Зимагра-ODS 50 пластинки 50 мг

Бір пластинканың құрамында белсенді зат - 50 мг силденафилге баламалы 70.24 мг силденафил цитраты; қосымша заттар: поливинил спирті, натрий карбонаты, пропиленгликоль, полисорбат 80, гипромеллоза (5 cps), гипромеллоза (15 cps), гипромеллоза (50 cps), сукралоза, повидон 30, неотам, ваниль хош иістендіргіші, банан хош иістендіргіші, FD&С көгілдір бояғыш, тазартылған су. Сыртқы түрінің, иісінің, дәмінің сипаттамасы Пішіні тік бұрышты, көгілдір түсті, мөлдір емес, жабысқақ емес пластинкалар. Ұзындығы 40.00±1.00 мм, ені 30.00±0.25 мм.

- жыныс мүшесінің жыныстық қатынасты қанағаттандыруға жеткілікті эрекцияға жетуге немесе оны сақтауға қабілетсіздігімен сипатталатын эректильді дисфункция Препарат жыныс мүшесіндегі қан тамырларының босаңсуына ықпал етеді, бұл жыныстық қозу кезінде қанның жыныс мүшесіне ағып түсуіне мүмкіндік береді. Зимагра-ODS 50 тек сексуалды стимуляция жағдайында ғана эрекцияға қол жеткізуге көмектеседі.

ATХ коды G04BE03 Әсер ету механизмі Зимагра-ODS 50 препараты эректильді дисфункцияны емдеу үшін қолданылады, яғни сексуалдық стимуляция кезінде ол пениске қанның ағып келуін арттыру арқылы, бұзылған эректильді функцияны қалпына келтіреді. Пенис эрекциясының физиологиялық механизмі сексуалдық стимуляция кезінде қуысты денелерде азот тотығының (NO) босап шығуын қамтиды. Азот тотығы гуанилатциклаза ферментін белсендіреді, бұл циклдық гуанозинмонофосфат (цГМФ) деңгейлерінің жоғарылауына, артынша қуысты денелерде тегіс бұлшықеттердің босаңсуына және қан ағымының артуына алып келеді. Силденафил қуысты денелердегі цГМФ ыдырауына жауап беретін цГМФ- спецификалық 5-типті фосфодиэстеразаның (ФДЭ-5) күшті және селективті тежегіші болып табылады. Силденафил эрекцияға шеткері әсер береді. Силденафил адамның оқшау қуысты денесіне тікелей босаңсытқыш әсер бермейді, бірақ аталған тінге NO босаңсытатын әсерін едәуір күшейтеді. Сексуалдық стимуляция кезінде орын алатын NО/цГМФ метаболизмдік жолын белсендірген кезде силденафилдің ФДЭ-5 тежеуі қуысты денелердегі цГМФ деңгейлерінің жоғарылауына алып келеді. Сондықтан силденафил қажетті фармакологиялық әсерін танытуы үшін, сексуалдық стимуляция қажет. Фармакодинамикалық әсерлері In vitro зерттеулер Силденафил эрекция үдерісін реттеуге қатысатын ФДЭ-5-ке селективті әсер береді. Препараттың ФДЭ-5-ке әсері, басқа белгілі фосфодиэстеразаларға әсерінен күштірек. Препараттың бұл әсері көздің торқабығындағы фотоөзгеріс үдерістеріне қатысатын ФДЭ-6-ға әсерінен 10 есе күштірек. Ұсынылған ең жоғары дозаларын қолданғанда силденафилдің ФДЭ-5-ке селективтілігі оның ФДЭ1-ге селективтілігінен 80 есе, ФДЭ-2, ФДЭ- 3, ФДЭ- 4, ФДЭ- 7, ФДЭ-8, ФДЭ-9, ФДЭ-10 және ФДЭ-11-ге селективтілігінен - 700 еседен артық жоғары. Атап айтқанда, силденафилдің ФДЭ-5-ке селективтілігі оның жүректің жиырылуының реттелуіне қатысатын фосфодиэстеразаның цАМФ-спецификалық изоформасы - ФДЭ-3-ке селективтілігінен 4 000 есе жоғары. Клиникалық тиімділігі мен қауіпсіздігі Препараттың, силденафил сексуалдық стимуляцияға жауап ретінде эрекцияның дамуына алып келуі мүмкін дозасын қабылдағаннан кейінгі уақыт аралығын бағалау үшін екі клиникалық зерттеу арнайы әзірленді. Силденафилді ашқарынға қабылдаған пациенттер қатысқан клиникалық зерттеулерде, жыныс мүшесінің плетизмографиясын (RigiScan) жүргізу кезінде силденафилді