Золадекс® имплантат 3.6 мг

Бір имплантаттың құрамында белсенді зат - гозерелин ацетаты, 10.8 мг гозерелин негізге баламалы, қосымша заттар: лактид/гликолид 95/5 сополимері (төмен молекулалық салмағы: жоғары молекулалық салмағы (3: 1)), мұзды сірке қышқылы * * - өндіріс үдерісінде жойылады Сыртқы түрінің, иісінің, дәмінің сипаттамасы Көрінетін қосылыстардан бос немесе бос дерлік қатты полимерлі материалдың ақ немесе ақшыл цилиндр түріндегі бөліктері.

- қуық асты безінің метастаздық обырында - қуық асты безінің жергілікті таралған обырында, хирургиялық кастрация баламасы ретінде - қуық асты безінің оқшауланған немесе жергілікті таралған обыр қаупі жоғары пациенттерде сәулелік емге адьювантты емдеу ретінде - қуық асты безінің оқшауланған немесе жергілікті таралған обыр қаупі жоғары пациенттерде сәулелік емнің алдында неоадьювантты ем ретінде - аурудың өршу қаупі жоғары болатын қуық асты безінің жергілікті таралған обыры бар пациенттерде радикалды простатэктомияға адьювантты ем ретінде - пременопауза мен перименопаузадағы әйелдерде ерте және кең таралған эстроген-рецептор-оң сүт безінің обыры

Әсер ету механизмі Золадекс препараты табиғи лютеиндеуші гормон рилизинг-гормонының (ЛГРГ) синтетикалық аналогы болып табылады. Тұрақты қолданғанда Золадекс препараты лютеиндеуші гормонның (ЛГ) гипофизімен секрецияны тежейді, бұл ерлердегі қанның сарысуындағы тестостерон концентрациясының және әйелдерде қанның сарысуындағы эстрадиол концентрациясының төмендеуіне әкеледі. Бұл әсер емді тоқтатқаннан кейін қайтымды. Бастапқы кезеңде Золадекс препараты басқа ЛГРГ агонистері сияқты ерлердегі қанның сарысуындағы тестостерон концентрациясының және әйелдердегі қанның сарысуындағы эстрадиол концентрациясының уақытша артуын туындатуы мүмкін. Фармакодинамикалық әсерлері Клиникалық тиімділігі және қауіпсіздігі Қуық асты безінің обыры Ерлерде алғашқы имплантат енгізілгеннен кейін шамамен 21-ші күні тестостерон концентрациясы кастрация деңгейіне дейін төмендейді және әр 12 апта сайын жүргізілетін тұрақты емдеу кезінде төмендейді. Салыстырмалы клиникалық зерттеулерде Золадекс препаратымен емдеу кезінде қуық асты безінің метастаздық обырымен ауыратын пациенттердің өміршеңдік көрсеткіштері хирургиялық кастрация кезінде байқалатынмен ұқсас екендігі көрсетілген. Бикалутамидпен 150 мг дозада монотерапияны және кастрацияны (негізінен Золадекс препараты түрінде) салыстыру мақсатында жүргізілген екі рандомизацияланған бақыланатын зерттеулердің біріккен талдауы, Бикалутамид қабылдаған топ пен кастрацияға ұшыраған топтың арасында қуық асты безінің жергілікті таралған обыры бар пациенттерде жалпы өміршеңдік көрсеткішінің мәндерінде елеулі айырмашылықтар байқалмады (қауіптердің қатынасы = 1.05 [СА 0.81-ден 1.36-ға дейін]). Алайда емдеудің осы екі нұсқасының баламалылығын статистикалық түрде растау мүмкін емес. Салыстырмалы зерттеулерде Золадекс препаратын қолдану оқшауланған (T1–T2 және ПСА деңгейі кемінде 10 нг/мл немесе Глисон индексі кемінде 7) немесе жергілікті таралған (T3-T4) жоғары қауіпті аймақта орналасқан қуықасты безінің обыры бар пациенттерде