Завицефта® порошок 2000 мг/500 мг

Бір құтының ішінде белсенді заттар: натрий авибактамы 543,5 мг (500,0 мг авибактам бос қышқылына баламалы), цефтазидим пентагидраты 2329,7 мг (2000,0 мг сусыз цефтазидимге баламалы); қосымша зат – натрий карбонаты (сусыз) стерильді («Арнайы сақтандырулар» бөлімін қараңыз - Завицефта® препаратының құрамында натрий бар). Сыртқы түрінің, иісінің, дәмінің сипаттамасы • Завицефта® препараты инфузия дайындау үшін концентрат дайындауға арналған ақтан ашық-сары түске дейінгі ұнтақ болып табылады Қалпына келтірілген ерітінді – түссізден сары түске дейінгі мөлдір ерітінді, көзге көрінетін бөлшектерден бос.

Завицефта® препараты ересектерде және 3 айлықтан бастап одан үлкен жастағы балаларда келесі инфекцияларды емдеуге қолданылады: • асқынған интраабдоминальді инфекциялар (аИАИ); • несеп шығару жолдарының асқынған инфекциясы (НЖаИ), пиелонефритті қоса; • ауруханаішілік пневмония (АІП), соның ішінде өкпені жасанды желдетумен (ӨЖЖ) астасқан пневмония. Жоғарыда аталған инфекциялардың кез келгенімен байланысты немесе болжамды түрде байланысты бактериемиясы бар ересек пациенттерді емдеу. Завицефта® препараты сонымен қатар емдеу нұсқалары шектелген ересектерде және 3 айлықтан бастап одан үлкен жастағы балаларда аэробтық грамтеріс микроорганизмдерден туындаған инфекцияларды емдеуге де қолданылады. Бактерияға қарсы дәрілерді тиісті түрде қолдану жөніндегі ресми нұсқаулардың ұсынымдарын ескеру керек.

Әсер ету механизмі Цефтазидим пенициллин-байланыстырушы ақуыздармен (ПБА) байланысқаннан кейін жасуша қабырғасындағы бактериялық пептидогликандардың синтезін тежейді, бұл бактериялық жасушалардың лизисіне және қырылуына әкеледі. Авибактам β-лактамаза β-лактамды емес тежегіші болып табылады, оның әсері гидролизге төзімді ферментпен ковалентті аддукттардың қалыптасуымен байланысты. Ол Амблер жіктемесі бойынша A және C класындағы бета-лактамазаларды, сондай-ақ D класындағы кейбір ферменттерді, оның ішінде кеңейтілген спектрдегі бета-лактамазаларды (КСБЛ), KPC карбапенемазаны және OXA-48 бен AmpC ферменттерін тежейді. Авибактам B класындағы ферменттерді (металло-бета-лактамазалар) тежемейді және D класындағы көптеген ферменттерді тежеуге қабілетсіз. Резистенттілігі Цефтазидимге/авибактамға әлеуетті ықпал етуі мүмкін бактериялық резистенттілік механизмдері мутацияны немесе ПБА иеленуді, кез келген заттың әсері кезінде жарғақша өткізгіштігінің төмендеуін, авибактамның немесе цефтазидимнің және бета-лактамазаның белсенді шығарылуын (эффлюкс) және авибактаммен тежелуге тұрақтылығын және цефтазидимді гидролиздеу қабілетін қамтиды. Бактерияға қарсы басқа дәрілермен бірге бактерияға қарсы белсенділігі Цефтазидимнің/авибактамның метронидазолмен, тобрамицинмен, левофлоксацинмен, ванкомицинмен, линезолидпен, колистинмен және тигециклинмен біріктірілімдерін зерттеу in vitro синергияны немесе антагонизмді көрсеткен жоқ. Сезімталдығын анықтауға арналған шектік мәндер Микроорганизмдердің антибиотиктерге сезімталдығын анықтау жөніндегі Еуропалық комитет (European Committee on Antimicrobial Susceptibility Testing — EUCAST) белгілеген цефтазидим/авибактам үшін ең төменгі тежегіш концентрацияның (ЕТТК) шектік мәндерін келесі веб-парақтан қарауға болады: https://www.ema.europa.eu/documents/other/minimum-inhibitory-concentration-mic-breakpoints_en.xlsx Фармакокинетика және фармакодинамика параметрлерінің тәуелділігі Цефтазидимнің спецификалық патогендерге қарсы микробқа қарсы белсенділігі енгізулер арасындағы кезеңде бос препараттың концентрациясы соның барысында цефтазидимнің/авибактамның ең төменгі тежегіш концентрациясынан жоғары болып тұратын уақыт аралығымен (%) бәрінен де жақсырақ өзара байланысты болатыны көрсетілді (%fT > цефтазидимнің/авибактамның ЕТТК). Авибактамның ФК/ФД көрсеткіші бос препараттың концентрациясы енгізулер арасындағы кезеңде шектік концентрациядан жоғары болып тұратын уақыт аралығын (%) білдіреді (% fT > CT). Спецификалық патогендерге қарсы