қабылдағаннан кейін 60 % (жыныстық қатынасты жүзеге асыру үшін жеткілікті) сіресуімен эрекцияға жеткен пациенттерде эрекция басталғанға дейінгі уақыттың медианасы 25 минутты (12-37 минут мәндерінің диапазонында) құрады. RigiScan пайдаланылған бөлек бір зерттеуде силденафил қабылдағаннан кейін 4-5 сағаттан кейін әлі де, сексуалдық стимуляцияға жауап ретінде эрекция тудыруға қабілетті болды. Силденафил артериялық қысымның елеусіз және өтпелі төмендеуіне алып келеді, ол көп жағдайда клиникалық әсерлерге әкелмейді. Силденафилді 100 мг дозада пероральді қабылдағаннан кейін шалқадан жатқан қалыптағы систолалық артериялық қысымның орташа ең жоғары төмендеуі 8,4 мм с.б. құрады. Шалқадан жатқан қалыптағы диастолалық артериялық қысымның тиісінше өзгеруі 5,5 мм с.б. құрады. Артериялық қысымның бұл төмендеуі силденафилдің тамырды кеңейтетін әсеріне сәйкес келеді, бұл қантамырлардың тегіс бұлшықеттеріндегі цГМФ деңгейлерінің жоғарылауымен байланысты болуы мүмкін. Дені сау еріктілерде силденафилді 100 мг дейінгі дозаларда бір рет пероральді қолдану электрокардиограммада (ЭКГ) клиникалық тұрғыдан маңызды ешқандай өзгерістерді тудырмады. Жүректің ишемиялық ауруының (ЖИА) ауыр түрі (кем дегенде бір коронарлық артерияның стенозы > 70 %) бар 14 пациентте силденафилдің 100 мг бір пероральді дозасының гемодинамикалық әсерлерін зерттеуде тыныштық күйіндегі орташа систолалық және диастолалық артериялық қысым бастапқы деңгейге қатысты сәйкесінше 7% және 6%-ға төмендеді. Өкпенің орташа систолалық артериялық қысымы 9%-ға төмендеді. Силденафил жүректің лықсыту көрсеткіштеріне әсер етпеді және стенозды коронарлық артериялар бойындағы қан ағымын бұзбады. Жүктемемен ЭКГ плацебо-бақыланатын салыстырмалы жасырын зерттеуде, тұрақты стенокардияға қарсы дәрілік заттарды (нитраттарды қоспағанда) тұрақты түрде қабылдаған, эректильді дисфункциясы және созылмалы тұрақты стенокардиясы бар 144 пациентті бағалау жүргізілді. Силденафил және плацебо топтары арасында шектеулі стенокардия туындағанға дейінгі уақыттың ешқандай клиникалық маңызды айырмашылықтары анықталмады. Фарнсворт-Манселлдің 100-реңктік тестісін жүргізгенде препаратты 100 мг дозада қабылдағаннан кейін 1 сағаттан соң кейбір пациенттерде түстерді (көгілдір/жасыл) ажырату қабілетінің жеңіл және уақытша айырмашылықтары анықталды, және барлық әсерлері препаратты қолданғаннан кейін 2 сағаттан соң толығымен жойылды. Түстерді танудағы бұл өзгерістің ықтимал механизмі көздің торқабығындағы реакциялардың фотоөзгерту каскадына қатысатын FDE-6 тежелуімен байланысты. Силденафил көру өткірлігіне немесе контрастылық сезімталдыққа әсер етпейді. Жас шамасына байланысты бастапқы макулярлық дистрофиясы (n=9) тіркелген пациенттердегі плацебо-бақыланатын шағын зерттеуде силденафилді (бір реттік 100 мг дозада) қолдану көру қабілетіне (көру жітілігі, Амслер торы, бағдаршамның түстерін ажыратуды модельдеу, Хамфри периметрі және фотостресс) тексеру жүргізудің нәтижелерінде елеулі өзгерістер тудырмады. Силденафилді пероральді бір реттік 100 мг дозада қабылдағаннан кейін, дені сау еріктілерде сперматозоидтардың қозғалғыштығына немесе олардың морфологиясына препараттың әсері анықталған жоқ (4.6 бөлімін қараңыз). Клиникалық зерттеулер туралы қосымша ақпарат Клиникалық зерттеулер барысында силденафил 19-87 жас аралығындағы 8000-нан астам