Зитмак® таблетки 500 мг

Бір таблетканың құрамында белсенді зат – азитромицин дигидраты 131.00 мг (азитромицинге баламалы 125 мг), азитромицин дигидраты 262.00 мг (азитромицинге баламалы 250 мг), азитромицин дигидраты 524,00 мг (азитромицинге баламалы 500 мг) қосымша заттар: прелатинизацияланған крахмал, гидроксипропилцеллюлоза L-HPC 21, натрий лаурилсульфаты, натрий кроскармеллозасы, кальций гидрофосфаты дигидраты, сусыз коллоидты кремнийдің қостотығы (Аэросил 200), сусыз лактоза, магний стеараты қабықтың құрамы Sepifilm 752 Blanc: гидроксипропилметилцеллюлоза, микрокристалды целлюлоза, титанның қостотығы (Е 171), макрогол – 40 ОЕ стеарат. Сыртқы түрінің, иісінің, дәмінің сипаттамасы Үлбірлі қабықпен қапталған таблеткалар . Дөңгелек пішінді және бір жағында сызығы бар, ақ түсті үлбірлі қабықпен қапталған таблеткалар (125 мг, 250 мг доза үшін). Ұзынша пішінді және бір жағында сызығы бар, ақ түсті үлбірлі қабықпен қапталған таблеткалар (500 мг доза үшін).

Азитромицинге сезімтал микроорганизмдер тудыратын келесі инфекциялық ауруларды емдеу үшін: - жоғарғы тыныс жолдарының инфекциялары, соның ішінде фарингит / тонзиллит, синусит, ортаңғы отит - төменгі тыныс жолдарының инфекциялары, соның ішінде созылмалы бронхиттің жедел өршуі, ауруханадан тыс пневмония - одонтогенді инфекциялар - тері мен жұмсақ тіндердің инфекциялары - Chlamydia trachomatis және Neisseria gonorrhoeae тудыратын асқынбаған жыныс инфекциялары. Препаратты тағайындау кезінде бактерияға қарсы препараттарды дұрыс қолданудың ресми ережелерін ескеру қажет

Азитромицин азалидтер деп аталатын макролидті антибиотиктердің бірінші класы болып табылады және химиялық жағынан эритромициннен ерекшеленеді. Химиялық тұрғыдан ол эритромицин А лактон сақинасына азот атомын енгізудің туындысы болып табылады. Оның химиялық атауы: 9-дезокси-9а-аза-9а-метил-9а-гомоэритромицин А. Молекулалық салмағы 749,0. Әсер ету механизмі Азитромицин рибосоманың 23S рРНК 50S суббірлігімен байланысады. Азитромицин ақуыз синтезінің транспептидация/транслокация фазасын тежеу және рибосомалық суббірліктің 50S жиналуын тежеу арқылы ақуыз синтезін бөгейді. Жүрек электрофизиологиясы Азитромицинді (500 мг, 1000 мг және 1500 мг дозада) хлорохинмен бірге тағайындау (1000 мг дозада) препараттың дозасы мен концентрациясына тәуелді дәрежеде QTc аралығының ұзаруымен қатар жүрді. Азитромицинді 500 мг, 1000 мг және 1500 мг дозада бірлесіп қолданған кезде хлорохин монотерапиясымен салыстырғанда QTc аралығының ең жоғары орташа ұзаруы тиісінше 5 (10) мс, 7 (12) мс, 9 (14) мс құрады. Резистенттілік механизмі Азитромицинді қоса, макролидтерге төзімділіктің анағұрлым жиі кездесетін екі механизмі - нысана модификациясы (көбінесе 23S рРНК метилденуі есебінен) және белсенді экструзия. Бұл тұрақтылық механизмдерін орнату әр түрге байланысты өзгереді, ал түр ішінде тұрақтылық жиілігі географиялық орналасуына байланысты өзгереді. Макролидтік байланыстың төмендеуін анықтайтын рибосомалардың негізгі модификациясы A2058 (E. coli нөмірлеу жүйесі) 23S рРНК нуклеотидтері бойынша адениннің транскрипциядан кейінгі (N)-6-деметилденуі erm генімен кодталған метилазалар (эритромицинрибосомалық метилаза) болып табылады. Рибосомалық модификациялар көбінесе антибиотиктердің басқа кластарына айқаспалы төзімділікке (MLSB фенотипі) әкеледі, олардың рибосомалық байланысу сайттары макролидтермен қабаттасады: линкозамидтер (оның ішінде клиндамицин) және В типті стрептограммалар (мысалы, хинупристин хинупристин/дальфопристин компоненті кіреді). Әр түрлі erm гендері бактериялардың әртүрлі түрлерінде, атап айтқанда стрептококктар мен стафилококктарда болады. Макролидтерге сезімталдыққа А 2058 және А2059 нуклеотидтерінде, кейбір басқа 23S рРНК позицияларында немесе рибосоманың негізгі суббірлігінің L4 және L22 ақуыздарында сирек кездесетін мутациялық өзгерістер де әсер етуі мүмкін. Экструзиялық сорғылар бірқатар түрлерде кездеседі, соның ішінде грамтеріс