клиникалық тиімділігі Клиникалық зерттеулерде тиімділігі цефтазидимге/авибактамға in vitro сезімтал болған келесі патогендерге қатысты көрсетілді. Асқынған интраабдоминальді инфекциялар Грамтеріс микроорганизмдер • Citrobacter freundii • Enterobacter cloacae • Escherichia coli • Klebsiella oxytoca • Klebsiella pneumoniae • Pseudomonas aeruginosa Несеп шығару жолдарының асқынған инфекциялары Грамтеріс микроорганизмдер • Escherichia coli • Klebsiella pneumoniae • Proteus mirabilis • Enterobacter cloacae • Pseudomonas aeruginosa Ауруханаішілік пневмония, оның ішінде өкпені желдетумен астасқан пневмония • Грамтеріс микроорганизмдер Enterobacter cloacae • Escherichia coli • Klebsiella pneumoniae • Proteus mirabilis • Serratia marcescens • Pseudomonas aeruginosa Бекітілген көрсетілімдерге қатысы бар келесі патогендерге қатысты клиникалық тиімділігі анықталмады, дегенмен in vitro зерттеулер олардың цефтазидимге/авибактамға жүре пайда болған резистенттілік механизмдері болмағанда сезімтал болатынын болжамдайды. Грамтеріс микроорганизмдер • Citrobacter koseri • Enterobacter aerogenes • Morganella morganii • Proteus vulgaris • Providencia rettgeri In vitro деректер келесі түрлердің цефтазидимге/авибактамға сезімтал емес екенін көрсетеді. • Staphylococcus aureus (метициллинге сезімтал және резистентті) • Анаэробтар • Enterococcus spp. • Stenotrophomonas maltophilia • Acinetobacter spp. • Балалар Завицефта препараты 3 айлықтан < 18 жасқа дейінгі балалар жасындағы пациенттерде екі қарапайым жасырын рандомизацияланған салыстырмалы клиникалық 2 фазадағы зерттеуде зерттелді, олардың біреуі аИАИ бар пациенттерде, ал екіншісі — НЖаИ бар пациенттерде жүргізілді. Әрбір зерттеудегі негізгі мақсат цефтазидим-авибактам (+/- метронидазол) қауіпсіздігі мен көтерімділігіне баға беру болды. Қосымша мақсаттар фармакокинетикасы мен тиімділігін бағалауды қамтыды; екі зерттеуде де сипаттамалық ақырғы нүкте тиімділік болды. аИАИ бар балалар жасындағы пациенттерде TOC (ITT) кезіндегі клиникалық сауығу деңгейі меропенем үшін 95,5%-бен (21/22) салыстырғанда Завицефта препараты үшін 91,8% (56/61) құрады. НЖаИ бар балалар жасындағы пациенттерде TOC (микро ITT) кезіндегі микробиологиялық эрадикация деңгейі цефепим үшін 60,9%-бен (14/23) салыстырғанда Завицефта препараты үшін 79,6% (43/54) құрады. Дәрілік заттар жөніндегі еуропалық агенттікте НЖаИ, аИАИ, пневмонияны және грамтеріс бактериялық инфекцияларды емдеу үшін Завицефта препаратын балалар жасындағы пациенттердің бір немесе бірнеше қосалқы тобында зерттеу нәтижелерін ұсыну жөніндегі міндеттеме кейінге қалдырылды (препаратты балаларда қолдану туралы ақпаратты 4.2 бөлімінен қараңыз).

• Завицефта® препаратын Сізге дәрігер немесе медбике енгізетін болады. • Завицефта® препаратын емдеу нұсқалары шектеулі ересектер мен 3 айлық және одан үлкен жастағы балаларда аэробтық грамтеріс микроорганизмдерден туындаған инфекцияларды емдеу үшін инфекциялық ауруларды емдеуде жеткілікті тәжірибесі бар дәрігермен кеңескеннен кейін ғана қолдану ұсынылады. Дозалау режимі • Креатинин клиренсі (CrCL) > 50 мл/мин болатын ересектерде дозалануы • 1-кестеде есептелген креатинин клиренсі (CrCL) > 50 мл/мин болатын ересек пациенттер үшін ұсынылған венаішілік доза көрсетілген. • 1-кесте. Есептелген CrCL ≥ 50 мл/мин1 болатын ересек пациенттер үшін ұсынылған доза Инфекция типі — Цефтазидимнің/авибактамның дозасы — Енгізу жиілігі — Инфузияның ұзақтығы — Емнің ұзақтығы аИАИ2, 3 — 2 г/0,5 г — Әр 8 сағат сайын — 2 сағат — 5–14 күн НЖаИ, соның ішінде пиелонефрит3 — 2 г/0,5 г — Әр 8 сағат сайын — 2 сағат — 5–10 күн4 АІП, ӨЖЖ-мен астасқан пневмонияны қоса алғанда3 — 2 г/0,5 г — Әр 8 сағат сайын — 2 сағат — 7–14 күн Жоғарыда аталған инфекциялардың кез келгенімен байланысты немесе болжамды түрде байланысты бактериемия — 2 г/0,5 г — Әр 8 сағат сайын — 2 сағат — Емнің ұзақтығы инфекцияның шоғырланған орнына байланысты анықталуы тиіс. Емдеу нұсқалары шектеулі пациенттерде аэробтық