Иберогаст®, ішуге арналған тамшылар капли

100 мл препараттың құрамында белсенді заттар: жаңа піскен бүтін ащы әлпел өсімдіктері экстрактісі 15.0 мл (1: 1.5 – 2.5) * аюбалдырған тамырлары экстрактісі (1: 2.5 – 3.5)** 10.0 мл сермене жапырақтары экстрактісі (1: 2.5 – 3.5)** 10.0 мл зире жемістері экстрактісі (1: 2.5 – 3.5)** 10.0 мл сүйелшөп шөбі экстрактісі (1: 2.5 – 3.5)** 10.0 мл мия тамыры экстрактісі (1: 2.5 – 3.5)** 10.0 мл түймедақ гүлдері экстрактісі (1: 2 – 4)** 20.0 мл бұрыш жалбызы жапырақтары экстрактісі (1: 2.5 – 3.5)** 5.0 мл алатікен жемістері экстрактісі (1: 2.5 – 3.5)** 10.0 мл * - этил спирті экстрагенті 50 % ** - этил спирті экстрагенті 30 % Ескерту: 31 % жуық этил спирті бар. Қосымша заттар - жоқ Сыртқы түрінің, иісінің, дәмінің сипаттамасы Күңгірт-қоңыр түсті, мөлдір немесе аздап бұлыңғырлау сұйықтық. Сақтау кезінде шөгінді түзілуі мүмкін.

Асқазан-ішек жолдарының функционалдық бұзылыстарын және ішек перистальтикасымен байланысты, функционалдық диспепсия және тітіркенген ішек синдромын сияқты күйлерді емдеу үшін, сондай-ақ гастритте демеуші симптоматикалық ем ретінде қолданылады. Бұл бұзылулар негізінен іштің ауыруы, асқазандағы толу сезімі, метеоризм, асқазан немесе ішек түйілуі, жүрек айнуы және қыжыл сияқты симптомдармен көрінеді.

Иберогаст біріктірілген препараты in vitro зерттеулерде де, жануарларға жүргізілген эксперименттерде де асқазан мен ішектің әртүрлі бөліктерінде қосарланған әсер көрсетеді. Атап айтқанда стимуляцияланбаған немесе әлсіз стимуляцияланған бөліктерде Ащы әлпел (Iberis amara) компоненті негізгі тонустың жоғарылауын туындатады және толу (ауырлық) сезімі мен метеоризм сияқты симптомдарға қарсы әсер етеді. Иберогаст препаратының құрамындағы спазмолитикалық қасиеттері бар басқа өсімдік экстрактілері асқазан-ішек жолдарының қатты стимуляцияланған бөліктерінің босаңсуына әкеледі. Сонымен қатар, in vivo Иберогаст серотониннің әсерінен және оның созылуынан туындаған ішектің тітіркенуіне афферентті сезімталдықты төмендетеді. Бұл Иберогаст препаратының әртүрлі компоненттері серотониннің спецификалық рецепторларымен және ішінара мускариндік және апиындық рецепторлармен байланысады. Иберогаст шырышты қорғайтын простагландиндер мен муциндердің концентрациясын арттырады, лейкотриендердің шырышты қабығын зақымдайтын концентрацияны төмендетеді, жақтаулы жасушаларында асқазан сөлінің өндірісін тежейді және қыжыл сияқты тұз қышқылы мөлшерінің жоғарылауымен байланысты симптомдарға қарсы әсер етуі мүмкін. Иберогаст 5-липоксигеназаның тежелу әсерінің, жел айдайтын, қышқылдануға қарсы және бактерияға қарсы әрекеттердің арқасында қабынуға қарсы әсерге иеленген. 6 ай бойы препаратты қолданумен жүргізілген токсикологиялық зерттеулер әсер ететін заттардың жинақталмайтынын көрсетті. Иберогаст препараты, өзінің әртүрлі механизмдері мен қосымша нысаналарының арқасында көп мақсатты ем принципіне сәйкес келеді.

