Зенсонид суспензия 0.5 мг/2мл

2 мл суспензияның құрамында белсенді зат - микрондалған будесонид 0.5 немесе 1 мг, қосымша заттар: динатрий эдетаты, натрий хлориді, полисорбат 80 (твин 80), сусыз лимон қышқылы, натрий цитратының үш негізді дигидраты, инъекцияға арналған су. Сыртқы түрінің, иісінің, дәмінің сипаттамасы Ақ гомогенді суспензия.

Зенсонид, ингаляцияға арналған суспензиясы бронх демікпесін, оның ішінде аэрозольді немесе құрғақ ұнтақты ингаляторларды дұрыс пайдалана алмайтын пациенттерде емдеу үшін көрсетілген. Зенсонид, ингаляцияға арналған дозаланған суспензиясы сондай-ақ ауруханаға жатқызу көрсетілген өте ауыр түрдегі байламасты ларингитті (жалған қыспақ) емдеу кезінде көрсетілген.

Әсер ету механизмі Будесонид — жергілікті қабынуға қарсы белсенділігі жоғары глюкокортикостероид. Демікпені емдеу кезіндегі глюкокортикостероидтардың нақты әсер ету механизмі толық зерттелмеген. Т-жасушаларына, эозинофилдерге және жуан жасушаларға бағытталған қабынуға қарсы белсенділік, сондай-ақ қабыну медиаторларының босап шығуын тежеу және цитокинмен байланысты иммундық реакцияны тежеу маңызды болуы мүмкін. Глюкокортикоидты рецепторларға жақындық ретінде өлшенетін будесонидтің объективті белсенділігі преднизолонға қарағанда шамамен 15 есе жоғары. Будесонидті ингаляциялық енгізу плазмадағы ұқсас концентрациялар кезінде пероральді енгізумен салыстырылған, демікпеге шалдыққан пациенттерге жүргізілген клиникалық зерттеу ингаляциялық енгізу кезінде статистикалық маңызды тиімділікті көрсетті, бірақ плацебомен салыстырғанда пероральді енгізу кезінде тиімділікті көрсетпеді. Осылайша, ингаляциялық жолмен енгізілетін будесонидтің әдеттегі дозаларының емдік әсерін айтарлықтай дәрежеде тыныс алу жолдарындағы жергілікті әсерге жатқызуға болады. Жануарлар мен пациенттерге жүргізілген арандатушылық зерттеулерде будесонидтің анафилаксиялық және қабынуға қарсы әсері бар екендігі көрсетілді, бұл дереу және кешеуілдеген аллергиялық реакция кезінде бронхиалды обструкция дәрежесінің төмендеуімен көріністеледі. Тыныс алу жолдарының реактивтілігі Гиперреактивті пациенттерде будесонид тыныс алу жолдарының гистамин мен метахолинге сезімталдығын төмендететіні көрсетілген. Плазмадағы кортизол концентрациясына әсері Дені сау еріктілерге Будесонидпен жүргізілген зерттеулер плазма мен несеп кортизолына дозаға тәуелді әсерін көрсетті. АКТГ тесті, ұсынылған дозаларда будесонидпен емдеу, 10 мг преднизонға қарағанда бүйрекүсті безінің функциясына айтарлықтай аз әсер ететінін көрсетті. Бала жасындағы пациенттер Клиника-демікпе Будесонидтің тиімділігі зерттеулердің көбінде бағаланды және будесонид ересектерде де, балаларда да күніне бір немесе екі рет персистерлейтін демікпенің профилактикалық емі ретінде тиімділігін көрсетті. Репрезентативті зерттеулердің кейбір мысалдары төменде келтірілген. Клиника – ларинготрахеобронхит Ларинготрахеобронхитпен ауыратын балаларға жүргізілген