Земплар® раствор 5 мкг/мл

1 мл препараттың құрамында белсенді зат - 5 мкг парикальцитол, қосымша заттар: этил спирті, пропиленгликоль, инъекцияға арналған су. Сыртқы түрінің, иісінің, дәмінің сипаттамасы Бұлыңғырлану белгілері және көрінетін бөлшектері жоқ мөлдір түссіз ерітінді.

Парикальцитол салдарлық гиперпаратиреоздың емі үшін ересек пациенттерге, гемодиализде жүрген, бүйрек функциясының созылмалы жеткіліксіздігі бар пациенттерге қолданылады.

Әсер ету механизмі Парикальцитол — бұл бүйір тізбегі (D2) және A сақинасы (19-нор) түрленген, D дәруменінің, кальцитриолдың биологиялық тұрғыдан белсенді, синтетикалық аналогы. Кальцитолдан айырмашылығы, парикальцитол D дәрумені рецепторларының (DДР) селективті белсендіргіші болып табылады. Парикальцитол ішекте DДР-дің белсенділігін арттырмай, қалқанша маңы бездерінде DДР-ді селективті түрде белсендіреді және сүйек тінінің резорбциясына азырақ белсенді ықпалын тигізеді. Парикальцитол сондай-ақ қалқанша маңы бездерінде кальцийге сезімтал рецепторларды (CaСР) да белсендіреді. Нәтижесінде парикальцитол паратиреоидты гормонның (ПТГ) деңгейін, кальций мен фосфордың деңгейлеріне барынша ең аз әсерін тигізе отырып, паратиреоидты пролиферацияны тежеу және ПТГ синтезі мен секрециясын төмендету жолымен азайтады, және сүйек көлемін сақтау және бетінің минералдануын жақсарту үшін сүйек тінінің жасушаларына тікелей әсерін тигізуі мүмкін. ПТГ деңгейінің қалыптан ауытқуын түзету және кальций мен фосфор гомеостазын қалыпқа келтіру бүйректің созылмалы ауруы салдарынан оның метаболизмінің бұзылуына байланысты сүйек тінінің ауруын болдырмауы және емдеуі мүмкін. Балалар Земплар препаратының қауіпсіздігі мен тиімділігі гемодиализде жүрген, бүйрек функциясының терминалды сатыдағы жеткіліксіздігі бар, 5-19 жастағы 29 бала қамтылған, ұзақтығы 12 апталық рандомизацияланған, салыстырмалы жасырын, плацебо-бақыланатын зерттеуде зерттелді. Земплар препаратын қабылдаған зерттеулерде ең жас алты пациент 5–12 жаста болды. Земплар препаратының бастапқы дозасы 500 пг/мл-ден азырақ иПТГ бастапқы концентрациясының негізінде аптасына 3 рет 0,04 мкг/кг немесе ≥ 500 пг/мл иПТГ бастапқы концентрациясының негізінде аптасына 3 рет 0,08 мкг/кг құрады. Земплар препаратының дозасы иПТГ, кальций (Са) және х фосфор (Р) туындыларының сарысулық концентрациясына байланысты 0,04 мкг/кг-ге түзетілді. Земплар препаратын қабылдаған пациенттердің 67%-ында және плацебо тобындағы пациенттерді 14%-ында зерттеу аяқталды. Земплар препаратын қабылдаған топтағы пациенттердің 60%-да, плацебо тобындағы пациенттердің 21%-дағы бастапқы мәнмен салыстырғанда, иПТГ концентрациясының 30%-ға бірізді 2 төмендеуі тіркелді. Плацебо тобындағы пациенттердің 71%-да иПТГ концентрациясының жоғарылауы салдарынан зерттеу тоқтатылды. Земплар препаратын қабылдаған топта да, плацебо тобында да қатысушылардың бірде-біреуінде гиперкальциемия дамыған жоқ. 5 жастан кіші пациенттерге қатысты деректер жоқ.