пациентте қолданылды. Зерттеулерде пациенттердің келесі топтары ұсынылды: егде жастағы пациенттер (19,9 %), артериялық гипертензиясы (30,9 %), қант диабеті (20,3 %), жүректің ишемиялық ауруы (5,8 %), гиперлипидемия (19,8 %), жұлынның зақымдануы (0,6 %), депрессия (5,2 %), қуықасты безінің трансуретральды резекциясы (3,7 %) және радикалды простатэктомия (3,3%) бар пациенттер. Пациенттердің келесі топтары жеткілікті дәрежеде болмаған немесе клиникалық зерттеулерге енгізілмеген: жамбас ағзаларына жасалған операциядан кейінгі пациенттер, сәулемен емдеуден кейінгі пациенттер, бүйрек немесе бауыр жеткіліксіздігінің ауыр дәрежесімен пациенттер, сондай-ақ, белгілі бір жүрек-қантамыр аурулары бар пациенттер (4.3 бөлімін қараңыз). Препараттың бекітілген дозасы қолданылған зерттеулерде терапия салдарынан эрекцияның жақсарғаны туралы хабарлаған пациенттердің үлесі плацебо тобындағы 25%-бен салыстырғанда 62% (25 мг), 74% (50 мг) және 82% (100 мг) құрады. Бақыланатын клиникалық зерттеулерде силденафилдің салдарынан терапияны тоқтату жиілігі көп емес және плацебо тобымен салыстырымды болды. Осы зерттеулердің барлығында силденафилді қабылдағаннан кейін жақсарғаны туралы хабарлаған пациенттердің үлесі мынадай болды: психогенді эректильді дисфункция (84%), аралас эректильді дисфункция (77%), органикалық эректильді дисфункция (68%), егде жастағы пациенттер (67%), қант диабеті (59%), жүректің ишемиялық ауруы (69%), артериялық гипертензия (68%), ТУРП (61%), радикалды простатэктомия (43%), жұлынның зақымдануы (83%), депрессиялық күй (75 %). Силденафилдің қауіпсіздігі мен тиімділігі ұзақ мерзімді зерттеулердің деректерімен расталды.

Дозалау режимі Ұсынылатын доза, қажет болғанда, көзделген сексуалдық белсенділіктен шамамен бір сағат бұрын қабылданатын 50 мг құрайды. Тиімділігі мен жағымдылығына қарай, дозаны 100 мг дейін арттыруға немесе 25 мг дейін төмендетуге болады. Ең жоғары ұсынылатын доза 100 мг құрайды. Дәрілік затты қабылдаудың ұсынылатын ең жоғары жиілігі - күніне бір рет. Тамақтану кезінде қабылдағанда белсенділіктің басталуы, аш күйде қабылдаумен салыстырғанда, кідіруі мүмкін. Пациенттердің ерекше топтары Балалар Зимагра-ODS 50 18 жасқа толмаған пациенттерде қолдануға көрсетілмеген. Егде жастағы пациенттер Егде жастағы (≥ 65 жас) пациенттерде препарат дозасын түзету қажет емес. Бауыр жеткіліксіздігі бар пациенттер Бауыр функциясының бұзылуы (мысалы, цирроз) бар пациенттерде силденафил клиренсінің төмендеуіне байланысты, препаратты 25 мг дозада қолдану мүмкіндігін қарастыру керек. Препараттың тиімділігіне және жағымдылығына байланысты, оның дозасын, қажеттілігіне қарай, 50 мг дейін және 100 мг дейін сатылап арттыруға болады. Бүйрек жеткіліксіздігі бар пациенттер Бүйрек функциясының жеңіл және орташа ауыр дәрежедегі жеткіліксіздігінде (креатинин клиренсі 30-80 мл/мин) ұсынылатын дозаны түзету қажет емес. Бүйрек функциясының бұзылуы ауыр (креатинин клиренсі < 30 мл/мин) пациенттерде силденафил клиренсінің төмен болуына байланысты, препаратты 25 мг дозада қолдану мүмкіндігін қарастыру керек. Препараттың тиімділігіне және жағымдылығына байланысты, оның дозасын, қажеттілігіне қарай, 50 мг дейін және 100 мг дейін сатылап арттыруға болады. Енгізу әдісі мен жолы Пероральді. Пластинканы тілге салады және су ішпеспен оның ауызда еріп кетуіне мүмкіндік береді.

