Зоели таблетки

Бір ақ таблетка құрамында белсенді заттар: эстрадиол гемигидраты 1.55 мг (1.50 мг эстрадиолға баламалы), номегестрол ацетаты 2.50 мг, қосымша заттар: микрокристалды целлюлоза, кросповидон, тальк, магний стеараты, сусыз коллоидты кремнийдің қостотығы, лактоза моногидраты, қабықтыңқұрамы:поливинилспирті,титанныңқостотығы(Е171), макрогол/полиэтиленгликоль 3350, тальк, премикс (Opadry® II White) жабыны. Бір сары таблетка (плацебо) құрамында: белсенді зат-жоқ, қосымша заттар: микрокристалды целлюлоза, кросповидон, тальк, магний стеараты, сусыз коллоидты кремнийдің қостотығы, лактоза моногидраты, қабықтың құрамы: поливинил спирті, титанның қостотығы (Е 171), макрогол/полиэтиленгликоль 3350, тальк, темірдің (III) сары тотығы (Е 172), темірдің (III) қара тотығы (Е 172), премикс (Opadry® II Yellow) жабыны. Сыртқы түрінің, иісінің, дәмінің сипаттамасы Ақ таблеткалар. Дөңгелек пішінді, екі жағында "ne" таңбасы бар, ақ немесе ақ дерлік түсті үлбірлі қабықпен қапталған таблеткалар. Сары таблеткалар (плацебо). Дөңгелек пішінді, екі жағында "р" таңбасы бар, сары түсті үлбірлі қабықпен қапталған таблеткалар.

-пероральді контрацепция Зоели препаратын тағайындау туралы шешім қабылдай отырып, қазіргі уақытта әрбір әйел үшін, әсіресе веналық тромбоэмболияға (ВТЭ) қатысты жеке қауіп факторларының болуын ескерген жөн және Зоели препаратын қолдану аясында ВТЭ қаупін басқа біріктірілген гормондық контрацептивтермен (БГК) салыстыру қажет.

Әсер ету механизмі. Номегестрол ацетаты табиғи стероидты прогестерон гормонынан алынған жоғары селективті прогестаген болып табылады. Номегестрол ацетаты адамның прогестерон рецепторларына, сондай-ақ прогестерон рецепторларына байланысты антигонадотропты, эстрогенге қарсы белсенділікке, орташа антиандрогендік белсенділікке ие және эстрогендік, андрогендік, глюкокортикоидты немесе минералокортикоидты әсер етпейді. Зоели препаратының құрамына адамның эндогендік 17β-эстрадиолына (Е2) ұқсас табиғи эстроген болып табылатын 17β-эстрадиол кіреді. Бұл эстроген этинилэстрадиолдан - басқа біріктірілген пероральді контрацептивтерде қолданылатын эстрогеннен, 17α позициясында этинил тобының болмауымен ерекшеленеді. Зоели препаратын қолданған кезде етеккір оралымының ерте фолликулалық және кеш лютеинді фазалары кезінде Е2 орташа деңгейлері Е2 деңгейімен салыстырылады. Зоели препаратының контрацептивті әсері әртүрлі факторлардың өзара әрекеттесуіне негізделген, олардың ішіндегі ең маңыздысы овуляцияны басу және цервикалды секрециясының өзгеруі. 3200-ден астам әйел қатысқан Зоели препаратының тиімділігі мен қауіпсіздігі бойынша екі рандомизацияланған, ашық, компаративті зерттеулерде (18-50 жас аралығындағы әйелдер Зоели препаратын 13 оралым ішінде қабылдады және басқа әйелдер 21/7 режимінде 3 мг/этинилэстрадиол 30 мкг дроспиренон алды) дене салмағының артуы (5.7% қарсы 8.6%), тоқтатудың патологиялық қан кетуі (негізінен олардың болмауы) (0.5% қарсы 10.5%), акне (7.9% қарсы 15.4%) сияқты жағымсыз әсерлер анықталды. Зоели препаратын қабылдағанға дейінгі жағдаймен салыстырғанда әйелдердің 73.1% - ы акненің үдеуін байқамады, әйелдердің 16.8% - ы акне белгілерінің төмендеуін, 10.1% - ы акне пайда болуын немесе ағымының нашарлауын байқады. Еуропалық Одақ, Азия және Австралия елдеріндегі 18-35 жастағы әйелдерде Перль индексінің орташа көрсеткіші бойынша әдістің тиімсіздігі 0.40 (жоғарғы шегі 95% СА 1.03), дұрыс пайдаланбау салдарынан әдістің тиімсіздігі 0.38 (жоғарғы шегі 95% СА 0.97) құрады. АҚШ-та, Канадада, Латын Америкасында-әдістің тиімсіздігі - 1.22 (жоғарғы шегі 95%, СА 2.18), дұрыс пайдаланбау салдарынан әдістің тиімсіздігі -1.16 (жоғарғы шегі 95%, СА 2.08). Рандомизацияланған ашық сынақта 32 әйел 6 оралым ішінде Зоели препаратын алды. Зоели препаратын тоқтатқаннан кейін овуляция соңғы таблеткадан кейін орта есеппен 20,8 күннен кейін қалпына келді, овуляцияның ең ерте уақыты 16-шы күні тіркелді. Фолий қышқылы жүктіліктің ерте кезеңінде маңызды дәрумен болып табылады. Зоели препаратын қабылдау кезінде қан плазмасындағы фолий қышқылының концентрациясы өзгермейді және препаратты қатарынан 6 ай бойы базалық деңгейде қалады. Рандомизацияланған ашық салыстырмалы зерттеуде Зоели препаратын қабылдаған кезде 2 жылға созылатын 21-35 жастағы әйелдерде Зоели препаратының сүйек минералды тығыздығына клиникалық маңызды әсерінің болмауы байқалды. Зоели препаратын қатарынан 6 оралым бойы қабылдаған 18 бен 50 жас аралығындағы әйелдерде екі жылдық салыстырмалы зерттеудің мәліметтері бойынша глюкоза көтере алмаушылығы көрсеткіші және инсулинге сезімталдық өзгеріссіз қалды, сонымен қатар липидтер алмасуы мен гемостазда өзгерістер болған жоқ. Алайда, тироид- байланыстыратын және кортикоид-байланыстыратын глобулиндер (ТБГ және КБГ) өндірісінің жоғарылауы және жыныс гормондарын байланыстыратын глобулиннің (ЖГБГ) шамалы жоғарылауы байқалды. Андростендион (аналық безден бөлінетін андроген), дегидроэпиандростерон сульфаты (ДГЭС-С), жалпы және бос тестостерон Зоели препаратын қолдану кезінде айтарлықтай төмендеді. Эндометрийді гистологиялық зерттеу Зоели препаратын қатарынан 13 оралым бойы қабылдаған 32 әйелде патологиялық ауытқуларды анықтаған жоқ. Балалар. 18 жасқа дейінгі балаларда Зоели препаратын қолданудың қауіпсіздігі мен тиімділігі зерттелмеген. • Фармакокинетикалық қасиеттері Номегестрол ацетаты Абсорбциясы. Номегестрол ацетаты пероральді қолданғанда тез сіңеді. Қан плазмасындағы номегестрол ацетатының ең жоғары концентрациясы шамамен 7 нг/мл құрайды және бір рет қолданғаннан кейін 2 сағаттан соң жетеді. Бір реттік дозаны қабылдағаннан кейін номегестрол ацетатының абсолютті биожетімділігі 63% құрайды. Тамақтанудың номегестрол ацетатының биожетімділігіне клиникалық маңызды әсері байқалмады. Таралуы. Номегестрол ацетаты ақуыздармен (97-98%) экстенсивті түрде байланысады, бірақ жыныс гормондары байланыстыратын глобулинмен (ЖГБГ) немесе кортикоид- байланыстыратын глобулинмен (КБГ) байланыспайды. Тепе-теңдік күйінде номегестрол ацетатының таралуының көрінетін көлемі 1645 ± 576 литрді құрайды. Метаболизмі. Номегестрол ацетаты цитохром P450 бауыр ферменттерінің қатысуымен бірнеше белсенді емес гидроксилденген метаболиттерге дейін метаболизденеді, негізінен CYP3A4 және CYP3A5, CYP2C19 және CYP2C8 мүмкін. Номегестрол ацетаты және оның