ЗЕТАНИД 250 таблетки 250 мг

Бір таблетканың құрамында белсенді зат - ацетазоламид 250 мг, қосымша заттар: дикальций фосфат дигидраты (Calipharm D), жүгері крахмалы (Жүгері крахмалы В), натрий крахмалы гликоляты (А типі) (Glycolys), повидон (Кollidon 30), магний стеараты, тазартылған су** ** Соңғы өнімде жоқ Сыртқы түрінің, иісінің, дәмінің сипаттамасы Бір жағында төрттік кертігі және екінші жағында физикалық ақауларсыз, «А4» нақыштамасы бар ақ түстен ақ дерлік түске дейінгі дөңгелек пішінді таблеткалар.

Қосымша емдеу үшін: Глаукома • созылмалы ашық бұрышты глаукома • салдарлы глаукома • жедел жабық бұрышты глаукома (көзішілік қысымды төмендету үшін операцияға дейінгі қысқа мерзімді емдеу*) *қажет жағдайда көзішілік қысымды төмендету үшін операцияны кейінге қалдыру керек. Ісінулер • жүрек жеткіліксіздігі кезіндегі • дәрілік заттардан туындаған Эпилепсия (басқа құрысуға қарсы препараттармен біріктірілімде) • шағын құрысу ұстамасы • үлкен құрысу ұстамасы • аралас түрлері Жедел биіктік ауруы - ацетазоламид таблеткалары тез көтерілуге бара жатқан альпинистерде және біртіндеп көтерілуге қарамастан жедел тау ауруына өте сезімтал адамдарда жедел тау ауруымен байланысты симптомдардың профилактикасы немесе оны жеңілдету үшін қолданылады

Нұсқаулықта көрсетілмеген.

Дозалау режимі Глаукома Ацетазоламидті әдеттегі терапияға қосымша ретінде қолдану керек. Препараттың дозасы көзішілік қысымның шамасына байланысты жеке-жеке белгіленеді. Әдетте ересектерге келесі доза ұсынылады: Ашық бұрышты глаукомада250 мг (1 таблетка) тәулігіне 1-ден 4 ретке дейін. 1000 мг-нан астам дозалар (4 таблетка) емдеу тиімділігін арттырмайды. Салдарлы глаукома кезінде 4 сағат сайын 250 мг (1 таблетка). Кейбір пациенттерде препараттың тиімділігі тәулігіне 2 рет 250 мг (1 таблетка) дозада байқалады (қысқа мерзімді терапия кезінде). Жедел глаукома ұстамаларында кейбір жағдайларда 500 мг бастапқы дозаны қабылдау, содан кейін жеке жағдайға байланысты төрт сағат сайын 125 мг немесе 250 мг қабылдау қанағаттанарлық болуы мүмкін. Жағдайға байланысты ацетазоламидті миотиктермен немесе мидриатиктермен біріктіріп қолданғанда қосымша әсер байқалды. Барлық жағдайларда дозаны симптоматикасын да, көздің қысымын да мұқият жеке ескере отырып түзету керек. Дәрігердің тұрақты бақылауы ұсынылады. Эпилепсия Ересектер- ұсынылатын жалпы тәуліктік доза бөлінген дозаларда дене салмағының әр кг-на 8-ден 30 мг-ға дейін. Кейбір пациенттер төмен дозаға жауап бергенімен, оңтайлы диапазон тәулігіне 375-тен 1000 мг-ға дейін. Алайда, кейбір зерттеушілер 1 г-нан асатын тәуліктік дозалар 1 г дозадан жақсы нәтиже бермейді деп санайды. Ацетазоламид таблеткаларын басқа құрысуға қарсы дәрілермен бірге тағайындаған кезде, бастапқы доза басқа дәрілік заттарға қосымша күніне бір рет 250 мг құрағаны дұрыс. Басқа дәрілік препараттардан ацетазоламидке ауысу біртіндеп және эпилепсияны емдеудің әдеттегі тәжірибесіне сәйкес болуы керек. Эпилепсияда байқалатын оң әсерлер орталық жүйке жүйесінде карбоангидразаның тікелей тежелуіне байланысты ма, әлде олар дозаны бөлу кезінде пайда болатын ацидоздың шамалы дәрежесіне байланысты ма, белгісіз. Бүгінгі таңда балалардағы кішкентай ұстамаларды емдеуде ең жақсы нәтижелерге қол жеткізілді. Алайда, балаларда да, ересектерде де ұстаманың басқа түрлерінде, мысалы, ұстаманың үлкен түрлерінде, ұстаманың аралас түрлерінде, миоклонустық тартылуларда және т. б. жақсы нәтижелер байқалды. Жүрек-қантамыр жеткіліксіздігі кезіндегі және дәрілік заттар тудырған ісінулер Емдеудің басында тәулігіне 1 рет, таңертең 250 мг-ден 375 мг-ға дейін (5 мг/кг). Оңтайлы диурездік әсерге препаратты күнара немесе екі күн ішінде, содан кейін бір күндік үзіліспен қабылдау арқылы қол жеткізіледі. Емдегі сәтсіздіктер артық дозаланудан немесе препаратты тым жиі қабылдаудан туындауы мүмкін. Ацетазоламидті қабылдау кезінде жүрек жеткіліксіздігін емдеуді жалғастыру керек, мысалы, оймақгүл гликозидтерін қолдану, тұзы төмен диета және калий тапшылығын толықтыру. Жедел биіктік ауруы Препаратты тәулігіне бірнеше рет қабылдаумен 500-1000 мг дозада қолдану ұсынылады. Биіктікке тез көтерілу жағдайында (күніне 500 м-ден астам): бірнеше қабылдауға тәулігіне 1000 мг. Препаратты жоспарланған биіктікке көтерілуден 24-48 сағат бұрын қабылдау керек, ал биіктік ауруының симптомдары пайда болған жағдайда емдеуді қажет болған жағдайда келесі 48 сағат немесе одан да көп уақытқа жалғастыру керек. Қолдану тәсілі • Ішке қабылдауға арналған таблеткалар.