сорғылар, мысалы, Haemophilus influenzae (олар табиғаты бойынша жоғары MIC мәндеріне әкелуі мүмкін) және стафилококктар. Стрептококктар мен энтерококктарда 14 және 15 атомды макролидтерді (сәйкесінше эритромицин мен азитромицинді қоса) танитын экструзиялық сорғы mef (A) гендерімен кодталады. Бактериялардың азитромицинге in vitro сезімталдығын анықтау әдістемесі Сезімталдықты тестілеу клиникалық және зертханалық стандарттар институты (CLSI) сипаттаған стандартты зертханалық әдістерді қолдану арқылы жүргізілуі керек. Оларға сұйылту әдісі (МИК анықтамасы) және диск сезімталдығын анықтау әдісі жатады. CLSI және микробқа қарсы сезімталдықты тестілеу жөніндегі Еуропалық комитет (EUCAST) осы әдістерді түсіндіру критерийлерін ұсынады. Бірқатар зерттеулер негізінде қоректік ортаның физиологиялық рН қамтамасыз ету үшін аэробты ортада азитромициннің in vitro белсенділігін тестілеу ұсынылады. Стрептококктар мен анаэробты бактерияларға, кейде басқа түрлер үшін жиі қолданылатын жоғары CO2 қысымы ортаның рН төмендеуіне әкеледі. Бұл азитромициннің және басқа макролидтердің тиімділігіне айтарлықтай теріс әсер етеді. EUCAST сонымен қатар МПК анықтамасына негізделген азитромицин үшін шекаралық сезімталдық мәндерін белгіледі. EUCAST сезімталдық критерийлері төмендегі кестеде келтірілген. EUCAST жарияланған типтік бактериялық патогендер үшін азитромициннің сезімталдығын бақылау нүктелері: Микроорганизмдер — ТТК, мг/л Сезімтал (≤) — Төзімді (>) Staphylococcus spp. — 1 — 2 Streptococcus A, B, C және G топтары — 0.25 — 0.5 Streptococcus pneumoniae — 0.25 — 0.5 Haemophilus influenzae — 0.12 — 4 Moraxella catarrhalis — 0.25 — 0.5 Neisseria gonorrhoeae — 0.25 — 0.5 Сезімталдық Жүре пайда болған резистенттіліктің таралуы таңдалған түрлер рельефі мен уақытына байланысты әртүрлі болуы мүмкін, сондықтан жергілікті резистенттілік туралы ақпарат әсіресе ауыр инфекцияларды емдеуде қажет. Қажет болған жағдайда, егер төзімділіктің жергілікті таралуы инфекциялардың кем дегенде кейбір түрлерін емдеуде препараттың тиімділігі күмәнді болса, білікті кеңеске жүгінуге болады Азитромициннің эритромицинге төзімді грам-оң микроорганизмдерге айқаспалы төзімділігі бар. Жоғарыда сипатталғандай, кейбір рибосомалық модификациялар антибиотиктердің басқа кластарымен айқаспалы резистенттілікті тудырады, онда макролидтерді байланыстыру сайттарымен қабаттасатын рибосомаларды байланыстыру сайттары: линкозамидтер (клиндамицинді қоса) және В типті стрептограмминдер (мысалы, хинупристин/дальфопристин хинупристин компоненті). Уақыт өте келе макролидтерге сезімталдықтың төмендеуі байқалды, атап айтқанда Streptococcus pneumoniae және Staphylococcus aureus, сондай-ақ жасыл стрептококктар мен Streptococcus agalactiae. Азитромициннің микробқа қарсы әсер ету спектрі Әдеттегі сезімтал түрлері Аэробты грам-оң бактериялар Staphylococcus aureus Метициллинге сезімтал Streptococcus pneumoniae Пенициллинге сезімтал Streptococcus agalactiae Streptococcus pyogenes (А тобы) Аэробты грам-теріс бактериялар Haemophilus influenzae Haemophilus parainfluenzae Bordetella pertussis Legionella pneumophila Moraxella catarrhalis Neisseria gonorrhoeae Pasteurella multocida Анаэробты бактериялар Clostridium perfringens Fusobacterium spp. Prevotella spp. Porphyromonas spp. Басқа микроорганизмдер Chlamydia trachomatis Borrelia burgdorferi Chlamydophila pneumoniae* Mycoplasma pneumoniae*, Treponema pallidum Ureaplasma urealyticum * Метициллин резистентті алтын стафилококк макролидтерге жүре пайда болған төзімділіктің өте жоғары таралуына ие және осында азитромицинге сирек сезімталдыққа байланысты көрсетілген. Балалар популяциясы Балаларда жүргізілген зерттеулерді бағалағаннан кейін азитромицинді безгекті емдеу үшін монотерапия ретінде де, хлорхин немесе артемизинин негізіндегі препараттармен бірге қолдану ұсынылмайды, өйткені азитромицин асқынбаған безгекті емдеуде ұсынылған безгекке қарсы препараттардан кем түспейтіні анықталмаған.