гидроксилденген метаболиттері глюкуронид пен сульфат конъюгаттарын түзу үшін экстенсивті метаболизмнің екінші фазасынан өтеді. Тепе-теңдік күйіндегі көрінетін клиренс сағатына 26 л құрайды. Шығарылуы. Жартылай шығарылу кезеңі (Т 1/2) тепе-теңдік жағдайында 46 сағатты (28-ден 83 сағатқа дейін) құрайды. Метаболиттердің жартылай шығарылу кезеңі белгіленбеген. Номегестрол ацетаты несеппен және нәжіспен шығарылады. Қабылданған дозаның шамамен 80% - ы 4 күн ішінде несеппен және нәжіспен шығарылады. Номегестрол ацетатының шығарылуы 10 күннен кейін дерлік толық болады, препарат негізінен нәжіспен және несеппен шығарылады. Дозаға тәуелділігі. Дозаға байланысты фармакокинетиканың тәуелділігі 0.625-тен 5 мг-ға дейінгі дозалар ауқымында байқалды (бағалау фертильді әйелдерде және постменопауза кезеңінде жүргізілді). Тепе-теңдік күйлері. Жыныс гормондарын байланыстыратын глобулин номегестрол ацетатының фармакокинетикасына әсер етпейді. Тепе-теңдік күйіне 5 күннен кейін қол жеткізіледі. Қан плазмасындағы номегестрол ацетатының ең жоғары концентрациясы шамамен 12 нг/мл құрайды және бір реттік дозаны қабылдағаннан кейін 1.5 сағаттан соң жетеді. Тепе-теңдік жағдайында қан плазмасындағы орташа концентрация 4 нг / мл құрайды. Дәрілік өзара әрекеттесулер. In vitro зерттеулер номегестрол ацетатының Р450 цитохромы ферменттерінің маңызды индукциясын немесе тежелуін тудырмайтынын және Р-GR тасымалдаушымен клиникалық маңызды өзара әрекеттесуі жоқ екенін көрсетті. Эстрадиол (E2) Абсорбциясы. Эстрадиол ішке қабылдағаннан кейін бірінші рет өткенде айқын метаболизмге ұшырайды. Абсолютті биожетімділігі шамамен 1% құрайды. Эстрадиолдың биожетімділігіне тамақ ішудің клиникалық маңызды әсері байқалмады. Таралуы. Экзогендік эстрадиолдың таралуы эндогендіге ұқсас. Эстрогендер организм тіндерінде және ең жоғары концентрацияда - жыныс гормондарының нысана-ағзаларында белсенді бөлінеді. Қанда эстрадиол негізінен GSPH (37%) және альбуминмен (61%) байланысты айналады және эстрадиолдың тек 1-2% байланыссыз түрінде айналады. Метаболизмі. Экзогендік эстрадиол ішке қабылдағаннан кейін белсенді метаболизденеді. Экзогендік және эндогендік эстрадиолдың метаболизмі ұқсас. Ішек пен бауырда эстрадиол тез арада бірнеше метаболиттерге, негізінен эстронға айналады, олар кейіннен конъюгацияланып, бауыр-ішек айналымына ұшырайды. Эстрадиол, эстрон және эстронсульфат арасында динамикалық тепе-теңдік бар, бұл әртүрлі ферменттердің, соның ішінде эстрадиол-дегидрогеназа, сульфотрансфераза және сульфатаза белсенділігінің салдары болып табылады. Эстрон мен эстрадиолдың тотығуы Р450 цитохром жүйесі арқылы жүреді, негізінен CYP1A2, CYP1A2 (бауырдан тыс), CYP3A4, CYP3A5, CYP1B1 және CYP2C9. Шығарылуы. Эстрадиол айналымдағы қаннан тез шығарылады. Метаболизм мен ішек- бауыр айналымының арқасында айналымдағы эстрогенсульфаттар мен глюкуронидтердің үлкен пулы бар. Бұл эстрадиолдың жартылай шығарылу кезеңінің жоғары өзгергіштігіне әкеледі, бұл вена ішіне енгізгеннен кейін 3.6 ± 1.5 сағатты құрайды. Тепе-теңдік күйлері. Қан сарысуындағы эстрадиолдың ең жоғары концентрациясы шамамен 90 пг / мл құрайды және дозаны қолданғаннан кейін 6 сағаттан соң жетеді. Қан сарысуындағы орташа концентрация 50 пг / мл құрайды; мұндай эстрадиол деңгейі әйелдердегі етеккір оралымының ерте және кеш кезеңіне сәйкес келеді. Пациенттердің жеке топтары Балалар. Номегестрол ацетатының фармакокинетикасы Зоели препаратын бір рет пероральді қабылдағаннан кейін менархе басталған дені сау жасөспірім қыздар мен ересек әйелдерде ұқсас болды. Эстрадиолдың экспозициясы алғашқы 24 сағат ішінде жасөспірімдер мен ересек пациенттерде ұқсас болды, бірақ 24 сағаттан кейін төмендеді. Бұл нәтижелердің клиникалық маңызы белгісіз. Бүйрек функциясының бұзылуына әсері. Бүйрек жеткіліксіздігі кезіндегі фармакокинетикасы туралы деректер жоқ. Бауыр функциясының бұзылуына әсері. Бауыр жеткіліксіздігі кезіндегі фармакокинетикасы туралы деректер жоқ. Алайда, бауыр функциясы бұзылған әйелдерде стероидты гормондардың метаболизмі төмендеуі мүмкін. Этностық топтар. Этностық топтарда фармакокинетиканы бағалау үшін зерттеулер жүргізілген жоқ. • Клиникаға дейінгі қауіпсіздік деректері Эстрадиолдың, номегестрол ацетатының қайталама дозаларының уыттылығын немесе олардың үйлесімін зерттеу күтілетін эстрогендік және гестагендік әсерді көрсетті. Біріктірілген репродуктивті уыттылық зерттеулері эстрадиолдың әсеріне сәйкес келетін фетоуыттылықты көрсетті. Гендікуыттылықпенканцерогендікбойыншазерттеулербіргежүргізілмеген. Номегестрол ацетаты гендік уытты емес. Алайда, жыныстық стероидтер жекелеген гормонға тәуелді тіндер мен ісіктердің өсуіне әкелуі мүмкін екенін ескеру қажет. • ФАРМАЦЕВТИКАЛЫҚ ҚАСИЕТТЕРІ • Қосымша заттардың тізбесі микрокристалды целлюлоза кросповидон тальк магний стеараты сусыз коллоидты кремнийдің қостотығы лактоза моногидраты қабықтың құрамы: поливинил спирті титанның қостотығы (Е 171) макрогол/полиэтиленгликоль 3350 тальк премикс (Opadry® II White) жабыны Плацебо таблетка микрокристалды целлюлоза кросповидон тальк магний стеараты сусыз коллоидты кремнийдің қостотығы лактоза моногидраты қабықтың құрамы: поливинил спирті титанның қостотығы (Е 171) макрогол/полиэтиленгликоль 3350 тальк темірдің (III) сары тотығы (Е 172) темірдің (III) қара тотығы (E 172) премикс (Opadry® II Yellow) жабыны. • Үйлесімсіздігі Қатысы жоқ. • Жарамдылық мерзімі 3 жыл Жарамдылық мерзімі өткеннен кейін қолдануға болмайды. • Сақтау кезіндегі ерекше сақтық шаралары 30 °C-ден аспайтын температурада сақтау керек. Балалардың қолы жетпейтін жерде сақтау керек! • Шығарылу түрі және қаптамасы 28 таблетка (24 ақ таблетка және 4 сары плацебо-таблетка) PVC поливинилхлоридті үлбірден және алюминий фольгадан жасалған пішінді ұяшықты қаптамада. 1 немесе 3 пішінді ұяшықты қаптамадан жапсырма-күнтізбемен және қазақ және орыс тілдеріндегі медициналық қолдану жөніндегі нұсқаулықпен бірге картонды қорапшада. • Пайдаланылған дәрілік препаратты немесе дәрілік препаратты қолданғаннан немесе онымен жұмыс істегеннен кейін алынған қалдықтарды жою кезіндегі ерекше сақтық шаралары Енді қажет емес БОК таблеткаларын (Зоели таблеткаларын қоса) ағынды суларға немесе қалалық кәрізге тастауға болмайды. Таблеткадағы гормондық белсенді қосылыстар су ортасына түскенде зиянды әсер етуі мүмкін. Таблеткаларды дәріханаға қайтару керек немесе жергілікті талаптарға сәйкес басқа қауіпсіз әдіспен утилизациялау керек. Бұл шаралар қоршаған ортаны қорғауға көмектеседі. • Дәріханалардан босатылу шарттары Рецепт арқылы. • ТІРКЕУ КУӘЛІГІНІҢ ҰСТАУШЫСЫ Чех Республикасы Зентива к.с. У кабеловны 130, 102 37, Прага 10, Долни Мехолупы, Тел.: (+420) 267 242 464 Эл. пошта: regulatory@zentiva.com