• әсер етуші затқа, сульфонамидке немесе препараттың кез келген қосымша заттарына аса жоғары сезімталдық • ацетазоламидпен емдеу қан сарысуындағы натрий және/немесе калий деңгейінің төмендеуінде, бүйрек пен бауырдың ауыр ауруларында немесе дисфункциясында, бүйрек үсті безінің жеткіліксіздігінде және гиперхлоремиялық ацидозда қолдануға болмайды. Ацетазоламидті бауыр циррозы бар пациенттерде қолдануға болмайды, себебі бұл бауыр энцефалопатиясының қаупін арттыруы мүмкін • ацетазоламидті ұзақ уақыт қолдану созылмалы декомпенсацияланған жабық бұрышты глаукомасы бар пациенттерде қарсы көрсетілім болып табылады, өйткені көз камерасының бұрышы толық жабылған жағдайда глаукома ағымының нашарлауы көзішілік қысымның төмендеуімен бүркемеленеді • жүктілік және лактация кезеңі • 18 жасқа дейінгі балалар

Жиі • шаршау • бас айналуы • парестезиялар, атап айтқанда, аяқ-қолдағы шаншу сезімі; • тәбеттің төмендеуі • дәм сезудің бұзылуы • метаболизмдік ацидоз, метаболизмдік ацидоз және электролиттік бұзылулар (әдетте бикарбонатты тағайындау арқылы түзетілуі мүмкін); Жиі емес • либидоның төмендеуі • жүрек айнуы • құсу • диарея, • мелена; • қызба, • әлсіздік • шөлдеу, • депрессия, • ашушаңдық • "қан кернеу" • бас ауыруы Сирек • аплазиялық анемия • тромбоцитопения • агранулоцитоз • лейкопения • тромбоцитопениялық пурпура • миелосупрессия • панцитопения • глюкозурия • транзиторлы миопия (бұл жағдай дозаны төмендету немесе препаратты тоқтату арқылы толығымен жойылды) • естудің бұзылуы және құлақтың шыңылдауы • бауырдың фульминантты некрозы • бауыр функциясының бұзылуы • гепатит • холестаздық сарғаю • фотосенсибилизация Өте сирек • ұйқышылдық • шеткері парез • құрысулар Жиілігі белгісіз • анафилаксиялық реакциялар • артралгия • гипокалиемия • гипонатриемия • қозу • сананың шатасуы • бағдардан адасу • атаксия • ауыздың құрғауы • дисгевзия • бауыр жеткіліксіздігі • бауыр шаншуы • қышыну • бөртпе • көп формалы эритема • Стивенс-Джонсон синдромы • уытты эпидермалық некролиз • есекжем • бүйректе конкременттердің түзілуі • кристаллурия • бүйрек және несепағар шаншуы және бүйректің зақымдануы • полиурия • гематурия • бүйрек жеткіліксіздігі Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Адамдарда артық дозалану және жедел улану симптомдары сипатталмаған. Ацетазоламидке қарсы спецификалық антидот жоқ. Артық дозалану нәтижесінде су-электролит теңгерімінің бұзылуы және ацидоз орын алуы, сондай-ақ ОЖЖ тарапынан бұзылыстар болуы мүмкін. Сондықтан қан сарысуындағы электролиттердің, әсіресе калийдің, сондай-ақ қанның рН концентрациясын бақылау керек. Симптоматикалық және демеуші емдеуді қолдану керек. Электролит пен рН тепе-теңдігін қалпына келтіру үшін демеу шаралары қажет. Ацидоз дамыған жағдайда гидрокарбонаттар қолданылады. Эритроциттердің жоғары таралуына және плазма ақуыздарымен байланысу қабілетіне қарамастан, ацетазоламид диализбен шығарылуы мүмкін. Бұл әсіресе бүйрек жеткіліксіздігі кезінде асқынған ацетазоламидтің артық дозалануын емдеуде маңызды болуы мүмкін.

