Ибрунат капсулы 140 мг

Бір капсуланың құрамында белсенді зат – 140.00 мг ибрутиниб; қосымша заттар: микрокристалды целлюлоза, натрий кроскармеллозасы, натрий лаурилсульфаты, коллоидты кремнийдің қостотығы, натрий стеарил фумараты; Капсула қақпақшасы: желатин, тазартылған су, титанның қостотығы (E171) Капсула денесі: желатин, тазартылған су, титанның қостотығы (E171) TekPrintTM SW-9008 Black ink жазуына арналған бояу құрамы: шеллак (Е904), абсолютті спирт (Е 1510), изопропил спирті, бутил спирті, пропиленгликоль (Е 1520), концентрацияланған аммиак ерітіндісі (Е 527), темірдің қара тотығы (Е 172), калий гидроксиді (Е 525), тазартылған су. Сыртқы түрінің, иісінің, дәмінің сипаттамасы «NAT 140 mg» қара сиямен таңбаланған ақ мөлдір емес қақпақшасы және ақ мөлдір емес денесі бар өлшемі «0» қатты желатинді капсулалар.

• мантия аймағының жасушаларынан дамитын қайталанатын немесе рефрактерлі лимфомасы (МАЖЛ) бар ересек пациенттерді емдеу үшін монотерапия түрінде көрсетілген; • бұрын емделмеген созылмалы лимфоциттік лейкозы (СЛЛ) барересек пациенттерді емдеу үшін монотерапия түрінде немесе ритуксимабпен немесе обинутузумабпен немесе венетоклакспен біріктірілімде көрсетілген; • алдыңғы емнің кем дегенде бір курсын алған ересек СЛЛ бар пациенттерді емдеу үшін монотерапия түрінде немесе бендамустинмен және ритуксимабпен (БР) біріктірілімде көрсетілген; • алдыңғы емнің кем дегенде бір курсын алған Вальденстрем макроглобулинемиясы (ВМ) бар ересек пациенттерді емдеу үшін монотерапия түрінде немесе иммундық-химиотерапияға жарамайтын пациенттерге емнің бірінші желісінде көрсетілген. Ибрунат препараты ВМ бар ересек пациенттерді емдеу үшін ритуксимабпен біріктірілімде көрсетілген.

Нұсқаулықта көрсетілмеген.

Ибрунат препаратымен емдеуді ісікке қарсы препараттарды қолдану тәжірибесі бар дәрігер бастауы және бақылауы керек. Дозалау режимі Мантия аймағының жасушаларынан дамитын лимфома (МАЖЛ) Мантия аймағының жасушаларынан дамитын лимфоманы емдеуге арналған Ибрунат препаратының ұсынылатын дозасы тәулігіне 1 рет 560 мг (төрт капсула) құрайды. Созылмалы лимфоциттік лейкоз (СЛЛ) және Вальденстрем макроглобулинемиясы (ВМ) Созылмалы лимфоциттік лейкозды және Вальденстрем макроглобулинемиясын емдеу үшін ұсынылатын Ибрунат препаратының дозасы монотерапияда да, біріктірілген емде де күніне бір рет 420 мг (үш капсула) құрайды. Ибрунат препаратымен емдеу ауруы үдегенге дейін немесе пациентке ол жағымды болғанға дейін жалғасуы керек. СЛЛ емдеу үшін венетоклакспен біріктірілген Ибрунат препаратын 3 (үш) цикл бойы монотерапия түрінде қолдану керек (бір цикл 28 күнді құрайды), артынан Ибрунат препаратының 12 (он екі) циклі плюс венетоклакс жүреді. Венетоклакстың дозасы туралы толық ақпаратты венетоклакс дәрілік препаратының жалпы сипаттамасынан қараңыз. Ибрунат препаратын анти-CD20 емімен біріктіріп қолданған кезде, егер сол күні қабылданса, Ибрунат препаратын анти-CD20 емінен бұрын қабылдау ұсынылады. Дозаны түзету CYP3A4 изоферментінің орташа және күшті тежегіштері ибрутинибтің экспозициясын арттырады. CYP3A4 изоферментінің орташа тежегіштерімен бірге қолданғанда ибрутиниб дозасын күніне бір рет 280 мг-ге дейін төмендету керек (екі капсула). CYP3A4 изоферментінің күшті тежегіштерімен бірге қолданған кезде ибрутиниб дозасын күніне бір рет 140 мг-ге дейін төмендету (бір капсула) немесе препаратты қолдануды 7 күнге дейінгі кезеңге тоқтата тұру керек. Жүректің 2-дәрежелі жеткіліксіздігі, жүректің 3-дәрежелі аритмиясы, ≥3 дәрежелі гематологиялық емес уыттылық, инфекциямен немесе қызбамен бірге байқалатын 3-дәрежелі немесе одан жоғары нейтропения немесе 4-дәрежелі гематологиялық уыттылық пайда болған немесе күшейген жағдайда Ибрунат препаратымен емді тоқтату керек. Уыттылықтың клиникалық көріністері 1-дәрежеге дейін немесе бастапқы мәнге дейін төмендегеннен кейін (жағдайы қалыпқа келгеннен кейін) ұсынылған дозада Ибрунат препаратын қабылдауды төмендегі кестелерге сәйкес қайта бастауға рұқсат етіледі. Жүрекке қатысы жоқ оқиғаларға