Золекс концентрат 4 мг/5 мл

Бір мл препараттың құрамында белсенді зат - золедрон қышқылы моногидраты, 0,85 мг (золедрон қышқылына шаққанда – 0,8 мг), қосымша заттар - маннитол, натрий цитраты, инъекцияға арналған су. Сыртқы түрінің, иісінің, дәмінің сипаттамасы Мөлдір түссіз ерітінді.

• сүйек зақымдануымен жүретін кең таралған қатерлі жаңа түзілімдері бар ересек пациенттерде қаңқа тарапынан болатын бұзылулардың (патологиялық сынықтар, омыртқа бағанының компрессиясы, сәулелік терапия немесе сүйекке операциялық араласу немесе шығу тегі ісіктік гиперкальциемия) профилактикасы. • шығу тегі ісіктік гиперкальциемия (ШІГ) бар ересек пациенттерді емдеу.

Әсер ету механизмі Золедрон қышқылы сүйек тініне іріктелген селективті әсері бар бисфосфонаттар класына жатады. Сүйектің остеокластық резорбциясының тежегіші болып табылады. Бисфосфонаттардың селективтік әсері минералданған сүйек тініне ұқсастығының жоғарылығымен жүзеге асырылады, алайда остеокластар белсенділігінің тежелуін қамтамасыз ететін дәл молекулалық механизм күні бүгінге дейін түсініксіз күйінде қалып отыр. Жануарларға жүргізілген ұзақ мерзімдік зерттеулерде золедрон қышқылы сүйек тіндерінің резорбциясын тежейді, мұндайда сүйектің қалыптасуына, минералдануына және механикалық қасиеттеріне жағымсыз әсерін тигізбейді. Золедрон қышқылы сүйек резорбциясының күшті тежегіші болып табылатынына қосымша, золедрон қышқылының сондай-ақ ісіктерге қарсы бірнеше қасиеттері бар, олар сүйектердің метастаздық ауруларын емдеген кезде оның жалпы тиімділігіне жағдай жасауы мүмкін. Клиникаға дейінгі зерттеулерде келесі қасиеттері көрсетілді: • іn vivo: сүйек кемігінің микроортасын өзгертетін сүйек тіндерінің остеокластық резорбциясының тежелуі ісік жасушалары өсуінің төмендеуіне әкеледі; антиангиогендік және ауырсынуға қарсы белсенділігі білінеді. • іn vitro: остеобласттар пролиферациясының тежелуі, ісік жасушаларына тікелей цитоуыттық және проапоптоздық белсенділігі, басқа цитоуыттық дәрілік заттармен синергиялық цитостатикалық әсері; антиадгезиялық/инвазиялық белсенділігі. Жайылған қатерлі жаңа түзілімі бар пациенттерде асқынулар профилактикасының клиникалық сынақ нәтижелері Алғақшы рандомизацияланған, салыстырмалы жасырын, плацебо-бақыланатын зерттеулерде қуықасты бездерінің обыры бар пациенттерде сүйектік асқынулардың (SRE) профилактикасы үшін 4 мг золедрон қышқылын қолдану плацебомен салыстырылды. 4 мг золедрон қышқылы сүйек жүйесі (SRE) тарапынан асқынулардың, ең кемінде, бір түрі бар пациенттердің үлесін едәуір азайтты, алғашқы SRE дейінгі орташа уақытты > 5 айға дейін кідіртті және пациентте жыл сайынғы жайттардың жиілігін – сүйек асқынуларының деңгейін азайтты. Көптеген жайттарды талдау, плацебомен салыстырғанда, 4 мг доза золедрон қышқылын қабылдаған топта SRE дамығанда қауіптердің 36%-ға төмедегенін көрсетті. 4 мг доза золедрон қышқылын қабылдаған пациенттерде, плацебо қабылдаған пациенттердегіге қарағанда, ауырудың азырақ артқаны байқалды, және айырмашылықтары да едәуір, 3, 9, 21 және 24 ай болды. 4 мг доза золедрон қышқылын қабылдаған пациенттер патологиялық сынулардан азырақ зардап шекті. Емдеудің тиімділігі бласттық зақымдануы бар пациенттерде азырақ білінді. Тиімділігінің нәтижелері 2-кестеде берілген. Сүт бездерінің немесе қуықасты бездерінің обырын қоспағанда, тығыз ісіктерді қамтитын екінші зерттеуде 4 мг доза золедрон қышқылы SRE бар пациенттердің үлесін едәуір азайтты, алғашқы SRE дейінгі орташа уақытты > 2 айға кейінге қалдырды және сүйек жүйесі тарапынан асқынулардың коэффициентін азайтты. Көптеген жайттарды талдау SRE дамыған кезде 4 мг доза золедрон қышқылының тобында, плацебо тобымен салыстырғанда, қауіптің 30,7%-ға төмендегенін көрсетті. Тиімділігінің көрсеткіштері 3-кестеде берілген. 2-кесте Тиімділігінің нәтижелері (гормондық ем қабылдаған, қуықасты бездерінің обыры бар пациенттер) Кез келген SRE (+ісікпен индукцияланған гиперкальцемия) — Сынулар* — Сүйектердің сәулелік терапиясы Золедрон қышқылы 4 мг — Плацебо — Золедрон қышқылы 4 мг — Плацебо — Золедрон қышқылы 4 мг — Плацебо N — 214 — 208 — 214 — 208 — 214 — 208 SRE бар пациенттердің үлесі(%) — 38 — 49 — 17 — 25 — 26 — 33 p-мәні — 0,028 — 0,052 — 0,119 SRE дейінгі орташа уақыт (күндер) — 488 — 321 — Жеткен жоқ — Жеткен жоқ — Жеткен жоқ — 640 p-мәні — 0,009 — 0,020 — 0,055 Сүйек аурушаңдығының көрсеткіші — 0,77 — 1,47 — 0,20 — 0,45 — 0,42 — 0,89 p-мәні — 0,005 — 0,023 — 0,060 Көптеген жайттарды бастан өткеру қаупінің төмендеуі** (%) — 36 — - — Қолдануға келмеді — Қолдануға келмеді — Қолдануға келмеді — Қолдануға келмеді p-мәні — 0,002 — Қатысы жоқ — Қатысы жоқ * Вертебральді және вертебральді емес сынуларды қоса ** Сүйек жүйесі тарапынан барлық құбылыстардың саны, жалпы саны, зерттеу кезіндегі әрбір жайтқа дейінгі уақыт. 