Ибукем таблетки 200 мг

Бір таблетканың құрамында белсенді зат - ибупрофен 200 мг, 400 мг қосымша заттар: лактоза моногидраты, жүгері крахмалы, гипромеллоза 6 CPS, сусыз кремнийдің қостотығы, микрокристалды целлюлоза (GR 102), натрий кроскармеллозасы, магний стеараты қабықтың құрамы: Opadry white 03g28692 – гипромеллоза, титанның қостотығы (Е 171), макрогол 4000, макрогол 600, су. Сыртқы түрінің, иісінің, дәмінің сипаттамасы Ақ түсті үлбірлі қабықпен қапталған, жастық пішіндес, бір жақ бетінде ʽ235ʼ өрнегі бар және басқа жақ беті тегіс таблеткалар (200 мг дозасы үшін). Ақ түсті үлбірлі қабықпен қапталған, жастық пішіндес, бір жақ бетінде ʽ236ʼ өрнегі бар және басқа жақ беті тегіс таблеткалар (400 мг дозасы үшін).

Бас ауыруы, тіс ауыруы, қызба, етеккірден болатын ауырсыну, бұлшықеттер ширығуы, арқаның ауыруы сияқты жеңіл және орташа ауыруды қысқа мерзімді басуға, сондай ақ суық тию және тұмау симптомдарын басуға арналған қабынуға қарсы, ауыруды басатын және қызуды түсіретін дәрі ретінде.

Фармакодинамикалық әсері Ибупрофен - пропион қышқылының туындысы, қабынуға қарсы стероидты емес дәрі (ҚҚСД) анальгетикалық, қабынуға қарсы және ыстықты төмендететін әсерлерге ие. Препараттың емдік әсерлері оның циклооксигеназа ферментіне тежегіш әсерімен жүзеге асады, бұл простагландиндер синтезінің айқын төмендеуіне әкеледі деп саналады. Осы қасиеттері қабыну, ауыру, қызба симптомдарын жеңілдетуді қамтамасыз етеді. Ибупрофен ацетилсалицил қышқылының/аспириннің төмен дозаларының тромбоциттер агрегациясына әсерін бәсекеге қабілетті түрде тежей алады, мұнда екі препарат бір уақытта тағайындалады. Кейбір фармакодинамикалық зерттеулерде препарат тез босап шығатын түрдегі (81 мг дозада) ацетилсалицил қышқылын/аспиринді қабылдауға дейін 8 сағат ішінде немесе қабылдағаннан кейін 30 минут ішінде ибупрофеннің 400 мг дозасын бір реттік қабылдағанда, тромбоксанның түзілуіне және тромбоциттердің агрегациясына ацетилсалицил қышқылының/аспириннің ықпалы төмендеді. Клиникалық жағдайға эксперименттік деректердің экстраполяциясына қатысты дәлсіздік бар болса да, ибупрофенді ұзақ уақыт ұдайы қолдану ацетилсалицил қышқылының/аспириннің төмен дозалары кардиопротекторлық әсерін төмендетуі мүмкін екендігін жоққа шығаруға болмайды. Ибупрофенді жүйесіз қолданғанда клиникалық тұрғыдан маңызды әсерлердің болу ықтималдығы аз.