Дозалау режимі Бірізді 28 күн бойы күн сайын тәулігіне 1 таблеткадан. Әр қаптамасы құрамында әсер етуші заттар бар ақ белсенді 24 таблеткадан басталады, олардың соңынан 4 сары плацебо таблеткасы қабылданады. Келесі қаптаманы күнделікті қолданудағы үзіліссіз және етеккірлік қан кетудің білінуіне немесе болмауына қарамастан алдыңғысы біткеннен кейін барып бастайды. Әдетте, етеккірлік қан кету соңғы ақ таблетка қабылдаудан кейін 2-3 күннен соң басталып, келесі қаптама басталғанша жалғасуы мүмкін. Пациенттердің ерекше топтары Бүйрек функциясының бұзылуы. Бүйрек функциясының бұзылулары бар пациент әйелдерде номегестрол ацетаты мен эстрадиолдың шығарылуы елеусіз өзгереді деп болжанады. Бауыр функциясының бұзылуы. Қазіргі уақытта бауыр функциясы бұзылған пациенттерде қолдану туралы деректер жоқ. Бауыр жеткіліксіздігі ауыр пациенттерде стероидты гормондар метаболизмі нашарлауы мүмкін, сондықтан ондай пациент әйелдерге Зоели препаратын қолдануды бауыр функциясының көрсеткіштері қалыпқа түскенше кейінге шегерген жөн. Енгізу әдістері мен жолы Пероральді қабылдау Зоели препаратын қалай қабылдайды Таблеткаларды ас ішуге байланыссыз шамамен белгілі бір уақытта күн сайын қабылдау керек. Таблеткаларды су іше отырып қабылдап, ал блистерден онда көрсетілген тәртіпке сай шығару керек. Препарат қабылдауды бақылау ыңғайлы болу үшін 7 күнге бөлініп таңбаланған күнтізбе-жапсырма қоса беріледі. Әйел өзі таблетка қабылдай бастаған күннен басталатын жапсырманы таңдап, оны блистерге желімдеуі тиіс. Зоели препаратын қолдану қалай басталады Егер алдыңғы айда ұрықтануға қарсы басқа гормондық дәрі пайдаланылмаса Таблеткаларды қолдану оралымның бірінші күнінен басталуы керек (яғни етеккірлік қан кетудің бірінші күні). Бұл жағдайда контрацепцияның қосымша әдістерін қолдану қажет емес. Препаратты етеккір оралымының 2-5-ші күні бастауға болады, бірақ бұл жағдайда бірінші қаптамадағы ақ түсті таблеткаларды алғашқы 7 қабылдау күнінде контрацепцияның қосымша бөгет әдісін қолдану қажет (1-суретті қараңыз). 1-сурет Басқа біріктірілген гормондық контрацептивтерден (біріктірілген оральді контрацептивтерден (БОК), қынаптық сақинадан немесе трансдермальді бұласырдан) ауысқанда Алдыңғы біріктірілген гормондық контрацептивтер препаратының қаптамасындағы соңғы әсер етуші таблетканы (құрамында белсенді зат бар соңғы таблетка) қабылдағаннан кейінгі келесі күні Зоели препаратын қолдануды бастаған дұрыс, бірақ біріктірілген гормондық контрацептивтер препаратының плацебо таблеткаларын қабылдамай немесе таблеткаларды қабылдамай әдеттегі аралықтан кейінгі келесі күннен кешіктірмеу қажет. Егер бұрын қынаптық сақина немесе трансдермальді бұласыр пайдаланылған болса, Зоели препаратын қабылдауды сақинаны/бұласырды алып тастаған күні бастаған жөн, бірақ сақинаны/бұласырды ауыстыру жоспарланған күннен кешіктірмеу қажет. Құрамында тек прогестаген бар препараттардан ("мини-пили", инъекциялар, импланттар) немесе прогестагенді босап шығаратын жатырішілік контрацептивті дәрілерден (ЖІД) ауысу Мини-пили қабылдауды кез-келген күні тоқтатуға болады, келесі күні Зоели препаратын қабылдауды бастау керек. Имплантты немесе ЖІД кез келген күні алып тастауға болады және сол күні Зоели препаратын қабылдауды бастау керек. Инъекциялық прогестагеннен ауысқан кезде, Зоели препаратын келесі прогестаген инъекциясының орнына, сол жоспарланған күні бастау керек. Контрацептивтің барлық ауыстыру жағдайларында ақ белсенді таблеткаларды үздіксіз қолданудың 7 күні ішінде контрацепцияның қосымша бөгет әдісін қолдану ұсынылады. Бірінші триместрде жүктілікті мерзімінен бұрын тоқтатқаннан кейін Препараттыаборттанкейінбірденбастауғаболады.Бұлжағдайда контрацепцияның қосымша әдістерін қолдану қажет емес. Босанғаннан кейін немесе екінші триместрде жүктілікті мерзімінен бұрын тоқтатқаннан кейін Препаратты қолдануды босанғаннан кейін 21-28-ші күні немесе екінші триместрде жүктілікті мерзімінен бұрын тоқтатқаннан кейін бастау керек. Егер препаратты қабылдау кейінірек басталса, әйелге құрамында әсер етуші заттар бар ақ таблеткаларды үздіксіз қолданудың алғашқы 7 күнінде контрацепцияның қосымша бөгет әдісін қолдану ұсынылады. Егер жыныстық қатынас орын алған болса, біріктірілген пероральді контрацептивті пайдаланар алдында жүктілікті болдырмау керек немесе әйел бірінші етеккір оралымының басталуын күтуі керек. Зоели препаратын қолдануды қайта бастаған кезде босанғаннан кейінгі кезеңде веналық тромбоэмболияның (ВТЭ) даму қаупінің жоғарылауын ескеру қажет. Өткізіп алған таблеткаларды қабылдау Келесі ұсынымдар құрамында әсер етуші заттар бар ақ таблеткаларды өткізіп алуға ғана қатысты: Егер белсенді таблетканы өткізіп алған сәттен бастап 24 сағаттан аз уақыт өтсе, контрацепциялық әсер төмендемейді. Әйел өткізіп алған таблетканы мүмкіндігінше тезірек, ал келесі ұрықтануға қарсы таблеткасын – қалыпты уақытта қабылдауы керек. Егер белсенді таблетканы өткізіп алған сәттен бастап 24 сағат немесе одан да көп уақыт өтсе, контрацепциялық әсер төмен болуы мүмкін. Таблеткаларды өткізіп алған кезде келесі екі негізгі ережені басшылыққа алу керек: • Гипоталамус-гипофиз-аналық без жүйесі функциясының талапқа сай тежелуіне қол жеткізу үшін ақ белсенді таблеткаларды 7 күн бойы үздіксіз қабылдау қажет. • ақ белсенді таблеткаларды неғұрлым көп өткізіп алса және 4 сары таблетка - плацебоны қабылдау уақыты жақындаған сайын, жүкті болу қаупі соғұрлым жоғары болады. 1-7 күндер Әйел өткізіп алған ақ таблетканы мүмкіндігінше тезірек қабылдауы керек, тіпті бұл бір уақытта екі ұрықтануға қарсы таблетканы қабылдауды білдірсе де. Болашақта таблеткаларды әдеттегі уақытта қабылдау керек. Контрацепцияның бөгет әдісі (мысалы, мүшеқаптар) ақ таблеткаларды үздіксіз қолданудың 7 күні ішінде қолданылуы керек. Егер жыныстық қатынас алдыңғы 7 күн ішінде орын алса, ықтимал жүктілікті жоққа шығару керек. 