арналған дозаның ұсынылатын модификациялары төменде сипатталған: Жағдайлар† — Уыттылық эпизоды — МАЖЛ бар пациенттерде уыттылық симптомдары жойылғаннан кейін дозаны модификациялау — СЛЛ/ВМ бар пациенттерде уыттылық симптомдары жойылғаннан кейін дозаны модификациялау 3 немесе 4 дәрежелі, гематологиялық емес уыттылық Инфекциямен немесе қызбамен бірге байқалатын 3 немесе 4 дәрежелі нейтропения 4-дәрежелі гематологиялық уыттылық — Бірінші* — Емді тәулігіне 560 мг дозасынан қайта бастау — Емді тәулігіне 420 мг дозасынан қайта бастау Екінші — Емді тәулігіне 420 мг дозасынан қайта бастау — Емді тәулігіне 280 мг дозасынан қайта бастау Үшінші — Емді тәулігіне 280 мг дозасынан қайта бастау — Емді тәулігіне 140 мг дозасынан қайта бастау Төртінші — Ибрунат препаратын тоқтату — Ибрунат препаратын тоқтату † Жіктеме Обыр ұлттық институтының жағымсыз реакцияларына арналған Жалпы терминологиялық критерийлерге (ОҰИ ЖРЖТК) немесе СЛЛ/МЛЛ кезінде гематологиялық уыттылық үшін созылмалы лимфоциттік лейкоз жөніндегі Халықаралық семинардың (СЛЛ ХС) критерийлеріне негізделген. * Емдеуді қайта бастаған кезде пайда мен қауіп арақатынасын бағалауын ескеріп, емдеуді сол немесе одан төмен дозада қайта бастау қажет. Егер уыттылық қайталанса, тәуліктік дозаны 140 мг-ге азайту керек. Жүрек жеткіліксіздігі немесе жүрек аритмиясы жағдайында дозаның ұсынылатын өзгеруі төменде сипатталған: Жағдайлар — Уыттылық эпизоды — МАЖЛ бар пациенттерде уыттылық симптомдары жойылғаннан кейін дозаны модификациялау — СЛЛ/ВМ бар пациенттерде уыттылық симптомдары жойылғаннан кейін дозаны модификациялау жүректің 2-дәрежелі жеткіліксіздігі — Бірінші — Емді тәулігіне 420 мг дозасынан қайта бастау — Емді тәулігіне 280 мг дозасынан қайта бастау Екінші — Емді тәулігіне 280 мг дозасынан қайта бастау — Емді тәулігіне 140 мг дозасынан қайта бастау Үшінші — Ибрунат препаратын тоқтату жүректің 3-дәрежелі аритмиясы — Бірінші — Емді тәулігіне 420 мг дозасынан қайта бастау† — Емді тәулігіне 280 мг дозасынан қайта бастау† Екінші — Ибрунат препаратын тоқтату жүректің 3 немесе 4 дәрежелі жеткіліксіздігі жүректің 4-дәрежелі аритмиясы — Бірінші — Ибрунат препаратын тоқтату † Емдеуді қайта бастамас бұрын пайда мен қауіп арақатынасын бағалаңыз. Пациенттердің ерекше топтары Балалар Ибрунат препараты 0-ден 18 жасқа дейінгі балалар мен жасөспірімдерде қолдануға ұсынылмайды, өйткені тиімділігі анықталмаған. Егде жастағы пациенттер Егде жастағы (≥65 жас) пациенттерде дозаны түзету қажеттілігі жоқ. Бүйрек жеткіліксіздігі бар пациенттер Бүйрек функциясы бұзылған пациенттерде жекеленген клиникалық зерттеулер жүргізілген жоқ. Дегенмен, Ибрунат препаратымен жүргізілген клиникалық зерттеулерге бүйрек функциясының жеңіл және орташа дәрежедегі бұзылулары бар пациенттер қатысты. Бүйрек функциясының жеңіл және орташа дәрежедегі бұзылуы бар пациенттерде (креатинин клиренсі 30 мл/мин жоғары) дозаны түзету қажет емес. Сусызданудың профилактикасын жүргізу және сарысу креатинині деңгейін үнемі тексеріп отыру қажет. Бүйрек функциясының ауыр бұзылуы (креатинин клиренсі 30 мл/мин төмен) бар пациенттерде Ибрунат препаратын қолдану, егер емдеудің артықшылықтары ықтимал қаупінен асып кеткен жағдайларда ғана жол беріледі, бұл жағдайда уыттылық белгілерінің пайда болуы тұрғысынан пациенттердің жағдайын мұқият бақылау қажет. Бүйрек функциясының ауыр дәрежедегі бұзылуы бар пациенттерде, сондай-ақ диализде жүрген пациенттерде қолданылғаны туралы мәліметтер жоқ. Бауыр жеткіліксіздігі бар пациенттер Ибрутиниб бауырда метаболизденеді. Бауыр функциясы бұзылған пациенттердегі зерттеу нәтижелері Ибрутиниб экспозициясының жоғарылағанын көрсетті. Бауыр функциясының жеңіл дәрежедегі бұзылуы бар пациенттерге арналған (Чайлд-Пью бойынша А класы) ұсынылатын доза тәулігіне 280 мг (екі капсула) құрайды. Бауыр функциясының орташа дәрежедегі бұзылуы бар пациенттерге арналған (Чайлд-Пью бойынша В класы) ұсынылатын доза тәулігіне 140 мг (бір капсула) құрайды. Пациенттерде уыттылық белгілерін бақылауды жүзеге асыру