3-кесте Тиімділігінің нәтижелері (сүт бездерінің обырын немесе қуықасты бездерінің обырын қоспағанда, тығыз ісіктері бар пациенттер) Кез келген SRE (+ісікпен индукцияланған гиперкальцемия) — Сынулар* — Сүйектердің сәулелік терапиясы 4 мг золедрон қышқылы — Плацебо — 4 мг золедрон қышқылы — Плацебо — 4 мг золедрон қышқылы — Плацебо N — 257 — 250 — 257 — 250 — 257 — 250 SRE бар пациенттердің үлесі (%) — 39 — 48 — 16 — 22 — 29 — 34 p-мәні — 0,039 — 0,064 — 0,173 SRE дейінгі орташа уақыт (күндер) — 236 — 155 — Жеткен жоқ — Жеткен жоқ — 424 — 307 p-мәні — 0,009 — 0,020 — 0,079 Сүйек аурушаңдығының көрсеткіші — 1,74 — 2,71 — 0,39 — 0,63 — 1,24 — 1,89 p-мәні — 0,012 — 0,066 — 0,099 Көптеген жайттардың сезіну қаупінің төмендеуі** (%) — 30,7 — - — Қолдануға келмейді — Қолдануға келмейді — Қолдануға келмейді — Қолдануға келмейді p-мәні — 0,003 — Қатысы жоқ — Қатысы жоқ * Вертебральді және вертебральді емес сынуларды қоса ** Сүйек жүйесі тарапынан барлық құбылыстардың саны, жалпы саны, зерттеу кезіндегі әрбір жайтқа дейінгі уақыт. ІІІ фазаға жүргізілген үшінші рандомизацияланған, салыстырмалы жасырын зерттеуде 4 мг доза золедрон қышқылын немесе 90 мг дозада памидронатты әрбір 3 - 4 апта сайын енгізу, ең кемінде, сүйектің бір зақымымен бірге көптеген миеломасы немесе сүт бездерінің обыры бар пациенттерде салыстырылды. Нәтижелері 4 мг доза золедрон қышқылы SRE профилактикасы үшін 90 мг памидронатпен ұқсас тиімділікті көрсетті. Көптеген жайттарды талдау 4 мг доза золедрон қышқылын алған пациенттерде, памидронат қабылдаған пациенттермен салыстырғанда, қауіптің 16%-ға елеулі төмендегенін көрсетті. Тиімділігінің нәтижелері 4-кестеде берілген. 4-кесте Тиімділігінің нәтижелері (сүт бездерінің обыры және көптеген миеломасы бар пациенттер) Кез келген SRE (+ісікпен индукцияланған гиперкальцемия) — Сынулар* — Сүйектердің сәулелік терапиясы 4 мг золедрон ышқылы — 90 мг памидронат — 4 мг золедрон ышқылы — 90 мг памидронат — 4 мг золедрон ышқылы — 90 мг памидронат N — 561 — 555 — 561 — 555 — 561 — 555 SRE бар пациенттердің үлесі (%) — 48 — 52 — 37 — 39 — 19 — 24 p-мәні — 0,198 — 0,653 — 0,037 SRE дейінгі орташа уақыт (күндер) — 376 — 356 — Жеткен жоқ — 714 — Жеткен жоқ — Жеткен жоқ p-мәні — 0,151 — 0,672 — 0,026 Сүйек аурушаңдығының көрсеткіші — 1,04 — 1,39 — 0,53 — 0,60 — 0,47 — 0,71 p-мәні — 0,084 — 0,614 — 0,015 Көптеген жайттардың сезіну қаупінің төмендеуі** (%) — 16 — - — Қолдануға келмейді — Қолдануға келмейді — Не применимо — Қолдануға келмейді p-мәні — 0,030 — Қатысы жоқ — Қатысы жоқ * Вертебральді және вертебральді емес сынуларды қоса ** Сүйек жүйесі тарапынан барлық құбылыстардың саны, жалпы саны, зерттеу кезіндегі әрбір жайтқа дейінгі уақыт. Салыстырмалы жасырын, рандомизацияланған, плацебо-бақыланатын зерттеулерде 4 мг дозадағы золедрон қышқылы сондай-ақ, жалпы қауіп кезеңіне бөлінген SRE (гиперкальциемияны және мұның алдындағы сынулар бойынша түзетілгенді қоспағанда) жалпы саны ретінде есептелген, сүйек жүйесі (SRE) тарапынан жайттардың даму жылдамдығының қатынасына 4 мг дозадағы золедрон қышқылының ықпалына баға беру мақсатында, сүт бездерінің обыры аясында сүйектердің құжатталған метастаздары бар 228 пациентте зерттелді. Пациенттер бір жыл бойы әрбір төрпт апта сайын 4 мг золедрон қышқылын немесе плацебо қабылдады. Пациенттер топтар бойынша тең бөлінді, 1 топ золедрон қышқылымен ем алды және 2 топ плацебо алды. SRE көрсеткіші (адамдарда жылға шаққандағы жайттар) золедрон қышқылы үшін 0,628 және плацебо үшін 1,096 құрады. Ең аз дегенде, бір SRE бар (гиперкальциемияны қоспағанда) пациенттердің үлесі, плацебо тобындағы 49,6%-бен салыстырғанда, золедрон қышқылы тобында 29,8%-ды құрады (р = 0,003). Алғашқы SRE басталуының медианалық уақыты золедрон қышқылымен емделген топта жеткен жоқ және зерттеулер соңында плацебомен салыстырғанда едәуір ұзарды (р = 0,007). Көптеген жайттарды талдаған кезде 4 мг золедрон қышқылы, плацебомен салыстырғанда, SRE қаупін (қауіптер қатынасы = 0,59, р = 0,019) 41%-ға азайтты. Золедрон қышқылын қабылдаған топта ауырсыну көрсеткіштерінің статистикалық маңызды жақсаруы (ауырсынуды қысқаша бағалауды, BPI пайдалана отырып) 4 аптадан кейін және плацебомен салыстырғанда зерттеу барысында әрбір келесі уақытша нүктеде байқалды (1-сурет). Золедрон қышқылы үшін ауырсынудың ауырлық шкаласы бойынша бағалау бастапқы деңгейден едәуір төмен болды, ал ауырсыну синдромының төмендеуі анальгетиктерді бағалаудың төмендеу үрдісімен қатар жүрді. 1-сурет. Бастапқы деңгейден BPI бойынша бағалаудың орташа өзгерістері. Емдеу түрлерін салыстыру үшін статистикалық маңызды айырмашылықтар байқалды (* p < 0,05) (плацебомен салыстырғанда 4 мг золедрон қышқылы) Бастапқы деңгейден BPI орташа өзгерісіБастапқы деңгейден BPI орташа өзгерісіЗерттеудегі уақыт (апта)Зерттеудегі уақыт (апта)ПлацебоЗоледрон қышқылыПлацебоЗоледрон қышқылыПлацебоПлацебо CZOL446EUS122 / SWOG зерттеуі Осы обсервациялық зерттеудің бастапқы мақсаты золедрон қышқылын алған сүйек метастаздары бар онкологиялық пациенттерде 3 жыл ішінде жақ остеонекрозының (ЖОН) жинақталу жиілігін бағалау болды. Шетелдік студенттер мен жетім балаларға көмек көрсету үшін клиникалық көрсетілімдер бойынша остеокласт тежегіштерімен емдеу, басқа ісікке қарсы терапиясы және стоматологиялық көмек қолданылды. Стоматологқа профилактикалық тексеру ұсынылады, бірақ міндетті емес. Бағалауға жататын 3491 пациенттің 87 ЖОН ауруы анықталды. Расталған ЖОН жағдайларының жалпы болжамды кумулятивтік жиілігі 3 жылда 2,8 % (95% СА: 2,3–3,5%) құрады. Бірінші жылы 0,8% және екінші жылы 2,0% жиілігі байқалды. Үшінші жыл ішінде ЖОН расталған жиілігі миеломасы бар пациенттерде ең жоғары (4,3 %) және сүт безі обыры бар пациенттерде ең төмен (2,4%) болды. ЖОН расталған жағдайлар басқа онкологиялық ауруларға шалдыққан пациенттерге қарағанда көптеген миеломасы (p = 0,03) бар пациенттерде статистикалық тұрғыдан едәуір жоғары болды. Ісікпен индукцияланған гиперкальцемияны емдеген кездегі клиникалық сынақтардың нәтижелері Ісікпен индукцияланған гиперкальцемияны емдеу жөніндегі клиникалық зерттеулер золедрон қышқылының ықпалы қан сарысуындағы кальций деңгейінің және кальцийдің несеппен экскрециясының төмендеуімен сипатталатындығын көрсетті. Доза таңдалған І фазаға жүргізілген зерттеулерде жеңілден орташаға дейінгі ісікпен индукцияланған гиперкальцемиясы бар пациенттерде тиімді дозалар шамамен 1,2-2,5 мг ауқымында болды. 