Золотая Звезда Ингасепт спрей 0,3 %

Бір құтының құрамында белсенді зат – бензидамин гидрохлориді 45 мг; қосымша заттар: глицерол, этанол 96%, натрий сахаринаты, жалбыз хош иістендіргіші, тазартылған су Сыртқы түрінің, иісінің, дәмінің сипаттамасы Жалбызға тән иісі бар мөлдір түссіз ерітінді

ДП ересектерде, 6 жастан асқан балаларда қолдануға арналған Кешенді ем құрамында: • ауыз қуысының қабыну ауруларында (гингивит, глоссит, стоматит) • ЛОР-органдардың қабыну ауруларында (фарингит, ларингит) • тіс экстракциясынан кейінгі жағдайда

Бензидамин қабынуға қарсы препарат, индазолдар тобына жатады. Қабынуға қарсы және жергілікті ауыруды басатын әсер көрсетеді, кең ауқымды микроорганизмдерге қарсы антисептикалық әсерге ие. Препараттың әсер ету механизмі жасушалық жарғақшаларды тұрақтандырумен және простагландиндер синтезін тежеуімен байланысты. Бензидамин микроорганизмдердің жарғақшалары арқылы жылдам өтуіне байланысты артынан жасуша құрылымын зақымдап, метаболизмдік үдерістерді және жасуша лизосомаларын бұза отырып, антибактериялық, зеңге қарсы және спецификалық антимикробтық әсер көрсетеді.

Дозалау режимі Жергілікті қолдануға арналған спрей 0,15% (ауыз қуысы мен тамаққа бүрку). Ересектер мен егде жастағы пациенттерге әрбір 1,5-3 сағат сайын 4-8 дозадан. 6-12 жастағы балаларға - әрбір 1,5-3 сағат сайын 4 дозадан. Жергілікті қолдануға арналған спрей 0,3% (ауыз қуысы мен тамаққа бүрку). Ересектер мен егде жастағы пациенттерге әрбір 1.5-3 сағат сайын 2-4 дозадан тағайындайды. 6-12 жастағы балаларға - әрбір 1.5-3 сағат сайын 2 дозадан. 6 жасқа дейінгі балаларға ұсынылмайды. Препараттың ұсынылған дозасынан асырмау керек. Препаратты ұзақ қолданғанда (7 күннен астам) дәрігердің кеңесі қажет. Артық дозалану жағдайында қабылдау қажет болатын шаралар Қазіргі уақытта Золотая Звезда Ингасепт препаратымен артық дозалану жағдайлары байқалмаған.

• әсер етуші затқа немесе қосымша заттардың кез келгеніне аса жоғары сезімталдық • 6 жасқа дейінгі балаларға

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100 < 1/10 дейін), жиі емес (≥ 1/1000 < 1/100 дейін), сирек (≥ 1/10000 < 1/1000 дейін), өте сирек (< 1/10000), белгісіз (қолда бар деректер негізінде бағалау мүмкін емес). Жүйелік-ағзалық класс — Жиі емес (≥ 1/1000 < 1/100 дейін) — Сирек (≥ 1/10000 < 1/1000 дейін) — Өте сирек (< 1/10000) — Белгісіз (қолда бар деректер негізінде бағалау мүмкін емес) Иммундық жүйе тарапынан бұзылулар — Фото-сен-сибили-зация — Аса жоғары сезімталдық реакциялары, тері бөртпесі, терінің қышынуы — Ангионевроз-дық ісіну, ларингоспазм — Анафилаксиялық реакциялар Жалпы бұзылулар және енгізу орнындағы реакциялар — - — Ауыздың құрғауы, ауыз қуысын ашыту — - — Ауыз қуысында жансыздану-ды сезіну Егер сипаттамада көрсетілген жағымсыз әсерлердің кез келгені ушығып кетсе немесе сипаттамада көрсетілмеген кез келген басқа жағымсыз әсерлер байқалса, препаратты қолдануды тоқтатып, бұл туралы дереу дәрігерге хабарлау керек. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы сақтандырулар Бұл препаратты, әсіресе ұзақ уақыт бойы қолдану жоғары сезімталдықтың дамуына әкелуі мүмкін. Мұндай жағдайда препаратты қолдануды тоқтатып, тиісті ем тағайындайтын дәрігерге қаралу керек. Бензидаминді ацетилсалицил қышқылына немесе басқа ҚҚСД жоғары сезімталдығы бар пациенттерге қолдану ұсынылмайды. Препаратты бұрын бронх түйілуі құбылысы сияқты бронх демікпесінің көріністері болған адамдарға сақтықпен қолдану керек. Инфекциялық-қабыну ауруларында біріктірілген ем құрамында қолдану қажет. Бұл препараттың ұсынылған дозасынан асырмау керек. Ұзақ (7 күннен астам) емдеуді дәрігердің бақылауымен жүргізу қажет. Спрейдің көзге түсуіне жол бермеңіз. Ол байқаусызда көзге түскен жағдайда көп мөлшердегі сумен шайыңыз. Педиатрияда қолдану Препаратты 6 жасқа дейінгі балаларда қолдануға болмайды. Жүктілік, бала емізу және фертильділік Егер сіз жүкті болсаңыз немесе бала емізетін болсаңыз, жүкті болуыңыз мүмкін деп күдіктенсеңіз немесе балалы болуды жоспарласаңыз, бұл дәріні қабылдамас бұрын дәрігеріңізбен немесе фармацевтпен кеңесіңіз. Золотая Звезда Ингасепт препаратын жүктілік кезінде нақты қажеттіліксіз және дәрігердің ұсыныстарынсыз пайдаланбаған жөн. Егер емдеу қажет болса, ең төменгі дозаны мүмкіндігінше қысқа мерзімге пайдалану керек. Дәрілік препараттың көлік құралын және қауіптілігі зор механизмдерді басқару қабілетіне әсер ету ерекшеліктері Препарат көлік құралдарын басқару және механизмдермен жұмыс істеу қабілетіне әсер етпейді.

Нұсқаулықта көрсетілмеген.

Золотая Звезда Ингасепт препаратының басқа дәрілік заттармен клиникалық тұрғыдан маңызды өзара әрекеттесуі анықталмады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 30 °С-ден аспайтын температурада сақтау керек. Қаптаманың бірінші ашылуынан кейін жарықтан қорғалған жерде 30 °С-ден аспайтын температурада сақтау керек. Балалардың қолы жетпейтін жерде сақтау керек!