сәулемен емдеуге адъювантты ем ретінде препаратты пайдаланған кезде ауру белгілерінсіз өміршеңдік көрсеткіштерінің және жалпы өміршеңдік көрсеткіштерінсіз жақсаруына әкелетіні көрсетілген. Адъювантты емнің оңтайлы ұзақтығы белгіленбеген; салыстырмалы зерттеу Золадекс препаратын адъювантты ем жүргізген 3 жыл ішінде қолдану тек сәулемен емдеу нәтижелерімен салыстырғанда өміршеңдік көрсеткішінің айтарлықтай жақсаруына ықпал ететінін көрсетті. Золадекс препаратын сәулемен емдеу жүргізілгенге дейін неоадъювантты емдеу режимінде қолдану жоғары қауіп аймағында орналасқан қуық асты безінің оқшауланған немесе жергілікті таралған обыры бар пациенттерде ауру белгілерінсіз өміршеңдік көрсеткішін жақсартатыны көрсетілді. Простатэктомияны жүргізгеннен кейін Золадекс препаратын адъювантты режимде қолдану ісіктің қуық асты безінің шегінен тыс таралатын пациенттерде аурудың белгілері жоқ кезеңдердің ұзақтығын арттыруы мүмкін, алайда, егер операция жасау кезінде пациенттерде лимфа түйіндерінің зақымдану белгілері болмаса, өміршеңдігінің деңгейі айтарлықтай жақсармайды. Аурудың жергілікті таралған сатысы бар пациенттерде Золадекс препаратын адъювантты режимде қолданудың мүмкіндігі қосымша қауіп факторлары болған кезде ғана, мысалы, ПСА кемінде 10 нг/мл немесе Глисон индексі кемінде 7 болғанда ғана қаралады. Алдыңғы радикалды простатэктомияға неоадъювантты емді жүргізу кезінде Золадекс препаратын қолданған жағдайда клиникалық нәтиженің жақсарғанына дәлел жоқ. Сүт безі обыры Әйелдерде эстрадиолдың сарысудағы концентрациясы алғашқы имплантты енгізгеннен кейін шамамен 4 аптада төмендейді және препаратты әрбір 28 күн сайын тұрақты енгізген кезде менопаузадағы әйелдерде байқалатын деңгейге дейін төмендейді. Эстрадиолды басу пре- және перименопаузада әйелдерде сүт безі обырының еміне жауаппен байланысты және пациенттердің көпшілігінде аменореяға әкеледі. ЛГРГ агонистерін қабылдау аясында әйелдерде менопауза басталуы мүмкін. Сирек жағдайларда, кейбір әйелдерде ем аяқталғаннан кейін етеккір қалпына келмейді.

Дозалау режимі Ересектер Золадекс® препараты, имплантат 10.8 мг әр 12 апта сайын алдыңғы құрсақ қабырғасына тері астына енгізіледі. Пациенттердің ерекше топтары Егде жастағы пациенттер Дозаны түзетудің қажеті жоқ. Бүйрек жеткіліксіздігі бар пациенттер Дозаны түзетудің қажеттілігі жоқ. Бауыр жеткіліксіздігі бар пациенттер Дозаны түзетудің қажеттілігі жоқ. Сүт безі обыры Гозерелинмен біріктірілімде қолданған кезде тиісті ақпарат алу үшін ароматаза тежегіштері, тамоксифен, CDK4/6 тежегіштері сияқты бірге қолданылатын дәрілік препараттарды қолдану жөніндегі нұсқаулыққа ерекше назар аудару керек. Лютеиндеуші гормон рилизинг-гормонының (ЛГРГ) агонистерімен емдеуді ароматаза тежегіштерімен емдеу басталғанға дейін кемінде 6-8 апта бұрын бастау керек. ЛГРГ агонистерімен емдеу ароматаза тежегіштерімен емдеудің барлық кезеңінде сызба бойынша және үзіліссіз жүргізілуі керек. Ароматаза тежегіштерімен емдеуді бастар алдында аналық без функциясының бәсеңдеуі ағымдағы клиникалық ұсынымдарға сәйкес қандағы фолликулостимуляциялайтын гормонның (ФСГ) және эстрадиолдың