ЗОКСИ таблетки 500 мг

Бір таблетканың құрамында белсенді заттар: азитромицин дигидраты 524,1 мг азитромицинге шаққанда 500 мг, қосымша заттар: сусыз кальций гидрофосфаты, натрий лаурилсульфаты, натрий кроскармеллозасы, желатинденген крахмал, магний стеараты, Opadry үлбірлі қабығы, White (гипромеллоза, титанның қостотығы (E 171)) Сыртқы түрінің, иісінің, дәмінің сипаттамасы Үлбірлі қабықпен қапталған, ақ түсті, сопақша пішінді, бір жағында «5» бедері бар, бір жағында бөлуге арналған сызығы және екінші жағында «AZI» бедері бар таблеткалар.

Азитромицинге сезімтал микроорганизмдерден туындаған инфекциялар: - жоғарғы тыныс алу жолдарының, мұрынның қосалқы қойнауларының және ортаңғы құлақтың инфекцияларында (бактериялық фарингит, тонзиллит, синусит, ортаңғы отит) - төменгі тыныс алу жолдарының инфекцияларында (бактериялық бронхит, ауруханадан тыс пневмония) - тері мен жұмсақ тіндердің инфекцияларында - жыныстық жолмен берілетін инфекцияларда (Chlamydia trachomatis және Neisseria gonorrhoeae туындатқан асқынбаған гениталий инфекцияларында). Клиникаға дейінгі зерттеулерге сәйкес, азитромицин жыныстық жолмен берілетін көптеген инфекцияларға қарсы тиімді болып табылады.

ATХ коды J01F A10 Әсер ету механизмі Азитромицин азалидтер тобына жататын макролидті антибиотик болып табылады. Молекула А эритромициннің лактондық сақинасына азот атомын енгізу нәтижесінде қалыптасады. Азитромициннің әсер ету механизмі рибосомалардың 50 S-қосалқы бірлігімен байланыстыру есебінен бактериялық ақуыз синтезін басудан және рибосоманың бір қосалқы бірлігінен екіншісіне пептидтік тізбектердің транслокациясын бәсеңдетуден тұрады. AUC/MIC арақатынасы азитромициннің тиімділігімен байланысты негізгі фармакокинетикалық/ фармакодинамикалық параметр болып табылады. Фармакодинамикалық әсерлері Сезімталдықтың бақылау көрсеткіштері: EUCAST жариялаған азитромицинге тән бактериялардың сезімталдығын тексеру көрсеткіштері Микроорганизмдер — MIC бақылау мәндері (мг/л) Сезімтал (S≤) — Резистентті (R>) Staphylococcus spp. — 1 — 2 Streptococcus groups A, B, C and G — 0,25 — 0,5 Streptococcus pneumoniae — 0,25 — 0,5 Haemophilus influenzae — 0,125 — 4 Moraxella catarrhalis — 0,25 — 0,5 Neisseria gonorrhoeae — 0,25 — 0,5 Қоздырғыштардың азитромицинге сезімталдығы. Азитромициннің микробқа қарсы әсер ету ауқымы: Аэробты грамоң микроорганизмдер Staphylococcus aureus Methycillin-susceptible Streptococcus pneumoniae Penicillin-susceptible Streptococcus pyogenes* (Group A) Аэробты грамтеріс микроорганизмдер Haemophilus influenzae Haemophilus parainfluenzae Legionella pneumophila Moraxella catarrhalis Neisseria gonorrhoeae Pasteurella multocida Анаэробты микроорганизмдер Clostridium perfringens Fusobacterium spp. Prevotella spp. Porphyromonas spp. Басқа микроорганизмдер Chlamydia trachomatis Жүре пайда болған төзімділік проблема болуы мүмкін түрлер Аэробты грамоң микроорганизмдер Streptococcus pneumoniae Penicillin-intermediate Penicillin-resistant Табиғи төзімді организмдер Аэробты грамоң микроорганизмдер Enterococcus faecalis Staphylococci MRSA, MRSE* Анаэробты микроорганизмдер Bacteroides fragilis group **Метициллинге төзімді алтын стафилококк макролидтерге төзімділіктің өте жоғары таралымына ие және азитромицинге сирек сезімталдығына байланысты осы жерде атап өтілді. Жүре пайда болған резистенттіліктің таралуы географиялық жағынан өзгеруі мүмкін және уақыт өте келе кейбір штамдар үшін өзгеруі мүмкін. Микроорганизмдердің резистенттілігі туралы жергілікті ақпаратты әрдайым ескеру қажет, әсіресе ауыр инфекцияларды емдеуде. Қажет болған жағдайда, резистенттіліктің жергілікті таралуы препараттың пайдасына күмән туғызатын болса, сараптамалық кеңестер бойынша жүгіну керек. Резистенттілікпен проблемалары бар қоздырғыштар: кемінде Еуропалық Одақтың бір елінде ≥ 10% резистенттілігімен қоздырғыш штаммдарының салыстырмалы саны. Резистенттілік механизмі. Бактериялардың макролидтерге