Зовиракс крем 5%

100 г крем құрамында Белсенді зат - 5,0 г ацикловир қосымша заттар: пропиленгликоль, жұмсақ ақ парафин, цетостеарил спирті, сұйық парафин, макрогол стеараты, глицерин моностеараты, полоксамер 407, диметикон 20, натрий лаурилсульфаты, тазартылған су. Сыртқы түрінің, иісінің, дәмінің сипаттамасы Бөгде бөлшектерден және кесектерден бос және көзге көрінетін қатпарланусыз ақ немесе ақ дерлік түсті бір текті крем.

Зовиракс кремі ересектер мен балаларда Herpes simplex (қайталанатын herpes labialis) қарапайым герпес вирусынан туындаған ерін мен бет инфекциясын емдеу үшін қолданылады.

Фармакодинамикалық әсерлері Зовиракс Herpes simplex 1 және 2 типтеріне қатысты белсенді. Иеленуші жасушаға (адам жасушасына) уыттылық төмен. Герпес вирусын жұқтырған жасушаларға енген кезде ацикловир фосфорланады және ацикловир трифосфатының белсенді түріне өзгертеді. Бұл процестің бірінші кезеңі HSV-кодталған тимидинкиназаның болуына байланысты. Ацикловир трифосфаты вирустық ДНҚ-полимераза үшін тежегіш пен субстрат ретінде әсер етеді және қалыпты жасушалық үдерістерге ықпал етусіз әріқарай вирустық ДНҚ синтезін болдырмайды. Қайталанатын лабиальді герпесті 4 күннен артық емдеген 1385 пациенттің қатысуымен екі көп орталықты салыстырмалы жасырын рандомизацияланған клиникалық зерттеулерде 5% зовиракс кремін тасымалдаушы креммен салыстырды. Екі зерттеудің біріктірілген мәліметтеріне сүйене отырып, Зовиракс кремін қолданғанда емдеудің басталуынан емделуге дейінгі орташа уақыт 4,6 күнді және тасымалдаушы кремді қолданғанда 5 күнді құрады (p <0,001). Эпизодтың орташа ұзақтығы ацикловир бар кремді қолданғанда 4 күн (25% - 3 күн, 75% - 6 күн) және тасымалдаушы кремді қолданғанда 4,3 күн (25%-3,1 күн, 75% -6,6 күн), коэффициент 1,22 (p <0,001). Субъектілердің бағалауы бойынша ауырсынудың орташа ұзақтығы ацикловир кремін қолданғанда 2,9 күн және тасымалдаушы кремді қолданғанда 3,0 күн болды, коэффициент 1,21 (p <0,001). Орташа алғанда, пациенттердің 60%-ы емдеуді ерте сатыда бастады (продромальді кезең немесе эритема) және 40%-ы кейінгі сатыда (папула немесе везикуланың болуы).

Дозалау режимі Ересектер мен балалар Препаратты терінің зақымданған жерлеріне күніне 5 рет (түнгі уақытты қоспағанда, әр 4 сағат сайын) жағу ұсынылады. Енгізу әдісі мен жолы Тек сыртқа қолдануға арналған. Емдеуді мүмкіндігінше ертерек, дұрысы бастапқы сатыларында (продромальді кезеңде немесе тері қызарғанда) бастау керек. Алайда емдеуді кешірек сатыларда да (папула немесе везикуланың болуы) бастауға болады. Емдеу ұзақтығы 4 күннен кем емес. Жазылу болмаған жағдайда емдеуді 10 күнге дейін ұзартуға болады. Егер жазылу 10 күн ішінде басталмаған жағдайда дәрігерге қаралу керек. Егер сіз қажетті дозаны жағуды ұмытып кетсеңіз, оны еске түсірген бойда жағыңыз. Зақымданған бөліктерге қосымша инфекция жұқтырудан және инфекцияның таралуынан сақтану үшін кремді жағуға дейін және одан кейін қолды мұқият жуып, зақымданған бөліктерді қолмен немесе сүлгімен ысқыламау қажет.

- ацикловирге, валацикловирге, пропиленгликольге немесе қосымша заттардың кез келгеніне аса жоғары сезімталдық

Жиі емес - препаратты жағу учаскелерінде өткінші шаншу немесе ашыту - аздаған құрғау және қабыршақтану - қышыну Сирек - эритема - препараттың қосымша компоненттеріне болатын реакциямен жиірек байланысты жанаспалы дерматит Өте сирек - ангионевроздық ісіну мен есекжемді қоса, шұғыл типті аса жоғары сезімталдық реакциялары Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Құрамында 100 мг ацикловир бар кремнің (2 г) едәуір мөлшерін ішке қабылдаған немесе сыртқа жаққан жағдайда жағымсыз құбылыстардың дамуы екіталай. Артық дозалануынан күдіктенгенде дәрігерге қаралу қажет Қажет болған жағдайда дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады

Препарат ерін мен бет терісінің герпесінде ғана қолданылуы керек. Осы дәрілік препаратты ауыз қуысы мен көздің шырышты қабаттары сияқты шырышты қабықтарға қолдану ұсынылмайды. Осы дәрілік препаратты генитальдік герпесті емдеу үшін пайдалануға болмайды. Көзге түспеу үшін ерекше сақ болу керек. Қайталанатын ерін герпесінің ерекше ауыр түрлері болған кезде дәрігермен кеңесу ұсынылады. Ерін герпесімен ауыратын адамдарға (әсіресе ашық зақымданулар болған кезде) сақ болу керек және вирустың таралуын болдырмау керек. Иммунитеті әлсіреген пациенттерге препаратты қолдану ұсынылмайды және инфекцияның барлық түрлерін емдеуге қатысты дәрігермен кеңесу керек. Зовиракс кремінің 1 г құрамында 400 мг пропиленгликоль бар, бұл тәуліктік дозада 200 мг-ге баламалы. Пропиленгликоль терінің жергілікті тітіркенуін тудыруы мүмкін. Зовиракс кремінің 1 г құрамында 7,5 мг натрий лаурилсульфаты бар, бұл тәуліктік дозада 3,75 мг-ге тең. Натрий лаурилсульфаты жергілікті тері реакцияларын тудыруы мүмкін (мысалы, шаншу немесе ашыту сезімі) немесе сол аймаққа қолданған кезде басқа препараттармен туындаған жергілікті тітіркендіргіш әсерді күшейтеді. Цетостеарил спирті жергілікті тері реакцияларын тудыруы мүмкін (мысалы, жанаспалы дерматит). Көз герпесі Зовиракс кремін көз герпесін емдеу үшін қолдану ұсынылмайды. Генитальді герпес Зовиракс кремін генитальді герпесті емдеу үшін қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті және қауіптілігі зор механизмдерді басқару қабілетіне әсер етпейді.

Зовиракс кремін қолдану тек ана үшін болжанатын пайдасы ұрық пен сәбиге төнетін зор қауіптен артық болатын жағдайларда ғана көрсетілімді. Алайда, Зовиракс кремін жергілікті қолдану кезінде ацикловирдің жүйелік әсері өте төмен болып табылады. Зовиракс кремін қолданғаннан кейін емшек сүтімен қоректенетін балалар қабылдаған дозалар шамалы болып саналады.

Өзара әрекеттесудің клиникалық маңызды түрлері анықталмаған.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!