Тек ішке қабылдауға және қысқа мерзімді қолдануға арналған. Ең аз тиімді дозаны симптомдарды жеңілдету үшін қажет ең қысқа уақыт ішінде пайдаланған жөн. Симптомдар сақталса немесе нашарласа немесе препаратты 10 күннен артық қабылдау қажет болса, пациенттер дәрігермен кеңесу керек. Егер аурудың симптомдары 3 күннен артық сақталып қалса, не болмаса бастапқы жай-күймен байланыссыз қандай-да бір басқа симптомдар пайда болса, не болмаса жай-күй нашарлай бастаса, емдеуді дереу тоқтату және дәрігерге жүгіну керек. Дозалау режимі Ересектер мен 12 жастан асқан балалар: бастапқы доза 400 мг құрайды, содан кейін қажет болған жағдайда әр төрт сағат сайын 200-ден 400 мг-ға дейін, ең жоғары дозасы 24 сағат ішінде 1200 мг құрайды. Балалар мен жасөспірімдер Егер жасөспірімдерге бұл дәрілік заттарды 3 күннен артық қолдану қажет болса немесе симптомдар нашарласа, дәрігермен кеңесу керек. 12 жасқа дейінгі балаларда қолданылмайды. Егде жастағы пациенттер Дозаны арнайы түзету қажет емес. Қабынуға қарсы стероидты емес препараттарды (ҚҚСП) жағымсыз реакцияларға бейім егде жастағы пациенттерде өте сақтықпен және айрықша мұқият бақылай отырып қолдану керек. Бүйрек жеткіліксіздігі Бүйрек функциясының ауырлығы жеңіл және орташа дәрежедегі бұзылулары бар пациенттер үшін препарат дозасын түзетудің қажеті жоқ. Бауыр жеткіліксіздігі Бауыр функциясының ауырлығы жеңіл және орташа дәрежедегі бұзылуларында препарат дозасын түзетудің қажеті жоқ. Енгізу әдісі мен жолы Ішке қолдануға арналған. Препаратты тамақ ішу кезінде немесе одан кейін шайнамай және сұйықтықтың көп мөлшерімен ішіп қабылдау керек. Асқазаны сезімтал пациенттерге Ибукемді тамақ ішу кезінде қабылдау ұсынылады. Қабылдау уақыты көрсетілген қолдану жиілігі Дозалар арасындағы аралық симптоматикаға және ең жоғары тәуліктік дозаға байланысты, қабылдауды 4 сағаттан ерте қайталау ұсынылмайды. Ең жоғары тәуліктік доза: 1200 мг (6 таблетка 200 мг немесе 3 таблетка 400 мг).

- әсер етуші затқа немесе қосымша заттардың кез келгеніне аса жоғары сезімталдық - ауыр бүйрек немесе бауыр жеткіліксіздігі - ауыр жүрек жеткіліксіздігі (NYHA бойынша IV класы) - анамнездегі алдыңғы ҚҚСП емімен байланысты асқазан-ішектен қан кету немесе тесілу - белсенді немесе анамнездегі қайталанатын пептикалық ойық жара / қан кету (дәлелденген ойық жараның, қан кетудің немесе басқа асқазан-ішек бұзылыстарының екі немесе одан да көп эпизодтары) - ибупрофенді, аспиринді немесе басқа қабынуға қарсы стероидты емес препараттарды қолдануға жауап ретінде анамнезінде жағымсыз реакциялары бар (мысалы, демікпе, бронх түйілуі, ринит, ангионевроздық ісіну немесе есекжем) пациенттер - жүктіліктің үшінші триместрі - 12 жасқа дейінгі балаларда қолдану - тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға

Жиі емес - аса жоғары сезімталдық реакциялары (есекжем және қышыну) - бас ауыруы - іштің ауыруы, жүрек айнуы және диспепсия - тері бөртпелерінің әртүрлі түрлері Сирек - диарея, метеоризм, іш қату және құсу Өте сирек - қан түзілудің бұзылуы (анемия, лейкопения, тромбоцитопения, панцитопения, агранулоцитоз), оның алғашқы белгілері қызба, тамақ ауыруы, ауыз қуысы шырышты қабығының ойық жарасы, суық тию симптомдарының пайда болуы, айқын әлсіздік, этиологиясы белгісіз қан кету және қанталау). - аса жоғары сезімталдық реакциялары (беттің, тілдің және көмейдің ісінуі, ентігу, тахикардия, артериялық гипотензия, анафилаксия, ангионевроздық ісіну немесе ауыр анафилаксиялық шок) - асептикалық менингит - пептидтік ойық жара, тесілу немесе асқазан-ішектен қан кету, мелена, қан құсу - бауыр жеткіліксіздігі - терінің ауыр жағымсыз реакциялары (SCARs) (эритема мультиформалы эксфолиативті дерматит, Стивенс-Джонсон синдромы және уытты эпидермалық некролиз) - бүйректің жедел жеткіліксіздігі - инфекциялармен байланысты қабынудың өршуі (мысалы, некроздық фасциттің дамуы), ерекше жағдайларда, желшешек кезінде терінің ауыр инфекциялары және жұмсақ тіндер тарапынан асқынулар пайда болуы мүмкін - гемоглобин деңгейінің төмендеуі Жиілігі белгісіз (қолда бар мәліметтер бойынша жиілікті бағалау мүмкін емес) - естудің бұзылуы - Кунис синдромы - жүрек жеткіліксіздігі және ісіну - артериялық гипертензия - демікпе, бронх түйілуі немесе ентігуді қамтитын тыныс алу жолдарының реактивтілігі - спецификалық емес ойық жаралы колит пен Крон ауруының өршуі - бауыр функциясының бұзылуы - эозинофилиямен және жүйелі симптомдармен жүретін дәрілік реакция (DRESS синдромы) - жедел жайылған экзантематозды пустулез (AGEP) - фотосезімталдық реакциясы - колит және Крон ауруы - эозинофилиямен және жүйелі көріністерімен жүретін дәрілік реакция (DRESS синдромы) - жедел жайылған экзантематозды пустулез (AGEP) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Балаларда симптомдар дене салмағына шаққанда 400 мг/кг-ден асатын дозаларды қабылдағаннан кейін туындауы мүмкін. Ересектерде дозаға тәуелді әсер азырақ білінеді. Артық дозаланғанда жартылай шығарылу кезеңі 1,5-3 сағатты құрайды. СимптомдарыҚҚСД клиникалық маңызды мөлшерін қабылдаған пациенттердің көпшілігінде келесі симптомдар пайда болуы мүмкін: жүрек айну, құсу, эпигастрийдегі ауырсыну, сирек диарея. Құлақтың шуылдауы, бас ауыру және асқазан-ішектік қан кетулер де болуы ықтимал. Көбірек күрделі улануларда орталық жүйке жүйесінде, ұйқышылдық, кейде қозу және бағдардан адасу немесе кома ретінде көрініс беретін, уыттылық байқалады. Кейде пациенттерде құрысулар дамиды. Күрделі улануларда метаболизмдік ацидоз және протромбин уақытының/ ХҚҚ артуы дамуы мүмкін, бұл, сірә, препараттың және айналымдағы қан ұю факторларының өзара әрекеттесулерімен байланысты. Бүйрек функциясының жедел жеткіліксіздігі және бауырдың зақымдануы туындауы мүмкін. Бронх демікпесі бар пациенттерде осы ауру өршуі ықтимал. ЕміЕмдеу симптоматикалық және демеуші болуы тиіс және тыныс алу жолдары өткізгіштігінің бос болуын және жүрек қызметіне және пациенттің жағдайы қалыпқа келгенше өмір сүрудің негізгі көрсеткіштеріне мониторинг жүргізуді міндетті түрде қамтамасыз етуді қамтиды. Препараттың потенциалды уытты мөлшерін қабылдаудан кейін 1 сағат ішінде белсенділендірілген көмірді пероральді түрде қолдану ұсынылады. Жиі және ұзаққа созылатын құрысуларды диазепамды немесе лоразепамды вена ішіне енгізу арқылы басу керек. Бронх демікпесінде бронходилататорларды қолдану ұсынылады.