төмен концентрациясымен расталуы тиіс. Химиотерапия алатын әйелдерде 10.8 мг Золадекс® препаратымен емдеуді химиотерапия аяқталғаннан кейін және менопауза алдындағы статус расталғаннан кейін бастаған жөн. Сүт безі обыры диагнозы қойылған кезде менопауза алдындағы әйелдерде және химиотерапиядан кейін аменорея дамыған әйелдерде эстроген өндірілуі жалғасуы мүмкін және жалғаспауы мүмкін. Етеккір статусына қарамастан, менопауза алдындағы статус химиотерапия жүргізілгеннен кейін және 10.8 мг Золадекс® препаратымен емдеуді бастағанға дейін химиотерапиядан туындаған менопауза жағдайында ЛГРГ агонистерімен ақталмаған емді болдырмау үшін менопауза алдындағы әйелдер үшін қандағы эстрадиол және ФСГ концентрациясының қалыпты мәндерімен расталуы тиіс. Балалар және жасөспірімдер 10.8 мг Золадекс® препараты бала жасындағы пациенттерге қолдануға арналмаған. Енгізу әдісі және жолы Тері астына енгізуге арналған. Енгізер алдында осы медициналық қолдану жөніндегі нұсқаулықпен және алюминий фольгадан жасалған конвертке қоса берілген карта түріндегі шприцті қолдану жөніндегі нұсқаулықпен мұқият танысыңыз. Препаратты енгізу жөніндегі нұсқаулық: 1. Пациентті денесінің жоғарғы жағы сәл көтеріліп тұратындай ыңғайлы күйде жатқызыңыз. Алдыңғы құрсақ қабырғасындағы енгізу орнын өңдеңіз. Қажет болса, жергілікті анестетикті пайдаланыңыз. 2. Конвертті бағыт сызығы бойымен ашып, шприц-аппликаторды шығарып алыңыз. Жарық жақсы түсетін жерде, шприц терезесінен имплантаттың бар-жоғын тексеріңіз (1 сурет). 3. Поршеньнен пластик сақтандырғышты (бағыт бойымен) абайлап алып тастаңыз (2 сурет). Инеден қақпақшасын шешіп алыңыз. Имплантатты шприцтен кездейсоқ шығарып алмау үшін шприц пен инеден ауа көпіршіктерін шығаруға тырыспаңыз. 4. Бас бармақ және сұқ саусақпен алдыңғы құрсақ қабырғасының кіндік сызығынан төменірек тері қатпарын жиырыңыз. Шприцті корпусынан, ине негізінен 2 см қашық ұстау керек. Инені теріге жоғары қарата сүйір бұрышпен (30-45о) шприц корпусы пациент терісіне тигенше енгізеді (3 сурет). 5. Инені бұлшықет ішіне немесе құрсақ ішіне енгізбеңіз. Инені дұрыс ұстамау және дұрыс енгізбеу бұрышы 4 суретте көрсетілген. 6. Имплантатты енгізу және қорғайтын механизмін белсендіру үшін поршеньді тірелгенше басыңыз. Сіз сол сәтте «сырт» еткен дыбысты естіп, қорғайтын механизмінің автоматты түрде инені жауып, жылжығанын сезесіз. Егер поршень соңына дейін басылмаса, қорғайтын механизмі белсендірілмейді. 7. Шприцті 5 суретте көрсетілгендей шығарып алыңыз және қорғайтын механизміне ол инені толық жапқанша қозғалуға мүмкіндік беріңіз. Пайдаланылған шприцті өткір заттар үшін рұқсат етілген тәсілмен утилизациялаңыз. Төменгі эпигастрий артериясы мен оның тармақтарының жақын орналасуына байланысты Золадекс® препаратын алдыңғы құрсақ қабырғасына енгізгенде сақ болу керек. Золадекс® препаратын дене салмағының индексі (ДСИ) төмен пациенттерге немесе антикоагулянттарды қабылдайтын пациенттерге енгізгенде ерекше сақ болу керек. Золадекс® имплантатын хирургиялық жолмен алу қажет болған жағдайда оның орналасқан жерін ультрадыбыстық зерттеу арқылы анықтауға болады.

