Зоцеф ® порошок 750 мг

белсенді зат – цефуроксим натрий түрінде 750 мг және 1.5 г цефуроксим. Сыртқы түрінің сипаттамасы Ақтан ақшыл сары түске дейінгі сусымалы ұнтақ

Зоцеф® ересектерде және жаңа туған нәрестелерді қоса, балаларда (туғаннан бастап) төменде атап көрсетілген инфекцияларды емдеуге көрсетілген: - ауруханадан тыс пневмония - созылмалы бронхит өршуі - несеп шығару жолдарының асқынған инфекциялары, пиелонефритті қоса - жұмсақ тіндердің инфекциялары: целлюлит, тілмелі қабыну және жара инфекциялары - құрсақішілік инфекциялар - асқазан-ішек жолы аумағына (өңешті қоса) жасалатын операциялар, ортопедиялық операция, жүрекке, қантамырларға және гинекологиялық (кесарь тілігін қоса) операциялар кезіндегі инфекциялық асқынулар профилактикасы. Анаэробты флораның қосылу ықтималдығы жоғары инфекцияларды емдеу және оның профилактикасы үшін, цефуроксимді сәйкес келетін бактерияға қарсы қосымша дәрілермен енгізу керек. Бактерияға қарсы дәрілерді талапқа сай қолдану жөніндегі ресми нұсқаулар ескерілу керек.

Әсер ету механизмі Цефуроксим пенициллинді (PBP) байланыстыратын ақуыздарға қосылғаннан кейін бактериялардың жасушалық қабырғасының синтезін тежейді. Бұл жасуша қабырғасының (пептидогликанның) биосинтезінің бұзылуына әкеледі, бұл бактериялық жасушалардың лизисіне және қырылуына әкеледі. Қарсыласу механизмі Цефуроксимге бактериялық тұрақтылық мынадай механизмдердің бірімен немесе бірнешеуімен байланысты болуы мүмкін: • бактериялардың кейбір аэробты грамтеріс түрлерінде индукциялануы немесе тұрақты әлсіреуі мүмкін ауқымды спектрлі бета-лактамазаларды (ESBL) және Amp-С ферменттерін қоса (бірақ олармен шектелмей) бета-лактамазалармен гидролизге; • цефуроксимге пенициллин байланыстыратын ақуыздардың тектестігінің аздығы; • цефуроксимнің пенициллинді байланыстыратын ақуыздарға, грамтеріс бактерияларға қол жеткізуін шектейтін сыртқы жарғақшаның өткізбеуі; • бактериялық сорғылар. Басқа инъекциялық цефалоспориндерге төзімділігі жүре пайда болған организмдер цефуроксимге төзімді болады деп күтілуде. Пенициллиндерге төзімділігі жүре пайда болған организмдер тұрақтылық механизміне байланысты цефуроксимге төмен сезімталдықты немесе төзімділікті көрсете алады Цефуроксим натрий бақылау нүктелері Микробқа қарсы сезімталдықты тестілеу жөніндегі Еуропалық комитет (EUCAST) белгілеген ең аз тежейтін концентрацияның (MIC) бақылау нүктелері мынадай: Микроорганизм — Тоқтау нүктелері (мг / л) сезімтал — Төзімді Энтеробактерии 1 — ≤8 2 — > 8 Staphylococcus spp. — Ескерту3 — Ескерту 3 Стрептококктар A, B, C және G — Ескерту 4 — Ескерту4 Пневмококк — ≤0.5 — > 1 Стрептококк (басқа) — ≤0.5 — > 0,5 Haemophilus influenzae — ≤1 — > 2 Moraxella catarrhalis — ≤4 — > 8 Түрлерге байланыссыз тоқтау нүктелері1 — ≤4 5 — > 8 5 1 Enterobacteriaceae үшін цефалоспоринді бақылау нүктелері орнықтылықтың барлық клиникалық маңызды механизмдерін (ESBL және AmpC, плазмидтер арқылы) анықтайды. Бета-лактамазаларды өндіретін кейбір штаммдар осы бақылау нүктелері бар 3 немесе 4 - ші буынды цефалоспоринге қатысты сезімтал немесе аралық болып табылады және анықталғандар ретінде хабарлануы тиіс, яғни ESBL болуы немесе болмауы сезімталдықтың санатына өздігінен әсер етпейді. Көптеген салаларда ESBL анықтау және сипаттамасы инфекциялық бақылау мақсаттары үшін ұсынылады немесе міндетті. 