ЗИОМИЦИН® таблетки 250 мг

Бір таблетканың құрамында белсенді зат – 262,03 мг азитромицин дигидраты 250 мг азитромицинге баламалы немесе 524,05 мг азитромицин дигидраты 500 мг азитромицинге баламалы, қосымша заттар: микрокристалды целлюлоза (РН 101), натрий кроскармеллозасы, натрий лаурилсульфаты, повидон (К 90), тазартылған тальк, магний стеараты, изопропил спирті, тазартылған су Opadry 04B520005 сары қабығы: (гипромеллоза, титанның қостотығы (Е171), макрогол/PEG 400, темірдің (III) сары тотығы Е172) Сыртқы түрінің, иісінің, дәмінің сипаттамасы Капсула тәрізді пішінді, бір жағында «А 250» логотипі және келесі жағы тегіс, сары түсті үлбірлі қабықпен қапталған таблеткалар (250 мг дозасы үшін). Капсула тәрізді пішінді, бір жағында «А 500» логотипі және келесі жағы тегіс, сары түсті үлбірлі қабықпен қапталған таблеткалар (500 мг дозасы үшін).

ЗИОМИЦИН® белгілі немесе бір немесе бірнеше сезімтал микроорганизмдерден туындаған келесі инфекцияларды емдеу үшін қолданылады: - бронхитте - ауруханадан тыс пневмонияда - гайморитте - фарингитте/тонзиллитте - ортаңғы құлақтың отитінде - тері мен жұмсақ тіндердің инфекцияларында - Chlamydia trachomatis және Neisseria gonorrhoeae тудырған асқынбаған жыныстық инфекцияларда Бактерияға қарсы дәрілерді пайдалануға қатысты ресми нұсқауларды қарастыру керек.

Бактерияға қарсы жүйелі қолдануға арналған препараттар. Макролидтер, линкозамидтер мен стрептограминдер. Азитромицин. АТХ коды J01FA10 Әсер ету механизмі Азитромицин макролидтік антибиотиктерге, азалидтер тобына жатады. Оның молекуласы эритромицин А лактон сақинасына азот атомының қосылуы арқылы түзіледі. Азитромициннің химиялық атауы: 9-дезокси-9а-аза-9а-метил-9а-гомоэритромицин А. Молекулалық салмағы 749,0 құрайды. Азитромициннің әсер ету механизмі рибосоманың 50S суббірлігіне бекуінің және пептидтер транслокациясын тежеуінің нәтижесінде бактерия жасушасындағы ақуыз синтезін тежеуден тұрады. Резистенттіліктің туындау механизмі Азитромицинге резистенттілік туа біткен болуы немесе жүре пайда болуы мүмкін. Бактерияларда резистенттілігінің негізгі үш механизмі бар: мақсатты әсер ету орнының өзгеруі, антибиотиктің жеткізілу тәсілісінің өзгеруі және антибиотиктің модификациясы. Эритромицинге, азитромицинге, басқа макролидтерге және линкозамидтерге жалпы айқаспалы резистенттілік Streptococcus pneumoniae, бета-гемолиздік стрептококтардың А тобы, Enterococcus faecalis және Staphylococcus aureus, соның ішінде метициллинге төзімді алтын түстес стафилококктар (MRSA) арасында орын алады. Шектік шамалары Төменде әдеттегі патогендердің азитромицинге сезімталдығының шектік шамалары берілген. NCCLS сәйкес (Клиникалық зертханалық стандарттар жөніндегі Ұлттық комитет): • сезімтал ≤2 мг/л; төзімді ≥8 мг/л • Haemophilus spp.: сезімтал ≤4 мг/л • Streptococcus pneumoniae және Streptococcus pyogenes: сезімтал ≤0,5 мг/л; төзімді ≥2 мг/л EUCAST сәйкес (Еуропаның микробқа қарсы сезімталдықты тестілеу комитеті): • Haemophilus influenzae және H. parainfluenzae: сезімтал ≤0,125 мг/л; төзімді > 4 мг/л; • Streptococcus pneumoniae және Streptococcus pyogenes: сезімтал ≤0,25 мг/л; төзімді ≥0,5 мг/л • Staphylococcus aureus: сезімтал ≤1 мг/л; төзімді >2 мг/л • Neisseria gonorrhoeae: сезімтал ≤0,25 мг/л; төзімді >0,5 мг/л Сезіталдық Жүре пайда болған