грамтеріс микроорганизмдерден туындаған инфекциялар2,3 — 2 г/0,5 г — Әр 8 сағат сайын — 2 сағат — Инфекцияның ауырлық дәрежесіне, патоген (-дер) ге, сондай-ақ пациенттің клиникалық және бактериологиялық статусына байланысты5 • 1 CrCL, Кокрофт – Голт формуласы бойынша есептелген. • 2 Инфекция анаэробтық патогендерден туындағаны белгілі болса немесе жорамалданса, метронидазолмен біріктіріп қолдануға жатады. • 3 Инфекциялық процес осылардан туындағаны белгілі болса немесе жорамалданса, грамоң патогендерге қатысты белсенді бактерияға қарсы дәрімен біріктіріп қолдануға жатады. • 4 Жалпы көрсетілген ұзақтығы Завицефта® препаратын вена ішіне енгізуді және одан кейін тиісінше бактерияға қарсы препаратты қабылдауға көшуді қамтуы мүмкін. • 5 Завицефта® препаратын 14 күннен астам уақыт бойы қолдану тәжірибесі өте шектеулі. • Креатинин клиренсі (CrCL) > 50 мл/мин/1,73 м2 болатын балалар жасындағы пациенттердегі дозалануы • 2-кестеде есептелген креатинин клиренсі (CrCL) > 50 мл/мин/1,73 м2 болатын балалар жасындағы пациенттер үшін ұсынылған венаішілік доза көрсетілген. • 2-кесте. Есептелген CrCL1 мәні > 50 мл/мин/1,73 м2 болатын балалар жасындағы пациенттер үшін ұсынылған доза. Инфекция типі — Жас тобы — Цефтазидимнің/авибактамның дозасы7 — Енгізу жиілігі — Инфузияның ұзақтығы — Емнің ұзақтығы аИАИ2,3 немесе НЖаИ, пиелонефритті қоса3 немесе АІП, ӨЖЖ-мен астасқан пневмонияны қоса алғанда,3 немесе Емдеу нұсқалары шектеулі (ЕНШ) пациенттерде аэробтық грамтеріс микроорганизмдерден туындаған инфекциялар2,3 — 6 айдан < 18 жасқа дейін — 50 мг/кг/12,5 мг/кг-ден ең жоғарысы 2 г/0,5 г дейін — Әр 8 сағат сайын — 2 сағат — аИАИ: 5–14 күн НЖаИ4: 5–14 күн АІП, ӨЖЖ астасқан пневмонияны қоса: 7–14 күн ЕНШ: Инфекцияның ауырлық дәрежесіне, патоген (-дер) ге, сондай-ақ пациенттің клиникалық және бактериологиялық статусына байланысты5 Әр 8 сағат сайын — 2 сағат 3 айдан < 6 айға дейін6 — 40 мг/кг/10 мг/кг — Әр 8 сағат сайын — 2 сағат • 1 CrCL, Шварцтың «төсек жанындағы» формуласы бойынша есептелген. • 2 Инфекция анаэробтық патогендерден туындағаны белгілі болса немесе жорамалданса, метронидазолмен біріктіріп қолдануға жатады. • 3 Инфекциялық процес осылардан туындағаны белгілі болса немесе жорамалданса, грамоң патогендерге қатысты белсенді бактерияға қарсы дәрімен біріктіріп қолдануға жатады. • 4 Жалпы көрсетілген ұзақтығы Завицефта® препаратын вена ішіне енгізуді және одан кейін тиісінше бактерияға қарсы препаратты қабылдауға көшуді қамтуы мүмкін. • 5 Завицефта® препаратын 14 күннен астам уақыт бойы қолдану тәжірибесі өте шектеулі. • 6 Завицефта® препаратын 3 айдан < 6айға дейінгі балаларда қолдану тәжірибесі шектеулі. 7 Цефтазидим/авибактам әсер етуші заттардың 4 : 1 нақты арақатынасы бар біріктірілген препарат болып табылады және оның дозалау режимі бойынша нұсқаулар тек цефтазидимге негізделген. • Пациенттердің ерекше топтары • Егде жастағы пациенттер • Егде жастағы пациенттерге препараттың дозасын түзету қажет емес. • Бүйрек функциясының бұзылуы • Бүйрек функциясының ауырлығы жеңіл дәрежеде бұзылуы бар пациенттерге (есептелген CrCL > 50-ден ≤ 80 мл/мин дейін) препараттың дозасын түзету қажет емес. • 3-кестеде есептелген CrCL мәні ≤ 50 мл/мин болатын ересектер үшін дозаның ұсынылған түзетуі көрсетілген. • CrCL ≤ 50 мл/мин құрайтын ересектердегі дозалануы • 3-кесте. Есептелген CrCL1 мәні ≤ 50 мл/мин болатын ересектер үшін ұсынылатын дозалары Жас тобы — Есептелген CrCL мәні (мл/мин) — Цефтазидимнің/авибактамның дозасы2,4 — Енгізу жиілігі — Инфузияның ұзақтығы Ересек пациенттер — 31–50 — 1 г/0,25 г — Әр 8 сағат сайын — 2 сағат 16–30 — 0,75 г/0,1875 г — Әр 12 сағат сайын 6–15 — Әр 24 сағат сайын Гемодиализдегі пациенттерді қоса алғанда, бүйрек функциясының созылмалы жеткіліксіздігінің соңғы сатысы (БСЖС)3 — Әр 48 сағат сайын • 1 CrCL, Кокрофт – Голт формуласы бойынша есептелген. • 2 Препараттың фармакокинетикалық қасиеттерін модельдеу негізінде ұсынылған дозалар. • 3 Цефтазидим және авибактам организмнен гемодиализ кезінде шығарылады. Гемодиализ күндерінде Завицефта® препаратын гемодиализ аяқталғаннан кейін енгізу керек. 