- белсенді затқа немесе қосымша заттардың кез келгеніне жоғары сезімталдық - азот тотығының (амилнитрит) донаторлары болып табылатын препараттарды немесе кез келген түрдегі нитраттарды бір мезгілде қабылдау - бауырдың ауыр жеткіліксіздігі - көз торқабығының тұқым қуалайтын дегенерациялық аурулары (мысалы, тұқым қуалайтын пигментті ретинит (осы пациенттердің аздаған санында торқабық фосфодиэстразалар функциясының тұқым қуалайтын бұзылулары болады) - көру жүйкесінің алдыңғы артерииттік емес ишемиялық нейропатиясы салдарынан, бұл көріністің осының алдында ФДЭ-5 тежегішін алдыңғы қолданумен байланысты болуы-болмауына қарамастан, бір көздің көрмей қалуы - артериялық гипотензия (АҚ < 90/50 мм сын. бағ.) - жүрек-қантамырлық ауыр аурулар (мысалы, жүректің ауыр жеткіліксіздігі, тұрақсыз стенокардия) - соңғы 6 айда миокард инфарктісі болған - соңғы 6 айда инсульт болған Тіркелген көрсетілім бойынша, препарат балалар мен 18 жасқа дейінгі жасөспірімдерде және әйелдерде қолдануға арналмаған.

Өте жиі - бас ауыруы Жиі - бас айналу - көру бұзылулары, түс ажырату қабілетінің бұзылуы, көрудің бұлдырауы, жарыққа сезімталдықтың өзгеруі - бет гиперемиясы - мұрын бітелуі - жүрек айнуы, диспепсия Жиі емес - ринит - аса жоғары сезімталдық - ұйқышылдық, гипестезия - көз жасының үйірілуі, көздің ауыруы, фотофобия, фотопсия, көз тамырлары гиперемиясы, көру арқылы айқын қабылдау, конъюнктивит - кеңістікте бағдардан жаңылу (вертиго), құлақтағы шуыл - тахикардия, жүрек қағуын сезіну - артериялық гипертензия, артериялық гипотензия - мұрыннан қан кету, мұрынның қосалқы қойнауларының бітелуі - гастроэзофагеальді рефлюкс ауруы, құсу, іштің жоғарғы бөлігінің ауыруы, ауыз кеберсуі - бөртпе - миалгия, аяқ-қолдың ауыруы - гематурия - кеуде қуысының ауыруы, қатты қажу, ысыну сезімі - жүректің жиырылу жиілігінің артуы Сирек - ми қан айналымының жедел бұзылуы, транзиторлық ишемиялық шабуыл, құрысу ұстамасы, құрысу ұстамасының қайталануы, естен тану - көру жүйкесінің алдыңғы артерииттік емес ишемиялық нейропатиясы (NAION), торқабық тамырларының окклюзиясы, торқабықтың қанталауы, артериосклероз ретинопатиясы, торқабық ауруы, глаукома, көру өрісінің ақауы, диплопия, көру өткірлігінің төмендеуі, миопия, астенопия, шыны тәрізді дененің буалдыр бұлыңғырлануы, нұрлы қабық ауруы, мидриаз, көру өрісінде нұрлы шеңберлердің болуы, көздің ісінуі, көздің домбығуы, көру бұзылысы, конъюнктивалық гиперемия, көздің тітіркенуі, көздегі әдеттен тыс түйсік, қабақтың ісінуі, ақ қабық түсінің өзгеруі - кереңдік - кенеттен жүректен болатын өлім, миокард инфарктісі, қарыншалық аритмия, жүрекшелер фибрилляциясы, тұрақсыз стенокардия - тамақтың қысылу сезімі, мұрынның ісінуі, мұрын шырышты қабығының құрғауы - ауызда болатын гипестезия - Стивенс - Джонсон синдромы, уытты эпидермалық некролиз - пенистен қан кету, приапизм, гематоспермия, эрекцияның күшеюі- тітіркену Жағымсыз дәрілік реакциялар туындағанда медициналық қызметкерге, фармацевтке немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлердің күшеюі, ентігу, кеуденің ауыруы немесе жүректің жүйесіз соғуы, жүрек айну, бас айналу немесе естен тану, естімей қалу немесе көрмей қалу, мұрын бітелуі және көру қабілетінің бұзылуы, гиперемия. Емі: симптоматикалық. Гемодиализ тиімсіз.