резистенттілігінің үш түрлі механизмі туралы хабарланды. Олар препараттың әсер ету орнының өзгеруі, антибиотиктің модификациясы немесе антибиотик транспорты өзгеруі (эффлюкс) арқылы жүзеге асырылады. Стрептококктарда (M фенотипі) MEF гендерінің көмегімен эффлюкс механизмі іске асырылады, бұл макролидтерге резистенттілікке әкеледі. Препараттың әсер ету орнының өзгеруі метилазаны кодтайтын ERM-гендердің есебінен жүзеге асырылады. Streptococcus pneumoniae, А тобындағы бета-гемолитикалық стрептококк, Enterococcus faecalis және Staphylococcus aureus, соның ішінде метициллинрезистентті алтын түстес стафилококк (MRSA) арасында, эритромицинге, азитромицинге, басқа макролидтер мен линкозамидтерге толық айқаспалы резистенттілік бар. Пенициллинге сезімтал Streptococcus pneumoniae, Streptococcus pneumoniae пенициллинге резистентті штаммдарына қарағанда азитромицинге сезімтал. Метициллинге резистентті алтын стафилококк (MRSA) метициллинге сезімтал алтын стафилококқа (MSSA) қарағанда азитромицинге аз сезімтал болады. Микробиологиялық зерттеулерге сәйкес, Streptococcus pyogenes, Haemophilus influenzae және Enterobacterciae екеуі де in vitro және in vivo модельдерінде белсенді заты бар 9 сублетальді пассаждан кейін сирек дамыды. Жүре пайда болған резистенттіліктің таралуы таңдалған түрлер үшін аймаққа және уақытқа байланысты әр түрлі болуы мүмкін, сондықтан резистенттілік туралы жергілікті ақпарат әсіресе ауыр инфекцияларды емдеуде қажет. Егер резистенттіліктің жергілікті таралуы инфекцияның кем дегенде кейбір түрлерін емдеудегі препараттың тиімділігіне күмән болса, қажет болған жағдайда білікті кеңес алуға болады.

Дозалау режимі Ересектер мен дене салмағы ≥45 кг балалар. Курстық доза әдетте 1500 мг құрайды және 3 күн ішінде тәулігіне 500 мг қабылдау үшін тағайындалады. Chlamydia trachomatis туындатқан асқынбаған уретритті немесе цервицитті емдеу жағдайында препаратты 1000 мг дозада бір рет қабылдау керек. Созды емдеу кезінде ұсынылған курстық доза қолданыстағы клиникалық нұсқауларға сәйкес 250 мг немесе 500 мг цефтриаксон тағайындаумен бірге 1000 мг немесе 2000 мг құрайды. Цефалоспориндерге немесе пенициллиндерге аллергиясы бар пациенттерге баламалы емдеу режимі тағайындалуы керек. Пациенттердің ерекше топтары Егде жастағы пациенттер. Егде жастағы адамдарда дозаны өзгерту қажет емес. Бүйрек функциясы бұзылған пациенттер. Бүйрек функциясының елеусіз бұзылулары бар пациенттер үшін (шумақтық сүзілу жылдамдығы 10-80 мл / мин) бүйрек функциясы қалыпты пациенттерге арналған бірдей дозалауды қолдануға болады. Азитромицинді бүйрек функциясының ауыр бұзылулары бар (шумақтық сүзілу жылдамдығы <10 мл/мин) пациенттерге сақтықпен тағайындау қажет. Бүйректің күрделі дисфункциясына шалдыққан пациенттерде (шумақтық сүзілу жылдамдығы <10 мл / мин) азитромицинмен жүйелік экспозицияның 33%-ға ұлғаюы байқалды. Бауыр функциясы бұзылған пациенттер. Азитромицин бауырда метаболизденетіндіктен және өтпен шығарылатындықтан, препаратты бауыр функциясының ауыр бұзылыстарына шалдыққан пациенттерге қолдануға болмайды. Азитромицин қолданылған осындай пациенттерді емдеуге байланысты зерттеулер жүргізілген жоқ. Балалар. Препарат дене салмағы 45 кг-ден аз балаларға қолданылмайды. Енгізу әдісі мен жолы Препарат ішке тағайындалады. Қабылдау уақыты көрсетілген қолдану жиілігі ЗОКСИ препаратын тұтынатын тағамға қарамастан, тәулігіне бір рет белгілі бір дозада қабылдау керек. Таблеткаларды шайнамай, жарты стақан суды іше отырып, жұту керек. Емдеу ұзақтығы Препаратты қабылдау ұзақтығы - жоғарыда көрсетілген инфекцияларға байланысты. Дәрілік препараттың бір немесе бірнеше дозасын өткізіп алған кезде қажетті шаралар Препараттың 1 дозасын қабылдауды өткізіп алған жағдайда өткізіп алған дозаны мүмкіндігінше ертерек, ал кейінгілерін - 24 сағат аралықпен қабылдау қажет. Тоқтату симптомдары қаупінің болуын көрсету Препарат дағдылануды туындатпайды және тоқтату симптомдары жоқ.