- әсер етуші затқа немесе қосымша заттардың кез келгеніне аса жоғары сезімталдық - жүктілік және лактация - балалар және 18 жасқа дейінгі жасөспірімдер

Ерлер Өте жиі - либидоның төмендеуі - ысыну - қатты терлеу - эректильді дисфункция Жиі - глюкозаға толеранттылықтың бұзылуы (бұрын қант диабеті диагнозы қойылған пациенттерде қант диабетінің дамуымен немесе гликемияны бақылауды жоғалту ретінде көрінуі мүмкін) - көңіл-күйдің өзгеруі, депрессия - парестезия, жұлынның компрессиясы - жүрек жеткіліксіздігі, миокард инфарктісі - артериялық қысымының өзгеруі (гипотензия немесе гипертензия түрінде көрінуі мүмкін) - бөртпе (әдетте, препаратты тоқтатпай-ақ басылады) - емдеудің басында қуық асты безі обырымен ауыратын науқастарда сүйектердің ауырсынуының уақытша күшеюі - гинекомастия - инъекция орнындағы реакциялар - сүйек тінінің минералды тығыздығының төмендеуі, дене салмағының артуы Жиі емес - аса жоғары сезімталдық реакциялары - артралгия - несепағардың бітелуі - сүт бездерінің ауырсынуы Сирек - анафилаксиялық реакциялар Өте сирек - гипофиз ісігі - гипофизге қан құйылу - психоздық бұзылыстар Жиілігі белгісіз - анемия, лейкопения, тромбоцитопения - есте сақтау қабілетінің бұзылуы - QT аралығының ұзаруы - өкпе артериясының тромбоэмболиясы - бауыр функциясының бұзылуы, сарғаю - алопеция (әсіресе денеде шаштың түсуі, андроген деңгейінің төмендеуі күтілетін әсер) - өкпенің интерстициялық ауруы - ісіктің клиникалық симптомдарының транзиторлық түрде өршуі (емдеудің бастапқы кезеңінде) Әйелдер: Өте жиі - либидоның төмендеуі - ысыну - қатты терлеу акне - қынаптың шырышты қабығының құрғауы, сүт бездері көлемінің ұлғаюы - инъекция орнындағы реакциялар Жиі - көңіл-күйдің өзгеруі, депрессия - парестезия, бас ауыруы - артериялық қысымының өзгеруі (гипотензия немесе гипертензия түрінде көрінуі мүмкін) - бөртпе (әдетте, препаратты тоқтатпай-ақ басылады), алопеция (бас терісіндегі шаштардың алопециясы әйелдерде байқалуы мүмкін, бірақ, әдетте, дәрежесінің жеңіл болуы, бірақ кейбір жағдайларда ауыр дәрежеде болуы мүмкін) - артралгия - ісіктің клиникалық симптомдарының транзиторлық түрде өршуі, ісіктің ауыруы (емдеудің бастапқы кезеңінде) - сүйек тінінің минералды тығыздығының төмендеуі, дене салмағының артуы Жиі емес - аса жоғары сезімталдық реакциялары Сирек - анафилаксиялық реакциялар - аналық безінің кистасы Өте сирек - гипофиз ісігі - гипофизге қан құйылу - психоздық бұзылыстар Жиілігі белгісіз - жатырдың фиброматозды түйіндерінің дегенерациясы - анемия, лейкопения, тромбоцитопения - глюкозаға толеранттылықтың бұзылуы - есте сақтау қабілетінің нашарлауы - QT аралығының ұзаруы - өкпе артериясының тромбоэмболиясы - бауыр функциясының бұзылуы, сарғаю - сүйек ауыруы - өкпенің интерстициялық ауруы - тоқтатудан болатын қан кету Жағымсыз реакциялардың жеке сипаттамасы Артериялық қысымның қалыптан ауытқуы уақытша сипатта болады және Золадекс® препаратымен емдеу процесінде, не оны тоқтатқаннан кейін басылады. Сирек жағдайларда бұл өзгерістер Золадекс® препаратын тоқтатуды қоса, медициналық араласуды талап етті. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Адамдарда препараттың артық дозалану тәжірибесі шектеулі. Золадекс® препаратын жоспарланған мерзімнен бұрын немесе аса жоғары дозасында енгізген жағдайда клиникалық елеулі жағымсыз құбылыстар байқалған жоқ. Зерттеулердің нәтижелері Золадекс® препаратының аса жоғары дозаларын қолданған кезде жыныстық гормондар концентрациясының өзгеруіне және ұрпақ өрбіту жүйесіне әсер етуге байланысты болжамды емдік әсерден басқа ешқандай әсер байқалмайтындығын көрсетеді. Артық дозаланған жағдайда симптоматикалық ем тағайындау керек.

Препаратты дәрігердің тағайындауы бойынша қолданады. Препарат пациентке тек медицина қызметкерімен және медициналық бақылаумен енгізіледі. Пациентте осы қосымша парақтың жағымсыз реакцияларын сипаттау бөлімінде белгіленген симптомдар пайда болған жағдайда дәрігерді хабардар ету қажет. Арнайы сақтандырулар Имплантатты алып тастау немесе еріту туралы ақпарат алынған жоқ. Олардың қатарына гозерелин кіретін, ГнРГ (гонадотропин-рилизинг гормоны) агонистерін қабылдайтын пациенттерде депрессиялық эпизодтардың (ауыр дәрежеде болуы мүмкін) пайда болу қаупі жоғары болады. Пациенттерді осы қауіптің бар екендігі туралы ескерту керек және симптомдар пайда болған кезде тиісті ем тағайындау керек. Белгілі депрессиясы немесе анамнезінде депрессиясы бар пациенттерді мұқият бақылау қажет. Андроген-депривациялық емнің (АДЕ) QT аралығын ұзартуы мүмкін. Золадекс® препаратын анамнезінде QT аралығы ұзарған пациенттерге тағайындар алдында, оның дамуында қауіп факторлары болған кезде, сондай-ақ QT аралығын ұзартуға қабілетті қатарлас препараттарды қабылдаған кезде, «пируэт» түріндегі қарыншалық тахикардияның даму мүмкіндігін қоса алғанда, пайда мен қауіп арақатынасын бағалау керек. Золадекс® препаратын енгізген жердегі реакциялар туралы хабарланды, оның ішінде ауыру, гематома, қан кету және қан тамырларының зақымдануы байқалды. Препаратты енгізген жерде реакциялар байқалған пациенттерді ішпердеден қан кетудің белгілері немесе симптомдарының тұрғысынан бақылау жасауға кеңес беріледі. Өте сирек жағдайларда препаратты енгізудегі қателік қан тамырларына зақым келтірді және қан құю мен хирургиялық араласуды қажет ететін геморрагиялық шоктың туындауына әкелді. Золадекс® препаратын ДСИ төмен пациенттерге және/немесе толық антикоагулянттық ем алатын пациенттерге енгізгенде ерекше сақтық таныту керек. Золадекс® препаратымен емдеу допинг-тесттердің оң нәтижелеріне әкелуі мүмкін. Артериялық гипертензиясы бар пациенттер қант диабетінің даму қаупі факторлары бар пациенттер сияқты мұқият бақылауда болуы тиіс; қажет болған жағдайда клиникалық ұсынымдарға сәйкес емдеу басталуы тиіс. Ерлер Золадекс® препаратын несепағар бітелуінің немесе жұлын компрессиясы пайда болуының ерекше қаупіне бейім еркек жынысты