Дозалау режимі Егер дәрігер басқа дозаны тағайындамаса, Иберогаст® күніне 3 рет тамақтан бұрын немесе тамақтану кезінде аз мөлшердегі сұйықтықпен қабылданады: ересектер мен жасөспірімдер 20 тамшыдан, 6-дан 12 жасқа дейінгі балаларға 10 тамшыдан, Қолданар алдында шайқау керек! Құтыны пайдалануға дайындау жөніндегі нұсқаулық • Құтыдағы адаптері мен алюминий жарғақшасы бар алғашқы ашылуын бақылайтын ақ түсті қақпағын бұрап ашу керек. • Ақ және жасыл түсті қақпақтарды бөліп алу керек, ақ түсті қақпақты тастау керек. • Тамшылатқышы бар жасыл түсті қақпақты құтыға қосып, бұрау керек. тамшылатқышы бар жасыл түсті қақпақ адаптері мен алюминий жарғақшасы бар алғашқы ашылуын бақылайтын ақ түсті қақпақтамшылатқышы бар жасыл түсті қақпақ адаптері мен алюминий жарғақшасы бар алғашқы ашылуын бақылайтын ақ түсті қақпақ Енгізу әдісі мен жолы Ішуге арналған. Емдеу ұзақтығы Қолдану ұзақтығы аурудың түріне, ауырлығына және ағымына байланысты. Негізінен, пайдалануды жалғастыруға қатысты шектеулер жоқ. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар «Қолдану тәсілі бойынша мәселе туындаған жағдайда медициналық қызметкерге жүгініңіз».

- препарат компоненттеріне жоғары сезімталдық - 6 жасқа дейінгі балалар

Өте сирек - аса жоғары сезімталдық реакциялары, мысалы, тері бөртпесі, тері қышынуы, ентігу; Жекелеген жағдайларда (белгісіз) - бауыр және өт шығару жолдары тарапынан бұзылуларда: бауырдың зақымдануы. Атап көрсетілген жағымсыз әсерлердің кез-келгені пайда болған жағдайда, препаратты қабылдауды тоқтату және дәрігерге қаралу қажет. Бауырдың зақымдануы (бауыр ферменттері белсенділігінің жоғарылауы, дәрілік сарғаю, гепатит және бауыр жеткіліксіздігі жағдайлары) туралы хабарланды. Егер сіз терінің немесе көздің сарғаюы, несептің қараюы немесе нәжістің түссізденуі сияқты қандай да бір симптомдарын байқасаңыз, Иберогастты қабылдауды дереу тоқтатып, дәрігерге қаралуыңыз керек. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Осы уақытқа дейін жедел артық дозалану жағдайлары байқалған жоқ.

Егер симптомдар сақталса және егер емнің күтілетін оң нәтижесіне 7 күн ішінде қол жеткізілмесе, пациенттер дәрігерге жүгінуі тиіс. Арнайы ескертулер Пациенттерге емдеуді дереу тоқтатуды және бауырдың зақымдану симптомдары: сарғаю, қара несеп немесе нәжістің түссізденуі пайда болған жағдайда дәрігермен кеңесуді ұсыну қажет. 6 жасқа дейінгі балада іш аумағының ауырсынуы болған кезде міндетті түрде дәрігерге қаралу керек. Егер симптомдар сақталса және егер емнің күтілетін оң нәтижесіне 7 күн ішінде қол жеткізілмесе, пациенттер дәрігерге жүгінуі тиіс. Балалар мен, мысалы, бауыр ауруы немесе эпилепсиясы бар, қаупі жоғары топтағы пациенттерде сақ болу керек. Бұл дәрілік заттың құрамында 31 % этанол (спирт) бар, яғни, бір дозада 240 мг бар, бұл 6,2 мл сыраға, бір дозада 2,6 мл шарапқа баламалы болады. Препарат алкоголизмнен зардап шегетін адамдарға зиянды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Белгісіз.

Иберогаст® препаратын жүкті әйелдерде қолдану туралы мәліметтер жоқ немесе шектеулі (жүктіліктің 300-ден кем нәтижелері). Жануарларды зерттеу репродукциялық уыттылықтың тікелей немесе жанама зиянды әсерін анықтаған жоқ. Иберогаст® препаратының және оның метаболиттерінің емшек сүтіне шығарылуы туралы деректер жеткіліксіз жиналған. Емшек сүтімен қоректенетін бала үшін қауіпті жоққа шығаруға болмайды. Емшек емізуді жалғастыру немесе Иберогаст®препаратымен емнен бас тарту туралы шешімді ана үшін ықтимал пайдасы бала үшін ықтимал қауіптен асып түсетінін бағалай отырып, қабылдау керек. Сақтық шаралары ретінде Иберогаст® препаратын қолданар алдында жүктілік және лактация кезінде дәрігермен кеңесу ұсынылады.

Қазіргі уақытта басқа дәрілік заттармен өзара әрекеттесуі белгісіз.

Сақтау мерзімі 2 жыл. Ашылған құтыларды 8 апта ішінде пайдалануға болады. Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде 250С-ден аспайтын температурада сақтау керек. Балалардың қолы жетпейтін жерде сақтау керек!