Азитромицинге, эритромицинге, макролидтер / кетолидтер тобындағы антибиотиктерге немесе препараттың кез келген қосымша заттарына аса жоғары сезімталдық. Эрготизмнің теориялық мүмкіндігіне байланысты азитромицинді қастауыш туындыларымен бір уақытта тағайындауға болмайды.

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес). Жағымсыз реакциялар болуы мүмкін немесе клиникалық зерттеулерде және маркетингтен кейінгі бақылау кезеңінде алынған мәліметтер негізінде азитромицинмен байланысты болуы мүмкін. Инфекциялар мен инвазиялар Жиі емес кандидоз, оральді кандидоз, қынаптық инфекциялар, пневмония, зеңдік инфекция, бактериялық инфекция, фарингит, гастроэнтерит, тыныс алу функциясының бұзылуы, ринит Белгісіз жалған жарғақшалық колит Қан және лимфа жүйесі тарапынан бұзылулар Жиі емес лейкопения, нейтропения, эозинофилия Белгісіз тромбоцитопения, гемолиздік анемия Иммундық жүйе тарапынан бұзылулар Жиі емес ангионевроздық ісіну, жоғары сезімталдық реакциялары Белгісіз анафилаксиялық шок Зат алмасу тарапынан бұзылулар Жиі анорексия (тәбеттің болмауы) Психика тарапынан бұзылулар Жиі емес күйгелектік, ұйқысыздық Сирек ажитация Өте сирек озбырлық, мазасыздық, делирий, елестеулер Жүйке жүйесі тарапынан бұзылулар Жиі бас ауыруы Жиі емес бас айналу, ұйқышылдық, парестезия, дисгевзия Белгісіз естен тану, құрысулар, психомоторлы белсенділіктің жоғарылауы, аносмия, паросмия, агевзия, миастения гравис, гипестезия Көру мүшелері тарапынан бұзылулар Жиі көру бұзылыстары Есту мүшесі тарапынан бұзылулар Өте сирек кереңдік және/немесе құлақтың шыңылдауын қоса, есту қабілетінің бұзылуы Жиі емес есту қабілетінің бұзылуы, вертиго Жүрек тарапынан бұзылулар Жиі емес пальпитация (жүрек қағуы) Өте сирек қарыншаның дірілдеуі-жыпылықтауы (torsade de pointes), аритмия, соның ішінде қарыншалық тахикардия, ЭКГ-дағы QT аралығының ұзаруы Қан тамырлары тарапынан бұзылулар Жиі емес ысынулар Өте сирек артериялық гипотензия Респираторлық жүйе тарапынан бұзылулар Жиі емес ентігу, мұрыннан қан кету Асқазан-ішек жолы тарапынан бұзылулар Өте жиі диарея, шаншулар, метеоризм, жүрек айнуы Жиі құсу, диспепсия Жиі емес гастрит, іш қату, дисфагия, іштің кебуі, ауыздың құрғауы, кекіру, ауыз қуысындағы ойық жаралар, сілекейдің гиперсекрециясы Өте сирек панкреатит, тілдің түсінің өзгеруі Бауыр және өт шығару жолдары тарапынан бұзылулар Сирек бауыр функциясының бұзылуы, холестаздық сарғаю Өте сирек бауыр жеткіліксіздігі (ол өліммен аяқталуға сирек әкелді), фульминантты гепатит, некроздық гепатит Тері және тері асты тіндері тарапынан бұзылулар Жиі емес бөртпе, қышыну, есекжем, дерматит, құрғақ тері, гипергидроз Сирек фотосезімталдық, жедел жайылған экзантематозды пустулез, эозинофилиямен және жүйелік симптомдармен препаратқа реакция (DRESS синдромы) Белгісіз Стивенс-Джонсон синдромы, уытты эпидермалық некролиз, полиморфтық эритема Қаңқа-бұлшықет жүйесі тарапынан бұзылулар Жиі емес остеоартрит, миалгия, арқаның ауыруы, мойынның ауыруы Белгісіз артралгия Бүйрек және несеп шығару жолдары тарапынан бұзылулар Жиі емес дизурия, бүйректің ауыруы Белгісіз бүйректің жедел жеткіліксіздігі, интерстициальді нефрит Ұрпақ өрбіту жүйесі және сүт бездері тарапынан бұзылулар Жиі емес жатырдан қан кету, тестикулярлық бұзылулар Жалпы бұзылыстар және енгізген жердегі реакциялар Жиі емес тез қажу, кеудедегі ауырсыну, ісіну, дімкәстік, астения, беттің ісінуі, гипертермия, ауырсыну, шеткері ісінулер Зертханалық көрсеткіштердің өзгеруі Жиі лейкоциттер санының төмендеуі, эозинофилдер санының жоғарылауы, қан бикарбонатының