2 Тоқтаудың нүктесі 1,5 г × 3 дозасына және тек E.coli, P. mirabilis және Klebsiella spp. қатысты 3 Стафилококктардың цефалоспориндерге сезімталдығы ажырау нүктелері жоқ және стафилокктық инфекциялар үшін қолдануға болмайтын цефтазидмді, цефиксимді және цефтибутенді қоспағанда, метициллинге сезімталдық негізінде анықталады. 4 Цефалоспориндерге A, B, C және G тобындағы стрептококктардың сезімталдығы бензилпенициллинге сезімталдығына байланысты анықталады. 5Тоқтаудың нүктесі 750 мг × 3 тәуліктік венаішілік дозаға және 1,5 г × 3 кем емес жоғары дозаға қолданылады. Микробиологиялық сезімталдық Жүре пайда болған резистенттіліктің таралуы географиялық және уақыт өте келе жекелеген түрлер үшін өзгеруі мүмкін және әсіресе ауыр инфекцияларды емдеуде резистенттілік туралы дұрысы жергілікті ақпарат қажет. Қажет болған жағдайда жергілікті резистенттіктің таралуы белгілі болған кезде маманнан кеңес алу керек, ал осы агенттің пайдасы, кем дегенде, инфекциялардың кейбір түрлері кезінде күмәнді. Зоцеф мынадай микроорганизмдерге қатысты белсенді: Әдеттегі сезімтал түрлер Грамоң аэробтар: Алтын стафилококк (метициллинге сезімтал) $ Streptococcus pyogenes Streptococcus agalactiae Грамтеріс аэробтар: Haemophilus parainfluenzae Moraxella catarrhalis Жүре пайда болған тұрақтылық проблема болуы мүмкін микроорганизмдер Грамоң аэробтар: Пневмококк Стрептококкты митит (виридан тобы) Грамтеріс аэробтар: C. freundii қоспағанда Citrobacter spp. E. aerogenes және E. cloacae қоспағанда, Enterobacter spp. ішек таяқшасы Haemophilus influenzae Клебсиелла пневмониясы Proteus mirabilis P. penneri және P. Vulgaris қоспағанда, Proteus spp. Providencia spp. Salmonella spp. Грамоң анаэробтар: Peptostreptococcus spp. Propionibacterium spp. Грамтеріс анаэробтар: Fusobacterium spp. Bacteroides spp. Грамоң аэробтар: Enterococcus faecalis Enterococcus faecium Грамтеріс аэробтар: Acinetobacter spp. Буркхолдерия кепация Campylobacter spp. Citrobacter freundii Enterobacter aerogenes Enterobacter cloacae Морганелла Моргания Proteus Penneri Proteus vulgaris Pseudomonas aeruginosa Serratia Marcescens Stenotrophomonas maltophilia Грамоң анаэробтар: Clostridium difficile Грамтеріс анаэробтар: Bacteroides fragilis Басқалары: Chlamydia spp. Mycoplasma spp. Legionella spp. $ Барлық Метициллинге төзімді S. aureus цефуроксимге төзімді. Цефуроксимнатрий және аминогликозидті антибиотик біріктірілімінде in vitro белсенділігі, кем дегенде, аддитивті, сирек синергизмнің дәлелдемелері бар екенін көрсетті.