90 мг памидронатпен салыстырғанда 4 мг золедрон қышқылының ықпалына баға беру үшін негізгі екі мультиорталықтық зерттеулердің нәтижелері ісікпен индукцияланған гиперкальциемиясы бар пациенттерде ертерек жоспарланған талдаулар үшін біріктірілді. Қан сарысуындағы түзетілген кальцийдің өте тезірек қалыпқа келуі 8 мг золедрон қышқылында 4-ші күні және 4 мг және 8 мг золедрон қышқылында 7-ші күні байқалды. Келесі жауап жиілігі байқалды. 5-кесте Ісіктен индукцияланған гиперкальциемияға жүргізілген біріктірілген зерттеулерде күн сайынғы толық жауаптардың үлесі 4 күн — 7 күн — 10 күн Золедрон қышқылы 4 мг (N = 86) — 45,3 (p=0,104) — 82,6% (p=0,005)* — 88,4% (p=0,002)* 8 мг золедрон қышқылы (N = 90) — 55,6%(p=0,021)* — 83,3%(p=0,010)* — 86,7%(p=0,015)* 90 мг памидронат (N=99) — 33,3% — 63,6% — 69,7% * р-мәндері памидронатпен ұқсас Қалыпты кальциемияға дейінгі орташа уақыт 4 күнді құрады. Ауру қайталанғанға дейінгі орташа уақыт ( альбуминмен түзетілген сарысудағы кальцийдің қайталап артуы ≥ 2,9 ммоль/л) 90 мг памидронат қабылдаған пациенттердегі 17 күнмен салыстырғанда, золедрон қышқылын қабылдаған пациенттерде 30-дан 40 күнге дейінді құрады (р мәндері: 4 мг үшін 0,001 және 8 мг золедрон қышқылы үшін 0,007). Золедрон қышқылының дозалары арасында статистикалық тұрғыдан елеулі айырмашылықтар болған жоқ. Зерттеулерде аурудың қайталануы байқалған немесе бастапқы емге (4 мг, 8 мг золедрон қышқылы немесе 90 мг памидронат) резистентті болған 69 пациент 8 мг доза золедрон қышқылымен ем қабылдады. Осы пациенттердегі жауап жиілігі 52%-ға жуықты құрады. Осы пациенттер 8 мг дозамен қайталап емделгендіктен, 4 мг золедрон қышқылымен салыстырған мүмкіндік беретін деректер жоқ. Ісікпен индукцияланған гиперкальциемиясы бар паценттерге жүргізілген клиникалық сынақтарда емдеудің барлық үш тобы арасындағы жалпы қауіпсіздік бейіні (4 және 8 мг золедрон қышқылы және 90 мг памидронат) типтері және ауырлық дәрежесі бойынша ұқсас болды. Балалар 1-ден 17 жасқа дейінгі балалар мен жасөспірімдерде жетілмеген ауыр остеогенезді емдеуге жүргізілген клиникалық зерттеу нәтижелері Емдеудің әрбір тобындағы 74 және 76 пациентке жүргізілген бір халықаралық, мультиорталықтық, рандомизацияланған, ашық зерттеуде ауыр дәрежедегі остеогенезі (I, III және IV типтері) бар балалар мен жасөспірімдерді (1-ден 17 жасқа дейінгі) емдеуге золедрон қышқылының ықпалы памидронатпен (вена ішіне) салыстырылды. Зерттелетін емдеу түрінің кезеңі, мұның алдында D дәрумені және кальций элементінің қоспасы, ең кемінде, 2 апта бойы қабылданған скринингтің 4 – 9 апталық кезеңімен бірге 12 айды құрады. Клиникалық хаттама бойынша, 1-ден 3 жасқа дейінгі пациенттер әрбір 3 ай сайын 0,025 мг/кг золедрон қышқылын (ең жоғары бір реттік 0,35 мг дозаға дейін) қабылдады, ал 3-тен 17 жасқа дейінгі пациенттер әрбір 3 ай сайын 0,05 мг/кг золедрон қышқылын (ең жоғары бір реттік 0,83 мг дозаға дейін) қабылдады. Негізгі зерттеуде не золедрон қышқылымен, не памидронатпен бір жыл емделуді аяқтаған балаларда кеңейтілген емдеудің 12 айлық кезеңі ішінде золедрон қышқылын жылына бір рет немесе жылына екі рет қолданудың ұзақ мерзімдік жалпы және бүйректік қауіпсіздігін зерттеу үшін қосымша зерттеу жүргізілді. Зерттеудің алғашқы соңғы нүктесі 12 ай емдеуден кейін омыртқаның бел бөлігіндегі сүйек тінінің минералды тығыздығының (СТМТ) бастапқы деңгейінің пайыздық өзгеруі болды. СТМТ емдеуге берілген бағаның әсерлері ұқсас болды, бірақ зерттеу дизайны золедрон қышқылы үшін тиімділігінің төмен еместігін анықтау үшін тұрақтылығы жеткіліксіз болды. Атап айтқанда, сынулар немесе ауырулар жағдайларында айқын нақты дәлелдер болған жоқ. Аяқтағы ұзын жілік сүйектерінің сынулары (жағымсыз әсерлері), памидронат қабылдаған пациенттердегі 12%-бен және 5%-бен салыстырғанда, золедрон қышқылын қабылдаған пациенттерде шамамен 24% (ортан жілік) және 14% (үлкен асық жілік) білінді, аурудың типіне және себеп-салдарлық байланысына қарамай, жетілмеген ауыр остеогенезі бар, бірақ сынулардың жалпы жиілігі золедрон қышқылын қабылдап жүрген пациенттер үшін және памидронат қабылдаған пациенттер үшін ұқсас болды: 41%-бен салыстырғанда 43% (32/74) болды (31/76). Сыну қаупінің интерпретациясы ауру үдерісінің бір бөлігі ретінде, жетілмеген ауыр остеогенезі бар пациенттерде сынулар жалпы жайт болып табылатын фактілермен бұрмаланады. Осы популяцияларда байқалатын жағымсыз реакциялар сүйек тіндері зақымданған, өріс алған қатерлі жаңа түзілімдері бар ересектерде ерте байқалғандардағыға ұқсас болды (4.8. бөлімін қараңыз). Жиілігі бойынша сап түзеген жағымсыз реакциялар 6-кестеде берілген. Келесі шартты стандартты жіктеме пайдаланылады: өте жиі (≥ 1/10), жиі (≥ 1/100-ден <1/10 дейін), жиі емес ( ≥ 1/1000-нан ˂1/100 дейін), сирек ( ≥ 1/10000-нан <1/1000 дейін), өте сирек (<1/10000), белгісіз (қолда бар деректермен баға беру мүмкін емес). 