Эректильді дисфункцияға диагностика жасау және оның бірінші себептерін анықтау үшін емдеудің басталуына дейін ауру тарихын зерттеу және мұқият медициналық тексеру өткізу керек. Жүрек-қантамыр ауруларының қауіп факторлары Эректильді дисфункцияны емдеуді бастар алдында дәрігерлер өз пациенттерінің жүрек-қантамырлық статусын бағалау керек, өйткені сексуалдық белсенділікпен байланысты жүрек асқынуларының белгілі бір қауіп дәрежесі болады. Силденафил артериялық қысымның аздаған немесе уақытша төмендеуіне әкеліп, тамыр кеңейтетін әсерімен сипатталады. Зимагра-ODS 50 препаратын тағайындау алдында дәрігерлер белгілі бір аурулары бар пациенттердің жағдайына осы препараттың тамыр кеңейтетін әсерінің жағымсыз зардаптары ықтималдығын мұқият тексеру керек. Тамыр кеңейтетін дәрілерге жоғары сезімталдығы бар топқа сол жақ қарыншаның шығару бөлімінің тарылуы (мысалы, қолқа клапанының стенозы, гипертрофиялық обструкциялық кардиомиопатия) бар пациенттер, сондай-ақ артериялық қысымды автономды бақылаудың ауыр дәрежеде бұзылуы түрінде көрініс беретін көптеген жүйелік атрофияның сирек синдромы бар пациенттер жатады. Силденафил нитраттардың гипотензиялық әсерін күшейтеді. Тіркеуден кейінгі кезең барысында силденафилді қолдану кезіндегі миокард инфарктісін, тұрақсыз стенокардия, кенеттен жүректен болатын өлімді, қарыншалық аритмия, цереброваскулярлық қан кету, транзиторлық ишемиялық шабуыл, артериялық гипертензия мен артериялық гипотензияны қоса, күрделі жүрек-қантамырлық асқыну жағдайлары тіркелді. Бұл пациенттердің бәрінде емес, бірақ көпшілігінде жүрек-қантамыр ауруларының ізашар қауіп факторлары болды. Осы құбылыстардың көпшілігі жыныстық қатынас кезінде немесе ол аяқталған соң тез арада тіркелді, сондай-ақ бірнеше құбылыс сексуалдық белсенділіксіз силденафил қабылдаудан кейін тез арада тіркелді. Бұл құбылыстардың силденафил қабылдаумен, сексуалдық белсенділікпен, бұрыннан бар жүрек-қантамыр ауруымен, осы факторлардың біріктірілімімен немесе басқа факторлармен тікелей байланысты болған-болмағанын анықтау мүмкін емес. Приапизм Эректильді дисфункцияны емдеуге арналған дәрілік препараттарды жыныс мүшесінің анатомиялық деформациясы (ангуляция, кавернозды фиброз немесе Пейрони ауруы) бар пациенттерде, сондай-ақ приапизм дамуына бейімдейтін аурулары (орақ-жасушалы анемия, көптеген миелома немесе лейкемия сияқты) бар пациенттерде сақтықпен қолдану керек. Силденафилді тіркеуден кейін қолдану кезеңінде ұзаққа созылған эрекция мен приапизм жағдайлары хабарланды. Эрекция 4 сағаттан көп уақытқа созылған жағдайда пациент жедел медициналық жәрдемге жүгіну керек. Шұғыл ем жүргізілмесе, приапизм пенис тіндерінің зақымдануына және потенцияның қайтымсыз жоғалуына әкелуі мүмкін. Эректильді дисфункцияны емдеу үшін басқа препараттармен бір мезгілде қолдану Силденафилді эректильді дисфункцияны емдеу үшін басқа препараттармен біріктірілімде қолданудың қауіпсіздігі мен тиімділігі зертелмеді. Осыған байланысты, препараттардың ондай біріктірілімдерін пайдалану ұсынылмайды. Көруге әсері Силденафил мен басқа ФДЭ5 тежегіштерін қабылдаумен байланысты көру ақаулары және көру жүйкесінің артерииттік емес ишемиялық невропатиясы жағдайлары мәлімделді. Пациенттердің осы тобында Зимагра-ODS 50 препаратын қолдану қауіпсіздігі жөнінде мәліметтер жоқ, сондықтан осы науқастарда препаратты абайлап қолдану керек. Көрудің күтілмеген нашарлауы немесе көрмей қалу жағдайында препарат қабылдауды тоқтату және дереу дәрігерге қаралу қажет. Ритонавирмен бір мезгілде қолдану Силденафилді ритонавирмен бір мезгілде қолдану