Дозалау режимі 1 кесте. Ересектер және > 40 кг балалар Көрсетілім — Доза Ауруханадан тыс пневмония және созылмалы бронхит өршуі — Әр 8 сағат сайын 750 мг (вена ішіне немесе бұлшықет ішіне) Жұмсақ тіндер инфекциялары: целлюлит, тілмелі қабыну және жара инфекциялары Құрсақішілік инфекциялар Несеп шығару жолдарының асқынған инфекциялары, пиелонефритті қоса — Әр 8 сағат сайын 1,5 г (вена ішіне немесе бұлшықет ішіне) Ауыр инфекциялар — Әр 6 сағат сайын 750 мг (вена ішіне) Әр 8 сағат сайын 1,5 г (вена ішіне) Асқазан-ішек жолы аумағына жасалған, гинекологиялық (кесарь тілігін қоса) және ортопедиялық хирургиялық операциялар кезіндегі инфекциялар профилактикасы — Анестезияның басталуымен бір сәтте 1,5 г мөлшерін 8 және 16 сағаттан соң 750 мг екі дозамен (бұлшықет ішіне) толықтыруға болады Жүрек-қантамыр операциялары мен өңешке операция кезіндегі профилактика — Анестезияның басталуымен бір сәтте 1,5 г кейіннен әр 8 сағат сайын 24 сағат ішінде 750 мг (бұлшықет ішіне) енгізумен 2 кесте. < 40 кг балалар Сәбилер және ерте жастағы >3 апталық балалар және <40 кг балалар — Сәбилер (туғаннан бастап 3 аптаға дейінгі) Ауруханадан тыс пневмония — 3 немесе 4 рет қабылдауға 30-дан 100 мг/кг/тәулікке дейін (вена ішіне); 60 мг/кг/тәулік доза инфекциялардың көпшілігіне сай келеді — 2 немесе 3 рет қабылдауға 30-дан 100 мг/кг/ тәулікке дейін (вена ішіне) Несеп шығару жолдарының асқынған инфекциялары, пиелонефритті қоса Жұмсақ тіндер инфекциялары: целлюлит, тілмелі қабыну және жара инфекциялары Құрсақішілік инфекциялар 3 кесте. Бүйрек функциясының бұзылуында ұсынылатын Зоцеф® дозалары Креатинин клиренсі — T1/2 (сағат) — Доза (мг) > 20 мл/мин/1,73 м2 — 1,7-2,6 — Стандартты дозаны азайту (тәулігіне 3 рет 750 мг-ден 1,5 г дейін) қажет емес 10-20 мл/мин/1,73 м2 — 4,3-6,5 — Тәулігіне екі рет 750 мг < 10 мл/мин/1,73 м2 — 14,8-22,3 — Тәулігіне бір рет 750 мг Гемодиализде жүрген пациенттер — 3,75 — Әріқарайғы 750 мг дозаны әр диализдің соңында вена ішіне немесе бұлшықет ішіне енгізу керек; парентеральді қолдануға қосымша натрий цефуроксимін перитонеальді диализге арналған сұйықтыққа қосуға болады (әдетте диализге арналған сұйықтықтың әр 2 литріне 250 мг) Қарқынды ем бөлімшелерінде тұрақты артерия-веналық гемодиализде (ТАВГ) немесе жоғары көлемді гемофильтрацияда (ЖКГФ) жүрген бүйрек жеткіліксіздігі бар пациенттер — 7,9-12,6 (ТАВГ) 1,6 (ЖКГФ) — Тәулігіне екі рет 750 мг; төмен көлемді гемофильтрацияда бүйрек функциясының бұзылуында ұсынылған дозаны қадағалаңыз Пациенттердің ерекше топтары Бауыр жеткіліксіздігі бар пациенттер Цефуроксим көбінесе бүйрекпен шығарылады. Бауыр функциясының бұзылуы бар пациенттерде бұл цефуроксим фармакокинетикасына ықпал етпейді деп күтіледі. Бүйрек жеткіліксіздігі бар пациенттер Цефуроксим бастапқыда бүйрек арқылы шығарылады. Сондықтан, барлық ұқсас антибиотиктермен болған жағдайдағы сияқты, бүйрек функциясының айқын бұзылуы бар пациенттерге оның өте баяу шығарылуының орнын толтыру үшін Зоцеф® дозасын азайтуға кеңес беріледі. Енгізу әдісі мен жолы Зоцеф® тікелей венаға 3-5 минут бойы вена ішіне енгізу немесе 30-60 минут бойы тамшылатқыш арқылы, немесе терең бұлшықетішілік инъекция жолымен енгізу керек. Бұлшықетішілік инъекцияларды салыстырмалы үлкен бұлшықетке терең енгізу керек, ал бір жерге 750 мг-ден асырмай енгізген дұрыс. 1,5 г-ден көп дозалар үшін венаішілік енгізу пайдаланған жөн. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну керек Препаратты қолданар алдында дәрігерге бару қажет.

- әсер етуші затына немесе қосымша заттарының кез келгеніне аса жоғары сезімталдық - цефалоспоринді антибиотиктерге белгілі аса жоғары сезімталдығы бар пациенттер - бета-лактамды бактерияға қарсы заттардың кез келген басқа типіне (пенициллиндер, монобактамдар және карбапенемдер) ауыр аса жоғары сезімталдық (мысалы, анафилаксиялық реакция).

