаған кезде артады. Осылайша, аталған препараттармен бірге тағайындаған кезде тофацитинибтің дозасын күніне бір рет 5 мг дейін азайту ұсынылады. Толваптан: CYP3A4 тежегіші толваптанның экспозициясы оны CYP3A4 орташа тежегіші болып табылатын флуконазолмен бірге қолданған кезде айтарлықтай артады (AUC 200%-ға, C max 80%-ға), бұл ретте жағымсыз реакциялардың, атап айтқанда айқын диурездің, сусызданудың және бүйректің жедел жеткіліксіздігінің туындау қаупі едәуір артады. Толваптанды флуконазолмен бір мезгілде қолданған жағдайда толваптан дозасын оның қолдану жөніндегі нұсқаулығына сәйкес төмендету керек және пациентті толваптанмен байланысты кез келген жағымсыз реакциялардың туындауына жиі бақылау керек. Қабыршөп алкалоиды: тиісті зерттеулер жүргізілмесе де, флуконазол қабыршөп алкалоидының плазмалық деңгейлерін арттыруы (мысалы, винкристин және винбластин) және CYP3A4-ке тежегіштік әсеріне байланысты болуы әбден ықтимал нейроуыттылыққа алып келуі мүмкін. А дәрумені: толықтай транс - ретиной қышқылымен (A дәруменінің қышқыл түрі) және флуконазолмен біріктіріп емдеуден өткен пациенттің бір клиникалық жағдайының сипаттамасында ОЖЖ тарапынан флуконазол қабылдауды тоқтатқаннан кейін басылған идиопатиялық бассүйекішілік гипертензия түріндегі жағымсыз әсерлердің дамығаны анықталды. Бұл біріктірілімін пайдалануға болады, бірақ ОЖЖ-мен байланысты жағымсыз әсерлерін анықтау мақсатында пациенттерді қадағалау керек. Вориконазол (CYP2C9, CYP2C19 және CYP3A4 тежегіші): пероральді вориконазол (1-күні әр 12 сағат сайын 400 мг, содан соң 2,5 күн бойы әр 12 сағат сайын 200 мг) мен пероральді флуконазолды (1-күні 400 мг, содан соң 4 күн бойы әр 24 сағат сайын 200 мг) бір мезгілде қолдану ер жынысты сегіз дені сау еріктіде вориконазолдың Cmax және AUCτ орташа алғанда сәйкесінше 57 % (90 %-дық СА: 20 %, 107 %) және 79 %-ға (90 %-дық СА: 40 %, 128 %) артуына алып келді. Бұл әсерді жоятын вориконазол мен флуконазолдың азайтылған дозасы және/немесе қабылдау жиілігі анықталмаған. Вориконазолды флуконазолдан кейін бірден қолданған жағдайда, вориконазолды қолданумен байланысты жағымсыз құбылыстарға мониторинг жүргізу ұсынылады. Зидовудин: Флуконазол зидовудиннің Cmax және AUC деңгейін сәйкесінше 84% және 74% арттырады, бұл зидовудин клиренсінің шамамен 45% төмендеуіне байланысты. Зидовудиннің жартылай шығарылу кезеңі флуконазолмен біріктіріп емдеу кезінде шамамен 128 %-ға ұзарады. Бұл біріктірілімді қабылдап жүрген пациенттер зидовудинді қабылдаумен байланысты жағымсыз реакцияларды анықтау мақсатында қадағалауда болуы тиіс. Зидовудиннің дозасын азайту қажет болуы мүмкін. Азитромицин: 1200 мг азитромициннің бір реттік пероральді дозасының флуконазолдың 800 мг бір реттік пероральді дозасының фармакокинетикасына әсерін, сондай-ақ флуконазолдың азитромицин фармакокинетикасына әсерін анықтау мақсатымен дені сау 18 пациентке ашық, рандомизацияланған, үшжақты айқаспалы зерттеу жүргізілді. Флуконазол мен азитромициннің арасында елеулі фармакокинетикалық өзара әрекеттесу анықталған жоқ. Пероральді контрацептивтер: флуконазолдың көп реттік дозаларымен бірге біріктірілген пероральді контрацептивті қабылдаудың екі фармакокинетикалық зерттеуі жүргізілді. Флуконазол 50 мг дозасының гормондар деңгейіне ешқандай елеулі әсері байқалған жоқ, ал тәуліктік 200 мг дозасы кезінде, этинилэстрадиол мен левоноргестрелдің AUC (концентрация - уақыт қисығы астындағы ауданы) 40 % және 24 %-ға артты. Осылайша, флуконазолды жоғарыда көрсетілген дозаларда бірнеше рет қолдану ұрықтануға қарсы пероральді біріктірілген препараттардың тиімділігіне әсер етпейді. Лемборексант: Бір мезгілде қолдану лемборексанттың AUC мен Cmax арттырады, яғни, оның қандағы концентрациясын жоғарылатады, ол орталық жүйке жүйесінің бәсеңдеуі, ұйқының бұзылуы, депрессияның немесе суицидтік ойлардың өршуі, аритмия немесе бас ауыруы сияқты лемборексанттың жағымсыз реакцияларының даму қаупін арттыруы мүмкін, сондықтан флуконазаол мен лемборексантты бір мезгілде қолданудан аулақ болу керек

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25o С-ден аспайтын температурада сақтау керек. Балалардың қолы жетпейтін жерде сақтау керек!