4 Цефтазидим/авибактам әсер етуші заттардың 4 : 1 нақты арақатынасы бар біріктірілген препарат болып табылады және оның дозалау режимі бойынша нұсқаулар тек цефтазидимге негізделген. • 4 және 5-кестелерде есептелген CrCL ≤ 50 мл/мин/1,73 м2 болатын балалар жасындағы пациенттерде әртүрлі жас топтарына сәйкес ұсынылған дозаны түзету келтірілген. • CrCL ≤ 50 мл/мин/1,73 м2 болатын ≥ 2 жастағы балалар жасындағы пациенттердегі дозалануы • 4-кесте. Есептелген CrCL1 мәні ≤ 50 мл/мин/1,73 м2 болатын балалар жасындағы пациенттер үшін ұсынылатын дозалар Жас тобы — Есептелген CrCL мәні (мл/мин / 1,73 м 2) — Цефтазидимнің/авибактамның дозасы2,4 — Енгізу жиілігі — Инфузияның ұзақтығы 2-ден < 18 жасқа дейінгі балалар жасындағы пациенттер — 31–50 — 25 мг/кг/6,25 мг/кг-ден ең жоғарысы 1 г/0,25 г дейін — Әр 8 сағат сайын — 2 сағат 16–30 — 18,75 мг/кг/4,7 мг/кг-ден ең жоғарысы 0,75 г/0,1875 г дейін — Әр 12 сағат сайын 6–15 — Әр 24 сағат сайын Гемодиализдегі пациенттерді қоса алғанда, бүйрек функциясының созылмалы жеткіліксіздігінің соңғы сатысы (БСЖС)3 — Әр 48 сағат сайын • 1 CrCL, Шварцтың «төсек жанындағы» формуласы бойынша есептелген. • 2 Дозалары фармакокинетикалық модельдеу негізінде ұсынылған. • 3 Цефтазидим және авибактам организмнен гемодиализ кезінде шығарылады. Гемодиализ күндерінде Завицефта® препаратын гемодиализ аяқталғаннан кейін енгізу керек. • 4 Цефтазидим/авибактам әсер етуші заттардың 4 : 1 нақты арақатынасы бар біріктірілген препарат болып табылады және оның дозалау режимі бойынша нұсқаулар тек цефтазидимге негізделген • CrCL ≤ 50 мл/мин/1,73 м2 болатын < 2 жастағы балалар жасындағы пациенттердегі дозалануы • 5-кесте. Есептелген CrCL1 мәні ≤ 50 мл/мин/1,73 м2 болатын балалар жасындағы пациенттер үшін ұсынылатын дозалар Жас тобы — Есептелген CrCL мәні (мл/мин/1,73 м2) — Цефтазидимнің/авибактамның дозасы2,3 — Енгізу жиілігі — Инфузияның ұзақтығы 3-тен < 6 айға дейін — 31-ден 50-ге дейін — 20 мг/кг/5 мг/кг — Әр 8 сағат сайын — 2 сағат 6 айдан < 2 жасқа дейін — 25 мг/кг/6,25 мг/кг — Әр 8 сағат сайын 3-тен < 6 айға дейін — 16-дан 30-ға дейін — 15 мг/кг/3,75 мг/кг — Әр 12 сағат сайын 6 айдан < 2 жасқа дейін — 18,75 мг/кг/4,7 мг/кг — Әр 12 сағат сайын 1 Шварцтың «төсек жанындағы» формуласы бойынша есептегенде. 2 Дозалары фармакокинетикалық модельдеу негізінде ұсынылған. 3 Цефтазидим/авибактам әсер етуші заттардың 4 : 1 нақты арақатынасы бар біріктірілген препарат болып табылады және оның дозалау режимі бойынша нұсқаулар тек цефтазидимге негізделген. • CrCL < 16 мл/мин/1,73 м 2 болатын < 2 жастағы балаларда дозалау режимі бойынша нұсқаулар жасау үшін ақпарат жеткіліксіз. Бауыр функциясының бұзылуы Бауыр функциясы бұзылған пациенттерге препараттың дозасын түзету талап етілмейді. Балалар жасындағы пациенттер Завицефта® препаратының қауіпсіздігі мен тиімділігі < 3 айлық балалар жасындағы пациенттерде анықталмаған. Деректер жоқ. Енгізу әдісі мен жолы Вена ішіне қолданылады. Қабылдау уақытының көрсетілуімен қолдану жиілігі Завицефта® препараты венаішілік инфузия түрінде инфузияның сәйкес көлемімен 120 минут ішінде енгізіледі («Келесі ақпарат тек қана медицина қызметкерлеріне арналған» - «Ересектер мен балаларға арналған дозаларын ИНФУЗИЯЛЫҚ ПАКЕТТЕ немесе ИНФУЗИЯЛЫҚ ШПРИЦТЕ дайындау жөніндегі нұсқаулық» бөлімін қараңыз). Емдеу ұзақтығы • Емнің курсы инфекцияның типіне және Сіздің емдеуге жауабыңызға байланысты көбінесе 5-тен 14 күнге дейін созылады. Дәрілік препараттың бір немесе бірнеше дозасын өткізіп алу кезіндегі қажетті шаралар Егер Сіз дозаны өткізіп алдым деп ойласаңыз, бұл туралы емдеуші дәрігеріңізге немесе медбикеге дереу хабарлаңыз. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну жөніндегі нұсқаулар Егер Сізде осы препаратты қолдану туралы қосымша сұрақтар туындаса, емдеуші дәрігеріңізден немесе медбикеден кеңес алыңыз.