Дозалау режимі Ересектер мен дене салмағы 45 кг асатын балаларға Жоғарғы және төменгі тыныс жолдарының инфекцияларын, тері мен жұмсақ тіндерді және одонтогенді инфекцияларды емдеу үшін: күніне 500 мг бір рет, қатарынан үш күн бойы. Chlamydia trachomatis туындаған асқынбаған жыныстық инфекцияларда доза бір реттік пероральді доза ретінде 1000 мг құрайды. Сезімтал бактериялар үшін Neisseria gonorrhoeae бактериялары ұсынылатын доза жергілікті клиникалық емдеу нұсқауларына сәйкес 500 мг цефтриаксонмен бұлшықет ішіне бір реттік дозамен бірге бір реттік пероральді доза ретінде 2000 мг азитромицинді құрайды. Дене салмағы 45 кг-нан аз балалар мен жасөспірімдер: Ұсынылатын доза 3 күн бойы бір реттік доза түрінде тәулігіне 10 мг/кг құрайды. Азитромицин стрептококкты фарингитті емдеуде балаларды 3 күн ішінде 10 мг/кг немесе 20 мг/кг бір реттік дозада емдеуде тиімді екендігі атап өтілді, ең жоғары тәуліктік дозасы 500 мг. Осы екі дозаны салыстыру кезінде клиникалық зерттеулерде ұқсас тиімділік анықталды, дегенмен бактериялардың эрадикациясы 20 мг/кг дозада жоғары болды. Дегенмен, әдетте пенициллин стрептококк пиогендері тудыратын фарингитті емдеуге және кез келген кейінгі ревматикалық қызбаның алдын алуға арналған таңдау болып табылады. Жалпы курстық дозаны 5 күнге бөлуге болады; бұл ретте бірінші күні препарат 10 мг/кг дозада, ал келесі төрт күнде – тәулігіне 5 мг/кг дозада қолданылады. Балалардағы жалпы курстық дозаның максималды мөлшері-1500 мг. Пациенттердің ерекше топтары Балалар Белгілі бір дене салмағы бар балаларда дұрыс дозаны қамтамасыз ету үшін препараттың басқа дәрілік түрлері қолайлы. Егде жастағы пациенттер Егде жастағы пациенттерге дозаны түзету қажет емес. Аритмия мен пируэтті тахикардияның бейімділігі мен дамуына байланысты тағайындау кезінде сақ болу керек. Бүйрек жеткіліксіздігі бар пациенттер Жеңіл немесе орташа бүйрек жеткіліксіздігі бар пациенттерге (шумақтық сүзілу жылдамдығы 10 - 80 мл/мин) дозаны түзету қажет емес. Бүйректің ауыр жеткіліксіздігі бар пациенттерге азитромицинді қолданғанда сақ болу керек (шумақтық сүзілу жылдамдығы <10 мл / мин). Бауыр жеткіліксіздігі бар пациенттер Жеңіл және орташа бауыр жеткіліксіздігі бар пациенттерге дозаны түзету қажет емес. Азитромицин бауырда метаболизденіп, өтпен шығарылатындықтан, препаратты ауыр бауыр ауруларына шалдыққан пациенттерге тағайындауға болмайды. Енгізу әдісі мен жолы Азитромицин таблеткаларын бір реттік тәуліктік доза түрінде қабылдау керек. Азитромицин күніне бір рет тамақтанудан 1 сағат бұрын немесе тамақтанғаннан кейін 2 сағаттан кейін қабылданады. Емдеу ұзақтығы Жоғарыда көрсетілген инфекцияларға байланысты препаратты қабылдау ұзақтығы.