8-17 күндер Әйел өткізіп алған ақ таблетканы мүмкіндігінше тезірек қабылдауы керек, тіпті бұл бір уақытта екі ұрықтануға қарсы таблетканы қабылдауды білдірсе де. Болашақта таблеткаларды әдеттегі уақытта қабылдау керек. Егер әйел таблетканы өткізіп алған таблеткадан 7 күн бұрын дұрыс қабылдаған болса, онда контрацепцияның қосымша әдістерін қолданудың қажеті жоқ. Алайда, 1 таблеткадан артық өткізіп алған кезде, ақ таблеткаларды үздіксіз қабылдағаннан кейін кем дегенде 7 күн бойы контрацепцияның қосымша әдістерін қолдану керек. 18-24 күндер Сары плацебо таблеткаларын қабылдау басталғанға дейін контрацепциялық әсердің төмендеу қаупі сөзсіз. Алайда, таблеткаларды қолдану режимін түзету контрацепциялық әсердің төмендеуіне жол бермейді. Егер таблетканы өткізіп алмас бұрын 7 күн ішінде әйел препаратты қабылдау режимін бұзбаса, онда егер әйел төмендегі схемалардың бірін ұстанса, контрацепцияның қосымша әдістерін қолданудың қажеті жоқ. Егер қабылдау режимі бұзылса, ол келесі 7 күн ішінде контрацепцияның қосымша әдістерін қолдануы керек; екі жағдайда да келесі режимдерді ұстану керек: • Әйел бір уақытта екі таблетка қабылдауға тура келсе де, мұны есіне алған бойда өткізіп алған соңғы таблетканы қабылдауы керек. Содан кейін ол ақ таблеткаларды қабылдауды аяқтағанға дейін әдеттегі уақытта таблеткаларды қабылдауды жалғастыруы керек. Келесі қаптаманы алдыңғы қаптамадағы ақ таблеткалар аяқталғаннан кейін бірден бастау керек, яғни әйел сары плацебо таблеткаларын қабылдамауы керек. Бұл жағдайда қан кету әдетте келесі қаптамадағы сары таблеткаларды қабылдау кезінде пайда болады, бірақ ақ таблеткаларды қабылдау кезінде құйылып қан кету немесе жағынды бөліністер пайда болуы мүмкін. • Сондай-ақ, басталған қаптамадағы әсер етуші заттар бар ақ таблеткаларды қабылдауды тоқтатып, соңғы қатардан плацебо таблеткаларын өткізіп алу күндерін қоса, 3 күн ішінде қабылдауды бастауға, содан кейін құрамында келесі қаптамадағы әсер етуші заттар бар таблеткаларды қабылдауды бастауға кеңес беруге болады. Таблетканы өткізіп алған жағдайда және плацебо таблеткаларын қабылдаған кезде қан кетпесе, жүктіліктің басталу мүмкіндігін қарастырған жөн. Егер әйел өткізіп алған таблеткалардың санына немесе олардың түсіне сенімді болмаса және сәйкесінше қандай ұсынымдарды орындау керектігін білмесе, онда әйел қатарынан 7 күн ішінде ақ таблеткаларды қабылдағанға дейін контрацепцияның бөгет әдісін қолдану қажет. Сары плацебо таблеткаларын қабылдауды өткізіп алу Контрацепциялық қорғаныс төмендемейді. Блистердің соңғы (төртінші) қатарындағы сары таблеткаларды ескермеуге болады. Алайда, плацебо таблеткаларын қабылдау кезеңін байқаусызда ұзартпау үшін өткізіп алған таблеткаларды тастау керек. Асқазан-ішек бұзылыстары жағдайындағы ұсынымдар Асқазан-ішек бұзылыстары жағдайында (мысалы, құсу немесе диарея) препараттың сіңуі толық болмауы мүмкін, сондықтан контрацепцияның қосымша шараларына жүгіну керек. Егер құсу ақ таблетканы қабылдағаннан кейін 3-4 сағат ішінде пайда болса, онда оны қабылдауды өткізіп алған деп санау керек және мүмкіндігінше тезірек басқа таблетка қабылдау керек. Келесі таблетканы мүмкіндігінше белгіленген уақыттан 24 сағат ішінде қабылдау керек. Келесі таблетканы әдеттегі уақытта қабылдау керек. Егер кеш қабылдау 24 сағаттан асса, таблеткаларды өткізіп алу туралы ұсынымдарды ұстанған жөн (Қолдану тәсілі "Өткізіп алған таблеткаларды қабылдау" бөлімін қараңыз). Егер әйел әдеттегі қабылдау режимін өзгерткісі келмесе, оған басқа қаптамадан қосымша ақ таблетканы (таблеткаларды) қабылдау қажет. Етеккірдің басталу күнін қалай кейінге қалдыруға немесе етеккірдің басталуын кешіктіруге болады Етеккірдің басталуын кешіктіру үшін әйел қазіргі қаптамадан сары плацебо таблеткаларын қабылдамай, Зоели препаратының жаңа қаптамасындағы ақ таблеткаларды қабылдауды жалғастыруы керек. Таблеткаларды әйел қалағандай ұзақ уақыт бойы, құрамында әсер етуші заттар бар ақ таблеткалардың екінші қаптамасы аяқталғанға дейін қабылдауға болады. Екінші қаптамадағы сары таблеткаларды қабылдауды аяқтағаннан кейін Зоели препаратын әдеттегі сызба бойынша қабылдауды жалғастыру қажет. Ұзартылған қабылдау схемасында құйылып қан кету немесе жағынды бөліністер пайда болуы мүмкін. Етеккір тәрізді қан кетудің басталу күнін басқа күнге ауыстыру үшін плацебо таблеткаларын қабылдау кезеңін қысқартуға болады (ең көбі 4 күн). Үзіліс неғұрлым қысқа болса, екінші қаптамадағы таблетка қабылдау кезінде етеккір тәрізді қан кетудің болмауы және құйылып қан кетудің немесе жағынды бөліністердің пайда болу қаупі соғұрлым жоғары болады.

• әсер етуші заттарға немесe қосымша заттардың кез келгеніне аса жоғары сезімталдық • қазіргі уақытта бар немесе анамнездегі веналар тромбозы (терең веналар тромбозы, өкпе тамырларының эмболиясы) • қазіргі уақытта бар немесе анамнездегі артериялар тромбозы (мысалы, миокард инфарктісі) немесе продромальді күйлер (мысалы, транзиторлы ишемиялық шабуылдар, стенокардия) • қазіргіуақыттабарнемесеанамнездегімиқанайналымыныңжедел бұзылуы (мысалы, транзиторлы ишемиялық шабуыл) • анамнезіндегіошақталғанневрологиялықсимптоматикасыбарбас сақинасы • веналық немесе артериялық тромбоздың ауыр немесе үйлесімді бірнеше қауіп факторларының бар болуы, мысалы: • тамырлар зақымданған қант диабеті • артериялық гипертензияның ауыр түрі • дислипопротеинемияның ауыр түрі • ұзақ мерзімді иммобилизациямен ауқымды хирургиялық араласымдар • веналық немесе артериялық тромбозға туа біткен немесе жүре пайда болған бейімділік, мысалы, белсендірілген С ақуызына резистенттілік, антитромбин-III тапшылығы, С ақуызының тапшылығы, S ақуызының тапшылығы, гипергомоцистеинемия және антифосфолипидті антиденелер (кардиолипинге антиденелер, жегілік антикоагулянт) • қазіргі уақытта бар немесе анамнездегі ауыр гипертриглицеридемиямен панкреатит • қазіргі уақытта бар немесе анамнездегі бауырдың ауыр аурулары (бауыр функциясының көрсеткіштері қалыпқа келгенге дейін) • қазіргі уақытта бар немесе анамнездегі бауыр ісіктері (қатерсіз немесе қатерлі) • анықталған немесе күдікті гормонға тәуелді қатерлі ісіктер (мысалы, жыныс мүшелерінің немесе сүт бездерінің) • диагностикаланған немесе болжамды жүктілік • менингиома немесе анамнездегі менингиома • диагностикаланбаған қынаптан қан кету • тұқым қуалайтын галактоза жақпаушылығы, Lapp (ЛАПП) - лактаза ферментінің тапшылығы, глюкоза-галактоза мальабсорбциясы.

Нұсқаулықта көрсетілмеген.