Стивенс-Джонсон синдромын, уытты эпидермалық некролизді, фульминантты бауыр некрозын, агранулоцитозды, аплазиялық анемияны және қан тарапынан басқа бұзылыстарды қоса, сульфаниламидтерге ауыр реакцияларға байланысты өліммен аяқталған сирек жағдайлар болды. Қолдану әдісіне қарамастан сульфаниламидті қайта енгізген кезде сенсибилизация қайталануы мүмкін. Аса жоғары сезімталдық белгілері немесе басқа да күрделі реакциялар пайда болса, препаратты қабылдауды тоқтатыңыз. Аспирин мен ацетазоламидтің жоғары дозаларын бір мезгілде қабылдағанда сақ болу керек, өйткені анорексия, тахипноэ, ұйқышылдық, кома және өлім жағдайлары туралы хабарланған. Ацетазоламид дозасының жоғарылауы диурездің жоғарылауына әкелмейді, бірақ ұйқышылдықтың және (немесе) парестезияның жиілігін арттыруы мүмкін. Препараттың дозасын арттыру диурездің төмендеуіне жиі әкеледі. Кейбір жағдайларда, алайда, толық рефрактерлі жүрек жеткіліксіздігі жағдайында диурезді қамтамасыз ету үшін препараттың жоғары дозалары басқа диуретиктермен бірге қолданылады. Сульфаниламидтердің барлық туындыларына тән жағымсыз реакциялар пайда болуы мүмкін: анафилаксия, қызба, бөртпе (соның ішінде көп формалы эритема, Стивенс-Джонсон синдромы, уытты эпидермальді некролиз), кристаллурия, бүйректе конкременттер болуы, сүйек кемігі функциясының бәсеңдеуі, тромбоцитопениялық пурпура, гемолиздік анемия, лейкопения, панцитопения және агранулоцитоз. Мұндай реакцияларды анықтаған кезде сақ болу ұсынылады. Препарат қабылдауды тоқтатып, тиісті терапияны тағайындау керек. Альвеолярлы желдету бұзылуы мүмкін өкпе обструкциясы немесе эмфиземасы бар пациенттерде ацетазоламидті сақтықпен қолдану керек, бұл ацидозға түрткі болуы немесе күшейтуі мүмкін. Жедел тау ауруын болдырмау үшін біртіндеп көтерілу ұсынылады. Тез көтерілу және ацетазоламид таблеткасын қабылдау биіктік ауруының ауыр түрлері, яғни өкпенің биіктіктен болатын ісінуі (ӨБІ) немесе мидың биіктен болатын ісінуі пайда болған кезде жылдам түсу қажеттілігін жоймайды. Аспирин мен ацетазоламидтің жоғары дозаларын бір мезгілде қабылдағанда сақ болу керек, өйткені анорексия, тахипноэ, ұйқышылдық, кома және өлім жағдайлары туралы хабарланған. Зертханалық-диагностикалық зерттеулер Барлық сульфаниламидтерге тән гематологиялық өзгерістерді бақылау үшін ацетазоламидпен таблетка түрінде ем басталғанға дейін және ем кезінде белгілі бір уақыт аралығында пациенттердегі ҚЖТ көрсеткіштерінің бастапқы деңгейін және тромбоциттер санын анықтау ұсынылады. Егер елеулі өзгерістер орын алса, препарат қабылдауды мүмкіндігінше тезірек тоқтатып, тиісті емді тағайындау маңызды. Қан сарысуындағы электролит деңгейін мерзімді бақылау ұсынылады. Қосымша заттар Бұл дәрілік препаратта натрий крахмал гликоляты бар. Тұзсыз диетаны ұстанатын адамдарға тағайындағанда сақ болыңыз Арнайы ескертулер Педиатрияда қолдану • Қауіпсіздік пен тиімділік туралы деректердің болмауына байланысты балалар мен 18 жасқа дейінгі жасөспірімдерде қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ацетазоламид дозасының жоғарылауы диурездің жоғарылауына әкелмейді, бірақ ұйқышылдықтың және (немесе) парестезияның жиілігін арттыруы мүмкін. Шаршау, бас айналуы және атаксия жағдайлары сирек хабарланған. Бауыр циррозы тудырған ісінуі бар кейбір пациенттерде дезориентация жағдайы байқалады. Мұндай клиникалық жағдайларды мұқият бақылау керек. Өтпелі миопия жағдайлары байқалды. Бұл симптомдары әрдайым дозаны азайтқаннан кейін немесе препаратты тоқтатқаннан кейін жоғалады. Емдеу кезеңінде пациенттер көлік құралын басқаруға және механизмдерге қызмет көрсетуге міндетті емес.