және қажет болған жағдайда дозаны түзету қажет. Ибрунат препаратын бауыр функциясының ауыр дәрежедегі бұзылуы бар пациенттерге (Чайлд-Пью бойынша С класы) қолдану ұсынылмайды. Жүректің ауыр дәрежелі аурулары бар пациенттер Жүрек-қантамырдың ауыр дәрежедегі аурулары бар пациенттер ибрутинибпен клиникалық зерттеулерден шығарып тасталды. Енгізу әдісі мен жолы Ішке қабылдауға арналған. Ибрунат препаратын тәулігіне 1 рет, бір стақан сумен ішіп, күн сайын шамамен бір уақытта қабылдау керек. Капсулаларды сумен ішіп тұтастай жұту керек; капсулаларды ашуға, сындыруға, шайнауға болмайды. Ибрунат препаратын грейпфрут шырынымен немесе померанц шырынымен бірге ішуге болмайды. Дәрілік препараттың бір немесе бірнеше дозасын өткізіп алу кезіндегі қажетті шаралар Егер Ибрунат препаратының кезекті дозасы жоспарланған уақытта қабылданбаса, оны келесі күннен бастап препаратты қабылдаудың әдеттегі кестесіне оралып, сол күні мүмкіндігінше тезірек қабылдауға жол беріледі. Өткізіп алған дозалардың орнын толтыру үшін қосымша капсулаларды қабылдауға жол берілмейді. Тоқтату синдромы қаупінің болуына көрсетілім Емдеуші дәрігердің нұсқауынсыз осы дәрілік препаратты қабылдауды тоқтатпаңыз. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Осы дәрілік препаратты қолдану бойынша қосымша сұрақтар туындаған кезде емдеуші дәрігермен кеңесіңіз.

• белсенді затқа немесе қосымша заттардың кез келгеніне аса жоғары сезімталдық • Ибрунат препаратымен ем қабылдап жүрген пациенттерге құрамында шілтер жапырақты шайқурай бар препараттарды қолдануға болмайды.

Қауіпсіздік бейінінің түйіндемесі Анағұрлым кең таралған жағымсыз әсерлер (≥20%) диареяны, нейтропенияны, қаңқа-бұлшықет ауыруын, бөртпені, геморрагияны (мысалы, қанталаулар), тромбоцитопенияны, жүрек айнуын, пирексияны, артралгияны және жоғарғы тыныс жолдарының инфекциясын қамтыды. Анағұрлым кең таралған (≥5%) 3/4 дәрежелі жағымсыз әсерлерге нейтропения, лимфоцитоз, тромбоцитопения, пневмония және гипертензия кірді. Жағымсыз құбылыстар жиілігін анықтау келесі критерийлерге сәйкес жүргізіледі: өте жиі (≥1/10), жиі (≥1/100-ден < 1/10 дейін), жиі емес (≥1/1000-нан < 1/100 дейін),сирек (≥ 1/10000-нан <1/1000 дейін), өте сирек (<1/10000), белгісіз (қолда бар деректер негізінде бағалау мүмкін емес) Әрбір жиілік тобы шегінде жағымсыз реакциялар олардың күрделілік дәрежесінің кему ретімен берілген. Өте жиі • пневмония*#, жоғарғы тыныс жолдарының инфекциялары, тері инфекциялары* • нейтропения*, тромбоцитопения*, лимфоцитоз* • бас айналу, бас ауыру • геморрагиялар*#, қанталау*, гипертензия* • диарея, құсу, стоматит*, жүрек айну, іш қату, диспепсия • бөртпе* • артралгия, бұлшықеттердің түйілуі, қаңқа-бұлшықеттің ауыруы* • қызба, шеткергі ісіну • қандағы креатининнің жоғары деңгейі Жиі • сепсис, несеп шығару жолдарының инфекциялары, синусит • терінің меланомалық емес обыры*, базальді-жасушалық карцинома, жалпақжасушалы карцинома • фебрильді нейтропения, лейкоцитоз • өкпенің интерстициялық ауруы*,# • гиперурикемия • шеткері нейропатия* • анық көрмеу • жүрек жеткіліксіздігі *,#, жүрекше фибрилляциясы • мұрыннан қан кету, петехиялар • уртикария, эритема, онихоклазия • бүйректің жедел зақымдануы# Жиі емес • криптококктық инфекциялар*, пневмоцистік инфекциялар*,#, аспергиллез*, В гепатиті вирусының реактивациясы@, # • ісік лизисінің синдромы • ми қанайналымының бұзылуы#, транзиторлық ишемиялық шабуыл, ишемиялық инсульт # • көзге қан құйылуы‡ • қарыншалық тахиаритмия*,#, жүректің тоқтап қалуы# • субдуральді гематома# • бауыр жеткіліксіздігі*, # • ангионевроздық ісіну, панникулит*, нейтрофильді дерматоз*, пиогенді гранулема, тері васкулиті Сирек • лейкостаз синдромы • Стивенс-Джонсон синдромы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ибрутинибпен артық дозаланғаны туралы деректер шектеулі. Ибрунат препараты үшін спецификалық антидот жоқ. Ұсынылғанынан жоғары дозасын қабылдаған жағдайда, пациенттердің жағдайын мұқият бақылауды, сондай-ақ тиісінше демеуші ем жүргізуді қамтамасыз ету қажет.

