Залаин® крем 2 %

100 г кремнің құрамында белсенді зат - 2 г сертаконазол нитраты, қосымша заттар: этиленгликоль және полиэтиленгликоль пальмитостеараты, лаурилмакрогол глицеридтер, глицерил изостеараты, вазелин майы, метилпарагидроксибензоат (Е128), сорбин қышқылы, тазартылған су Сыртқы түрінің, иісінің, дәмінің сипаттамасы Иіссіз немесе майдың әлсіз иісі бар ақ жұмсақ крем.

Дерматофиттерден және ашытқы тәріздес зеңдерден туындаған терінің беткейлік микоздарын жергілікті емдеу: табан эпидермофитиясы, шап дерматофитиясы, кеуде микоздары, бет микоздары, қол ұшының дерматомикозы, тері кандидозы, кебекті теміреткі.

Фармакодинамикалық әсерлері Сертаконазол имидазол қатарына жатады және жергілікті қолдануға арналған фунгицидтік дәрілік препарат болып табылады. Тері инфекцияларының кең ауқымды қоздырғыштарына қатысты белсенді: Дерматофиттер: Trichophyton, Microsporum spp., Epidermophyton floccosum Ашытқы тәріздес зеңдер: Candida albicans, Candida spp., Malassezia furfur. Басқа патогендік және инфекциялармен байланысты микроорганизмдер, мысалы, тері және шырышты қабықтардың инфекцияларын туындататын грамоң бактериялар (стафилококктар, стрептококктар сияқты). Әсер ету механизмі Сертаконазолдың әсер ету механизмі имидазол туындыларының басқа препараттарымен ұқсас, зең жасушалары жарғақшаларының маңызды компоненті эргостеролдың биосинтезін бәсеңдету болып табылады, ол жасушалық жарғақшаның бүлінуіне және өткізгіштігінің артуына, патогендік микроорганизм құрылымының бұзылуына және жойылуына әкеледі.

Дозалау режимі Кремді терінің зақымданған жеріне, сау тері беткейінің шамамен 1 см-ін қамти отырып, тәулігіне бір немесе екі рет (кешке немесе таңертең және кешке) жұқа қабат етіп жағу керек. Емдеу курсының ұзақтығы қоздырғыштың түріне, сондай-ақ инфекцияның орналасқан жеріне байланысты. Клиникалық симптомдарын толық жою және сауыққанына микробиологиялық тұрғыдан айғақтар алу үшін, сондай-ақ ауырудың қайталануына жол бермеу үшін, көп жағдайларда клиникалық сауығу ерте, емдеудің 2-ші және 4-ші аптасы аралығында басталса да, 4 апталық емдеу курсы ұсынылады. Пациенттердің ерекше топтары Балалар Балаларға және жасөспірімдерге қолдану тәжірибесі жоқ. Дәрілік затты балаларға қолдану туралы деректер жоқ. Енгізу әдісі және жолы Тек сыртқа қолдануға арналған. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсыныстар Егер сізде осы препаратты пайдалану туралы қосымша сұрақтар туындаса, өз дәрігеріңізге қаралыңыз.

• белсенді затқа немесе қосымша заттардың кез келгеніне аса жоғары сезімталдық • зеңге қарсы басқа ұқсас препараттарға (имидазол тобындағы) аса жоғары сезімталдық.

Жағымсыз реакциялардың түйіні Жағымсыз реакциялардың пайда болу жиілігі туралы деректер жоқ. Кейде қысқа мерзімдік өткінші эритематоздық реакциялар туындады, бірақ олар қолданған орында ғана болады және емдеуді тоқтатуды қажет етпейді. Препарат терінің зақымданбаған немесе зақымданған бөліктеріне жаққан кезде бірдей жағымды болды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы сақтандырулар Залаин кремі офтальмологиялық тәжірибеде пайдаланылмауы тиіс. Пациенттерге қышқыл рН бар сабынды пайдаланбауға нұсқау беру керек (өйткені қышқыл рН Candida түр тармағының өсуіне мүмкіндік береді). Залаин крем препаратының 20 мг/г құрамында қосымша заттар ретінде метилпарагидроксибензоат және сорбин қышқылы бар. Залаин 1 г кремінің құрамында 1 мг метилпарагидроксибензоат бар, ол аллергиялық реакцияны туындатуы мүмкін (баяу түрдегі болуы ықтимал). Залаин 1 г кремінің құрамында 1 мг сорбин қышқылы бар, ол тері тарапынан жергілікті реакцияларды (мысалы, жанаспалы дерматитті) туындатуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Сертаконазол осы қабілеттілікке ықпалын тигізуі ықтимал деп болжам жасауға мүмкіндік беретін деректер жоқ.

Жүктілік Клиникаға дейінгі зерттеулер сертаконазолдың ешқандай тератогендік және эмбриоуыттылық әсерлерінің жоқтығын көрсетті. Сертаконазол тіпті жоғары дозаларын жергілікті қолданудан кейін қан плазмасынан табылмаса да, және жаңа туған нәрестелерде және жүкті әйелдерде сертаконазолдың жағымсыз әсері дәлелденбесе де, жүктілік кезінде препаратты қолдану пайда/қаупіне мұқият баға беруді қажет етеді. Лактация Емшек емізу кезеңінде препаратты қолдану пайда/қаупіне мұқият баға беруді қажет етеді.

Анықталмаған.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!