Симптомдарды жеңілдетуге қажетті ең қысқа уақыт кезеңі ішінде ең төмен тиімді дозаны қолданғанда жағымсыз әсерлерді азайтуға болады Егде жастағы пациенттер Егде жастағы пациенттерде ҚҚСП жағымсыз реакциялардың, әсіресе өмірге қауіп төндіруі мүмкін асқазан-ішектен қан кетулер және ойық жаралардың тесілуі сияқтылар туындау жиілігі жоғарылайды. Бронх түйілуі Бронх демікпесі немесе аллергиялық аурулары бар пациенттерде бронх түйілуі күшеюі мүмкін. Басқа ҚҚСП Циклооксигеназа-2 селективті тежегіштерін қоса, қатар жүретін ҚҚСП бірге ибупрофен қолданудан аулақ болу керек. Жүйелі қызыл жегі және дәнекер тіннің жүйелік аурулары Асептикалық менингит қаупі жоғары. Бүйрек жеткіліксіздігі Дегидратациямен пациенттерді ибупрофенмен емдеуді бастаған кезде абай болу керек. Бауыр жеткіліксіздігі Бауыр функциясының бұзылуы. Әйел фертильділігінің бұзылуы Циклооксигеназа/ простагландиндер синтезін тежейтін препараттар овуляцияға әсер ету есебінен әйел фертильділігінің бұзылуын тудыруы мүмкін екендігі туралы шектеулі деректер бар. Асқазан-ішек жолы ҚҚСП асқазан-ішек аурулары бар (спецификалық емес ойық жаралы колит, Крон ауруы) пациенттерге аталған аурулардың өршуіне байланысты сақтықпен тағайындау керек. Емдеудің кез келген кезеңінде ҚҚСП қабылдау асқазан-ішектен қан кетуге, ойық жараға немесе тесілуге, кейде алдын алу симптомдарына немесе анамнезінде асқазан-ішек жолы тарапынан жағымсыз реакциялардың болуына қарамастан өлімге әкелуі мүмкін. Анамнезінде ойық жарасы бар пациенттерде, әсіресе қан кетумен немесе тесілумен асқынған пациенттерде және егде жастағы пациенттерде ҚҚСП дозасын арттырған кезде асқазан-ішектен қан кету, ойық жара немесе тесілу қаупі артады. Мұндай пациенттерге препаратты қабылдауды ең аз ықтимал дозадан бастау керек. Анамнезінде асқазан-ішек уыттылығы бар пациенттерге, әсіресе егде жастағы пациенттер құрсақ қуысы ағзалары тарапынан кез келген ерекше симптомдар туралы (әсіресе асқазан-ішектен қан кету туралы), әсіресе емдеудің бастапқы кезеңінде хабарлаған жөн. Ойық жара немесе қан кету қаупін арттыруы мүмкін дәрілік препараттарды, мысалы, пероральді кортикостероидтар, антикоагулянттар (мысалы, варфарин), серотонинді кері қармаудың селективті тежегіштері немесе тромбоциттерге қарсы препараттарды (мысалы, аспирин) қабылдайтын пациенттерге препаратты сақтықпен ұсынған жөн. Егер ибупрофен қабылдайтын пациенттерде асқазан-ішектен қан кету немесе ойық жара пайда болса, емдеуді дереу тоқтату керек. Жүрек-қантамырлар және цереброваскулярлық бұзылулар Ибупрофенмен емделген пациенттерде Кунис синдромы жағдайлары туралы хабарланды. Кунис синдромы коронарлық артериялардың тарылуымен байланысты және миокард инфарктісіне әкелуі мүмкін аллергиялық немесе жоғары сезімталдық реакциясынан кейінгі жүрек-қантамырлар симптомдары ретінде анықталады. Артериялық гипертензиямен және/немесе жүрек жеткіліксіздігімен пациенттер препаратты сақтықпен қабылдауды бастауы керек (дәрігермен кеңесу қажет), өйткені