Арнайы сақтандырулар Қан кетумен байланысты жағдайлар Ибрутиниб препаратын қабылдаған пациенттерде тромбоцитопениямен бірге және онсыз қан кету жағдайлары хабарланған. Олар қан кетудің елеусіз жағдайларын, мысалы, көгерген кезде қан кетулерді, мұрыннан қан кетулерді және петехияны, сондай-ақ қан кетудің елеулі жағдайларын, асқазан-ішектен қан кетуді, бассүйек ішіне қан құйылуды және гематурияны қоса, өліммен аяқталатын кейбір жағдайларды қамтыды. Варфаринді және К дәруменінің басқа да антагонистерін Ибрунат препаратымен біріктіріп қолданбаған дұрыс. Антикоагулянттарды немесе тромбоциттер функциясын Ибрунат препаратымен бірге тежейтін дәрілік препараттарды (антиагреганттар) қолдану ауқымды қан кету қаупін арттырады. Антиагреганттармен салыстырғанда антикоагулянттарды қолданғанда қатты қан кетудің анағұрлым жоғары қаупі байқалды. Ибрунат препаратымен бірге қолданғанда антикоагулянттық немесе антиагреганттық емнің қауіптері мен артықшылықтарын бағалау керек. Пациенттерді қан кету белгілері мен симптомдарының пайда болуына бақылау қажет. Балық майы және Е дәрумені препараттары сияқты қоспаларды қолданбау қажет. Ибрунат препаратымен емдеуді операцияның типіне және қан кету қаупінің дәрежесіне байланысты хирургиялық араласымға дейін және одан кейін 3-тен 7 күнге дейінгі мерзімге тоқтата тұру керек. Қан кетумен байланысты жағдайлардың әсер ету механизмі толық зерттелген жоқ. Туа біткен геморрагиялы диатезі бар пациенттер зерттелмеген. Лейкостаз Ибрутиниб қабылдаған пациенттерде лейкостаздың бірлі-жарым жағдайлары байқалған. Айналымдағы лимфоциттердің көп мөлшері (>400000/мкл) лейкостаздың пайда болу қаупін арттыруы мүмкін. Ибрунат препаратымен емдеуді уақытша тоқтата тұру қажеттілігін қарастыру керек. Пациенттердің жай-күйіне мұқият бақылау жүргізу қажет. Гидратацияны және/немесе циторедукцияны қамтитын демеуші емді көрсетілімдер бойынша жүргізу керек. Көкбауырдың жыртылуы Ибрутинибпен емдеуді тоқтатқаннан кейін көкбауыр жыртылған жағдайлар хабарланды. Ибрунат препаратымен емдеуді үзген немесе тоқтатқан жағдайда аурудың жай-күйін және көкбауырдың өлшемін (мысалы, клиникалық тексеру, УДЗ) мұқият бақылау керек. Іштің жоғарғы бөлігі немесе солжақ иығы ауыратын пациенттердің жағдайын бағалау және көкбауырдың жыртылу диагнозының ықтималдығын қарастыру керек. Инфекциялар Ибрутинибпен ем қабылдаған пациенттерде инфекциялар (сепсисті, нейтропениялық сепсисті, бактериялық, вирустық немесе зеңдік инфекцияларды қоса) туындаған жағдайлар байқалған. Бұл инфекциялардың кейбіреулері ауруханаға жатқызуды қажет етеді немесе өлімге әкелді. Инфекция өлімге әкелген пациенттердің көпшілігінде нейтропения да байқалды. Қызбаны, бауыр функциясының биохимиялық көрсеткіштерінің нормадан ауытқуларын, нейтропенияны және инфекцияларды анықтау мақсатында пациенттердің жағдайын бақылау, сондай-ақ инфекцияға қарсы тиісінше емді көрсетілімдер бойынша жүргізу қажет. Оппортунистік инфекциялардың даму қаупі жоғары пациенттерде профилактика қажеттілігін емдеу стандарттарына сәйкес қарастыру керек. Ибрутинибті қолданғаннан кейін аспергиллез, криптококкоз және Pneumocystis jiroveci инфекциясы жағдайларын қоса, инвазиялық зеңдік инфекциялар жағдайлары туралы хабарланды. Инвазиялық зеңдік инфекциялардың байқалған жағдайлары өліммен аяқталуымен астасқан. Алдыңғы немесе қатарлас иммуносупрессиялық ем шеңберінде ибрутинибті қолданғаннан кейін үдемелі мультифокальді лейкоэнцефалопатия (ҮМЛ) жағдайлары, оның ішінде өліммен аяқталатын жағдайлар туралы хабарланды. Дәрігер жаңа немесе нашарлайтын неврологиялық, когнитивтік немесе мінез-құлық белгілері немесе симптомдары бар пациенттерде дифференциалды диагностика жүргізгенде ҮМЛ ескеруі тиіс. ҮМЛ-ге күдік болған кезде тиісті диагностикалық бағалау жүргізу және ҮМЛ диагнозы жоққа шығарылғанға дейін емді тоқтата тұру керек. Қандай да бір күмән болған жағдайда неврологқа жіберу және МРТ-ны қоса