- белсенді затқа, макролидтер тобының антибиотиктеріне және кетолидті антибиотиктерге немесе кез келген қосымша заттарға жоғары сезімталдық - галактозаның тұқым қуалайтын жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы

Өте жиі - диарея, іштің ауыруы, жүрек айнуы, метеоризм, іштегі жайсыздық, іш қату Жиі - анорексия - бас айналу, бас ауыру, парестезия, дисгевзия - көрудің бұзылуы - кереңдік - құсу, диспепсия - терінің қышуы және бөртпе - артралгия - шаршау - лимфоциттер санының төмендеуі, эозинофилдер санының көбеюі, қандағы бикарбонат санының азаюы, моноциттер мен нейтрофилдердің көбеюі Жиі емес - кандидоз, ауыз қуысының кандидозы - ринит, тыныс алудың бұзылуы - гастроэнтерит - фарингит, бактериялық инфекция - кереңдік инфекциясы - пневмония - қынаптық инфекциялар - лейкопения, нейтропения, эозинофилия - ангионевроздықісіну, аса жоғары сезімталдық - гипестезия, ұйқышылдық, ұйқысыздық - көрудің бұзылуы - есту қабілетінің бұзылуы, құлақтың шуылдауы - жүректің қағуы - гастрит, іш қату - гепатит - ысынулар - ентігу, мұрыннан қан кету - кеудедегі ауырсыну, ісіну, дімкәстік, астения - аспартатаминотрансферазаның жоғарылауы (АСТ), аланинаминотрансфераза деңгейінің жоғарылауы (AЛТ), қандағы билирубин деңгейінің жоғарылауы, қандағы мочевина деңгейінің жоғарылауы, қандағы креатининнің жоғарылауы, қандағы калий деңгейінің өзгеруі, қандағы сілтілік фосфатазаның жоғарылауы қан, хлорид деңгейінің жоғарылауы, глюкоза деңгейінің жоғарылауы, тромбоциттер деңгейінің жоғарылауы, гематокриттің төмендеуі, қан бикарбонатының жоғарылауы, натрий деңгейінің өзгеруі - процедурадан кейінгі асқынулар - дизурия, бүйректің ауыруы - стеоартрит, миалгия, арқадағы ауыру, мойынның ауыруы - бөртпе, қышыну, есекжем, дерматит, терінің құрғауы, гипергидроз - іш қату, метеоризм, диспепсия, гастрит, дисфагия, іштің кебуі, ауыздың құрғауы, кекіру, ауыз қуысының ойық жарасы, сілекейдің гиперсекрециясы Сирек - ажитация - бауыр функциясының бұзылуы, холестаздық сарғаю - жедел жайылған экзантематозды пустулез эозинофилиямен және жүйелік симптомдармен реакция (DRESS синдромы), фотосезімталдық реакциялары Белгісіз • жалғанжарғақшалы колит • тромбоцитопения, гемолиздік анемия • анафилаксиялық реакция • озбырлық, мазасыздық, елестеулер - естен тану, құрысулар, психомоторлық аса жоғары белсенділік, аносмия, агевзия, паросмия, миастения гравис - естудің бұзылуы, оның ішінде кереңдік және/немесе құлақтың шыңылдауы - "пируэт" типті қарыншалық тахикардия, вентрикулярлық тахикардияны қоса, аритмия, артериялық гипотензия • панкреатит, тіл түсінің өзгеруі • сирек өлімге әкелетін бауыр жеткіліксіздігі, шұғыл гепатит, бауыр некрозы, холестаздық сарғаю • артралгия • уытты эпидермальды некролиз, көп формалы эритема, Стивенс-Джонсон синдромы • жедел бүйрек жеткіліксіздігі, интерстициальді нефрит • электрокардиограммадағы QT аралығының ұзаруы Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұсынылғаннан жоғары дозаларды қабылдау кезінде пайда болатын жағымсыз әсерлер әдеттегі дозаларда байқалғанға ұқсас болды. Емі: артық дозалану симптомдары пайда болған жағдайда симптоматикалық және демеуші емдеуді қолдану ұсынылады.