6-кесте Жетілмеген ауыр остеогенезі бар балаларда байқалатын жағымсыз әсерлер1 Жүйке жүйесі тарапынан бұзылулар Жиі — Бас ауыру Жүрек-қантамыр жүйесі тарапынан бұзылулар Жиі — Тахикардия Тыныс алу ағзалары, кеуде қуысының ағзалары және көкірек тарапынан бұзылулар Жиі — Ринофарингит Асқазан-ішек жолы тарапынан бұзылулар Өте жиі — Құсу, жүректің айнуы Жиі — Іштің ауыруы Қаңқа бұлшықеттері және дәнекер тіндері тарапынан бұзылулар Жиі — Аяқ-қолдардың ауыруы, артралгия, бұлшықет-қаңқа ауыруы Жалпы бұзылулар және енгізген жердегі реакциялар Өте жиі — Гипертермия, шаршау Жиі — Жедел фазалық реакция, ауыру Зертханалық және аспаптық деректер Өте жиі — Гипокальциемия Жиі — Гипофосфатемия 1 <5% жиілікпен болған жағымсыз әсерлерге медициналық көзқарас тұрғысында баға берілді және бұл жағдайлардың золедрон қышқылы қауіпсіздігінің жақсы белгілі бейінімен сәйкес келетіндігі көрінді (4.8. бөлімін қараңыз). Жетілмеген ауыр остеогенезі бар балалар мен жасөспірімдерде памидронатпен салыстырғанда, золедрон қышқылын енгізу, сірә, жедел фазалық реакцияның, гипокальциемияның және түсініксіз тахикардияның пайда болуының айқынырақ қаупімен байланысты болды, бірақ бұл айырмашылық кейінгі инфузиялардан кейін төмендеді. Дәрілік заттар жөніндегі Еуропалық агенттік сүйек тінінің зақымдануымен бірге өріс алған қатерлі жаңа түзілімдері бар пациенттерде ісіктен индукцияланған гиперкальциемияны емдегенде және қаңқамен байланысты жайттарға жол бермеуде педиатриялық популяциялардың барлық қосымша топтарында жүргізілген золедрон қышқылымен емдеу нәтижелерін беру талаптарынан бас тартты (балалар мен жасөспірімдерде пайдалану жөніндегі ақпаратқа қатысты 4.2. бөлімін қараңыз).

Золекс препаратын пациенттерге бисфосфонаттарды вена ішіне енгізу тәжірибесі бар медициналық персонал ғана тағайындауы және енгізуі тиіс. Золекс препаратымен ем алатын пациенттер дәрілік затты медициналық қолдану жөніндегі нұсқаулықты және пациентке арналған жадынаманы ұсынуы қажет. Дозалау режимі Сүйек зақымдануымен жүретін кең таралған қатерлі жаңа түзілімдері бар пациенттерде қаңқа тарапынан болатын бұзылулардың профилактикасы Ересектер және егде жастағы пациенттер Сүйек зақымдануымен жүретін кең таралған қатерлі жаңа түзілімдері бар пациенттерде қаңқа тарапынан болатын құбылыстардың профилактикасы үшін ұсынылатын доза 3-4 апта сайын 4 мг золедрон қышқылын құрайды. Пациенттерге ішке тәулігіне 500 мг дозада кальцийді және тәулігіне 400 ХБ дозада D дәруменін қосымша қолдану керек. Сүйек тіндері тарапынан болатын құбылыстардың алдын алу мақсатында сүйек метастаздары бар пациенттерді емдеу туралы шешім қабылдау кезінде емдік әсері препаратпен емдеу басталғаннан кейін 2-3 айдан соң басталатынын назарға алу керек. ШІГ емдеу Ересектер және егде жастағы пациенттер Гиперкальциемия кезінде ұсынылатын доза (альбумин деңгейі ≥ 12,0 мг/дл немесе 3,0 ммоль/л түзетумен қан сарысуындағы кальций концентрациясы) 4 мг золедрон қышқылының бір реттік дозасын құрайды. ШІГ кезінде бүйрек жеткіліксіздігі: Бүйрек функциясы ауыр бұзылған ШІГ бар пациенттерді Золекс препаратымен емдеуді емдеу қаупі мен пайдасы арақатынасын бағалағаннан кейін ғана қарастыру керек. Клиникалық зерттеулерде қан сарысуындағы креатинин деңгейі > 400 мкмоль/л немесе >> 4,5 мг/дл пациенттер алынып тасталды. Сарысудағы креатинин концентрациясы < 400 мкмоль/л немесе < 4,5 мг/дл құрайтын ШІГ бар пациенттерге дозалау режимін түзету талап етілмейді. Сүйек зақымдануымен жүретін кең таралған қатерлі жаңа түзілімдері бар пациенттерде қаңқа тарапынан құбылыстардың профилактикасы: Золекс препаратымен емдеуді бастар алдында көптеген миелома немесе тығыз ісік салдарынан сүйектердің метастаздық зақымдануы бар пациенттерге қан сарысуындағы креатинин деңгейін және креатинин клиренсін (КК) анықтау керек. КК сарысудағы креатинин деңгейі негізінде Кокрофт-Голт формуласы бойынша есептеледі. Золекс препараты ем басталған сәтте бүйрек функциясы ауыр бұзылған пациенттерге ұсынылмайды, олар осы популяция үшін КК< 30 мл/мин ретінде айқындалады. Золекс препаратының клиникалық зерттеулерінде қан сарысуындағы креатинин деңгейі > 265 мкмоль/л немесе >> 3,0 мг/дл болатын пациенттер алынып тасталды. Сүйектегі метастаздары бар пациенттерге осы популяция үшін КК 30-60 мл/мин ретінде анықталатын ем басталғанға дейін ауырлығы жеңіл немесе орташа дәрежедегі бүйрек функциясы жеткіліксіздігі кезінде, Золекс препаратының мынадай дозалары ұсынылады: Креатинин клиренсінің бастапқы деңгейі (мл/мин) — Золекстің ұсынылатын дозасы* > 60 — 4.0 мг золедрон қышқылы 50–60 — 3.5 мг* золедрон қышқылы 40–49 — 3.3 мг* золедрон қышқылы 30–39 — 3.0 мг* золедрон қышқылы * Дозалар мақсатты AUC 0,66 (мг•сағ/л) (КК = 75 мл/мин) құрайды деген болжаммен есептелді. Креатинин клиренсі 75 мл/мин пациенттердегідей AUC мәніне жету үшін бүйрек функциясы бұзылған пациенттер үшін дозаны төмендетуге жол беріледі. Ем басталғаннан кейін қан сарысуындағы креатинин деңгейін Золекс препаратының әрбір дозасын енгізер алдында өлшеу керек, ал бүйрек функциясы нашарлаған жағдайда емдеуді тоқтату керек. Клиникалық сынақтарда бүйрек функциясының нашарлауы келесідей анықталды: • Қан сарысуындағы креатининнің бастапқы деңгейі қалыпты пациенттер үшін (<1,4 мг/дл немесе < 124 мкмоль/л) 0,5 мг/дл немесе 44 мкмоль/л жоғарылауы; • Қан сарысуындағы креатининнің бастапқы деңгейі аномальді пациенттер үшін (> 1,4 мг/дл немесе >> 124 мкмоль/л) 1,0 мг/дл немесе 88 мкмоль/л жоғарылау. Клиникалық зерттеулерде Золедрон қышқылымен емдеу креатинин деңгейі бастапқы шаманың 10% шегінде мәндерге жеткеннен кейін ғана қалпына келтірілді. Золедрон қышқылымен емдеуді