резистенттіліктің көрініс беру жиілігі географиялық орнына байланысты ауытқып отыруы және, әсіресе, ауыр инфекцияларды емдегенде, уақыт өте келе өзгеруі мүмкін. Қажет болған жағдайда, сарапшының төзімділік туралы жергілікті ақпаратқа қатысты пікірін пайдаланған дұрыс. Азитромициннің бактерияға қарсы ауқымы төменде келтірілген: Әдетте сезімтал түрлер Грамоң аэробты бактериялар Staphylococcus aureus метициллинге сезімтал Streptococcus pneumoniae пенициллинге сезімтал Streptococcus pyogenes (A тобы) Грамтеріс аэробты бактериялар Haemophilus influenzae Haemophilus parainfluenzae Legionella pneumophila Moraxella catarrhalis Pasteurella multocida Escherichia coli ETEC Escherichia coli EAEC Анаэробты бактериялар Clostridium perfringens Fusobacterium spp. Prevotella spp. Porphyromonas spp. Басқа микроорганизмдер Borrelia burgdorferi Chlamydia trachomatis Chlamydia pneumoniae Mycoplasma pneumoniae Жүре пайда болған резистенттілік басталуы мүмкін түрлер Грамоң аэробты бактериялар Streptococcus pneumoniae сезімталдығы орташа және пенициллинге төзімді Табиғи резистенттілігі бар микроорганизмдер Грамоң аэробты бактериялар Enterococcus faecalis Staphylococcus spp. MRSA, MRSE* Грамтеріс бактериялар Pseudomonas aeruginosa Klebsiella spp. Escherichia coli Анаэробты бактериялар Bacteroides fragilis тобы * метициллинге төзімді стафилококтар, әдетте, макролидтерге резистенттілік танытады және осында орналастырылған, өйткені, азитромицинге сезімталдығын сирек танытады Балаларға жүргізілген зерттеулерді бағалау, безгекті емдеу үшін азитромицинді бөлек немесе құрамында хлорохин немесе артемизинин бар препараттармен біріктіріп пайдалану ұсынылмайтынын көрсетіп отыр, өйткені, асқынбаған безгекті емдеу үшін ұсынылатын безгекке қарсы препараттар үшін толыққанды еместігі анықталмаған.

Дозалау режимі ЗИОМИЦИН® таблеткаларын күнделікті бір реттік доза ретінде тағайындау керек. Ішке тамаққа дейін 1 сағат бұрын немесе тамақтанғаннан кейін 2 сағаттан соң қабылдау керек. Дене салмағы 45 кг асатын балалар және ересектер, егде жастағы пациенттерді қоса ЗИОМИЦИН® препаратының жалпы дозасы 1500 мг құрайды, оны үш күн бойы тағайындау керек (күніне бір рет 500 мг). Chlamydia trachomatis туғызған, гениталийдің асқынбаған инфекциялары кезінде дозасы бір реттік пероральді дозасы түрінде 1000 мг құрайды. Сезімтал Neisseria gonorrhoeae гонококктары үшін ұсынылатын дозасы жергілікті клиникалық емдеу ұсынымдарына сәйкес 250 мг немесе 500 мг цефтриаксонмен біріктірілген 1000 мг немесе 2000 мг азитромицинді құрайды. Пенициллинге және / немесе цефалоспориндерге аллергиядан зардап шегіп жүрген пациенттер үшін, жергілікті емдеу ережелерімен танысып шығу керек. Педиатриялық тәжірибеде Дене салмағы 45 кг дейінгі балаларда: ЗИОМИЦИН® таблеткалары дене салмағы 45 кг дейінгі балаларда қолданылмайды. Пациенттердің ерекше топтары Егде жастағы адамдар: Егде жастағы адамдарда ересектердегідей дозасы қолданылады. Егде жастағы пациенттер арасында жүрек аритмияларына бейімділік жиі байқалатындықтан, жүрек аритмиялары мен «пируэт» типті қарыншалық тахикардияның туындауы қаупіне байланысты, ерекше сақтық таныту қажет. Бүйрек функциясының бұзылулары: Бүйрек функциясының жеңіл немесе орташа дәрежелі бұзылулары бар (ШСЖ 10–80 мл/мин) пациенттерде дозасын түзету қажет