ұсынылмайды. Альфа-адреноблокаторлармен бір мезгілде қабылдау Альфа-адреноблокаторлар тобының препаратын қабылдап жүрген пациенттерде силденафилді сақтықпен қолдану ұсынылады, өйткені оларды бір мезгілде тұтыну кейбір сезімтал пациенттерде симптоматикалық артериялық гипотензияға әкелуі мүмкін. Бұл Зимагра-ODS 50 дозасын қабылдағаннан кейін 4 сағат ішінде байқалуы мүмкін. Постуральді артериялық гипотензияның даму қаупін төмендету үшін силденафилмен емдеуді бастамас бұрын альфа-адреноблокаторлармен ем қабылдап жүрген пациенттерде гемодинамикалық тұрақтылық күйіне жету керек. Силденафилді 25 мг дозадан бастап қолдану мүмкіндігін қарастыру керек. Бұдан бөлек, дәрігерлер постуральді гипотензия симптомдары туындаған жағдайда пациенттердің не істеуі керектігі жөнінде кеңес беру керек. Қанның ұюына әсері Адам тромбоциттерін пайдаланғанда силденафилдің натрий нитропруссидінің агрегацияға қарсы әсерін күшейтетіні туралы деректер бар. Силденафилді қан ұюының бұзылулары немесе белсенді пептидтік ойық жарасы бар пациенттерде қолдану қауіпсіздігі туралы мәліметтер жоқ, сондықтан силденафилді пайда/қауіп арақатынасын мұқият бағалаудан кейін қолдану керек. Арнайы ескертулер Педиатрияда қолдану Зимагра-ODS 50 18 жасқа толмаған пациенттерде қолдануға көрсетілмеген. Әйелдер Зимагра-ODS 50 препараты әйелдерге қолдану үшін көрсетілмеген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Зимагра-ODS 50 қабылдау аясында автокөлікті немесе басқа техникалық құралдарды басқару қабілетіне қандай да бір теріс әсері байқалмады, алайда, препаратты қабылдағанда артериялық қысымның төмендеуі, хроматопсия дамуы, көрудің бұлдырауы мүмкін, атап көрсетілген жағдайларда, әсіресе, емдеудің басында және дозалау режимін өзгерткенде препараттың әркімдегі жеке әсеріне мұқият көңіл бөлу керек.

Нұсқаулықта көрсетілмеген.

Силденафил метаболизмі негізінен P450 цитохромының (CYP) 3A4 (негізгі жолы) және 2C9 (қосалқы жолы) изотүрлері арқылы жүреді. Сол себепті, осы изоферменттердің тежегіштері силденафил клиренсін төмендетуі, ал осы изоферменттердің индукторлары арттыруы мүмкін. Силденафилді CYP3A4 тежегіштерімен (кетоконазол, эритромицин және циметидин сияқты) бір мезгілде қабылдағанда силденафил клиренсінің төмендеуі байқалады. Пациенттердің осы тобында жағымсыз әсерлер жиілігінің жоғарылауы байқалмайды, дегенмен, Зимагра-ODS 50 препаратымен емдеуді бастапқы 25 мг дозасынан бастау қажет. P450 цитохромының күшті тежегіші болып табылатын АИТВ протеаза тежегіші - ритонавир тепе-теңдік күйінде (тәулігіне екі рет 500 мг) силденафилмен (бір реттік 100 мг доза) бір мезгілде қабылдау силденафилдің ең жоғары концентрациясының (Cmax) 300% (4 есе) жоғарылауына, сондай-ақ қан плазмасында силденафил AUC мәнінің 1000% (11 есе) артуына әкеледі. Қан плазмасында силденафил деңгейлері 24 сағат өткен соң, тек силденафилді қабылдаудан кейінгі 5 нг/мл шамасымен салыстырғанда, 200 нг/мл жуық құрайды. Бұл деректер ритонавирдің P450 цитохромы субстраттарының кең ауқымына айқын әсерлерімен сәйкес келеді. Жоғарыда көрсетілген деректерді негізге алсақ, силденафилді ритонавирмен бір мезгілде қолдану ұсынылмайды, ал кез келген жағдаяттарда силденафилдің ең жоғары дозасы ешбір жағдайда 48 сағат ішінде 25 мг мөлшерінен аспауы тиіс. Зимагра-ODS 50 ритонавирдің фармакокинетикасына ықпал етпейді. CYP3A4 тежегіші болып табылатын АИТВ протеаза тежегіші - саквинавирді тепе-теңдік күйінде (тәулігіне үш рет 1200 мг) силденафилмен (бір реттік 100 мг доза) бір мезгілде қабылдау силденафил Cmax140% артуына, сондай-ақ силденафил AUC 210% артуына әкеледі. Силденафил