Аса жоғары сезімталдық Эритромицин және басқа макролидті антибиотиктер сияқты ангионевроздық ісіну және анафилаксияны қоса (сирек жағдайларда өліммен аяқталатын) сирек кездесетін күрделі аллергиялық реакциялар, жедел жайылған экзантематозды пустулоз (ЖЖЭП), Стивенс - Джонсон синдромы, уытты эпидермальді некролиз (сирек өлімге әкелетін) және дәрілік реакция эозинофилиямен және жүйелік симптомдармен (DRESS синдромы) дерматологиялық реакциялар туралы хабарланды. Азитромициннен туындаған осы реакциялардың кейбіреулері қайталанатын симптомдарды тудырды және ұзақ мерзімді бақылау мен емдеуді қажет етті. Аллергиялық реакция пайда болған жағдайда препарат қабылдауды тоқтатып, тиісті ем тағайындау керек. Дәрігерлер аллергия симптомдарының қайта пайда болуы симптоматикалық емді тоқтатқаннан кейін пайда болуы мүмкін екенін білуі керек. Гепатоуыттылық Азитромицинді шығарудың негізгі жолы бауыр болып табылатындықтан, азитромицинді бауырдың күрделі аурулары бар пациенттерге абайлап тағайындаған жөн. Бауыр жеткіліксіздігі, гепатит, холестаздық сарғаю, бауыр некрозы және шұғыл дамыған гепатит жағдайлары туралы хабарланды, олардың кейбіреулері өлімге әкелетін азитромицин қабылдаған кезде өмірге қауіп төндіретін бауыр функциясының бұзылуына әкелуі мүмкін. Кейбір пациенттерді анамнезінде бауыр аурулары бар болуы немесе басқа да гепатоуытты дәрілік заттарды қолданғаны көрсетілуі мүмкін. Бауыр дисфункциясының белгілері мен симптомдары, мысалы, тез дамитын және сарғаюмен, несеп қараюымен, қан кетуге немесе бауыр энцефалопатиясына бейімділікпен қатар жүретін астения дамыған жағдайда бауыр функциясының талдауларын/сынамаларын дереу жүргізу қажет. Бауыр функциясының бұзылуы анықталған жағдайда азитромицин қолдануды тоқтату керек. Қастауыш алкалоидтарының туындылары Қастауыш туындыларын қабылдап жүрген пациенттерде кейбір макролидтік антибиотиктерді бір мезгілде қолдану эрготизмнің тез дамуына мүмкіндік береді. Қастауыш алкалоидтары пен азитромицин арасында ықтимал өзара әрекеттесулер жөнінде деректер жоқ. Алайда эрготизмнің теориялық тұрғыдан болуы мүмкін екендігіне байланысты, азитромицинді қастауыш туындыларымен бір мезгілде тағайындамаған жөн. Басқа антибиотиктермен болған жағдай сияқты, зеңдерді қоса сезімтал емес организмдерден туындаған суперинфекциялардың белгілеріне қатысты бақылау жүргізу ұсынылады. Clostridium difficile-астасқан диарея Азитромицинді қоса бактерияларға қарсы барлық препараттарды дерлік қабылдаған кезде Сlostridium difficile-астасқан диарея дамуы жөнінде мәлімделді, оның күрделілігі әлсіз білінетін диареядан өліммен аяқталатын колитке дейін өзгерді. Антибиотиктермен емдеу жуан ішектің қалыпты микрофлорасын өзгертеді және C. difficile шамадан тыс өсуіне әкеледі. А және В гипертоксиндерін өндіретін C. difficile штамдары Clostridium difficile-мен астасқан диареяның дамуына ықпал етеді. C. difficile штамдары өндіретін гипертоксин аурушаңдық пен өлім-жітімнің өсуіне әкеледі, өйткені бұл инфекциялар микробқа қарсы емге төзімді болуы мүмкін және колэктомияны қажет етеді. Сондықтан, кез келген антибиотиктерді қабылдау кезінде немесе одан кейін туындаған диареямен ауыратын барлық пациенттерде Clostridium difficile- байланысты диареяның даму мүмкіндігін қарастыру қажет. Ауру тарихын, мәлімделгендей, мұқият