емді тоқтатқанға дейінгі дозада қайта бастау керек. Балалар 1-17 жас аралығындағы балаларда Золедрон қышқылының тиімділігі мен қауіпсіздігі анықталмаған. Золекс препаратының төмендетілген дозаларын дайындау жөніндегі нұсқаулық Концентраттың қажетті көлемі келесідей таңдалады: • 3,5 мг доза үшін 4,4 мл • 3,3 мг доза үшін 4,1 мл • 3,0 мг доза үшін 3,8 мл Концентраттың іріктелген мөлшерін қосымша 100 мл натрий хлоридінің 0,9% стерильді ерітіндісінде (м/к) немесе 5% глюкоза ерітіндісінде (м/к) сұйылту қажет. Дозаны вена ішіне бір реттік инфузия түрінде кемінде 15 минут бойы енгізген жөн. Золекс препаратының концентратын құрамында кальций немесе лактат қосылған Рингер ерітіндісі сияқты басқа да екі валентті катиондары бар инфузиялық ерітінділермен араластыруға болмайды және оны в/і инфузияға арналған жеке жүйені пайдалана отырып, вена ішіне енгізуге арналған бір реттік ерітінді түрінде енгізу керек. Пациенттерде Золекс препаратын енгізгенге дейін және одан кейін жақсы гидратацияны сақтау қажет. Енгізу әдісі және жолы Вена ішіне енгізуге арналған. Концентраттың алынған мөлшері 100 мл-де қосымша сұйылтылуы керек. Доза кемінде 15 минут бойы бір реттік венаішілік инфузия түрінде енгізілуі тиіс. Инфузияны дайындау кезінде асептиканы сақтау керек. Тек бір рет пайдалануға арналған. Бөлшектерсіз және түссіздендірілмеген мөлдір ерітіндіні ғана пайдалану керек. Қолданар алдында салқындатылған ерітіндіні бөлме температурасына дейін жылынуға жеткізіңіз. Ауырлығы жеңіл және орташа дәрежелі бүйрек жеткіліксіздігі бар пациенттерге Золекстің төмендетілген дозасын қолдану ұсынылады.

• золедрон қышқылына, басқа бисфосфонаттарға немесе препарат құрамына кіретін кез келген басқа компоненттерге аса жоғары сезімталдық • бала емізу кезеңі

Барлық дәрілік препараттар сияқты, препарат жағымсыз реакцияларды тудыруы мүмкін, бірақ олар барлығында бірдей бола бермейді. Өте жиі • гипофосфатемия Жиі • анемия • бас ауыру • конъюнктивит • сүйектердің ауыруы • миалгия • артралгия • жайылған ауыру • бүйрек жеткіліксіздігі • қызба • тұмау тәріздес жағдай (соның ішінде шаршау, жалпы әлсіздік, қалтырау, ысыну) • жүректің айнуы • құсу • тәбеттің төмендеуі • қанда креатинин және мочевина деңгейлерінің жоғарылауы • гипокальциемия Жиі емес • тромбоцитопения • лейкопения • жоғары сезімталдық реакциялары • мазасыздық • ұйқының бұзылуы • бас айналу • парестезия • дисгевзия • гипестезия • гиперестезия • тремор • ұйқышылдық • көрудің бұлыңғырлануы • склерит • көз шарасы қабынуы • артериялық гипертензия • гипотензия • жыпылықтағыш аритмия • естен тануға немесе тамыр коллапсына әкелетін гипотензия • ентігу • жөтел • бронхтың түйілуі • диарея • іш қатулар • іштің ауыруы • диспепсия • стоматит • ауыздың кеберсуі • қышыну • бөртпе (соның ішінде эритематоздық және макулярлық бөртпе) • қатты терлеу • бұлшықет спазмдары • жақсүйек остеонекрозы • бүйректің жедел жеткіліксіздігі • гематурия • протеинурия • астения • шеткері ісінулер • инъекция жасалған жерде реакциялар (ауыруды, тітіркенуді, ісінуді, қатаюды, қызаруды қоса) • кеуденің ауыруы • салмақтың артуы • анафилаксиялық реакция / шок • есекжем • гипомагниемия • гипокалиемия Сирек • панцитопения • ангионевроздық ісіну • сананың шатасуы • увеит • брадикардия • жүрек аритмиясы (гипокальциемия салдарынан дамиды) • өкпенің интерстициялық ауруы • жүре пайда болған Фанкони синдромы • жедел фазалық реакцияның симптомы ретінде артрит және буындардың ісінуі • гиперкалиемия • гипернатриемия Өте сирек • құрысулар • гипестезия және тетания (гипокальциемия салдарынан дамитын) • эписклерит • сыртқы есту жолының остеонекрозы (бисфосфонаттар класының жағымсыз реакциясы) және дененің басқа бөліктерінің, оның ішінде ортан жілік пен ұршық буынының остеонекрозы. Белгісіз (қолда бар деректер бойынша жиілігін бағалау мүмкін емес) • бүйрек қабынуы (тубулоинтерстициялық нефрит): белгілері мен симптомдарына несеп көлемінің азаюы, несепте қанның болуы, жүрек айну, жалпы әлсіздік кіруі мүмкін. Жекелеген жағымсыз реакциялардың сипаттамасы Бүйрек функциясының бұзылуы Золедрон қышқылын қолдану аясында бүйрек функциясының бұзылуы туралы жекелеген хабарламалар бар. Кең таралған қатерлі ісіктердің сүйек метастаздары бар ересек пациенттерде сүйек тіндері тарапынан болатын құбылыстардың профилактикасы мақсатында золедрон қышқылының қолданылған тіркеу зерттеулерінен алынған қауіпсіздік жөніндегі деректердің жиынтық талдауында, болжамды золедрон қышқылымен байланысты бүйрек функциясы бұзылуының жағымсыз құбылыстарының жиілігі (жағымсыз реакциялар) мынадай болды: көптеген миелома (3,2 %), қуықасты безінің обыры (3,1 %), сүт безі обыры (4,3 %), өкпе обыры және басқа да тығыз ісіктер (3,2 %). Бүйрек функциясының нашарлау мүмкіндігін ұлғайтуы ықтимал факторларға алдыңғы бүйрек жеткіліксіздігінің дегидратациясы, Золедрон қышқылын немесе басқа бисфосфонаттарды көп рет енгізу, сондай-ақ басқа нефроуытты дәрілік заттарды қатар қолдану немесе ұсынылғандармен салыстырғанда инфузияның анағұрлым қысқа уақыты жатады. Бүйрек функциясының нашарлауы, бүйрек жеткіліксіздігінің үдеуі және 4 мг золедрон қышқылының бастапқы немесе бір реттік дозасын енгізгеннен кейін гемодиализ жүргізу қажеттілігінің пайда болу жағдайлары байқалды. Жақсүйек остеонекрозы Жақ сүйегінің остеонекрозы жағдайлары, негізінен, золедрон қышқылы сияқты сүйектің резорбциясын бәсеңдететін дәрілік заттар қабылдаған обырға шалдыққан науқастарда