сұйықтықтың іркілуі, артериялық гипертензия және ҚҚСП қабылдаумен байланысты ісіну туралы хабарланған. Ибупрофенді ұзақ уақыт қолдану, әсіресе жоғары дозаларда (тәулігіне 2400 мг) тромбоздық асқынулардың (мысалы, миокард инфарктісі немесе инсульт) даму қаупінің шамалы жоғарылауымен байланысты болуы мүмкін. Ибупрофеннің ұсынылған тәуліктік дозасын қабылдау (тәулігіне 1200 мг) жүрек-қантамыр жүйесі тарапынан асқынулар даму қаупінің жоғарылауын тудырмайды. Бақыланбайтын артериялық гипертензиясы, II-III класты NYHA классификациясы бойынша іркілісті жүрек жеткіліксіздігі, жүректің ишемиялық ауруы, шеткері артерия аурулары және/немесе цереброваскулярлық аурулары бар пациенттер ибупрофеннің жоғары дозаларын (тәулігіне 2400 мг) қолданудан аулақ болу керек. Ибупрофенмен ұзақ мерзімді ем басталғанға дейін, әсіресе жоғары дозаларда (тәулігіне≥ 2400 мг) жүрек-қантамырлар асқынуларының (мысалы, гипертония, гиперлипидемия, қант диабеті, темекі шегу) даму қаупі факторлары бар пациенттерде пайда-қауіп арақатынасын мұқият бағалау қажет. Терінің ауыр жағымсыз реакциялары (тыртықтар) Эксфолиативті дерматит, мультиформалы эритема, Стивенс-Джонсон синдромы (SJS), уытты эпидермалық некролиз (TEN) және эозинофилиямен және жүйелік симптомдармен дәрілік реакция (DRESS синдромы), сондай-ақ өмірге қауіп төндіретін немесе өлімге әкелетін жедел жайылған экзантематозды пустулез (AGEP) сияқты ауыр тері жағымсыз реакциялары (тыртықтар) емдеудің бірінші айы ішінде тіркелген. Осы реакцияларды көрсететін белгілер мен симптомдар пайда болса, ибупрофен қабылдауды дереу тоқтатып, балама емдеуді (қажет болған жағдайда) қарастыру керек. Жасырын инфекциялардың симптомдарын бүркемелеу Ибупрофен инфекциялық аурудың симптомдарын бүркемелеуі мүмкін, бұл тиісті емдеуді бастаудың кешеуілдеуіне әкелуі мүмкін және осылайша аурудың ағымын қиындатады. Бұл бактериялық ауруханадан тыс пневмония мен желшешектің бактериялық асқынуларында байқалған. Ибупрофен дене температурасының жоғарылауымен немесе инфекциядағы ауырсынуды жеңілдету үшін қолданылған кезде инфекциялық ауруға мониторинг жүргізу ұсынылады. Медициналық мекемеден тыс емдеу жағдайында, егер симптомдар сақталса немесе күшейсе, пациент дәрігерге қаралуы тиіс. Ерекше жағдайларда, желшешек теріде мен жұмсақ тіндерде күрделі инфекциялық асқынуларға себеп болуы мүмкін. Желшешек кезінде ибупрофенді қабылдаудан аулақ болу ұсынылады. Басқа нұсқаулар Ибупрофенді пайда/қаупі арақатынасына мұқият баға берілгеннен кейін ғана келесі жағдайларда қолдануға болады: - жүйелік қызыл жегіде (ЖҚЖ) және аралас коллагеноздарда - асептикалық менингиттің пайда болу қаупі артады Әсіресе мыналарда мұқият дәрігерлік бақылау қажет болады: - асқазан-ішек жолы тарапынан бұзылуларда немесе анамнезінде ішектің созылмалы қабыну аурулары (өзіне тән емес ойық жаралы колит, Крон ауруы) бар болғанда; - артериялық қысым жоғарылағанда немесе жүрек функциясының жеткіліксіздігінде; - бүйрек функциясы бұзылғанда; - бауыр