• әсер етуші заттарға немесе «Қосымша мәліметтер» бөлімінде атап келтірілген қосымша заттарының кез келгеніне аса жоғары сезімталдық • цефалоспориндер қатарындағы бактерияға қарсы кез келген дәріге аса жоғары сезімталдық • кез келген басқа бета-лактамды антибиотиктерге (мысалы, пенициллиндерге, монобактамдарға немесе карбапенемдерге) ауыр аса жоғары сезімталдық (мысалы, анафилаксиялық реакциялар, терінің ауыр реакциялары) реакциясы • Егер Сізде жоғарыда көрсетілген қарсы көрсетілімдердің біреуі бар болса, Завицефта® препаратын қолданбаңыз. Егер Сіз күмәнді болсаңыз, Завицефта® препаратын қолданар алдында емдеуші дәрігеріңізге немесе медбикеге жүгініңіз.

• Бұл препарат, барлық басқа дәрілік препараттар сияқты, жағымсыз әсерлерді туғызуы мүмкін, әйтсе де пациенттердің барлығында емес. Осы дәрілік препаратты қабылдаған кезде мынадай жағымсыз әсерлер байқалуы мүмкін: Күрделі жағымсыз әсерлер Егер Сіз келесі күрделі жағымсыз әсерлердің қандай да біреуін байқасаңыз, емдеуші дәрігеріңізге дереу хабарлаңыз – Сізге шұғыл медициналық көмек қажет болуы мүмкін: • көбінесе ортасында күлдіреуіктері бар, терінің қабыршақтануымен, ауыз, тамақ, мұрын, гениталий мен көз аймағының ойықжараларымен білінетін, денедегі нысана тәрізді немесе дөңгелек макулалар түріндегі қызғылт дақтар. Бұл терінің күрделі бөртпелерінің пайда болуынан бұрын температураның көтерілуі және тұмау тәрізді симптомдар болуы мүмкін (Стивенс-Джонсон синдромы, уытты эпидермалық некролиз); • температураның көтерілуімен қатар жүретін, тері астында түйіндердің және күлдіреуіктердің пайда болуымен бірге қабыршақтанатын ауқымды бөртпе. Симптомдары әдетте емдеудің басында пайда болады (жедел жайылған экзантематозды пустулез); • күрделі аллергиялық реакциялар — белгілері еріннің, беттің, тамақтың немесе тілдің кенеттен ісінуін, ауырлық дәрежесі ауыр бөртпені немесе терінің басқа да ауыр реакцияларын, жұтынудың немесе тыныс алудың қиындауын немесе кеудедегі кенеттен ауырсынуды (Коунис синдромының симптомы болуы мүмкін) қамтиды. Бұл реакциялар өмірге қауіп төндіруі мүмкін; • күшейетін немесе басылмайтын диарея, немесе қан немесе шырыш аралас нәжіс — бұл Завицефта® препаратымен емдеу кезінде немесе емдеуді тоқтатқаннан кейін болуы мүмкін. Бұл жағдайда ішектің босатылуын тоқтататын немесе баяулататын дәрілік препараттарды қабылдауға болмайды. • Жоғарыда аталған және өзіңіз байқаған күрделі жағымсыз әсерлердің кез келгені туралы емдеуші дәрігеріңізге дереу хабарлаңыз. • Басқа да жағымсыз әсерлер • Өзіңіз байқаған келесі жағымсыз әсерлер туралы емдеуші дәрігеріңізге дереу хабарлаңыз: • Өте жиі (10 адамның 1-нен көбінде байқалуы мүмкін): • тікелей антиглобулиндік тест (ТАГТ немесе Кумбс сынамасы) нәтижелеріндегі ауытқулар. Бұл тест қанның қызыл жасушаларына антиденелерді анықтау үшін жүргізіледі. Препарат анемияны (соның салдарынан шаршауды сезінесіз) және сарғаюды (терінің немесе көздің сарғаюы) туғызуы мүмкін. • Жиі (10 адамның 1-нде байқалуы мүмкін): • зеңдік инфекциялар, оның ішінде ауыздың және қынаптың; • қан талдауларының нәтижелері бойынша қан жасушаларының кейбір типтерінің (эозинофилдер және тромбоциттер деп аталатын) санының өзгеруі; • бас ауыру; • бас айналу; • диарея; • іштің ауыруы; • жүрек айну немесе құсу; қан талдауларының нәтижелері бойынша бауырда өндірілетін ферменттер санының артуы; • теріден томпайып тұратын қышитын бөртпе (есекжем); • қышу; • Завицефта® препаратын венаға енгізен орынның қызаруы, ауырсынуы немесе ісінуі; • қызба. • Жиі емес (100 адамның 1-нде байқалуы мүмкін): • Clostridioides difficile туындатқан колит; • жалғанжарғақшалы колит; • қан талдауларының нәтижелері бойынша қан жасушаларының кейбір типтерінің (нейтрофилдер, лейкоциттер деп аталатын) санының азаюы; • қан талдауларының нәтижелері бойынша қан жасушаларының кейбір типтерінің (лимфоциттер деп аталатын) санының артуы; • шаншу немесе ұю; • ауызға нашар дәм келу; • қандағы кейбір заттар деңгейінің артуы (креатинин және мочевина деп аталатын). Олар бүйрегіңіздің қаншалықты жақсы жұмыс істейінін көрсетеді; • бүйрек функциясының жедел жеткіліксіздігі. • Өте сирек (10 000 адамның 1-нде байқалуы мүмкін): • бүйректің бір бөлігінің ісінуі, ол оның қалыпты функциясын төмендетеді. Белгісіз (қолда бар деректер