Ең көп жиі жағымсыз реакциялар нейтропения, эозинофилия, әсіресе, бауыр ауруы бұрыннан бар пациенттерде бауыр ферменттерінің немесе билирубин деңгейінің қысқа мерзімді жоғарылауы болып табылады, бірақ бауырға зияны және инъекция салған жердегі реакциялар туралы деректер жоқ. Төменде көрсетілген жағымсыз реакцияларға берілген жиілік санаттары шамамен алынған, өйткені көптеген реакциялар үшін туындау жиілігін есептеуге сай келетін деректер жоқ. Бұдан бөлек, натрий цефуроксимімен байланысты жағымсыз реакциялар жиілігі көрсетілімдерге қарай өзгеріп отыруы мүмкін. Жиі - нейтропения, эозинофилия, гемоглобин концентрациясының төмендеуі - ауырсыну мен тромбофлебитті қамтуы мүмкін инъекция орнындағы реакциялар - бауыр ферменттерінің қысқа мерзімді жоғарылауы Жиі емес - лейкопения, Кумбс оң сынамасы - асқазан-ішек аурулары - билирубиннің қысқа мерзімді жоғарылауы - тері бөртпесі, есекжем және қышыну Белгісіз - мультиформалы эритема, уытты эпидермалық некролиз және Стивенс-Джонсон синдромы, ангионевроздық ісіну - шектен тыс Candida көбеюі, шектен тыс Clostridium difficile көбеюі - сарысу креатинині деңгейінің жоғарылауы, қандағы мочевина азоты деңгейінің жоғарылауы және креатинин клиренсінің төмендеуі - тромбоцитопения, гемолиздік анемия - жалған жарғақшалы колит - дәрілік қызба, интерстициялық нефрит, анафилаксия, тері васкулиті Кейбір жағымсыз реакциялар сипаттамасы Цефалоспориндер класс ретінде эритроциттер жарғақшаларының бетінде сіңірілуге және препаратқа қарсы бағытталған антиденелермен реакцияға түсуге бейім, бұл Кумбс сынамасының оң нәтижесін береді (ол қан үйлесімділігіне жасалатын айқаспалы сынамаға әсер етуі мүмкін), әрі өте сирек гемолиздік анемияға әкеледі. Қан сарысуындағы бауыр ферменттері немесе билирубин деңгейінің уақытша жоғарылауы байқалады, әдетте, ол қайтымды болады. Өте жоғары дозаларында бұлшықетке инъекция жасайтын жерде ауырсыну болуы аса ықтималды. Алайда, оның емдеуді тоқтатуға себеп болуы өте сирек. Балалар қауымы Балаларда натрий цефуроксимінің қауіпсіздік бейіні ересектердегі бейініне сәйкес келеді. Назар аудару керек реакциялар Зоцеф® препаратымен ем қабылдайтын аздаған адамдарда аллергиялық реакция немесе терінің ықтимал ауыр реакциялары туындайды. Бұл реакциялардың симптомдарына мыналар жатады: - жайылған бөртпе, жоғары дене температурасы және лимфа түйіндерінің үлкеюі (DRESS синдромы немесе дәрілік заттарға аса жоғары сезімталдық синдромы). - аллергиялық реакциялар кезіндегі кеудедегі ауырсыну, аллергия түрткі болатын миокард инфарктісінің (Кунис синдромы) симптомы болуы мүмкін Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды, медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: құрысудың, энцефалопатия және команың дамуымен ми қыртысының қатты қозуы. Артық дозалану бүйрек функциясының бұзылуы бар пациенттерде доза түзетілмеген кезде туындауы мүмкін. Емі: симптоматикалық, гемодиализ немесе перитонеальді диализ