бірқатар зерттеулер будесонидті плацебомен салыстырды. Төменде ларинготрахеобронхитпен ауыратын балаларды емдеу үшін будесонидті қолдануды бағалайтын репрезентативті зерттеулердің мысалдары келтірілген. Жеңіл және орташа дәрежедегі ларинготрахеобронхиті бар балалардағы тиімділігі Будесонидтің ларинготрахеобронхит симптомдарын бағалауды жақсартатынын-жақсартпайтынын немесе ауруханада болу ұзақтығын қысқартатынын-қысқартпайтынын анықтау үшін ларинготрахеобронхит клиникалық диагнозымен ауруханаға жатқызылған 87 балада (7 айдан 9 жасқа дейін) рандомизацияланған, салыстырмалы жасырын, плацебо-бақыланатын зерттеу жүргізілді. Будесонидтің (2 мг) немесе плацебоның бастапқы дозасы әр 12 сағат сайын 1 мг будесонид немесе плацебо қабылдаумен қатарлас жүрді. Буденосид ларинготрахеобронхит симптомдарының бастапқы бағалауы 3 болған пациенттерде 12, 24 сағаттан және 2 сағаттан кейін ларинготрахеобронзит симптомдарының бағалауын статистикалық тұрғыдан маңызды түрде жақсартты. Сондай-ақ ауруханада болу ұзақтығының 33%-ға қысқарғаны байқалды. Орташа және ауыр дәрежедегі ларинготрахеобронхиті бар балалардағы тиімділігі Рандомизацияланған салыстырмалы жасырын плацебо-бақыланатын зерттеу ларинготрахеобронхитпен ауруханаға жатқызылған 83 сәби мен балада (6 айдан 8 жасқа дейін) ларинготрахеобронхитті емдеу кезінде будесонид пен плацебоның тиімділігін салыстырды. Пациенттер ауруханадан шыққанға дейін немесе 36 сағат ішінде әр 12 сағат сайын плацебо немесе 2 мг будесонид қабылдады. Ларинготрахеобронхит симптомдарының жалпы баллы бастапқы дозадан кейін 0, 2, 6, 12, 24, 36 және 48 сағаттан соң бағаланды. 2 сағаттан кейін будесонид тобы да, сондай-ақ плацебо тобы да топтар арасында статистикалық маңызды айырмашылықтарсыз ларинготрахеобронхит симптомдары баллының ұқсас жақсарғанын көрсетті. 6 сағаттан кейін будесонид тобындағы ларинготрахеобронхит симптомдарының көрсеткіші плацебо тобымен салыстырғанда статистикалық тұрғыдан айтарлықтай жақсарды және плацебомен салыстырғанда бұл жақсару 12 және 24 сағаттан кейін бірдей айқын болды.

Дозалау режимі Бронх демікпесі: Бастапқы доза: Зенсонид ингаляцияға арналған суспензиясының дозасы жеке таңдалады. Бастапқы доза: 6 айлық және одан асқан балалар: Жалпы тәуліктік доза 0,25-0,5 мг. Пероральді стероидты ем алып жатқан пациенттер үшін анағұрлым жоғары бастапқы жалпы тәуліктік дозадан, мысалы 1 мг, бастауға болады. Анағұрлым жоғары дозаны (күніне 2 мг) тек ауыр демікпесі бар балалар үшін және шектеулі уақыт аралығында қарастыру керек. Ересектер мен егде жастағы адамдар: Күніне екі рет 0,5-1 мг. Қажет болса, дозаны ұлғайтуға болады. Анағұрлым күшті емдік әсер қажет болған жағдайда, Зенсонид ингаляцияға арналған суспензиясының анағұрлым жоғары дозаларын енгізуге болады; шын мәнінде, жүйелі әсерлердің қаупі пероральді кортикостероидтармен үйлесімдегі емдеуден кейін анықталатын жүйелі әсерлермен салыстырғанда үлкен емес. Демеуші