Симптомдары: Зоели дозасын бірнеше рет шамадан тыс асыру жағымсыз реакциялармен қатар жүрмеді. БОК қолданған кезде жүрек айнуы, құсу, қынаптан қан аралас бөліністер пайда болуы мүмкін. Емі: симптоматикалық ем. Спецификалық антидоттар жоқ. Дәрілік препаратты (ДП) стандартты қолдану кезінде көрінетін жағымсыз реакциялардың сипаттамасы және бұл жағдайда қабылдау керек шаралар Өте жиі • акне * • тоқтатудан болатын патологиялық қан кетуі Жиі • либидоның төмендеуі, депрессия/депрессиялық көңіл-күй, көңіл-күйдің өзгеруі • бас ауыруы, бас сақинасы • жүрек айнуы • метроррагия, меноррагия, сүт бездерінің ауыруы, жамбас аумағының ауыруы • дене салмағының артуы Жиі емес • тәбеттің күшеюі, сұйықтықтың іркілуі • ысынулар • іштің кебуі • гипергидроз, алопеция, қышыну, терінің құрғауы, себорея • ауырлық сезімі • гипоменоррея, сүт бездерінің ісінуі, галакторея, жатырдың түйілуі, етеккір алдындағы синдром, сүт безінің жаңа түзілімдері, диспареуния (жыныстық қатынас кезінде ауырсыну/жайсыздық), вульвовагинальді құрғақтық • бауыр ферменттері белсенділігінің артуы • ашушаңдық, ісіну Сирек • тәбеттің төмендеуі • либидоның күшеюі • инсульт, ишемияның өтпелі ұстамалары, зейін қоюдың бұзылуы • жанаспалы линзалар жақпаушылығы, көздің құрғауы • веналық тромбоэмболия • ауыздың құрғауы • холелитиаз, холецистит • хлоазма, гипертрихоз • қынаптан шығатын жағымсыз иіс, вульвовагинальді жайсыздық • ашығу сезімі Жеке жағымсыз реакциялардың сипаттамасы КГК қабылдаған әйелдерде миокард инфарктісі, инсульт, транзиторлы ишемиялық шабуылдар, веналық тромбоз және өкпе артериясының тромбоэмболиясын қоса, артериялық және веналық тромбоздық және тромбоэмболиялық оқиғалардың қаупі жоғары болды. Маркетингтен кейінгі зерттеулер (жиілігі белгісіз) • артериялық тромбоэмболия, аллергиялық реакциялар Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Арнайы сақтандырулар Төмендегі деректер құрамында этинилэстрадиол бар біріктірілген гормондық контрацептивтерді (БГК) қолдану бойынша эпидемиологиялық зерттеулер барысында алынды. Зоели препаратының құрамында 17β-эстрадиол бар. Құрамында 17β-эстрадиол бар БОК қолдану туралы эпидемиологиялық деректер жоқ, сақтандыру шаралары Зоели препараты үшін де қолданылады деп есептеледі. Төменде көрсетілген қандай да бір жағдайлар немесе қауіп факторлары болған кезде Зоели препаратын әр әйелде қолдану артықшылықтары мен ықтимал қауіптерін жеке салыстырып, Зоели препаратын қабылдауды бастамас бұрын оларды пациентпен талқылау керек. Осы жағдайлардың немесе қауіп факторларының нашарлауы, өршуі немесе алғашқы көріністері болған жағдайда, әйел өз емдеуші дәрігеріне қаралуы керек. Дәрігер Зоели препаратын қолдануды тоқтату-тоқтатпау керектігін шешуі керек. Қантамырлар бұзылуы. Кез-келген БГК-ны қолдану осы препараттар қолданылмағанға қарағанда ВТЭ-нің анағұрлым жоғары қаупімен қатар жүреді. Құрамында левоноргестрел, норгестимат немесе норэтистерон бар препараттардың ВТЭ қаупі ең төмен. Зоелидің құрамында левоноргестрел бар БГК қабылдау кезіндегі сондай ауқымда ВТЭ қаупі болуы мүмкін. ВТЭ қаупі ең аз препараттан басқа кез келген препаратты қолдану туралы шешімді БОК қабылдаған кезде ВТЭ қаупін, оның қазіргі қауіп факторлары бұл қауіпке қалай әсер ететінін түсіну үшін әйелмен талқылаудан кейін ғана қабылдау керек. БГК қолданудың бірінші жылында ВТЭ пайда болу қаупі жоғары. Қауіп БГК қабылдауды бастағаннан кейін немесе 4 немесе одан да көп апталық үзілістен кейін сол немесе басқа БОК қабылдауды қайта бастағаннан кейін де артады. БГК қабылдамайтын және жүкті емес 10 000 әйелдің шамамен 2-і бір жыл ішінде ВТЭ дамиды. Дегенмен, кез келген жеке әйелде негізгі қауіп факторларына байланысты қауіп әлдеқайда жоғары болуы мүмкін (төменде қараңыз). БГК төмен дозаларын (< 50 мкг этинилэстрадиол) қабылдайтын әйелдердегі эпидемиологиялық зерттеулер 10 000 әйелдің 6-12-і бір жыл ішінде ВТЭ дамитынын көрсетті. Құрамында левоноргестрел бар БГК қабылдайтын 10 000 әйелдің шамамен 6- ы бір жыл ішінде ВТЭ дамиды деп есептеледі. БГК төмен дозаларын қолданған кезде жылына ВТЭ мөлшері жүктілік кезінде немесе босанғаннан кейінгі кезеңде әйелдерде күтілетін саннан аз болады. ВТЭ 1-2% жағдайда өліммен аяқталған жағдайға әкеледі. Зоели препаратын қабылдау басқа БГК-мен салыстырғанда бұл қауіпті қалай арттыратыны белгісіз. Эпидемиологиялық зерттеулер сонымен қатар БГК қолдану мен артериялық тромбоэмболия қаупінің жоғарылауы (миокард инфарктісі, ми қанайналымының өтпелі ишемиялық бұзылыс) арасындағы байланысты анықтады. БГК қабылдаған әйелдерде бауыр, шажырқай, бүйрек, церебральді немесе көздің тор қабық тамырлары сияқты басқа тамырлардың тромбоз жағдайлары өте сирек кездеседі. Веналық немесе артериялық тромбоздың немесе инсульттің симптомдары келесідей болуы мүмкін: • аяқтың әдеттен тыс бір жақты ауыруы және / немесе ісінуі • сол қолға жайылумен/онсыз кенеттен болатын кеуденің қатты ауыруы • кенеттен болатын ентігу • кенеттен болған жөтел ұстамасы • кез-келген әдеттен тыс, қатты, ұзаққа созылатын бас ауыруы • кенеттен болған ішінара немесе көрмей қалу • диплопия • сөйлеудің бұзылуы немесе афазия, бас айналу • фокальді эпилепсиялық ұстамамен/онсыз коллапс • дененің бір жағына немесе бір бөлігіне кенеттен әсер ететін әлсіздік немесе аса айқын ұйып қалу • қозғалыс бұзылыстары • іштеспе Веналық тромбоэмболияның даму қаупі келесі қауіп факторлары болған кезде артады: • жас ұлғайған сайын • ауыр отбасылық анамнез (жақын туыстарында жас кезінде болған веналық тромбоэмболия жағдайлары). Егер тұқым қуалайтын бейімділікке күдік туындаса, әйел қандай да бір гормондық контрацептивті қолдану туралы шешім қабылдамас бұрын маманмен кеңесуі керек • ұзаққа созылған иммобилизация, ауқымды хирургиялық араласым, аяққа жасалған операциялар немесе ауыр жарақат. Мұндай жағдайларда препаратты қолдануды тоқтату ұсынылады (жоспарлы хирургиялық араласым жағдайында • оны жүргізуге дейін кемінде 4 апта бұрын) және қозғалыс белсенділігі толық қалпына келтірілгеннен кейін 2 апта ішінде қайта бастамау ұсынылады. Егер БОК қолдану мерзімінен бұрын тоқтатылмаған жағдайда, тромбозға қарсы ем жүргізу туралы мәселені қарастыру қажет • семіздік (дене салмағының индексі 30 кг / м 2-ден жоғары) Веналық тромбоздың пайда болуында веналар варикозының және беткейлік тамырлар тромбофлебитінің ықтимал рөлі туралы бірыңғай пікір жоқ. Келесі қауіп факторлары болған кезде артериялық тромбоэмболиялардың немесе ми қанайналым бұзылуларының асқыну қаупі артады: • жас ұлғайған сайын • шылым шегу (әсіресе 35 жастан асқан әйелдерде. 