Ацетазоламидті пероральді немесе парентеральді енгізу арқылы тышқандарда, егеуқұйрықтарда, атжалмандарда және қояндарда тератогендік әсерге (аяқ-қол ақаулары) ие екендігі дәлелденді. Жүкті әйелдерде тиісті сапада бақыланатын зерттеулер жүргізілген жоқ. Ацетазоламидті жүктілік кезінде шарана үшін потенциалды пайдасы ықтимал қаупінен басым болған жағдайда ғана қолдану керек. Препаратты жүкті әйелдерде, әсіресе жүктіліктің I триместрінде қолдану ұсынылмайды. Ацетазоламид аздаған мөлшерде емшек сүтімен шығарылады. Емшектегі балаларда жағымсыз әсерлердің пайда болу қаупіне байланысты препаратты тоқтату немесе бала емізуді тоқтату туралы шешім қабылдау керек.

• Ацетазоламид сульфонамид туындысы болып табылады. Сульфаниламидтер фолий қышқылы антагонистерінің әсерін күшейте алады. Фолий қышқылы антагонистерінің, гипогликемиялық дәрілердің және пероральді антикоагулянттардың әсерін күшейтуге болады. • Ацетазоламид пен ацетилсалицил қышқылын (аспирин) бір мезгілде қолдану ауыр ацидозды тудыруы және орталық жүйке жүйесінің уытты симптомдарын күшейтуі мүмкін. • Егер ацетазоламид таблеткалары жүрек гликозидтерімен немесе гипертензияға қарсы препараттармен бірге тағайындалса, дозаны түзету қажет болуы мүмкін. • Ацетазоламидті бірге қолдану қан сарысуындағы концентрациясын арттырып, фенитоиннің метаболизмін өзгертеді. Ацетазоламидті кейбір құрысуға қарсы препараттармен бір мезгілде қабылдаған бірнеше пациенттерде остеомаляцияның ауыр түрі байқалды. • Ацетазоламидпен бірге қолданған кезде примидон деңгейінің төмендеуі және сарысудағы карбамазепин концентрациясының жоғарылауы туралы бірен-саран хабарламалар бар. • Ықтимал аддитивті әсерлерге байланысты басқа карбоангидраза тежегіштерімен бір мезгілде қолдану ұсынылмайды. • Бүйрек өзекшелеріндегі несептің рН мәндерін жоғарылату арқылы ацетазоламид амфетамин мен хинидиннің несеппен шығарылуын азайтады, бұл амфетаминнің әсер ету уақытының ұзаруына және хинидин әсерінің жоғарылауына әкелуі мүмкін. • Циклоспорин: ацетазоламид циклоспорин концентрациясын жоғарылатуы мүмкін. • Метенамин: ацетазоламид метенаминнің несеп шығару жолындағы бактерияға қарсы әсерін нивелирлеуі мүмкін. • Литий: ацетазоламид литийдің шығарылуын арттырады және қандағы литий деңгейін төмендетуі мүмкін. • Натрий гидроксиді: ацетазоламид пен натрий гидрокарбонатын бірге қолдану бүйрек тастарының пайда болу қаупін арттырады.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары 30 0С-ден аспайтын температурада сақтау керек. Балалардың қолы жетпейтін жерде сақтау керек!