хабарланды. Бұл пациенттердің көпшілігі химиотерапия және кортикостероидтар қабылдаған, ал пациенттердің көпшілігінде жергілікті инфекцияның белгілері, соның ішінде остеомиелит болған. Хабарламалардың көпшілігі тіс жұлғаннан немесе басқа стоматологиялық хирургиялық операциялардан кейін асқынулар пайда болған онкологиялық пациенттерге қатысты болды. Жүрекше фибрилляциясы Постменопаузалық остеопорозды (ПМО) емдеудегі плацебомен салыстырғанда жылына бір рет 5 мг дозада золедрон қышқылының тиімділігі мен қауіпсіздігі бағаланған 3 жылдық рандомизацияланған салыстырмалы жасырын бақыланатын бір зерттеуде жүрекшелер фибрилляциясының жалпы жиілігі тиісінше 5 мг золедрон қышқылы мен плацебо алған пациенттерде 2,5 % (3862-ден 96) және 1,9 % (3852-ден 75) құрады. Тиісінше 5 мг золедрон қышқылы мен плацебо алған пациенттерде жүрекше фибрилляциясымен байланысты күрделі жағымсыз құбылыстардың жиілігі 1,3 % (3862-ден 51) және 0,6 % (3852-ден 22) құрады. Осы зерттеуде байқалған теңгерімсіздік онкологиялық пациенттерде 3-4 апта сайын 4 мг дозада золедрон қышқылын қоса, золедрон қышқылының басқа зерттеулерінде болған жоқ. Осы жалғыз зерттеуде жүрекшелер фибрилляциясының даму жиілігінің жоғарылау себебі анықталған жоқ. Жедел фаза реакциясы Бұл жағымсыз дәрілік реакция қызба, миалгия, бас ауыруы, аяқ-қол ауруы, жүрек айнуы, құсу, диарея, артралгия және буындардың ісінуімен жалғасатын артрит қамтылған симптомдар кешені түрінде келеді. Басталу уақыты Золекс препаратының инфузиясынан кейін < 3 күн, ал реакция «тұмауға ұқсас» немесе «дозадан кейінгі» симптомдарды қолдану арқылы да хабарланады. Ортан жіліктің атипиялық сынулары Маркетингтен кейінгі тәжірибе кезінде келесі реакциялар байқалды (сирек кездесетін): ортан жіліктің атипиялық ұршықасты және диафизарлы сынулары (бисфосфонаттар класының жағымсыз реакциясы). Гипокальциемиямен байланысты ЖДР Гипокальциемия мақұлданған көрсетілімдер бойынша золедрон қышқылын қолдану кезінде анықталған маңызды қауіп болып табылады. Клиникалық зерттеулер мен тіркеуден кейінгі жағдайларды шолу негізінде золедрон қышқылымен емдеу, гипокальциемияның тіркелген құбылысы мен аритмияның қайталама дамуы арасындағы байланысты растайтын жеткілікті дәлелдемелер бар. Одан өзге, гипокальциемия мен осы жағдайларда тіркелген салдарлы неврологиялық құбылыстар, оған қоса құрысу, гипестезия және тетания арасындағы байланыс туралы мәліметтер бар. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Золедрон қышқылымен жедел артық дозалану кезіндегі клиникалық тәжірибе шектеулі. Золедрон қышқылының 48 мг дейінгі дозаларын қате енгізу туралы хабарланды. Ұсынылғаннан асатын дозаны қабылдайтын пациенттер мұқият бақылауда болуы тиіс, өйткені бүйрек функциясының бұзылуы (бүйрек жеткіліксіздігін қоса) және сарысудың электролиттік теңгерімінің бұзылуы (кальций, фосфор және магнийді қоса) байқалған. Клиникалық көріністермен қатар жүретін гипокальциемия пайда болған жағдайда кальций глюконаты инфузиясын жүргізу көрсетіледі. Дәрілік препаратты қолдану тәсілін айқындау үшін медицина қызметкеріне кеңес алу үшін ұсынымдар Препаратты тек маман ғана енгізу керек. Препаратты артерия ішіне енгізуден аулақ болу немесе қоршаған тіндерге түсуінен сақтану керек.

Жалпы Препаратты енгізер алдында пациенттерді гидратациялаудың жеткілікті деңгейіне көз жеткізу керек. Жүрек-қантамыр жеткіліксіздігінің даму қаупіне байланысты пациенттің гипергидратациясын болдырмау керек. Золекспен ем басталғаннан кейін кальций, фосфаттар және қан сарысуындағы магний деңгейі сияқты гиперкальциемиямен байланысты стандартты метаболизмдік параметрлерді мұқият бақылау керек. Гипокальциемия, гипофосфатемия немесе гипомагниемия дамыған кезде тиісті заттарды қысқа мерзімді қосымша енгізу қажеттілігі туындауы мүмкін. Гиперкальциемиясы бар, ем қабылдамаған пациенттерде, әдетте, қандай да бір дәрежеде бүйрек функциялары бұзылады, сондықтан бүйрек функциясына мұқият мониторинг жүргізу туралы мәселені қарастыру керек. Золекс дәрілік препаратының құрамында Акласта дәрілік препараты (золедрон қышқылы) сияқты әсер етуші зат бар. Золекс дәрілік препаратымен ем алатын пациенттер Акласта препаратын немесе басқа бисфосфонаттарды бір мезгілде қабылдамауы тиіс, өйткені осы препараттардың біріктірілген әсерлері белгісіз. Бүйрек жеткіліксіздігі ШІГ және бүйрек функциясының нашарлау белгілері бар пациенттерде олардың жағдайын бағалау және препаратты енгізудің ықтимал пайдасы ықтимал қауіптен басым бола ма деген қорытынды жасау қажет. Сүйек тінінің зақымдануымен байланысты симптомдарға жол бермеу үшін, сүйекте метастаздары бар пациенттерді емдеу жөнінде шешім қабылдағанда емдеу әсерінің басталуы 2-3 айдан соң басталатындығын ескерген жөн. Бисфосфонаттарды қолданған кезде бүйрек функиясының нашарлағаны туралы мәлімдемелер орын алды. Бүйрек функциясының нашарлау мүмкіндігін арттыруы мүмкін факторларға дегидратация, алдыңғы бүйрек жеткіліксіздігі, Золекс дәрілік препаратын немесе басқа бисфосфонаттарды көп рет енгізу, сондай-ақ басқа нефроуытты дәрілік заттарды қолдану жатады. Золедрон қышқылын кемінде 15 мин бойы 4 мг дозада енгізген жағдайда жоғарыда сипатталған асқынулардың қаупі төмендейтініне қарамастан, бүйрек функциясының бұзылу мүмкіндігі әлі де сақталады. Бүйрек функциясының нашарлау, бүйрек жеткіліксіздігінің үдеуі және 4 мг золедрон қышқылының бастапқы немесе бір реттік дозасын енгізгеннен кейін гемодиализ жүргізу