Дозалану режимі
Препараттың дозасы мен емдеу ұзақтығын ауру ағымының ауырлығына, орналасуына, қоздырғыштың түріне және оның препаратқа сезімталдығына, сондай-ақ, пациенттің жас шамасы мен бүйрек функциясына байланысты жекелей белгілейді.
Ересектер және балалар > 40 кг
Инъекциялар түрінде
Муковисцидоз кезіндегі бронх-өкпе инфекциялары – әр 8 сағат сайын тәулігіне 100-ден 150 мг / кг дейін, ең жоғары тәуліктік дозасы - күніне 9 г1)
Фебрильді нейтропения, ауруханаішілік пневмония, бактериялық менингит, бактериемия* - әр 8 сағат сайын 2 г-ден.
Сүйектер мен буындардың инфекциялары, тері мен жұмсақ тіндердің асқынған инфекциялары - әр 8 сағат сайын 1-2 г.
Асқынған интраабдоминальді инфекциялар және тұрақты амбулаториялық перитонеальді диализ (ТАПД) жүргізілетін пациенттердегі диализбен байланысты перитонит - әр 8 сағат сайын 1-2 г.
Несеп шығару жолдарының асқынған инфекциялары - әр 8 сағат сайын немесе әр 12 сағат сайын 1-2 г.
Қуықасты безіне жасалатын операциялар (трансуретральді резекция) кезіндегі инфекциялық асқынулардың профилактикасы - кіріспе анестезия кезінде 1 г, және екінші дозасы – катетерді алып тастау кезінде.
Созылмалы іріңді ортаңғы отит және некроздайтын (қатерлі) сыртқы отит - әр 8 сағат сайын 1-2 г.
Үздіксіз инфузия түрінде
Фебрильді нейтропения, ауруханаішілік пневмония, муковисцидоз кезіндегі бронх-өкпе инфекциялары, бактериялық менингит, бактериемия, сүйектер мен буындардың инфекциялары, тері мен жұмсақ тіндердің асқынған инфекциялары, асқынған интраабдоминальді инфекциялар және тұрақты амбулаториялық перитонеальді диализ (ТАПД) жүргізілетін пациенттердегі диализбен байланысты перитонит – жүктемелік дозасы 2 г, артынан әр 24 сағат сайын үздіксіз инфузия түрінде 4-тен 6 г дейін енгізумен1.
1 бүйрек функциясы қалыпты ересектерде жағымсыз құбылыстар болмаған жағдайда тәулігіне 9 г дозасы пайдаланылған.
Балалар <40 кг және балалар > 2 ай
Инъекциялар түрінде
Несеп шығару жолдарының асқынған инфекциялары – тәулігіне үш бөліп енгізілетін 100-150 мг / кг, ең жоғары тәуліктік дозасы - 6 г.
Созылмалы іріңді ортаңғы отит және некроздайтын (қатерлі) сыртқы отит - тәулігіне үш бөліп енгізілетін 100-150 мг / кг, ең жоғары тәуліктік дозасы - 6 г.
Нейтропениясы, муковисцидоз кезіндегі бронх-өкпе инфекциялары, бактериялық менингиті, бактериемиясы бар балалар* - тәулігіне үш бөліп енгізілетін 150 мг / кг, ең жоғары тәуліктік дозасы - 6 г.
Сүйектер мен буындардың инфекциялары, тері мен жұмсақ тіндердің асқынған инфекциялары, асқынған интраабдоминальді инфекциялар, тұрақты амбулаториялық перитонеальді диализ (ТАПД) жүргізілетін пациенттердегі диализбен байланысты перитонит - тәулігіне үш бөліп енгізілетін 100-150 мг / кг, ең жоғары тәуліктік дозасы - 6 г.
Үздіксіз инфузия түрінде
Фебрильді нейтропения, ауруханаішілік пневмония, муковисцидоз кезіндегі бронх-өкпе инфекциялары, бактериялық менингит, бактериемия*, сүйектер мен буындардың инфекциялары, тері мен жұмсақ тіндердің асқынған инфекциялары, асқынған интраабдоминальді инфекциялар және тұрақты амбулаториялық перитонеальді диализ (ТАПД) жүргізілетін пациенттердегі диализбен байланысты перитонит – жүктемелік дозасы 60-100 мг / кг, артынан үздіксіз инфузия түрінде тәулігіне 100-200 мг / кг енгізумен.