емес. Азитромицинді бүйрек функциясының ауыр бұзылулары бар (ШСЖ <10 мл/мин) пациенттерде тағайындағанда сақтық таныту қажет. Бауыр функциясының бұзылулары: Бауыр функциясының ауырлығы жеңіл немесе орташа дәрежелі бұзылулары (Чайлд–Пью шкаласы бойынша А немесе В класы) бар пациенттерде дозасын түзету қажет емес. Азитромицин бауырда метаболизденетіндіктен және өтпен шығарылатындықтан, бауырдың елеулі аурулары бар пациенттерде азитромицинді сақтықпен қолдану керек. Пациенттердің аталған санаттарында азитромициннің қолданылу зерттеулері жүргізілмеді. Енгізу әдісі және жолы Ішке қабылдауға арналған. Таблеткаларды ішке қабылдайды, оларды тұтастай, жеткілікті мөлшердегі сұйықтықпен ішіп жұту керек. Дәрілік препаратты қабылдамас бұрын дәрігердің немесе фармацевтің кеңесіне жүгініңіз Дәрілік препаратты ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдау керек шаралар (қажет болса) Жағымсыз реакциялар жиілігінің сандық критерийлері және жағымсыз реакциялардың жүйе-ағза жіктемесіне сәйкес және олардың туындау жиілігіне сәйкес жіктелуі (Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100 -ден < 1/10 дейін), жиі емес (≥1/1000 -нан < 1/100 дейін), сирек (≥ 1/10000 -нан < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес) Өте жиі - диарея, іш ауыруы, жүрек айнуы, метеоризм Жиі - анорексия - бас айналуы, бас ауыруы, парестезия, дисгевзия - көрудің бұзылулары - кереңдік - құсу, диспепсия - қышыну, бөртпе - артралгия - шаршау - лейкоциттер мен лимфоциттер мөлшерінің азаюы, эозинофилдер мөлшерінің көбеюі, қандағы бикарбонат деңгейінің төмендеуі Жиі емес - кандидоз, оральді кандидоз, қынаптық инфекция - лейкопения, нейтропения - ангионевроздық ісіну, аса жоғары сезімталдық - күйгелектік - гипестезия, ұйқышылдық, ұйқысыздық - естудің бұзылуы, құлақтағы шуыл - жүрек соғысының жиілеуі - гастрит, іш қатуы - гепатит - Стивенс-Джонсон синдромы, терінің жарыққа сезімтал реакциясы, есекжем, бөртпелер - кеуденің ауыруы, дімкәстану, шеткері ісіну, астения -аспартат-аминотрансферазаның жоғарылауы, аланин-аминотрансферазаның жоғарылауы, қандағы билирубин концентрациясының жоғарылауы, қандағы мочевинаның жоғарылауы, қандағы креатининнің жоғарылауы, қандағы калий деңгейінің өзгеруі - үрейлену жағдайы - бас айналуы - бауыр функциясының бұзылуы Сирек - жедел жайылған экзантемалық пустулез (AGEP), эозинофилиямен және жүйелі симптомдармен жүретін дәрілік реакция (DRESS-синдром) Белгісіз - жалғанжарғақшалы колит - тромбоцитопения, гемолиздік анемия - анафилаксиялық реакциялар - озбырлық, үрейлену - естен тану, құрысулар, психомоторлық гиперактивтілік, аносмия, агевзия, паросмия, миастения - аритмия, «пируэт» типті қарыншалық тахикардияны қоса - гипотензия - панкреатит, тілдің түссізденуі - бауыр жеткіліксіздігі (сирек жағдайларда өлімге соқтырады), шұғыл дамитын гепатит, бауыр некрозы - уытты эпидермалық некролиз, мультиформалы эритема - бүйректің жедел жеткіліксіздігі, интерстициялық нефрит - ЭКГ-да QT аралығының ұзаруы Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

- азитромицинге, эритромицинге, кез келген макролидке немесе кетолидтік антибиотикке немесе қосымша заттарының кез келгеніне аса жоғары сезімталдық - бауыр және бүйрек функциясының ауыр бұзылулары - жүктілік және бала емізу кезеңі

Нұсқаулықта көрсетілмеген.