Дозалау режимі Ересектер • Бастапқы дозасы интактілі паратиреоид гормонның (иПТГ) бастапқы деңгейінің негізінде есептеледі: Парикальцитолдың бастапқы дозасын келесі формуланы пайдалана отырып есептейді: Бастапқы доза (мкг) интактілі ПТГ бастапқы пмоль/л концентрациясы = -------------------------------------------------------------- 8 немесе интактілі ПТГ бастапқы пг/мл концентрациясы = -------------------------------------------------------------- 80 және диализ кезінде кез келген уақытта кем дегенде күнара вена ішіне (в/і) болюсті түрде енгізеді. Клиникалық зерттеулерде енгізілген ең жоғары қауіпсіз доза 40 мкг құрады. • Дозаны титрлеу: Диализде жүрген, бүйрек функциясының терминалды жеткіліксіздігі бар пациенттерде қазіргі уақытта жол берілетін ПТГ мақсаттық деңгейі уремиясы жоқ пациенттер жоғары қалып шегінен 1,5–3 еседен аспауға, интактілі ПТГ үшін 15,9–31,8 пмоль/л (150–300 пг/мл) болуы тиіс. Қажетті физиологиялық деңгейге жеткізу үшін дозаны жекелей мұқият бақылау және жекелей түзету енгізу қажет. Гиперкальциемияда немесе түзетілген кальций (Са) х фосфат (Р) туындысы 5,2 ммоль2/л2 (65 мг2/дл) астамға тұрақты жоғарылағанда препарат дозасын төмендету немесе осы көрсеткіштер қалыпқа келгенше емге үзіліс жасау қажет. Әрі қарай парикальцитолмен емдеуді аз дозада қайта бастау керек. ПТГ деңгейі төмендеген кезде емге жауап ретінде парикальцитол дозасын төмендету қажет болуы мүмкін. Төменде берілген кестеде дозаны титрлеу амалы берілген: Ұсынылатын дозалау бойынша нұсқаулар (Дозаны 2–4 апталық аралықпен түзету) Бастапқымен салыстырғандағы иПТГ деңгейі — Парикальцитол дозасын түзету Өзгерген жоқ немесе артты — 2–4 мкг-ге арттыру керек < 30 % төмендеді > 30 %, < 60 % төмендеді — Дозаны өзгертпеу керек > 60 % төмендеді — 2–4 мкг-ге төмендету керек ИПТГ < 15,9 пмоль/л (150 пг/мл) Дозаны анықтағаннан кейін қан сарысуындағы кальций мен фосфат деңгейлерін айына ең кемінде 1 рет бақылап отыру қажет. Қан сарысуындағы интактілі ПТГ деңгейін әрбір үш ай сайын бақылау ұсынылады. Интактілі ПТГ (иПТГ) анықтау бүйрек жеткіліксіздігі бар пациенттерде биологиялық белсенді ПТГ-ны сенімді анықтауды қамтамасыз ету үшін ұсынылады. Түзету кезінде зертханалық зерттеулерді өте жиі жасау қажет етілуі мүмкін. Бауыр функциясының бұзылуы Бауыр функциясының жеңіл немесе орташа бұзылуы бар пациенттерде байланыспаған парикальцитолдың концентрациясы дені сау адамдардағы осындайға ұқсас және пациенттердің осы тобында дозаны түзету қажет болып табылмайды. Препаратты бауыр функциясының ауыр бұзылуы бар пациенттерде қолдану тәжірибесі жоқ. Балалар (0-18 жас) Земплар® препаратын қолданудың қауіпсіздігі мен тиімділігі балаларда анықталған жоқ. Балалар мен 18 жасқа дейінгі жасөспірімдердегі инъекцияға арналған ерітінді түріндегі парикальцитолды қолданудың тәжірибесі шектеулі. Егде жастағы пациенттер (65 жастан асқан) III фазаға жүргізілген зерттеулерде 65 жастағы және одан үлкен пациенттерде парикальцитолды қолдану тәжірибесі шектеулі болды. Осы зерттеулерде 65 жастағы немесе одан үлкен пациенттер мен одан да жастау пациенттер арасында препаратты қолданудың тиімділігі немесе қауіпсіздігіне қатысты ешқандай айырмашылық байқалған жоқ. Енгізу әдісі мен жолы Гемодиализде Земплар® препаратын инъекцияға арналған ерітінді түрінде катетер арқылы енгізеді. Қабылдау уақытының көрсетілуімен қолдану жиілігі Бастапқы дозасын диализ кезінде кез келген уақытта кем дегенде күнара вена ішіне (в/і) болюсті түрде енгізеді. Сондай-ақ, «Дозаны титрлеу» бөлімін қараңыз.