негізінде бағалау мүмкін емес): • қан талдауларының нәтижелері бойынша лейкоциттердің инфекцияларға қарсы тұратын типтерінің саны елеулі азаюы; • қан талдауларының нәтижелері бойынша эритроциттер санының азаюы (гемолиздік анемия); • ауыр аллергиялық реакция (жоғарыдағы «Күрделі жағымсыз әсерлер» бөлімін қараңыз); • көздің ағының немесе терінің сарғаюы; • кенеттен айқын бөртпенің, күлдіреуіктердің немесе терінің қабыршақтануының пайда болуы, жоғары температурамен немесе буындардың ауыруымен қатар жүруы мүмкін (бұл уытты эпидермалық некролиз, Стивенс-Джонсон синдромы, көпформалы эритема, DRESS-синдром ретінде белгілі эозинофилиямен және жүйелі симптомдармен байқалатын дәрілік реакция немесе жедел жайылған экзантематозды пустілез (ЖЖЭП) сияқты біршама күрделі аурулардың белгісі болуы мүмкін); • тері астының ісінуі, әсіресе еріннің немесе көз айналасының. • Егер Сізде жоғарыда аталған жағымсыз әсерлердің біреуі бар болса, емдеуші дәрігеріңізге дереу хабарлаңыз. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК. http://www.ndda.kz

Завицефта® препаратын Сізге дәрігер немесе медбике енгізеді, сондықтан дұрыс емес дозаның енгізілу ықтималдығы аз. Бірақ егер Сізде жағымсыз әсерлер бар болса, немесе Сіз өзіңізге Завицефта® препаратының тым үлкен дозасын енгізген деп ойласаңыз, бұл туралы емдеуші дәрігерге немесе медбикеге дереу хабарлаңыз. Завицефта® препаратының артық дозалануы миға әсер етуі және энцефалопатияны, құрысуларды немесе команы туғызуы мүмкін.

Аса жоғары сезімталдық реакциялары Аса жоғары сезімталдықтың күрделі және сирек жағдайда өліммен аяқталатын реакциялары дамуы мүмкін. Аса жоғары сезімталдық реакциялары дамыған жағдайда Завицефта® препаратымен емдеуді дереу тоқтату және қажетті шұғыл көмекті көрсету керек. Коунис синдромына дейін өршитін аса жоғары сезімталдық реакциялары тіркелді (жедел аллергиялық коронарлық артериоспазм, бұл миокард инфарктісіне әкелуі мүмкін; «ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімін қараңыз). Емдеуді бастағанға дейін пациенттің анамнезінде цефтазидимге, басқа цефалоспориндерге немесе кез келген басқа β-лактамды антибиотиктерге аса жоғары сезімталдық реакциясының бар-жоғын анықтау керек. Цефтазидимді/авибактамды пенициллиндерге, монобактамдарға немесе карбапенемдерге анамнезінде ауыр емес аса жоғары сезімталдығы бар пациенттерге енгізген кезде сақтық танытқан жөн. Цефтазидимді қолданумен байланысты белгісіз жиілікте пайда болатын терінің ауыр жағымсыз реакциялары (ТАЖР), соның ішінде Стивенс-Джонсон синдромы (СДС), уытты эпидермалық некролиз (УЭН), эозинофилиямен және жүйелік симптомдармен байқалатын дәрілік реакция (DRESS — Drug Rash with Eosinophilia and Systemic Symptoms) және жедел жайылған экзантематозды пустулез (ЖЖЭП) сипатталған, олар өмірге қауіп төндіруі немесе өлімге әкелуі мүмкін. Пациенттерді белгілер мен симптомдар туралы хабардар етіп, олардың жағдайын тері реакциялары тұрғысынан мұқият бақылау керек («Күрделі жағымсыз әсерлер» бөлімін қараңыз). Осы реакцияларды көрсететін белгілер мен симптомдар пайда болған кезде Завицефта® препаратын қолдануды дереу тоқтатып, баламалы емдеу әдістерін қарастыру қажет. Егер цефтазидимді қолданған кезде пациентте СДС, УЭН, DRESS-синдром немесе ЖЖЭП сияқты күрделі реакция дамыса, бұл пациентте Завицефта® препаратымен емдеуді қайта бастауға мүлдем болмайды. Clostridioides difficile-астасқан диарея Цефтазидимді/авибактамды пайдаланған кезде Clostridioides difficile-астасқан диарея жағдайлары тіркелген, оның ауырлық дәрежесі жеңілден өмірге қауіп төндіретінге дейін болуы мүмкін. Завицефта® препаратын қабылдау кезінде немесе қабылдағаннан кейін диарея дамыған пациенттерде осы диагнозды ескеру керек. Завицефта® препаратымен емді тоқтату мүмкіндігін және Clostridioides difficile спецификалық ем тағайындауды қарастыру керек. Мұндайда пациент перистальтиканы басатын препараттарды қабылдамауы тиіс. Бүйрек функциясының бұзылуы Цефтазидим және авибактам бүйрек арқылы шығарылады, сондықтан препараттың дозасын бүйрек функциясының бұзылу дәрежесіне сәйкес азайту керек. Анда-санда, егер цефтазидимнің дозасы азайтылмаса, бүйрек функциясының бұзылуы бар пациенттерде неврологиялық асқынулар, соның ішінде тремор, миоклония, құрысу талмаларынсыз