функциясы бұзылғанда; - тікелей ауқымды хирургиялық араласымдардан кейін; - тозаңдарға аллергияда, мұрын полиптерінде және тыныс алу жолдарының созылмалы обструкциялық ауруларында, өйткені мұндай пациенттерде аллергиялық реакциялардың туындау қаупі жоғарылаған. Бұл ракциялар демікпе ұстамалары (анальгетикалық демікпе деп аталатын), Квинке ісінуі немесе есекжем түрінде көрініс беруі мүмкін; - басқа дәрілік препараттарға аллергияларда, өйткені мұндай пациенттерде аса жоғары сезімталдық реакцияларының туындау қаупі, соның ішінде ибупрофенмен емдеген кезде жоғарылайды. Өте сирек жағдайларда ауыр дәрежедегі жоғары сезімталдықтың жедел реакциялары (мысалы, анафилаксиялық шок) байқалды. Ибукем препаратын қабылдаудан кейін аса жоғары сезімталдық реакцияларының алғашқы белгілері пайда болған кезде емдеуді дереу тоқтату керек. Қажетті емдік шаралар білікті мамандармен және симптоматикасына байланысты қабылдануы тиіс. Бұл дәріге аллергиялық реакцияның белгілері, соның ішінде тыныс алу проблемалары, бет пен мойын аймағының ісінуі (ангионевроздық ісіну), ибупрофен қабылдаған кезде кеудедегі ауырсыну туралы хабарланды. Осындай белгілердің қайсы бірін байқасаңыз, [өнім атауы] қабылдауды дереу тоқтатыңыз және дереу дәрігерге немесе кезек қүттірмейтін медициналық көмекке жүгініңіз. Ибупрофен тромбоциттердің функциясын (тромбоциттердің агрегациясын) уақытша басуы мүмкін. Осыған байланысты қанның ұйығыштығы бұзылған пациенттерді мұқият дәрігерлік бақылау қажет. Ибупрофенді ұзақ қабылдағанда бауыр функциясының, бүйрек функциясының көрсеткіштерін, сондай-ақ қанға жалпы талдауды ұдайы бақылап отыру қажет. Бас ауруын емдеу үшін қолданылатын ауыруды басатын кез келген дәрілерді ұзақ уақыт қолдану оның күшеюіне әкелуі мүмкін. Осындай жағдай немесе оған күдіктену бар болған кезде емдеуді тоқтату және медициналық жәрдем алуға жүгіну қажет. Дәрілік препаратты шамадан тыс пайдаланудан туындаған бас ауыру диагнозына күдіктену, бастың ауыруына дәрілік заттарды ұдайы қабылдағанына (немесе салдарынан) қарамастан, бас ауыру жиі немесе күн сайын болатын пациенттерде туындайды. Жалпы алғанда, анальгетиктерді, әсіресе ауыруды басатын бірнеше дәрілерді дағдылы қабылдау бүйрек функциясының жеткіліксіздігі қаупі бар бүйректің қайтымсыз зақымдануына (анальгетикалық нефропатияға) әкелуі мүмкін. Алкогольмен бір мезгілде ҚҚСД қабылдау белсенді заттардың, әсіресе асқазан-ішек жолына немесе орталық жүйке жүйесіне жағымсыз әсерін күшейтуі мүмкін. Арнайы ескертулер Лактоза Препараттың құрамында лактоза моногидраты бар, осыған байланысты тұқым қуалайтын галактоза жақпаушылығы, Lapp (ЛАПП)-лактаза ферменті тапшылығы, глюкоза-галактоза мальабсорбциясы бар адамдарға қолдануға болмайды. Педиатрияда қолдану Егер жасөспірімдерге бұл дәрілік затты 3 күннен артық қолдану қажет болса немесе симптомдар нашарласа, дәрігермен кеңесу керек. 18 жасқа дейінгі балаларға қолданылмайды. Сусызданған кезде жасөспірімдерде бүйректің зақымдану қаупі бар.