алғанда, ҮМЛ-ға тиісті диагностикалық іс-шаралар жүргізу қажеттігін контрастпен, ми-жұлын сұйықтығында Джон Каннингем вирусының ДНҚ бар-жоғын (CSF) талдауды және қайта неврологиялық бағалауды қарастырған жөн. Бауыр тарапынан асқынулар Созылмалы болуы мүмкін гепатоуыттылық, В гепатиті мен Е гепатитінің реактивациясы жағдайлары ибрутиниб қабылдаған пациенттерде туындады. Бауыр жеткіліксіздігі, өліммен аяқталған жағдайларды қоса алғанда, ибрутиниб қабылдаған пациенттерде болды. Ибрунат препаратымен емдеуді бастағанға дейін бауырдың функциялық жай-күйін және вирустық гепатиттің статусын бағалау керек. Емдеу кезінде пациенттің бауыр функциясы көрсеткіштерінің өзгерістеріне мезгіл-мезгіл бақылау жүргізу керек. Вирустық жүктемені клиникалық көрсетілімдер бойынша айқындау және инфекциялық гепатитті анықтау серологиялық тестілерін белгіленген клиникалық нұсқауларға сәйкес жүргізу қажет. Бауыр функциясының диагностикаланған бұзылуы бар пациенттерге бауыр ауруларын жүргізу жөніндегі сарапшыдан кеңес алу қажеттілігін қарастыру керек. Цитопения Ибрутиниб қабылдаған пациенттерде емдеуге байланысты 3 немесе 4-дәрежелі цитопениялар (нейтропения, тромбоцитопения және анемия) туындаған жағдайлар байқалды. Қанның толық талдауын ай сайын жүргізу қажет. Өкпенің интерстициялық ауруы (ӨИА) Ибрутинибпен ем қабылдаған пациенттер арасында ӨИА жағдайлары байқалған. Пациенттерді ӨИА білдіретін өкпе симптомдарының пайда болуына қатысты мониторингтеуді жүзеге асыру қажет. Симптомдар дамығанда Ибрунат препаратымен емдеуді тоқтатып, ӨИА тиісті емін бастау қажет. Егер симптомдар сақталса, Ибрунат препаратымен емдеудің пайдасы мен қаупінің арақатынасын бағалау және дозаны модификациялау жөніндегі нұсқауларды орындау қажет. Жүрек аритмиясы және жүрек жеткіліксіздігі Ибрутиниб қабылдаған пациенттерде өлімге әкелетін және жүректің ауыр аритмиясы және жүрек жеткіліксіздігі байқалды. Статусы ECOG ≥2 (Шығыс біріккен онкологиялық тобында шкала бойынша) немесе жүректің қатарлас аурулары бар егде пациенттер кенеттен өлімге әкелетін жүрек оқиғаларын қоса, үлкен қауіптегі оқиғаларға ұшырауы мүмкін. Жыпылықтағыш аритмия, жүрекше дірілдеуі, қарыншалық тахиаритмия және жүрек жеткіліксіздігі туралы, әсіресе анамнезіндегі артериялық гипертензия, қант диабеті және жүрек аритмиясын қоса, жедел инфекциясы немесе жүрек факторларының қаупі бар пациенттердегісі хабарланды. Жүрек ауруларының тарихын және жүрек функциясын тиісті клиникалық бағалау Ибрунат препаратымен емдеу басталғанға дейін жүргізілуі тиіс. Емдеу кезінде пациенттердегі жүрек функциясының клиникалық нашарлау белгілерін мұқият бақылап және клиникалық ем жүргізу керек. Жүрек-қантамыр аурулары бар пациенттер үшін көрсетілгендей, одан әрі тексеру мүмкіндігін (мысалы, ЭКГ, эхокардиограмма) қарастыру керек. Жүрек оқиғаларының тиісті қауіп факторлары бар пациенттер үшін Ибрунат препаратымен емдеуді бастар алдында пайдасын/қаупін мұқият бағалау қажет; баламалы ем қарастырылуы мүмкін. Қарыншалық тахиаритмия белгілері және/немесе симптомдары бар пациенттерде Ибрунат препаратын қабылдауды уақытша тоқтату және емдеуді қайта бастау мүмкіндігіне дейін пайдасына/қаупіне клиникалық тұрғыдан мұқият бағалау жүргізу керек. Антикоагулянттармен емдеуді талап ететін, бұрыннан бар жүрекше фибрилляциясы бар пациенттерде Ибрунат препаратымен баламалы емдеу нұсқалары қаралуы тиіс. Ибрунат препаратымен емдеу аясында дамитын жүрекше фибрилляциясы бар пациенттерде тромбоэмболиялық аурулардың қаупіне мұқият бағалау жүргізу керек. Қаупі жоғары пациенттерде және Ибрунат препаратымен емдеудің баламасы болмаған жағдайда антикоагулянттармен мұқият бақыланатын емдеу нұсқасын қарау керек. Ибрунат препаратымен емдегенде пациенттерде жүрек жеткіліксіздігінің белгілері мен симптомдарының пайда болуын бақылау керек. Ол жағдайлардың кейбіреулерінде Ибрунат препаратын тоқтатқаннан немесе дозасын төмендеткеннен кейін жүрек