35 жастан асқан әйелдерге, егер олар БОК қабылдауды жоспарласа, шылым шегуден бас тартуға кеңес беріледі) • дислипопротеинемия • семіздік (дене салмағының индексі 30 кг / м 2-ден жоғары) • артериялық гипертензия • бас сақинасы • жүрек клапандарының аурулары • жүрекшелер фибрилляциясы • ауыр отбасылық анамнез (ата-анасында немесе жақын туыстарында жас кезінде болған артериялық тромбоз). Егер тұқым қуалайтын бейімділікке күдік туындаса, әйел қандай да бір гормондық контрацептивті қолдану туралы шешім қабылдамас бұрын маманмен кеңесуі керек. Циркуляторлық бұзылулармен байланысты басқа медициналық жағдайларға қант диабеті, жүйелі қызыл жегі, гемолиздік уремиялық синдром, ішектің созылмалы қабыну ауруы жатады (мысалы, Крон ауруы немесе ойық жаралы колит) және орақ жасушалы анемия жатады. Босанғаннан кейінгі кезеңде тромбоэмболия қаупінің жоғарылауын ескеру қажет. БОК қолданған кезде бас сақинасы жиілігі мен ауырлығының жоғарылауы (бұл цереброваскулярлық асқынулардың продромальді белгісі болуы мүмкін) Зоели препаратын қолдануды дереу тоқтатуға себеп болуы мүмкін. Тромбоздың ықтимал симптомдары пайда болған жағдайда, БОК қолданатын әйелдер емдеуші дәрігерге жүгіну керек. Күдікті немесе расталған тромбоз кезінде БОК қолдануды тоқтату керек. Бұл жағдайда антикоагулянттардың (кумариндердің) тератогенділігін ескере отырып, тиісті контрацепцияны бастау/бастамалау қажет. Артериялық тромбоэмболияның симптомдары Симптомдар пайда болған жағдайда әйелдерге шұғыл медициналық көмекке жүгінуге және медициналық маманға КГК қабылдап жатқанын хабарлауға кеңес беру керек. Ми қанайналымы бұзылуының симптомдары мыналарды қамтуы мүмкін: - беттің, қолдың немесе аяқтың кенеттен ұюы немесе әлсіздігі, әсіресе дененің бір жағында; - жүрудің кенеттен қиындауы, бас айналуы, тепе-теңдіктің немесе бағдардың жоғалуы; - кенеттен сананың шатасуы, сөйлеу немесе түсіну қиындықтары; - бір немесе екі көзде кенеттен көру қабілетінің нашарлауы; - белгілі себепсіз кенеттен, қатты немесе ұзаққа созылған бас ауыруы; - ұстамамен немесе онсыз есеңгіреу немесе естен тану. Уақытша симптомдар оқиғаның транзиторлы ишемиялық шабуыл (ТИШ) екенін көрсетеді. Миокард инфарктісінің (МИ) симптомдары мыналарды қамтуы мүмкін: - кеудедегі, қолдағы немесе төс сүйегінің астындағы ауыру, жайсыздық, қысым, ауырлық, қысу немесе толу сезімі; - арқада, жақ сүйекте, тамақта, қолда, іште сезілетін жайсыздық; - толып кету, асқазанның қорытпау немесе тұншығу сезімі; - тершеңдік, жүрек айну, құсу немесе бас айналу; - қатты әлсіздік, мазасыздық немесе ентігу; - жылдам немесе тұрақты емес жүрек соғысы. Ісіктер Адамның папиллома вирусының (АПВ-инфекциясы) персистенциясы жатыр мойны обырының анағұрлым маңызды даму қауіп факторы болып табылады. Эпидемиологиялық деректерге сәйкес, құрамында этинилэстрадиол бар БОК ұзақ уақыт қолданатын (>5 жыл) әйелдерде жатыр мойны обырының даму қаупінің жоғарылауы анықталды, алайда, осы уақытқа дейін жатыр мойнының скринингтік тексерулерінің артуы және сексуалдық мінез-құлықтағы айырмашылық, соның ішінде контрацепцияның бөгет әдістерін қолдану немесе олардың өзара байланысы сияқты әртүрлі факторлар жиынтығының осы деректерге әсер ету дәрежесіне қатысты белгісіздік бар. Жоғары дозалы БОК (50 мкг этинилэстрадиол) қолдану эндометрий мен аналық без обырының туындау қаупін азайтады. Мұның құрамында 17β- эстрадиол бар контрацептивтерге қатысты әділ болуы-болмауы белгісіз. 54 эпидемиологиялық зерттеулердің деректерін мета-талдау кезінде БОК қабылдайтын әйелдерде сүт безі обырының даму қаупінің салыстырмалы қаупі (СҚ=1.24) біршама жоғарылағаны анықталды. БОК жойылғаннан кейін бұл қауіп 10 жыл ішінде біртіндеп жоғалады. Әдетте, БОК сүт безі обырының даму қаупі төмен болып табылатын, 40 жасқа дейінгі әйелдерде қолданылады, сондықтан БОК қабылдайтын пациенттерде аурудың дамуы жалпы популяциядан сәл өзгеше. БОК қабылдаған әйелдерде диагностикаланған сүт безінің обыры ешқашан БОК қабылдамаған әйелдермен салыстырғанда клиникалық тұрғыдан аз байқалады. Орта есеппен 10.9 жыл бақылауда болған 1.8 миллион даниялық әйелден жиналған эпидемиологиялық деректерге сәйкес, БОК қабылдаған әйелдерде сүт безі обырының салыстырмалы даму қаупі (СҚ) ешқашан БОК қабылдамаған әйелдермен салыстырғанда БОК қабылдау ұзақтығына байланысты жоғарылағаны көрсетілген (жалпы көрсеткіш СҚ=1.19; СҚ көрсеткіші 1 жылдан 5 жылға дейін қабылдау кезінде 1.17-ден, 10 және одан да көп жыл қолданғаннан кейін 1.46 - ға дейін өзгерді). Абсолютті қауіптің төмендеуі (бұрын БОК қабылдағандармен немесе қабылдап жатқандармен салыстырғанда ешқашан БОК қабылдамаған әйелдер арасындағы сүт безінің обыры жағдайлар саны) шамалы болды: 100 000 әйел-жылға 13. Эпидемиологиялық деректер себеп-салдарлық байланыстың болуын растамайды. Сүт безі обырының даму қаупінің жоғарылау үрдісі БОК қабылдаған әйелдерде сүт безі обырының диагнозы ертерек қойылатындығына, сондай-ақ БОК биологиялық әсерлеріне немесе осы екі фактордың жиынтығына байланысты болуы мүмкін. БОК қолданатын әйелдерде құрсақ қуысынан ауыр қан кетуді туындататын бауырдың қатерсіз немесе қатерлі ісіктерінің дамуы туралы жекелеген есептер бар. Сондықтан, іштің жоғарғы бөлігіндегі жедел ауырсынуды, бауырдың ұлғаюын немесе БОК қолданатын әйелдерде құрсақ қуысынан қан кету белгілерін анықтаған кезде бауыр ісігін жоққа шығару керек. Менингиома Номегестрол ацетатын қолдануға байланысты, әсіресе жоғары дозаларда және ұзақ уақыт бойы (бірнеше жыл) менингиоманың (жалғыз және көптеген) пайда болуы туралы хабарланды. Пациенттерді клиникалық тәжірибеге сәйкес менингиома белгілері мен симптомдарының болуын бақылау керек. Егер пациентке менингиома диагнозы қойылса, сақтық шарасы ретінде құрамында номегестрол ацетаты бар кез келген емдеуді тоқтату керек. Номегестролды ацетатпен емдеуді тоқтатқаннан кейін менингиома қаупі төмендеуі мүмкін екендігі туралы кейбір деректер бар. С гепатиті С гепатитін емдеуге арналған рибавиринмен немесе онсыз дасабувир және омбитасвир/паритапревир/ритонавир біріктірілген препараты қолданылған клиникалық сынақтар барысында этинилэстрадиол бар препараттарды, мысалы, біріктірілген гормондық контрацептивтерді (БГК) қолданатын әйелдерде АЛТ деңгейінің қалыптың жоғарғы шегінен 5 еседен астам жоғарылауы айтарлықтай жиі байқалды. Сонымен қатар, глекапревирмен/пибрентасвирмен немесе софосбувир/ велпатасвир /воксилапревирмен емделген пациенттерде құрамында БГК сияқты этинилэстрадиол бар препараттарды қабылдаған әйелдерде АЛТ деңгейінің жоғарылауы байқалды. Эстрогендік компоненті ретінде құрамында этинилэстрадиол емес, мысалы, эстрадиол және рибавиринмен немесе онсыз дасабувир және омбитасвир/паритапревир/ритонавир бар дәрілік препараттарды қабылдайтын әйелдерде АЛТ деңгейінің жоғарылау жиілігі эстрогенді қабылдамайтын әйелдерде байқалғанға ұқсас, алайда мұндай эстрогендерді әйелдердің шектеулі саны алатындығына байланысты келесі біріктірілген емдеу режимдерін бір мезгілде тағайындауға сақтықпен қарау керек: рибавиринмен немесе онсыз дасабувир және омбитасвир/паритапревир/ритонавирмен, глекапревир/пибрентасвир немесе софосбувир/ велпатасвир /воксилапревирмен. Басқа