Простагландин синтезін тежеу жүктілік кезінде және/немесе эмбрион мен ұрықтың дамуына теріс әсер етуі мүмкін. Эпидемиологиялық зерттеулер деректері жүктіліктің ерте кезеңдерінде простагландиндер синтезі тежегішін қолданғаннан кейін түсік болуы, жүрек ақауларының дамуы мен гастрошизис қаупінің жоғарылағанын көрсетеді. Жүрек-қантамыр ақауларының абсолюттік даму қаупі 1%-дан азынан шамамен 1,5% дейін жоғарылаған. Қауіп дозаның және ем ұзақтығының артуымен жоғарылайды деп саналады. Сонымен қатар, органогенетикалық кезеңде простагландин синтезінің тежегішін қабылдағандарда әртүрлі ақаулардың, соның ішінде жүрек-қантамырлар аурулары жиілігінің жоғарылауы туралы хабарланды. Жүктіліктің 20-шы аптасынан бастап ибупрофенді қолдану шарана бүйрек функциясының бұзылуына байланысты су аздығын тудыруы мүмкін. Бұл емдеуді бастағаннан кейін көп ұзамай пайда болуы мүмкін және әдетте емдеуді тоқтатқаннан кейін қайтымды болады.Сонымен қатар, екінші триместрде емдеуден кейін артериялық түтіктің пайда болуы туралы хабарламалар болды, олардың көпшілігі емдеуді тоқтатқаннан кейін қайтқан. Осылайша, жүктіліктің бірінші және екінші триместрінде ибупрофенді нақты қажеттіліксіз тағайындауға болмайды. Егер жүкті болғысы келіп жүрген әйел немесе жүктіліктің бірінші және екінші триместрінде ибупрофенді қолданса, мүмкіндігінше төмен дозаны ұстаған жөн, ал емдеу ұзақтығы мүмкіндігінше қысқа болуы керек. Жүктіліктің 20-шы аптасынан бастап бірнеше күн бойы әсер еткеннен кейін су аздығына және артериялық түтіктің тарылуына антенатальды мониторинг жүргізу мүмкіндігін қарастырған жөн. Егер су аздығы немесе артериялық түтіктің тарылуы анықталса, емдеуді тоқтату керек. Жүктіліктің үшінші триместрінде простагландин синтезінің кез келген тежегіштері шаранаға жағымсыз әсер етіп, мыналарға әкелуі мүмкін: - жүрек-өкпе уыттылығы (артериялық түтіктің мерзімінен бұрын тарылуымен/жабылуымен және өкпе гипертензиясымен) - бүйрек функциясының бұзылуы. Жүктілік соңында простагландиндер синтезінің тежегіштерін қабылдау ана мен нәрестеде мынадай жағдайлардың дамуына әкелуі ықтимал: - қан кету уақытының ұзаруы, тіптен өте төмен дозада антиагрегациялық әсерінің дамуы; - жатыр бұлшықетінің жиырылуын тежеу, бұл босану әрекетінің кідіріп басталуына және босану ұзақтығының артуына әкеледі. Осының салдарынан ибупрофенді жүктіліктің үшінші триместрінде қолдануға болмайды. Шектеулі зерттеулерде ибупрофен және оның метоболиттері емшек сүтінде өте төмен концентрацияда кездеседі және емшек сүтімен қоректенетін нәрестеге жағымсыз әсер етуі ықтималдығы аз. Осы уақытқа дейін жаңа туған нәрестелер үшін жағымсыз әсерлер туралы ақпарат болмағандықтан, әдетте, емшек емізуді тоқтатудың қысқа мерзімді емі қажет емес. Дәрілік заттың көлік құралдарын немесе қауіптілігі зор механизмдерді басқару қабілетіне әсер етуі Ибупрофен қабылдаған кезде бас айналуды, ұйқышылдықты, мәңгіруді немесе көру қабілетінің бұзылуын байқаған пациенттер көлік жүргізуден немесе қауіптілігі зор механизмдерді басқарудан аулақ болу керек.