эпилепсия, құрысулар, энцефалопатия және кома тіркелген. Бүйрек функциясы бұзылған пациенттерде есептелген креатинин клиренсін мұқият бақылаған жөн. Кейбір пациенттерде қан сарысуындағы креатинин деңгейі бойынша есептелген креатинин клиренсі, әсіресе инфекцияны емдеудің бастапқы сатысында тез өзгеруі мүмкін. Нефроуыттылық Цефалоспориндердің және нефроуытты дәрілік заттардың жоғары дозаларымен, мысалы, аминогликозидтермен немесе күшті диуретиктермен (мысалы, фуросемидпен) біріктіріп емдеу бүйрек функциясына теріс әсер етуі мүмкін. Тікелей антиглобулиндік тестідегі (ТАГТ немесе Кумбс сынамасы) сероконверсия және гемолиздік анемияның ықтимал қаупі. Цефтазидимді/авибактамды қолданған кезде тікелей антиглобулиндік тестінің (ТАГТ немесе Кумбс сынамасы) оң нәтижелері болуы мүмкін, бұл қанның айқаспалы сынамаларының нәтижелеріне әсер етуі және (немесе) дәрілік иммундық гемолиздік анемияны туғызуы мүмкін. Завицефта® препаратын қабылдайтын пациенттерде ТАГТ бойынша сероконверсияның пайда болу жиілігі жоғарылауына қарамастан, клиникалық зерттеулерде (бастапқы деңгейде және кейінгі бақылау уақытында кем дегенде бір рет Кумбс сынамасының теріс нәтижесі бар пациенттерде сероконверсияның болжамды диапазоны 3 фазадағы зерттеулерде 3,2-ден 20,8 %-ға дейін құрады), препаратпен емдеген кезде ТАГТ оң сынамасы бар пациенттерде гемолиздің дамуы туралы деректер болған жоқ. Әйтсе де Завицефта® препаратымен емдеуге байланысты гемолиздік анемияның даму мүмкіндігін жоққа шығаруға болмайды. Завицефта® препаратымен емдеу кезінде немесе емдеуден кейін анемиясы бар пациенттер осы мүмкіндікті жоққа шығару үшін тексерілуі тиіс. Клиникалық деректердің шектеулілігі Завицефта® препаратының аИАИ, НЖаИ және АТП, ӨЖЖ астасқан пневмонияны қоса емдеу үшін клиникалық тиімділігі мен қауіпсіздігіне зерттеулер жүргізілді. Ересектердегі асқынған интраабдоминальді инфекциялар Екі зерттеуде аИАИ бар пациенттерде ең жиі диагноз (шамамен 42 %) аппендикулярлық перфорация немесе периаппендикулярлық абсцесс болды. Шамамен 87 % пациенттерде APACHE II балы ≤ 10 құрады, және 4 %-да жай-күйіне бастапқы баға бергенде бактериемия болды. Өліммен аяқталған нәтижелер Завицефта® препараты мен метронидазолды қабылдаған 2,1 % (18/857) пациенттерде, және меропенем қабылдаған 1,4 % (12/863) пациенттерде тіркелді. CrCL бастапқы мәні 30-дан 50 мл/мин дейін болған қосалқы топта өліммен аяқталған нәтижелер Завицефта® препараты мен метронидазолды қабылдаған 16,7 % (9/54) пациенттерде, және меропенем қабылдаған 6,8 % (4/59) пациенттерде тіркелді. CrCL 30-дан 50 мл/мин дейінгі пациенттер Завицефта® препаратын осы қосалқы топтағы пациенттер үшін қазіргі сәтте ұсынылғаннан азырақ дозада қабылдады. Ересектердегі несеп шығару жолдарының асқынған инфекциялары Екі зерттеуде НЖаИ бар пациенттер арасында 381/1091 (34,9 %) пациенттер пиелонефритсіз НЖаИ бар зерттеуге, ал 710 (65,1 %) жедел пиелонефриті бар зерттеуге қосылды (mMITT популяциясы). Жалпы алғанда НЖаИ бар 81 пациентте (7,4 %) жай-күйге бастапқы баға бергенде бактериемия болды. Ересектердегі ауруханаішілік пневмония (оның ішінде өкпені желдетумен астасқан пневмония) Бір зерттеуде АІП бар пациенттер арасында 280/808 (34,7 %-да) ӨЖЖ астасқан пневмония болды, ал 40/808 (5 %-да) – жай-күйге бастапқы баға бергендегі бактериемия болды. Емдеу нұсқалары шектелген пациенттер Грамтеріс аэробтық патогендерден туындаған инфекциялары бар, емдеу нұсқалары шектелген пациенттерді емдеу үшін цефтазидим мен авибактамды қолдану тек қана цефтазидимді қолдану тәжірибесіне және цефтазидимнің/авибактамның фармакокинетикалық және фармакодинамикалық бейіні арасындағы байланысты талдау нәтижелеріне негізделген. Цефтазидимнің/авибактамның әсер ету спектрі Цефтазидим көптеген грамоң микроорганизмдерге және анаэробтарға қатысты мүлде немесе мүлде дерлік белсенді емес («Қолдану жөніндегі нұсқаулар» бөлімін қараңыз). Инфекция осы патогендерден туындағаны белгілі болса немесе күдік тудырса, бактерияға қарсы қосымша дәрілерді пайдалану керек. Авибактамның тежеу спектрі цефтазидим әсерінің белсенділігін жоятын көптеген ферменттерді, соның ішінде Амблер жіктемесі бойынша А және C класындағы β-лактамазаларды қамтиды. Авибактам B класындағы ферменттерді (металло-бета-лактамазалар) тежемейді және D класындағы