доза: Демеуші доза – әр адамға жекелей. Қажетті клиникалық нәтижелерді алғаннан кейін симптомдарды бақылау үшін қажетті ең төмен дозаға жеткенше демеуші дозаны біртіндеп төмендету керек. Бронх демікпесі кезінде әсер басталғанға дейінгі уақыт: Зенсонид ингаляциялық суспензиясын қолданғаннан кейін демікпе бақылауының жақсаруы емдеу басталғаннан кейін 3 күн ішінде орын алуы мүмкін, дегенмен ең көп әсерге 2-4 аптадан кейін қол жеткізіледі. Пероральді стероидтарды қабылдайтын пациенттер: Зенсонид ингаляцияға арналған суспензиясы демікпені бақылауды сақтай отырып, пероральді стероидтардың дозалануын ауыстыруға немесе айтарлықтай төмендетуге мүмкіндік береді. Пероральді кортикостероидты емнен Зенсонид ингаляцияға арналған суспензиясы қолданылатын емге ауыстыра бастағанда пациент салыстырмалы түрде тұрақты фазада болуы керек. Содан кейін Зенсонид ингаляцияға арналған суспензиясының жоғары дозасын бұрын қолданылған пероральді дозамен үйлесімде шамамен 10 күн бойы енгізеді. Осыдан кейін оральді стероидтердің дозасын біртіндеп (мысалы, ай сайын 2,5 миллиграмм преднизолонға немесе баламаға) мүмкін болатын ең төменгі деңгейге дейін төмендету керек. Көптеген жағдайларда оральді стероидты Зенсонид ингаляцияға арналған суспензиясымен толығымен алмастыруға болады. Кортикостероидтарды қабылдауды тоқтату туралы қосымша ақпарат қолдану кезіндегі қажетті сақтандыру шаралары Дозаны бөлу және араластыру: Зенсонид ингаляцияға арналған суспензиясын 0,9% физиологиялық ерітіндімен араластыруға болады. Қоспаны 30 минут ішінде қолдану керек. Дозаны түзету үшін бір реттік контейнердің ішіндегісін бөлуге болады. Ішінде Зенсонид ингаляцияға арналған суспензиясы бар бір реттік контейнерлерде сызық айқын көрінеді. Егер бір реттік доза бар контейнерді төңкерсе, сызық 1 мл көлемді көрсетеді. Егер тек 1 мл пайдалану қажет болса, сұйықтықтың беткейі көрсетілген сызыққа жетпегенше, бір реттік контейнердің ішіндегісін төгіңіз. Ашық бір реттік контейнерді қаптамада жарықтан қорғалған жерде сақтаңыз. Ашқаннан кейін бір реттік контейнерді 24 сағат ішінде пайдалану керек. Қалған сұйықтықты пайдаланар алдында ішіндегісін айналмалы қозғалыс арқылы мұқият сілкіңіз. Фольга қаптамасын ашқаннан кейін препараты бар бір реттік контейнерлер 3 ай бойы жарамды және жарықтан қорғалған қаптамада сақталуы тиіс. ДОЗАНЫ АНЫҚТАУҒА АРНАЛҒАН КЕСТЕ мг-мен дозасы — Зенсонид ингаляцияға арналған суспензиясының көлемі 0,25 мг/мл — 0,5 мг/мл 0,25 — 1 мл* — - 0,5 — 2 мл — - 0,75 — 3 мл — - 1 — - — 2 мл 1,5 — - — 3 мл 2 — - — 4 мл * Өнімді 0,9% физиологиялық ерітіндімен 2 мл көлеміне дейін араластыру керек. Байламасты ларингиті Байламасты ларингиті бар сәбилер мен балаларда әдеттегі доза 2 мг Зенсонид ингаляцияға арналған суспензиясын құрайды, оны бір рет немесе 30 минут аралықпен 1 мг-ден екі доза түрінде енгізуге болады. Дозаны 36 сағат ішінде әр 12 сағат сайын немесе клиникалық жақсарғанға дейін