Ең жоғары тәуліктік дозасы – тәулігіне 6 г.
* «Қолданылуы» бөлімінде атап келтірілген инфекциялардың кез келгенінің нәтижесіндегі немесе аталған инфекцияларға күдік болған жағдайдағы бактериемия.
Жаңа туған нәрестелер және сәбилер ≤ 2 ай
Инъекция түрінде
Инфекциялардың көпшілігі кезінде - тәулігіне екі бөліп енгізілетін 25-60 мг / кг (жаңа туған нәрестелер мен ≤ 2 айлық балаларда қан сарысуындағы цефтазидимнің жартылай шығарылу кезеңі ересектердегіге қарағанда үш-төрт есе ұзағырақ болуы мүмкін).
Жаңа туған нәрестелер мен ≤ 2 айлық балаларда үздіксіз инфузия түріндегі цефтазидимнің қауіпсіздігі мен тиімділігі анықталмаған.
Егде жастағы пациенттер
Егде жастағы адамдарда жас шамасына байланысты бүйректік клиренсі төмендейтіндігін ескере отырып, 80 жастан асқан пациенттерде ұсынылатын дозасы тәулігіне <3 г болуы тиіс.
Бауыр жеткіліксіздігі бар пациенттер
Қолда бар деректер бойынша, бауыр функциясы бұзылуының жеңіл немесе орташа дәрежесі кезінде дозасын түзету қажет емес, бауырдың айқын жеткіліксіздігі жағдайындағы деректер жоқ. Емнің қауіпсіздігі мен тиімділігіне клиникалық бақылау жүргізу ұсынылады.
Бүйрек жеткіліксіздігі бар пациенттер
Цефтазидим бүйрек арқылы өзгеріссіз күйінде шығарылады, сондықтан, бүйрек функциясы бұзылған пациенттерде дозасы азайтылуы тиіс.
Препараттың бастапқы жүктемелік дозасы 1 г құрайды. Демеуші дозасын креатинин клиренсіне байланысты таңдайды.
Бүйрек жеткіліксіздігі кезінде ұсынылатын демеуші дозалары
Инъекциялар түрінде енгізгенде
Ересектер және балалар > 40 кг
Креатинин клиренсі (КК) мл/мин — Сарысудағы креатинин концентрациясы, мкмоль/л (мг/дл) — Ұсынылатын бір реттік дозалары (г) — Препаратты енгізу жылдамдығы
50-31 — 150-200 (1.7-2.3) — 1.0 — Әр 12 сағат сайын
30-16 — 200-350 (2.3-4.0) — 1.0 — Әр 24 сағат сайын
15-6 — 350-500 (4.0-5.6) — 0.5 — Әр 24 сағат сайын
<5 — >500 (>5.6) — 0.5 — Әр 48 сағат сайын
Ауыр инфекциялары бар пациенттерге демеуші дозасын 50%-ға арттыруға, не болмаса препаратты енгізу жиілігін арттыруға болады. Балаларда креатинин клиренсінің көрсеткіштерін дене беткейінің ауданына немесе дененің бұлшықет салмағына байланысты түзету керек.
Балалар < 40 кг
Креатинин клиренсі (КК) мл/мин** — Сарысудағы креатинин концентрациясы*, мкмоль/л (мг/дл) — Ұсынылатын бір реттік дозалары (мг/кг) — Препаратты енгізу жылдамдығы
50-31 — 150-200 (1.7-2.3) — 25 — Әр 12 сағат сайын
30-16 — 200-350 (2.3-4.0) — 25 — Әр 24 сағат сайын
15-6 — 350-500 (4.0-5.6) — 12.5 — Әр 24 сағат сайын
<5 — >500 (>5.6) — 12.5 — Әр 48 сағат сайын
*Сарысудағы креатинин мәндері бағдарлы мәндер болып табылады, олар бүйрек функциясы төмендеген барлық пациенттер үшін дозасын төмендетудің дәл сол дәрежесін нақты көрсетпеуі мүмкін.
** Дене беткейінің ауданына негізделген немесе өлшенген.
Емнің қауіпсіздігі мен тиімділігіне мұқият клиникалық бақылау жүргізу ұсынылады.