Аса жоғары сезімталдық реакциялары Цефуроксим қолдану кезінде де, басқа бета-лактамды антибиотиктер пайдалану жағдайындағы сияқты аса жоғары сезімталдықтың күрделі, ал кейде өлімге де ұшырататын реакциялары туралы хабарланған. Кунис синдромына (миокард инфарктісіне әкеп соғуы мүмкін жедел аллергиялық коронарлық артериоспазм) дейін үдеген аса жоғары сезімталдық реакциялары туралы хабарламалар болды. Аса жоғары сезімталдықтың ауыр реакциялары жағдайында цефуроксиммен емдеу дереу тоқтатылып, талапқа сай тиісті жедел шаралар қабылдануы тиіс. Емдеуді бастар алдында пациенттің анамнезінде цефуроксимге, басқа цефалоспориндерге немесе бета-лактамды препараттың кез келген басқа типіне аса жоғары сезімталдықтың ауыр реакциялары болған-болмағанын анықтау керек. Егер цефуроксим анамнезінде басқа бета-лактамды препараттарға аса жоғары сезімталдығы жеңіл пациенттерге тағайындалса, сақтық шарасын қадағалау қажет. Күшті әсер ететін диуретиктермен немесе аминогликозидтермен қатарлас емдеу Фуросемид немесе аминогликозидтер сияқты күшті әсер ететін диуретиктермен қатар ем алып жүрген пациенттерге цефалоспориндік антибиотиктер жоғары дозаларда сақтықпен тағайындалу керек. Осы біріктірілімдерді пайдалану кезінде бүйрек жеткіліксіздігінің жағдайлары хабарланды. Егде жастағы адамдар мен бұрын бүйрек жеткіліксіздігі болған тұлғаларда бүйрек функциясын бақылап отыру керек. Сезімтал емес микроорганизмдердің шектен тыс көбеюі Цефуроксимді пайдалану шектен тыс Candida көбеюіне әкелуі мүмкін. Ұзақ уақыт пайдалану басқа сезімтал емес микроорганизмдердің де (мысалы, энтерококктар және Clostridium difficile) шектен тыс көбеюіне әкелуі мүмкін, бұл емдеуді тоқтатуды талап етуі мүмкін. Цефуроксимді қолдану кезінде бактерияға қарсы препараттармен байланысқан жалған жарғақшалы колит туралы хабарланды, ал оның ауырлығы жеңіл дәрежеден өмірге қауіп төндіруге дейін ауытқуы мүмкін. Бұл диагноз цефуроксимді ағымдағы немесе кейінгі тағайындау кезінде диареясы бар пациенттерде ескерілу керек. Цефуроксиммен емдеуді тоқтатып, арнайы Clostridium difficile емін тағайындау мүмкіндігін қарастыру керек. Перистальтиканы бәсеңдететін дәрілік заттарды қолдануға болмайды. Камераішілік қолдану және көз аурулары Зоцеф® камераішілік қолдануға арналмаған. Вена ішіне/бұлшықет ішіне енгізу үшін мақұлданған құтылардан дайындалған натрий цефуроксимін бекітілмеген камераішілік қолданудан кейін көз тарапынан күрделі жағымсыз реакциялардың жекелеген жағдайлары мен топтары туралы хабарланды. Бұл реакциялар макулалық ісіну, торқабық ісінуін, торқабықтың ажырауын, ретинальді уыттылық, көрудің бұзылуын, көру жітілігінің төмендеуін, анық көрмеуді, мөлдір қабықтың бұлыңғырлануы мен мөлдір қабықтың ісінуін қамтыды. Құрсақішілік инфекциялар Өзінің әсер ету ауқымына орай, цефуроксим ферменттелмейтін грам-теріс бактериялар туғызған инфекцияларды емдеуге сай келмейді. Диагностикалық тестілерге әсері Цефуроксимді қолданумен байланысты Кумбс сынамасының оң нәтижесі қан үйлесімдігіне жасалған айқаспалы сынамаға кедергі келтіруі мүмкін. Мысты қалпына келтіру әдістеріне (Бенедикт сынамасы, Фелинг реактиві, Клинитест) болымсыз әсерін байқауға болады. Алайда, бұл оның кейбір басқа цефалоспориндермен болуы мүмкін екені сияқты жалған оң нәтижелерге әкелмеуі тиіс. Феррицианидті тест жалған теріс нәтиже беруі мүмкін болғандықтан, натрий цефуроксимін қабылдап жүрген пациенттерде қандағы/плазмадағы глюкоза деңгейлерін анықтау үшін глюкозооксидаза немесе гексокиназа әдістерін пайдалану ұсынылады. Натрий туралы маңызды ақпарат Инъекция және инфузия үшін ерітінді дайындауға арналған Зоцеф® ұнтағы құрамында натрий бар. Бұл натрий бақыланатын диетада жүрген пациенттерде ескерілу керек. Терінің ауыр жағымсыз реакциялары (SCARS) Цефуроксиммен емдеуге байланысты Стивенс-Джонсон синдромын (SIS), уытты эпидермалық некролизді (TEN) және эозинофилиямен және жүйелі көріністермен (DRESS-синдромы) дәрілік реакцияларды қоса, терінің ауыр жағымсыз реакциялары туралы хабарланды, олар өмірге қауіп төндіруі немесе өлімге әкелуі мүмкін. Препаратты тағайындау кезінде пациенттер терінің ауыр реакцияларының белгілері мен симптомдары туралы хабардар болуы және мұқият бақылауда болуы тиіс. Осы реакцияларды көрсететін белгілер мен симптомдар пайда болғанда цефуроксим қабылдауды дереу тоқтатып, баламалы емдеу туралы мәселені қарау керек. Егер пациентте цефуроксим қолданғанда SIS, TEN немесе DRESS-синдромы сияқты күрделі реакция дамыған болса, бұл пациентте цефуроксиммен емдеуді ешқашан қайта жаңғыртуға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Цефуроксимнің автокөлік басқару және механизмдерді пайдалану қабілетіне әсер ету зерттеулері жүргізілмеген. Алайда, белгілі жағымсыз реакцияларға сүйенсек, цефуроксимнің автокөлік басқару және механизмдермен жұмыс істеу қабілетіне әсер етуі екіталай.

Жүктілік Цефуроксимді жүкті әйелдердің пайдалануы туралы шектеулі деректер бар. Жануарларға жүргізілген зерттеулерде тұқым өрбіту жүйесіне уыттылығы анықталмады. Зоцеф® жүкті әйелдерге, егер пайдасы қаупінен артық болған жағдайда ғана, тағайындалу керек. Цефуроксим анасының бұлшықет ішіне немесе вена ішіне енгізілуінен кейін оның плацента арқылы өтетіні және ұрық маңындағы суларда және кіндік қанында емдік деңгейлерге жететіні көрсетілді. Лактация Цефуроксим аздаған мөлшерде емшек сүтімен бөлінеді, бала емізетін аналарда натрий цефуроксимін қолданғанда сақ болу қажет. Диареяның және шырышты қабықтардың зеңді зақымдану қаупін жоққа шығаруға болмаса да, емдік дозаларда жағымсыз реакциялары күтілмейді. Бала емізуді тоқтату немесе цефуроксиммен емдеуді тоқтату/бас тарту шешімін сәби үшін емшекпен қоректенудің пайдасы мен әйел үшін емдеудің пайдасын ескере отырып, қабылдау керек. Фертильділік Натрий цефуроксимінің адамның бала туу функциясына ықпал ету деректері жоқ. Жануарларда жүргізілген тұқым өрбіту қабілетінің зерттеулері фертильділікке әсерін көрсетпеді.

Цефуроксим ішек флорасына әсер етуі мүмкін, бұл эстрогеннің кері сіңірілуінің төмендеуіне және біріктірілген пероральді контрацептивтер тиімділігінің төмендеуіне әкеледі. Цефуроксим шумақтық сүзілу және өзекшелік секреция арқылы шығарылады. Пробенецидпен бір мезгілде қабылдау ұсынылмайды. Пробенецидті қатарлас қабылдау антибиотиктің шығарылуын ұзартады және сарысуда жоғары шектік деңгейінің жоғарылауын туындатады. Потенциалды нефроуытты препараттар және ілмектік диуретиктер Цефалоспориндердің жоғары дозаларымен емдеуді күшті әсер ететін диуретиктерді (мысалы, фуросемид) немесе потенциалды нефроуытты препараттарды (мысалы, аминогликозидті антибиотиктерді) қабылдайтын пациенттерге сақтықпен жүргізген жөн, өйткені осындай біріктірілімдердің салдарынан бүйрек функциясының бұзылуын жоққа шығаруға болмайды. Басқа өзара әрекеттесулер Қандағы/плазмадағы глюкоза деңгейін анықтау. Пероральді антикоагулянттарды қатар қабылдау халықаралық қалыптасқан қатынастың (ХҚҚ) ұлғаюына әкелуі мүмкін.

Сақтау мерзімі 3 жыл Дайындалған ерітіндінің сақтау мерзімі, 2 °С-ден 8 °С-ге дейінгі температурада 24 сағат. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!