төмендеуі, базофилдер, моноциттер, нейтрофилдер деңгейінің жоғарылауы Жиі емес қандағы АсАТ, АлАТ, сілтілі фосфатаза, билирубин, мочевина, креатинин деңгейінің жоғарылауы, қан электролиттері көрсеткіштерінің өзгеруі, глюкоза деңгейінің жоғарылауы, тромбоциттер деңгейінің жоғарылауы, гематокрит деңгейінің төмендеуі, бикарбонат деңгейінің жоғарылауы, натрий деңгейінің нормадан ауытқуы Зақымдану және улану Жиі емес процедурадан кейінгі асқынулар Mycobacterium Avium Complex алдын алу және емдеумен байланысты болуы мүмкін жағымсыз реакциялар туралы ақпарат маркетингтен кейінгі кезеңдегі клиникалық сынақтар мен бақылаулар деректеріне негізделген. Бұл жағымсыз реакциялар түрі немесе жиілігі бойынша дереу босатылатын және ұзақ мерзімді әсер ететін дозаны қолдану кезінде хабарланғандардан ерекшеленеді: Метаболизм тарапынан бұзылулар және алиментарлық бұзылулар Жиі анорексия Жүйке жүйесі тарапынан бұзылулар Жиі бас айналуы, бас ауыруы, парестезия, дисгевзия; сирек: гипестезия Көру мүшелері тарапынан бұзылулар Жиі көру қабілетінің нашарлауы Есту мүшелері және лабиринт тарапынан бұзылулар Жиі кереңдік; Сирек есту қабілетінің нашарлауы, құлақтың шыңылдауы Жүрек жүйесі тарапынан бұзылулар Сирек жүректің жиі қағуы Ас қорыту жолы тарапынан бұзылулар Өте жиі диарея, іштің ауыруы, жүрек айнуы, метеоризм, асқазан-ішектік жайсыздық, жиі сұйық нәжіс Гепатобилиарлық жүйе тарапынан бұзылулар Сирек гепатит Тері және тері асты шелі тарапынан бұзылулар Жиі бөртпе, қышыну Сирек Стивенс-Джонсон синдромы, фотосезімталдық Қаңқа-бұлшықет және дәнекер тін тарапынан бұзылулар Жиі артралгия Енгізу орнындағы жалпы бұзылулар мен реакциялар Жиі қажудың жоғарылауы Сирек астения, дімкәстік Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Азитромицинді клиникалық қолдану тәжірибесі препараттың ұсынылғаннан жоғары дозаларын қабылдау кезінде дамитын жағымсыз әсерлердің әдеттегі емдік дозаларды қолдану кезінде байқалатын жағымсыз әсерлерге ұқсас болатынын көрсетеді, атап айтқанда: диареяны, жүрек айнуды, құсуды, естімей қалуды қамтуы мүмкін. Артық дозаланғанда, қажет болған жағдайда белсендірілген көмірді қабылдау және жалпы симптоматикалық әрі демеуші емдік іс-шараларды жүргізу ұсынылады.

ЗОКСИ препаратын тұтынатын тағамға қарамастан, тәулігіне бір рет белгілі бір дозада қабылдау керек. Таблеткаларды шайнамай, жарты стақан суды іше отырып, жұту керек. Препараттың 1 дозасын қабылдауды өткізіп алған жағдайда өткізіп алған дозаны мүмкіндігінше ертерек, ал кейінгілерін - 24 сағат аралықпен қабылдау қажет. Арнайы ескертулер Аса жоғары сезімталдық. Эритромицинмен және басқа макролидті антибиотиктермен болған жағдайдағыдай, ангионевроздық ісінуді және анафилаксияны (сирек жағдайларда - өліммен аяқталатын), жедел жайылған пустулезді псориазды (AGEP), Стивенс-Джонсон синдромын (SJS), уытты эпидермальді некролизді (TEN) (сирек өліммен аяқталады) және эозинофилия мен жалпы белгілері бар дәрілік бөртпе (DRESS). Азитромицин туындатқан кейбір реакциялар қайталанатын симптомдарды туындатты және ұзақ уақытқа созылған бақылау мен емдеуді қажет етті. Аллергиялық реакция туындаған жағдайда дәрілік затты қолдануды тоқтату және тиісті ем тағайындау керек. Дәрігерлер аллергия симптомдарының қайталанатын көріністеулері симптоматикалық емді тоқтатқаннан кейін пайда болуы мүмкін екенін білуі керек. Бауыр функциясының бұзылуы. Бауыр азитромициннің негізгі шығарылу жолы болғандықтан, бауырдың ауыр ауруларына шалдыққан пациенттерге азитромицинді мұқият тағайындау керек. Азитромицинді қабылдаған