қайталауға болады. ЗЕНСОНИД ИНГАЛЯЦИЯҒА АРНАЛҒАН СУСПЕНЗИЯСЫН ДҰРЫС ҚОЛДАНУ ЖӨНІНДЕГІ НҰСҚАУЛЫҚ Зенсонид ингаляцияға арналған суспензиясын мүштікпен немесе тиісті бетпердемен жабдықталған, ағынды небулайзердің көмегімен енгізу керек. Небулайзер жеткілікті ағынмен (5-8 л/мин) және 2-4 мл толтыру көлемімен компрессорға қосылуы тиіс. Ультрадыбыстық небулайзерлер Зенсонид ингаляцияға арналған суспензиясын қолдану үшін жарамайды. Әртүрлі небулайзерлердің тиімділігі (енгізілетін дозасы), тіпті егер олар бір ғана таңбаға және модельге жатса да, ерекшеленуі мүмкін. Пациентке Зенсонид ингаляцияға арналған суспензиясын дұрыс пайдалану туралы нұсқау беру керек. Балалар Зенсонид ингаляцияға арналған суспензиясын тек ересектердің қадағалауымен ғана пайдалануы тиіс. Пациентке әрқашан небулайзер жиынтығына кіретін небулайзерлік жүйені қолдану жөніндегі нұсқаулықты мұқият оқып шығу қажеттілігі туралы нұсқау беру маңызды. Контейнердің ішіндегісін ағынды небулайзерге құйып, ингаляция арқылы енгізу керек. Қалған контейнерлерді қалташада қалдырып, бір контейнерді жолақтан ажыратып алыңыз. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар Зенсонид препаратын қолдану тәсіліне қатысты қандай да бір сұрақтар туындаған жағдайда, пациентке осы дәрілік препаратты қолдану тәсілін түсіндіру үшін медицина қызметкерінің кеңесіне жүгіну ұсынылады.

Будесонидке немесе қосымша заттардың кез келгеніне жоғары сезімталдық.

Жағымсыз реакциялардың жиілігі келесі градация түрінде ұсынылады: өте жиі (>1/10), жиі (>1/100, <1/10), жиі емес (>1/1000, <1/100), сирек (>1/10000, <1/1000), өте сирек (<1/10000) және нақтыланбаған жиілік (алынған деректерден жиілікті бағалау мүмкін емес). Жиі - ауыз-жұтқыншақ кандидозы, пневмония (ОСӨА бар пациенттерде) - жөтел, тамақтың шырышты қабығының тітіркенуі Жиі емес - катаракта - мазасыздық, депрессия - тремор - бұлшықет спазмы Сирек - бөртпе, жанаспалы дерматит, есекжем, ангионевроздық ісіну және анафилаксиялық реакцияны (бет терісінің тітіркенуі) қоса, дереу және баяулаған типті аса жоғары сезімталдық реакциялары - кортикостероидтардың жүйелі әсерінің белгілері мен симптомдары, соның ішінде бүйрекүсті безінің тежелуі және бой өсуінің баяулауы (балаларда) - қозу, күйгелектік, мінез-құлықтың өзгеруі (негізінен балаларда) - бронх түйілуі, дисфония, дауыстың қарлығуы - теріде көгерудің пайда болуы Белгісіз - көрудің бұлыңғырлануы, глаукома - ұйқының бұзылуы, психомоторлы аса жоғары белсенділік, озбырлық Күтілетін дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарлауға болады. Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ұсынылған дозадан айтарлықтай асатын дозада Зенсонид препаратымен артық дозаланғанда клиникалық көріністеулер туындамайды. Препаратты ұсынылғаннан едәуір жоғары дозада ұзақ уақыт бойы қолданғанда гиперкортицизм және бүйрекүсті без функциясының тежелуі түрінде жүйелі глюкокортикостероидтық әсер дамуы мүмкін.