пациенттерге сақтықпен тағайындау керек. Мұндай пациенттерге емнің бірінші айында мұқият мониторинг жүргізу керек. Егер жұлынның компрессиясы немесе несепағардың бітелуіне байланысты бүйрек жеткіліксіздігі орын алған жағдайда, осы асқынулар үшін стандартты ем тағайындау керек. ЛГРГ аналогымен емнің басында антиандроген препаратын (мысалы, Золадекс® препаратын енгізгенге дейін 3 күн бойы және Золадекс® препаратын енгізгеннен кейін 3 апта бойы күн сайын 300 мг дозада ципротерон ацетаты) тағайындаудың мүмкіндігін қарастыру керек, себебі бұл емнің алғашқы кезеңдерінде қан сарысуындағы тестостерон деңгейінің жоғарылауы мүмкін асқынулардың алдын алатындығы туралы хабарланды. ЛГРГ агонистерін қабылдаған кезде сүйек тінінің минералды тығыздығы төмендеуі мүмкін. Қолда бар алдын ала деректер бойынша бифосфонаттарды ЛГРГ агонисімен бірге қабылдау ерлердегі сүйек тінінің минералды тығыздығының төмендеуін баяулатуы мүмкін. Остеопороз даму қаупінің қосымша факторлары бар пациенттерге қатысты ерекше сақтық таныту керек (мысалы, алкогольді, темекі шегуді ұзақ уақыт шамадан тыс пайдалану кезінде, құрысуға қарсы препараттармен немесе кортикостероидтармен ұзақ емдеу курсынан өткен адамдарда, отбасылық анамнезінде остеопорозбен ауыратын пациенттерде). Миокард инфарктісі және жүрек жеткіліксіздігі қуық асты безі обырын емдеуде қолданылатын ЛГРГ агонистерін фармакоэпидемиологиялық зерттеу барысында байқалды. ЛГРГ агонистерін антиандрогенді препараттармен біріктірген кезде олардың пайда болу қаупі артады. ЛГРГ агонистерін қабылдайтын ер адамдарда глюкозаға толеранттылықтың төмендеуі байқалды. Бұл бұрын қант диабеті диагнозы қойылған пациенттерде қант диабетінің дамуымен немесе қандағы глюкоза деңгейін бақылауды жоғалту ретінде көрінуі мүмкін. Осылайша, қандағы глюкозаның деңгейін мониторингтеу қажеттілігін қарастыру керек. Әйелдер Сүт безі обыры Менопауза алдындағы және менопауза кезіндегі әйелдерде гозерелинмен емді бастағаннан кейін ароматаза тежегіштерімен емді бастар алдында аналық без функциясының тиісінше бәсеңдеуін растау қажет. Сүйек тінінің минералды тығыздығының төмендеуі ЛГРГ агонистерін қолдану сүйек тінінің минералды тығыздығының төмендеуіне әкелуі мүмкін. Ерте кезеңіндегі сүт безі обырын екі жыл емдеуден кейін сүйек тінінің минералды тығыздығының орташа жойылуы тиісінше ортан жілік мойны мен омыртқа бағанасының бел бөлігі аймағында 6.2% және 11.5% құрады. Бұл төмендеу ішінара қайтымды болып табылатыны анықталды, препаратты тоқтатқаннан кейін бір жылдан соң кейінгі бақылау кезінде көрсеткіштер тиісінше ортан жілік мойны мен омыртқа бағанасының бел бөлігінің бастапқы деңгейіне қатысты 3.4 және 6.4% дейін қалпына келді, дегенмен, бұл көрсеткіштер өте шектеулі деректерге негізделген. Қазіргі кездегі деректер болжауға мүмкіндік беретіндей, әйелдердің көпшілігінде сүйек тінінің минералды тығыздығының төмендеуі емдеуді тоқтатқаннан кейін қалпына келеді. Қолдағы алдын ала деректер