Симптомдары Ұсынылғанынан жоғарырақ дозаларында байқалған жағымсыз реакциялар, қалыпты дозаларында байқалғандарға ұқсас болды. Симптомдары макролидтік антибиотиктердің артық дозалануы кезіндегі осындайлармен ұқсас және қайтымды естімей қалуды, қатты жүрек айнуын, құсуды және диареяны қамтиды. Емі Артық дозаланған жағдайда, белсендірілген көмірді қабылдау және организмнің өмірлік маңызы бар функцияларын демеп отыруға бағытталған симптоматикалық ем жүргізу қажет.

Аса жоғары сезімталдық Эритромицин және басқа макролидтер жағдайындағы сияқты, ангионевроздық ісіну мен анафилаксияны (сирек жағдайда өлімге соқтыратын) қоса, сирек кездесетін ауыр аллергиялық реакциялар, жедел жайылған пустулалық псориазды (AGEP), Стивенс-Джонсон синдромын (SJS), уытты эпидермалық некролизді (TEN) (сирек жағдайда өлімге соқтыратын) және эозинофилиямен және жалпы симптомдармен жүретін дәрілік бөртпені (DRESS) қоса, тері реакциялары туралы хабарланды. Құрамында азитромицин бар препаратқа осы реакциялардың кейбіреулері қайталанған және ұзағырақ қадағалау және емдеу мерзімдерін қажет еткен. Гепатоуыттылық Бауырдың ауыр аурулары бар пациенттерге ЗИОМИЦИН® препаратын сақтықпен қолдану керек, өйткені азитромициннің организмнен шығарылу үдерісіне көбінесе, гепатобилиарлық жүйе қатысады. Азитромицинді қолданғанда өмірге қауіп төндіретін бауыр жеткіліксіздігіне алып келуі ықтимал шұғыл дамитын гепатит туындаған жағдайлар байқалды. Кейбір пациенттерде анамнезінде бауыр аурулары болған болуы мүмкін немесе, басқа гепатоуытты дәрілік заттарды қабылдап жүрген болуы мүмкін. Сарғаюмен байланысты жылдам өрбитін астения, несептің қараюы, қан кетулерге немесе бауыр энцефалопатиясына бейімділік сияқты, бауыр дисфункциясының белгілері мен симптомдары туындаған жағдайда, дереу бауыр функциясының талдаулары/ зерттеулері орындалуы тиіс. Егер бауыр дисфункциясы туындаса, азитромицинді қабылдау тоқтатылуы тиіс. Инфантильдік гипертрофиялық пилоростеноз Жаңа туған нәрестелерде азитромицинді қолданғаннан кейін (өмірінің 42 күніне дейін емдеу) балалардағы гипертрофиялық пилоростеноз туралы хабарланды. Ата-аналар мен күтім жасайтын адамдар тамақтандыру кезінде құсу немесе тітіркену пайда болғанда дәрігермен байланысу қажеттілігі туралы хабардар етілуі тиіс. Қастауыш туындылары Қастауыш туындыларын қабылдап жүрген пациенттерде, кейбір макролидтік антибиотиктерді бірге қабылдағанда эрготизм жедел жүреді. Қастауыш пен азитромицин арасындағы өзара әрекеттесу болуының мүмкіндігіне қатысты ешқандай деректер жоқ. Дегенмен, теориялық тұрғыдан эрготизм туындауы мүмкін болғандықтан, азитромицин мен қастауыш туындылары бірге қабылданбауы тиіс. QT аралығының ұзаруы Басқа макролидтермен емдегенде жүрек аритмиясы мен torsades de pointes дамуы қаупін туғызатын жүрек реполяризациясы мен QT аралығының ұзаруы байқалды. Жүрек реполяризациясы ұзаруының даму қаупі жоғары пациенттерде азитромицинмен болатын мұндай әсерді толық жоққа шығаруға болмайды, сондықтан, келесі науқастарды емдегенде сақтық қажет: - туа біткен немесе құжат жүзінде QT аралығының ұзаруы бар - қазіргі кезде, аритмияға қарсы Iа және III класты препараттар сияқты QT аралығын ұзартуға қабілетті басқа белсенді заттармен, цизапридпен және терфенадинмен емделіп жүрген - электролиттік бұзылулары болғанда, атап