кезде өмірге қауіпті бауыр функциясының бұзылуына әкелетін фульминантты гепатит жағдайлары туралы хабарланды. Мүмкін, кейбір пациенттердің анамнезінде бауыр аурулары болған немесе олар басқа гепатоуытты дәрілік заттарды қолданған. Мысалы, астения, тез дамитын және сарғаюмен, күңгірт несеппен, қан кетуге бейімділікпен немесе бауыр энцефалопатиясымен қатар жүретін бауыр дисфункциясының белгілері мен симптомдары дамыған жағдайда, бауыр функциясының талдауын/сынамасын жүргізу қажет, бауыр сынамалары/зерттеулері дереу жүргізілуі керек. Бауыр функциясының бұзылуы анықталған жағдайда азитромицин қолдануды тоқтату керек. Қастауыш туындылары. Макролидті антибиотиктерді бір мезгілде қолдану қастауыш туындыларын қабылдайтын пациенттерде эрготизмнің тез дамуына ықпал етеді. Қастауыш туындылары мен азитромицин арасындағы өзара әрекеттесу мүмкіндігі туралы деректер жоқ. Алайда, эрготизмнің теориялық мүмкіндігіне байланысты азитромицинді қастауыш туындыларымен бір уақытта тағайындауға болмайды. Суперинфекциялар. Басқа антибиотиктерді қолданған жағдайдағыдай, сезімтал емес организмдерден, оның ішінде зеңдерден туындаған суперинфекция белгілерін байқау ұсынылады. Айқаспалы сезімталдық. Эритромицинге төзімді грамоң штамдардың және метицилинорезистентті стафилококктардың көптеген штамдарының айқаспалы резистенттілігіне байланысты азитромицинді қолдану ұсынылмайды. Жергілікті эпидемиология мен сезімталдық схемасын ескеру қажет. Күрделі инфекция. Азитромицин ауыр инфекцияларды емдеуге арналмаған, мұнда қандағы антибиотиктің жылдам жоғары концентрациясына қол жеткізу керек. Clostridium difficile. Азитромицинді қоса, барлық дерлік бактерияға қарсы препараттарды қабылдаған кезде Clostridium difficile-астасқан диарея (CDAD) тіркелген, оның ауырлығы әлсіз айқын көрінген диареядан өліммен аяқталған колитке дейін ауытқыған. Бактерияға қарсы препараттармен емдеу жуан ішектегі қалыпты флораны өзгертеді, бұл C. difficile шамадан тыс өсуіне әкеледі. C. difficile A және B токсиндерді өндіреді, олар CDAD дамуына ықпал етеді. Токсиндерді аса қатты өндіретін C. difficile штаммдары ауру мен өлім деңгейінің жоғарылауының себебі болып табылады, өйткені бұл инфекциялар микробқа қарсы емге төзімді болуы және колэктомия жасауды қажет етуі мүмкін. Антибиотиктерді қолданудан туындаған диареясы бар барлық пациенттерде CDAD дамуы мүмкіндігін қарастыру қажет. Ауру тарихын мұқият жүргізу қажет, өйткені CDAD бактерияға қарсы препараттарды қабылдағаннан кейін 2 ай ішінде орын алуы мүмкін. Бүйрек функциясының бұзылуы. Бүйректің күрделі дисфункциясына шалдыққан пациенттерде (шумақтық сүзілу жылдамдығы <10 мл / мин) азитромицинмен жүйелік экспозицияның 33%-ға ұлғаюы байқалды. Азитромицинді бүйрек функциясының ауыр бұзылыстарына шалдыққан пациенттерге сақтықпен тағайындау қажет. Жүрек аритмиясының даму қаупін және қарыншалардың дірілдеуін - жыпылықтауын (torsade de pointes) жоғарылатқан жүрек реполяризациясы мен QT аралығының ұзаруы басқа макролидті антибиотиктермен, оның ішінде азитромицинмен емдеу кезінде байқалды. Қарыншалық аритмиялар (torsade de pointes қоса) қаупінің жоғарылауымен қатар жүретін жағдайлар жүректің тоқтап қалуына әкеп соғуы мүмкін болғандықтан, азитромицинді аритмия алдындағы жағдайы бар пациенттерге (әсіресе әйелдер мен егде жастағы пациенттерге), оның ішінде пациенттерге сақтықпен тағайындау керек: • туа біткен немесе тіркелген QT аралығы ұзарған; • QT аралығын ұзартатыны белгілі, басқа белсенді заттар, мысалы IA (квинидин және прокаинамид) және III (дофетилид, амиодарон