• әсер етуші затқа немесе қосымша заттардың кез келгеніне аса жоғары сезімталдық • D гипервитаминозы • гиперкальциемия

Жиі - бас ауыру, дисгевзия - асқазан-ішектен қан кету, іш қату, диарея - терінің қышынуы - гиперкальциемия - қызба, қалтырау, инъекция орнының ауырсынуы Жиі емес - аспартатаминотрансфераза деңгейінің жоғарылауы, зертханалық көрсеткіштердің қалыптан ауытқулары, дене салмағының төмендеуі - жүректің тоқтап қалуы, жүрекшелердің жыпылықтауы, жүрек қағуының жиілеуі - анемия -гипопаратиреоз -ми қанайналымының бұзылуы, естен тану, миоклонус, гипестезия, парестезия, бас айналу - конъюнктивит - өкпенің ісінуі, ентігу, жөтел, ортопноэ - тікішектен қан кету, құсу, ауыздың кеберсуі, ішектің ишемиясы, іш аумағының жайсыздануы - алопеция, бөртпе, күлдіреуіктер, қышитын бөртпе, тері күйгендей сезімі - буындардың ауыруы, буындардың күшпен қозғалуы, бұлшықеттің тартылуы, миалгия - гиперфосфатемия, гипокальциемия, анорексия - пневмония, назофарингит, тұмау, жоғарғы тыныс жолдарының инфекциясы - сүт безінің обыры - артериялық гипертензия, артериялық гипотензия - жүріс-тұрыс мәнерінің бұзылуы, ісіну, жағдайдың нашарлауы, жалпы әлсіздік, дімкәстік, қатты шаршағыштық - сүт безінің ауыруы, эрекциялық дисфункция - сананың шатасуы, делирий, қозу, ұйқысыздық, күйгелектік, ажитация. Посмаркетингтік қолдану тәжірибесінен қосымша жағымсыз реакциялар Инфекциялық және паразиттік аурулар Сепсис, қынаптық инфекция. Қан және лимфа жүйесі тарапынан бұзылулар Лимфаденопатия. Иммундық жүйе тарапынан бұзылулар Аса жоғары сезімталдық, ангионевроздық ісіну, көмейдің ісінуі. Эндокриндік бұзылулар Гиперпаратиреоз. Метаболизм және тамақтану бұзылулары Гиперкалиемия. Жүйке жүйесі тарапынан бұзылулар Тітіркендіргіштерге реакция болмауы. Көру мүшесі тарапынан бұзылулар Глаукома, гиперемия. Есту мүшесі және лабиринт тарапынан бұзылулар Құлақтағы жайсыздық. Жүрек тарапынан бұзылулар Аритмия. Тыныс алу жүйесі, кеуде қуысы ағзалары және көкірек ортасы тарапынан бұзылулар Ысқырып тыныс алу. Асқазан-ішек бұзылулары Дисфагия, гастрит, жүрек айнуы. Тері және тері асты тіндері тарапынан бұзылулар Гирсутизм, түнгі тершеңдік, есекжем. Жалпы бұзылыстар және енгізген жердегі реакциялар Кеудедегі жайсыздық сезімі, кеуденің ауырсынуы, өзін нашар сезіну, инъекция орнындағы транссудация, шеткері ісіну, ауыру, шөлдеу. Зертханалық және құралдармен тексеру деректері Қан кету уақытының ұзаруы, жүрек ырғағының бұзылуы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: Артық дозалану жағдайлары тіркелмеген Парикальцитолмен артық дозалану гиперкальциемияға, гиперкальциурияға, гиперфосфатемияға және ПТГ-нің шамадан тыс супрессиясына әкеп соғуы мүмкін. Емі: Артық дозаланған жағдайда гиперкальциемияның белгілері мен симптомдарын (қан сарысуындағы кальций деңгейін) бақылау және оларды дәрігерге хабарлап отыру керек. Емдеуді қажетіне қарай бастаған жөн. Диализ кезінде парикальцитол аздап шығарылады. Клиникалық тұрғыдан маңызды гиперкальциемиясы бар пациенттерді емдеуге дозаны дереу азайту немесе парикальцитолмен емдеуді тоқтату, сондай-ақ кальций мөлшері төмендетілген диета, құрамында кальций бар қоспадан бас тарту, пациентті мобилизациялау, сұйықтық пен электролиттер теңгерімінің бұзылуына көңіл бөлу, электрокардиографиялық бұзылуларға баға беру (оймақгүл препараттарын қабылдап жүрген пациенттер үшін қиындау) және кальцийсіз диализаттың орнына гемодиализ немесе перитонеалдық диализ (ескерту ретінде) қамтылады. Қан сарысуындағы кальций деңгейі қалыпты шегіне оралғаннан кейін парикальцитолды төмен дозалардан бастап қабылдауды қайта жалғастыруға болады. Егер қан сарысуындағы кальций деңгейінің тұрақты және едәуір жоғарылауы сақталса, фосфаттар және кортикостероидтар сияқты препараттарды қолдануды қамтитын әртүрлі басқа да емдік баламаларды, сондай-ақ диурезді индукциялауға қатысты шараларды қарастыру керек. Земплар® инъекцияға арналған ерітіндісінің құрамында қосымша зат ретінде 30% (к/к) пропиленгликоль бар. Орталық жүйке жүйесінің бәсеңдеуінің, гемолиздің және лактатацидоздың жекелеген жағдайлары жөнінде мәлімделді, олар пропиленгликольді жоғары дозаларда енгізумен байланысты уытты әсер ретінде бағаланды. Пропиленгликоль диализ кезінде шығарылатын болғандықтан, Земплар® препаратын енгізген кезде мұндай уытты әсерлер күтілмесе де, артық дозаланған жағдайда уытты әсер қаупі болатындығын ескерген жөн