айтқанда гипокалиемия және гипомагниемия жағдайында - клиникалық тұрғыдан елеулі брадикардиясы, жүрек аритмиясы немесе жүректің ауыр жеткіліксіздігі болғанда. Суперинфекция Кез келген антибиотик жағдайындағы сияқты, зеңдерді қоса, сезімтал емес организмдермен суперинфекция белгілерін қадағалау ұсынылады. Clostridium difficile-мен астасқан диарея Азитромицинді қоса, бактерияға қарсы агенттердің барлығын дерлік пайдаланғанда Clostridium difficile-мен астасқан диареяның (CDAD) туындағаны хабарланады, және ауырлығы жағынан жеңіл диареядан өлімге соқтыратын колитке дейін ауытқып отырады. А және В гипертоксинін өндіретін Clostridium difficile штамдары астасқан диареяның дамуына ықпал етеді. Гипертоксин Clostridium difficile штамдарын өндіреді, бұл ауруға шалдығу мен өлімнің артуына алып келуі мүмкін, өйткені аталған инфекциялар микробқа қарсы емге төзімді болуы және колэктомия қажет болу мүмкін. Сондықтан, қандай-да бір антибиотиктерді қолдану кезінде немесе қолданғаннан кейін диареямен жүгінген пациенттерде астасқан диареяның көрініс беру ықтималдылығы қарастырылуы тиіс. Астасқан диарея анықталған бойда сырқатнамасын мұқият жүргізу және бактерияға қарсы агенттер тағайындалғаннан кейін екі ай бойы жалғастыру қажет. Бұл жағдайда азитромицинмен емдеуді тоқтатуды және астасқан диареяның арнайы емін жүргізуді қарастыру керек. Стрептококк инфекциялары Пенициллин, әдетте, стрептококктық пиогинезіне байланысты, фарингитті / тонзиллитті емдеу үшін, сондай-ақ, жедел ревматизмдік қызбаның профилактикасы үшін бірінші таңдалатын дәрі болып табылады. Азитромицин жалпы алғанда, ауызжұтқыншақтағы стрептококқа қарсы белсенді, біраақ, азитромициннің жедел ревматизмдік қызба профилактикасы кезіндегі тиімділігін көрсететін деректер жоқ. Бүйрек жеткіліксіздігі Бүйректің ауыр жетіліксіздігі бар (ШСЖ <10 мл / мин) пациенттерде азитромициннің жүйелі әсерінің 33%-дық артуы байқалды. Миастения Азитромицинмен ем қабылдап жүрген пациенттерде миастения симптомдарының өршігені және миастения синдромының жаңадан басталғаны тіркелді. Гидроксихлорохин немесе хлорохин Азитромицин қолданар алдында гидроксихлорохин немесе хлорохин қабылдап жүрген барлық пациент жүрек-қантамыр асқынулары даму қаупінің ықтималды артуына және жүрек-қантамыр ауруларының нәтижесінде өлімге ұшырауға орай, пайда және қауіп арақатынасын мұқият таразылау керек. Арнайы ескертулер Қосымша заттар ЗИОМИЦИН® препаратының құрамында бір таблеткасында 1 ммольден аз натрий (23 мг) бар, яғни, іс жүзінде «натрийсіз». Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Азитромициннің автомобиль басқару немесе басқа механизмдерді басқару қабілетін бұзуы мүмкіндігіне ешқандай дәлел жоқ, бірақ бас айналуы, ұйқышылдық, бұлыңғыр көру сияқты жағымсыз реакциялардың мүмкіндігін ескеру керек.

Азитромициннің шаранаға зиянын тигізетіндігіне ешқандай дәлел анықталған жоқ. Дегенмен, жүкті әйелдерде талапқа сай және бақыланатын зерттеулер жүргізілмеді. Азитромицинді жүктілік кезінде тек, аса қажет болған жағдайда ғана қолдану керек. Емшек сүтіне бөлініп шығатындығы туралы деректер жоқ. Көптеген препараттар ана сүтіне бөлініп шығатындықтан, азитромицинді, егер тек дәрігер ықтимал пайдасы сәби үшін ықтимал қауіптерінен асып түседі деп есептемесе, бала емізетін әйелді емдеу үшін пайдаланбау керек.