және соталол) класының аритмияға қарсы препараттары, цизаприд және терфенадин, пимозид сияқты нейролептикалық препараттар; циталопрам сияқты антидепрессанттар, сондай-ақ моксифлоксацин және левофлоксацин сияқты фторхинолондар қолданылатын ем алатын; • электролит алмасуы бұзылған, әсіресе гипокалиемия және гипомагниемия жағдайында; • клиникалық тұрғыдан релевантты брадикардиясы, жүрек аритмиясы немесе ауыр жүрек жеткіліксіздігі. Миастения гравис. Миастения гравис симптомдарының өршуі және азитромицинмен ем қабылдайтын пациенттерде миастения синдромының жаңа дамуы туралы хабарланды. Ұзақ қолдану. Жоғарыда көрсетілген көрсетілімдер бойынша азитромицинді ұзақ уақыт қолданудың қауіпсіздігі мен тиімділігі бойынша тәжірибе жоқ. Тез қайталанатын инфекциялар үшін басқа антибиотиктермен емдеуді қарастырған жөн. Неврологиялық және психикалық бұзылулар. Азитромицинді неврологиялық және психикалық ауытқулары бар пацтиенттерге сақтықпен қолдану керек. Есту қабілетінің бұзылуы. Макролидті антибиотиктер есту қабілетін зақымдайтыны сипатталған. Азитромицин қабылдаған кейбір пациенттерде есту қабілетінің бұзылуы, кереңдік және құлақтың шыңылдауы туралы хабарланған. Бұл жағдайлардың көпшілігі азитромицинді ұзақ уақыт бойы жоғары дозада қолданған эксперименттік зерттеулерге қатысты. Алайда, одан әрі әрекет ету туралы қолда бар есептерге сәйкес, бұл мәселелердің көпшілігі қайтымды болды. Стрептококк инфекциялары. Streptococcus pyogenes туындатқан фарингитті/тонзиллитті таңдау препаратымен емдеу, әдетте, пенициллинмен, ол сондай-ақ жедел ревматизмдік қызбаның алдын алу үшін қолданылады. Азитромицин, әдетте, ауыз-жұтқыншақтағы стрептококк инфекциясын емдеуде тиімді: азитромициннің тиімділігін көрсететін ревматизмдік шабуылдың профилактикаға қатысты мәліметтер жоқ. Гидроксихлорохин немесе хлорохин Азитромицинді тағайындамас бұрын, гидроксихлорохин немесе хлорохин қабылдаған кез-келген пациент жүрек-қан тамырлары оқиғалары мен жүрек-қантамыр ауруларынан болатын өлім қаупінің жоғарылауына байланысты пайда мен қауіптің арақатынасын мұқият қарастыруы керек. Анаэробты белсенділігі бар микробқа қарсы препаратты, егер анаэробты микроорганизмдер инфекцияның дамуына себеп болады деп болжанса, азитромицинмен біріктіріп қабылдау қажет. Балалардағы Mycobacterium Avium Complex профилактикасы немесе емдеу үшін қауіпсіздігі мен тиімділігі анықталмаған. Бұл дәрілік заттың құрамында 1 ммольден (23 мг) аз/натрий дозасы бар, яғни іс жүзінде натрийсіз. Жүктілік Азитромициннің ұрыққа зиянын дәлелдейтін деректер табылған жоқ. Дегенмен, жүкті әйелдерде адекватты және жақсы бақыланатын зерттеулер жүргізілген жоқ. Азитромицинді жүктілік кезінде өте қажет болған жағдайда ғана қолдану керек. Бала емізу Емшек сүтіне бөлінуі туралы деректер жоқ Көптеген дәрілік заттар емшек сүтімен бірге шығарылатындықтан, азитромицинді емшек сүтімен емізетін әйелді емдеу үшін дәрігер әлеуетті пайдасы нәресте үшін ықтимал қауіптерді ақтайды деп есептемесе, қолданбау керек. Фертильділік. Жануарларға фертильділікті зерттеу жүргізілді; азитромицинді қабылдағаннан кейін жүктілік деңгейі төмендеді. Бұл деректердің адамға қатысты өзектілігі белгісіз. Көлік құралдарын және қауіптілігі зор механизмдерді басқару қабілетіне ықпал етуі Азитромициннің автокөлікті басқару қабілетін немесе басқа механизмдермен жұмыс істеуді нашарлатуы мүмкін екендігі туралы дәлелдер жоқ, алайда бас айналу, ұйқышылдық, көрудің бұзылуы, құрысулар сияқты жағымсыз реакциялардың даму мүмкіндігін ескеру керек.

Нұсқаулықта көрсетілмеген.