қажеттілігінің пайда болу жағдайлары байқалды. Сарысудағы креатинин деңгейінің жоғарылауы кейбір пациенттерде де Золекс дәрілік препаратын сүйек тіні тарапынан құбылыстардың алдын алу үшін ұсынылған дозаларда ұзақ уақыт қолданғанда байқалады, дегенмен жиі емес. Золекс препаратының әрбір дозасын енгізер алдында пациентте қан сарысуындағы креатинин деңгейіне баға беру қажет. Бүйрек функциясының айқындығы жеңіл және орташа дәрежеде бұзылған сүйек метастаздары бар пациенттерді препаратпен емдеудің басында Золекс дәрілік препаратын төмен дозаларда қолдану ұсынылады. Емдеу уақытында бүйрек функциясының бұзылуы пайда болған пациенттерде Золекс препаратын тоқтату керек. Золекс дәрілік препаратымен емдеуді креатинин концентрациясы бастапқы шаманың 10% шегінде болатын мәндерге оралғаннан кейін ғана қайта бастау керек. Золекс препаратымен емдеуді емді тоқтатқанға дейінгі дозада қайта бастау керек. Золедрон қышқылын қолдану кезінде бүйрек функциясының бұзылу мүмкіндігін ескере отырып, сондай-ақ бастапқы кезеңде бүйрек функциясы ауыр бұзылған пациенттерде (клиникалық зерттеулерде ШІГ бар пациенттерде креатинин концентрациясы ≥ 400 мкмоль/л немесе ≥ 4,5 мг/дл және сүйекте метастаздары бар қатерлі жаңа түзілімдері бар пациенттерде ≥ 265 мкмоль/л немесе ≥ 3,0 мг/дл ретінде анықталған) препараттың клиникалық қауіпсіздігі туралы толық деректердің болмауына және бастапқы кезеңде бүйрек функциясы ауыр бұзылған науқастарда (креатинин клиренсі < 30 мл/мин), Золекс препаратын науқастардың осы контингентінде қолдану ұсынылмайды. Бауыр жеткіліксіздігі Бауырдың ауыр жеткіліксіздігі бар пациенттерде тек шектеулі клиникалық деректер болғандықтан, пациенттердің бұл популяциясы үшін ешқандай нақты ұсынымдар берілмейді. Остеонекроз Жақсүйек остеонекрозы Клиникалық зерттеулерде золедрон қышқылын қабылдаған пациенттерде жақ сүйегі остеонекрозы (ЖОН) жағдайлары туралы жиі хабарланған жоқ. Алайда, тіркеуден кейінгі қолдану тәжірибесі және мамандандырылған әдебиеттер ісік түріне байланысты (кең таралған сүт безінің обыры, көптеген миелома) ЖОН туралы хабарламалардың көбірек жиілігін көрсетеді. Зерттеу миеломасы бар пациенттерде ЖОН жиілігі обырдың басқа типтері бар пациенттерге қарағанда едәуір жоғары екенін көрсетті. Шұғыл медициналық жағдайларды қоспағанда, ауыз қуысындағы жұмсақ тіндердің жазылмаған ашық зақымданулары бар пациенттерде емнің басталуын немесе емнің жаңа курсын кейінге қалдыру қажет. Бисфосфонаттарды қатар факторлары бар пациенттерге тағайындар алдында тиісті профилактикалық емшаралармен стоматологиялық тексеру және пайда/қауіп арақатынасын бағалау керек. Жақ сүйегі остеонекрозы дамуының жеке қаупін бағалау кезінде мынадай қауіп факторларын ескеру керек: • Бисфосфонаттың белсенділігі (күшті қосылыстар үшін анағұрлым жоғары қауіп), енгізу тәсілі (парентералды енгізу кезінде анағұрлым жоғары қауіп) және бисфосфонаттың жинақталған дозасы; • обыр, қатар жүретін аурулар (мысалы, анемия, коагулопатии, инфекция), темекі шегу; • дәрі-дәрмексіз ем: химиотерапия, ангиогенез тежегіштері, мойын және бас радиотерапиясы, кортикостероидтар; • анамнездегі тіс аурулары, ауыз қуысының нашар гигиенасы, пародонтоз, инвазиялық стоматологиялық емшаралар (мысалы, тіс жұлу) және тіс протездерінің нашар бекітілуі. Барлық пациенттерге ауыз қуысының гигиенасын сақтау, тұрақты стоматологиялық тексерулерден өту және Золекс дәрілік препаратымен емдеу барысында тістердің қозғалғыштығы, ауырсыну, ісіну, жазылмайтын жаралар немесе бөлінді шығу сияқты ауыз қуысы тарапынан кез келген симптомдар туралы дереу хабарлау қажет. Емдеу кезінде стоматологиялық операциялар мұқият бағалаудан кейін ғана жүргізілуі керек және оларды Золедрон қышқылын енгізуге тікелей жақын уақыт кезеңінде болдырмау керек. Бисфосфонаттармен емдеу аясында жақ сүйегі остеонекрозы дамыған пациенттерде стоматологиялық операция ауруды ушықтыруы мүмкін. Стоматологиялық араласуды қажет ететін пациенттерде бисфосфонаттармен емдеуді тоқтату жақ сүйегі остеонекрозы қаупін төмендететіні туралы деректер жоқ. Жақ сүйегі остеонекрозы дамып келе жатқан пациенттерді емдеу жоспары емдеуші дәрігер мен стоматолог немесе жақ сүйегі остеонекрозын емдеу тәжірибесі бар жақ-бет хирургы арасында тығыз ынтымақтастықта әзірленуі тиіс. Золедрон қышқылымен емдеуді ауру жазылғанға дейін, ал оның дамуына ықпал ететін қауіп факторлары мүмкіндігінше жойылмайынша уақытша тоқтату мүмкіндігін қарастыру керек. Дененің басқа бөліктерінің остеонекрозы Негізінен ұзақ емге байланысты бисфосфонаттар қабылдауда сыртқы есту жолының остеонекрозы туралы хабарланды. Сыртқы есту жолының остеонекрозының ықтимал қауіп факторларына стероидтарды пайдалану және химиотерапия және / немесе инфекция немесе жарақат сияқты жергілікті қауіп факторлары жатады. Құлақтың созылмалы инфекциясын қоса, құлақ ауруларының белгілері бар, бисфосфонаттар алатын пациенттерде сыртқы есту жолының остеонекрозы дамуының мүмкіндігін қарастыру керек. Сонымен қатар, негізінен золедрон қышқылын қабылдаған обыр аурулары бар ересек пациенттерде дененің басқа бөліктерінің, оның ішінде ортан жілік пен жамбас буыны остеонекрозының оқшауланған жағдайлары тіркелді. Сүйек-бұлшықеттің ауыруы Тіркеуден кейінгі тәжірибеде золедрон қышқылын қабылдайтын пациенттерде сүйектердің, буындардың және бұлшықеттердің ауыр және кейбір жағдайларда мүгедектікке әкелетін ауыруы туралы хабарланады. Алайда мұндай хабарламалар сирек