Антацидтер Антацидтерді азитромицинмен бір мезгілде қолдану азитромициннің жалпы биожетімділігіне әсер етпейді, бірақ қан сарысуындағы ең жоғарғы концентрациялары шамамен 24%-ға төмендеген, Азитромицинді де, антацидтерді де қабылдап жүрген пациенттер оларды бір мезгілде қабылдамауы керек. Цетиризин Азитромициннің 5 күндік курсын стационар жағдайындағы 20 мг цетиризинмен бірге енгізу QT аралығының қандай-да бір елеулі өзгерістеріне әкелмеді. Диданозин (Дидезоксиинозин) АИТВ-оң алты науқасқа тәулігіне 1200 мг азитромицинді тәулігіне 400 мг диданозинмен бірге енгізу плацебомен салыстырғанда, диданозиннің қалыптасқан фармакокинетикасына әсер етпеді. Дигоксин және колхицин (Р-гликопротеин субстраттары) Макролидтік антибиотиктерді, соның ішінде азитромицинді дигоксин және колхицин сияқты Р-гликопротеин субстраттарымен бір мезгілде қолдану қан сарысуындағы Р-гликопротеин субстраты концентрациясының жоғарылауына алып келеді. Сол себепті, азитромицин мен дигоксинді бір мезгілде қолданғанда, қан сарысуындағы дигоксин концентрациясының жоғарылауы мүмкіндігін ескеру қажет. Зидовудин Бірге қолданылғанда азитромицин шеткері қанның мононуклеарларында фосфорланған зидовудиннің (клиникалық тұрғыдан белсенді метаболиті) концентрациясын жоғарылатады. Азитромицин бауырдың Р450 цитохромы жүйесімен айтарлықтай өзара әрекеттеспейді. Эритромицинмен және басқа макролидтермен туындайтын фармакокинетикалық дәрілік өзара әрекетесулер бұл арада орын алмайды деп шамаланады. Азитромицин жағдайында P450 цитохромы арқылы бауырдың индукциялануы немесе цитохром-метаболит кешенінің көмегімен белсенділігі жойылуы туындамайды. Қастауыш туындылары Теориялық тұрғыдан, эрготизм туындауы мүмкін болғандықтан, азитромицинді қастауыш туындыларымен бір мезгілде қолдану ұсынылмайды. Аторвастатин Аторвастатин (күнделікті 10 мг) мен азитромицинді (күніне 500 мг) бірге енгізу аторвастатиннің плазмалық концентрациясын өзгертпейді (3-гидрокси-3-метилглютарил-кофермент А редуктаза тежегішімен тежелуін талдауға негізделген). Карбамазепин Азитромицин карбамазепин мен оның белсенді метаболиттерінің плазмадағы деңгейлеріне елеулі әсер етпейді. Циметидин Азитромициннен 2 сағат бұрын қабылданған циметидиннің бір реттік дозасының әсерін зерттейтін фармакокинетикалық зерттеуде азитромицин фармакокинетикасының өзгеруі байқалмады. Кумарин туындылары тобына жататын пероральді антикоагулянттар Азитромицинді және кумарин туындылары тобына жататын пероральді антикоагулянттарды бір мезгілде енгізгеннен кейін антикоагулянттық әсерінің артқаны байқалды. Бұл құбылыстың себеп-салдарлық байланысы жоқтығына қарамастан, кумарин туындылары тобына жататын пероральді антикоагулянттарды қабылдап жүрген пациенттерде азитромицинді пайдаланғанда протромбин уақытының бақылану белгілерінің дұрыс жиілігіне көңіл бөлу керек. Циклоспорин Бұл препараттарды бір мезгілде қолданғанда сақтық таныту керек. Егер азитромицин мен циклоспоринді бір мезгілде қолдану қажет болса, циклоспорин концентрациясын бақылау және дозасын тиісінше өзгерту керек. Эфавиренц Азитромициннің бір реттік 600 мг дозасы мен тәулігіне 400 мг эфавиренцті 7 күн бойы бір мезгілде енгізу клиникалық тұрғыдан елеулі фармакокинетикалық өзара әрекеттесуге әкелмеді. Флуконазол Азитромициннің бір реттік 1200 мг дозасын бір мезгілде қабылдау флуконазолдың бір реттік 800 мг дозасының фармакокинетикасына әсер етпеді. Флуконазолды бір мезгілде