Азитромицинді пациенттерге QT аралығын ұзарта алатын басқа препараттармен бірге абайлап тағайындау керек. Антацидтер. Азитромициннің фармакокинетикасына антацидтерді бір мезгілде қолданудың әсерін зерттеу кезінде жалпы биожетімділікте өзгерістер байқалмады, дегенмен азитромициннің плазмалық шекті концентрациясы шамамен 25%-ға азайды. Азитромицинді антацидті қабылдаудан кем дегенде 1 сағат бұрын немесе 2 сағаттан кейін қабылдау керек. Цетиризин. Дені сау еріктілерде азитромицинді 5 күн бойы 20 мг цетиризинмен бірге қолданған кезде фармакокинетикалық өзара әрекеттесу құбылысы немесе QT аралығының елеулі өзгерістері байқалған жоқ. Азитромицинді QT аралығын ұзарта алатын басқа дәрілермен пациенттерге сақтықпен тағайындау керек. Диданозин. Азитромицинді тәулігіне 1200 мг дозада диданозинмен тәулігіне 400 мг дозада бір мезгілде қолданғанда плацебомен салыстырғанда диданозиннің фармакокинетикасына әсері анықталған жоқ. Дигоксин және колхицин (Р-гликопротеин субстраттары). Макролидті антибиотиктерді, оның ішінде азитромицинді және дигоксин мен колхицин сияқты Р-гликопротеин субстраттарын бір мезгілде қолдану қан сарысуындағы P-гликопротеин субстратының деңгейінің жоғарылауына әкеледі. Демек, азитромицин мен дигоксин сияқты P-гликопротеин субстратын бір мезгілде қолданған кезде қан сарысуындағы субстрат концентрациясының жоғарылау мүмкіндігін ескеру керек. Азитромицинмен емдеу кезінде және оны тоқтатқаннан кейін қан сарысуындағы дигоксин деңгейін клиникалық бақылау және өлшеу қажет. Зидовудин. 1000 мг 1200 мг бір рет қолданғанда және 600 мг азитромицинді көп рет қолданғанда плазмалық фармакокинетикаға немесе несеппен зидовудиннің немесе оның глюкуронидті метаболиттерінің бөлінуіне елеусіз әсері анықталды. Алайда, азитромицин қабылдау шеткері қан айналымындағы мононуклеарлардағы фосфорланған зидовудин, клиникалық белсенді метаболит концентрациясын арттырды. Бұл деректердің клиникалық маңыздылығы анықталмаған, бірақ пациенттер үшін пайдалы болуы мүмкін. Қастауыш туындылары. Эрготизмнің пайда болуы мүмкін болғандықтан, азитромицинді қастауыш туындыларымен бір уақытта қолдану ұсынылмайды. Цитохром жүйесімен байланысты өзара әрекеттесулер. Азитромицин Р450 цитохромының бауыр жүйесімен айтарлықтай өзара әрекеттеспейді. Препараттың эритромицинмен және басқа макролидтермен байқалатын фармакокинетикалық дәрілік өзара әрекеттесуі жоқ деп есептеледі. Азитромицин цитохром-метаболиттік кешен арқылы Р450 бауыр цитохромының индукциясын немесе инактивациясын туындатпайды. Азитромицинді және метаболизмі Р450 цитохромының қатысуымен үлкен дәрежеде жүретін келесі препараттарды қолданудың фармакокинетикалық зерттеулері жүргізілді. Аторвастатин. Аторвастатинді (тәулігіне 10 мг) және азитромицинді (тәулігіне 500 мг) бір мезгілде қолдану қан плазмасындағы аторвастатин концентрациясының өзгеруін (ГМГ-КоА-редуктазаның тежелуін талдау негізінде) туындатпады. Алайда, постмаркетингтік кезеңде статиндері бар азитромицинді қолданған пациенттерде рабдомиолиз жағдайлары тіркелді. Карбамазепин. Фармакокинетикалық өзара әрекеттесуді зерттеуде азитромицин карбамазепиннің плазмалық деңгейіне немесе оның белсенді метаболиттеріне айтарлықтай әсер етпейді. Циметидин. Азитромицинді қабылдаудан 2 сағат бұрын қабылданған циметидиннің бір реттік дозасының азитромициннің фармакокинетикасына әсерін фармакокинетикалық зерттеуде – азитромициннің фармакокинетикасында өзгерістер байқалған жоқ. Кумарин типті пероральді антикоагулянттар. Фармакокинетикалық өзара әрекеттесуін зерттеуде азитромицин дені сау еріктілерге бір реттік 15 мг варфарин дозасының антикоагулянттық әсерін өзгерткен жоқ. Постмаркетингтік кезеңде азитромицинді және кумарин сияқты пероральді антикоагулянттарды бір мезгілде қолданғаннан кейін антикоагулянттық әсердің күшеюі туралы хабарламалар болды. Себеп-салдарлық байланыс анықталмағанымен, кумарин сияқты пероральді антикоагулянттарды алатын ациенттерге азитромицинді тағайындаған кезде протромбиндік уақытты жиі бақылау қажеттілігін ескеру қажет. Циклоспорин. Азитромициннің тәулігіне 500 мг дозасын 3 күн бойы, одан кейін 10 мг/кг циклоспориннің бір реттік пероральді дозасын қабылдаған дені сау еріктілерде жүргізілген фармакокинетикалық зерттеуде циклоспориннің Cmax және AUC0-5 мәндерінің айтарлықтай жоғарылауы байқалды. Сондықтан бұл препараттарды бір мезгілде қолданғанда сақтық таныту керек. Осы препараттарды бір мезгілде қолдану қажет болса, циклоспорин деңгейін бақылап, тиісінше дозаны түзету керек. Эфавиренз. 