жеткіліксіздігі жойылды немесе жақсару байқалды. Ми қанайналымының бұзылуы Ибрутинибті қолданғанда өліммен аяқталған, жүрекшенің қатарлас фибрилляциясы және/немесе артериялық гипертензиясы бар және жоқ жағдайларды қоса, ми қанайналымының бұзылуы, транзиторлық ишемиялық шабуыл және ишемиялық инсульт жағдайлары хабарланды. Ибрутинибпен емдеуді бастағаннан бастап орталық жүйке жүйесінің ишемиялық қантамырлық жай-күйлері пайда болғанға дейінгі уақыт көп жағдайларда бірнеше айды құрады (жағдайлардың 78%-ында 1 айдан астам және 44%-ында 6 айдан астам), бұл пациенттерге тұрақты мониторинг жүргізу қажеттілігін айғақтайды. Ісік лизисінің синдромы Ибрутинибпен емдегенде ісік лизисінің синдромы (ІЛС) туралы хабарланды. Ісік массасы үлкен пациенттерде емдеуге дейін ісік лизисі синдромының қаупі бар. Тиісті сақтық шараларын сақтау және пациенттерге мониторинг жүргізу ұсынылады. Терінің меланомалық емес обыры ІІІ фазаның біріктірілген рандомизацияланған салыстырмалы зерттеулерінде терінің меланомалық емес обыры ибрутинибпен ем қабылдаған пациенттерде салыстыру препаратын қабылдаған пациенттермен салыстырғанда жиі байқалды. Терінің меланомалық емес обырының пайда болуы тұрғысынан пациенттердің жағдайын бақылау қажет. Гипертензия Артериялық гипертензия ибрутиниб алған пациенттерде байқалды. Ибрунат препаратын қабылдаған пациенттерде артериялық қысымды ұдайы бақылап отыру және қажетіне қарай, Ибрунат препаратымен емдеудің барлық курсы бойына гипертензияға қарсы препараттарды түзету немесе бастау ұсынылады. Гемофагоциттік лимфогистиоцитоз (ГЛГ) Ибрутинибпен ем қабылдаған пациенттерде ГЛГ жағдайлары (өліммен аяқталған жағдайларды қоса) туралы хабарламалар алынды. ГЛГ бұл өте ауыр жүйелі қабынудың клиникалық белгілерімен және симптомдарымен сипатталатын, өмірге қауіп төндіретін иммунитеттің патологиялық белсенділену синдромы. ГЛГ қызбамен, гепатоспленомегалиямен, гипертриглицеридемиямен, сарысудағы ферритиннің жоғары деңгейімен және цитопениямен сипатталады. Пациенттер ГЛГ симптомдары туралы хабардар болуы тиіс. Патологиялық иммундық белсенділенудің бастапқы көріністері дамыған пациенттерге дереу бағалау жүргізу, және ГЛГ диагнозының ықтималдығын қарастыру керек. Дәрілік өзара әрекеттесулер Ибрунат препаратын CYP3A4 күшті немесе орташа тежегіштерімен бірге қолдану ибрутиниб концентрациясының артуына және, демек, уыттылық қаупінің жоғарырақ болуына әкелуі мүмкін. Керісінше, CYP3A4 индукторларымен бірге қолдану ибрутиниб концентрациясының төмендеуіне және, демек, тиімділіктің болмау қаупіне әкелуі мүмкін. Осыған байланысты, мүмкіндігінше, ибрутинибті CYP3A4 күшті тежегіштерімен және CYP3A4 күшті немесе орташа индукторларымен бірге қолданбау керек және егер әлеуетті артықшылықтар әлеуетті қауіптен едәуір асып кеткен жағдайда ғана бірге қолдану мүмкіндігін қарастыру керек. Ибрунат препаратымен ем қабылдайтын пациенттерде CYP3A4 тежегіштерін қолдану қажет болғанда уыттылық белгілерінің пайда болуына мұқият бақылау жүргізу керек. CYP3A4 изоферментінің индукторларын қолдану қажет болған жағдайда пациенттерді Ибрунат препараты тиімділігінің бар-жоғы тұрғысынан мұқият бақылау керек. Бала туу әлеуеті бар әйелдер Бала туу әлеуеті бар әйелдер Ибрунат препаратын қолданғанда контрацепцияның тиімділігі жоғары әдістерін пайдалануы тиіс. Әсері белгілі қосымша заттар Натрий Әр капсуланың құрамында 1 ммольден аз натрий (23 мг) бар, яғни препаратта натрий жоқ болып саналады. Калий Әр капсуланың құрамында 1 ммольден аз калий (39 мг) бар, яғни препаратта калий жоқ болып саналады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ибрунат препараты көлік құралын басқару және механизмдермен жұмыс істеу қабілетіне елеусіз әсер береді. Ибрутиниб қабылдаған кейбір пациенттерде шаршау, бас айналу және астения байқалды. Бұл пациенттің көлік құралдарын басқару және механизмдермен жұмыс істеу қабілетін бағалағанда назарға алынуы тиіс.