саквинавирдің фармакокинетикасына ықпал етпейді. Кетоконазол және итраконазол сияқты CYP3A4 өте күшті тежегіштерінің айқындау білінетін әсері бар. CYP3A4 орташа тежегіші - эритромицинмен тепе-теңдік күйінде (5 күн бойы тәулігіне екі рет 500 мг) 100 мг дозада силденафилді бір рет қабылдағанда силденафил жүйелі әсерінің 182% артуы байқалады (AUC мәні бойынша анықталады). Азитромицин (3 күн ішінде тәулігіне 500 мг дозада) AUC, C max, t max көрсеткіштеріне, элиминация жылдамдығының константасына немесе силденафилдің немесе оның негізгі айналымдағы метаболитінің кейінгі жартылай шығарылу кезеңіне әсер етпейді. Дені сау еріктілерде P450 цитохромының тежегіші және CYP3A4 спецификалық емес тежегіші болып табылатын циметидинді (800 мг) силденафилмен (50 мг доза) бір мезгілде қолдану қан плазмасында силденафил концентрациясының 56% артуын туындатады. Грейпфрут шырыны ішек қабырғасында CYP3A4 арқылы метаболитінің әлсіз тежегіші болып табылады және қан плазмасында силденафил деңгейінің орташа артуын туындатуы мүмкін. Антацидтік дәріні (магний гидроксиді/алюминий гидроксиді) бір реттік қабылдау силденафил биожетімділігіне ықпал етпейді. CYP2C9 тежегіштері (толбутамид, варфарин және фенитоин), CYP2D6 тежегіштері (серотонинді кері қармайтын селективті тежегіштер, трициклды антидепрессанттар), тиазидтік және тиазид тәрізді диуретиктер, ілмектік және калий жинақтаушы диуретиктер, ангиотензин өзгертуші фермент (АӨФ) тежегіштері, кальций өзекшелерінің блокаторлары, бета-адренергиялық рецепторлар блокаторлары және P450 метаболизмдік белсенділігінің индукторлары (рифампицин, барбитураттар) силденафил фармакокинетикасына ықпал етпейді. Эндотелин антагонисі - бозентанды (CYP3A4, CYP2C9 және, ықтималды түрде, CYP2C19 орташа индукторы) тепе-теңдік күйінде (тәулігіне екі рет 125 мг) силденафилмен (тәулігіне үш рет 80 мг) бір мезгілде қолдану силденафил үшін AUC және Cmax мәндерінің, тиісінше, 62,6% және 55,4% төмендеуіне әкеледі. Осылайша, рифампин сияқты CYP3A4 күшті индукторларымен бір мезгілде қолдану қан плазмасында силденафил концентрацияларының айқынырақ төмендеуіне себеп болады деп жорамалданады. Басқа ФДЭ-5 тежегіштерімен немесе эректильді дисфункцияны емдеудің басқа әдістерімен бір мезгілде қолдану Силденафилдің ФДЭ-5 басқа тежегіштерімен немесе өкпенің артериялық гипертензиясын (ӨАГ) емдеуге арналған құрамында силденафил бар басқа дәрілік препараттармен немесе эректильді дисфункцияны емдеуге арналған басқа препараттармен біріктірілімде қолданудың қауіпсіздігі мен тиімділігі зерттелмеді. Осыған байланысты, препараттардың ондай біріктірілімдерін пайдалану ұсынылмайды. Никорандил калий өзекшелері мен нитрат активаторының гибриді болып табылады. Нитратты компонент есебінен оның силденафилмен күрделі өзара әрекеттесуге түсу қабілеті зор. Силденафилдің басқа дәрілік заттарға әсері Силденафил P450 цитохромының 1A2, 2C9, 2C19, 2D6, 2E1 және 3A4 изотүрлерінің әлсіз тежегіші (IC50> 150 мкМ) болып табылады. Силденафил осы изоферменттер субстраттарының клиренсін өзгертуі мүмкін. Силденафилдің теофиллин немесе дипиридамол сияқты фосфодиэстеразаның спецификалық емес тежегіштерімен өзара әрекеттесу деректері жоқ. Силденафилдің NO/цГМФ дабыл жолына белгілі әсер етуіне сәйкес, силденафил нитраттардың гипотензиялық әсерін күшейтуге, атап айтқанда, артериялық қысымды елеулі төмендетуге қабілетті. Сондықтан оны азот тотығының донаторларымен (амилнитрит) немесе кез келген түрдегі нитраттармен бір мезгілде қолдануға болмайды. Риоцигуат Риоцигуаттың ФДЭ-5 тежегіштері гипотензиялық әсерін күшейтетіні