бойынша Золадекс® препаратын сүт безі обыры бар пациенттерде тамоксифенмен біріктіріп қабылдау сүйек тінінің минералдық тығыздығының төмендеуін баяулатуы мүмкін. Ісіктің клиникалық көріністерінің транзиторлық нашарлауы Бастапқы кезеңде сүт безінің обыры бар пациенттерде белгілер мен симптомдардың уақытша күшеюі байқалуы мүмкін, оны симптоматикалық бақылауға болады. Гиперкальциемия Сирек жағдайларда, метастаздары бар сүт безінің обыры бар пациенттерде емнің басында гиперкальциемия дамыды. Гиперкальциемияны көрсететін симптомдар болған кезде (мысалы, шөлдеу) гиперкальциемияның бар-жоқтығын анықтау керек. Тоқтатудан болатын қан кету Золадекс® препаратымен емдеудің ерте кезеңдерінде кейбір әйелдерде қынаптан ұзақтығы мен қарқындылығы әртүрлі қан кету байқалуы мүмкін. Әдетте, қынаптан қан кету ем басталғаннан кейінгі бірінші айда пайда болады. Мұндай қан кету эстрогеннің жойылуына байланысты болуы мүмкін және кенеттен тоқтатылуы керек. Егер қан кету жалғасса, оның себебін анықтау керек. Бала туатын жастағы әйелдерге Золадекс® препаратымен емдеу кезінде және емді тоқтатқаннан кейін етеккір қалпына келгенге дейін контрацепцияның гормондық емес әдістерін қолдану керек. Сирек жағдайларда кейбір әйелдерде ЛГРГ аналогтарымен емдеу кезінде ем аяқталғаннан кейін етеккірді қалпына келместен менопауза басталуы мүмкін. Бұл Золадекс® препаратымен емдеудің әсері ме, әлде олардың гинекологиялық жағдайының көрінісі ме, жоқ па белгісіз. Балалар және жасөспірімдер 10.8 мг Золадекс® препараты бала жасындағы пациенттерде қолдануға арналмаған, себебі оның қауіпсіздігі мен пациенттердің осы санаты үшін тиімділігі анықталмаған.

Жүктілік Золадекс® препаратын жүктілік кезінде қолдану ұсынылмайды, себебі ЛГРГ агонистерін қатар қолдану теориялық тұрғыдан жүктіліктің тоқтау қаупімен немесе шарананың даму ауытқуларының пайда болуымен астасқан. Емдеуді бастамас бұрын жүкті бола алатын әйелдер жүктіліктің бар-жоқтығын анықтау үшін мұқият тексеруден өтуі керек. Емдеу кезінде контрацепцияның гормондық емес тәсілдерін етеккір қалпына келген сәтке дейін пайдалану қажет. Бала емізу Золадекс® препаратын бала емізу кезеңінде қолдануға болмайды. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Золадекс® препараты көлік құралдарын басқару және механизмдермен жұмыс істеу қабілетіне ешқандай әсер етпейді немесе әсері елеусіз болады.

Андроген-депривациялық ем QT аралығының ұзаруына әкелуі мүмкін болғандықтан, Золадекс® препаратын QT аралығын ұзартуға немесе «пируэт» типті қарыншалық тахикардияны туындатуға қабілетті, IA класты (мысалы, хинидин, дизопирамид) немесе III класты (мысалы, амиодарон, соталол, дофетилид, ибутилид) аритмияға қарсы препараттар, метадон, моксифлоксацин, психозға қарсы препараттар сияқты дәрілік заттармен бірге қолданғанда сақ болу керек.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25С-ден аспайтын температурада сақтау керек. Балалардың қолы жетпейтін жерде сақтау керек!