жағдайлар Панкреатиттің даму қаупі гипертриглицеридемиясы бар немесе отбасылық анамнезінде осындай жағдай бар әйелдерде БОК қолдану кезінде артады. БОК қолданатын әйелдерде артериялық қысымның жоғарылауы клиникалық маңызды көрсеткіштерге сирек жетеді. Қазіргі уақытта БОК қолдану мен артериялық гипертензияның дамуы арасында байланыс анықталмаған. Алайда, егер БОК қолдану кезінде тұрақты гипертензия пайда болса, БОК қолдануды уақытша тоқтатып, артериялық гипертензияны емдеу керек. Артериялық қысым қалыпқа келгеннен кейін БОК қолдану қайта басталуы мүмкін. Жүктілік кезінде де, БОК қолдану кезінде де келесі аурулар пайда болуы мүмкін: холестаздан туындаған сарғаю және/немесе қышыну, өт қабында тастардың қалыптасуы, порфирия, жүйелі қызыл жегі, гемолиздік-уремиялық синдром, Сиденгам хореясы (кіші хорея), жүктілер герпесі, отосклероз салдарынан естімей қалу, тұқым қуалайтын ангионевроздық ісіну. БОК қолдану мен осы аурулардың дамуы арасындағы байланыс анықталмаған. Тұқым қуалайтын ангионевроздық ісінуі бар әйелдерде экзогендік эстрогендер ангионевроздық ісіну симптомдарын туындатуы немесе нашарлатуы мүмкін. Бүйрек функциясының бұзылуы. Бүйрек функциясы бұзылған пациенттерге қатысты деректер жоқ, мұндай жағдайларда номегестрол ацетаты мен эстрадиолдың шығарылуы айтарлықтай өзгермейді деп болжануда. Бауыр функциясының бұзылуы. Бауыр функциясы бұзылған пациенттердің қатысуымен зерттеулер жүргізілген жоқ. Бауыр ауруының ауыр түрлерімен ауыратын пациенттерде стероидты гормондардың метаболизмі нашарлауы мүмкін болғандықтан, мұндай әйелдерге бауыр функциясының көрсеткіштері қалыпқа келгенше Зоели препаратын қолдану көрсетілмеген. Бауыр функциясының жедел немесе созылмалы бұзылулары кезінде бауыр функциясының көрсеткіштері қалыпқа келгенге дейін БОК қолдануды тоқтату қажет. Жүктілік кезінде немесе жыныс стероидтерін бұрын қолданғанда алғаш рет пайда болған холестаздық сарғаюдың қайталануы БОК қолдануды тоқтатуды талап етеді. БОК инсулинге деген шеткері резистенттілікке және глюкоза көтере алмаушылығына әсер етуі мүмкін болса да, төмен дозалы БОК (құрамында <0.05 мг этинилэстрадиол бар) қолданатын қант диабетімен ауыратын науқастарды емдеу режимін өзгертуге негіз жоқ. Алайда, қант диабетімен ауыратын әйелдер БОК қолдану кезінде, әсіресе қолданудың алғашқы айларында мұқият бақылауды қажет етеді. Зоели препараты дені сау әйелдерде инсулинге деген шеткері резистенттілікке және глюкоза көтере алмаушылығына әсер етпеді. Крон ауруы, ойық жаралы колит және депрессияның ушығуы БОК қолданумен байланысты. Кейде хлоазма пайда болуы мүмкін, әсіресе анамнезде жүкті әйелдердің хлоазмасы бар әйелдерде. Хлоазмаға бейім әйелдер БОК қолдану кезінде күн мен ультракүлгін сәулелердің әсерінен аулақ болу керек. Галактоза көтере алмаушылығы, Лапп лактаза тапшылығы немесе глюкоза- галактоза мальабсорбциясы сияқты сирек кездесетін тұқым қуалайтын аурулары бар пациенттер бұл препаратты қабылдамауы керек. Депрессиялық көңіл-күй мен депрессия гормондық контрацептивтерді қолдану кезіндегі жалпыға мәлім жағымсыз салдары болып табылады. Депрессия ауыр болуы мүмкін және суицидтік мінез-құлық пен суицидтің белгілі қауіп факторы болып табылады. Көңіл-күй өзгерген жағдайда және емдеу басталғаннан кейін депрессия симптомдары пайда болған жағдайда әйелдерге мүмкіндігінше тезірек дәрігерге қаралуға кеңес беру керек. Медициналық тексеру/кеңес беру. Зоели препаратын қолдануды бастамас бұрын немесе қайта бастамас бұрын толық медициналық тексеруден өту керек (оның ішінде отбасылық анамнез) және жүктілікті жоққа шығару керек. Артериялық қысымды өлшеп, қолдануға болмайтын жағдайлар мен сақтық шараларын ескере отырып, медициналық тексеру жүргізу керек. Сондай-ақ, әйел қолдану жөніндегі нұсқаулықты мұқият оқып, ұсынымдарды ұстану қажеттілігін көрсетуі керек. Әрі қарай ұдайы бақылаудың жиілігі мен сипаты белгіленген практикалық стандарттарға байланысты болуы керек және әр әйел үшін жеке таңдалуы керек. Әйелге пероральді контрацептивтер АИТВ-инфекциясынан (ЖИТС) және басқа жыныстық жолмен берілетін аурулардан қорғамайтынын еске салу керек. Тиімділіктің төмендеуі. КОК тиімділігі препаратты өткізіп алған, асқазан- ішек жолы тарапынан бұзылулары немесе номегестрол ацетатының плазмалық концентрациясын төмендететін дәрілік препараттарды қабылдаған жағдайда төмендеуі мүмкін (Басқа дәрілік препараттармен өзара әрекеттесу бөлімін қараңыз). Оралымды бақылау. Кез-келген БОК қабылдау кезіндегідей, әсіресе алғашқы бірнеше айда құйылып қан кету немесе жағынды бөліністер пайда болуы мүмкін. Демек, жүйесіз қан кету кезінде тексеру жүргізу бейімделу кезеңінен кейін ғана негізделген (шамамен 3 оралым). Бейімделу кезеңінен кейін ациклді қан кетуді бастан кешіретін Зоели препаратын қолданатын әйелдердің пайызы 15% - дан 20% - ға дейін ауытқиды. Егер жүйесіз қан кету сақталса немесе алдыңғы тұрақты оралымдардан кейін пайда болса, гормондық емес себептерді болжап, қатерлі ісікті немесе жүктілікті жоққа шығару үшін диагностикалық зерттеулер жүргізу қажет. Диагностикалық қырып тазарту қажет болуы мүмкін. Зоели препаратын қолданатын әйелдерде етеккірлік қан кетудің ұзақтығы орта есеппен 3-4 күнді құрайды. Зоели препаратын қабылдаған кейбір әйелдер жүкті болмаса да, сары плацебо таблеткаларын қабылдау кезінде қан кетудің болмағанын атап өтті. Егер әйел Зоели препаратын нұсқаулыққа сәйкес қабылдаса, жүктіліктің басталу ықтималдылығы аз. Егер Зоели препаратын қабылдау жөніндегі ұсынымдар бұзылса немесе қатарынан екі оралым бойы қан кету болмаса, Зоели препаратын қолдануды жалғастырмас бұрын жүктілікті жоққа шығару керек. Педиатрияда қолдану Балаларда қолдану ұсынылмайды. Жүктілік кезінде. Жүктілік кезінде Зоели препаратын қолдану көрсетілмеген. Егер жүктілік Зоели препаратын қолдану кезеңінде пайда болса, препаратты қабылдауды тоқтату керек. Эпидемиологиялық зерттеулердің көпшілігінде, егер әйел құрамында этинилэстрадиол бар БОК қолданған болса, балада туа біткен патологияның даму қаупінің жоғарылауы байқалмады, сондай-ақ егер әйел мұндай препараттарды жүктіліктің басында байқаусызда қабылдаған болса, тератогендік әсерлер байқалмады. Лактация кезеңінде. БОК қолдану лактацияға әсер етуі мүмкін, себебі бұл препараттар емшек сүтінің мөлшерін азайтады және құрамын өзгертеді, бала емізуді тоқтатқанға дейін БОК қолдану ұсынылмайды; бала емізетін әйелдерге контрацепцияның баламалы әдістерін ұсыну керек. Контрацептивті стероидтер және/немесе олардың метаболиттері аз мөлшерде емшек сүтімен бөлінуі мүмкін, бірақ олардың баланың денсаулығына әсері туралы деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Зоели препаратының автокөлікті басқару және басқа механизмдермен жұмыс істеу қабілетіне әсері туралы зерттеулер жүргізілген жоқ. Алайда, БОК қабылдаған әйелдерде көлік пен механизмдерді басқару қабілетіне әсер байқалмады.