7 күн бойы күн сайын азитромициннің 600 мг және 400 мг эфавиренздің бір реттік дозасын бір мезгілде қолдану қандай да бір клиникалық елеулі фармакокинетикалық өзара әрекеттесуді туындатпады. Флуконазол. Азитромициннің 1200 мг бір реттік дозасын бір мезгілде қолдану флуконазолдың 800 мг бір реттік доза фармакокинетикасының өзгеруіне әкелмейді. Флуконазолды бір мезгілде қолданған кезде азитромициннің жалпы экспозициясы мен жартылай шығарылу кезеңі өзгерген жоқ, алайда Cmах (18%) азитромициннің клиникалық тұрғыдан елеусіз төмендеуі байқалды. Индинавир. Азитромициннің 1200 мг бір реттік дозасын бір мезгілде қолдану индинавир фармакокинетикасына статистикалық сенімді әсер етпейді, оны 5 күн бойы тәулігіне 3 рет 800 мг дозада қабылдайды. Метилпреднизолон. Фармакокинетикалық өзара әрекеттесуді зерттеуде азитромицин метилпреднизолонның фармакокинетикасына айтарлықтай әсер етпеді. Мидазолам. 3 күн бойы тәулігіне 500 мг азитромицинді бір мезгілде қолдану 15 мг бір реттік доза ретінде қолданылған мидазоламның фармакокинетикасы мен фармакодинамикасында клиникалық маңызды өзгерістер тудырмады. Нелфинавир. Азитромицинді (1200 мг) және нелфинавирді тепе-тең концентрацияларда (тәулігіне 3 рет 750 мг) бір мезгілде қолдану азитромицин концентрациясының жоғарылауына әкеледі. Клиникалық маңызды жағымсыз әсерлер байқалмады, сондықтан дозаны түзетудің қажеті жоқ. Рифабутин. Азитромицин мен рифабутинді бір мезгілде қолдану осы препараттардың қан сарысуындағы концентрациясына әсер етпеді. Нейтропения азитромицин мен рифабутинді бір мезгілде қабылдаған субъектілерде байқалды. Нейтропения рифабутинді қолданумен байланысты болғанымен, азитромицинді бір мезгілде қабылдаумен себепті байланыс орнатылмаған. Силденафил. Азитромициннің (3 күн ішінде тәулігіне 500 мг) силденафилдің AUC және Cmax мәніне немесе оның негізгі айналымдағы метаболитіне әсері туралы ешқандай дәлел жоқ. Терфенадин. Фармакокинетикалық зерттеулерде азитромицин мен терфенадин арасында өзара әрекеттеу туралы мәлімделген жоқ. Кейбір жағдайларда мұндай өзара әрекеттесуді толық жоққа шығаруға болмайды; алайда мұндай өзара әрекеттесудің бар екендігі туралы деректер жоқ. Теофиллин. Азитромицин мен теофиллинді бір мезгілде қолданған кезде клиникалық тұрғыдан елеулі фармакокинетикалық өзара әрекеттесулер жөнінде деректер жоқ. Триазолам. Бірінші күні азитромицинді 500 мг және екінші күні 0,125 мг триазоламмен 250 мг бір мезгілде қолдану триазолам мен плацебоға қарағанда триазоламның барлық фармакокинетикалық көрсеткіштеріне елеулі әсер етпеді. Триметоприм/сульфаметоксазол. 7-ші тәулікте 1200 мг азитромицинмен 7 күн ішінде қосарлы концентрациядағы триметопримді / сульфаметоксазолды (160 мг/800 мг) бір мезгілде қолдану ең жоғары концентрацияға, жалпы экспозицияға немесе триметопримнің немесе сульфаметоксазолдың несеппен экскрециялануына айтарлықтай әсер еткен жоқ. Қан сарысуындағы азитромицин концентрациясының мәні басқа зерттеулерде байқалғандарға сәйкес келді. Гидроксихлорохин немесе хлорохин. Бақылау деректері ревматоидты артритпен ауыратын пациенттерде азитромицинді гидроксихлорохинмен бір мезгілде қолдану жүрек-қантамырлық оқиғалары мен жүрек-қантамырлық өлімінің жоғары қаупімен байланысты екенін көрсетті. Азитромицинді тағайындамас бұрын, гидроксихлорохин қабылдаған кез-келген пациент пайда мен қауіптің арақатынасын мұқият қарастыруы керек. Азитромицинді тағайындамас бұрын, хлорохин қабылдаған кез-келген пациент хлорохинге ұқсас ықтимал тәуекелге байланысты пайда мен қауіптің арақатынасын мұқият бағалауы керек. Басқа антибиотиктер. Азитромицин мен макролидті басқа антибиотиктер (мысалы, эритромицин), сондай-ақ линкомицин мен клиндамицин арасындағы оларды бірге қолданған кездегі ықтимал айқаспалы резистенттілікті ескеру қажет. Осы кластан бірнеше дәрлік препараттарды бір мезгілде қолдану ұсынылмайды.

Сақтау мерзімі 3,5 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 25 С-ден аспайтын температурада. Балалардың қолы жетпейтін жерде сақтау керек!