Зенсонид ингаляцияға арналған дозаланған суспензиясы демікпенің жедел ұстамалары кезінде жағдайды жылдам жақсартуға арналмаған, бұл мақсатта қысқа әсер ететін бронходилататорларды қолдану керек. Дәрігер қысқа әсер ететін бронходилататорлар көмектеспейтін немесе әдеттегімен салыстырғанда ингаляция санын арттыратын пациенттердің жағдайларын мұқият бағалауы тиіс. Мұндай жағдайларда дәрігер қабынуға қарсы препараттармен ем ұзақтығын, мысалы, ингаляциялық будесонидтің дозасын арттыру немесе глюкокортикостероидтармен пероральді ем курсын бастау арқылы ұлғайту мүмкіндігін қарастыруы тиіс. Пациенттерді пероральді стероидты емнен ауыстыруға қатысты ерекше назар аудару керек, себебі бүйрекүсті без функциясының бұзылу қаупі ұзақ уақыт бойы сақталуы мүмкін. Кортикостероидтардың жоғары дозаларымен шұғыл емдеуді немесе ингаляциялық кортикостероидтардың жоғары дозаларымен ұзақ мерзімді емдеуді қажет ететін пациенттерге де қауіп төнуі мүмкін. Мұндай пациенттер қатты күйзеліске ұшыраған кезде бүйрекүсті безі жеткіліксіздігінің белгілері мен симптомдарын көрсетуі мүмкін. Күйзеліс кезінде немесе жоспарланған операция жағдайында жүйелі кортикостероидтармен қосымша қамтамасыз ету мүмкіндігін қарастырған жөн. Жүйелі глюкокортикостероидтармен жүргізілетін емді басу кезеңінде кейбір пациенттер бұлшықеттің және буынның ауыруы сияқты жалпы жайсыздықты сезінуі мүмкін. Сирек жағдайларда шаршау, бас ауыруы, жүрек айнуы және құсу сияқты симптомдар кезінде жалпы глюкокортикостероидты жеткіліксіздікке күмәндану керек. Мұндай жағдайларда кейде пероральді глюкокортикостероидтың дозасын уақытша арттыру қажет болуы мүмкін. Пероральді стероидтармен емдеуді тоқтату кезеңінде кейбір пациенттерде өкпе функциясының сақталуына немесе тіпті жақсаруына қарамастан, буындардың және/немесе бұлшықеттердегі ауыруы, шаршау және депрессия сияқты жүйелі глюкокортикостероидты басу симптомдары пайда болуы мүмкін. Мұндай пациенттерге Зенсонид ингаляцияға арналған суспензиясымен жүргізілетін емді жалғастыруды ұсынған жөн, бірақ оларды бүйрекүсті безі жеткіліксіздігінің объективті белгілері тұрғысынан бақылау керек. Бүйрекүсті безінің жеткіліксіздігі расталған жағдайда жүйелі кортикостероидтың дозасын уақытша арттыру керек, содан кейін Зенсонид ингаляцияға арналған суспензиясына анағұрлым баяу қарқынмен ауыстыруды жалғастыруға болады. Күйзеліс кезеңінде немесе демікпенің ауыр ұстамасы кезінде жүйелі стероидтармен емдеуді ингаляциялық емге алмастыратын пациенттерге жүйелі кортикостероидтармен қосымша емдеу қажет болуы мүмкін. Жүйелі стероидтармен емдеуді ингаляциялық емге алмастыру кейде жүйелі стероидтармен емдеу арқылы бақыланатын ринит және экзема сияқты аллергияларды туындатуы мүмкін. Бұл аллергиялық көріністеулерді антигистаминді препараттармен және/немесе жергілікті қолдануға арналған препараттармен симптоматикалық түрде бақылау керек. Бауыр функциясының төмендеуі глюкокортикостероидтардың шығарылуына әсер етеді, бұл шығарылу жылдамдығының төмендеуіне және жүйелі әсердің анағұрлым жоғарылауына әкеледі. Бұл бауыр функциясының ауыр бұзылулары бар пациенттерде клиникалық тұрғыдан маңызды болуы мүмкін. Болуы мүмкін жүйелі жағымсыз әсерлер туралы ұмытпау қажет. Кетоконазолды, АИТВ протеаза