Бүйрек жеткіліксіздігі кезінде ұсынылатын демеуші дозалары
Үздіксіз инфузия түрінде енгізгенде
Ересектер және балалар > 40 кг
Креатинин клиренсі (КК) мл/мин — Сарысудағы креатинин концентрациясы, мкмоль/л (мг/дл) — Препаратты енгізу жылдамдығы
50-31 — 150-200 (1.7-2.3) — Жүктемелік доза 2 г, артынан 24 сағатта 1 г-ден 3 г дейін енгізумен
30-16 — 200-350 (2.3-4.0) — Жүктемелік доза 2 г, артынан 24 сағатта 1 г енгізумен
<15 — >350 (> 4.0) — Бағалау жүргізілмеді
Дозасын сақтықпен таңдау және қауіпсіздігі мен тиімділігіне мұқият клиникалық бақылау жүргізу керек.
Балалар <40 кг
Бүйрек жеткіліксіздігі бар, <40 кг балаларда үздіксіз инфузиясы кезіндегі цефтазидимнің қауіпсіздігі мен тиімділігі анықталмаған. Қауіпсіздігі мен тиімділігіне мұқият клиникалық бақылау жүргізу ұсынылады.
Бүйрек функциясының бұзылуы бар балаларға үздіксіз инфузиясы кезінде креатинина клиренсін дене беткейінің ауданына немесе дененің бұлшықет салмағына байланысты түзету керек.
Гемодиализ
Гемодиализ кезінде сарысудағы цефтазидимнің жартылай шығарылу кезеңі 3 - 5 сағатты құрайды.
Әрбір гемодиализ сеансынан кейін, кестелерде көрсетілген ұсынымдарға сәйкес, цефтазидимнің демеуші дозаларын қайталау керек.
Перитонеальді диализ
Цефтазидимді перитонеальді диализ және тұрақты амбулаториялық перитонеальді диализ (ТАПД) кезінде пайдалануға болады.
Вена ішіне қолданудан бөлек, цефтазидимді диализ ерітіндісіне қосуға болады (әдетте, 2 л диализ ерітіндісі үшін 125 - 250 мг).
Бүйрек жеткіліксіздігі бар, қарқынды емдеу бөлімшелерінде үздіксіз артерия-веналық гемодиализ немесе ағыны жоғары гемофильтрация жүргізілетін пациенттер үшін: бір реттік немесе бірнеше рет бөліп қабылданатын дозасы түрінде тәулігіне 1 г. Төмен ағынды гемофильтрация кезінде бүйрек функциясы бұзылғанда ұсынылатын дозаларын тағайындау керек.
Вена-веналық гемофильтрация және вена-веналық гемодиализ жүргізілетін пациенттер үшін төмендегі кестелерде көрсетілген дозалары ұсынылады.
Үздіксіз веналық гемофильтрация үшін ұсынылатын дозалары
Креатинин клиренсі (КК) мл/мин — Ультрафильтрация жылдамдығы (мл/мин)1 кезінде демеуші дозасы (мг)
5 — 16.7 — 33.3 — 50
0 — 250 — 250 — 500 — 500
5 — 250 — 250 — 500 — 500
10 — 250 — 500 — 500 — 750
15 — 250 — 500 — 500 — 750
20 — 500 — 500 — 500 — 750
1 Демеуші дозасы әр 12 сағат сайын тағайындалады.
Үздіксіз вена-веналық гемодиализ үшін ұсынылатын дозалары
Креатинин клиренсі (КК) мл/мин — Диализат ағынының жылдамдығы1 кезінде демеуші дозасы (мг)
1.0 л/сағ — 2 л/сағ
Ультрафильтрация жылдамдығы (л/сағ) — Ультрафильтрация жылдамдығы (л/сағ)
0.5 — 1.0 — 2.0 — 0.5 — 1.0 — 2.0
0 — 500 — 500 — 500 — 500 — 500 — 750
5 — 500 — 500 — 750 — 500 — 500 — 750
10 — 500 — 500 — 750 — 500 — 750 — 1000
15 — 500 — 750 — 750 — 750 — 750 — 1000
20 — 750 — 750 — 1000 — 750 — 750 — 1000
1 Демеуші дозасы әр 12 сағат сайын тағайындалады.
Енгізу әдісі және жолы
Инъекцияға арналған.