кездеседі. Симптомдардың басталу уақыты емдеу басталғаннан бастап бір күннен бірнеше айға дейін өзгерді. Емдеуді тоқтатқаннан кейін пациенттердің көпшілігінде симптомдар қайтты. Бірнеше пациентте емді қайта бастау немесе басқа бисфосфонатты тағайындау кезінде симптомдар қайталанды. Ортан жіліктің атипиялық сынулары Бисфосфонаттармен емдеу кезінде ортан жіліктің атипті ұршықасты және диафизарлық сынықтардың пайда болу жағдайлары негізінен остеопорозбен ұзақ уақыт емделетін пациенттерде сипатталған. Мұндай көлденең немесе қысқа қиғаш сынықтар кіші ұршықтан айдаршықүсті шұңқырына дейін ортан жіліктің бойында кез келген жерінде орналасуы мүмкін. Бұл сынықтар жеңіл жарақаттан кейін немесе өздігінен пайда болады. Кейбір пациенттер ортан жіліктің немесе шаптың ауыруын сезінеді, олар көбінесе ортан жілік сүйектерінің толық (аяқталған) сынуына дейін бір аптада және ай ішінде пайда болатын стрестік сынықтардың көзге білінетін белгілерімен қатар жүреді. Кейде екі жағынан да сынуы мүмкін, сондықтан бір ортан жілік сүйегі сынған бисфосфонат қабылдайтын пациенттерде контралатеральді ортан жілік сүйегі зерттелуі тиіс. Сондай-ақ, бұл сынықтардың баяу жазылуы (бітуі) туралы да хабарланды. Ортан жілік сүйегінің атипті сынғаны болжанатын пациенттерде бисфосфонаттармен емдеуді тоқтату туралы шешім қауіп/пайда арақатынасын жеке бағалауға негізделуі тиіс. Бисфосфонаттармен ем алатын пациенттерді ортан жілікте немесе шап аймағында кез келген ауырсыну туралы медициналық персоналға хабарлау қажеттігі туралы ескерткен жөн; осындай симптомдарға шағым жасаған әрбір пациент ортан жілік сүйегінің болуы мүмкін аяқталмаған (толық емес) сынығын анықтау үшін тексерілуі тиіс. Гипокальциемия Золедрон қышқылымен ем қабылдайтын пациенттерде гипокальциемияның дамуы туралы хабарланды. Ауыр гипокальциемия дамыған жағдайда жүйке жүйесі тарапынан (құрысуды, гипестезияны және тетанияны қоса), жүрек аритмиясы жағымсыз құбылыстардың дамуы байқалған. Кейбір жағдайларда ауруханаға жатуды қажет ететін гипокальциемия туралы хабарланды. Кейбір жағдайларда гипокальциемия өмірге қауіп төндіруі мүмкін. Золекс препаратын гипокальциемияны туындатуға қабілетті басқа дәрілік заттармен бір мезгілде қолданған кезде сақтық таныту керек, өйткені бұл синергиялық өзара әрекеттесуге және ауыр дәрежедегі гипокальциемияның дамуына әкелуі мүмкін. Золекс препаратымен емдеуді бастар алдында қан сарысуындағы кальций деңгейін анықтау және гипокальциемияны жою керек. Пациенттер кальций және D дәрумені препараттарымен талапқа сай мөлшерде толықтырылуы тиіс. Золекс препаратының құрамында натрий бар Бұл дәрілік препараттың құрамында бір дозаға 1 ммольден кем натрий (23 мг) бар, яғни іс жүзінде «натрийсіз» дәрі болып табылады. Алайда, егер Золекс препаратын сұйылту үшін енгізер алдында 0,9% натрий хлоридінің м/к ерітіндісі пайдаланылса, онда алынған натрий дозасы жоғары болады. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Бас айналу және ұйқышылдық сияқты жағымсыз реакциялар автомобильді басқару немесе машиналарды пайдалану қабілетіне әсер етуі мүмкін, сондықтан Золексті пайдалану кезінде, сондай-ақ машиналарды жүргізу және пайдалану кезінде сақ болу керек.

Жүкті әйелдерде Золедрон қышқылын қолдану бойынша талапқа сай деректер жоқ. Золедрон қышқылымен клиникаға дейінгі зерттеулер репродуктивті уытты әсерлерін көрсетті. Адам үшін ықтимал қаупі белгісіз. Золедрон қышқылын жүктілік кезінде қолданылмауы тиіс. Бала туатын жастағы әйелдерге жүктіліктің басталуына жол бермеу қажеттілігі туралы ескерту керек. Золедрон қышқылының емшек сүтіне енетін-енбейтіні белгісіз. Золедрон қышқылын бала емізетін әйелдерде қолдануға болмайды. Фертильділік Жануарларда золедрон қышқылының аталық-аналық және F1 буынында фертильділіктің жағымсыз әсерлерін тудыруы мүмкін екендігі бағаланды. Мұның нәтижесі қаңқа бұлшықеттеріндегі кальций алмасуының тежелуімен байланысты деп саналатын фармакологиялық әсерлердің жоғарылауы болды, бұл туу кезіндегі гипокальциемияға, бисфосфонаттардың кластық әсеріне, дистоцияға және зерттеудің ерте тоқтатылуына әкеледі. Осылайша, бұл нәтижелер золедрон қышқылының адам фертильділігіне белгілі бір әсерін анықтауға кедергі келтіреді.

Клиникалық зерттеулерде золедрон қышқылы әдетте клиникалық көрінетін өзара әрекеттесусіз ісіктерге қарсы қолданылатын дәрілермен, диуретиктермен, антибиотиктермен және анальгетиктермен бір мезгілде енгізілді. Золедрон қышқылы плазма ақуыздарымен елеулі байланысуын білдірмейді және адам P450 in vitro ферменттерін тежемейді, бірақ өзара әрекеттесудің формальді клиникалық зерттеулері жүргізілген жоқ. Бисфосфонаттарды аминогликозидтермен, кальцитонинмен немесе ілмекті диуретиктермен енгізген кезде сақтық таныту ұсынылады, өйткені бұл агенттер талап етілгеннен ұзақ уақыт бойы қан сарысуындағы кальций деңгейінің төмендеуіне әкелетін аддитивті әсер етуі мүмкін. Золедрон қышқылын басқа потенциалды нефроуытты дәрілік заттармен сақтықпен қолдану керек. Емдеу кезінде сондай-ақ гипомагниемияның даму мүмкіндігіне назар аударған жөн. Көптеген миеломасы бар пациенттерде Золексті талидомидпен бірге қолданғанда бүйрек дисфункциясының қаупі артуы мүмкін. Золекс дәрілік препаратын антиангиогенді дәрілік заттармен бірге енгізген кезде сақтық таныту ұсынылады, өйткені осындай дәрілік препараттармен қатар ем алып жүрген пациенттерде ЖОН даму жиілігінің артуы байқалған.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!