Арнайы сақтандырулар ПТГ шамадан тыс супрессиясы қан сарысуында кальций деңгейін арттыруы және сүйектердің метаболизмдік ауруларына әкелуі мүмкін. Керекті физиологиялық деңгейге жеткізу үшін пациентті бақылау және дозаны жекелей титрлеу қажет. Егер пациенттер фосформен байланысатын кальций негізіндегі препараттарды қабылдағанда клиникалық тұрғыдан маңызды гиперкальциемия дамыса, кальций негізінде фосфорды байланыстыратын препараттың дозасын төмендету немесе емдеуге үзіліс жасау қажет. Созылмалы гиперкальциемия жайылған қантамырлық кальцинозға және жұмсақ тіндердің кальцинозына әкеп соғуы мүмкін. Фосфаттарды немесе құрамында D дәрумені бар препараттарды бір мезгілде қабылдамаған жөн, өйткені гиперкальциемияның даму және кальций (Са) х фосфат (Р) туындыларының арту қаупі жоғары. Дигиталистік уыттылық оның шығу тегіне қарамай гиперкальциемиямен күшейеді, сондықтан дигиталис препараттарын парикальцитолмен бір мезгілде абайлап тағайындау қажет. Парикальцитолды кетоконазолмен бір мезгілде тағайындағанда сақ болу керек. Осы дәрілік заттың құрамында 20% к/к этанол (алкоголь) бар. Әрбір дозада 1,3 г-ге дейін этанол болуы мүмкін. Бұл маскүнемдіктен зардап шегіп жүрген адамдарға зиянын тигізуі мүмкін. Мұны жүкті немесе бала емізіп жүрген әйелдерде, балаларда және жоғары қаупі, мысалы, бауыр аурулары немесе эпилепсиясы бар пациенттер тобына қатысты назарға алған жөн. Парентералдық қолдануға арналған басқа ерітінділер сияқты Земплар® препараты бар ампула немесе құтыны енгізу алдында бөгде бөлшектер болмауын тексеріп қарау керек. Ерітінді түссіз және мөлдір болуы тиіс. Тек бір рет қолдануға арналған. Ампуладағы немесе құтыдағы ерітіндінің қалдықтарын жою керек. Педиатрияда қолданылуы Балалар (0-18 жас) Земплар® препаратын қолданудың қауіпсіздігі мен тиімділігі балаларда анықталған жоқ. 5 жастан кіші балалар үшін деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралын және механизмдерді басқару қабілетіне парикальцитол аздап ықпалын тигізуі мүмкін. Парикальцитолды енгізгеннен кейін бас айналу пайда болуы мүмкін.