жүргізу қажет, өйткені бактерияларға қарсы препараттарды қабылдағаннан кейін 2 ай ішінде Clostridium difficile-астасқан диарея туындауы мүмкін. Азитромицинмен емдеуді тоқтатуды қарастырып,C. Difficile-ден арнайы емді бастау керек. Бүйрек функциясының бұзылуы Бүйрек функциясының жеңіл немесе орташа бұзылуы бар пациенттерге (шумақтық сүзілу жылдамдығы (ШСЖ) 10-80 мл/мин) дозаны түзету қажет емес. Бүйрек функциясының ауыр бұзылуы бар пациенттерде (ШСЖ <10 мл/мин) азитромициннің жүйелік экспозициясының 33% жоғарылауы байқалды. QT аралығының ұзаруы Макролидтермен, соның ішінде азитромицинмен емдеу кезінде ЭКГ-да жүрек реполяризациясы мен QT аралығының ұзаруы анықталды, бұл жүрек аритмиясы мен пируэттік тахикардияның даму қаупіне әкелді. Келесі жағдайлар жүректің тоқтап қалуына әкелуі ықтимал қарыншалық аритмия қаупінің жоғарылауына әкелуі мүмкін (соның ішінде torsades de pointes), азитромицинді қатар жүретін проаритмиялық жағдайлары бар пациенттерге (әсіресе әйелдер мен егде жастағы пациенттерге) сақтықпен тағайындау керек. Азитромициннің мұндай әсерін ұзартылған жүрек реполяризациясы қаупі жоғары пациенттерде толығымен жоққа шығаруға болмайды; сондықтан пациенттерге емді сақтықпен тағайындау керек: • туа біткен немесе QT аралығының ұзаруымен тіркелген • олар QT аралығын арттыратыны белгілі басқа белсенді заттармен емделеді, мысалы ІА класының антиаритмиялық препараттары (хинидин, прокаинамид) және III (дофетилид, амиодарон және соталол), цизаприд және терфенадин, пимозид сияқты нейролептиктер, циталопрам сияқты антидепрессанттар және моксифлоксацин және левофлоксацин және хлорохин сияқты фторхинолондар. • электролит алмасуының бұзылуымен, әсіресе гипокалиемия және гипомагниемия жағдайында • клиникалық тұрғыдан релевантты брадикардиясы, жүрек аритмиясы немесе жүрек функциясының ауыр жеткіліксіздігі бар болғанда. - QT аралығы өзгеруінің әсеріне сезімтал болуы мүмкін әйелдер мен егде жастағы адамдар. Миастения гравис Гравис миастения симптомдарының өршігені немесе азитромицинмен ем қабылдап жүрген пациенттерде миастениялық синдромның жаңадан дамығаны мәлімделді. Қосымша заттар туралы ақпарат ЗИТМАК® құрамында лактоза бар және тұқым қуалайтын галактоза жақпаушылығы бар адамдарға, Lapp (ЛАПП) – лактаза ферментінің тапшылығы, глюкоза – галактозаның мальабсорбциясы бар адамдарға қолдануға болмайды. ЗИТМАК® құрамында 1 ммольден аз натрий бар (23 мг), яғни натрийсіз деп саналады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Азитромициннің көлік құралдарын басқару немесе механизмдермен жұмыс істеу қабілетіне әсер етуі мүмкін екендігі туралы ешқандай дәлел жоқ.

Жүкті әйелдердің азитромицинді қолдануы туралы жеткілікті деректер жоқ. Жүктілік кезіндегі азитромициннің қауіпсіздігі расталмаған. Осылайша, азитромицинді жүктілік кезінде пайдасы қауіптен асып түсетін жағдайда ғана қолдану керек. Жарияланған әдебиеттерден алынған шектеулі ақпарат азитромициннің емшек сүтінде тәулігіне 0,1-ден 0,7 мг/кг-ға дейінгі орташа тәуліктік дозада болатындығын көрсетеді. Емшек сүтімен қоректенетін нәрестелерде жағымсыз әсерлер байқалмады. Бала емізудің пайдасы мен әйел үшін емнің пайдасын ескере отырып, емшек емізуді тоқтату немесе азитромицинмен емдеуді тоқтату/кідірте тұру туралы шешім қабылдау қажет.