көптеген ферменттерді тежеуге қабілетсіз. Сезімтал емес организмдер Ұзақ уақыт пайдалану нәтижесінде сезімтал емес микроорганизмдердің (мысалы, энтерококктар, зеңдер) шамадан тыс өсуі мүмкін, бұл емдеуді уақытша тоқтатуды немесе басқа да тиісті шараларды қабылдауды қажет етуі мүмкін. Зертханалық талдаулар нәтижелеріне әсері Цефтазидим гликозурияны анықтауға арналған, мысты қалпына келтіру әдістерімен (Бенедикт, Фелинг бойынша, Clinitest) жүргізілетін талдаулардың нәтижелеріне әсер етіп, жалған оң нәтижелерге әкелуі мүмкін. Цефтазидим ферменттерге негізделген гликозурияға талдау нәтижелерін өзгертпейді. Балалар жасындағы пациенттер Артық дозаланудың әлеуетті қаупі бар, әсіресе 3-тен 12 айға дейінгі балалар жасындағы пациенттерде. Енгізуге арналған доза көлемін есептеген кезде сақтық таныту керек. Арнайы сақтандырулар Педиатрияда қолдану Завицефта® препаратын 3 айлықтан кіші балалар жасындағы пациенттерде қолданбау керек. Препаратты бұл жас тобында қолданудың қауіпсіздігі белгісіз. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері • Завицефта® препараты бас айналуды тудыруы мүмкін. Бұл көлік жүргізу қабілетіне, аспаптармен немесе механизмдермен жұмыс істеуге ықпал етуі мүмкін. Завицефта® препаратының құрамында натрий бар Бұл дәрілік препарат құрамында әрбір құтысында шамамен 146 мг натрий (тағамға пайдаланылатын тұздің негізгі компоненті) бар. Бұл ересектер үшін ұсынылған натрийді тағаммен тұтынудың ең жоғарғы тәуліктік мөлшерінің 7,3%-ын құрайды. Егер сізге ұзақ уақыт кезеңі ішінде препараттың күн сайын 3 немесе одан көп құтысын алу қажет болса, әсіресе егер Сізге тұз (натрий) мөлшері төмен диета ұсынылған болса емдеуші дәрігеріңізден кеңес алыңыз.

Жүктілік Завицефта® препаратын жүктілік кезінде, егер әлеуетті пайдасы ықтимал қаупінен асатын болса ғана қолдану керек. Бала емізу Цефтазидим аздаған мөлшерлерде адамның емшек сүтіне түседі. Авибактамның адамның емшек сүтіне бөлінетіні-бөлінбейтіні белгісіз. Жаңа туған/емшек еметін нәресте үшін қаупін жоққа шығаруға болмайды. Бала емізуді тоқтау немесе Завицефта® препаратымен емді тоқтату туралы шешім бала емізудің бала үшін артықшылықтары мен емнің әйел үшін пайдасын ескере отырып қабылдануы тиіс.

• Егер Сіз кез келген басқа дәрілік заттарды қабылдап жүрсеңіз, жақында қабылдаған болсаңыз немесе қабылдауды жоспарласаңыз, мұны емдеуші дәрігеріңізге немесе медбикеге хабарлаңыз. Авибактам OAT1 жән OAT3 тасымалдаушы ақуыздарының субстраты болып табылады, бұл авибактамның қан компартментінен белсенді қармалуына жағдай жасауы, демек, организмнен шығарылуына ықпал етуі мүмкін. Пробенецид (OAT күшті тежегіші) бұл қармалуды in vitro 56–70 % тежейді, демек, авибактамның организмнен шығарылуын өзгерту әлеуеті бар. Пробенецид пен авибактамды бірге қабылдау ұсынылмайды. Авибактам P450 цитохромы ферменттерін in vitro елеулі түрде тежеуін көрсеткен жоқ. Авибактам және цефтазидим клиникалық маңызды концентрацияларда P450 цитохромы индукциясын көрсеткен жоқ. Авибактам және цефтазидим клиникалық маңызы бар экспозиция ауқымында бүйректегі және бауырдағы негізгі тасымалдаушы ақуыздарды тежемейді, сондықтан бұл механизмдердің өзара әрекеттесу әлеуеті төмен деп саналады. Клиникалық деректердің негізінде авибактам мен цефтазидимнің, сондай-ақ авибактам/цефтазидим мен метронидазолдың арасында өзара әрекеттесудің жоқ екені көрсетілген. Өзара әрекеттесудің басқа типтері Цефалоспориндердің және нефроуытты дәрілік заттардың жоғары дозаларымен, мысалы, аминогликозидтермен немесе күшті диуретиктермен (мысалы, фуросемидпен) біріктіріп емдеу бүйрек функциясына теріс әсер етуі мүмкін. Хлорамфеникол in vitro цефтазидимнің және басқа цефалоспориндердің антагонисті болып табылады. Бұл нәтиженің клиникалық маңызы белгісіз, бірақ in vivo антагонизмі бар болуы мүмкін, соған байланысты осы препараттарды бірге қабылдаудан аулақ болу керек.

Сақтау мерзімі Құрғақ ұнтақ 3 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 30оС-ден аспайтын температурада. • Дәрілік препараттарды кәрізге немесе тұрмыстық қалдықтармен бірге тастамаңыз. Фармацевтен енді қажет емес дәрілік препараттардан қалай дұрыс құтылуға болатындығын сұраңыз. Бұл шаралар қоршаған ортаны қорғауға көмектеседі. Балалардың қолы жетпейтін жерде сақтау керек!