тежегіштерін немесе басқа күшті CYP3A4 тежегіштерін бір мезгілде қолданудан аулақ болу керек. Егер бұл мүмкін болмаса, емдеудің екі курсы арасындағы уақыт кезеңі барынша ұзақ болуы тиіс. Өкпенің белсенді немесе латентті туберкулезі бар пациенттерде, сондай-ақ тыныс алу жолдарының зеңдік немесе вирустық инфекциялары бар пациенттерде ерекше сақ болу керек. Зенсонид препаратын зеңдік және вирустық инфекциялары бар пациенттерде (мысалы, қызылша және желшешек), сондай-ақ глаукома мен катаракта бар пациенттерде сақтықпен қолдану керек. Ингаляциялық кортикостероидтармен емдеу кезінде ауыз қуысының кандидозы пайда болуы мүмкін. Бұл инфекция тиісті зеңге қарсы тиісті терапиямен емдеуді қажет етуі мүмкін, ал кейбір пациенттерде емдеуді тоқтату қажет болуы мүмкін. Будесонидтің жоғары дозаларымен ұзақ уақыт бойы емдегенде, адамдарда жергілікті және жүйелі әсерлер туындауы мүмкін. Ингаляциялық кортикостероидтармен емдеу кезіндегі жүйелі әсерлер пероральді кортикостероидтармен емдеу кезіндегі әсерлерге қарағанда сирек кездеседі. Жүйелі әсерлер ингаляциялық кортикостероидтарды қолданғанда, әсіресе ұзақ уақыт бойы жоғары дозада қолданғанда пайда болуы мүмкін. Мұндай әсерлер пероральді кортикостероидтармен емдеу кезіндегіге қарағанда сирек кездеседі. Болуы мүмкін жүйелі әсерлерге Кушинг синдромы, кушингоидты сырт келбет, бүйрекүсті безі функциясының басылуы, балалар мен жасөспірімдердің бой өсуінің тежелуі, сүйектің минералды тығыздығының төмендеуі, катаракта, глаукома және сирек психологиялық немесе мінез-құлық әсерлері, соның ішінде психомоторлық аса жоғары белсенділік, ұйқының бұзылуы, мазасыздық, депрессия немесе озбырлық (әсіресе балаларда) жатады. Сондықтан ингаляциялық кортикостероидтың дозасы демікпені тиімді бақылауға мүмкіндік беретін ең төменгі доза болуы маңызды. Сондықтан, жоғарыда айтылғандарға сүйене отырып, демікпені бақылауға қол жеткізгеннен кейін, демеуші емдеу үшін қолданылатын доза ең аз болуы керек, бірақ тиімділігі сақталуы тиіс. Зенсонид препаратын балаларда сақтықпен қолдану керек. Басқа ингаляциялық ем кезіндегідей, енгізгеннен кейін сырылдың күшеюімен парадоксальді бронх түйілуі пайда болуы мүмкін. Бұл жағдайда ингаляциялық будесонидпен емдеу кезінде пациентті қарап-тексеріп, қажет болған жағдайда баламалы емді бастау керек. Бой өсуіне әсері Ингаляциялық кортикостероидтармен ұзақ уақыт бойы ем алып жүрген балалардың бой өсуін мезгіл-мезгіл тексеріп отыру ұсынылады. Егер бой өсуі баяуласа, ингаляциялық кортикостероидтардың дозасын азайту мақсатында емді қайта қарастыру керек. Кортикостероидтармен жүргізілетін емнің пайдасын және бой өсудің бәсеңдеу қаупін мұқият саралау керек. Сонымен қатар, пациентті балалар пульмонологына жолдау мүмкіндігін қарастыру керек. Көрудің бұзылуы Жүйелі және жергілікті кортикостероидтарды пайдаланған кезде көрудің бұзылуы байқалуы мүмкін. Егер пациентте көрудің бұлыңғырлануы немесе көрудің басқа бұзылуы сияқты симптомдар байқалса, жүйелі және жергілікті кортикостероидтарды пайдаланғаннан кейін хабарланған катарактаны, глаукоманы немесе орталық серозды хориоретинопатия (ОСХР) сияқты сирек кездесетін ауруларды қамтитын, ықтимал себептерді бағалау үшін офтальмологқа жолдау мүмкіндігін қарастырған жөн.