Антацидтер Антацидтер мен азитромицинді бір мезгілде қабылдау кезінде пайда болатын әсерлерді фармакокинетикалық зерттеу барысында азитромициннің биожетімділігіне әсері анықталған жоқ, дегенмен сарысудағы ең жоғары концентрацияның шамамен 25% төмендеуі байқалды. Осылайша, азитромицин мен антацидтік терапияны қабылдайтын пациенттер бұл екі препаратты бір уақытта қабылдамауы керек. Цетиризин Азитромицинді тепе-теңдік күйінде 20 мг цетиризинмен 5 күн бойы бір мезгілде қолданғанда фармакокинетикалық өзара әрекеттесу құбылыстары немесе QT аралығындағы елеулі өзгерістер байқалмағаны хабарланды. Диданозин (Дидеоксинозин) Плацебомен салыстырғанда АИТВ-оң пациенттерге тәулігіне 400 мг диданозинмен 1200 мг азитромицинді бір мезгілде қолдану диданозиннің тепе-теңдік жағдайының фармакокинетикасына әсер етпеді. Дигоксин және колхицин Макролидті антибиотиктерді, соның ішінде азитромицинді, дигоксин және колхицин сияқты Р-гликопротеин субстраттарымен қабылдау қан сарысуындағы Р-гликопротеин субстраттарының жоғарылауына әкелетіні хабарланды. Осылайша, азитромицин мен дигоксин сияқты Р-гликопротеин субстраттарын бір мезгілде қабылдау кезінде қан сарысуындағы дигоксин деңгейін жоғарылату мүмкіндігін ескеру қажет. Азитромицинмен емдеуді тоқтату кезінде және одан кейін клиникалық мониторинг және дигоксин деңгейі ықтимал жоғарылауының мониторингі қажет. Зидовудин 1000 бір реттік дозалар және 1200 мг немесе 600 мг азитромициннің бірнеше дозалары плазмалық фармакокинетикаға немесе зидовудиннің немесе оның глюкуронидті метаболитінің несеппен шығарылуына аз әсер етті. Алайда, азитромицинді қолдану фосфорланған зидовудин концентрациясының жоғарылауына әкелді, ол шеткері қан айналымындағы мононуклеарлардағы клиникалық белсенді метаболит. Бұл деректердің клиникалық маңыздылығы анықталмаған, бірақ пациенттер үшін пайдалы болуы мүмкін. Азитромицин Р450 цитохромының бауырлық жүйесімен айтарлықтай өзара байланысы жоқ. Препараттың эритромицинмен және басқа да макролидтермен байқалатын фармакокинетикалық дәрілік өзара әрекеттесулері болмайды деп есептеледі. Азитромицин цитохром-метаболиттік кешен арқылы Р450 цитохромының индукциясын немесе белсенділігінің жойылуын туындатпайды. Қастауыш алкалоидтарының туындылары Эрготизмнің теориялық тұрғыда туындау мүмкіндігін ескере отырып, азитромицинді қастауыш туындыларымен бір уақытта қолдану ұсынылмайды. Азитромицинді және метаболизмі негізінен Р450 цитохромының қатысуымен жүретін келесі препараттарды қолдану туралы хабарланды. ГМГ-КоА-редуктаза тежегіштері (статиндер) Аторвастатин Аторвастатин (10 мг/тәул) мен азитромицинді (500 мг/тәул) бір мезгілде қолдану қан плазмасында аторвастатиннің концентрациясын өзгерткен жоқ (ГМК-КоА-редуктазаның тежелуін талдау негізінде). Соған қарамастан, азитромицинді статиндермен емдеген пациенттерде рабдомиолиздің тіркеуден кейінгі жағдайлары туралы хабарланды. Карбамазепин Азитромицин қабылдаған пациенттерде карбамазепиннің плазмалық деңгейіне немесе оның белсенді метаболиттеріне айтарлықтай әсер ететіні анықталмағаны белгілі. Циметидин Азитромицинді қолданудан 2 сағат бұрын қабылданған циметидин бір реттік дозасының азитромицин фармакокинетикасына әсері туралы хабарланды, азитромицин фармакокинетикасында ешқандай өзгерістер байқалмады. Циклоспорин 3 күн ішінде азитромицинді тәулігіне 500 мг дозада пероральді қабылдағанда, содан кейін 10 мг/кг циклоспориннің бір реттік дозасын пероральді қабылдағанда Cmax және AUC0–5 циклоспорин деңгейінің айтарлықтай жоғарылауы анықталды (тиісінше 24% және 21% - ға), алайда айтарлықтай AUC–00өзгерістері байқалмады. Сондықтан, осы препараттарды бір мезгілде тағайындауды қарастырған кезде абай