Ибрунат препаратын жүктілік кезінде қолдануға болмайды. Ибрунат препаратын жүкті әйелдерде қолданғаны жөнінде деректер жоқ. Жануарларға жүргізілген зерттеулер репродукциялық уыттылығын көрсетті. Ибрутиниб немесе оның метаболиттері емшек сүтіне бөлінетіні белгісіз. Емшек еметін балалар үшін қаупін жоққа шығаруға болмайды. Ибрунат препаратымен емделгенде бала емізуді тоқтату керек. Клиникаға дейінгі зерттеу нәтижелері бойынша, жүкті әйелдерде ибрутинибті қолданған жағдайда шаранаға зиян келтіруі мүмкін. Әйелдер Ибрунат препаратымен емделгенде және емделу аяқталғаннан кейін 3 ай бойы жүктіліктен сақтану керек. Сондықтан бала туу әлеуеті бар әйелдер Ибрунат препаратын қабылдағанда және емделу аяқталғаннан кейін 3 ай бойы контрацепцияның тиімділігі жоғары әдістерін пайдалануы тиіс. Фертильділік Клиникаға дейінгі зерттеулерде фертильділік пен репродукциялық қабілетке әсері анықталған жоқ. Ибрутинибтің адам фертильділігіне әсеріне қатысты деректер жоқ.

Ибрутиниб метаболизміне көбінесе Р450 цитохромы және 3A4 изоферменті (CYP3A4) қатысады. Ибрутинибтің плазмадағы концентрациясын арттыруға қабілетті препараттар Ибрунат препаратын CYP3A4 изоферментін күшті немесе орташа тежейтін дәрілік препараттармен бірге қолдану ибрутиниб концентрациясының жоғарылауына алып келуі мүмкін, CYP3A4 изоферментінің күшті тежегіштерімен бірге қолданбау керек. CYP3A4 изоферментінің күшті тежегіштері Кетоконазолмен (CYP3А4 изоферментінің өте күшті тежегішімен) бірге ашқарынға қолдану нәтижесінде 18 дені сау еріктіде ибрутиниб концентрациясының (Cmax және AUC) тиісінше 29 және 24 есе жоғарылағаны байқалды. Препаратты ашқарынға қабылдау шарттарын қолдана отырып модельдеу CYP3A4 – кларитромициннің күшті тежегіші ибрутинибтің AUC-ны 14 есе арттыруға қабілетті деп болжауға мүмкіндік берді. Ибрутинибті тамақпен бірге қабылдаған В-жасушалық қатерлі ісіктері бар пациенттерде CYP3A4 күшті тежегішін вориконазолды бірге енгізу ибрутиниб (Cmax) концентрациясын 6.7 есе және AUC 5.7 есе арттырды. Ибрутинибті CYP3А4 изоферментінің күшті тежегіштерімен (мысалы, кетоконазол, индинавир, нелфинавир, ритонавир, саквинавир, кларитромицин, телитромицин, итраконазол, нефазодон, кобицистат, вориконазол және позаконазол) бірге қолданбау керек. Ибрутинибті және CYP3А4 изоферментінің күшті тежегішін бірге қабылдау қажет болған жағдайда және ықтимал пайдасы ықтимал қаупінен асып кетсе, онда Ибрунат препаратының дозасын тежегішті қолдану кезеңінде 140 мг (бір капсула) дейін азайту немесе Ибрунат препаратын қабылдауды уақытша тоқтату керек (7 күннен аспайтын мерзімге). Пациенттерде уыттылық көріністеріне мұқият бақылауды қамтамасыз ету және қажет болған жағдайда нұсқаулыққа сәйкес дозаға түзету жүргізу керек. CYP3A4 изоферментінің орташа тежегіштері Ибрутинибті тамақпен бірге қабылдаған В-жасушалық қатерлі ісіктері бар пациенттерде CYP3A4 тежегішін, эритромицинді бірге енгізу ибрутиниб (Cmax) концентрациясын 3.4 есе және AUC 3.0 есе арттырды. Егер пациентке ибрутинибті CYP3А4 изоферментінің орташа тежегішімен (мысалы, флуконазол, эритромицин, ампренавир, апрепитант, атазанавир, ципрофлоксацин, кризотиниб, дилтиазем, фосампренавир, иматиниб, верапамил, амиодарон және дронедарон) бірге қолдану көрсетілсе, Ибрунат препаратының дозасын CYP3А4 изоферментінің тежегішінің орташа дозасымен бірге қолданғанда 280 мг (екі капсула) дейін төмендету керек. Пациенттерде уыттылық көріністеріне мұқият бақылауды қамтамасыз ету және қажет болған жағдайда нұсқаулыққа сәйкес дозаға түзету жүргізу керек. СҮР3А4 әлсіз тежегіштері Препаратты ашқарынға қабылдау шарттарын модельдеу CYP3A4 әлсіз тежегіштері, азитромицин және флувоксамин ибрутинибтің AUC-ін 2 еседен аз арттыруға қабілетті деп болжауға мүмкіндік берді. Ибрутинибті CYP3A4 изоферментінің әлсіз тежегіштерімен бірге қолданғанда дозаны түзету қажет емес. Пациенттерде уыттылық көріністеріне мұқият бақылауды қамтамасыз ету және қажет болған жағдайда нұсқаулыққа сәйкес дозаға түзету жүргізу керек. 