енгізгенде азитромициннің тиімділігіне және оның жартылай ыдырау кезеңіне жалпы әсері өзгермеді. Индинавир Азитромициннің бір реттік 1200 мг дозасын бір мезгілде қабылдау 5 күн бойы тәулігіне үш рет 800 мг дозадағы индинавирдің фармакокинетикалық параметрлеріне статистикалық тұрғыдан елеулі әсер етуіне алып келмеді. Метилпреднизолон Азитромицин метилпреднизолонның фармакокинетикасына елеулі әсер етпейді. Мидазолам 500 мг азитромицин мен мидазоламды 3 күн бойы бір мезгілде қолдану бір реттік 15 мг дозадағы мидазоламның фармакокинетикасы мен фармакодинамикасының клиникалық тұрғыдан елеулі өзгерістерін туғызбады. Нелфинавир 1200 мг дозадағы азитромицин мен тепе тең күйдегі нелфинавирді (тәулігіне 3 рет 750 мг) бір мезгілде енгізу азитромицин концентрациясының артуына алып келді. Клиникалық тұрғыдан маңызды жағымсыз әсерлері байқалмады, және дозасын түзету қажет болмады. Рифабутин Рифабутин мен азитромицинді бір мезгілде енгізу осы заттардың сарысудағы концентрациясына әсер етпеді. Азитромицин мен рифабутинді бір мезгілде қабылдап жүрген пациенттерде нейтропения байқалды. Нейтропения рифабутинді қабылдаумен байланысты болғанымен, азитромицинмен бір мезгілде емдеумен себеп-салдарлық байланысы анықталған жоқ. Силденафил Силденафилдің немесе оның айналымдағы негізгі метаболитінің AUC және Cmax мәндеріне азитромициннің (3 күн бойы күнделікті 500 мг) ықпал ететіндігі дәлелденбеген. Терфенадин Азитромицин мен терфенадин арасындағы өзара әрекеттесудің дәлелдері туралы деректер жоқ. Екі өнімнің өзара әрекеттесуі мүмкіндігін толық жоққа шығаруға болмайтын жағдайлар сирек сипатталады. Дегенмен, ондай өзара әрекеттесудің ешқандай нақты дәлелі жоқ. Теофиллин Азитромицин мен теофиллинді бір мезгілде енгізгендегі клиникалық тұрғыдан елеулі фармакокинетикалық өзара әрекеттесулердің дәлелдері жоқ. Триазолам Триазолам мен плацебоны қолданумен салыстырғанда, 1-інші күні 500 мг және 2-нші күні 250 мг азитромицинді 2-нші күні 0.125 мг триазоламмен бір мезгілде қолдану триазоламның фармакокинетикалық көрсеткіштеріне елеулі ықпалын тигізбеді. Сульфаметоксазолмен триметоприм Триметоприм мен сульфаметоксазолды (160 мг және 800 мг дозадағы) 7 күн бойы 1200 мг дозадағы азитромицинмен бір мезгілде енгізу жетінші күні оның ең жоғарғы концентрациясына, препараттың тиімділігіне жалпы әсеріне және триметопримнің немесе сульфаметоксазолдың бүйректік экскрециясына әсер етпеді. Азитромициннің плазмадағы концентрациялары басқа зерттеулердегі осындайлармен салыстырымды болды. Гидроксихлорохин немесе хлорохин Бақылау деректері ревматоидты артриті бар пациенттерде азитромицин мен гидроксихлорохинді бір мезгілде қолдану жүрек-қантамыр ауруларының салдарынан жүрек-қантамыр асқынулары мен өлім қаупінің жоғарылауымен байланысты екенін көрсетті. Гидроксихлорохин қабылдайтын пациенттерде азитромицинді қолданар алдында пайда мен қауіптің арақатынасын мұқият таразылау керек. Хлорохинді қолдану кезінде осындай қауіп болуы мүмкіндігіне байланысты хлорохин қабылдап жүрген кез-келген пациенттерде азитромицинді қолданар алдында пайда мен қауіптің арақатынасын осылай мұқият қарастыруды жүргізу керек. QT аралығын ұзартатын дәрілік заттар ЗИОМИЦИН® препаратын QT аралығын ұзартатын басқа дәрілік заттармен бір мезгілде қолданбаған дұрыс.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25ºС-ден аспайтын температурада сақтау керек. Балалардың қолы жетпейтін жерде сақтау керек!