болу керек. Егер мұндай бір мезгілде қолдану қажет болса, циклоспорин деңгейіне мониторинг жүргізіп, дозаны сәйкесінше түзету керек. Эфавиренз 7 күн бойы күн сайын азитромициннің 600 және 400 мг эфавиренз бір реттік дозасын бір мезгілде қолдану клиникалық маңызды фармакокинетикалық өзара әрекеттесуді тудырмаған. Флуконазол Азитромицин 1200 мг бір реттік дозасын бір мезгілде қолдану флуконазол 800 мг бір реттік дозасының фармакокинетикасы өзгеруіне әкелмеген. Флуконазолды бір мезгілде қолданғанда азитромициннің жалпы экспозициясы мен жартылай шығарылу кезеңі өзгерген жоқ, алайда, азитромициннің Cmax (18%) клиникалық шамалы төмендеуі байқалды. Индинавир 1200 мг азитромициннің бір реттік дозасын бір мезгілде қолдану 5 күн ішінде тәулігіне 3 рет 800 мг дозада қабылданған индинавир фармакокинетикасына статистикалық маңызды әсер етпеді. Метилпреднизолон Азитромицин метилпреднизолонның фармакокинетикасына айтарлықтай әсер етпегені анықталды. Мидазолам Азитромицинді тәулігіне 500 мг бір мезгілде 3 күн бойы қолдану 15 мг бір реттік дозада мидазолам фармакокинетикасы мен фармакодинамикасында клиникалық маңызды өзгерістер тудырмады. Нелфинавир Азитромицинді (1200 мг) және нелфинавирді тепе-теңдік концентрациясында (тәулігіне 3 рет 750 мг) бір мезгілде қолдану азитромицин концентрациясының жоғарылауына әкелді. Клиникалық маңызды жағымсыз әсерлер байқалмады, дозаны түзетудің қажеті жоқ. Рифабутин Азитромицин мен рифабутинді бір мезгілде қолдану бұл препараттардың қан плазмасындағы концентрациясына әсер етпеді. Нейтропения азитромицин мен рифабутинді бір мезгілде қабылдаған адамдарда анықталды. Нейтропения рифабутинді қолданумен байланысты болғанымен, азитромицинді бір мезгілде қабылдаумен себепті байланыс анықталмаған. Силденафил Азитромициннің (3 күн ішінде тәулігіне 500 мг) силденафил AUC және Cmax мәніне немесе оның негізгі айналымдағы метаболитіне әсер ететіні туралы дәлелдер жоқ. Терфенадин Азитромицин мен терфенадиннің өзара әрекеттесуі туралы ешқандай дәлел болған жоқ. Мұндай өзара әрекеттесу мүмкіндігін толығымен жоққа шығаруға болмайтын сирек жағдайлар туралы хабарланды; дегенмен, мұндай өзара әрекеттесудің орын алғаны туралы нақты дәлелдер болған жоқ. Теофиллин Азитромицин мен теофиллинді бір мезгілде қолданғанда клиникалық маңызды фармакокинетикалық өзара әрекеттесудің дәлелі алынбаған. Триазолам Азитромицинді 14 еріктіге 1-ші күні 500 мг дозада және 2-ші күні 250 мг дозада 2-ші күні 0,125 мг триазоламмен бір мезгілде қолдану триазолам және плацебомен салыстырғанда триазоламның барлық фармакокинетикалық көрсеткіштеріне айтарлықтай әсер етпеді. Триметоприм/сульфаметоксазол Триметоприм/сульфаметоксазолды (160 мг/800 мг) 7 күн ішінде 1200 мг азитромицинмен бір мезгілде қолдану 7-ші күні триметоприм немесе сульфаметоксазолдың несеппен ең жоғары концентрациясына, жалпы экспозициясына немесе шығарылуына айтарлықтай әсер еткен жоқ. Қан плазмасындағы азитромициннің концентрациясы басқа зерттеулерге сәйкес келді. Кумарин типті пероральді антикоагулянттар Әдебиеттерге сәйкес, азитромицин 15 мг варфарин бір реттік дозасының антикоагулянттық әсерін өзгерткен жоқ. Маркетингтен кейінгі кезеңде азитромицин мен кумарин типті пероральді антикоагулянттарды бір мезгілде қолданғаннан кейін антикоагулянттық әсердің потенциалдануы туралы алынған мәліметтер туралы белгілі. Себепті байланыс анықталмағанымен, кумарин типті пероральді антикоагулянттарды қабылдайтын пациенттерге азитромицин тағайындау кезінде протромбин уақытына жиі мониторинг жүргізу қажеттілігін ескеру қажет.

Сақтау мерзімі 125 мг, 250 мг доза үшін: 4 жыл 500 мг доза үшін: 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!