Нұсқаулықта көрсетілмеген.

Будесонидтің демікпені емдеу үшін қолданылатын басқа препараттармен өзара әрекеттесуі байқалмады. Будесонидтің метаболизмі ең алдымен P450 цитохромның CYP3A4 изоферментімен байланысты. Кетоконазол және итраконазол сияқты осы ферменттің тежегіштері будесонидтің жүйелі әсерін бірнеше есе арттыруы мүмкін. Дозалау бойынша ұсынымдарды растайтын деректердің жоқ екенін ескере отырып, бұл препараттардың біріктірілімінен аулақ болу керек. Егер бұл мүмкін болмаса, емдеудің екі түрі арасындағы уақыт кезеңі барынша ұзақ болуы тиіс, сонымен қатар будесонид дозасын төмендетуді қарастыруға болады. Ингаляция арқылы енгізілетін будесонидтің жоғары дозалары үшін осы өзара әрекеттесуге қатысты шектеулі деректер негізінде итраконазолды күніне бір рет 200 мг дозада ингаляциялық будесонидпен (1000 мкг бір реттік доза) (орта есеппен төрт есе) бір мезгілде қабылдағанда плазмалық деңгейінің айтарлықтай жоғарылауы байқалуы мүмкін. Плазмадағы жоғары концентрациялар және кортикостероидтар әсерінің күшеюі эстрогендер мен контрацепциялық стероидтарды қабылдаған әйелдерде байқалды, сол уақытта будесонидті пайдалану және төмен дозалы оральді контрацептивтерді қатар қолдану кезінде ешқандай әсер байқалмады. Бүйрекүсті безінің функциясы тежелуі мүмкін болғандықтан, гипофиз жеткіліксіздігін диагностикалау үшін АКТГ стимуляциясымен тест жалған нәтиже (төмен мәндер) беруі мүмкін. Ұсынылған дозаларда циметидин клиникалық маңызы жоқ пероральді қабылданған будесонидтің фармакокинетикасына елеусіз әсер етеді.

Сақтау мерзімі 24 ай Жарамдылық мерзімі өткеннен кейін қолдануға болмайды. Сақтау шарттары Аталған дәрілік препарат ерекше температуралық сақтау шарттарын талап етпейді. Жарықтан қорғау үшін түпнұсқалық қаптамада сақтау керек. Мұздатып қатыруға болмайды. РЕТ/Al/PЕ жасалған конвертті ашқаннан кейін препаратты 3 ай ішінде пайдалану керек. Осы уақыт өткеннен кейін препараттың қалдықтарын тастау керек. РЕТ/Al/PЕ жасалған конвертті ашқаннан кейін пайдаланылмаған ампулаларды конвертте, жарықтан қорғалған жерде сақтау керек. Ампуланы ашқаннан кейін препаратты 24 сағат ішінде пайдалану керек. Осы уақыт өткеннен кейін препараттың қалдықтарын тастау керек. Ашық ампуланы конвертте, жарықтан қорғалған жерде сақтау керек. Балалардың қолы жетпейтін жерде сақтау керек!