Жүктілік кезеңінде парикальцитолды қолдану жөнінде тиісті деректер жоқ. Ұрпақ өрбіту функциясы үшін уыттылығы анықталды. Адам үшін ықтимал қаупі белгісіз. Земплар® препаратын жүктілікте және контрацептивтік заттар қабылдамайтын, ұрпақ өрбіту жасындағы әйелдерде қолдануға болмайды. Парикальцитол және оның метаболиттерінің адамның емшек сүтіне өтетін-өтпейтіні белгісіз. Жаңа туған нәресте/сәби үшін қаупі жоққа шығарылмайды. Емшек емізуді жалғастыруға/тоқтатуға немесе парикальцитолмен емдеуді жалғастыруға/тоқтатуға қатысты шешім жасағанда нәресте үшін емшек емізудің пайдасын және әйел үшін парикальцитолмен емделудің пайдасын ескерген жөн.

Инъекцияға арналған ерітінді түріндегі парикальцитолдың басқа дәрілік заттармен өзара әрекеттесуі зерттелген жоқ. Алайда кетоконазол мен парикальцитолдың өзара әрекеттесуін зерттеу капсула түріндегі препаратпен жүргізілді. Фосфаттарды немесе құрамында D дәрумені бар препараттарды бір мезгілде қабылдамаған жөн, өйткені гиперкальциемияның даму және кальций (Са) х фосфат (Р) туындыларының арту қаупі жоғары. Құрамында кальций бар препараттардың немесе тиазидтік диуретиктердің жоғары дозалары гиперкальциемияның даму қаупін арттыруы мүмкін. Құрамында D дәрумені бар препараттармен бір мезгілде ішінде алюминий бар препараттарды (мысалы, антацидтерді, фосфорды байланыстыратын препараттарды), қанда алюминий деңгейінің жоғарылау және сүйектерге алюминийдің уытты әсер ету ықтималдығы қаупіне байланысты, үнемі қабылдамаған жөн. Құрамында магний бар препараттарды (мысалы, антацидтерді), гипермагниемияның даму қаупіне байланысты, D дәруменінің препараттарымен бір мезгілде қабылдамаған жөн. Күніне екі рет 5 күн бойы 200 мг кетоконазолды және капсуладағы парикальцитолды қабылдайтын пациенттердегі дәрілік өзара әрекеттесуін клиникалық зерттеу кетоконазолдың монотерапияда парикальцитолды қабылдаумен салыстырғанда парикальцитолдың жалпы әсерін (AUC0 -∞; «концентрация-уақыт» қисығының астындағы аудан) шамамен екі есе арттырғанын көрсетті. Парикальцитолдың жартылай шығарылу кезеңі кетоконазолмен бірге қолданғанда 17,0 сағатты құрады, монотерапия режимінде парикальцитолды қолданғанда 9,8 сағатты құрады. Парикальцитол CYP3A изоферментінің әсерінен ішінара метаболизденеді, ал кетоконазол Р450 цитохромы жүйесінің кейбір ферменттерінің белгілі спецификалық емес тежегіші болып табылады, сондықтан парикальцитолды кетоконазолмен бірге қолданғанда сақ болу керек. Дигиталистік уыттылық оның шығу тегіне қарамай гиперкальциемиямен күшейеді, сондықтан дигиталис препаратын парикальцитолмен бір мезгілде абайлап тағайындау қажет. Арнайы зерттеулер жүргізілген жоқ.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 30С-ден аспайтын температурада сақтау керек. Балалардың қолы жетпейтін жерде сақтау керек.