Ибупрофенді мынадай дәрілік заттармен бір мезгілде қолданудан аулақ болу керек: Ацетилсалицил қышқылы (аспирин) Ибупрофеннің ацетилсалицил қышқылымен біріктірілген емі жағымсыз реакциялар даму қаупінің жоғарылауына байланысты ұсынылмайды. Ерекшелігі - дәрігердің ұсынысы бойынша аспириннің төмен дозаларын (тәулігіне 75 мг аспайтын) тағайындау. Ибупрофен бір мезгілде қабылданған аспирин төмен дозаларының тромбоциттер агрегациясына әсерін тежеуі мүмкін. Тұрақты қолданбағанда мұндай клиникалық маңызды әсерінің ықтималдығы аз. Басқа ҚҚСП, оның ішінде ЦОГ-2селективті тежегіштері Жағымсыз реакциялар пайда болу қаупінің жоғарылауына байланысты ҚҚСП тобынан екі немесе одан да көп препараттарды бір мезгілде қолданудан аулақ болу керек. Ибупрофенді келесі дәрілік заттармен біріктіргенде сақтықпен қолдану керек: Кортикостероидтар АІЖ ойық жарасы пайда болуы мен асқазан-ішектен қан кету қаупінің жоғарылауы. Антикоагулянттар ҚҚСП антикоагулянттардың әсерін күшейтуі мүмкін, мысалы, варфарин. Антиагреганттар және серотонинді кері қармаудың селективті тежегіштері Асқазан-ішектен қан кету қаупінің жоғарылауы. Гипертензияға қарсы дәрілер (AӨФ тежегіштері және ангиотензин II антагонистері) және диуретиктер ҚҚСП осы топтардағы препараттардың тиімділігін төмендетуі мүмкін. Бүйрек функциясы бұзылған кейбір пациенттерде (мысалы, сусыздануы бар пациенттер немесе бүйрек функциясы бұзылған егде жастағы пациенттер) ибупрофенді АӨФ тежегіштерімен немесе ангиотензин II антагонистерімен және циклооксигеназаны тежейтін дәрілік заттармен бірге қабылдау бүйрек функциясының одан әрі нашарлауына, соның ішінде әдетте қайтымды болатын жедел бүйрек жеткіліксіздігіне әкелуі мүмкін. Бұл өзара әрекеттесулерді коксибті АӨФ тежегіштерімен немесе ангиотензин II антагонистерімен бір мезгілде қабылдайтын пациенттерде ескерген жөн. Осылайша, препараттар біріктірілмін сақтықпен қабылдау керек; бұл әсіресе егде жастағы пациенттерге қатысты. Пациенттерде оңтайлы су теңгерімінің сақталуын қадағалап қатар жүретін ем басталғаннан кейін және одан әрі мезгіл-мезгіл бүйрек функуиясын тексеріп отыру қажет. Диуретиктер Препараттардың тиімділігін төмендету. Диуретиктер ҚҚСП нефроуыттылығы қаупін арттыруы мүмкін. Жүрек гликозидтері ҚҚСП және жүрек гликозидтерін бір мезгілде тағайындау жүрек жеткіліксіздігінің өршуіне, шумақтық сүзіліс жылдамдығының төмендеуіне және қан плазмасында жүрек гликозидтері концентрациясының жоғарылауына әкелуі мүмкін. Литий препараттары ҚҚСП қолдану аясында қан плазмасындағы литий концентрациясының жоғарылау мүмкіндігі бар. Метотрексат ҚҚСП қолдану аясында қан плазмасындағы метотрексат концентрациясының жоғарылау мүмкіндігі бар. Циклоспорин Нефроуыттылық қаупінің артуы. Мифепристон ҚҚСП қабылдауды мифепристонды қабылдағаннан кейін 8-12 күннен ерте бастамау керек, өйткені ҚҚСП мифепристонның тиімділігін төмендетуі мүмкін. Такролимус ҚҚСП және такролимусты бір мезгілде тағайындаған кезде нефроуыттылық қаупінің артуы мүмкін. Зидовудин ҚҚСП мен зидовудинді бір мезгілде қолдану гематоуыттылықтың жоғарылауына әкелуі мүмкін. Зидовудинмен және ибупрофенмен бірге ем қабылдаған гемофилиясы бар АИТВ-оң пациенттерде гемартроз және гематомалардың даму қаупі бар. Хинолон қатарындағы антибиотиктер ҚҚСП және хинолонды қатардағы антибиотиктермен бірге ем алатын пациенттерде құрысулардың пайда болу қаупі артуы мүмкін. Аминогликозидтер Ибупрофен аминогликозидтердің шығарылуын төмендетуі мүмкін. Пробенецид Метаболизмнің төмендеуі және ҚҚСП мен метаболиттердің шығарылуы. Пероральді гипогликемиялық дәрілер Сульфонилмочевина препараттары метаболизмінің тежелуі, жартылай шығарылу кезеңінің ұзаруы және гипогликемияның күшеюі. Ибупрофенді сульфонилмочевина туындыларымен бір мезгілде сақтық шарасы ретінде қолданғанда қандағы қант деңгейін үнемі бақылау қажет.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 °C-ден аспайтын температурада сақтау керек. Балалардың қолы жетпейтін жерде сақтау керек!