Қолдану жөніндегі нұсқау
Цефтазидимді вена ішіне немесе инфузиялық жолмен, не болмаса бұлшықет ішіне терең енгізу керек. Бұлшықетішілік инъекциялардың ұсынылатын орындары — үлкен бөксе бұлшықетінің үстіңгі сыртқы квадранты немесе санның латеральді бөлігі. Цефтазидим ерітіндісін тікелей венаға, немесе егер пациент парентеральді сұйықтықтарды қабылдап жүрсе, енгізуге арналған жинақтың түтігі арқылы енгізуге болады. Ұсынылған стандартты енгізу тәсілі — венаішілік үзік-үзік инъекция немесе венаішілік үздіксіз инфузия. Бұлшықет ішіне енгізуді тек, венаішілік енгізу жолы мүмкін болмаған немесе пациент үшін қолайсыздау болған кезде ғана қарастыру керек.
Фармацевтикалық тұрғыдан цефтазидим келесі ерітінділермен үйлесімді:
- 1-ден 40 мг/мл дейінгі концентрациясында - 0.9 % натрий хлориді ерітіндісі;
натрий лактат ерітіндісі;
- Хартман ерітіндісі;
- 5 % және 10 % декстроза ерітіндісі;
- 0.225 % натрий хлориді ерітіндісі және 5 % декстроза ерітіндісі;
- 0.45 % натрий хлориді ерітіндісі және 5 % декстроза ерітіндісі;
- 0.9 % натрий хлориді ерітіндісі және 5 % декстроза ерітіндісі;
- 0.18 % натрий хлориді ерітіндісі және 4 % декстроза ерітіндісі;
- 0.9 % натрий хлориді ерітіндісіндегі немесе 5 % декстроза ерітіндісіндегі 10 % Декстран 40 ерітіндісі;
- 0.9 % натрий хлориді ерітіндісіндегі немесе 5 % декстроза ерітіндісіндегі 6 % Декстран 70 ерітіндісі. Цефтазидим ерітіндісі (инъекцияға арналған 1,5 мл судағы 500 мг) мен метронидазолды (500 мг/100 мл) араластығанда екі компонент те өз белсенділігін сақтайды.
Еріткіш ретінде натрий гидрокарбонаты ерітіндісін пайдалануға болмайды.
Фармацевтикалық тұрғыдан аминогликозидтермен, ванкомицинмен үйлесімсіз.
ЕРІТІНДІЛЕРДІ ДАЙЫНДАУ: ұнтақты еріткен кезде көміртек қостотығы бөлінеді. Еріткішті енгізгеннен кейін, мөлдір ерітінді алынуы үшін құтыны сілку қажет. Препараттың алынған дайын ерітіндісінің ішінде көміртек қостотығының шағын көпіршіктері болуы мүмкін. Алынған ерітіндінің түсі ашық-сарыдан күңгірт-сарыға дейін болуы мүмкін. Егер препаратты сұйылтудың ұсынылған ережелерінің барлығы сақталса, онда оның тиімділігі алынған ерітіндінің түсіне байланысты болмайды.
1."БАСТАПҚЫ СҰЙЫЛТУ"
Бұлшықет ішіне енгізу үшін құтының ішіндегісін 1.5 мл (500 мг), 3 мл (1.0 г) еріткіште (инъекцияға арналған су, 0.5-1 % лидокаин гидрохлориді ерітіндісі) ерітеді.
Лидокаин педиатриялық тәжірибеде еріткіш ретінде пайдаланылмайды!
Вена ішіне енгізу үшін құтының ішіндегісін 5 мл (500мг), 10 мл (1.0 г) және 10 мл (2.0 г) еріткіште (инъекцияға арналған су) ерітеді.
2."ЕКІНШІ РЕТ СҰЙЫЛТУ"
Вена ішіне ТАМШЫЛАТЫП енгізу үшін, жоғарыда сипатталған тәсілмен алынған цефтазидим ерітіндісін қосымша, вена ішіне енгізуге арналған келесі еріткіштердің біреуінің 50-100 мл-інде сұйылтады: 0,9% натрий хлориді ерітіндісі, 5%, 10% глюкоза (декстроза) ерітіндісі, 0,9% натрий хлориді ерітіндісі қосылған 5% глюкоза (декстроза) ерітіндісі. Тек жаңа дайындалған ерітіндіні пайдалану керек!
Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар
Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз.