8 дені сау еріктіде құрамында CYP3A4 изоферментінің тежегіштері бар грейпфрут шырынымен және померанцпен бірге қолдану ибрутиниб концентрациясын (Cmax және AUC) тиісінше шамамен 4 және 2 есе арттырды. Ибрунат препаратымен емдегенде грейпфруттар мен померанцтарды жеуге болмайды, өйткені бұл жемістердің құрамында CYP3А4 изоферментінің орташа тежегіштері бар. Ибрутинибтің плазмадағы концентрациясын төмендетуге қабілетті препараттар Ибрунат препаратын CYP3A4 индукторларымен бірге қабылдау ибрутинибтің плазмадағы концентрациясын төмендетуі мүмкін. Рифампицинмен, CYP3A4 күшті индукторымен, 18 дені сау адамда ашқарынға бірге қолдану ибрутинибтің экспозициясын (Cmax және AUC) тиісінше 92% және 90%-ке төмендетті. CYP3A4 күшті немесе орташа индукторларымен (мысалы, карбамазепин, рифампицин, фенитоин) бірге қолданбау керек. Құрамында шілтер жапырақты шайқурай бар препараттар тиімділігінің төмендеу ықтималдығына байланысты Ибрунат препаратымен емдегенде қолдануға болмайды. CYP3A4 анағұрлым әлсіз индукциялық қасиеттері бар баламалы препараттарды қарастыру керек. Егер пайдасы қаупінен асып кетсе және CYP3A4 күшті немесе орташа индукторын қолдану талап етілсе, пациентті тиімділігінің жоқтығы тұрғысынан мұқият бақылау ұсынылады. Әлсіз индукторларды Ибрунат препаратымен бірге қолдануға рұқсат етіледі, алайда пациенттер әлеуетті жеткіліксіз тиімділігі тұрғысынан бақылануы тиіс. Ибрутинибтің ерігіштігі рН тәуелді, рН жоғарылаған сайын ерігіштігі төмендей түседі. Ашқарынға 5 күн бойы күніне бір рет 40 мг дозада омепразолды қабылдағаннан кейін 560 мг дозада ибрутинибтің бір реттік дозасын қабылдаған дені сау пациенттерде Cmax-тың неғұрлым төмен мәні байқалды. Cmax-тың неғұрлым төмен мәні клиникалық мәнге ие болатынына ешқандай дәлел жоқ, асқазанның рН жоғарылататын дәрілік заттар (мысалы, протон помпасының тежегіштері) негізгі клиникалық зерттеулерде шектеусіз қолданылды. Плазмадағы концентрациялары ибрутинибтің әсерінен өзгеруі мүмкін препараттар In vitro зерттеу нәтижелері бойынша ибрутиниб P-гликопротеин мен сүт безі обыры резистентті ақуызы (BCRP) тежегіші болып табылады. Осы өзара әрекеттесуге қатысты клиникалық деректер болмағандықтан, препаратты емдік дозаларда қабылдағаннан кейін P-гликопротеиннің ішектік түрін және сүт безі обыры резистентті ақуызын ибрутинибтің тежеу мүмкіндігі жоққа шығарылмайды. Асқазан-ішек жолында ықтимал өзара әрекеттесуді азайту мақсатында белгілі бір емдік индексі бар (мысалы, дигоксин немесе метотрексат сияқты) Р-гликопротеин және сүт безі обырына резистенттң ақуыз субстраттары Ибрунат препаратын қабылдар алдында немесе одан кейін кемінде 6 сағат аралықпен қабылдануы тиіс. Ибрутиниб сондай-ақ бауырдағы сүт безі обырына резистентті ақуызды тежеуі және розувастатин сияқты BCRP-жанама бауыр арқылы ағып шығатын дәрілік заттардың экспозициясын арттыруы мүмкін. Ибрутинибтің (420 мг) венетоклакспен (400 мг) біріктірілімін зерттеулерде венетоклакс монотерапиясының деректерімен салыстырғанда, СЛЛ бар пациенттерде венетоклакс экспозициясының артқаны (AUC негізінде шамамен 1,8 есе) байқалды. В-жасушалық ісіктері бар пациенттерде дәрілік өзара әрекеттесулер зерттеуінде ибрутинибтің 560 мг құраған бір реттік дозасын қабылдау мидазолам субстраты, CYP3A4 экспозициясына клиникалық тұрғыдан маңызды әсерін тигізбеді. Осыған ұқсас зерттеуде, тәуліктік дозасы 560 мг құраған ибрутинибпен 2 апта бойы емдеу пероральді контрацептивтердің (этинилэстрадиол және левоноргестрел), мидазолам субстратының, CYP3A4 және бупропион субстратының, CYP2B6 фармакокинетикасына клиникалық тұрғыдан маңызды әсер етпеген.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары 30 °С-ден аспайтын температурада сақтау керек. Балалардың қолы жетпейтін жерде сақтау керек!