туралы деректер бар. Зерттелген қауымда осындай біріктірілімді қолдану кезіндегі жағымды клиникалық әсері туралы деректер жоқ. Риоцигуатты ФДЭ-5 тежегіштерімен, оның ішінде силденафилмен бір мезгілде қолдануға болмайды. Альфа-адреноблокаторлармен бір мезгілде қабылдау Альфа-адреноблокаторлар тобының препараттарын қабылдап жүрген пациенттерде силденафилді сақтықпен қолдану ұсынылады, өйткені оларды бір мезгілде қолдану кейбір сезімтал пациенттерде симптоматикалық артериялық гипотензияға әкелуі мүмкін. Бұл силденафил дозасын қабылдағаннан кейін 4 сағат ішінде байқалуы мүмкін. Постуральді артериялық гипотензияның даму қаупін төмендету үшін, силденафилмен емдеуді бастамас бұрын, альфа-адреноблокаторлармен ем қабылдап жүрген пациенттерде гемодинамикалық тұрақтылық күйіне жету керек. Силденафилді 25 мг дозадан бастап қолдану мүмкіндігін қарастыру керек. Бұдан бөлек, дәрігерлер пациенттерге постуральді гипотензия симптомдары туындаған жағдайда жасалатын әрекеттер жөнінде нұсқаулар беру керек. Силденафил мен доксазозин бір мезгілде қолданылғанда доксазозинмен ем көмегімен тұрақтандырылған пациенттерде симптоматикалық артериялық гипотензия, бас айналу және естен тану алдындағы күйдің, бірақ естен тану емес, сирек жағдайлары мәлімделді. Силденафил (50 мг дозада) екеуі де CYP2C9 арқылы метаболизденетін толбутамидпен (250 мг дозада) немесе варфаринмен (40 мг дозада) бір мезгілде қолданылғанда елеулі өзара әрекеттесулер болмады. Силденафил (50 мг дозада) ацетилсалицил қышқылын (150 мг доза) қабылдаумен байланысты қан кету уақытының ұзаруына ықпал етпейді. Силденафил (50 мг дозада) дені сау еріктілердің қанында алкоголь 80 мг/дл орташа ең жоғары деңгейлерде болғанда алкогольдің гипотензиялық әсерінің күшеюіне ықпал етпейді. Гипертензияға қарсы дәрілік препараттардың келесі кластарын біріктіру: диуретиктер, бета-блокаторлар, АӨФ тежегіштері, ангиотензин II антагонистері, гипертензияға қарсы дәрілік заттар (тамырларды кеңейтетін және орталық әсер ететін), адренергиялық нейроблокаторлар, кальций өзекшелерінің блокаторлары және альфа-адренорецепторлар блокаторлары – плацебо алатын пациенттермен салыстырғанда, силденафил қабылдап жүрген пациенттерде жағымсыз әсерлер бейінінің айырмашылықтары анықталмады. Силденафил (100 мг дозада) амлодипинмен бір мезгілде қолданылған дәрілік заттардың өзара әрекеттесуіне арнайы жүргізілген зерттеулер барысында артериялық гипертензиясы бар пациенттерде шалқадан жатқан қалыпта систолалық артериялық қысымның қосымша төмендеуі 8 мм. сын. бағ. құрады. Шалқадан жатқан қалыпта диастолалық артериялық қысымның тиісінше қосымша төмендеуі 7 мм. сын. бағ. құрады. Артериялық қысымның осылай қосымша төмендеулері дені сау еріктілерде силденафил монотерапия ретінде пайдаланылғанда байқалған шамаларға ұқсас болды. Силденафил (100 мг дозада) екеуі де CYP3A4 субстраттары болып табылатын АИТВ протеаза тежегіштері - саквинавир мен ритонавир фармакокинетикасына тепе-теңдік күйінде ықпал етпейді. Бозентанмен бір мезгілде қолданғанда силденафил (тәулігіне үш рет 80 мг) тепе-теңдік күйінде бозентан (тәулігіне екі рет 125 мг) AUC мен Cmax мәндерінің, тиісінше, 49,8% және 42% артуын туындатады Алкогольмен өзара әрекеттесуі Алкоголь тұтыну эрекция қабілетіне уақытша кері әсер етуі мүмкін. Препарат қабылдаудың барынша пайдасы болуы үшін Зимагра - ODS 50 препаратын қабылдағанға дейін алкоголь ішімдіктерінің артық мөлшерін тұтынбау ұсынылады.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25С-ден аспайтын температурада сақтау керек. Балалардың қолы жетпейтін жерде сақтау керек!