Нұсқаулықта көрсетілмеген.

Ескертпе: ықтимал өзара әрекеттесуді жоққа шығару үшін қатарлас препараттарды қолдану жөніндегі нұсқаулықпен танысу қажет. Зоели препаратына басқа дәрілік заттардың әсері Пероральді контрацептивтер мен ферменттерді индукциялайтын препараттар арасындағы өзара әрекеттесу құйылып қан кетуге немесе контрацепцияның тиімсіздігіне әкелуі мүмкін. Бауыр метаболизмі: микросомальді ферменттерді индукциялайтын препараттармен, әсіресе цитохром P450 (CYP) ферменттерімен өзара әрекеттесуі мүмкін, бұл қан плазмасындағы жыныс гормондарының концентрациясын төмендету арқылы жыныс гормондары клиренсінің жоғарылауына және біріктірілген оральді контрацептивтердің, соның ішінде Зоели препараты тиімділігінің төмендеуіне әкелуі мүмкін. Бұл препараттарда фенитоин, фенобарбитал, примидон, бозентан, карбамазепин, рифампицин, құрамында шайқурай бар препараттар және окситоцин, топирамат, фелбамат, гризеофулвин және АИТВ-протеаза тежегіштері бар препараттар болуы мүмкін (мысалы, ритонавир және нелфинавир), нуклеозидті емес кері транскриптаза тежегіштері (мысалы, невирапин және эфавиренц). Ферменттердің индукциясы емдеу курсы басталғаннан кейін бірнеше күн өткен соң пайда болуы мүмкін. Ферменттердің ең жоғары индукциясы әдетте бірнеше апта ішінде байқалады. Дәрілік ем тоқтатылғаннан кейін ферменттердің индукциясы шамамен 28 күнге созылуы мүмкін. АИТВ протеаза тежегіштері (мысалы, ритонавир) және нуклеозидті емес кері транскриптаза тежегіштері (мысалы, невирапин) және/немесе С гепатиті вирусын емдеуге арналған препараттармен біріктірілімдер (мысалы, боцепревир, телапревир) прогестиндердің, оның ішінде этоногестрелдің немесе қан плазмасындағы эстрогендердің концентрациясын жоғарылатуы немесе төмендетуі мүмкін. Кейбір жағдайларда бұл өзгерістердің жалпы әсері клиникалық тұрғыдан маңызды болуы мүмкін. Жоғарыда аталған бауыр ферменттерін индукциялайтын дәрілік немесе өсімдік тектес препараттардың кез келгенін алатын әйелдерге Зоели препаратының тиімділігін төмендетуге болатынын хабарлау керек. Микросомальді ферменттерді индукциялайтын препараттарды қатар қабылдау кезінде және оларды тоқтатқаннан кейін 28 күн ішінде контрацепцияның бөгет әдісін қолдану керек. Егер Зоели пероральді контрацептивінің қаптамасын қабылдаудың соңында қатарлас препаратты қабылдау басталса, Зоели препаратының келесі қаптамасы әдеттегі қабылдау үзілісінсіз басталуы тиіс. Бауыр ферменттеріне әсер ететін дәрілік препараттарды ұзақ уақыт қабылдаған әйелдерде контрацепцияның басқа әдістерін қолдануды қарастыру қажет. CYP3A4 цитохромының күшті тежегіштерін (мысалы, кетоконазол, итраконазол, кларитромицин) немесе орташа тежегіштерін (мысалы, флуконазол, дильтиазем, эритромицин) бірге қолдану плазмадағы жыныс гормондары концентрациясының жоғарылауына әкеп соғуы мүмкін. Зоели препаратының басқа препараттармен өзара әрекеттесуіне зерттеу жүргізілген жоқ. Менопаузадағы әйелдерде рифампицин мен кетоконазолдың эстрадиолмен ең жоғары дозада (3.75 мг номегестрол ацетаты + 1.5 мг эстрадиол) біріктірілген номегестрол ацетатымен өзара әрекеттесуі зерттелді. Рифампицинді бір мезгілде қабылдау номегестрол ацетатының AUC0-∞ деңгейін 95%-ға төмендетеді және эстрадиолдың AUC0-tlast деңгейін 25% - ға арттырады. 200 мг кетоконазолдың бір реттік дозасын бір мезгілде қабылдау эстрадиолдың метаболизмін өзгертпейді, ал клиникалық маңыздылығы жоқ номегестрол ацетатының ең жоғары концентрациясының (85%) және AUC0-∞ (115%) жоғарылауы байқалды. Постменопаузадағы әйелдерді зерттеу нәтижесінде алынған нәтижелер бала туу жасындағы әйелдерге де қатысты болуы мүмкін. Зоели препаратының басқа дәрілік заттарға әсері Гормондық контрацептивтер басқа дәрілік заттардың метаболизміне әсер етуі мүмкін. Тиісінше, препараттың плазма мен тіндердегі концентрациясы жоғарылауы (мысалы, циклоспорин) немесе төмендеуі мүмкін. Басқа өзара әрекеттесулер Тікелей әсер ететін вирусқа қарсы препараттар (DAAs) және құрамында этинилэстрадиол бар дәрілік заттар, мысалы, БГК СГВ емдеу режиміне арналған құрамында рибавиринмен немесе онсыз дасабувир және омбитасвир/паритапревир/ритонавир біріктірілген препараты қолданылған клиникалық зерттеулер барысында этинилэстрадиол бар препараттарды, мысалы, БГК қолданатын әйелдерде АЛТ белсенділігінің қалыптың жоғарғы шегінен (ҚЖШ) 5 еседен астам жоғарылауы айтарлықтай жиі байқалды. Сонымен қатар, глекапревир/пибрентасвир немесе софосбувир/велпатасвир/воксилапревирмен емделген пациенттерде құрамында БГК сияқты этинилэстрадиол бар препараттарды қабылдаған әйелдерде АЛТ деңгейінің жоғарылауы байқалды. Эстрогендік компоненті ретінде құрамында этинилэстрадиол емес, мысалы, эстрадиол және рибавиринмен немесе онсыз дасабувир және омбитасвир/паритапревир/ритонавир бар дәрілік препараттарды қабылдайтын әйелдерде АЛТ деңгейінің жоғарылау жиілігі эстрогенді қабылдамайтын әйелдерде байқалғанға ұқсас, алайда мұндай эстрогендерді әйелдердің шектеулі саны алатындығына байланысты келесі біріктірілген емдеу режимдерін бір мезгілде тағайындауға сақтықпен қарау керек: рибавиринмен немесе онсыз дасабувир және омбитасвир/паритапревир/ритонавир, глекапревир/ пибрентасвир немесе софосбувир/ велпатасвир/ воксилапревирмен. Зертханалық тесттер БОК қолдану кейбір зертханалық тесттердің нәтижелеріне әсер етуі мүмкін, оның ішінде бауыр, қалқанша без, бүйрекүсті безі және бүйрек функциясының биохимиялық көрсеткіштері, қан плазмасындағы ақуыздардың (тасымалдаушылардың) деңгейі, кортикостероид-байланыстыратын глобулин және липидтер/липопротеиндер фракциялары, көмірсу алмасуының көрсеткіштері, сондай-ақ қан ұюы мен фибринолиз көрсеткіштері. Әдетте, зертханалық көрсеткіштердің өзгеруі қалыпты мәндер шегінде қалады.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 30 °C-ден аспайтын температурада сақтау керек. Балалардың қолы жетпейтін жерде сақтау керек!